„ადამიანთა წამების, არაჰუმანური, სასტიკი ან პატივისა და ღირსების შემლახავი მოპყრობის ან დასჯის წინააღმდეგ მიმართული ღონისძიებების განმახორციელებელი საუწყებათაშორისო საკოორდინაციო საბჭოს შექმნის შესახებ“ საქართველოს მთავრობის 2014 წლის 7 მაისის №341 დადგენილებაში ცვლილების შეტანის თაობაზე

„ადამიანთა წამების, არაჰუმანური, სასტიკი ან პატივისა და ღირსების შემლახავი მოპყრობის ან დასჯის წინააღმდეგ მიმართული ღონისძიებების განმახორციელებელი საუწყებათაშორისო საკოორდინაციო საბჭოს შექმნის შესახებ“ საქართველოს მთავრობის 2014 წლის 7 მაისის №341 დადგენილებაში ცვლილების შეტანის თაობაზე
დოკუმენტის ნომერი 13
დოკუმენტის მიმღები საქართველოს მთავრობა
მიღების თარიღი 13/01/2017
დოკუმენტის ტიპი საქართველოს მთავრობის დადგენილება
გამოქვეყნების წყარო, თარიღი ვებგვერდი, 17/01/2017
სარეგისტრაციო კოდი 010220020.10.003.019721
13
13/01/2017
ვებგვერდი, 17/01/2017
010220020.10.003.019721
„ადამიანთა წამების, არაჰუმანური, სასტიკი ან პატივისა და ღირსების შემლახავი მოპყრობის ან დასჯის წინააღმდეგ მიმართული ღონისძიებების განმახორციელებელი საუწყებათაშორისო საკოორდინაციო საბჭოს შექმნის შესახებ“ საქართველოს მთავრობის 2014 წლის 7 მაისის №341 დადგენილებაში ცვლილების შეტანის თაობაზე
საქართველოს მთავრობა
 

საქართველოს მთავრობის

დადგენილება №13

2017 წლის 13 იანვარი

ქ. თბილისი

 

„ადამიანთა წამების, არაჰუმანური, სასტიკი ან პატივისა და ღირსების შემლახავი მოპყრობის ან დასჯის წინააღმდეგ მიმართული ღონისძიებების განმახორციელებელი საუწყებათაშორისო საკოორდინაციო საბჭოს შექმნის შესახებ“ საქართველოს მთავრობის 2014 წლის 7 მაისის №341 დადგენილებაში ცვლილების შეტანის თაობაზე

მუხლი 1
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „ადამიანთა წამების, არაჰუმანური, სასტიკი ან პატივისა და ღირსების შემლახავი მოპყრობის ან დასჯის წინააღმდეგ მიმართული ღონისძიებების განმახორციელებელი საუწყებათაშორისო საკოორდინაციო საბჭოს შექმნის შესახებ“ საქართველოს მთავრობის 2014 წლის 7 მაისის №341 დადგენილებაში (www.matsne.gov.ge, 08/05/2014, 010220020.10.003.017961) შეტანილ იქნეს  ცვლილება და:

1 დადგენილების პირველი და მე-2 მუხლები ჩამოყალიბდეს შემდეგი რედაქციით:

„მუხლი 1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 29-ე მუხლის შესაბამისად, საქართველოს ტერიტორიაზე ადამიანთა წამებისა და სხვა სასტიკი, არაადამიანური ან დამამცირებელი მოპყრობის ან დასჯის თავიდან აცილების მიზნით, შეიქმნას ადამიანთა წამების, არაჰუმანური, სასტიკი ან პატივისა და ღირსების შემლახავი მოპყრობის ან დასჯის წინააღმდეგ მიმართული ღონისძიებების განმახორციელებელი საუწყებათაშორისო საკოორდინაციო საბჭო (შემდგომში − საკოორდინაციო საბჭო) შემდეგი შემადგენლობით:

საქართველოს იუსტიციის მინისტრი − საკოორდინაციო საბჭოს თავმჯდომარე;

საქართველოს სასჯელაღსრულებისა და პრობაციის მინისტრი − საკოორდინაციო საბჭოს თანათავმჯდომარე;

საქართველოს იუსტიციის მინისტრის პირველი მოადგილე − საბჭოს მდივანი;

საქართველოს სასჯელაღსრულებისა და პრობაციის მინისტრის მოადგილე;

საქართველოს შრომის, ჯანმრთელობისა და სოციალური დაცვის მინისტრის მოადგილე;

საქართველოს შინაგან საქმეთა მინისტრის მოადგილე;

საქართველოს სახელმწიფო უსაფრთხოების სამსახურის უფროსის პირველი მოადგილე ან მოადგილე;

საქართველოს თავდაცვის მინისტრის პირველი მოადგილე ან მოადგილე;

საქართველოს განათლებისა და მეცნიერების მინისტრის პირველი მოადგილე ან მოადგილე;

საქართველოს მთავრობის საპარლამენტო მდივანი;

საქართველოს მთავრობის ადმინისტრაციის სამდივნოს (სამსახურის) უფროსი ადამიანის უფლებათა დაცვის საკითხებში;

საქართველოს სასჯელაღსრულებისა და პრობაციის სამინისტროს პენიტენციური დეპარტამენტის დირექტორი;

საჯარო სამართლის იურიდიული პირის − იურიდიული დახმარების სამსახურის დირექტორი;

საქართველოს მთავარი პროკურორის პირველი მოადგილე ან მოადგილე;

საქართველოს უზენაესი სასამართლოს თავმჯდომარე ან მისი მოადგილე;

საქართველოს სახალხო დამცველი;

საჯარო სამართლის იურიდიული პირის − ქალაქ თბილისის №123 საჯარო სკოლის დირექტორი.

მუხლი 2. საკოორდინაციო საბჭოს მუშაობაში მონაწილეობის მიღება ეთხოვოთ:

საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარეს;

საქართველოს პარლამენტის იურიდიულ საკითხთა კომიტეტის თავმჯდომარეს;

საქართველოში ევროკავშირის დელეგაციის ხელმძღვანელს;

საქართველოში ევროსაბჭოს გენერალური მდივნის სპეციალურ წარმომადგენელს;

გაეროს ბავშვთა ფონდის წარმომადგენელს საქართველოში;

Human Rights Watch-ის ევროპული და ცენტრალური აზიის განყოფილების კონსულტანტს;

საქართველოში გაეროს ადამიანის უფლებათა უმაღლესი კომისრის ოფისის წარმომადგენელს − ადამიანის უფლებათა დაცვის უფროს დამკვირვებელს სამხრეთ კავკასიაში;

საქართველოში აშშ-ის საელჩოს წარმომადგენელს;

საერთაშორისო ორგანიზაციის − „ციხის საერთაშორისო რეფორმის“ რეგიონალურ დირექტორს;

არასამეწარმეო (არაკომერციული) იურიდიული პირის – გლობალური ინიციატივა ფსიქიატრიაში − თბილისის დირექტორს;

არასამეწარმეო (არაკომერციული) იურიდიული პირის – წამების მსხვერპლთა ფსიქო-სოციალური და სამედიცინო რეაბილიტაციის საქართველოს ცენტრის აღმასრულებელ დირექტორს;

არასამეწარმეო (არაკომერციული) იურიდიული პირის – საქართველოს ახალგაზრდა იურისტთა ასოციაციის თავმჯდომარეს;

არასამეწარმეო (არაკომერციული) იურიდიული პირის – კონსტიტუციის 42-ე მუხლის თავმჯდომარეს.“.

2. დადგენილებით დამტკიცებული „ადამიანთა წამების, არაჰუმანური, სასტიკი ან პატივისა და ღირსების შემლახავი მოპყრობის ან დასჯის წინააღმდეგ მიმართული ღონისძიებების განმახორციელებელი საუწყებათაშორისო საკოორდინაციო საბჭოს დებულების“ მე-4 მუხლის მე-3 პუნქტი ჩამოყალიბდეს შემდეგი რედაქციით:

„3. საკოორდინაციო საბჭოს სხდომები, როგორც წესი, ტარდება სულ მცირე წელიწადში ორჯერ.“.

მუხლი 2
დადგენილება ამოქმედდეს გამოქვეყნებისთანავე.

პრემიერ-მინისტრიგიორგი კვირიკაშვილი