„აწარმოე საქართველოში“ სახელმწიფო პროგრამის მიკრო და მცირე მეწარმეობის ნაწილის ჩატარების ეტაპების და ვადების დამტკიცების შესახებ“ საჯარო სამართლის იურიდიული პირის - აწარმოე საქართველოში დირექტორის 2017 წლის 15 მაისის №ს-6 ბრძანებაში ცვლილების შეტანის შესახებ

საჯარო სამართლის იურიდიული პირის – „აწარმოე საქართველოში“

დირექტორის

ბრძანება №ს-19

2017 წლის 22 აგვისტო

ქ. თბილისი

„აწარმოე საქართველოში“ სახელმწიფო პროგრამის მიკრო და მცირე მეწარმეობის ნაწილის ჩატარების ეტაპების და ვადების დამტკიცების შესახებ“ საჯარო სამართლის იურიდიული პირის – „აწარმოე საქართველოში“ დირექტორის 2017 წლის 15 მაისის №ს-6 ბრძანებაში ცვლილების შეტანის შესახებ

საქართველოს ზოგადი ადმინისტრაციული კოდექსის 63-ე მუხლის, საქართველოს ეკონომიკისა და მდგრადი განვითარების მინისტრის 2017 წლის 29 მაისის №11/217 ბრძანებით დამტკიცებული „საჯარო სამართლის იურიდიული პირის – „აწარმოე საქართველოში“ დებულების“ მე­3 მუხლის მე­3 პუნქტის „კ“ ქვეპუნქტის, საქართველოს ეკონომიკისა და მდგრადი განვითარების მინისტრის 2017 წლის 12 აპრილის №1-1/158 ბრძანებით შექმნილი კომისიის 2017 წლის 1 აგვისტოს №2 სხდომის ოქმისა და საჯარო სამართლის იურიდიული პირის – „აწარმოე საქართველოში“ მეწარმეობის ხელშეწყობის დეპარტამენტის უფროსის ო. ანთიას 2017 წლის 21 აგვისტოს №582-04/EG მოხსენებითი ბარათის საფუძველზე, ვ   ბ   რ   ძ   ა   ნ   ე   ბ:

1. „აწარმოე საქართველოში“ სახელმწიფო პროგრამის მიკრო და მცირე მეწარმეობის ნაწილის ჩატარების ეტაპების და ვადების დამტკიცების შესახებ“ საჯარო სამართლის იურიდიული პირის – „აწარმოე საქართველოში“ დირექტორის 2017 წლის 15 მაისის №ს-6 ბრძანებაში (შემდეგში – ბრძანება) შეტანილ იქნეს შემდეგი ცვლილებები:

1.1 ბრძანების 1-ლი პუნქტი ჩამოყალიბდეს შემდეგი რედაქციით:

„1. „აწარმოე საქართველოში“ სახელმწიფო პროგრამის მიკრო და მცირე მეწარმეობის ნაწილი (შემდეგში – პროგრამა) 2017 წელს განხორციელდეს ერთ ეტაპად.

1.2 ბრძანებას დაემატოს შემდეგი შინაარსის 1¹ პუნქტი:

„1¹. პროგრამის შეუფერხებლად და დროულად წარმართვის მიზნით, პროგრამა წარიმართოს ორ ნაწილად.“.

1.3 ბრძანების მე-2 პუნქტი ჩამოყალიბდეს შემდეგი რედაქციით:

„2. დამტკიცდეს პროგრამის ორივე ნაწილის ფარგლებში განსახორციელებელი აქტივობები და ამ აქტივობების მიმდინარეობის ვადები თანდართული სახით (დანართი №1, დანართი №2).“.

2. ბრძანების შესრულებაზე კონტროლი დაევალოს დირექტორის მოადგილეს ალექსანდრე ნასარიძეს.

3. ბრძანება ამოქმედდეს ხელმოწერისთანავე.

4. ბრძანება შეიძლება გასაჩივრდეს მისი გამოქვეყნებიდან ერთი თვის ვადაში საქართველოს ეკონომიკისა და მდგრადი განვითარების სამინისტროში (მის.: ქ. თბილისი, თ. ჭოველიძის №10ა).

სსიპ-ის „აწარმოე საქართველოში“ დირექტორი                                მარიანა მორგოშია

დანართი №1

დანართი № 2