„სურსათის მიკრობიოლოგიური მაჩვენებლების შესახებ ტექნიკური რეგლამენტის დამტკიცების თაობაზე“ საქართველოს მთავრობის 2015 წლის 10 ნოემბრის №581 დადგენილებაში ცვლილების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „სურსათის მიკრობიოლოგიური მაჩვენებლების შესახებ ტექნიკური რეგლამენტის დამტკიცების თაობაზე“ საქართველოს მთავრობის 2015 წლის 10 ნოემბრის №581 დადგენილებაში (www.matsne.gov.ge, 16/11/2015, 240110000.10.003.018967) შეტანილ იქნეს ცვლილება და:

1. დადგენილებით დამტკიცებული „სურსათის  მიკრობიოლოგიური მაჩვენებლების შესახებ  ტექნიკური რეგლამენტის“ მე-8 მუხლის მე-2 პუნქტის „ა“ ქვეპუნქტი ჩამოყალიბდეს შემდეგი რედაქციით:

 „ა) დესტრუქციული და არადესტრუქციული მეთოდით გამოკვლევისათვის ნიმუშის აღება, შენახვა, ტრანსპორტირება უნდა განხორციელდეს სტანდარტის − ISO 17604-ის შესაბამისად;“.

2. დანართის  „სურსათის მიკრობიოლოგიური მაჩვენებლები“ :

ა) პირველი ნაწილის „სურსათის უვნებლობის მაჩვენებლები:

ა.ა) 1.25 პუნქტი ჩამოყალიბდეს შემდეგი რედაქციით:

ა.ბ) 1.27.ა  პუნქტი ჩამოყალიბდეს შემდეგი რედაქციით:

ა.ბ) მინიშნება (¹⁶) ჩამოყალიბდეს შემდეგი რედაქციით:

„(¹⁶) გაერთიანებული  ნიმუში  მოიცავს  EN/ISO 6887-3-ით  განსაზღვრულ ცალკეულ ცხოველთა მინიმალურ რაოდენობას.“;

ა.გ) „გამოკვლევის შედეგების  ინტერპრეტაცია (ახსნა)“ ჩამოყალიბდეს შემდეგი რედაქციით:

„გამოკვლევის შედეგების  ინტერპრეტაცია (ახსნა)

·  დასაშვები ზღვარი ეხება თითოეულ გამოკვლეულ ნიმუშს;

·  ჩვილ ბავშვთა კვებისათვის განკუთვნილი მზა სურსათისა და განსაკუთრებული  სამედიცინო დანიშნულების სურსათისათვის Listeria monocytogenes-ის გამოკვლევასთან  დაკავშირებით  მიღებული შედეგი არის:

-   დამაკმაყოფილებელი, თუ გამოკვლევით მიღებული ყველა შედეგით დადგენილი იქნება ამ ბაქტერიის არარსებობა;

-   არადამაკმაყოფილებელი, თუ გამოკვლევის შედეგით ბაქტერია აღმოჩნდება თუნდაც ნებისმიერ ერთ ნიმუშში;

· მზა სურსათისათვის, რომელშიც შესაძლებელია Listeria monocytogenes-ი  ზრდა-განვითარება, გარდა ჩვილ ბავშვთა კვებისათვის განკუთვნილი მზა სურსათისა და განსაკუთრებული სამედიცინო დანიშნულების სურსათისა, ვიდრე სურსათი  ექვემდებარება იმ ბიზნეს-ოპერატორის მიერ უშუალო კონტროლს, რომელიც მას აწარმოებს და იგი  სააგენტოს ვერ  წარუდგენს საკმარის მტკიცებულებას, რომ  სურსათის ვარგისიანობის ვადის გასვლამდე, ამ მაჩვენებლის  მნიშვნელობა  არ იქნება  100 კწე/გ-ზე მეტი, Listeria monocytogenes-ის გამოკვლევასთან დაკავშირებით  მიღებული  შედეგი არის:

- დამაკმაყოფილებელი, თუ გამოკვლევით მიღებული ყველა შედეგით დადგენილი იქნება ამ ბაქტერიის არარსებობა;

- არადამაკმაყოფილებელი, თუ გამოკვლევის შედეგით ბაქტერია აღმოჩნდება  თუნდაც ნებისმიერ ერთ ნიმუშში;

· სხვა სახეობის მზა სურსათისათვის Listeria monocytogenes-ის გამოკვლევასთან  დაკავშირებით  მიღებული შედეგი არის:

- დამაკმაყოფილებელი, თუ გამოკვლევით მიღებული მაჩვენებლის ყველა მნიშვნელობა დასაშვებ ზღვარზე ნაკლებია ან ტოლია;

-   არადამაკმაყოფილებელი, თუ  გამოკვლევით მიღებული ნებისმიერი ერთი მაჩვენებლის  მნიშვნელობა მაინც აღემატება დასაშვებ ზღვარს;

ცოცხალი ორსაგდულიანი მოლუსკებისათვის, ცოცხალი კანეკლიანებისათვის, ცოცხალი ტუნიკატებისა და მუცელფეხიანი მოლუსკებისათვის E.coli-ის გამოკვლევასთან დაკავშირებით მიღებული შედეგი არის:

-  დამაკმაყოფილებელი, თუ გამოკვლევით მიღებული ხუთივე მნიშვნელობა ნაკლებია ან ტოლია 230  მარ/100 გ  ხორცში ან მანტიის სითხეში (ერთეულ მოცულობაში მიკრობთა  ალბათური რიცხვის დათვლის  მეთოდი –   მარ-მეთოდი)  ან თუ ხუთიდან ერთი ნიმუში მაინც აღემატება  230 მარ/100 გ ხორცში ან მანტიის სითხეში (ერთეულ მოცულობაში მიკრობთა  ალბათური რიცხვის დათვლის  მეთოდი –   მარ-მეთოდი,  მაგრამ ტოლია ან ნაკლებია 700 მარ/100 გ  ხორცში ან მანტიის სითხეში (ერთეულ მოცულობაში მიკრობთა  ალბათური რიცხვის დათვლის  მეთოდი –   მარ-მეთოდი); 

-    არადამაკმაყოფილებელი, თუ გამოკვლევით მიღებული ხუთი მნიშვნელობიდან ერთი მაინც  აღემატება   700 მარ/100 გ  ხორცში ან მანტიის სითხეში (ერთეულ მოცულობაში მიკრობთა  ალბათური რიცხვის დათვლის  მეთოდი –   მარ-მეთოდი)  ან თუ ხუთიდან ორი ნიმუში მაინც აღემატება  230 მარ/ 100 გ ხორცში ან მანტიის სითხეში (ერთეულ მოცულობაში მიკრობთა  ალბათური რიცხვის დათვლის  მეთოდი –   მარ-მეთოდი); 

• სხვადასხვა სახეობის  სურსათისათვის Salmonella-ს კვლევასთან დაკავშირებით  მიღებული  შედეგი არის:

-  დამაკმაყოფილებელი, თუ გამოკვლევით მიღებული ყველა შედეგით დადგენილი იქნება ამ ბაქტერიის არარსებობა;

- არადამაკმაყოფილებელი, თუ გამოკვლევით მიღებული შედეგით ბაქტერია აღმოჩნდება  თუნდაც ნებისმიერ ერთ ნიმუშში;

• რძის პროდუქტებში სტაფილოკოკური ენტეროტოქსინის გამოკვლევასთან დაკავშირებით  მიღებული  შედეგი არის:

-  დამაკმაყოფილებელი, თუ ენტეროტოქსინი არ აღმოჩნდება  არცერთ ნიმუშში;

-  არადამაკმაყოფილებელი, თუ ენტეროტოქსინი  აღმოჩნდება  თუნდაც ნებისმიერ ერთ ნიმუშში;

• მშრალ ფორმულაში ჩვილი ბავშვისათვის და განსაკუთრებული სამედიცინო დანიშნულების მშრალ სურსათში, განკუთვნილი 6 თვემდე ასაკის ჩვილ ბავშვთა კვებისათვის Enterobacter sakazakii-ის გამოკვლევასთან   დაკავშირებით  მიღებული  შედეგი არის:

-  დამაკმაყოფილებელი, თუ გამოკვლევით მიღებული ყველა შედეგით დადგენილი იქნება ამ ბაქტერიის არარსებობა;

- არადამაკმაყოფილებელი, თუ გამოკვლევის შედეგით ბაქტერია აღმოჩნდება  თუნდაც ნებისმიერ ერთ ნიმუშში;

• ჰისტიდინის მაღალი შემცველობის მქონე თევზის სხვადასხვა სახეობიდან მიღებულ თევზის პროდუქტებში ჰისტამინის გამოკვლევასთან დაკავშირებით  მიღებული  შედეგი, გარდა თევზის სოუსისა, რომელიც წარმოებულია  თევზის პროდუქტების ფერმენტაციით, არის:

-  დამაკმაყოფილებელი, თუ სრულდება შემდეგი პირობები:

ა) გამოკვლევით მიღებული საშუალო მნიშვნელობა ნაკლებია ან ტოლია m  მნიშვნელობის  (≤ m);

ბ) c რაოდენობის ნიმუშებში ჰისტამინის  შემცველობა m და M მნიშვნელობების საზღვრებშია;

გ) გამოკვლევით  მიღებული არცერთი  მნიშვნელობა არ აღემატება M  მნიშვნელობას;

-  არადამაკმაყოფილებელი, თუ:

გ.ა) გამოკვლევით მიღებული  საშუალო მნიშვნელობა აღემატება  m-ს (> m), ან

გ.ბ) c-ზე მეტი რაოდენობის ნიმუშებში ჰისტამინის შემცველობა m  და M მნიშვნელობების საზღვრებშია, ან         

გ. გ) გამოკვლევით  მიღებული ერთი ან მეტი  მნიშვნელობა აღემატება M-ს (>M);

• ჰისტამინის გამოკვლევასთან დაკავშირებით მიღებული  შედეგი, თევზის სოუსისათვის, რომელიც წარმოებულია  თევზის პროდუქტების ფერმენტაციით, არის:

- დამაკმაყოფილებელი, თუ გამოკვლევით  მიღებული შედეგი დასაშვებ ზღვარზე ნაკლებია ან ტოლი;

- არადამაკმაყოფილებელი, თუ გამოკვლევით  მიღებული შედეგი დასაშვებ ზღვარზე მეტია.“;

ბ)   „წარმოების  პროცესის ჰიგიენური მაჩვენებლების“ „2.4  „თევზის პროდუქტები“ ჩამოყალიბდეს შემდეგი რედაქციით:

„2.4. თევზის პროდუქტები