”ბოლნისის მუნიციპალიტეტის 2017 წლის ადგილობრივი ბიუჯეტის დამტკიცების შესახებ” ბოლნისის მუნიციპალიტეტის საკრებულოს 2016 წლის 19 დეკემბრის №48 დადგენილებაში ცვლილების შეტანის თაობაზე

მუხლი 2. მუნიციპალიტეტის ბიუჯეტის შემოსულობები, გადასახდელები და ნაშთის ცვლილება

განისაზღვროს მუნიციპალიტეტის ბიუჯეტის შემოსულობები, გადასახდელები და ნაშთის ცვლილება თანდართული რედაქციით:

მუხლი 3. ბოლნისის  მუნიციპალიტეტის ბიუჯეტის შემოსავლები

განისაზღვროს მუნიციპალიტეტის ბიუჯეტის შემოსავლები 20,130,5 ათ. ლარის ოდენობით:

მუხლი  4. მუნიციპალიტეტის ბიუჯეტის გადასახადები

მუხლი  5. მუნიციპალიტეტის ბიუჯეტის გრანტები

განისაზღვროს მუნიციპალიტეტის ბიუჯეტის გრანტები 1,686.0 ათ. ლარის ოდენობით:

მუხლი 6. მუნიციპალიტეტის ბიუჯეტის  სხვა შემოსავლები

განისაზღვროს მუნიციპალიტეტის ბიუჯეტის სხვა შემოსავლები 14,744,5 ათ. ლარის ოდენობით:

მუხლი 7. მუნიციპალიტეტის ბიუჯეტის ხარჯები

განისაზღვროს მუნიციპალიტეტის ბიუჯეტის ხარჯები 14,772.8 ათ. ლარის ოდენობით, თანდართული რედაქციით:

მუხლი 8. მუნიციპალიტეტის ბიუჯეტის არაფინანსური აქტივების ცვლილება

 განისაზღვროს მუნიციპალიტეტის ბიუჯეტის არაფინანსური აქტივების ცვლილება 4,304.9 ათ. ლარის ოდენობით, მათ შორის: 

ა) განისაზღვროს მუნიციპალიტეტის ბიუჯეტის არაფინანსური აქტივების ზრდა 4,554.9 ათ. ლარის ოდენობით, თანდართული რედაქციით:                                               

ბ) განისაზღვროს მუნიციპალიტეტის ბიუჯეტის არაფინანსური აქტივების კლება 50,0 ათ. ლარის ოდენობით, მათ შორის:

მუხლი 9. მუნიციპალიტეტის ბიუჯეტის ხარჯებისა და არაფინანსური აქტივების ზრდის ფუნქციონალური კლასიფიკაცია

განისაზღვროს მუნიციპალიტეტის ბიუჯეტის ხარჯებისა და არაფინანსური აქტივების ზრდა ფუნქციონალურ ჭრილში, თანდართული რედაქციით:

მუხლი 10. მუნიციპალიტეტის ბიუჯეტის მთლიანი სალდო

1. ბოლნისის მუნიციპალიტეტის ადგილობრივი ბიუჯეტის მთლიანი სალდო განისაზღვროს 1052.8 ათ. ლარის ოდენობით.

მუხლი 11. მუნიციპალიტეტის ბიუჯეტის ვალდებულებების ცვლილება

1. განისაზღვროს ბოლნისის მუნიციპალიტეტის ბიუჯეტის ვალდებულებების ცვლილება -1332.0 ათ. ლარის ოდენობით.

2. განისაზღვროს ბოლნისის მუნიციპალიტეტის ბიუჯეტის ვალდებულებების კლება 1332.0 ათ. ლარის ოდენობით.

მუხლი 12. მუნიციპალიტეტის ბიუჯეტის სარეზერვო ფონდი

1. ბოლნისის მუნიციპალიტეტის 2017 წლის ბიუჯეტით საგანგებო ან/და გაუთვალისწინებელი ღონისძიებების დაფინანსების მიზნით, შეიქმნეს სარეზერვო ფონდი და განისაზღვროს 250,0 ათასი ლარის ოდენობით, რომელსაც განკარგავს ბოლნისის მუნიციპალიტეტის გამგებელი, საქართველოს ორგანული კანონის „ადგილობრივი თვითმმართველობის კოდექსი“ და საქართველოს საბიუჯეტო კოდექსით დადგენილი წესის შესაბამისად, ხოლო თანხების გამოყოფა განხორციელდეს ბოლნისის მუნიციპალიტეტის გამგებლის ბრძანების საფუძველზე.

მუხლი 13. სახელმწიფო ბიუჯეტიდან მიღებული მიზნობრივი ტრანსფერი

1. დელეგირებული უფლებამოსილებების განსახორციელებლად სახელმწიფო ბიუჯეტიდან მიღებული მიზნობრივი ტრანსფერი, 305,0 ათასი ლარი მიიმართოს: 

ა) „საზოგადოებრივი ჯანმრთელობის შესახებ“ საქართველოს კანონით განსაზღვრული უფლებამოსილების განხორციელებისათვის 170,0 ათასი ლარის ოდენობით;

ა.ა) ააიპ ბოლნისის მუნიციპალიტეტის დაავადებათა აღრიცხვის კონტროლის, საზოგადოებრივი ჯანდაცვისა და პრევენციული მედიცინის ცენტრის მიერ 2017 წელს განსახორციელებელი; სავალდებულო ღონისძიებები ადგილობრივი დელეგირებული უფლებამოსილებისათვის 116.0 ათასი ლარის ოდენობით;

ა.ბ) შპს დეზე-ეფექტის მიერ განსახორციელებელი ბოლნისის მუნიციპალიტეტის ტერიტორიაზე დაავადებების გავრცელების პრევენციის მიზნით გასატარებელი სადერატიზაციო, სადეზინსექციო და სადეზინფექციო სამუშაოების უფლებამოსილებისათვის 54.0 ათასი ლარის ოდენობით;

ბ) „სამხედრო ვალდებულებისა და სამხედრო სამსახურის შესახებ“ და „სამხედრო სარეზერვო სამსახურის შესახებ“ საქართველოს კანონებით განსაზღვრული უფლებამოსილების განხორციელებისათვის 132,00 ათასი ლარის ოდენობით;

გ) „სამშობლოს დაცვისას დაღუპულთა და ომის შემდეგ გარდაცვლილ მეომართა ხსოვნის უკვდავყოფის შესახებ“ საქართველოს კანონისა და „იძულებით გადაადგილებულ პირთა − დევნილთა შესახებ“ საქართველოს კანონით განსაზღვრული უფლებამოსილების განხორციელებისათვის 3,0 ათასი ლარის ოდენობით.

2 „საქართველოს საბიუჯეტო კოდექსის“ 69-ე მუხლის საფუძველზე წლის განმავლობაში შესაძლებელია დელეგირებული უფლებამოსილებების განსახორციელებლად გამოყოფილი მიზნობრივი ტრანსფერის ამ მუხლის პირველი პუნქტით განსაზღვრულ ღონისძიებებს შორის ურთიერთგადანაწილება.

თავი II

ბოლნისის მუნიციპალიტეტის ბიუჯეტის პრიორიტეტები და პროგრამები

მუხლი 14. ბოლნისის მუნიციპალიტეტის ბიუჯეტით განსაზღვრული პრიორიტეტების, პროგრამებისა და ქვეპროგრამების აღწერა, მოსალოდნელი შედეგები და შეფასების კრიტერიუმები

2. ინფრასტრუქტურის მშენებლობა, რეაბილიტაცია და ექსპლოატაცია. (პროგრამული კოდი 02 00)

მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება და აღნიშნული მიმართულება ბოლნისის მუნიციპალიტეტის ბიუჯეტის ერთ-ერთ მთავარ პრიორიტეტს წარმოადგენს. აქედან გამომდინარე 2017 წლის განმავლობაში გაგრძელდება საგზაო ინფრასტრუქტურის მშენებლობა-რეაბილიტაცია, გარე განათების მშენებლობა-ექსპლუატაცია, საკანალიზაციო და ჩამდინარე წყლების სისტემების მშენებლობა-რეაბილიტაცია, გარემოს დაცვის ღონისძიებები, მაღალსართულიანი საცხოვრებელი კორპუსების სახურავების რეაბილიტაცია, სასაფლაოების მოვლა, შადრევნების, სპორტული მოედნების და დასვენების პარკის მშენებლობა-რეაბილიტაცია.

2.1.საგზაო ინფრასტრუქტურის მშენებლობა-რეაბილიტაცია და ექსპლუატაცია. (პროგრამული კოდი 02 01)

მიუხედავად იმისა, რომ უკანსკნელი წლების მანძილზე მუნიციპალიტეტში აქტიურად ხორციელდება მასშტაბური სამუშაოები ინფრასტრუქტურის მოწესრიგების კუთხით, გრძელვადიანი საჭიროებებიდან გამომდინარე მაინც არის მნიშვნელოვანი სამუშაოების განხორციელების აუცილებლობა. ქალაქის ქუჩების ზოგიერთი ნაწილი საჭიროებს კაპიტალურ რეაბილიტაციას, ასევე მიმდინარედ შეკეთებით სამუშაოებს ითხოვს ბოლო წლების მანძილზე რეაბილიტირებული ქუჩების ნაწილი. მუნიციპალიტეტში საგზაო მოძრაობის ხარისხის გაუმჯობესების, საგზაო მოძრაობის ორგანიზებისა და უსაფრთხოების, სატრანსპორტო და ქვეითთა ნაკადის უსაფრთხოდ გადაადგილების მიზნით, საჭიროა საგზაო ინფრასტრუქტურის ეტაპობრივი მოწესრიგება. პროგრამა ითვალისწინებს მუნიციპალიტეტში გზის საფარის მიმდინარე და კაპიტალური შეკეთებისა და მშენებლობის სამუშაოების ჩატარებას, მათ შორის: გზების მიმდინარე (ორმოული) და ფრაგმენტული შეკეთება; გზების ქვიშა-ხრეშოვანი მასალით მოწყობა; ქუჩების ტროტურების მიმდინარე კაპიტალური შეკეთება; გზებზე ასფალტ/ბეტონის დაზიანებულ მონაკვეთებზე ბზარების დამუშავება; პროგრამის მიზანია საავტომობილო გზებზე მგზავრთა შეუფერხებელი და უსაფრთხო გადაადგილების უზრუნველყოფა, გზების ტექნიკური მდგომარეობის გაუმჯობესება, რაც ხელს შეუწყობს ქუჩებისა და გზების განტვირთვას სატრანსპორტო ნაკადებისაგან და ავტოტრანსპორტის შეუფერხებელ მოძრაობას.

მოსალოდნელი შედეგები :

· მოდერნიზებული და რეაბილიტირებული საგზაო ინფრასტრუქტურა ;

·მოსახლეობის ეკონომიკური საქმიანობისთვის ხელსაყრელი სატრანსპორტო მიმოსვლა ;

· მგზავრთა შეუფერხებელი , კომფორტული და უსაფრთხო გადაადგილება ;

· გაუმჯობესებული საგზაო ინფრასტრუქტურა , მეტი რეაბილიტირებული გზა ;

· ორმულად შეკეთებული და მოვლილი გზები :

შედეგების შეფასების ინდიკატორები :

· საერთაშორისო სტანდარტებთან შესაბამისი საავტომობილო გზების მახასიათებლები ;

· საგზაო შემთხვევების შემცირებული რაოდენობა ;

· გადაადგილების დრო და სატრანსპორტო ხარჯები ;

· რეაბილიტირებული და ახალი გზების რაოდენობა ;

· მოსახლეობის კმაყოფილების მაჩვენებელი .

 2.2. კომუნალური ინფრასტრუქტურის მშენებლობა-რეაბილიტაცია და ექსპლოატაცია. (პროგრამული კოდი 02 02)

პროგრამის ფარგლებში განხორციელდება მუნიციპალიტეტის ტერიტორიაზე გარე განათების ქსელის მშენებლობა-ექსპლუატაცია , სარწყავი არხების, საკანალიზაციო, სასმელი წყლის და სანიაღვრე სისტემების მშენებლობა-რეაბილიტაცია, გარემოს დაცვის ღონისძიებები: საყოფაცხოვრებო ნარჩენების შეგროვება-გატანა, ქვეწარმავლების და მაწანწალა ცხოველების დასახლებული პუნქტებიდან გადაყვანა, მრავალბინიანი საცხოვრებელი კორპუსების სახურავების რეაბილიტაცია, სასაფლაოების მოვლა. 

მოსალოდნელი შედეგები:

· განათებული მუნიციპალიტეტი;

· გაუმჯობესებული კომუნალური ინფრასტრუქტურა;

· გაუმჯობესებული სანიტარიული პირობები;

· სანიაღვრე ქსელის გამართული ფუნქციონირება;

·დატბორილი ადგილების აღმოფხვრა, ტრანსპორტის შეუფერხებლად ფუნქციონირებისთვის;

· დედაქალაქში სანიტარიული წესრიგის შენარჩუნება;

· ეპიდემიური დაავადებების გავრცელების თავიდან აცილება;

· ქუჩებისა და მოედნების დაგვა-დასუფთავება და ნარჩენებისაგან გაწმენდა.

შედეგების შეფასების ინდიკატორები:

· ექსპლუატაციაში არსებული სანათი წერტილების რაოდენობა;

· რეაბილიტირებული კომუნალური ინფრასტრუქტურული ობიექტების რაოდენობა;

· გატანილი ნარჩენების რაოდენობა;

· გაწმენდილი და გასუფთავებული სანიაღვრე მილების, კოლექტორების და წვიმმიმღები ჭების რაოდენობა;

· განათებული ქუჩების რაოდენობა და განათების ინტენსიობა;

· გატანილი ნარჩენების რაოდენობა;

· დასუფთავებული ტერიტორიის ფართობი.

2.2.1. სარწყავი არხების რეაბილიტაცია და ექსპლოატაცია (პროგრამული კოდი 02 02 01)

ქვეპროგრამის ფარგლებში მუნიციპალიტეტში განხორციელდება სარწყავი არხების მოწყობა-რეაბილიტაცია.

2.2.2. სასმელი წყლით მომარაგების სამუშაოები (პროგრამული კოდი 02 02 02)

ქვეპროგრამის ფარგლებში განხორციელდება მუნიციპალიტეტის არსებული წყლის რეზერვუარების გაწმენდა-შეკეთება და რეაბილიტაცია, სოფლის მოსახლეობისთვის სასმელი წყლის მიწოდება, არსებული მატერიალურ-ტექნიკური ბაზის მოვლა-პატრონობა; სასმელი წყლის ჭაბურღილების მოწყობა, მუნიციპალიტეტის სოფლებში სასმელი წყლის მაგისტრალებზე მიმდინარე სარემონტო სამუშაოების შესრულება და გამრიცხველიანება, რეზერვუარების რეცხვა-დასუფთავება, დეზინფექცია;

2.2.3. გარე განათების მოწყობა, რეაბილიტაცია და ექსპლოატაცია (პროგრამული კოდი 02 02 03)

 ქვეპროგრამა ითვალისწინებს მუნიციპალიტეტში გარე განათების არსებული ქსელის განათებასა და ქალაქის ღირსშესანიშნაობათა მხატვრულ მინათებას. გარე განათების ქსელის რეკონსტრუქციას და სწორ ექსპლოატაციას. ქალაქის გარე განათების ქსელის ექსპლოატაციისა და რეაბილიტაციის ქვეპროგრამის ფარგლებში მოხდება: გარე განათების ქსელის ცენტრალიზებული მართვის სისტემების სრულყოფა; გარე განათებისა და სკვერების განათების ბოძების დიზაინის გაუმჯობესება. ელექტროუსაფრთხოების ღონისძიებების რეგულარული გატარება, ღამის პერიოდში მოსახლეობის კომფორტული და უსაფრთხო გადაადგილებისათვის, ისტორიული ძეგლებისა და ტაძრების ფასადების, სკვერებისა და ბულვარების განათებისთვის აუცილებელ პირობას წარმოადგენს მუნიციპალიტეტის ტერიტორიის გარე განათება.

2.2.4. დასუფთავების ღონისძიებები (პროგრამული კოდი 02 02 04)

მუნიციპალიტეტის ერთ-ერთ მთავარ ფუნქციას წარმოადგენს კეთილსაიმედო სანიტარიული მდგომარეობის უზრუნველყოფა, შესაბამისად ქვეპროგრამის ფარგლებში გათვალისწინებულია მუნიციპალიტეტის ყოველდღიური დაგვა-დასუფთავება და ნარჩენების გატანა. ასევე გარე ქსელის ბუნკერების საყოფაცხოვრებო ნარჩენებისგან გათავისუფლება. ზამთრის პერიოდში დიდთოვლიანობის დროს განხორციელდება ჭარბი თოვლისგან გათავისუფლება. მუნიციპალიტეტში მაწანწალა ცხოველების არსებობა სხვადასხვა ვირუსული დაავადების და ცოფის გავრცელების ძირითად საფრთხეს წარმოადგენს, რისი გათვალისწინებითაც ქვეპროგრამის ფარგლებში განხორციელდება ცხოველების დაჭერა და მათი გადაყვანა სპეციალიზებულ თავშესაფარში, რითაც უზრუნველყოფილი იქნება მათი რაოდენობის მინიმუმამდე დაყვანა და შესაძლო საფრთხეების თავიდან აცილება. მოსახლეობის უსაფრთხოების მიზნით მუნიციპალიტეტის მიერ დაფინასდება დასახლებულ პუნქტებში ქვეწარმავლების დაჭერა - უსაფრთხო ადგილზე გაყვანის მომსახურება.

2.2.5. საკანალიზაციო სისტემების მოწყობა და რეაბილიტაცია (პროგრამული კოდი 02 02 05)

ქვეპროგრამის ფარგლებში ბოლნისის მუნიციპალიტეტში განხორციელდება საკანალიზაციო სისტემის ექსპლოატაციისა და ჩამდინარე წყლების გადასამუშავებელი კოლექტორების, მილგაყვანილობის და წყალსაქაჩების დამონტაჟება - რეაბილიტაცია და გაწმენდა.

2.2.6. ბინათმშენებლობა (პროგრამული კოდი 02 02 06)

ქვეპროგრამა ითვალისწინებს საბინაო-საყოფაცხოვრებო პირობების გაუმჯობესებას. მუნიციპალიტეტში არის მრავალი ავარიული საცხოვრებელი სახლი, სხვადასხვა ფაქტორები (მ.შ. სტიქიური მოვლენები) რეალურ საფრთხეს უქმნის მობინადრეთა სიცოცხლეს. ამისათვის დაგეგმილია გადაუდებელი აუცილებლობით გამოწვეული ავარიული შენობების აღდგენა-რეაბილიტაცია, რაც მიზნად ისახავს ავარიული არასაცხოვრებელი და საცხოვრებელი სახლების შემცირებას. ავარიული შენობების ჩამოშლის საშიშროების თავიდან აცილების შედეგად მობინადრეთა უსაფრთხოების დაცვას. გასამაგრებელი შენობების პრიორიტეტულობა განისაზღვრება ტექნიკური მდგომარეობის ამსახველი დასკვნის საფუძველზე დადგენილი ავარიულობის სიმწვავის კატეგორიის მიხედვით. ქვეპროგრამის ფარგლებში დაგეგმილია მრავალბინიანი საცხოვრებელი კორპუსების სახურავების რეაბილიტაცია.

2.2.7. სარიტუალო მომსახურებისა და სასაფლაოების მოვლა-შენახვა (პროგრამული კოდი 02 02 07)

ქვეპროგრამის ფარგლებში განხორციელდება მუნიციპალიტეტის საკუთრებაში მყოფი რიტუალური სახლებისა და სასაფლაოების მოვლა-პატრონობა.

2.2.8. სანიაღვრე სისტემების მოწყობა (პროგრამული კოდი 02 02 08)

მუნიციპალიტეტის კომუნალური მეურნეობისათვის განსაკუთრებით დიდი მნიშვნელობა ენიჭება სანიაღვრე ქსელების და კოლექტორების მოვლა-პატრონობას, გარკვეული ნაწილის აღდგენა-რეაბილიტაციას და სარეკონსტრუქციო სამუშაოებს. სანიაღვრე ქსელებისა და კოლექტორების გარკვეული ნაწილი ამორტიზირებულია და მოითხოვს განახლებას, ხოლო ქსელების ნაწილი სარეკონსტრუქციოა, კვეთის სიმცირის გამო. პროგრამა ითვალისწინებს მუნიციპალიტეტში ქუჩების სანიაღვრე ქსელების მოვლა-პატრონობას (ექსპლოატაცია), მიმდინარე შეკეთებას, სანიაღვრე კოლექტორების, წვიმმიმღებების, საკონტროლო ჭების, გვერდმიმღებების მოწყობას, კიუვეტების გაწმენდას. პროგრამის მიზანია სანიაღვრე ქსელების ნორმალური ფუნქციონირება, სანიაღვრე ქსელების წესრიგში მოყვანა.

2.2.9. ნარჩენების შეგროვება (პროგრამული კოდი 02 02 09)

საერთაშორისო ორგანიზაციებიდან (GIZ) მიღებული გრანტის ფარგლებში გათვალისწინებულია მუნიციპალიტეტის ტერიტორიაზე პოლიეთილენის ბოთლების შეგროვება სპეციალიზებულ კონტეინერებში და შემდგომ დასაწყობება. 

2.2.10. კორპუსების მოვლა -პატრონობა (პროგრამული კოდი 02 02 10)

მუნიციპალიტეტში არსებული სოციალურ-ეკონომიკური მდგომარეობიდან გამომდინარე, ბინათმესაკუთრეთა ამხანაგობები ვერ ახორციელებენ ბინათმესაკუთრეთა ამხანაგობების საერთო ქონების დამოუკიდებელ მოვლა-პატრონობასა და განვითარებას. მრავალბინიანი საცხოვრებელი სახლის დაზიანებული სახურავი მთლიანად აზიანებს ჭერს და მაღალ სართულებზე განთავსებულ ბინებს. სადარბაზოების დაცულობისა და განათების კუთხით აუცილებელია შესაბამისი სამუშაოების ჩატარება. დაზიანებული წყალ-კანალიზაციის ქსელებიდან სარდაფებში ჩადინებული წყალი და ფეკალური მასები აზიანებენ კორპუსების საძირკვლებს და ქმნიან ანტისანიტარიას. დაზიანებული წყალსაწრეტი მილებისა და პარაპეტების გამო, ნალექით სველდება მთლიანი ფასადები, რაც იწვევს ნალესის ჩამოშლას და სახლები ავარიული ხდება. ყოველივე ზემოთ აღნიშნულის მოწესრიგების შემდეგ კომფორტული დასვენებისა და ბავშვების გართობისათვის აუცილებელია ძელსკამებისა და საბავშვო ატრაქციონების განთავსება ბინათმესაკუთრეთა ამხანაგობებისათვის ეზოებში.

2.3. მუნიციპალიტეტის კეთილმოწყობის ღონისძიებები (პროგრამული კოდი 02 03)

პროგრამის ფარგლებში განხორციელდება მუნიციპალიტეტში არსებული სკვერებისა და პარკების, მუნიციპალიტეტის გამწვანების, შადრევნების მოვლა-პატრონობის ღონისძიებები. 

 მოსალოდნელი შედეგები:

· მოსახლეობისათვის დასასვენებელი პირობების გაუმჯობესება;

· მოსახლეობისათვის უსაფრთხო და სასიამოვნო გარემოს შექმნა, საცხოვრებელი პირობების გაუმჯობესება;

· გაუმჯობესებული ინფრასტრუქტურა;

· ეკოლოგიური მდგომარეობის და მოსახლეობის საცხოვრებელი გარემოს გაუმჯობესება.

 შედეგების შეფასების ინდიკატორები:

· კეთილმოწყობილი სხვადასხვა ინფრასტრუქტურული ობიექტების რაოდენობა;

· რეაბილიტირებული და ახლად შექმნილი სარეკრეაციო ზონების რაოდენობა.

2.3.1. ქალაქის შემოსასვლელის, ქუჩების კეთილმოწყობა და ქალაქის ნაწილის რეაბილიტაცია (პროგრამული კოდი 02 03 01)

ქვეპროგრამის ფარგლებში განხორციელდება ქლაქის ქუჩების ქვიშა-ხრეშოვანი მასალით მოწყობა; ქუჩების ტროტუარების მიმდინარე კაპიტალური შეკეთება ქალაქის ინფრასტრუქტურული ნაწილის რეაბილიტაცია.

2.3.2. სკვერებისა და შადრევნების კეთილმოწყობა (პროგრამული კოდი 02 03 02)

ქვეპროგრამის ფარგლებში განხორციელდება სკვერების და შადრევნების მოწყობა/რეაბილიტაცია.

2.3.3. ცენტრალური პარკის მოვლა (პროგრამული კოდი 02 03 03)

ქვეპროგრამის ფარგლებში დაფინანსდება შპს „კულტურისა და დასვენების პარკი“, რომელიც

განახორციელებს არსებული პარკების მოვლა-პატრონობას.

2.3.4. ნარგავების მოვლა-პატრონობა, გამწვანება (პროგრამული კოდი 02 03 04)

აუცილებელია მუნიციპალიტეტის გამწვანება და ეკოსისტემის გაუმჯობესება, მოსახლეობისათვის ჯანსაღი და კომფორტული გარემოს შესაქმნელად. პროგრამის ფარგლებში განხორციელდება ქალაქის ტერიტორიაზე არსებული ბაღების, სკვერების, გაზონების, ფერდობების მოვლა-პატრონობა, ხე-მცენარეების, ბუჩქებისა და ყვავილების შეძენა, ხე-მცენარეების შეწამვლა, გასხვლა, სანაგვე ურნებისა და საბაღე სკამების აღდგენა, ქალაქში არსებულ სკვერებში განადგურებული მწვანე საფარის აღდგენა და დეკორატიული მცენარეების განაშენიანება, მწვანე საფარის მუდმივი განახლება.

2.4. სოფლის მხარდაჭერის პროგრამის ფარგლებში განსახორციელებელი ღონისძიებები (პროგრამული კოდი 02 04)

პროგრამის ფარგლებში ბოლნისის მუნიციპალიტეტის სოფლებში განხორციელდება ინფრასტრუქტურის მშენებლობა, რეაბილიტაცია და ექსპლუატაცია მოსახლეობის აზრის გათვალისწინებით.

მოსალოდნელი შედეგები:

· სოფლის მაცხოვრებელთა საყოფაცხოვრებო პირობების გაუმჯობესება.

შედეგების შეფასების ინდიკატორები:

· ახალი და რეაბილიტირებული ინფრასტრუქტურული ობიექტების რაოდენობა.

3. კულტურა, რელიგია, ახალგაზრდობის ხელშეწყობა და სპორტი (პროგრამული კოდი 03 00)

ინფრასტრუქტურული და ეკონომიკური განვითარების პარალელურად აუცილებელია ხელი შეეწყოს კულტურული ტრადიციების დაცვას და ღირსეულ გაგრძელებას. ამასთანავე, ერთ-ერთი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. კულტურის და ხელოვნების სფეროებში სხვადასხვა პროექტის შემუშავება, დაგეგმვა და მისი განხორციელების კოორდინაცია; ქართული ლიტერატურისა და ხელოვნების ტრადიციების დაცვა, განვითარება და პოპულარიზაცია კონკრეტული პროექტების განხორციელების გზით; ადგილობრივი მნიშვნელობის მუზეუმების და თეატრების ხელშეწყობა და სრულყოფილი ფუნქციონირებისათვის შესაბამისი პირობების შექმნა; სახელოვნებო განათლების და ხელოვნების დარგების პროგრამის ფარგლებში განსახორციელებელი პროექტების მხარდაჭერა; პრიორიტეტის ფარგლებში განსაკუთრებული ადგილი უკავია ახალგაზრდებში ცხოვრების ჯანსაღი წესის წახალისების მიზნით გასატარებელ ღონისძიებებს; სპორტის სხვადასხვა სახეობის, საქართველოს ასაკობრივი გუნდების მომზადებასა და საერთაშორისო სპორტულ ღონისძიებებში (მსოფლიოსა და ევროპის ჩემპიონატებში, სხვადასხვა საერთაშორისო ტურნირებში) მონაწილეობის ხელშეწყობას; სპორტული დაწესებულებების ბაზების თანამედროვე სტანდარტების დონეზე მოწყობას; მწვრთნელ-მასწავლებელთა და სპორტსმენთა სოციალური და მატერიალური პირობების გაუმჯობესებას; სპორტული მოედნების მშენებლობა-რეკონსტრუქცია; ახალგაზრდების სხვადასხვა ასპარეზზე მხარდაჭერას და მათი სამოქალაქო საზოგადოების აქტიურ წევრებად ჩამოყალიბების ხელშეწყობას. ასევე გაგრძელდება ბოლნისის ეპარქიის ფინანსური მხარდაჭერა ეკლესიების, მონასტრების რესტავრაცია და შემდგომი აღორძინებისათვის.

3.1. სპორტის განვითარების ხელშეწყობა(პროგრამული კოდი 03 01)

სპორტის სხვადასხვა სახეობების განვითარება - პოპულარიზაცია, ასაკობრივი გუნდების მზადება და მონაწილეობა საერთაშორისო და ადგილობრივ სპორტულ ღონისძიებებში (მსოფლიო, ევროპის და საქართველოს ჩემპიონატები, პირველობები, თასების გათამაშებები, მასობრივი სპორტული ღონისძიებები, საერთაშორისო ტურნირები, სასწავლო საწვრთნელი შეკრებები); მწვრთნელ-მასწავლებელთა და წარმატებული სპორტსმენი ბავშვების სოციალური და მატერიალური პირობების გაუმჯობესება; სპორტული ინფრასტრუქტურის შექმნა და რეაბილიტაცია, მატერიალურ-ტექნიკური მდგომარეობის გაუმჯობესება, სპორტული დანიშნულების ობიექტების, დარბაზებისა და სტადიონების შეკეთება, აღდგენა, მშენებლობა.

მოსალოდნელი შედეგები:

· ახალგაზრდებში ჯანსაღი ცხოვრების წესის დამკვიდრება;

· ნიჭიერი სპორტსმენი ახალგაზრდების გამოვლენა;

· გუნდების შევსება ახალგაზრდა პერსპექტიული სპორტსმენებით;

· მოსახლეობის ფართო მასების ჩაბმა სპორტულ გამაჯანსაღებელ ღონისძიებებში;

· სპორტული ინფრასტრუქტურის განვითარება;

· მატერიალურად წახალისებული და მოტივირებული მწვრთნელ-მასწავლებლები და ახალგაზრდა, პერსპექტიული სპორტსმენები.

 შედეგების შეფასების ინდიკატორები:

· ჩატარებული სპორტული ღონისძიებების რაოდენობა;

· სპორტულ ჯგუფებში ჩაბმულ ბავშვთა და მოზარდთა რაოდენობა;

· სხვადასხვა ტურნირზე წარმატებული სპორტსმენების რაოდენობა;

· პრიზიორთა რაოდენობა სხვადასხვა რანგის შეჯიბრებებზე;

· რეაბილიტირებული ინფრასტრუქტურული ობიექტები;

· თანამედროვე ინვენტარით აღჭურვილი სპორტული ობიექტების რაოდენობა.

3.1.1. სპორტული ორგანიზაციების ხელშეწყობა. (პროგრამული კოდი 03 01 01)

ქვეპროგრამა მოიცავს ა(ა)იპ „სკოლისგარეშე სასპორტო საგანმანათლებლო დაწესებულება – ბოლნისის სპორტულ-გამაჯანსაღებელი კომპლექსის, ა(ა)იპ „სკოლისგარეშე სასპორტო საგანმანათლებლო დაწესებულება – ბოლნისის ძიუდოს სკოლის, ა(ა)იპ ,,რაგბის კლუბი ბოლნისის“, ა(ა)იპ ბოლნისის მუნიციპალიტეტის საჭადრაკო სკოლა ,,ნონას“, საფეხბურთო კლუბი „სიონის“ დაფინანსებას, სადაც ფუნქციონირებს სპორტის სხვადასხვა სახეობის წრები და უზრუნველყოფს ამ სახეობების განვითარებას, მოზარდთა მაქსიმალური რაოდენობის ჩაბმას და მათთვის საწვრთნელი პირობების შექმნას.

3.1.2 სპორტული ღონისძიებები (პროგრამული კოდი 03 01 02)

ქვეპროგრამის მიზანია ქალაქში სპორტის განვითარება და სპორტსმენების კვალიფიკაციის ამაღლების უზრუნველყოფა. წლის განმავლობაში დაგეგმილი სხვადასხვა სპორტული ღონისძიებების ჩატარება უზრუნველყოფს პერსპექტიული სპორტსმენების აღმოჩენას, წახალისებას, ახალგაზრდობის დაინტერესების ზრდას სპორტში, ცხოვრების ჯანმრთელი წესის დამკვიდრებას.

3.2. კულტურის განვითარების ხელშეწყობა (პროგრამული კოდი 03 02)

კულტურული ტრადიციების დაცვის მიზნით პროგრამის ფარგლებში გაგრძელდება სხვადასხვა კულტურული ობიექტების ფინანსური მხარდაჭერა, ასევე განხორციელდება სხვადასხვა კულტურული ღონისძიებები, მათ შორის სადღესასწაულო დღეებში სხვადასხვა გასართობი და სანახაობრივი ღონისძიებები.

მოსალოდნელი შედეგები:

· მოსახლეობაში ქართული კულტურის და ტრადიციების დაცვა და შენარჩუნება;

· მოსახლეობის აქტუალური ჩართვა კულტურულ ღონისძიებებში;

· მოსწავლეთა და პედაგოგთა კულტურულ-საგანმანათლებლო დონის ამაღლება;

· კონკურსებში, ფესტივალებსა და სხვა ფორუმებში მიღწეული წარმატებები;

· მუზეუმებში კულტურული ტურიზმის განვითარება და ტურიზმისათვის მიმზიდველი გარემოს შექმნა;

· ქართული ფოლკლორის და ხელოვნების დარგების პოპულარიზაცია;

· კულტურის დაწესებულებების მოწესრიგებული მატერიალურ-ტექნიკური ბაზა;

· საზოგადოების ფართო ნაწილის მონაწილეობა ფესტივალებში, კონკურსებში,

სადღესასწაულო ღონისძიებებში;

· ნიჭიერი შემოქმედების წარმოჩენა, შემოქმედებითი პროცესის საინტერესო და მრავალფეროვან ღონისძიებებზე მოსახლეობის და ხელოვანების ჩართულობა და მონაწილეობა.

შედეგების შეფასების ინდიკატორები:

· ჩატარებული კულტურული ღონისძიებების რაოდენობა;

· კულტურულ ღონისძიებებში ჩართული მოსახლეობის რაოდენობა;

· სპექტაკლების და ფესტივალების რაოდენობა;

· მუზეუმებში ვიზიტორთა რაოდენობა;

· ჩატარებული ღონისძიებების, ტურისტების და ხელოვნებით დაინტერესებულ პირთა რაოდენობა;

· თანამედროვე ტექნიკითა და ინვენტარით აღჭურვილი კულტურის დაწესებულებების რაოდენობა;

· განხორციელებული ღონისძიებებისადმი მასმედიის, საზოგადოების ინტერესი, ღონისძიებებზე დამსწრეთა, მათ შორის ტურისტების დასწრების მაჩვენებლები;

· ფესტივალებში, კონკურსებსა და საიუბილეო ღონისძიებებში მონაწილეთა და დამსწრეთა რაოდენობა.

3.2.1 კულტურის ორაგანიზაციების ხელშეწყობა (პროგრამული კოდი 03 02 01)

ქვეპროგრამა ითვალისწინებს ააიპ „ბოლნისის მუნიციპალიტეტის საკლუბო, საბიბლიოთეკო, სამუზეუმო გაერთიანება „კულტურის ცენტრის“ მიერ ორგანიზებული ღონისძიებების დაფინანსებას, როგორებიცაა: ხელოვნების დარგების განვითარების ხელშეწყობა, ლიტერატურული და თოჯინური თეატრების აღორძინება, ხალხური რეწვის დარგების აღორძინება და პოპულარიზაცია, ნიჭიერი ინდივიდუალური შემსრულებლებისა და შემოქმედებითი კოლექტივების საქმიანობის ხელშეწყობა, სამუსიკო და ქორეოგრაფიული ნიმუშების შესწავლისა და პოპულარიზაციისათვის სათანადო პირობების შექმნა. სამუზეუმო ნიმუშების პოპულარიზაციას, გამოფენას და მოვლა-შენახვას. ბიბილიოგრაფიული და საინფორმაციო მუშაობის ხელშეწყობას, წიგნადი ფონდების შევსება დაკომპლექტებას და სრულ აღრიცხვას.ქვეპროგრამის ფარგლებში ფინანსდება ააიპ „ბოლნისის მუნიციპალიტეტის სამუსიკო სკოლა“ სადაც სწავლობს 135 - მდე მოსწავლე, რაც ხელს შეუწყობს მოზარდ თაობაში ხელოვნების განვითარებას. ა(ა)იპ „ბოლნისის მუნიციპალიტეტის თეატრის“ მიერ ორგანიზებული ღონისძიებების დაფინანსებას, როგორებიცაა: მხატვრული აღზრდის პროპაგანდა, ეროვნული თეატრალური ხელოვნების განვითარება, სასცენო ხელოვნების განმტკიცება, ტრადიციების აღორძინება და განვითარება, ზოგადსაკაცობრიო იდეალების პროპაგანდა, საზოგადოებისა და ახალგაზრდობის ზნეობრივი და სულიერი სამყაროს გამდიდრება.

3.2.2. კულტურის სახლის სარემონტო სამუშაოები (პროგრამული კოდი 03 02 02)

ქვეპროგრამის ფარგლებში განხორციელდება კულტურის სახლის რეკონსტრუქცია-რეაბილიტაცია.

3.3. კულტურული ღონისძიებების დაფინანსება (პროგრამული კოდი 03 03)

პროგრამის ფარგლებში ჩატარებული სხვადასხვა კულტურული ღონისძიებები უზრუნველყოფს კულტურის, კულტურული მემკვიდრეობისა და ხელოვნების სფეროებში ერთიანი პოლიტიკის შემუშავებას, დაგეგმვასა და მისი რეალიზაციის კოორდინაციას. კულტურის სფეროში განსაკუთრებით ნიჭიერი და შემოქმედი ახალგაზრდების მხარდაჭერას. კულტურის დღეების, გაცვლითი გასტროლების, კონკურსების, ფესტივალებისა და გამოფენების ორგანიზებას.

მოსალოდნელი შედეგები:

· მოსახლეობის აქტუალური ჩართვა კულტურულ ღონისძიებებში;

· ქართული ფოლკლორის და ხელოვნების დარგების პოპულარიზაცია;

· საინტერესო და მრავალფეროვან ღონისძიებებზე მოსახლეობის და ხელოვანების ჩართულობა და მონაწილეობა.

შედეგების შეფასების ინდიკატორები:

· მუსიკალური ფესტივალების, სპექტაკლებისა და გამოფენების რაოდენობის ზრდა;

· საზოგადოების ინტერესის, ღონისძიებებზე დამსწრეთა, რეალიზებული ბილეთების, მათ შორის ტურისტების დასწრების მაჩვენებლები.

3.4. ეპარქიის დაფინანსება (პროგრამული კოდი 03 04)

პროგრამის ფარგლებში განხორციელდება ბოლნისის ეპარქიის ფინანსური მხარდაჭერა ახალი ტაძრების მშენებლობაში, ისტორიული ეკლესია-მონასტრების აღდგენაში და მათ შემდგომ აღორძინებაში.

მოსალოდნელი შედეგები:

· სასულიერო კერების რაოდენობის ზრდა.

შედეგების შეფასების ინდიკატორები:

· სასულიერო კერების რაოდენობის ზრდა.

3.5. საგამომცემლო საქმიანობა. (პროგრამული კოდი 03 05)

პროგრამა ითვალისწინებს შპს „გაზეთი ბოლნისის“ დაფინანსებას ფუნქციონირებისათვის, რომელიც ახორციელებს, ახალი ამბების და კულტურული და სპორტული ღონისძიებების გაშუქებას.

მოსალოდნელი შუალედური შედეგები:

· მოვლენების ობიექტური გაშუქება.

შედეგების შეფასების ინდიკატორები:

· რეალიზებული გაზეთის რაოდენობა.

 3.6. განცხადება, რეკლამა და საეთერო დრო (პროგრამული კოდი 03 06)

პროგრამის შესაბამისად, ადგილობრივი თვითმმართველობის საქმიანობის მეტი გამჭირვალობისათვის, საზოგადოების ფართო ფენების ინფორმირების მიზნით დაფინანსდება საინფორმაციო უზრუნველყოფის ხარჯები.

მოსალოდნელი შუალედური შედეგები:

· მოვლენების ობიექტური გაშუქება.

შედეგების შეფასების ინდიკატორები:

· ინფორმირებული მოქალაქეების რაოდენობა.

3.7. წარჩინებული სპორტსმენების, სტუდენტებისა და მოსწავლეების ფულადი დახმარება.  (პროგრამული კოდი 03 07)

წარჩინებული სტუდენტები დაფინანსდებიან ყოველთვიურად 100 (ასი) ლარის ოდენობით (2017 წლის 01 თებერვლიდან 01 აგვისტომდე და 01 სექტემბრიდან 31 დეკემბრამდე).

ყოველთვიური ფულადი დახმარება გაეწევათ შემდეგი კატეგორიის სპორტსმენებს, რომლებიც 2016 წელს გახდნენ ან/და მიმდინარე წელს გახდებიან:

ა) სპორტის სხვადასხვა სახეობაში (დიდებში და ახალგაზრდებში) საქართველოს ჩემპიონები და პრიზიორები,რომლებიც ირიცხებიან საქართველოს ნაკრების წევრებად – 150 (ას ორმოცდაათი) ლარის ოდენობით;

ბ) სხვადასხვა ასაკობრივ ჯგუფში საქართველოს პრიზიორები და საერთაშორისო ტურნირების

გამარჯვებულები – 100 (ასი) ლარის ოდენობით.

გ) სხვადასხვა ასაკობრივ ჯგუფში საქართველოს პრიზიორები და საერთაშორისო ტურნირების პრიზიორები – 50 (ორმოცდაათი) ლარის ოდენობით;

ერთჯერადი მატერიალური დახმარება (ფულადი ჯილდო) გაეწევათ შემდეგი კატეგორიის სპორტსმენებს:

ა) სპორტსმენებს, რომლებიც 2017 წელს გახდნენ ან/და მიმდინარე წელს გახდებიან ევროპისა და მსოფლიოს ჩემპიონები დიდებში და სხვადასხვა ასაკობრივ ჯგუფში, ასევე მათ უშუალო მწვრთნელებს – 1000 (ერთიათასი) ლარის ოდენობით.;

ბ) სპორტსმენებს, რომლებიც 2017 წელს გახდნენ ან/და მიმდინარე წელს გახდებიან ევროპისა და მსოფლიოს პრიზიორები დიდებში და სხვადასხვა ასაკობრივ ჯგუფში, ასევე მათ უშუალო მწვრთნელებს – 500 (ხუთასი)ლარის ოდენობით;

გ) სპორტსმენებს, რომლებიც 2017 წელს გახდნენ ან/და მიმდინარე წელს გახდებიან საქართველოს ჩემპიონები დიდებში და სხვადასხვა ასაკობრივ ჯგუფში – 500 (ხუთასი) ლარის ოდენობით, პრიზიორებს – 200 (ორასი) ლარის ოდენობით, ხოლო მათ უშუალო მწვრთნელებს – 300 (სამასი) ლარის ოდენობით.

4. განათლება (პროგრამული კოდი 04 00)

მომავალი თაობების აღზრდის მიმართულებით დაწყებითი და ზოგადი განათლების გარდა მნიშვნელოვანი როლი ენიჭება ასევე სკოლამდელ განათლებას, რაც თვითმმართველი ერთეულის საკუთარ უფლებამოსილებებს განეკუთვნება და შესაბამისად თვითმმართველობის ერთ-ერთ პრიორიტეტს წარმოადგენს, რომლის ფარგლებში მომდევნო წლებში განხორციელდება საბავშვო ბაღების ფუნქციონირებისათვის საჭირო ხარჯების დაფინანსება, მათი რეაბილიტაცია, ინვენტარით უზრუნველყოფა. ასევე, მუნიციპალიტეტის ტერიტორიაზე მცხოვრები უნარშეზღუდული ბავშვების საზოგადოებასთან ინტეგრირებას და მათ საგამანათლებლო სარეაბილიტაციო ცენტრში სწავლას.

4.1. სკოლამდელი განათლება (პროგრამული კოდი 04 01)

მომავალი თაობების აღზრდის მიმართულებით დაწყებითი და ზოგადი განათლების გარდა მნიშვნელოვანი როლი ენიჭება ასევე სკოლამდელ განათლებას, რაც თვითმმართველი ერთეულის საკუთარ უფლებამოსილებებს განეკუთვნება და შესაბამისად მუნიციპალიტეტის ერთ-ერთ პრიორიტეტს წარმოადგენს; პროგრამის ფარგლებში განხორციელდება საბავშვო ბაღების ფუნქციონირებასთან დაკავშირებული ხარჯების დაფინანსება, მათი რეაბილიტაცია და ინვენტარით აღჭურვა.

მოსალოდნელი შედეგები:

· აღსაზრდელთა შესაბამისი პირობების უზრუნველყოფა;

· საბავშო ბაგა-ბაღებში გაუმჯობესებული სააღმზრდელო პროცესი;

· გაუმჯობესებული და უსაფრთხო სააღმზრდელო გარემო;

· გაუმჯობესებული ინფრასტრუქტურა;

· ბაგა-ბაღების პერსონალის შრომითი პირობების გაუმჯობესება და დასაქმების ხელშეწყობა.

შედეგების შეფასების ინდიკატორები:

· სათანადოდ აღჭურვილი საბავშო ბაღების რაოდენობა;

· აღსაზრდელთა რაოდენობა;

· არანაკლებ 4 ახალი ბაღის აშენება/აღდგენა;

· ბაგა-ბაღებში აღსაზრდელებისა და ჯგუფების რაოდენობის ზრდა.

4.1.1. ა(ა)იპ – ,,ბოლნისის მუნიციპალიტეტის სკოლამდელი აღზრდისა და მეთოდური კოორდინაციის დაწესებულება" (პროგრამული კოდი 04 01 01)

ქვეპროგრამის ფარგლებში დაფინანსდება ააიპ „ბოლნისის მუნიციპალიტეტის სკოლამდელი აღზრდისა და მეთოდური კოორდინაციის დაწესებულება“. ბოლნისის მუნიციპალიტეტში ფუნქციონირებს 12 საბავშვო ბაღი, სადაც დაწყებით განათლებას იღებს საშუალოდ 1275 ბავშვი. სკოლანდელი დაწესებულების დაფინანსება ხორციელდება სრულად ადგილობრივი ბიუჯეტიდან. მუნიციპალიტეტი ხელსუწყობს ბაღების მატერიალური ბაზის გაუმჯობესებას, კვებას და დასაქმებულთა სტაბილურ შრომის ანაზღაურებას.

4.2. უნარშეზღუდული ბავშვების ხელშეწყობა. (პროგრამული კოდი 04 02)

პროგრამა ითვალისწინებს ა(ა)იპ ბოლნისის მუნიციპალიტეტის საგანმანათლებლო, სარეაბილიტაციო ცენტრი „განთიადის“ დაფინანსებას, რომელიც უზრუნველყოფს მუნიციპალიტეტის ტერიტორიაზე მცხოვრები უნარშეზღუდული ბავშვების საზოგადოებასთან ინტეგრირებას და მათ საგამანათლებლო სარეაბილიტაციო ცენტრში სწავლას.

მოსალოდნელი შედეგები:

· შშმ მოსწავლეთათვის სწავლის ხელმისაწვდომობა;

· შშმ მოსწავლეთა საზოგადოებაში ინტეგრაცია.

შედეგების შეფასების ინდიკატორები:

· პროგრამის ბენეფიციართა რაოდენობა;

· საგანმანათლებლო სივრცეში შშმ ბავშვების ჩართულობის დონის ზრდა.

5. მოსახლეობის ჯანმრთელობის დაცვა და სოციალური უზრუნველყოფა (პროგრამული კოდი 05 00)

მოსახლეობის ჯანმრთელობის დაცვის ხელშეწყობა და მათი სოციალური დაცვა ერთ-ერთ მთავარ პრიორიტეტს წარმოადგენს. თვითმმართველობა არსებული რესურსების ფარგლებში განაგრძობს სოციალურად დაუცველი მოსახლეობის სხვადასხვა დახმარებითა და შეღავათით უზრუნველყოფას. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს არა მხოლოდ ქალაქის, არამედ მთელი ქვეყნის მოსახლეობის ჯანმრთელობის დაცვას სხვადასხვა გადამდები და ინფექციური დაავადებებისაგან.

5.1. ჯანდაცვის პროგრამები. (პროგრამული კოდი 05 01)

პროგრამა ითვალისწინებს მუნიციპალიტეტის ტერიტორიაზე მცხოვრები მოსახლეობის სხვადასხვა ფენისათვის ჯანმრთელობის დაცვის უზრუნველყოფას. სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული საზოგადოებრივი ჯანდაცვის მომსახურების ხარჯების ანაზღაურებას, მძიმე დაავადების მქონე პირების მედიკამენტებითა და სამედიცინო დანიშნულების საგნებით დახმარებას, დაავადებული გადახდისუუნარო პირებისათვის სამედიცინო მომსახურების ხარჯების ანაზღაურებაში დახმარებას.

მოსალოდნელი შედეგები:

· მოსახლეობის დაცვა სხვადასხვა ინფექციურ დაავადებათა გავრცელებისაგან;

· მოსახლეობაში გადამდებ დაავადებათა პრევენციის და ჯანმრთელობაზე მავნე ფაქტორების ზემოქმედებაზე მოსახლეობის ინფორმირების გზით ჯანმრთელობის დაცვის ხელშეწყობა;

· სადერატიზაციო სამუშაოების ჩატარება საცხოვრებელი სახლების სარდაფებსა და ბუნკერებში (კერძო სექტორის გარდა) და ამის საფუძველზე ქალაქში ეპიდსიტუაციის გაუმჯობესება;

· მოსახლეობის ჯანმრთელობის მდგომარეობის გაუმჯობესება.

შედეგების შეფასების ინდიკატორები:

 · ჩატარებული პრევენციული ღონისძიებები;

· საშიში ინფექციური დავადებით ავადობის მაჩვენებლის შემცირება;

· იმუნიზებული მოსახლეობის რაოდენობა;

· პროგრამაში მონაწილე ბენეფიციართა რაოდენობა.

5.1.2 . საზოგადოებრივი ჯანმრთელობის დაცვა (პროგრამული კოდი 05 01 01)

ქვეპროგრამა ითვალისწინებს ა(ა)იპ - ,,ბოლნისის მუნიციპალიტეტის დავადებათა აღრიცხვის, კონტროლის, საზოგადოებრივი ჯანდაცვისა და პრევენციული მედიცინის ცენტრის“ და შპს, დეზ-ეფექტის დაფინანსებას, რომლის მიერ განახორციელდება: მუნიციპალიტეტის ტერიტორიაზე ეპიკეთილსაიმედო სიტუაციის შექმნა და შენარჩუნება; ეპიდსიტუაციის გამწვავების დროული გამოვლენის ხელშეწყობა და მათზე სწრაფი რეაგირება; მუნიციპალიტეტის მოსახლეობაში არაგადამდებ დავადებათა პრევენციის და ჯანმრთელობაზე მავნე ფაქტორების ზემოქმედებაზე მოსახლეობის ინფორმირების გზით ჯანმრთელობის დაცვის ხელშეწყობა; სადერატიზაციო, სადეზინსექციო და სადეზინფექციო სამუშაოების ჩატარება, ორგანიზაციებში, სკვერებში, ნაგვის შემკრებ ბუნკერებში; მუნიციპალიტეტის საგანმანათლებლო, სააღმზრდელო და საგანმანათლებლო-საღმზრდელო დაწესებულებებში სანიტარიული და ჰიგიენური ნორმების დაცვის ზედამხედველობის გზით ეპიდკეთილსაიმედო სიტუაციის შექმნა.

5.2 . სოციალური პროგრამები (პროგრამული კოდი 05 02)

პროგრამა ითვალისწინებს მუნიციპალიტეტის ტერიტორიაზე მცხოვრები მოსახლეობის სხვადასხვა ფენისათვის გარკვეული შეღავათებითა და სოციალური დახმარებებით უზრუნველყოფას. სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული სარიტუალო მომსახურების ხარჯების ანაზღაურებას, მოხუცებულთა, მიუსაფართა და სოციალურად დაუცველთა კვებით და საცხოვრებელი ფართით უზრუნველყოფას, სტუდენტთა და სპორტსმენთა სოციალურ დახმარებას, იძულებულ გადაადგილებულ პირთა სოციალურ დახმარებას და სხვა სოციალურ ღონისძიებებს, რომლებიც მთლიანობაში უზრუნველყოფენ მუნიციპალიტეტის მოსახლეობის სოციალური მდგომარეობის გაუმჯობესებას.

მოსალოდნელი შუალედური შედეგები:

·მუნიციპალიტეტში მოსახლეობის სოციალურ-ეკონომიკური მდგომარეობის გაუმჯობესება;

· უმწეო მდგომარეობაში მყოფი ადამიანების სასიცოცხლოდ აუცილებელი

მოთხოვნილებების დაკმაყოფილება;

· სტიქიის შედეგად დაზარალებული ოჯახების მდგომარეობის გაუმჯობესების

ხელშეწყობა;

· მუნიციპალიტეტში დემოგრაფიული მდგომარეობის გაუმჯობესება;

· მუნიციპალიტეტის ტერიტორიაზე ინფექციებისა და სხვადასხვა დაავადებათა

ლიკვიდაცია და პრევენცია.

შედეგების შეფასების ინდიკატორები:

· პროგრამაში მონაწილე ბენეფიციართა რაოდენობა;

· სოციალური მომსახურებით უზრუნველყოლ ბენეფიციართა რაოდენობა.

· ეპილეფსიით დაავადებულთა მოქალაქეების რაოდენობის შემცირება;

· პარკისონიზმით დაავადებული მოქალაქეების რაოდენობის შემცირება;

· ონკოლოგიური დაავადებებით დაავადებული მოქალაქეების რაოდენობის შემცირება.

5.2.1. ავადმყოფთა მედიკამენტებით უზრუნველყოფა (პროგრამული კოდი 05 02 01)

ბოლნისის მუნიციპალიტეტის ტერიტორიაზე მცხოვრები ქრონიკული დაავადებების მქონე მოსახლეობის უფასო მედიკამენტებით უზრუნველყოფა. დასაფინანსებელ ბენეფიციართა კონტინგენტია:

ა) ბოლნისის მუნიციპალიტეტში მცხოვრები ეპილეფსიით დაავადებული პაციენტები;

ბ) ბოლნისის მუნიციპალიტეტში მცხოვრები პარკისონიზმით დაავადებული პაციენტები;

გ) ბოლნისის მუნიციპალიტეტში მცხოვრები ბრონქიალური ასთმით დაავადებული პაციენტები.

დ) ბოლნისის მუნიციპალიტეტში მცხოვრები ონკოლოგიური დაავადებებით დაავადებული პაციენტები.

5.2.2. შშმ დახმარებები (პროგრამული კოდი 05 02 02)

ბოლნისის მუნიციპალიტეტის ტერიტორიაზე მცხოვრები შეზღუდული შესაძლებლობების მქონე ბავშვების, უსინათლო შშმ პირების, მარტოხელა უპატრონო შშმ პირების და დიალიზით მოსარგებლე მოქალაქეების ყოველთვიური მატერიალური (ფულადი) დახმარებით უზრუნველყოფა. აღნიშნული ბენეფიციარების სახცოვრებელი პირობებისა და სოციალურ-ეკონომიური მდგომარეობის გაუმჯობესება.

5.2.3 ა(ა)იპ – ,,ბოლნისის მუნიციპალიტეტის სათნოების სახლი“ (პროგრამული კოდი 05 02 03)

ქვეპროგრამის ფარგლებში გათვალისწინებულია უმწეო მდგომარეობაში მყოფი მოხუცების თავშესაფრით, კვებითა და სამედიცინო მომსახურებით უზრუნველყოფა. ასევე გათვალისწინებულია სოციალურად დაუცველი მოსახლეობისა და სხვა უმწეო მდგომარეობაში მყოფი 383-მდე ბენეფიციარის ყოველდღიურად კვებით უზრუნველყოფა.

5.2.4. სოციალურად დაუცველი ორ წლამდე ბავშვების ყოველთვიურად კვებით უზრუნველყოფა (პროგრამული კოდი 05 02 04)

ბოლნისის მუნიციპალიტეტის ტერიტორიაზე მცხოვრები სოციალურად დაუცველი ბავშვების ყოველთვიურად კვებით უზრუნველყოფა და სასიცოცხლო პარამეტრების შენარჩუნება.

5.2.5. არასრულწლოვნების ლოგოპედის მომსახურებით უზრუნველყოფა (პროგრამული კოდი 05 02 05)

ბოლნისის მუნიციპალიტეტის ტერიტორიაზე მცხოვრები სოციალურად დაუცველი არასრულწლოვნების, ობოლი არასრულწლოვნების, დაუნის სინდრომით, აუტიზმით, ცერებრალური დამბლით დაავადებული და სმენადაქვეითებული (მეოთხე ხარისხის სმენაჩლუნგობა) ბავშვების ლოგოპედის მომსახურებით უზრუნველყოფა. აღნიშნული ბენეფიციარებისათვის მეტყველების შესწავლა და გაუმჯობესება.

5.2.6. რეინტეგრირებული ბავშვების ყოველთვიური (ფულადი) დახმარებები (პროგრამული კოდი 05 02 06)

ბოლნისის მუნიციპალიტეტის ტერიტორიაზე მცხოვრები რეინტეგრირებული ბავშვების ყოველთვიური მატერიალური (ფულადი) დახმარებით უზრუნველყოფა. აღნიშნული ბენეფიციარების სოციალურ-ეკონომიური მდგომარეობის გაუმჯობესება.

5.2.7. სოციალურად დაუცველი ოჯახების საშეშე მერქნით უზრუნველყოფა (პროგრამული კოდი 05 02 07)

ბოლნისის მუნიციპალიტეტის ტერიტორიაზე მცხოვრები სოციალურად დაუცველი ოჯახების, სადაც არის შშმ პირი, სოციალურად დაუცველი მარტოხელა პენსიონერების, სოციალურად დაუცველი მრავალშვილიანი ოჟახების საშეშე მერქნით უზრუნველყოფა.

5.2.8. სამედიცინო უზრუნველყოფის პროგრამა (პროგრამული კოდი 05 02 08)

ქვეპროგრამის ფარგლებში გათვალისწინებულია მუნიციპალიტეტში მცხოვრები ონკოლოგიური ავადმყოფობის სამედიცინო დახმარება სტაციონალური და ამბულატორიული მკურნალობისათვის 300 ლარის ოდენობით, 300 ლარიდან ზემოთ 80%-ის ოდენობით, მაგრამ არაუმეტეს 1000 ლარისა; დიაგნოსტიკური კვლევებისათვის არაუმეტეს 500 ლარისა; მუნიციპალიტეტის ტერიტორიაზე მცხოვრები სიღარიბის ზღვარს მიღმა მყოფი მოქალაქეები, რომელთა სარეიტინგო ქულა არ აღემატება 100 000-ს სტაციონალური მკურნალობისათვის 300 ლარის ოდენობით, 300 ლარიდან ზემოთ 70%-ის ოდენობით, მაგრამ არაუმეტეს 1000 ლარისა, დიაგნოსტიკური კვლევებისათვის არაუმეტეს 500 ლარისა; ფსორიაზით დაავადებული სოციალურად დაუცველი პირების, რომელთა სარეიტინგო ქულა არ აღემატება 100 000-სს (მათ შორის: 57000-დან 100 000-მდე ქულა ვისაც მინიჭებული აქვს 2015-2016 წლებში) და ფსორიაზით დაავადებული იძულებით გადაადგილებული პირების მედიკამენრური მკურნალობით უზრუნველყოფა მოხდება ერთჯერადად, არაუმეტეს 700 (შვიდასი) ლარის ოდენობით. ლეიშმანიოზით და ლაეიშმანიოზის თანხმლები სხვა ინფექციური დაავადებების სტაციონალური და ამბოლატორიული მკურნალობით უზრუნველყოფა 600 ლარის ოდენობით.პირველი და მეორე ჯგუფის ინვალიდებს და შშმ ბავშვებს სტაციონარში მოთავსების შემთხვევაში დახმარება გაეწევათ ერთჯერადად: სტაციონალური და ამბულატორიული მომსახურებისათვის 300 ლარის ოდენობით, 300 ლარიდან ზემოთ 70 %-ის ოდენობით, მაგრამ არაუმეტეს 1000 (ერთი ათასი) ლარისა და დიაგნოსტიკური კვლევებისათვის არაუმეტეს 300 ლარისა. შშმ ბავშვებს (0-დან 18-წლამდე) ფიზიოთერაპიისთვის და სარეაბილიტაციო მკურნალობისათვის დახმარება გაეწევათ 300 ლარის ოდენობით, 300 ლარიდან ზემოთ 70%-ის ოდენობით, მაგრამ არაუმეტეს 1000 (ერთი ათასი) ლარისა. დედ-მამით ობოლ პაციენტს დახმარება გაეწევა ერთჯერადად: სტაციონალური მკურნალობისათვის - 300 ლარის ოდენობით, 300 ლარიდან ზემოთ-70%-ის ოდენობით, მაგრამ არაუმეტეს 1000 ლარისა და დიაგნოსტიკური კვლევებისათვის არაუმეტეს 300 ლარისა. ასევე იძულებით გადაადგილებულ პირთა სამედიცინო მომსახურება .

5.2.9. ბინის ქირა (უსახლკაროების დახმარება) (პროგრამული კოდი 05 02 09)

ქვეპროგრამის ფარგლებში განხორციელდება ბოლნისის მუნიციპალიტეტში მცხოვრები სოციალურ ზღვარს ქვევით მყოფი უსახლკარო ოჯახების ბინით უზრუნველყოფის საფასური.

5.2.10. სოციალურ საცხოვრისებში მცხოვრები ოჯახებისათვის კომუნალური გადასახადებით უზრუნველყოფა (პროგრამული კოდი 05 02 10)

მუნიციპალიტეტის ბიუჯეტიდან ანაზღაურდება მხოლოდ კომპაქტურად დასახლებული, 2008 წლის აგვისტოს საომარი მოქმედებების შედეგად იძულებით გადაადგილებული ოჯახების მიერ მოხმარებელი კომუნალური ხარჯები (წყალი, დენი, ბუნებრივი აირი);

5.2.11. სტუდენტთა დახმარება (პროგრამული კოდი 05 02 11)

ქვეპროგრამა ითვალისწინებს ბოლნისის მუნიციპალიტეტში მცხოვრები სტუდენტების წახალისებას და ფულადი ფორმით დახმარებას. სტუდენტებს ყოველთვიური ფულადი დახმარება 50 (ორმოცდაათი) ლარის ოდენობით გაეწევათ ობოლი სტუდენტები და სტუდენტები მარჩენალდაკარგული ოჯახებიდან, სტუდენტები იძულებით გადაადგილებული ოჯახებიდან, სტუდენტები სოციალურად დაუცველი (სარეიტინგო ქულა შეადგენს 0 დან 70001 ქულამდე) ოჯახებიდან, სტუდენტები მრავალშვილიანი ოჯახებიდან, სტუდენტები ოჯახიდან, სადაც არის ორი ან მეტი სტუდენტი და სწავლობენ სახელმწიფო აკრედიტებულ უმაღლეს სასწავლებელში; ზემოთ ჩამოთვლილი სამი ან მეტი კატეგორიის მქონე სტუდენტები, რომლებიც სწავლობენ სახელმწიფო აკრედიტებულ უმაღლეს სასწავლებელში, დაფინანსდებიან ყოველთვიურად 70 (სამოცდაათი) ლარის ოდენობით;

5.2.12. მუნიციპალური ტრანსპორტით მგზავრობის შეღავათი (პროგრამული კოდი 05 02 12)

ქვეპროგრამის ფარგლებში გათვალისწინებულია შპს „ბოლნისის მუნიციპალიტეტის ტრანსპორტის სამსახურის დაფინანსება შიდა მუნიციპალური ტრანსპორტით მუნიციპალიტეტის მოსახლეობის შეღავათიანი ტარიფით მგზავრობას.

5.2.13. ომის ვეტერანთა და მათან გათანაბრებულ პირთა დახმარება (პროგრამული კოდი 05 02 013)

საქართველოს თავისუფლებისა და ტერიტორიული მთლიანობისათვის მებრძოლთა (ვეტერანთა) ოჯახების სოციალური დახმარება სოხუმის დაცემის დღეს 27 სექტემბრისათვის ერთჯერადად 300 ლარის ოდენობით, 8 აგვისტოსთვის - აგვისტოს საომარი მოქმედებების დროს დაღუპულთა ოჯახები 500 (ხუთასი) ლარის ოდენობით, 9 მაისს ფაშიზმზე გამარჯვების აღსანიშნავად მეორე მსოფლიო ომის უშუალო მონაწილეებს გაეწევათ ერთჯერადი მატერიალური დახმარება 100 (ასი) ლარის ოდენობით.

5.2.14. დახმარებები და ერთჯერადი განაცემები (პროგრამული კოდი 05 02 14)

ქვეპროგრამის ფარგლებში ერთჯერად (ფულად) დახმარებას მიიღებენ შემდეგი კატეგორიის სოციალურად დაუცველი ოჯახები, რომლებიც განიცდიან უკიდურეს ეკონომიურ გასაჭირს: სოციალურად დაუცველი მარტოხელა პენსიონრები, რომლებიც განიცდიან უკიდურეს ეკონომიურ გასაჭირს და მათი სარეიტინგო ქულა არ აღემატება 57000-ს; სოციალურად დაუცველი მრავალშვილიანი (სამი ან მეტი არასრულწლოვანი შვილი) ოჯახები რომლებიც განიცდიან უკიდურეს ეკონომიურ გასაჭირს და მათი სარეიტინგო ქულა არ აღემატება 57000-ს; სოციალურად დაუცველი მრავალშვილიანი ოჯახები, რომლებთაც ჰყავთ სამი ან მეტი შვილი (მათ შორის, ერთი ან მეტი შეზღუდული შესაძლებლობების მქონე), განიცდიან უკიდურეს ეკონომიურ გასაჭირს და ოჯახის სარეიტინგო ქულა არ აღემატება 57000-ს; მუნიციპალიტეტის ტერიტორიაზე მცხოვრები სიღარიბის ზღვარს მიღმა მყოფი მოქალაქეებისთვის, რომელთა სარეიტინგო ქულა არ აღემატება 65 000-ს (მათ შორის მოქალაქეები, რომელთაც 57000-დან 65 000-მდე სარეიტინგო ქულა მიენიჭათ ერთჯერადი სოციალური (ფულადი) დახმარების ოდენობა განისაზღვროს 200 (ორასი) ლარამდე. მუნიციპალიტეტის ტერიტორიაზე მცხოვრები სიღარიბის ზღვარს მიღმა მყოფი ოჯახებისთვის, რომელთა სარეიტინგო ქულა არის 65 000-დან 100 000-მდე და სარეიტინგო ქულა მიენიჭათ პ, ერთჯერადი სოციალური (ფულადი) დახმარება გაეწევათ, თითოეულ ოჯახს ყოველ სამ თვეში ერთხელ 100 (ასი) ლარის ოდენობით.

5.2.15. კანონით გათვალისწინებული სარიტუალო მომსახურება (პროგრამული კოდი 05 02 15)

ქვეპროგრამა მოიცავს მუნიციპალიტეტში რეგისტრირებულ მიცვალებულ ვეტერანთა (მეორე მსოფლიო ომის მონაწილეთა, კოდი 100,111, 112,113), საქართველოს ტერიტორიული მთლიანობისათვის მებრძოლ მიცვალებულთა, ავღანეთის მონაწილე მიცვალებულთა, იძულებით გადაადგილებულ მიცვალებულთა და მემკვიდრის გარეშე დარჩენილი მარტოხელა მოქალაქეების სარიტუალო მომსახურება.

5.2.16. სტიქიის შედეგად მიყენებული ზიანის ანაზღაურება (პროგრამული კოდი 05 02 16)

ქვეპროგრამის ფარგლებში სტიქიის, ხანძრის, სხვა უბედური და ფორსმაჟორული შემთხვევების შედეგად საცხოვრებელი სახლის დაზიანებისას მიყენებული ზიანის აღსადგენად, დაზარალებულ ოჯახებს ერთჯერადი მატერიალური დახმარება გაეწევათ ზარალის ოდენობის შესაბამისად.

5.2.17. ხანდაზმულთა დღის სოციალური ცენტრი (პროგრამული კოდი 05 02 17)

მოწყვლადი ჯგუფების (ხანდაზმულები, იძულებით გადაადგილებული პირები და ეთნილური უმცირესობების წარმომადგენლები) ჯანმრთელობის მდგომარეობის გაუმჯობესება და სოციალური გააქტიურება თემის მობილიზებითა და მათზე ზრუნვის გაძლიერება.

მუხლი 15. მუნიციპალიტეტის ბიუჯეტის ასიგნებები

განისაზღვროს მუნიციპალიტეტის ბიუჯეტის ასიგნებები საბიუჯეტო კლასიფიკაციის მიხედვით, თანდართული რედაქციით: