სს „საქართველოს სახელმწიფო ელექტროსისტემის“ მიერ განსახორციელებელი ღონისძიების შესახებ

საქართველოს მთავრობის

განკარგულება №1639

2017 წლის 3 აგვისტო

ქ. თბილისი

სს „საქართველოს სახელმწიფო ელექტროსისტემის“ მიერ განსახორციელებელი ღონისძიების შესახებ

1. ელექტრომომარაგების გაუმჯობესებისა და ახალი მომხმარებლებისთვის ელექტროენერგიაზე ხელმისაწვდომობის ამაღლების, კერძოდ, პოტენციური აბონენტებისთვის ელექტროენერგიის გამანაწილებელ ქსელზე მიერთების შესაძლებლობის გაზრდის მიზნით, სს „საქართველოს სახელმწიფო ელექტროსისტემამ“ უზრუნველყოს ტაბახმელაში არსებული 110/35/10 კვ ქვესადგურიდან გამავალი 10 კვ ძაბვის ელექტროგადამცემი ხაზის მოკლე ვადებში მშენებლობის მიზნით საჭირო საპროექტო და სამშენებლო სამუშაოების შესყიდვა.

2. საქართველოს ეკონომიკისა და მდგრადი განვითარების სამინისტრომ„საქართველოს 2017 წლის სახელმწიფო ბიუჯეტის შესახებ“ საქართველოს კანონით მისთვის გამოყოფილი ასიგნებებიდან უზრუნველყოს 600 000 (ექვსასი ათასი ) ლარის გამოყოფა და სს „საპარტნიორო ფონდის“ კაპიტალში შეტანა, შემდგომში სს „საქართველოს სახელმწიფო ელექტროსისტემის“ (ს/კ:204995176) კაპიტალის გაზრდის მიზნით, ამ განკარგულების პირველი პუნქტით განსაზღვრული საპროექტო და სამშენებლო სამუშაოებისშესყიდვისათვის .

პრემიერ-მინისტრი                         გიორგი კვირიკაშვილი