2018 წლის აპრილ-მაისში გასამართი საქართველოს პარლამენტის და ადგილობრივი თვითმმართველობის წარმომადგენლობითი ორგანოს-საკრებულოს შუალედური არჩევნებისთვის ზოგიერთი საარჩევნო პროცედურისა და ვადის განსაზღვრის შესახებ

საქართველოს ორგანული კანონის „საქართველოს საარჩევნო კოდექსი” მე-14 მუხლის მე-3 პუნქტის, 30-ე მუხლის მე-2 და მე-3 პუნქტებისა და 77-ე მუხლის მე-5 პუნქტის საფუძველზე, საქართველოს ცენტრალური საარჩევნო კომისია ადგენს:

საქართველოს პარლამენტის 2018 წლის 28 აპრილის შუალედური არჩევნებისათვის რეგისტრირებული სადამკვირვებლო ორგანიზაციები რეგისტრირებულად ჩაითვალონ ადგილობრივი თვითმმართველობის წარმომადგენლობითი ორგანოს – საკრებულოს 2018 წლის 13 მაისის შუალედური არჩევნებისთვისაც, თუ კი, რეგისტრირებული სადამკვირვებლო ორგანიზაცია, ამ არჩევნების დაკვირვების სურვილის თაობაზე წერილობით განაცხადებს შესაბამის საარჩევნო კომისიაში, საქართველოს ორგანული კანონით „საქართველოს საარჩევნო კოდექსი” განსაზღვრულ ვადაში.

სადამკვირვებლო ორგანიზაციების მიერ ორივე სახის შუალედური არჩევნებისათვის რეგისტრაციაში გატარების მიზნით, განცხადებით მომართვის შემთხვევაში, რეგისტრაციაში გასატარებლად საკმარისია წესდების ან სადამფუძნებლო დოკუმენტის დამოწმებული ასლის ერთი ეგზემპლარის წარმოდგენა.

ეს დადგენილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კმ. №6) მისი მიღებიდან 2 კალენდარული დღის ვადაში.

ეს დადგენილება ამოქმედდეს გამოქვეყნებისთანავე.