დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
საქართველოს მთავრობას, სს „ელექტროენერგეტიკული სისტემის კომერციულ ოპერატორსა“ და სს „ალიანს ენერჯის“ შორის 2011 წლის 18 ნოემბერს დადებული ურთიერთგაგების მემორანდუმის თაობაზე | |
---|---|
დოკუმენტის ნომერი | 1625 |
დოკუმენტის მიმღები | საქართველოს მთავრობა |
მიღების თარიღი | 03/08/2017 |
დოკუმენტის ტიპი | საქართველოს მთავრობის განკარგულება |
გამოქვეყნების წყარო, თარიღი | ვებგვერდი, 21/08/2017 |
სარეგისტრაციო კოდი | 000000000.00.003.024319 |
საქართველოს მთავრობის
განკარგულება №1625
2017 წლის 3 აგვისტო
ქ. თბილისი
საქართველოს მთავრობას, სს „ელექტროენერგეტიკული სისტემის კომერციულ ოპერატორსა“ და სს „ალიანს ენერჯის“ შორის 2011 წლის 18 ნოემბერს დადებული ურთიერთგაგების მემორანდუმის თაობაზე
1. ცნობად იქნეს მიღებული ინფორმაცია, საქართველოს ეკონომიკისა და მდგრადი განვითარების სამინისტროს სსიპ – ტექნიკური და სამშენებლო ზედამხედველობის სააგენტოს 2017 წლის 19 ივლისის №35-02 ბრძანების საფუძველზე, საქართველოს მთავრობას, სს „ელექტროენერგეტიკული სისტემის კომერციულ ოპერატორსა“ და სს „ალიანს ენერჯის“ შორის 2011 წლის 18 ნოემბერს დადებული ურთიერთგაგების მემორანდუმით განსაზღვრული „ნაბეღლავი ჰესის“ მშენებლობის დასრულებისა და ექსპლუატაციაში მიღების შესახებ.
2. ამ განკარგულების პირველი პუნქტის გათვალისწინებით, საქართველოს ენერგეტიკის სამინისტრომ უზრუნველყოს, ურთიერთგაგების მემორანდუმის ფარგლებში, სს „AE-SGI Energy I“-ის მიერ საქართველოს მთავრობის სასარგებლოდ წარდგენილი საბანკო გარანტიის (№2738-04/16, გაცემული სს „ბანკი ქართუს“ მიერ, 680,000.00 აშშ დოლარის ოდენობით) გამცემი ბანკისთვის დაბრუნება სრული ოდენობით.
3. ამ განკარგულების მე-2 პუნქტით განსაზღვრული საბანკო გარანტიის დაბრუნების თაობაზე გარანტიის გამცემ ბანკში წარსადგენ შესაბამის წერილზე საქართველოს მთავრობის სახელით ხელმოწერის უფლებამოსილება მიენიჭოს საქართველოს ენერგეტიკის მინისტრს, ილია ელოშვილს.
პრემიერ-მინისტრი გიორგი კვირიკაშვილი
დოკუმენტის კომენტარები