პროდუქტის უსაფრთხოებისა და თავისუფალი მიმოქცევის კოდექსის 103-ე მუხლის შესაბამისად, დამტკიცდეს თანდართული ტექნიკური რეგლამენტი − „შენობა-ნაგებობის უსაფრთხოების წესები“. 

ამ დადგენილების მოქმედება ვრცელდება მხოლოდ კანონმდებლობის შესაბამისად განსაზღვრულ III, IV და V კლასს დაქვემდებარებული შენობებისა და ნაგებობების დაგეგმარებაზე, მშენებლობასა და მოვლა-პატრონობაზე. 

დადგენილება ამოქმედდეს 2017 წლის 1 იანვრიდან.

შენობა-ნაგებობის უსაფრთხოების წესები

თავი 1 − რეგულირების საგანი და გამოყენება. 9

ქვეთავი 101 − ზოგადი დებულებები. 9

ქვეთავი 102 − გამოყენებადობა. 9

თავი 2 − განმარტებები. 11

ქვეთავი 201 − ზოგადი. 11

ქვეთავი 202 − განმარტებები. 11

თავი 3 − გამოყენება და დაკავებულობის კლასიფიცირება. 50

ქვეთავი 301 − ზოგადი. 50

ქვეთავი 302 − კლასიფიცირება. 50

ქვეთავი 303 − თავშეყრის ჯგუფი თვ. 50

ქვეთავი 304 − საქმიანი ჯგუფი სქ. 52

ქვეთავი 305 − საგანმანათლებლო ჯგუფი სგ. 53

ქვეთავი 306 − სამრეწველო ჯგუფი სმ. 54

ქვეთავი 307 − დიდი საფრთხის შემცველი ჯგუფი დსშ. 56

ქვეთავი 308 − დაწესებულებითი ჯგუფი დწ. 64

ქვეთავი 309 − სავაჭრო ჯგუფი სვ. 67

ქვეთავი 310 − საცხოვრებელი ჯგუფი სც. 68

ქვეთავი 311 − სასაწყობო ჯგუფი სწ. 70

ქვეთავი 312 − დამხმარე და სხვადასხვა დანიშნულების ჯგუფი დს. 72

თავი 4 − გამოყენებისა და დაკავებულობის სპეციალური დეტალური მოთხოვნები. 73

ქვეთავი 401 − რეგულირების საგანი. 73

ქვეთავი 402 − გადახურული მოლისა და ღია მოლის შენობები. 73

ქვეთავი  403 − მაღლივი შენობები. 80

ქვეთავი  404 − ატრიუმები. 86

ქვეთავი 405 − მიწისქვეშა შენობები. 87

ქვეთავი 406 − ავტომობილებთან დაკავშირებული დაკავებულობები. 89

ქვეთავი 407 − ჯგუფი დწ-2. 98

ქვეთავი 408 − ჯგუფი დწ-3. 102

ქვეთავი 409 − ფილმების გასაშვები/საპროექციო ოთახები. 107

ქვეთავი 410 − სცენები, ბაქან-სცენები და ტექნიკური პერსონალის სამყოფი ფართობები. 108

ქვეთავი 411 − სპეციალური გასართობი შენობა-ნაგებობები. 112

ქვეთავი 412 − საჰაერო ხომალდებთან დაკავშირებული დაკავებულობები. 113

ქვეთავი 413 − წვადი საწყობი. 118

ქვეთავი 414 − საფრთხის შემცველი ნივთიერებები. 118

ქვეთავი 415 − ჯგუფები დსშ-1, დსშ-2, დსშ-3, დსშ-4 და დსშ-5. 125

ქვეთავი 416 − აალებადი მოსაპირკეთებელი მასალების გამოყენება. 142

ქვეთავი 417 − საშრობი ოთახები. 142

ქვეთავი 418 − ორგანული საფარები. 143

ქვეთავი 419 − საცხოვრებელ-სამუშაო ერთეულები. 143

ქვეთავი 420 − ჯგუფები დს-1, სც-1, სც-2, სც-3. 145

ქვეთავი 421 − წყალბადის გამოსაცალკევებელი ოთახები. 145

ქვეთავი 422 − ამბულატორიული სამედიცინო დაწესებულებები. 146

ქვეთავი 423 − საგანმანათლებლო ჯგუფი სგ. 147

ქვეთავი 424 − ბავშვების სათამაშო ნაგებობოები. 147

თავი 5 − შენობის ზოგადი სიმაღლე და ფართობი. 149

ქვეთავი 501 − ზოგადი. 149

ქვეთავი 502 − განმარტებები. 149

ქვეთავი 503 − სიმაღლისა და ფართობის ზოგადი შეზღუდვები. 149

ქვეთავი 504 − შენობის სიმაღლე. 151

ქვეთავი 505 − ანტრესოლები და მოწყობილობების ბაქნები. 152

ქვეთავი 506 − შენობის ფართობის მოდიფიცირება/შეცვლა. 154

ქვეთავი 507 − შეუზუდავი ფართობის შენობები. 156

ქვეთავი 508 − შერეული გამოყენება და დაკავებულობა. 159

ქვეთავი 509 − თანმხლები გამოყენებები. 162

ქვეთავი 510 − სპეციალური დებულებები. 163

თავი 6 − კონსტრუქციის ტიპები. 168

ქვეთავი 601 − ზოგადი. 168

ქვეთავი 602 − კონსტრუქციის კლასიფიცირება. 168

ქვეთავი 603 − წვადი მასალა I და II ტიპის კონსტრუქციაში. 171

თავი 7 − ცეცხლისა და კვამლისგან დაცვის საშუალებები. 174

ქვეთავი 701 − ზოგადი. 174

ქვეთავი 702 − განმარტებები. 174

ქვეთავი 703 − ცეცხლმედეგობის ხარისხები და სახანძრო ტესტები. 175

ქვეთავი 704 − სტრუქტურული ნაწილების ცეცხლმედეგობის  საერთო ხარისხი. 178

ქვეთავი 705 − გარე კედლები. 181

ქვეთავი 706 − ცეცხლმედეგი კედლები. 187

ქვეთავი 707 − ცეცხლმედეგი ზღუდეები. 191

ქვეთავი 708 − ცეცხლმედეგი ტიხრები. 195

ქვეთავი 709 − კვამლგაუმტარი ზღუდეები. 197

ქვეთავი 710 − კვამლგაუმტარი ტიხრები. 198

ქვეთავი 711 − თარაზული ანაწყობები. 199

ქვეთავი 712 − შვეული ღიობები. 201

ქვეთავი 713 − შახტის შემომზღუდავები. 203

ქვეთავი 714 − გაყვანილობები. 208

ქვეთავი 715 − ცეცხლმედეგი ნაკერების სისტემა. 213

ქვეთავი 716 − ღიობის დამცავები. 215

ქვეთავი 717 − არხები და საჰაერო ღიობები. 225

ქვეთავი 718 − დამალული სივრცეები. 233

ქვეთავი 719 − ბათქაშის ცეცხლმედეგობისადმი მოთხოვნები. 238

ქვეთავი 720 − თერმული და ხმის საიზოლაციო მასალები. 238

ქვეთავი 721 − მოცემული ცეცხლმედეგობა. 240

ქვეთავი 722 ცეცხლმედეგობის ანგარიში. 268

თავი 8 − შიგა მოპირკეთება. 310

ქვეთავი 801 − ზოგადი. 310

ქვეთავი 802 − განმარტებები. 310

ქვეთავი 803 − კედლისა და ჭერის მოპირკეთება. 311

ქვეთავი 804 − შიგა იატაკის მოპირკეთება. 315

ქვეთავი 805 − წვადი მასალები I და II ტიპის კონსტრუქციებში. 316

ქვეთავი 806 − დეკორატიული მასალები და მორთულობა. 317

ქვეთავი 807 − იზოლაცია. 318

ქვეთავი 808 − ჭერის აკუსტიკური სისტემები. 318

თავი 9 − ხანძარსაწინააღმდეგო დაცვის სისტემები. 320

ქვეთავი 901 − ზოგადი. 320

ქვეთავი 902 − განმარტებები. 321

ქვეთავი 903 − ავტოსაშხეფი სისტემები. 323

ქვეთავი 904 − ალტერნატიული ავტომატური ცეცხლსაქრობი სისტემები. 334

ქვეთავი 905 − სახნძრო მილდგარების სისტემები. 337

ქვეთავი 906 − ხელის ცეცხლმაქრები. 342

ქვეთავი 907 − სახანძრო განგაშისა და ცეცხლაღმომჩენი სისტემები. 346

ქვეთავი 908 − საავარიო განგაშის სისტემები. 365

ქვეთავი 909 − კვამლის საკონტროლო სისტემები. 368

ქვეთავი 910 − კვამლისა და სითბოს გაწოვა. 384

ქვეთავი 911 − ხანძრის მართვის ცენტრი. 387

ქვეთავი 912 − სახანძრო-სამაშველო სამსახურის მიერ გამოსაყენებელი მისაერთებლები. 389

ქვეთავი 913 − სახანძრო ტუმბოები. 391

ქვეთავი 914 − უსაფრთხოების ზომები საგანგებო ვითარებაზე რეაგირებისას. 392

თავი 10 − გასასვლელი საშუალებები. 393

ქვეთავი 1001 − ადმინისტრირება. 393

ქვეთავი 1002 − განმარტებები. 393

ქვეთავი 1003 − ზოგადი მოთხოვნები გასასვლელი საშუალებების მიმართ. 395

ქვეთავი 1004 − დაკავებულობის დატვირთვა. 397

ქვეთავი 1005 − გასასვლელი საშუალების ზომა. 400

ქვეთავი 1006 − გასასვლელი საშუალებების განათებულობა. 402

ქვეთავი 1007 − შეზღუდული შესაძლებლობის პირთათვის მისაწვდომი გასასვლელი საშუალებები. 403

ქვეთავი 1008 − კარები, ჭიშკრები და ტურნიკეტები. 408

ქვეთავი 1009 − გზა-კიბეები. 421

ქვეთავი 1010 − პანდუსები. 430

ქვეთავი 1011 − გასასვლელის ნიშნები. 432

ქვეთავი 1012 − სახელურები. 434

ქვეთავი 1013 − მოაჯირები. 436

ქვეთავი 1014 − გასასვლელთან მისადგომი. 439

ქვეთავი 1015 − გასასვლელის და გასასვლელთან მისადგომის გზა-კარები. 441

ქვეთავი 1016 − გასასვლელთან მისადგომი სავალი მანძილი. 443

ქვეთავი 1017 − გასავლელები. 445

ქვეთავი 1018 − დერეფნები. 446

ქვეთავი 1019 − გასასვლელის აივნები. 448

ქვეთავი 1020 − გასასვლელები. 448

ქვეთავი 1021 − გასასვლელების რაოდენობა და გასასვლელის კონფიგურაცია. 449

ქვეთავი 1022 − შიგა გასასვლელის გზა-კიბეები და პანდუსები. 452

ქვეთავი 1023 − გასასვლელის გზა-დერეფანი. 456

ქვეთავი 1024 − გასასვლელის ბილიკის კონტურული განათება. 457

ქვეთავი 1025 − თარაზული გასასვლელები. 459

ქვეთავი 1026 − გარე გასასვლელის გზა-კიბეები და პანდუსები. 461

ქვეთავი 1027 − შენობიდან გამოსასვლელი. 462

ქვეთავი 1028 − თავშეყრა. 464

ქვეთავი 1029 − საავარიო გასაღწევი და სამაშველო ღიობი. 474

თავი 11 − მისაწვდომობა. 476

ქვეთავი 1101 − ზოგადი. 476

ქვეთავი 1102 − განმარტებები. 476

ქვეთავი 1103 − რეგულირების საგნისადმი მოთხოვნები. 477

ქვეთავი 1104 − მისაწვდომი სვლაგეზი. 479

ქვეთავი 1105 − მისაწვდომი შესასვლელები. 481

ქვეთავი 1106 − ავტოსადგომი და სატრანსპორტო საშუალებების

მგზავრებით დატვირთვის ზონაში არსებული საშუალებები. 482

ქვეთავი 1107 − საცხოვრებელი და საძინებელი ერთეულები. 484

ქვეთავი 1108 − სპეციალური დაკავებულობები. 490

ქვეთავი 1109 − სხვა საშუალებები და მოწყობილობები. 496

ქვეთავი 1110 − ნიშანთა სისტემა. 503

თავი 12 − შიგა გარემო. 506

ქვეთავი 1201 − ზოგადი. 506

ქვეთავი 1202 − განმარტებები. 506

ქვეთავი 1203 − განიავება. 506

ქვეთავი 1204 − ტემპერატურის კონტროლი. 508

ქვეთავი 1205 − განათება. 509

ქვეთავი 1206 − ეზოები ან შიგა ეზოები. 510

ქვეთავი 1207 − ბგერის გადაცემა. 510

ქვეთავი 1208 − შიგა სივრცის ზომები. 511

ქვეთავი 1209 − დაუკავებელ სივრცეებთან მისადგომი. 512

ქვეთავი 1210 − ტუალეტისა და სააბაზანო ოთახების მიმართ მოთხოვნები. 512

თავი 13 – ენერგოეფექტიანობა. 515

ქვეთავი 1301 − ზოგადი. 515

თავი 14 − გარე კედლები. 516

ქვეთავი 1401 − ზოგადი. 516

ქვეთავი 1402 − განმარტებები. 516

ქვეთავი 1403 − საანგარიშო მოთხოვნები. 516

ქვეთავი 1404 − მასალები. 518

ქვეთავი 1405 − კედლის საფარის მოწყობა. 519

ქვეთავი 1406 − წვადი მასალები გარე კედლების გარეთა მხარეს. 528

ქვეთავი 1407 − ლითონშემცველი მასალები. 530

ქვეთავი 1408 − გარე საიზოლაციო და მოსაპირკეთებელი სისტემები. 534

ქვეთავი 1409 − მაღალი წნევით დამუშავებული, გარე დეკორატიული,

კომპაქტური ლამინატი. 535

თავი 15 − სახურავის ანაწყობები და სახურავზედა ნაგებობები. 538

ქვეთავი 1501 − ზოგადი. 538

ქვეთავი 1502 − განმარტებები. 538

ქვეთავი 1503 − ატმოსფერული ზემოქმედებისგან დაცვა. 539

ქვეთავი 1504 − საანგარიშო მოთხოვნები. 540

ქვეთავი 1505 − ხანძრის კლასიფიცირება. 543

ქვეთავი 1506 − მასალები. 544

ქვეთავი 1507 − სახურავის ბურულებთან დაკავშირებული მოთხოვნები. 545

ქვეთავი 1508 − სახურავის იზოლაცია. 564

ქვეთავი 1509 − სახურავზედა ნაგებობები. 565

ქვეთავი 1510 − ხელახალი გადახურვა. 569

ქვეთავი 1511 − მზის ფოტოვოლტაიკური (ფოტოვოლტური)

პანელები/მოდულები. 570

თავი 16 – წყალსადენი სისტემები. 572

ქვეთავი 1601 ზოგადი. 572

ქვეთავი 1602  წყალსადენი საშუალებებისადმი მინიმალური მოთხოვნები. 572

თავი 17 –  ლიფტები და გადამზიდი სისტემები. 579

ქვეთავი 1701 ზოგადი. 579

ქვეთავი 1702 ლიფტის შახტის შემომზღუდავები. 579

ქვეთავი 1703 მუშაობის რეჟიმი საგანგებო ვითარებისას. 580

ქვეთავი 1704 ლიფტის შახტის განიავება. 581

ქვეთავი 1705 გადამზიდი სისტემები. 582

ქვეთავი 1706 სამანქანო ოთახები. 583

ქვეთავი 1707 სახანძრო-სამაშველო დანაყოფისთვის მისადგომი ლიფტები. 584

ქვეთავი 1708 დამკავებელთა საევაკუაციო ლიფტები. 587

თავი 18 – სპეციალური მშენებლობა. 592

ქვეთავი 1801 შესავალი. 592

ქვეთავი 1802 მემბრანული ნაგებობები. 592

ქვეთავი 1803 დროებითი ნაგებობები. 594

ქვეთავი 1804 საფეხმავლო გადასასვლელები და გვირაბები. 595

ქვეთავი 1805 ტენტები და ჩარდახები. 597

ქვეთავი 1806 გავალაკები (ბალდახინები). 598

ქვეთავი 1807 ნიშნები. 598

ქვეთავი 1808 ტელე-რადიო ანძები. 598

ქვეთავი 1809 საცურაო აუზების შემომზღუდავები და უსაფრთხოების მექანიზმები. 599

ქვეთავი 1810 საავტომობილო ავტომატური ჭიშკრები. 601

თავი 19 – საზოგადოებრივ გზებში შეჭრა. 602

ქვეთავი 1901 ზოგადი. 602

ქვეთავი 1902 შეჭრა. 602

თავი 20 – უსაფრთხოების ზომები მშენებლობის დროს. 604

ქვეთავი 2001 ზოგადი. 604

ქვეთავი 2002 უსაფრთხოების ზომები მშენებლობისას. 604

ქვეთავი 2003 დაშლა. 604

ქვეთავი 2004 მიწის სამუშაოები. 605

ქვეთავი 2005 სანიტარია. 605

ქვეთავი 2006 ფეხით მოსიარულეთა დაცვა. 606

ქვეთავი 2007 მომიჯნავე საკუთრების დაცვა. 608

ქვეთავი 2008 ქუჩების, ჩიხებისა და საზოგადოებრივი საკუთრების დროებითი გამოყენება. 608

ქვეთავი 2009 ცეცხლსაქრობები. 609

ქვეთავი 2010 გასასვლელი საშუალებები. 609

ქვეთავი 2011 სახანძრო მილდგარები. 609

ქვეთავი 2012 ავტოსაშხეფი სისტემა. 610

ქვეთავი 2013 ხანძრისაგან დაცვის სისტემისათვის წყლის მიწოდება. 610

თავი 21 – არსებული ნაგებობები. 611

ქვეთავი 2101 ზოგადი. 611

ქვეთავი 2102 განმარტებები. 611

ქვეთავი 2103 მიშენება-დაშენებები. 612

ქვეთავი 2104 გადაკეთებები. 612

ქვეთავი 2105 შეკეთებები. 612

ქვეთავი 2106 სახანძრო თავდასაღწევები. 612

ქვეთავი 2107 მინის შეცვლა. 613

ქვეთავი 2108 დაკავებულობის შეცვლა. 614

ქვეთავი 2109 ისტორიული შენობები. 614

ქვეთავი 2110 გადაადგილებული ნაგებობები. 614

ქვეთავი 2111 მისაწვდომობა არსებული შენობებისათვის. 614

თავი 1 − რეგულირების საგანი და გამოყენება

ქვეთავი 101 − ზოგადი დებულებები

101.1 დასახელება. „შენობა-ნაგებობის უსაფრთხოების წესები“, შემდგომში მოიხსენიება, როგორც „წესები“.

101.2 რეგულირების საგანი. წესების დებულებები ეხება ყველანაირი შენობის ან ნაგებობის ან ამ შენობებსა თუ ნაგებობებზე მიდგმული ან მათთან დაკავშირებული ნებისმიერი ნაგებობის მშენებლობას, გადაკეთებას, გადაადგილებას, გაფართოებას, შეცვლას, შეკეთებას, აღჭურვას, გამოყენებას და დაკავებულობას, მდებარეობას, მოვლა-პატრონობას/შენახვას, აღებასა და დანგრევას/დაშლას.

გამონაკლისი:  ამ წესებით არ რეგულირდება:

1. ერთი ან ორი ოჯახისთვის განკუთვნილი ცალკე მდგომი, II კლასს დაქვემდებარებული, საცხოვრებლები, ასევე, მათი დამხმარე ნაგებობები, რომლებიც უზრუნველყოფილია დამოუკიდებელი გასასვლელი საშუალებებით და სიმაღლეში არ აღემატება მიწის დონიდან სამ სართულს.

2. ხაზობრივი ნაგებობები, წყალსაცავები, კაშხლები, ნავთობის ბაზები, ელექტროსადგურები და ნაპირსამაგრი ნაგებობები.

101.3 მიზანი. წესების მიზანია მინიმალური პირობების შექმნა საზოგადოების ჯანმრთელობის, უსაფრთხოებისა და საერთო კეთილდღეობის მისაღწევად, რასაც უზრუნველყოფს გასასვლელი საშუალებები, სანიტარიული პირობები, სათანადო განათება და განიავება, შენობაში ხანძრისა და სხვა საფრთხეებისგან სიცოცხლისა და საკუთრების დაცვა, ასევე, მეხანძრე-მაშველებისა და მაშველების უსაფრთხოება საგანგებო ვითარებებისას.

ქვეთავი 102 − გამოყენებადობა

102.1 ზოგადი. სადაც ზოგადი მოთხოვნა ეწინააღმდეგება სპეციფიკურ მოთხოვას, გამოიყენება სპეციფიკური მოთხოვნა, სადაც, ნებისმიერ სპეციფიკურ შემთხვევაში, წესების სხვადასხვა ნაწილებში განსაზღვრულია განსხვავებული მოთხოვნები, უნდა შესრულდეს მათ შორის ყველაზე მკაცრი მოთხოვნები.

102.2 მითითებული სტანდარტები. წესებში მითითებული სტანდარტები ითვლება წესების მოთხოვნების ნაწილად იმ ხარისხით, როგორც ამას მოითხოვს თითოეული მითითებული ნაწილი.

102.2.1 წინააღმდეგობები. როდესაც წესების დებულებები ეწინააღმდეგება მითითებულ სტანდარტებს, გამოიყენება წესების დებულებები.

102.3 მითითებული სტანდარტების შესაბამისი სხვა სტანდარტები. დასაშვებია მითითებული სტანდარტების შესაბამისი სხვა სტანდარტების გამოყენება.

102.4 არსებული ნაგებობები. ნებისმიერ ნაგებობაში განთავსებულმა კანონიერმა დაკავებულობამ, რომელიც უკვე არსებობდა წესების მიღების დროს, დასაშვებია, გააგრძელოს ფუნქციონირება უცვლელად, თუ სპეციალური მითითება არაა წესებში.

თავი 2 − განმარტებები

ქვეთავი 201 − ზოგადი

201.1 რეგულირების საგანი. თუ სიტყვები და ტერმინები სხვაგვარად არაა განმარტებული, მაშინ მათ წესების მიზნებიდან გამომდინარე, განსაზღვრული მნიშვნელობები აქვს.

201.2 ურთიერთმონაცვლეობა. აწმყო დროში გამოყენებული ზმნები გულისხმობს ასევე მომავალს; მხოლოობით რიცხვში დასმული ასევე ითვლება მრავლობითად და მრავლობითში კი – მხოლოობითად.

201.3 განუმარტავი ტერმინები. განუმარტავი ტერმინები საყოველთაოდ მიღებული მნიშვნელობით გამოიყენება.

 

ქვეთავი 202 − განმარტებები

აალებადი აირი. ნივთიერება, რომელიც აირია 20°C ან 20°C-ზე ნაკლებ ტემპერატურაზე 101 კპა ატმოსფეროს წნევისას [ნივთიერება, რომლის დუღილის წერტილი ნაკლებია ან ტოლია 20°C-ისა 101 კპა წნევისას]:

1.    აალებადია 101 კპა წნევისას, როდესაც ჰაერთან შერევისას მისი მოცულობა ნაკლებია ან ტოლია 13%-ისა;

2.    მიუხედავად იმისა, როგორია ქვედა ზღვარი, აქვს აალების დიაპაზონი, 101 კპა, როდესაც ჰაერთან შერევისას მისი მოცულობა, სულ მცირე, 12%-ია;

აღნიშნული ზღვრები დგინდება ASTM E 681-ის შესაბამისად 101 კპა წნევისა და 20°C ტემპერატურის პირობებში.

აალებადი თხევადი აირი. თხევადი, დაჭირხნილი აირი, რომელიც მოქმედი წნევისას 20°C ტემპერატურაზე, ნაწილობრივ, თხევად მდგომარეობაშია და აალებადია.

აალებადი მყარი ნივთიერება. მყარი ნივთიერება, ფეთქებადი ნივთიერების ან ფეთქებადი ნარევის გარდა, რომელმაც შეიძლება გამოიწვიოს ხანძარი ხახუნის, აბზორბციის ან დანესტიანების, სპონტანური ქიმიური ცვლილების ან წარმოებიდან თუ გადამუშავებიდან შერჩენილი სითბოს შედეგად, მისი აალების ტემპერატურა 100°C-ზე ნაკლებია ან რომელიც აალებისას ისე ძლიერ და სწრაფად იწვის, რომ სერიოზულ საფრთხეს ქმნის. ქიმიური ნივთიერება აალებად მყარ ნივთიერებად უნდა ჩაითვალოს, თუ CPSC 16 CFR-ის 1500.44 ნაწილში განსაზღვრული მეთოდით შემოწმებისას თვითაალებით მიმდინარე აალებისა და წვის პროცესის სიჩქარე მთავარი ღერძის გასწვრივ აღემატება 2,5 მმ/წმ-ს.

აალებადი ნივთიერება. ნივთიერება, რომელიც ადვილად აალდება სითბოს ჩვეულებრივი წყაროების ზემოქმედებით, 316°C ან 316°C-ზე ნაკლებ ტემპერატურაზე.

აალებადი ორთქლი ან კვამლი. ჰაერში აალებადი ნაწილაკების კონცენტრაცია, რომელიც აჭარბებს მათი აალების ქვედა ზღვრის 25%-ს.

აალებადი სითხე. სითხე, რომლის აალების წერტილი დახურულ ჭურჭელში 38°C-ზე დაბალია. აალებადი სითხეები შედის I კლასის კატეგორიის სითხეების ჯგუფში. I კლასის კატეგორია კი იყოფა შემდეგ ქვეკლასებად:

კლასი IA. სითხეები, რომელთა უეცარი აალების წერტილი 23°C-ზე ნაკლებია (დაბალია), ხოლო დუღილის წერტილი 38°C-ზე ნაკლებია (დაბალია).

კლასი IB. სითხეები, რომელთა აალების წერტილი 23°C-ზე ნაკლებია (დაბალია), ხოლო დუღილის წერტილი ტოლია ან მეტია  38°C-ისა.

კლასი IC. სითხეები, რომელთა აალების წერტილი ტოლია ან მეტია 23°C-ისა და 38°C-ზე ნაკლებია (დაბალია). აალებადი სითხეების კატეგორიაში არ შედის დაჭირხნული აირები ან კრიოგენული სითხეები.

აალების ქვედა ზღვარი. ჰაერში ორთქლის მინიმალური შემცველობა, რომელიც, აალების წყაროს არსებობისას, ალის გავრცელებას იწვევს. აალების ქვედა ზღვარს ზოგჯერ „ფეთქებადობის ქვედა ზღვარს“ უწოდებენ.

აალების წერტილი. მინიმალური ტემპერატურა გრადუსებში, რომელზეც ზედაპირთან ახლოს ან კონტეინერში არსებული სითხე გამოყოფს საკმარის ორთქლს, ჰაერთან ერთად აალებადი ნარევის წარმოსაქმნელად, თუმცა წვას ვერ უზრუნველყოფს. სითხის აალების წერტილი უნდა განისაზღვროს ASTM D 56, ASTM D 93 ან ASTM D 3278-ში განსაზღვრული ტესტისა და აპარატურის მეშვეობით.

ადგილი. მიწის ნაკვეთი, რომელიც შემოსაზღვრულია მიწის ნაკვეთის საკუთრების ხაზით/საზღვრით ან საზოგადოებრივი გზის ნაწილით.

ადგილზე დამზადებული გადასაჭიმი სისტემა. სისტემა, რომელიც მზადდება ადგილზე და გამოიყენება აკუსტიკური, მიმაგრების ან ესთეტიკური მიზნით, იგი შედგება სამი ელემენტისაგან:

1.    ჩარჩო (აგებული პლასტმასით, ხით, ლითონით ან სხვა მასალით), რომელიც გამოიყენება ქსოვილის ადგილზე დასამაგრებლად;

2.    გულის მასალა (გამოყენებისთვის საჭირო თვისებების მქონე შიგა შემვსები);

3.    გარე შრე, რომელიც შედეგება ნაჭრის, ქსოვილის ან ვინილისგან, გადაჭიმულია ჩარჩოზე და მაგრდება მოსაჭერი ან მექანიკური სამაგრებით.

აეროზოლი. პროდუქტი, რომელიც გამოიფრქვევა აეროზოლის კონტეინერიდან პროპელენტის მეშვეობით. აეროზოლის პროდუქტები უნდა კლასიფიცირდეს მათი წვის სითბოების გამოთვლის საფუძველზე და უნდა მიეკუთვნოს 1-ელ, მე-2 ან მე-3 დონეს.

1-ლი დონის აეროზოლის პროდუქტები. პროდუქტები, რომელთა ქიმიური წვის საერთო სითბო ნაკლებია ან ტოლია  20 კჯ/გ-ისა.

მე-2 დონის აეროზოლის პროდუქტები. პროდუქტები, რომელთა ქიმიური წვის საერთო სითბო მეტია 20 კჯ/გ-ზე და ნაკლებია ან ტოლია 30 კჯ/გ-ისა.

მე-3 დონის აეროზოლის პროდუქტები. პროდუქტები, რომელთა ქიმიური წვის საერთო სითბო 30 კჯ/გ-ზე მეტია.

აეროზოლის კონტეინერი. აეროზოლის მოსათავსებლად შექმნილი ლითონის, მინის ან პლასტმასის ჭურჭელი. ლითონის ჭურჭლის მაქსიმალური მოცულობა უნდა იყოს 1 000 მლ, მინის ან პლასტმასის ჭურჭლისა კი – 118 მლ.

ავარიის საკონტროლო სადგური. ნებადართული ადგილი შენობაში, რომელსაც გადაეცემა საავარიო მოწყობილობიდან წამოსული სიგნალები და სადაც დასაქმებულია სპეციალურად მომზადებული პერსონალი.

ავანსცენის კედელი. კედელი, რომელიც ყოფს სცენას აუდიტორიის ან დასაჯდომად განკუთვნილი ფართობისგან.

ავტომატური მექანიზმი ან სისტემა. ხანძრისაგან დამცავი მექანიზმი ან სისტემა, რომელიც საგანგებო ვითარებების დროს ადამიანის ჩაურევლად ასრულებს ფუნქციას და აქტიურდება წინასწარგანსაზღვრული ტემპერატურის მომატების, მისი ზრდის ტემპის ან წვის პროდუქტების მატების შედეგად.

ავტოსაშხეფი სისტემა. ხანძრისგან დაცვის ავტოსაშხეფი სისტემა, რომელიც მიწისქვეშა და მიწისზედა მილების გაერთიანებული სისტემაა, რომლის დაგეგმარება (დიზაინი) ხანძრისგან დაცვის საინჟინრო სტანდარტებს შეესაბამება. სისტემა უზრუნველყოფილია სათანადო წყალმომარაგებით. სისტემის მიწის ზემოთ განთავსებული ნაწილი სპეციფიკური ზომების მქონე ან ჰიდრავლიკისათვის დაგეგმარებული მილსადენებია. ისინი მოწყობილია ნაგებობაში ან ფართობზე, ძირითადად, სივრცის ზემო ნაწილში, რომლებზეც გარკვეული რიგით მიერთებულია ავტომატური საშხეფები. ჩვეულებრივ, სისტემა აქტიურდება ცეცხლის სიმხურვალეზე, მიუშვებს წყალს ხანძრის გავრცელების ფართობზე.

ავტომატური ცეცხლსაქრობი სისტემა. მექანიზმებისა და მოწყობილობების აღიარებული სისტემა, რომელიც ავტომატურად აფიქსირებს ცეცხლს და ხანძრის გავრცელების ფართობზე უშვებს აღიარებულ ცეცხლსაქრობ ნივთიერებას.

აირადი წყალბადის სისტემა. მილსადენების, მექანიზმებისა და ხელსაწყოების ერთობლიობა, რომელიც განკუთვნილია, რათა გამოიმუშაოს, შეინახოს, დაიჭიროს, გაანაწილოს ან გადაზიდოს აირადი წყალბადის შემცველი არამომწამლავი ნარევი, რომლის მოცულობის, სულ მცირე, 95% წყალბადის აირია, ხოლო, არაუმეტეს, 1% − ჟანგბადი. აირადი წყალბადის სისტემები მოიცავს დაჭირხნული აირის კონტეინერებს, რეაქტორებს და დამხმარე მოწყობილობებს, მათ შორის, წნევის რეგულატორებს, წნევის დამწევ მექანიზმებს, შემკრებებს (კოლექტორებს), ტუმბოებს, დამჭირხნავებს, დამაკავშირებელ მილსადენებს და საკონტროლებლებს.

აირაღმომჩენი უწყვეტი სისტემა. აირის აღმოსაჩენი სისტემა, რომელშიც ანალიტიკური ინსტრუმენტი შეუჩერებლივ მუშაობს და სინჯს უწყვეტად იღებს. ანალიზი ტარდება ციკლურად, არაუმეტეს, 30 -წუთიანი ინტერვალით.

აირის სადგური. მთლიანად შემოზღუდული, განიავებადი, არაწვადი შემოზღუდული სივრცე იზოლირებული გარემოს შესაქმნელად, სადაც ინახება ან გამოიყენება დაჭირხნული აირის ბალონები. დასაშვებია, იგი მოიცავდეს კარებსა და მისადგომ პორტებს ბალონების შესაცვლელად, ასევე წნევის მარეგულირებლებთან მისადგომად.

აირის ოთახი. დამოუკიდებლად ნიავებადი, მთლიანად შემოზღუდული ოთახი, სადაც მხოლოდ დაჭირხნული აირები და მათთვის განკუთვნილი მოწყობილობები და მარაგი ინახება ან გამოიყენება.

ალის გავრცელება. ალის ზედაპირზე მოდება.

ალის გავრცელების ინდექსი. შედარებითი მაჩვენებელი, გამოხატული განუსაზღვრელი რიცხვით, რომელიც მიღებულია ASTM E 84-ის მიხედვით მასალის შემოწმებისას. ამ დროს ალის გავრცელება ვიზუალურად იზომება.

ამბულატორიული კლინიკა. შენობები ან მათი ნაწილები, რომლებშიც ადამიანებს არასადღეღამისო სამედიცინო მომსახურებას უწევენ. ამასთან, გაწეული მომსახურების გამო პაციენტები თავდაცვის უნარს არ კარგავენ.

ამბულატორიული სამედიცინო დაწესებულება. შენობები ან მათი ნაწილები, რომლებშიც არასადღეღამისო  სამედიცინო, ქირურგიულ, ფსიქიატრიულ, საექთნო ან მსგავს მომსახურებას უწევენ პირებს, რომელთაც მომსახურების გაწევის დროს არ აქვთ თავდაცვის უნარი.

ანტიპანიკური გამღები. კარის გამღები მექანიზმი, რომელიც საკეტს აღებს მაშინ, როდესაც ძალა გამოყენებულია გასასვლელისკენ სავალი მიმართულებით. ასევე იხილეთ „სახანძრო გასასვლელის გამღები“.

ანტრესოლი. 505-ე ქვეთავის შესაბამისად მოწყობილი შუალედური დონე ან დონეები, ნებისმიერი სართულის იატაკსა და ჭერს შორის.

არამდგრადი (რეაქტიული) ნივთიერება. ნივთიერება, ფეთქებადსაშიშების გარდა, რომელიც სუფთა სახით ან სერიულად წარმოებული განიცდის ძლიერ პოლიმერიზაციას, იშლება, კონდენსირდება ან ხდება თვითრეაქტიული და განიცდის სხვა ძლიერ ქიმიურ ცვლილებებს, აფეთქებასაც კი სითბოს, ხახუნის ან დარტყმითი ზემოქმედებისას, ინჰიბიტორის არარსებობის ან დამბინძურებლის არსებობისას, ან შეუთავსებელ ნივთიერებებთან შეხებისას, არამდგრადი (რეაქტიული) ნივთიერებები იყოფა შემდეგ კლასებად:

კლასი 4. ნივთიერებები, რომლებიც ადვილად დეტონირებადია, ფეთქებით იშლება ან ფეთქებადია ნორმალური ტემპარატურისა და წნევის პირობებშიც. ამ კლასში შემავალი ნივთიერებები მგრძნობიარეა მექანიკურ ან ლოკალიზებულ თერმულ დარტყმაზე ნორმალური ტემპარატურისა და წნევის პირობებში.

კლასი 3. ნივთიერებები, რომლებიც ადვილად დეტონირებადია, ფეთქებით იშლება ან ფეთქებადი რეაქციები ახასიათებს, მაგრამ ძლიერი აღმზნები წყარო სჭირდება ან რეაქციის დაწყებამდე დახურულ ჭურჭელში უნდა გაცხელდეს. ამ კლასში შედის ნივთიერებები, რომლებიც მგრძნობიარეა მექანიკურ ან თერმულ დარტყმაზე მომატებული ტემპარატურისა და წნევის პირობებში.

კლასი 2. ნივთიერებები, რომლებიც, ჩვეულებრივ, არამდგრადია და ზემოქმედებით ადვილად განიცდის ქიმიურ ცვლილებებს, მაგრამ არ ახასიათებს დეტონაცია. ამ კლასის ნივთიერებები ნორმალური ტემპერატურისა და წნევისას განიცდის ქიმიურ ცვლილებებს ენერგიის სწრაფი გამოთავისუფლებით, ხოლო მომატებული ტემპარატურისა და წნევისას ზემოქმედებით განიცდის ქიმიურ ცვლილებებს.

კლასი 1. ნივთიერებები, რომლებიც, ჩვეულებრივ, მდგრადია, მაგრამ მომატებული ტემპარატურისა და წნევისას შეიძლება არამდგრადად იქცეს.

არეკვლადი პლასტმასისგულიანი კილიტის (ფოლგის) იზოლაცია. რულონებად შეფუთული საიზოლაციო მასალა, რომლის სისქე 12,5 მმ-ზე ნაკლებია, აქვს, სულ მცირე, ერთი, მცირედ არეკვლადი (0,1 პერმი ან ნაკლები) გარე ზედაპირი და ნასვრეტებიანი და უჯრედებიანი მასალისგან დამზადებული გული.

ასაკეცი სკამები. ტერასულად განთავსებული სკამები, რომელთა ფორმა და ზომა შეიძლება შემცირდეს გადაადგილების ან შენახვის მიზნით და რომლებიც არ წარმოადგენს შენობის ელემენტს.

ატრიუმი. შემოზღუდული გზა-კიბეების, ლიფტების, ლიფტის შახტების, მოძრავი კიბეების (ესკალატორების), მილსადენების, ელექტრო, ჰაერის კონდიცირების ან სხვა მოწყობილობების ღიობებისგან განსხვავებული, ორ ან ორზე მეტ სართულთან დამაკავშირებელი (ორი ან ორზე მეტი სართულის დამაკავშირებელი) ღიობი, რომელიც ზემოდან დახურულია (გადახურულია) და არ განიმარტება, როგორც მოლი. ამ განმარტებაში ნახსენებ სართულებში არ იგულისხმება თავშეყრის ჯგუფებში მდებარე აივნები ან 505-ე ქვეთავის შესაბამისად მოწყობილი ანტრესოლები.

აფეთქება. აირების უეცარი ძლიერი გაფართოების შედეგი, რომელსაც თან ახლავს დარტყმითი ტალღა ან შემომზღუდავი მასალების ან ნაგებობების ნგრევა, ან ორივე ერთად. აფეთქება შეიძლება გამოიწვიოს ქვემოთ ჩამოთვლილმა ნებისმიერმა მიზეზმა:

1.    ქიმიურმა ცვლილებებმა, როგორებიცაა: სწრაფი დაჟანგვა, დეფლაგრაცია ან დეტონაცია, მოლეკულების დაშლა და სწრაფად მიმდინარე პოლიმერიზაცია (ჩვეულებრივ, დეტონაციები);

2.    ფიზიკურმა ცვლილებებმა, როგორიცაა: მაღალი წნევის რეზერვუარების გახეთქა;

3.    ატომურმა ცვლილებებმა (ბირთვული გახლეჩა ან შეერთება).

აღიარებული. მშენებლობის ნებართვის გამცემი/ზედამხედველი ორგანოსთვის მისაღები.

ბამბის ფუთა. ბუნებრივი თესლის ბოჭკო, რომლის შესაფუთად გამოყენებულია მრეწველობაში ნებადართული მასალები: უხეში ტილო/ჯვალო, დაწნული პოლიპროპელინი, პოლიეთილენი, ბამბის ან ფურცლოვანი პოლიეთილენის ქსოვილი. იგი შეკრულია ფოლადის, სინთეტური ან მავთულის სალტეებით. ასევე, შეიცავს ბამბის ნაძენძს (ბამბის თესლიდან ამოღებული ნაძენძები) და მისსავე მტვერს (გაწმენდის შემდეგ დარჩენილი ნივთიერებები).

ბამბის ფუთა, მჭიდროდ შეფუთული. ბამბის ფუთა, რომლის შეფუთვის სიმჭიდროვე, სულ მცირე, 360 კგ/მ³-ია, ხოლო ზომები − სიგრძე – 140 სმ ± 20 მმ, სიგანე – 54 სმ ± 20 მმ, სიმაღლე – 70-იდან – 90 სმ-მდე.

ბარიკადა. კედლებიანი ნაგებობა იატაკითა და სახურავით, რომელიც განკუთვნილია აფეთქების დროს სწრაფად გამოშვებული ენერგიის შესაკავებლად. იგი მთლიანად ჩაკეტილია, ან ნიავდება ნაწილობრივ, ან სრულად; ან სხვაგვარი ბუნებრივი ან ხელოვნური ზღუდე ფეთქებადი ნივთიერებებისგან დასაცავად.

ბუნებრივი ბარიკადა. მიწის ბუნებრივი თავისებურებანი, მაგ.: გორაკები ან საკმარისი სიმკვრივის მორები, რომლებიც გარს აკრავს დასაცავ დახურულ სივრცეებს, მაგრამ არ ჩანს ფეთქებადი ნივთიერებების შემცველი საწყობიდან ან შენობიდან მაშინაც კი, როდესაც ხეებს ფოთლები გაცვენილი აქვს.

ხელოვნური ბარიკადა. სულ მცირე, 90 სმ სისიქის ხელოვნური ბორცვი (მიწაყრილი) ან ჯებირი.

ბაქან-სცენა. ამაღლებული ფართობი შენობაში, რომელიც გამოიყენება სალოცავად, მუსიკალური ნაწარმოებების შესასრულებლად, სპექტაკლების ან სხვა გასართობი ღონისძიებების წარმოსადგენად; განსაკუთრებული სტუმრებისთვის განკუთვნილი მთავარი მაგიდის დასადგმელად; ასევე ამაღლებული ადგილია ლექტორებისა და გამომსვლელებისთვის, კრივის და საჭიდაო რინგებისთვის, მრგვალი თეატრალური სცენებისთვის და ა.შ., რომლის ზევით არ არის ფარდა, დეკორაციები ან სასცენო ეფექტები, გარდა განათებისა და ხმის მოწყობილობებისა. დროებითი ბაქან-სცენა ეწოდება ადგილს, რომელიც არაუმეტეს 30 დღით ეწყობა.

ბეტონი

ვერმიკულიტიანი. მცირეწონიანი საიზოლაციო ბეტონი ვერმიკულიტის შემვსებით, რომელიც მაღალ ტემპერატურაზე გაფუებული მადნისგან წარმოებულ ფენოვან ქარსის მასალაა. ბეტონში პორტლანდცემენტის ჰიდრომასის დამატებისას მშრალი ბეტონის ერთეულის წონა დაახლოებით 480 კგ/მ³-ია.

კარბონატული შემვსებით. ბეტონი, ძირითადად, კალციუმის ან მაგნეზიის კარბონატის შემცველი შემვსებებით, როგორებიცაა: კირქვა ან დოლომიტი. იგი შეიცავს 40%-ს ან მასზე ნაკლებ კვარცს, თიხოვან ფიქალს ან კაჟს.

მცირეწონიანი ქვიშით. ბეტონი, რომელიც დამზადებულია აფუებული თიხის, ფიქლის თიხის, წიდის, ასპიდური ფიქლის, ფხვიერი ნახშირის მტვრის ან ნებისმიერი მსუბუქწონიანი შემვსების კომბინაციით. იგი შეესაბამება ASTM C 330-ს და ახასიათებს ეკქვივალენტური თვისებები და შეიცავს ბუნებრივ ქვიშას. მისი ერთეულის წონა, ჩვეულებრივ, 1680 და 1920 კგ/მ³-ია.

მცირეწონიანი შემვსებით. ბეტონი, რომელიც დამზადებულია აფუებული თიხის, ფიქლის თიხის, წიდის ან ასპიდური ფიქლისგან, ან ფხვიერი ნახშირის მტვრისგან, ან ნებისმიერი მცირეწონიანი შემვსებისგან. იგი შეესაბამება ASTM C 330-ს. მას ახასიათებს ეკვივალენტური თვისებები ცეცხლმედეგობის თვალსაზრისით და იწონის 1360-იდან 1840 კგ/მ³-მდე.

პერლიტიანი. მცირეწონიანი საიზოლაციო ბეტონი, რომლის მშრალი წონა დაახლოებით 480 კგ/მ³-ია და დამზადებულია პერლიტ-ბეტონის შემვსებით. პერლიტის შემვსები იწარმოება ვულკანური ქანისგან, რომელიც გაცხელებისას ფუვდება და ქმნის მინის მსგავს უჯრედული სტრუქტურის მქონე მასალას.

კაჟოვანი შემვსებით. ბეტონი, რომელიც დამზადებულია ნორმალური წონის შემვსებებით, რომლებიც ძირითადად შედგება კაჟმიწისგან ან კალციუმის და მაგნეზიის კარბონატისგან განსხვავებული კომპონენტებისგან, რომელთაგან 40%-ზე მეტ კვარცი, თიხოვანი ფიქალი ან კაჟია.

უჯრედული. მცირეწონიანი საიზოლაციო ბეტონი, რომელიც დამზადებულია წინასწარფორმირებული ქაფის შერევით პორტლანდცემენტის ჰიდრომასასთან და რომლის ერთეულის მშრალი წონა დაახლოებით 480 კგ/მ³-ია.

ბოჭკოვანი ცემენტის სამოსი. არაორგანული ჰიდრავლიკური ან სილიკატ-კალციუმის შემკვრელისგან დამზადებული ხელოვნური ბოჭკოებით გაძლიერებული პროდუქტი, რომელიც მიიღება ქიმიური რეაქციით და გაძლიერებულია ორგანული და არაორგანული არააზბესტური ბოჭკოებით. დასაშვებია დანამატების გამოყენება, რაც ზრდის წარმოებული პროდუქციის მოცულობას და აუმჯობესებს მის თვისებებს. ბოჭკოვანი ცემენტის საფარს აქვს გლუვი ან ტექსტურირებული ზედაპირი და გარე კედლისთვისაა განკუთვნილი.

გადაბმის ცეცხლმედეგი სისტემა. სპეციფიკური მასალების ან პროდუქტების ანაწყობი, რომლის დგეგმარებას (დიზაინს), შემოწმებასა და ცეცხლმედეგობის ხარისხს ადგენენ ASTM  E 1966-ის ან UL 2079-ის შესაბამისად, რათა განსაზღვრულ პერიოდში ცეცხლმედეგობის ხარისხიან ანაწყობებში ან მათ შორის არსებული გადაბმებიდან ცეცხლმა ვერ გააღწიოს.

გადაზიდვა. გადაზიდვა ნებისმიერი საშუალებით საწყობის ან გამოყენების ადგილის მიმართულებით.

გადახურული მოლის შენობა. გარკვეული რაოდენობის მფლობელებისა და დამკავებლეებისთვის განკუთვნილი ცალკე შენობა, სადაც მდებარეობს საცალო ვაჭრობის მაღაზიები, სწრაფი კვების ადგილები, გასართობი მოწყობილობების ადგილები, სამგზავრო ტრანსპორტის ტერმინალები, ოფისები და სხვა მსგავსი გამოყენებები. აქ მფლობელობაში არსებული ორი ან ორზე მეტი სივრცის მთავარი შესასვლელი გადის ერთ ან ერთზე მეტ მოლში. ამ თავის მიზნებიდან გამომდინარე, მიდგმული შენობები არ ითვლება გადახურული მოლის შენობის ნაწილად. ქვემოთ მოცემული განსაზღვრების მიხედვით, ტერმინი „გადახურული მოლის შენობა“ გულისხმობს ღია მოლის შენობებსაც.

მოლი. გადახურული ან ღია საერთო ფეხით სავალი ფართობი გადახურული მოლის შენობის საზღვრებში, რომელიც უზრუნველყოფს ორ ან მეტ მფლობელთან მისადგომს და სადაც ერთმანეთისადმი ღია დონეების რაოდენობა არ აღემატება სამს. ტერმინი „მოლი“ მოიცავს ღია მოლებსაც, როგორც განსაზღვრულია ქვემოთ.

ღია მოლი. გადაუხურავი ფეხით სავალი საერთო გზა, რომელიც ემსახურება ბევრ მფლობელს და არ მოიცავს სამ დონეზე მეტს. მიწის დონის ზემოთ მდებარე დონეებზე გადაადგილებისთვის დასაშვებია გარე ღია აივნების გამოყენება, რომლებიც მიემართება მიწის დონეზე მდებარე გასასვლელისკენ.

ღია მოლის შენობა. რამდენიმე ნაგებობა, სადაც მდებარეობს მფლობელობაში არსებული ბევრი სივრცე: საცალო ვაჭრობის მაღაზიები, კვების ადგილები, გასართობი დაწესებულებები, ოფისები და სხვა მსგავსი გამოყენებები და მფლობელობაში არსებული ორი ან მეტი სივრცის მთავარი შესასვლელი გადის ერთ ან მეტ ღია მოლში. წესების მე-4 თავის მიზნებისთვის მიდგმული შენობები არ ითვლება ღია მოლის შენობის ნაწილად.

გადახურული ტრიბუნა. ორი ან ორზე მეტი რიგის სიმაღლის ტერასულად განთავსებული დასაჯდომები, რომლებიც ეყრდნობა მათთვის აგებულ ნაგებობას, იგი შენობის ელემენტად არ ითვლება (იხილეთ „ღია ტრიბუნები“).

გამააქტიურებელი მექანიზმი. სისტემის კომპონენტი, რომელიც იწყებს მდგომარეობის შეცვლას ისეთ მოწყობილობებში, როგორებიცაა: კვამლაღმომჩენი, სახანძრო განგაშის ხელით სამართავი კოლოფი ან საზედამხედველო ამომრთველი.

გამოყენება (მასალის). მყარი, თხევადი და აიროვანი მასალების გამოყენება სამუშაო პროცესში.

გამჭოლი გაყვანილობა. ისეთი ზომის ნახვრეტი იატაკის, იატაკ-ჭერის ან კედლის ანაწყობის ორივე მხარეს, რომელშიც გაყვანილობა გავა.

გამჭოლი გაყვანილობის ცეცხლშემჩერებელი სისტემა. ცეცხლმედეგობის ხარისხიანი იატაკის, იატაკჭერის ან კედლის ანაწყობებისგან შემდგარი ანაწყობი, რომელსაც კვეთს ერთი ან ერთზე მეტი გაყვანილობა. გადაკვეთის ადგილას მოწყობილია მასალები ან მექანიზმები, ან ორივე, წინასწარ განსაზღვრული დროის განმავლობაში ცეცხლის გავრცელების შესაფერხებლად.

განგაშის გადამოწმების ფუნქცია. ცეცხლის ავტომატური აღმომჩენი და განგაშის სისტემების ფუნქცია ცრუ განგაშის შესამცირებლად, რისი საშუალებითაც დროის მინიმალურ პერიოდში კვამლაღმომჩენები აფრთხილებს საავარიო ვითარების შესახებ, ან ადასტურებს საგანგებო ვითარებას მოცემული დროის განმავლობაში. შემდეგ კვამლაღმომჩენები ავტომატურად ბრუნდება საწყის მდგომარეობაში, რაც განგაშის სიგნალის უტყუარობას ნიშნავს.

განგაშის გასავრცელებელი მოწყობილობა. სახანძრო განგაშის სისტემის შემადგენელი ნაწილი, მაგ., ზარი, საყვირი, რუპორი, სინათლის ან ტექსტის ეკრანი, რომლებიც გამოსცემს ხმოვან, ტაქტილურ ან ვიზუალურ სიგნალებს ან მათ კომბინაციებს.

განგაშის ვიზუალური შეტყობინების მოწყობილობა. შეტყობინების მოწყობილობა, რომელიც ვიზუალურ შეტყობინებას აფიქსირებს.

განგაშის მრავალბლოკიანი მოწყობილობა. განგაშის ორი ან ორზე მეტი ერთბლოკიანი მოწყობილობა, რომლებიც შეიძლება ისე იყოს ერთმანეთთან დაკავშირებული, რომ ერთის გააქტიურება იწვევდეს ყველა ინტეგრალური ან დამოუკიდებელი ხმოვანი განგაშის სისტემის ამუშავებას. ის ასევე შეიძლება შედგებოდეს განგაშის ერთბლოკიანი მოწყობილობისგან, რომელიც დაკავშირებულია სხვა აღმომჩენ სისტემებთან ან ხელით მართვად სახანძრო განგაშის კოლოფთან.

განგაშის სიგნალი. საგანგებო ვითარებაზე მიმანიშნებელი სიგნალი, რომელიც მყისიერ რეაგირებას მოითხოვს, მაგ., ხანძარზე მიმანიშნებელი სიგნალი.

განიავება. ნებისმიერ სივრცეში ან სივრციდან კონდიცირებული ან არაკონდიცირებული ჰაერის ბუნებრივი ან მექანიკური მიწოდების ან გაწოვის პროცესი.

გარე კედელი. მზიდი ან არამზიდი კედელი, რომელიც, განსხვავებით ცეცხლმედეგი კედლისაგან, შენობის შემომსაზღვრელი კედელია და მისი ქანობი თარაზული სიბრტყის მიმართ 60 ან მეტი გრადუსია.

გარე კედლის კონვერტი. გარე კედლის სისტემა ან ანაწყობი, ასევე, გარე კედლის მოსაპირკეთებელი მასალები, რომლებიც შენობის სტრუქტურულ ნაწილებს, მათ შორის, ჩარჩოსა და შესამოს მასალებს და შიგა კონდიცირებად სივრცეს გარემო ეფექტების მავნე ზემოქმედებისგან იცავს.

გარე კედლის საფარი. მასალა ან მასალების ერთობლიობა, რომელიც გამოიყენება გარე კედლების გარეთა მხარეს  წყალმედეგი ზღუდისა და იზოლაციის შესაქმნელად, ან ესთეტიკური მიზნით. გარე კედლის საფარად გამოიყენება მოსაპირკეთებელი საფარი, სამოსი, გარე იზოლაცია და მოსაპირკეთებელი სისტემები, არქიტექტურული გაფორმება და დეკორაციები, ლავგარდანები (კარნიზები), სოფიტები, წინიდანები (ფრონტალური ფიცრები), წყალსადინარი ღარები და წყალარინი მილები.

გარემომცველი ხმაურის საშუალო დონე. საშუალო კვადრატული, საშუალო შეწონილი, ბგერითი წნევის დონე, რომელიც იზომება დღეღამის, ან იმ დროის განმავლობაში, სანამ რომელიმე ადამიანი რჩება შენობაში (რომელი პერიოდიც ნაკლები იქნება).

გასაკონტროლებელი ფართობი. შენობაში მდებარე სივრცე, სადაც ინახება, ნაწილდება, გამოიყენება ან იყიდება საფრთხის შემცველი ნივთიერებები, რომელთა რაოდენობა არ აღემატება ერთი გასაკონტროლებელი ფართობისთვის მაქსიმალურად დასაშვებ რაოდენობას.

გასავლელი. გასასვლელთან მისადგომის შემოუზღუდავი კომპონენტი, რომლის საზღვრებშიც მოწყობილია გასასვლელისკენ სავალი ბილიკი.

გასავლელთან მისადგომი გზა. გასასვლელთან მისადგომის გასასვლელისკენ მიმართული მონაკვეთი.

გასასვლელის გზა-დერეფანი. გასასვლელის ნაწილი, რომელიც შენობის ან ნაგებობის  სხვა შიგა სივრცეებისგან გამოყოფილია ცეცხლმედეგობის ხარისხიანი კონსტრუქციით და ღიობის დამცავებით. იგი გამოყოფს დაცულ სავალ გზას თარაზული მიმართულებით შენობიდან გამოსასვლელის ან საზოგადოებრივი გზისკენ.

გასასვლელთან მისადგომი. გასასვლელი საშუალებების სისტემის მონაკვეთი, რომელიც შენობის ან ნაგებობის ნებისმიერი დაკავებული ნაწილიდან გასასვლელისკენ მიემართება.

გასასვლელთან მისადგომის გზა-კარი. დაკავებული ოთახიდან, ფართობიდან ან სივრციდან გამომავალი კარი ან მისადგომი წერტილი გასასვლელისკენ სავალი გზის გასწვრივ. ამ კარიდან გასასვლელი გზა შედის გამავალ ოთახში, დერეფანში, გასასვლელთან მისადგომის კიბეზე ან გასასვლელთან მისადგომის პანდუსზე.

გასასვლელთან მისადგომის გზა-კიბე. შიგა გზა-კიბე, მაგრამ არა აუცილებელი შიგა გასასვლელის გზა-კიბე.

გასასვლელთან მისადგომის პანდუსი. შიგა პანდუსი, მაგრამ არა აუცილებელი შიგა გასასვლელის პანდუსი.

გასასვლელი საშუალებები. შვეული და თარაზული გასასვლელისკენ სავალი უწყვეტი და ჩაუხერგავი გზა შენობის ან ნაგებობის ნებისმიერი დაკავებული ნაწილიდან საზოგადოებრივ გზამდე. გასასვლელი საშუალებები შედგება სამი განსხვავებული და დამოუკიდებელი ნაწილისგან: გასასვლელთან მისადგომი, გასასვლელი და შენობიდან გამოსასვლელი.

გასასვლელის შიგა ეზო. შიგა ეზო ან ეზო, საიდანაც ერთი ან მეტი გასასვლელი გადის საზოგადოებრივ გზაზე.

გასასვლელისკენ სავალი საერთო ბილიკი. გასასვლელთან მისადგომის მონაკვეთი, რომლის გადაკვეთა აუცილებლია შენობაში მყოფთათვის, სანამ ორ დამოუკიდებელ გასასვლელამდე მიაღწევენ. შემხვედრი ბილიკები ქმნის საერთო სავალ ბილიკს. გასასვლელისკენ სავალი საერთო ბილიკები დასაშვები სავალი მანძილის საზღვრებში უნდა იყოს მოქცეული.

გაფუებადი ვინილის საფარი. (და)წნული ქსოვილის სარჩულიანი კედლის საფარი, გაფუებადი ვინილის ფუძეშრე და მისივე გაუფუებადი საცმი. გაფუებადი ვინილის ფუძეშრე არის ერთგვაროვანი ვინილის შრე, რომელიც შეიცავს საქრევ აგენტს (ქაფწარმომქმნელს). დამუშავებისას საქრევი აგენტი იშლება შემადგენელ ნაწილებად, რის შედეგადაც წარმოიქმნება ჩაკეტილი უჯრედები და შრე ფუვდება. კედლის საფარის საერთო სისქე დაახლოებით 1,4 მმ-იდან 1,8 მმ-მდეა.

გაუმართაობის შეტყობინება. სახანძრო განგაშის სისტემის ან ავარიის აღმომჩენი მოწყობილობით გამოცემული შეტყობინება წრედში ან სისტემის სხვა კომპონენტში გამოვლენილი გაუმართაობის შესახებ.

გაყვანილობის ცეცხლსაჩერი. გამჭოლი გაყვანილობის ან მემბრანის გაყვანილობის ცეცხლსაჩერი.

გაფორმება. სურათის ჩარჩოები, სკამის ზურგით კედლის დაზიანებისგან დასაცავი ზოლები (კედელზე), იატაკი-კედლის თამასები (პლინტუსები), მოაჯირის სახელურები, კარისა და ფანჯრის ჩარჩოები და სხვა მსგავსი გასაფორმებელი ან დამცავი მასალები.

გარე გზა-კიბე. გზა-კიბე, რომელიც ერთ მხარეს მაინც არის გახსნილი. აქ არ იგულისხმება ნაგებობის აუცილებელი სვეტები, კოჭები, სახელურები და მოაჯირები. მომიჯნავე ღია ფართობები წარმოადგენს ეზოებს, შიგა ეზოებს ან საზოგადოებრივ გზებს. სხვა მხრიდან გარე გზა-კიბე გახსნილი არ არის.

გარე საიზოლაციო და მოპირკეთების სისტემა. გარე საიზოლაციო და მოპირკეთების სისტემა წარმოადგენს არასტრუქტურულ, არამზიდ გარე კედლების საფარ სისტემას, რომელიც შედგება უკანასაყრდენზე მიწებებით ან მექანიკურად, ან ორივე მეთოდით დამაგრებული საიზოლაციო დაფისგან, მთლიანად გაძლიერებული უკანასაყრდენისა და ტექსტურირებული დამცავი მოსაპირკეთებელი საფარისგან.

გარე საიზოლაციო და მოპირკეთების სისტემა საწრეტით. გარე საიზოლაციო და მოპირკეთების სისტემები წყალმედეგი ძრუდის თავზე მოწყობილი საწრეტით.

გზა-კიბე. კიბეების ერთი ან მეტი მარში, შენობის გარეთ ან შიგნით, დამაკავშირებელი ბაქნებითა და მოედნებით, რომლებიც ქმნის უწყვეტ გადასასვლელს ერთი დონიდან მეორეზე.

დაკავებულობა. შენობა-ნაგებობის ან მისი ოთახის ან სივრცის ფუნქციური დანიშნულებიდან გამომდინარე მოსალოდნელი საფრთხის განმსაზღვრელი მცნება.

დაკავებულობის დატვირთვა. ადამიანთა რაოდენობა, რომელთა გათვალისწინებითაც გეგმარდება შენობის ან მისი ნაწილების გასასვლელი საშუალებები.

დამოუკიდებელი შუქმფენი (ფოტოლუმინესენციური). ხილული ან უხილავი განათების გათიშვის შემდეგ გარკვეული ხნით სინათლის გამოცემის უნარი.

დამხმარე შესასვლელი. შესასვლელი, რომელიც უმთავრესად განკუთვნილია საქონლის მისაწოდებლად ან მომსახურების გასაწევად.

დასამაგრებელი საფარის წყობა. მოსაპირკეთებელი საფარი, რომელიც ნებადართულ უკანასაყრდენზე მაგრდება ნებადართული მექანიკური სამაგრებით.

დაუკვამლიანებელი შემოზღუდული სივრცე. გასასვლელის გზა-კიბე, რომლის დაგეგმარება და მშენებლობა შენობის ნებისმიერი ნაწილიდან შემოზღუდულ სივრცეში ხანძრით გამოწვეული წვის პროდუქტების გადაადგილებას ზღუდავს.

დაუკვამლიანებელი განყოფილება. შენობის სივრცე, რომელიც ყველა მხრიდან, მათ შორის, ზემოდან და ქვემოდან, კვამლგაუმტარი ზღუდარითაა შემოზღუდული.

დახურული სისტემა. საფრთხის შემცველი მყარი ან თხევადი ნივთიერების გამოყენება დახურულ ჭურჭელში ან სისტემაში, რომელიც დახურული რჩება ჩვეულებრივი გამოყენების დროსაც, როდესაც პროდუქტიდან გამოშვებული ორთქლი არ ხვდება ჭურჭლის ან სისტემის გარეთ და პროდუქტი არ ეხება ატმოსფეროს ჩვეულებრივი გამოყენების დროს; ასევე, დაჭირხნული აირების ყველანაირი გამოყენება. მყარი და თხევადი ნივთიერებებისთვის დახურული სისტემის მაგალითს წარმოადგენს პროდუქტი, რომელიც მილსადენი სისტემის გავლით გადადის დახურულ ჭურჭელში, სისტემაში ან მოწყობილობის ნაწილში.

დაჭირხნული აირი. ნივთიერება ან ნივთიერებათა ნარევი, რომელიც:

1.    20°C ან 20°C-ზე ნაკლები ტემპერატურისა და  101 კპა წნევისას არის აირი;

2.    რომლის დუღილის წერტილი 101 კპა წნევისას ნაკლებია ან ტოლია 20°C-ისა, თხევადია, არაა თხევადი ან ხსნარის სახითაა წარმოდგენილი, გარდა იმ აირებისა, რომელთაც არ აქვს ჯანმრთელობისთვის საშიში თვისებები და არ ითვლება დაჭირხნულად, სანამ ჭურჭელში წნევა 282 კპა-სარ აღემატება  20°C-ის პირობებში.

დაჭირხნული აირის მდგომარეობები იყოფა შემდეგ კატეგორიებად:

1.    ხსნარების სახით წარმოდგენილი აირების გარდა, არათხევადი დაჭირხნული აირებია ისინი, რომლებიც მოთავსებულია შესაბამის ჭურჭელში წნევის ქვეშ და 20°C ტემპერატურაზე მთლიანად აიროვან მდგომარეობაშია;

2.    გათხევადებული დაჭირხნული აირებია ისინი, რომლებიც მოთავსებულია შესაბამის ჭურჭელში წნევის ქვეშ და 20°C ტემპერატურაზე ნაწილობრივ თხევად მდგომარეობაშია;

3.    ხსნარის სახით არსებული დაჭირხნული აირები გაუთხევადებელი აირებია, რომლებიც გახსნილია ხსნარში;

4.    დაჭირხნული აირის ნარევები შედგება ორი ან მეტი დაჭირხნული აირისგან, რომლებიც მოთავსებულია შესაბამის ჭურჭელში და რომელთა სახიფათო თვისებები დამოკიდებულია მთლიანი ნარევის თვისებებზე.

დეკორატიული მასალები. შენობის შიგა მოპირკეთებისთვის გამოყენებული ყველა მასალა დეკორაციული, აკუსტიკური ან სხვა ეფექტების შესაქმნელად (როგორიცაა: ფარდები, ფარდაგები, ქსოვილები, ლენტები და ზედაპირის საფარები) და ყველა სხვა მასალა, გამოყენებული დეკორატიული ეფექტისთვის (როგორიცაა: ვატინა, ნაჭერი, ბამბა, თივა, ღეროები, ჩალა, ვაზი, ფოთლები, ხეები, ხავსი და სხვ.), მათ შორის, ქაფპლასტი და ქაფპლასტამასის შემცველი მასალები. დეკორატიულ მასალებში არ შედის იატაკის საფარები, ფანჯრის ჩვეულებრივი დარაბები, შიგა მოპირკეთება და 0,6 მმ ან ნაკლები სისქის მასალები, გამოყენებული და მჭიდროდ მიკრული უშუალოდ ზედაპირზე.

დერეფანი. გასასვლელთან მისადგომის შემოზღუდული ნაწილი, რომლის საზღვრებშიც მოწყობილია გასასვლელისკენ სავალი ბილიკი.

დეტონაცია. ეგზოთერმული რეაქცია, რომელიც ხასიათდება დარტყმითი ტალღის არსებობით ნივთიერებაში, რომელიც წარმოქმნის და ინარჩუნებს რეაქციას. ნივთიერებაში რეაქციის ზონა ბგერის გავრცელების სიჩქარეზე სწრაფად ვრცელდება. სითბოს გამომწვევი მთავარი მექანიზმი დარტყმით გამოწვეული შეკუმშვაა. დეტონაციებს აფეთქების ეფექტი აქვს.

დეტოქსიკაციის დაწესებულება. დაწესებულებები, სადაც მკურნალობენ ალკოჰოლისა და ნარკოტიკების მომხმარებლებს, ემსახურებიან პაციენტებს, რომელთაც არ შეუძლიათ საკუთარი თავის დაცვა ან რომლებიც საფრთხეს უქმნიან საკუთარ თავს ან სხვებს.

დეფლაგრაცია. ეგზოთერმული რეაქცია, კერძოდ, აალებადი მტვრის ან ორთქლის ექსტრემალურად სწრაფი დაჟანგვა ჰაერში, სადაც რეაქცია მიმდინარეობს დაუწვავი ნივთიერებების თანაობისას, ბგერის გავრცელების სიჩქარეზე ნაკლები სისწრაფით. დეფლაგრაციას შეიძლება ჰქონდეს აფეთქების ეფექტი.

დიდი რაოდენობის საბურავების სათავსი. საბურავების შესანახი სათავსი, რომლის მოცულობა აღემატება 566 მ³-ს.

დისპენსერი. ნებისმიერი მასალის ჩასხმა ან გადასხმა კონტეინერიდან, ავზიდან ან მსგავსი ჭურჭლიდან, რომლის დროსაც ორთქლი, მტვერი, მხუთავი (ანა)ორთქლი, ბურუსი ან აირები ატმოსფეროში იფანტება.

დროებითი (საცხოვრებელი). საცხოვრებელი ან საძინებელი ერთეულის დაკავება არაუმეტეს 30 დღისა.

დრობით გაჩერებული თვითმფრინავი. თვითმფრინავი, რომლის ბაზა სხვაგანაა, მაგრამ დროებით გაჩერებულია სხვა ადგილზე არაუმეტეს 90 დღისა.

დუღილის წერტილი. დუღილის ტემპერატურა, რომელზეც სითხის ორთქლის წნევა ტოლია 101 კპა ატმოსფერული წნევისა ან 760 მმ ვერცხლისწყლისა. თუ ხელმისაწვდომი არ არის მოცემული ნივთიერების ზუსტი დუღილის წერტილი, ან ისეთი ნაერთებისა, რომელთაც არ აქვს მუდმივი დუღილის წერტილი, ამ კლასიფიცირების მიზნებიდან გამომდინარე, სითხის დუღულის წერტილად მიიჩნევა ASTM D 86-ის შესაბამისად წარმოებული დისტილაციის 20%-იანი აორთქლების ტემპერატურა.

დღეღამური ზრუნვა. პირისთვის მოსავლელად გამოყოფილი დრო დაწესებულებაში. აქ არ იგულისხმება დაწესებულება, რომელიც დღეღამის გამავლობაში ღიაა, მაგრამ არ ემსახურება დროებით მისულ პირებს.

დღიური ზრუნვის დაწესებულება. დახმარება ყოველდღიური მოთხოვნილებების შესრულებაში, მაგ., საჭმლის მომზადებაში, წამლების მიღებაში, დაბანაში, ტუალეტის მოწყობილობების გამოყენებასა და სხვა ყოველდღიურ საჭიროებებში. დღიური ზრუნვის ქვეშ იმყოფებიან დამკავებლები, რომელთა ევაკუაციას დიდი დრო სჭირდება და/ან რომელთაც გონებრივი და ფსიქიატრიული პრობლემები აქვთ.

ეზო. შიგა ეზოსგან განსხვავებული ღია სივრცე მიწის ნაკვეთზე (რომელზეც მდებარეობს შენობა), რომელიც შეუზღუდავია მიწიდან ცამდე, გარდა წესებში სპეციალურად განსაზღვრული შემთხვევისა.

ერთეული, ა ტიპის. საცხოვრებელი ან საძინებელი ერთეული, რომლიც დაგეგმარებულია და აგებულია წესებისა და ICC A117.1-ში ა ტიპის ერთეულებისთვის განსაზღვრული დებულებების შესაბამისად მისაწვდომობის მოთხოვნის დასაკმაყოფილებლად.

ერთეული, ბ ტიპის. საცხოვრებელი ან საძინებელი ერთეული, რომლიც დაგეგმარებულია და აგებულია წესებისა და ICC A117.1-ში ბ ტიპის ერთეულებისთვის განსაზღვრული დებულებების შესაბამისად ხორციელდება მისაწვდომობის მოთხოვნის დასაკმაყოფილებლად.

ეტლისთვის საჭირო სივრცე. ერთი ეტლისა და მისი მფლობელისთვის განკუთვნილი სივრცე.

ვინილის სამოსი. გარკვეული ფორმის მასალა, დამზადებული სპეციალურად მაგარი/ხისტი პოლივინილქლორიდისაგან (PVC), რომელიც გამოიყენება გარე კედლის საფარად.

ზონა. განსაზღვრული ადგილი დაცულ შენობებში. ზონა შეიძლება იყოს ადგილი, საიდანაც მიიღება ან იგზავნება შეტყობინება ან ხორციელდება გარკვეული სახის კონტროლი.

ზონა, შეტყობინების. ფართობი შენობის ან ნაგებობის საზღვრებში, სადაც თანმიმდევრობით გააქტიურებადი შეტყობინების დანადგარებია.

თავდაცვისუუნარო. პირები, რომლებიც ასაკის, ფიზიკური შეზღუდვების, გონებრივი შეზღუდვების, წამალდამოკიდებულების ან მკურნალობის გამო ვერ რეაგირებენ საგანგებო ვითარებაზე.

თავშესაფრის ფართობი. ფართობი, სადაც სათანადო მითითებების მიღებამდე ან ევაკუაციამდე დროებით შეუძლიათ გაჩერება იმ ადამიანებს, რომელთაც არ ძალუძთ გზა-კიბეების გამოყენება.

თანამშრომლების სამუშაო ფართობი. მთლიანი სივრცე ან მისი რომელიმე ნაწილი, განკუთვნილი მხოლოდ თანამშრომლებისთვის და მხოლოდ სამუშაოს საწარმოებლად. დერეფნები, ტუალეტები, სამზარეულოები და დასასვენებელი ოთახები თანამშრომლების სამუშაო ფართობში არ შედის.

თერმული იზოლაცია. კონდიცირებული სივრცეების გამმიჯნავი მიშენებულ მზის ოთახსა და საცხოვრებელ ერთეულს შორის, რომელიც შედგება არსებული ან ახალი კედლ(ებ)ისგან, კარებისა და/ან ფანჯრებისგან.

თარაზული ანაწყობი. ცეცხლმედეგობის ხარისხიანი მასალებით აწყობილი იატაკი ან სახურავი. იგი უწყვეტია, რათა შეზღუდოს ცეცხლის გავრცელება.

თარაზული გასასვლელი. გასასვლელისკენ სავალი გზა ერთი შენობიდან მეორე შენობის დაახლოებით იმავე დონეზე მდებარე ფართობამდე, ან გასასვლელისკენ სავალი გზა, რომელიც მიემართება კედლის ან ტიხრის გავლით ან შემოვლით იმავე შენობაში დაახლოებით იმავე დონეზე, და დაცულია ხანძრის ზემოქმედების ქვეშ მყოფი ფართობიდან ან მასთან დაკავშირებული ფართობებიდან წამოსული ცეცხლისა და კვამლისგან.

თვითმომსახურების საწყობი. უძრავი ქონება, რომელიც დაგეგმარებულია და გამოიყენება, როგორც კლიენტებისთვის ქირით ან იჯარით გაცემული ინდივიდუალური სასაწყობო სივრცე პირადი ქონების შესანახად, თვითმომსახურების საფუძველზე.

თვითიკეტებადი. მექანიზმი, რომელიც უზრუნველყოფს ცეცხლმედეგი კარის ან ღიობის სხვა დამცავის თავისით მიხურვას გაღების შემდეგ.

თვითაალებადი (პიროფორული). ქიმიური ნივთიერება, რომლის ჰაერში თვითაალების ტემპერატურა ნაკლებია ან ტოლია 54,4°C-ისა.

იატაკის მთლიანი (საერთო) ფართობი. შენობის გარე კედლების შიგა პერიმეტრის საზღვრებში მოქცეული იატაკის ფართობი, რომელშიც შედის: დერეფნები, გზა-კიბეები, საკუჭნაოები, შიგა კედლების სისქე, სვეტები ან სხვა ნაწილები, მაგრამ არ შედის სანიავებელი შახტები და შიგა ეზოები. შენობის ან მისი ნაწილის იატაკის ფართობი, რომელიც არაა შემოზღუდული გარე კედლებით, მიიჩნევა სახურავის თარაზული ნაშვერის ან ზემოთა იატაკის ქვეშ მდებარე გამოყენებულ ფართობად. იატაკის მთლიან (საერთო) ფართობში არ შედის ღიობების არმქონე შახტები ან  შიგა ეზოები.

იატაკის სუფთა (სასარგებლო) ფართობი. დაკავებულობის რეალური ფართობი, რომელშიც არ შედის დამხმარე დაკავებულობები: დერეფნები, გზა-კიბეები, ტუალეტის ოთახები, მექანიკური აღჭურვილობის ოთახები და საკუჭნაოები.

იატაკის ცეცხლმედეგი კარის/ლიუკის ანაწყობი. ცეცხლმედეგი კარის, ჩარჩოს, კავეულისა და სხვა აქსესუარების კომბინაცია, ჩაყენებული თარაზულ სიბრტყეში, რომელიც უზრუნველყოფს ცეცხლმედეგობის ხარისხიანი იატაკის ღიობის ცეცხლისგან დაცვის გარკვეულ ხარისხს (იხ. ქვეთავი 711.8).

ინერტული აირი. აირი, რომელიც სხვა ნივთიერებებთან რეაქციაში შედის მხოლოდ უჩვეულო პირობებში, როგორებიცაა: მაღალი ტემპერატურები, წნევები და მსგავსი გარე ფიზიკური ძალები. წესების მიხედვით, ინერტული აირები არ ამჟღავნებს არც ფიზიკური მდგომარებისთვის და არც ჯანმრთელობისთვის საშიშ თვისებებს (გარდა მარტივი მხუთავი მოქმედებისა) ან საფრთხის შემცველ თვისებებს, განსხვავებით დაჭირხნული აირებისგან. ყველაზე გავრცელებული ინერტული აირებია: არგონი, ჰელიუმი, კრიპტონი, ნეონი, აზოტი და ქსენონი.

კარი, გაწონასწორებული. ორღერძიანი მექანიზმით აღჭურვილი კარი, რომელიც ისეა ჩაყენებული, რომ გაღებისას ასრულებს ნახევრად გაწონასწორებულ ბრუნს.

კერამიკულბოჭკოვანი ფენა. მინერალური ბამბის საიზოლაციო მასალა, რომელიც დამზადებულია ალუმინჟანგ-კაჟმიწის ბოჭკოებით და იწონის 64-იდან 160 კგ/მ³-მდე.

კერძო კლინიკები. დაწესებულებები, მათ შორის, გადაუდებელი სამედიცინო დახმარების დაწესებულებები და სპეციალური კვალიფიკაციის სამედიცინო დაწესებულებები, სადაც ემსახურებიან თავდაცვისუუნარო პირებს.

კვების ადგილი. მფლობელობაში არსებული სივრცეების მიმდებარედ მოწყობილი საკვების მოსამზადებელი სივრცე მოლში, უზრუნველყოფილი მაგიდებით და სკამებით.

კვამლის ავტომატური აღმომჩენი სისტემა. სახანძრო განგაშის სისტემა, რომლის გააქტიურების მექანიზმი იყენებს კვამლაღმომჩენს იმისთვის, რომ დაიცვას ოთახი ან სივრცე და ხანძრის გაჩენისთანავე დამკავებლები გააფრთხილოს.

კვამლაღმომჩენი. ნუსხაში შეტანილი მოწყობილობა, რომელიც შეიგრძნობს წვის ხილულ და უხილავ ნაწილაკებს.

კვამლის წარმოქმნის ინდექსი. განუსაზღვრელი რიცხვით გამოხატული შედარებითი მაჩვენებელი, რომელიც აღნიშნავს მასალის კვამლით დაფარვისთვის საჭირო დროს ASTM E 84-ის შესაბამისად შემოწმებისას.

კვამლის ფარსაკეტი. არხებსა და საჰაერო ღიობებში ჩაყენებული მექანიზმი, რომელიც განკუთვნილია კვამლის გავრცელების შესაჩერებლად. მექანიზმი ავტომატურად მუშაობს და კონტროლდება კვამლაღმომჩენი სისტემით, საჭიროების შემთხვევაში კი, მისი მართვა შესაძლებელია ხანძრის მართვის ცენტრიდან.

კვამლზე გააქტიურებული განგაშის მოწყობილობა. ერთი ან მრავალბლოკიანი განგაშის სისტემა, რომელიც რეაგირებს კვამლზე. ასევე იხილეთ განმარტებები: „კვამლზე გააქტიურებული განგაშის რამდენიმებლოკიანი მოწყობილობა“ და „კვამლზე გააქტიურებული განგაშის ერთბლოკიანი მოწყობილობა“.

კვამლზე გააქტიურებული განგაშის ერთბლოკიანი ანაწყობი. ანაწყობი, რომელშიც გაერთიანებულია კვამლაღმომჩენი, მაკონტროლებელი და განგაშის ხმის/სიგნალის გამომცემი. იგი დამოუკიდებლად ან განთავსების წერტილიდან მოწოდებულ ელექტროენერგიაზე მუშაობს.

კვამლზე გააქტიურებული განგაშის მრავალბლოკიანი მექანიზმი. განგაშის ორი ან ორზე მეტი  ერთბლოკიანი მექანიზმი, რომლებიც ერთმანეთთან ისეა დაკავშირებული, რომ ერთის გააქტიურებისას განგაშის შესაბამისი სიგნალი აქტიურდება ყველა ბლოკში.

კვამლისგან დაცული დასაჯდომებიანი თავშეყრის ადგილი. გასასვლელი საშუალებებით უზრუნველყოფილი დასაჯდომებიანი თავშეყრის ადგილი, რომლის საზღვრებში ან ქვეშ არ გროვდება კვამლი.

კიბე. სიმაღლის საფეხურებრივი ცვლილება თარაზული სიბრტყის ერთი ან ერთზე მეტი შემაღლებით.

კონსტრუქციის ტიპები. იხ. ქვეთავი 602

ტიპი I. იხ. ქვეთ. 602.2.

ტიპი II. იხ. ქვეთ. 602.2.

ტიპი III. იხ. ქვეთ. 602.3.

ტიპი IV. იხ. ქვეთ. 602.4.

ტიპი V. იხ. ქვეთ. 602.5.

კოროზიამედეგობა. ლითონის უნარი, გაუძლოს გარემოს ზემოქმედებით გამოწვეულ ზედაპირის დაზიანებას ან თვისებების დაკარგვას.

კოროზიული (ნივთიერება). ქიმიური ნივთიერება, რომელიც კონტაქტის წერტილში ქიმიური რეაქციის შედეგად იწვევს ცოცხალი ქსოვილის დაზიანებას ან შეუქცევად ცვლილებას. ქიმიური ნივთიერება მიიჩნევა კორიზულად, თუ თეთრი კურდღლების დაუზიანებელ კანზე DOTნ 49 CFR, ნაწილი 173.137-ის მიხედვით ჩატარებული ცდისას ეს ქიმიური ნივთიერება 4-საათიანი ზემოქმედებისას კონტაქტის წერტილში იწვევს შეუქცევად დაზიანებას ან ცვლილებას ქსოვილის სტრუქტურაში. ტერმინში არ იგულისხმება ქიმიური რეაქცია არაცოცხალ ზედაპირებზე.

კრიოგენული სითხე. სითხე, რომლის დუღილის წერტილი 101°C-ზე დაბალია 101 კპა აბსოლუტური წნევის პირობებში.

ლითონშემცველი მასალა. ქარხნული წარმოების პანელი, რომლის პლასტმასის გული ორივე მხრიდან ლითონითაა დაფარული.

ლითონშემცველი მასალის სისტემა. ლითონშემცველი მასალის საფარი, რომელიც გარე კედლის სპეციფიკურ ანაწყობებში გამოიყენება, მათ შორის: გადაბმებში, ნაკერებში, მიმაგრებებში, საყრდენებზე, ჩარჩოსა და სხვა დეტალებზე, როგორც მოითხოვს ცალკეული დაგეგმარება.

ლიფტების ჯგუფი. შენობაში მდებარე ლიფტების ჯგუფი, რომელიც ერთმანეთის მომიჯნავედ ან უშუალოდ ერთმანეთის პირდაპირ მდებარეობს და საერთო სივრცეში არსებული გამოძახების ღილაკ(ებ)ით რეგულირდება.

მაკრატელა (ორმხრივი) კიბე. ორი ერთმანეთთან დაკავშირებული გზა-კიბე, რომელიც უზრუნველყოფს ორ დამოუკიდებელ გასასვლელ ბილიკს ერთ კიბის უჯრედში.

მარში. მართკუთხა საფეხურების, მოხვევის საფეხურების ან მათი კომბინაციის უწყვეტი სვლა ერთი ბაქნიდან მეორისკენ.

მაღალი წნევით დამუშავებული გარე დეკორატიული კომპაქტური ლამინატი. ცელულოზის ბოჭკოვანი მასალის შრეებისგან შემდგარი პანელები, რომლებიც გაჟღენთილია თერმორეაქტიული რეზინებით და ერთმანეთს ეკვრის მაღალი წნევით, რის შედეგადაც ფორმირდება ერთგვაროვანი, უნასვრეტებო გული გარეთა მხარეზე გამოსაყენებლად.

მაღალი წნევით დამუშავებული გარე დეკორატიული კომპაქტური ლამინატის სისტემა. მაღალი წნევით დამუშავებული გარე დეკორატიული კომპაქტური ლამინატის გარე კედლის საფარი სპეციფიკურ ანაწყობში, მათ შორის, გადაბმებში, ნაკერებში, დამაგრებებში, ფუძეშრეებში, ჩარჩოსა და სხვა დეტალებში, როგორც მოითხოვს ცალკეული დაგეგმარება.

მაღლივი შენობა. შენობა, რომლის დაკავებული იატაკი მდებარეობს სახანძრო მანქანის მისადგომი ყველაზე დაბალი დონიდან 23 მ-ზე ზემოთ.

მემბრანის გაყვანილობა. ანაწყობის ერთ (კედლის, იატაკის ან ჭერის მემბრანის) მხარეს გაჭრილი ღიობი.

მემბრანის გაყვანილობის ცეცხლსაჩერი. მასალა, მექანიზმი ან კონსტრუქცია, რომელიც მოწყობილია, რათა წინასწარგანსაზღვრული დროის განმავლობაში შეაჩეროს ალისა და სითბოს გადასვლა ღიობებიდან დამცავ მემბრანაში და დაიცვას კაბელები, საკაბელე ღარები, საიზოლაციო მილები, მილების სისტემა, მილები (გარე დიამეტრი) ან მსგავსი მასალები.

მემბრანის გაყვანილობის ცეცხლსაჩერი სისტემა. ანაწყობი, რომელიც შედგება ცეცხლმედეგობის ხარისხიანი იატაკ-ჭერის, სახურავ-ჭერის ან კედლის ანაწყობისგან, რომელსაც კვეთს ერთი ან მეტი გაყვანილობა და მასალები ან მექანიზმები, ან ორივე, მოწყობილი ანაწყობში ცეცხლის გავრცელების შესაფერხებლად წინასწარგანსაზღვრული დროის განმავლობაში.

მესაკუთრე. ნებისმიერი პირი, წარმომადგენელი, ფირმა ან კორპორაცია, რომლებსაც აქვთ საკუთრებაზე იურიდიული ან სამართლებრივი ინტერესები.

მექანიკურმისადგომიანი ღია ავტოსადგომი გარაჟი. ღია ავტოსადგომი გარაჟები, სადაც ქუჩიდან ან ქუჩაში ავტომობილების გადასაადგილებლად გამოიყენება ავტოსადგომი მექანიზმები, ლიფტები ან სხვა მექანიკური მოწყობილობები და სადაც აკრძალულია, საზოგადოებრივი დაკავებულობა იყოს ქუჩის დონეზე მაღლა.

მექანიკური მოწყობილობის საფარი. სახურავზე განთავსებული უსახურავო ნაგებობა, რომელიც თვალისგან ფარავს მილგაყვანილობის, ელექტრო ან მექანიკურ მოწყობილობებს.

მზის ოთახი. შენობაზე მიდგმული ერთსართულიანი ნაგებობა, რომლის გამჭვირვალე ნაწილის ფართობი ნაგებობის გარე კედლებისა და სახურავის საერთო ფართობის 40%-ზე მეტია.

მთავარი შესასვლელი. შესასვლელი, მაგრამ არა დამხმარე ან შეზღუდული შესასვლელი.

მოლი. ფეხით სავალი გადახურული ან ღია საერთო ფართობი გადახურული მოლის შენობის საზღვრებში, რომელიც უზრუნველყოფს ორ ან ორზე მეტ მფლობელობასთან მისადგომს და სადაც ერთმანეთისადმი ღია დონეების რაოდენობა არ აღემატება სამს. ტერმინი „მოლი“ მოიცავს ღია მოლებსაც, როგორც განსაზღვრულია ქვემოთ.

მთლიანი გასაქირავებელი ფართობი. იატაკის საერთო ფართობი, რომელსაც იკავებს და ექსკლუზიურად იყენებს მფლობელი. მფლობელის მიერ დაკავებული ფართობი იზომება საზიარო ტიხრების შუა ხაზებიდან მფლობელობაში არსებული ფართობის გარე კედლებამდე. მფლობელობაში არსებული ყველა ფართობი, მათ შორის, საწყობადაც გამოყენებული, უნდა შევიდეს მთლიან გასაქირავებელ ფართობში.

მიდგმული შენობა. გადახურული მოლის შენობის გარე მხარეზე მიდგმული შენობა, საიდანაც შესაძლებელია პირდაპირ შესვლა გადახურული ან ღია მოლის შენობაში, მაგრამ აქვს დამოუკიდებელი გასასვლელი საშუალებები და არ მიეკუთვნება დსშ ჯგუფს.

მიმაგრებული საფარის წყობა. მოსაპირკეთებელი საფარი, რომელიც მაგრდება უკანასაყრდენზე ნებადართული მექანიკური სამაგრებით.

მიმოსვლის ბილიკი. ერთი ადგილიდან მეორესთან მისასვლელი ფეხით სავალი გზა გარეთ ან შიგნით.

მიმღები მოწყობილობა. სისტემის ნაწილი, რომელიც გადასცემს კვამლაღმომჩენში, ხელით მართვად სახანძრო განგაშის კოლოფში ან მაკონტროლებლის ჩამრთველში შეცვლილ მდგომარეობას.

მინერალური ბოჭკო. შემკვრელებით ან მათ გარეშე ძირითადად ქანების, წიდის ან მინის ბოჭკოებისგან ნაწარმოები იზოლაცია.

მინერალური ბამბა. სინთეზური მინერალური ბოჭკოს იზოლაცია, რომელიც მზადდება ძირითადად ვულკანური წარმოშობის ქანების ან ღუმლის წიდის და სხვა არაორგანული ნივთიერებების დნობით და შემდეგ გამდნარი მასის ფიზიკურად გარდაქმნით ბოჭკოებად.

მინერალური ფილა. მაგარი თექის თერმული იზოლაციის მართკუთხა, ბრტყელი ფილა, რომელიც შედგება მინერალური ბოჭკოს თექისგან ან აფუებული შემვსების უჯრედოვანი მარცვლებისგან.

მინაბოჭკოვანი ფილა. მინის ბოჭკოს სახურავის იზოლაცია, რომელიც შედგება არაორგანული მინის ბოჭკოებისგან და ფორმირებულია მაგარ ფილებად შემკვრელი ფენის საშუალებით. ფილის ზედა ზედაპირი მოპირკეთებულია ასფალტითა და  მინის ბოჭკოთი გაძლიერებული კრაფტით.

მისაწვდომი. ადგილი, შენობა, ნაგებობა ან მათი ნაწილი, რომელიც აკმაყოფილებს მე-11 თავის მოთხოვნებს.

მისაწვდომი გასასვლელი საშუალებები. გასასვლელისკენ სავალი უწყვეტი და ჩაუხერგავი გზა შენობის ან ნაგებობის ნებისმიერი მისაწვდომი წერტილიდან საზოგადოებრივ გზამდე.

მისაწვდომი ერთეული. საცხოვრებელი ან საძინებელი ერთეული, რომელიც შეესაბამება ამ წესებსა და ICC A 117.1-ის დებულებებში განსაზღვრულ მისაწვდომ ერთეულებს.

მისაწვდომი სვლაგეზი. უწყვეტი, ჩაუხერგავი ბილიკი, რომელიც შეესაბამება მე-11 თავს.

მიწებებული საფარის წყობა. მოსაპირკეთებელი საფარი, რომელიც ნებადართული მჭიდა მასალითაა მიწებებული უკანასაყრდენზე.

მიწის დონე. ათვლის დონე/სიბრტყე, რომელიც წარმოადგენს შენობის გარე კედლების მოსაზღვრე მიწის მოპირკეთებული ზედაპირის გასაშუალებულ დონეს. თუ მიწის მოპირკეთებული ზედაპირის დონე გარე კედლებიდან დამრეცად მიდის, ათვლის დონე უნდა განისაზღვროს შენობასა და მიწის ნაკვეთის საზღვარს შორის მოქცეული ფართობის ყველაზე დაბალი ნიშნულების მიხედვით, თუ  მიწის ნაკვეთის საზღვარი შენობიდან დაშორებულია 1,8 მ-ზე მეტად, შენობასა და შენობიდან 1,8 მ-მდე ფარგლებში მოქცეული ყველაზე დაბალი ნიშნულების მიხედვით.

მიწის ნაკვეთი. მიწის ნაწილი ან ნაკვეთი, რომელიც განიხილება, როგორც ერთეული.

მიწის ნაკვეთის საზღვარი. საზღვარი (საკუთრების ხაზი), რომელიც მიწის ერთ ნაკვეთს ყოფს მეორისგან, ქუჩისგან ან ნებისმიერი საზოგადოებრივი ადგილისგან.

მკვეთრი ქანობი. სახურავი, რომლის ქანობი მეტია, ვიდრე ორი შვეული ერთეული 12 თარაზულ ერთეულზე (17%-იანი ქანობი).

მოაჯირი. შენობის ელემენტი ან ელემენტების სისტემა სხვადასხვა დონეზე მდებარე სავალი ზედაპირების საზღვართან ან მასთან ახლოს ღია მხარეს და ამცირებს სავალი ზედაპირიდან ქვედა დონეზე ჩავარდნის რისკს.

მოდიფიცირებული ბიტუმის სახურავის ბურული. პოლიმერმოდიფიცირებული ასფალტის ფურცლების ერთი ან რამდენიმე შრე. ფურცლები ეწებება ან მექანიკურად მაგრდება ფუძეშრეზე ან ბალასტის შრეზე.

მომსახურე დერეფანი. მთლიანად შემოზღუდული გასასვლელი, რომელიც გამოიყენება საფრთხის შემცველი საწარმოო ნივთიერების გადასაზიდად და სხვა დანიშნულებით, მაგრამ არა გასასვლელ საშუალებებად.

მომწამლავი. ქიმიური ნივთიერება, რომელიც შედის ქვემოთ ჩამოთვლილ რომელიმე კატეგორიაში:

1.    ქიმიური ნივთიერება, რომლის საშუალო მომაკვდინებელი დოზა (LD50) აღემატება 50 მილიგრამს ერთ კილოგრამზე, მაგრამ არ აჭარბებს 500 მილიგრამს სხეულის წონის თითოეულ კილოგრამზე, როდესაც შეჰყავთ 200 და 300 გრამიან თეთრ ვირთხებში პირიდან.

2.    ქიმიური ნივთიერება, რომლის საშუალო მომაკვდინებელი დოზა (LD50) აღემატება 200 მილიგრამს ერთ კილოგრამზე, მაგრამ არ აჭარბებს 1000 მილიგრამს სხეულის წონის თითოეულ კილოგრამზე, როდესაც უწყვეტ 24-საათიან (ან ნაკლები, თუ სიკვდილი დგება 24 საათზე ნაკლებ დროში) კონტაქტშია 2 და 3 კგ-იან თეთრი კურდღლების შიშველ კანთან.

3.    ქიმიური ნივთიერება, რომლის საშუალო მომაკვდინებელი კონცენტრაცია (LC50) ჰაერში მეტია 200 ნაწილაკისა მილიონზე, მაგრამ არ აჭარბებს 2000 ნაწილაკს მილიონზე იმისდა მიხედვით, როგორია აირის ან ორთქლის მოცულობა, ან მეტია, ვიდრე 2 მილიგრამი ერთ ლიტრზე, მაგარამ არ აჭარბებს 20 მილიგრამს ერთ ლიტრ კვამლზე, ნისლზე ან მტვერზე, თუ 200 და 300 გრამიან თეთრი ვირთხების ორგანიზმში ხვდება ერთი საათის განმავლობაში უწყვეტი შესუნთქვით (ან ნაკლები, თუ სიკვდილი დგება ერთ საათზე ნაკლებ დროში).

მონაცვლესაფეხურებიანი კიბე. თარაზულადან (ჰორიზონტალიდან) 50-70 გრადუსით დახრილი საფეხურების წყება, რომელშიც საფეხურები, ჩვეულებრივ, მიმაგრებულია ცენტრალურ საყრდენზე ისეთი მონაცვლეობით, რომ მომხმარებელს ორივე ფეხი ერთსა და იმავე დროს ერთ დონეზე არ უდგას.

მოსაპირკეთებელი საფარი. მოპირკეთება, რომელიც მაგრდება კედელზე გაფორმების, დაცვისა და იზოლირების მიზნით, მაგრამ არ აძლევს კედელს დამატებით სიმტკიცეს.

მოსახვევი საფეხური. საფეხური, რომლის თარაზული ზედაპირების (საბიჯელების) კიდეები არ არის პარალელური.

მოწყობილობის ბაქანი. მოწყობილობების მოსათავსებელი ამაღლებული ბაქანი, რომელიც გამოიყენება მხოლოდ მექანიკური სისტემების ან სამრეწველო პროცესისთვის საჭირო მოწყობილობებისთვის, მათ შორის, ბაქანთან მისადგომი ამაღლებული ბილიკები, კიბეები, მონაცვლე საფეხურებიანი კიბეები და პწკალა კიბეები (იხ. ქვეთავი 505.3).

მჟანგავი. ნივთიერება, რომელიც ადვილად წარმოქმნის ჟანგბადს ან სხვა მჟანგავ აირს, ან ადვილად შედის ისეთ რეაქციებში, რომლებიც ხელს უწყობს ან იწვევს (აინიცირებს) წვადი მასალების წვას და გაცხელების ან დაბინძურების დროს შეიძლება სწრაფად დაიშალოს.

კლასი 4. მჟანგავი, რომელსაც ახასიათებს ფეთქებადი რეაქცია დაბინძურების ან თერმული ან ფიზიკური ზემოქმედებისას და ძლიერ ზრდის იმ მასალების წვის სიჩქარეს, რომლებსაც ეხება. ამასთან, მჟანგავი ზრდის რა წვის სიჩქარეს, შეიძლება გამოიწვიოს წვადი ნივთიერებების თვითაალება.

კლასი 3. მჟანგავი, რომელიც ძალიან ზრდის ისეთი წვადი ნივთიერებების წვის სიჩქარეს, რომელთაც ეხება.

კლასი 2. მჟანგავი, რომელიც ზომიერად ზრდის იმ წვადი ნივთიერებების წვის სიჩქარეს, რომელთაც ეხება.

კლასი 1. მჟანგავი, რომელიც ზომიერად არ ზრდის წვადი ნივთიერებების წვის სიჩქარეს.

მჟანგავი აირი. აირი, რომელიც ხელს უწყობს და აჩქარებს სხვა ნივთიერებების წვის პროცესს.

მრავალბლოკიანი განგაშის მექანიზმი. განგაშის ორი ან მეტი ერთბლოკიანი მექანიზმი, რომლებიც ერთმანეთთან ისეა დაკავშირებული, რომ ერთის გააქტიურება იწვევს ინტეგრირებული ან დამოუკიდებელი ყველა განგაშის გააქტიურებას. ის შეიძლება მოიცავდეს განგაშის ერთბლოკიან მექანიზმსაც, რომელიც დაკავშირებულია სხვა აღმომჩენებთან ან ხელით სამართავი სახანძრო განგაშის კოლოფთან.

მრავალდონიანი დასაჯდომები თავშეყრის ადგილებში. დასაჯდომები, რომლებიც განლაგებულია განსხვავებულ დონეებზე, სადაც თითოეული დონე შედგება რამდენიმე რიგისგან ან ლოჟების ერთი რიგისგან, რომელსაც მისადგომი სხვა დონიდან აქვს.

მრავალსართულიანი ერთეული. საცხოვრებელი ან საძინებელი ერთეული, რომლის საცხოვრებლად გამოყენებული სივრცე განთავსებულია ორ ან მეტ სართულზე.

მყარი (ნივთიერება). ნივთიერება, რომელიც 20°C-ზე მაღალ ტემპერატურაზე დნება, იშლება ან სუბლიმირდება (ქროლდება).

მყისიერად საშიში სიცოცხლისა და ჯანმრთელობისათვის. ჰაერ-წვეთური გზით დამაბინძურებელი ნივთიერებების კონცენტრაცია, რომელიც ხანგრძლივი უარყოფითი გავლენით ჯანმრთელობაზე ქმნის მომენტალურ ან დროის განმავლობაში სიკვდილის საფრთხეს, ან ახდენს ისეთ ზემოქმედებას, რაც შეუძლებელს ხდის ამგვარი გარემოდან თავდაღწევას. დამაბინძურებელი კონცენტრაციის ეს დონე განსაზღვრულია ტოქსიკურობისა და აალებადობის გათვალისწინებით. ჩვეულებრივ, ის გამოისახება მილიონის ნაწილით მოცულობაზე (ppm, v/v) ან მილიგრამებში ერთ კუბურ მეტრზე (მლგ/მ³).

მშრალი ქიმიური ჩამქრობი ნივთიერებები. წვრილი ნაწილაკების შემცველი ფხვნილი, მათ შორის: სოდის ბიკარბონატის, კალიუმის ბიკარბონატის, კარბომიდ-კალიუმზე ბაზირებული ბიკარბონატის, კალიუმ-ქლორიდის ან მონოამონიუმ ფოსფატის, რომელსაც დამატებული აქვს სპეციალურად დამუშავებული მარცვლოვანი მასალა შეფუთვის მიმართ მედეგობის, ტენგაუმტარობისა და სწორად დინების უნარის უზრუნველსაყოფად.

ნაგებობა. ის, რაც არის აშენებული ან აგებული.

ნაკერი. ანაწყობებში ან მომიჯნავე ანაწყობებს შორის ღიობი, რომელსაც ქმნის შენობის ღრეჩოები, ან დაგეგმარებულია, რათა თერმული, სეისმური (მიწისძვრისმიერი), ქარისმიერი ან ნებისმიერი სხვა დატვირთვისას შენობამ შეძლოს დამოუკიდებლად მოძრაობა ნებისმიერ სიბრტყეში.

ნახშირორჟანგით ჩამქრობი სისტემები. სისტემა, რომლის საშუალებით ხდება ნახშირორჟანგის (CO₂) მიწოდება ჰერმეტული ჭურჭლიდან ფიქსირებული მილებისა და  სახანძრო ტუმბოების (საქაჩების) გავლით.

ნივთიერების გაფანტვა. კონტეინერიდან, ავზიდან ან მსგავსი ჭურჭლიდან ნებისმიერი ნივთიერების ჩამოსხმის ან გადატანის დროს ორთქლის, მტვრის, ნისლის ან აირების გავრცელება ატმოსფეროში.

ნორმალური ტემპერატურა და წნევა. 20°C ტემპერატურა და 101 კპა.

ოთახების ბლოკი. სამკურნალო ოთახების, პაციენტების საძინებელი ოთახებისა და მათთან დაკავშირებული დამხმარე ოთახების ჯგუფი ან დწ-2 ჯგუფის დაკავებულობების საზღვრებში მდებარე სივრცეები და სამიმოსვლო სივრცეები, სადაც პერსონალი თვალყურს ადევნებს ოთახების ჯგუფში მყოფ ყველა პაციენტს და ოთახების ჯგუფი აკმაყოფილებს 407.4.3 ქვეთავის მოთხოვნებს.

ოთახი, სადაც გამოიყენება, ნაწილდება ან ირევა სითხეები. ოთახები, სადაც I, II და IIIA კლასის აალებადი ან წვადი სითხეები გამოიყენება, ნაწილდება და ირევა ღია კონტეინერებში.

ორგანული ზეჟანგი. ორგანული ნაერთი, რომელსაც აქვს ორვალენტიანი -O-O- სტრუქტურა და შეიძლება ჩაითვალოს წყალბადის ზეჟანგის სტრუქტურულ წარმოებულად, სადაც წყალბადის ერთი ან ორივე ატომი ჩანაცვლებულია ორგანული რადიკალით. ორგანულმა ზეჟანგებმა შეიძლება შექმნას აფეთქების საფრთხე (დეტონაცია ან დეფლაგრაცია) ან შეიძლება იყოს დარტყმით დატვირთვაზე ძლიერ მგრძნობიარე. ისინი, ასევე, შეიძლება დაიშალოს სხვადასხვა არამდგრად ნაერთებად ხანგრძლივი დროის განმავლობაში.

კლასი I. ნაერთები, რომელთაც ახასიათებს დეფლაგრაცია, მაგრამ არ ახასიათებს დეტონაცია.

კლასი II. ნაერთები, რომლებიც ძალიან სწრაფად იწვის და ქმნის საშუალო რეაქტიულობის საფრთხეს.

კლასი III. ნაერთები, რომლებიც სწრაფად იწვის და ქმნის საშუალო რეაქტიულობის საფრთხეს.

კლასი IV. ნაერთები, რომლებიც ჩვეულებრივი წვადი ნივთიერებების მსგავსად იწვის და ქმნის რეაქტიულობის მინიმალურ საფრთხეს.

კლასი V. ნაერთები, რომლებიც ჩვეულებრივ წვად ნივთიერებებზე ნაკლებ ინტენსიურად იწვის ან არ უწყობს ხელს წვას და არ შეიცავს რეაქტიულობის საფრთხეს.

არაკლასიფიცირებული დეტონატები. ორგანული ზეჟანგები, რომელთაც ახასიათებს დეტონაცია. ეს ზეჟანგები შეიცავს აფეთქების უკიდურესად დიდ საფრთხეს მათი დაშლის სწრაფად და ფეთქებით მიმდინარეობის გამო.

ორთქლის გამტარი მემბრანა. ASTM E 96-ის A პროცედურის გამოყენებით ტენის შთანთქმის მეთოდით შემოწმებისას ვლინდება, შეუძლია თუ არა მემბრანას, გაატაროს, სულ მცირე, 52,9×10-10კგ/პა • S • მ² ან ამაზე მეტი ტენშემცველობის ორთქლი. ორთქლის გამტარი მასალა ატარებს ტენიან ორთქლს.

ორთქლის შემკავებლის კლასი. მასალის ან ანაწყობის გაზომვა იმისდა მიხედვით, რამდენად შეუძლია მას შეაჩეროს ტენის ის რაოდენობა, რომელიც გადის ამ მასალაში ან ანაწყობში. ორთქლის შემკავებლის კლასი უნდა განისაზღვროს ASTM E 96-ის ტენის შთანთქმის მეთოდით შემდეგნაირად:

კლასი I: 0,1 ან ნაკლები პერმი.

კლასი II: 0,1 < პერმი < 1,0 პერმი.

კლასი III: 0,1 < პერმი < 10 პერმი.

ორმაგი ჭიშკარი. უსაფრთხოების დაცვის მიზნით მოწყობილი ვესტიბიული, ორი ან მეტი კარით ან ჭიშკრით, სადაც უწყვეტი და დაუბრკოლებლი გასვლის შესაფერხებლად ერთ ჯერზე იღება მხოლოდ ერთი კარი ან ჭიშკარი.

პანდუსი. დახრილი სავალი ზედაპირი, რომლის ქანობი მეტია, ვიდრე ერთი შვეული ერთეული 20 თარაზულ ერთეულთან (5% ქანობი).

პანდუსიანი მისადგომის მქონე ღია ავტოსადგომი გარაჟები. ღია ავტოსადგომი გარაჟები უწყვეტად ამაღლებადი იატაკებით ან პანდუსებით დაკავშირებული დონეებით, რომელთა გამოყენებით ავტომობილები გადაადგილდება ქუჩის დონიდან ან ქუჩის დონისკენ.

პარაპეტის წყალგამომშვები ხვრელი. ხვრელი კედელში ან პარაპეტში, რომლის საშუალებით სახურავი იწრიტება დაგროვილი წყლისგან.

პენტჰაუზი. სახურავის თავზე მდებარე შემოზღუდული, დაუკავებელი ნაგებობა, რომელიც ფარავს მექანიკურ და ელექტრომოწყობილობებს, ავზებს, ლიფტებს და მათთან დაკავშირებულ დანადგარებს, ასევე, შახტის შვეულ ღიობებს.

პირადი მომვლელის მომსახურება. ისეთი პირების მოვლა, რომელთაც არ სჭირდებათ სამედიცინო მომსახურება. პირადი მომვლელის მომსახურებაში შედის შენობაში მყოფი პირების უსაფრთხოების უზრუნველყოფა მთელი იმ დროის განმავლობაში, სანამ ისინი შენობაში იმყოფებიან.

პიროტექნიკური შემადგენლობა. ქიმიური ნარევი, რომელიც წარმოქმნის ხილულ სინათლეს ან ხმას, თვითგავრცელებადი, სითბოს გამომყოფი ქიმიური რეაქციის შედეგად, რომელიც ინიცირდება აალებით.

რგოლისებრი ღრეჩო. ნახვრეტში გამავალი გაყვანილობის ირგვლივი (წრიული) სიცარიელე.

რელიგიური მსახურების ადგილი/ნაგებობა. შენობა ან მისი ნაწილი, რომელიც განკუთვნილია რელიგიური მსახურების ჩასატარებლად.

საავადმყოფოები და ფსიქიატრიული საავადმყოფოები. დაწესებულებები, რომლებიც უზრუნველყოფს მოვლა-მკურნალობას ისეთი  პაციენტებისთვის, რომელთაც ესაჭიროებათ სამედიცინო, ფსიქიატრიული, სამეანო ან ქირურგიული მკურნალობა და არ აქვთ თავდაცვის უნარი.

საავარიო განგაშის სისტემა. საგანგებო ვითარების ან საფრთხის შემცველი ნივთიერებების არსებობის გამაფრთხილებელია სისტემა.

საავარიო გასაღწევი და სამაშველო ღიობი. გასაღები ფანჯარა, კარი ან სხვა ღიობი, საიდანაც შესაძლებელია გაღწევა საგანგებო ვითარების დროს.

საგანგებო ხმოვანი განგაშის კომუნიკაციები. ხელით სამართავი ან ავტომატური საშუალებები შენობის დამკავებლებისთვის ხმოვანი მითითებების, ასევე, სახანძრო განგაშისა და საევაკუაციო სიგნალების გადასაცემად და გასავრცელებლად.

საერთო გამოყენება. შიგა ან გარე მიმოსვლის ბილიკები, ოთახები, სივრცეები ან ელემენტები, რომლებიც განკუთვნილია არა საზოგადოებრივი, არამედ ორი ან ორზე მეტი ადამიანის საერთო გამოყენებისთვის.

სამძიმი. გადახურვაში, სამძიმი წარმოდგენილია დიდი ქვების ან მოსაკირწყლავი სისტემების ან ურთიერთდაკავშირებული მსუბუქი მოსაკირწყლავი სისტემების ფორმით. სამძიმი გამოიყენება აწევის მედეგობისთვის გადახურვის ისეთ სისტემებში, რომლებიც არაა მიწებებული ან მექანიკურად დამაგრებული სახურავის ფენილზე.

საშუალებები. შენობების, ნაგებობების, ელემენტებისა და ფეხით სავალი ან სატრანსპორტო გზების ყველა ან ნებისმიერი ნაწილი, რომლებიც ადგილზე მდებარეობს.

საცხოვრებელი საერთო საძინებლებით. სივრცე შენობაში, სადაც დასაძინებელი ადგილები განთავსებულია ერთ ოთახში, ან ერთმანეთთან მჭიდროდ დაკავშირებულ ოთახების რიგში და განკუთვნილია პირებისთვის, რომლებიც არ არიან ერთი ოჯახის წევრები, მაგრამ ცხოვრობენ ერთ ჭერქვეშ და ჰყავთ ერთი მმართველობა, მაგალითად, როგორიცაა კოლეჯის საცხოვრებელი საერთო საძინებლებით.

საცხოვრებლად განკუთვნილი. საცხოვრებელი ან საძინებელი ერთეული, რომელსაც დამკავებელი მუდმივად ან დროდადრო იყენებს ან მომავალში გამოიყენებს.

სავაჭრო დახლი. სავაჭრო საქონლის დასაწყობი ადგილი, რომელიც გარშემორტყმულია გასავლელებით, მუდმივი მოწყობილობით ან კედლებით. სავაჭრო დახლები შეიცავს ისეთ დეტალებს, როგორებიცაა: არაფიქსირებული და მოძრავი მოწყობილობები, ვიტრინები, თაროები, დახლები და ტიხრები, სადაც კლიენტები ათვალიერებენ ან ყიდულობენ საქონელს.

საზოგადოებრივი გამოყენების ფართობები. ფართო საზოგადოებისთვის ხელმისაწვდომი ოთახები ან სივრცე შენობის შიგნით ან გარეთ.

საზოგადოებრივი გზა. საზოგადოებისთვის გამოყოფილი ქუჩა, ჩიხი ან მიწის სხვა ნაწილი, რომლის თავისუფალი სიგანე და სიმაღლე, არანაკლებ 3,0 მ-ია.

საკანი. საპატიმრო ან გამოსასწორებელი დაწესებულებების საცხოვრებელ ერთეულში გამოყოფილი ოთახი დაკავებულ პირთა ან პატიმართა მოსათავსებლად.

საკნების იარუსი. საცხოვრებელ ერთეულში ერთმანეთის თავზე განთავსებული საკნები.

საკონტროლო სიგნალი. სიგნალი, რომელიც მიანიშნებს, რომ ცეცხლსაქრობი სისტემების, მოწყობილობების ან მათთან დაკავშირებული სისტემების მდგომარეობა შეცვლილია და საჭიროებს სრულ დათვალიერებასა და გამართვას.

საკონტროლო სიგნალის გამომცემი მოწყობილობა. მშრალ საშხეფ სისტემაზე განთავსებული გამშვები მექანიზმი, როგორიცაა: სარქვლის საკონტროლო ამომრთველი, წყლის დონის ინდიკატორი ან ჰაერის დაბალი წნევისას სისტემის ამომრთველი, რომლის მდგომარეობის შეცვლისას გამოიცემა არაბუნებრივ მდგომარეობაზე მიმანიშნებელი სიგნალი. სისტემის საწყის მდგომარეობაში დაბრუნებაც სიგნალით აღინიშნება. სიგნალი, ასევე, მიანიშნებს, რომ ცეცხლსაქრობი სისტემების, მოწყობილობების ან მათთან დაკავშირებული სისტემების მდგომარეობა შეცვლილია და საჭიროებს სრულ დათვალიერებასა და გამართვას.

საზედამხედველო სადგური. ნაგებობა ან მისი ნაწილი, სადაც მუდმივად იმყოფება პერსონალი, რომელიც იღებს სასიგნალო შეტყობინებებს და ახდენს მათზე რეაგირებას.

საზედამხედველო სამსახური. სამსახური, რომელსაც ევალება საზედამხეველო შენობის/ტერიტორიის შემოვლა დადგენილი სვლაგეზის შესაბამისად, ასევე, სტაციონალური ცეცხლსაქრობი სისტემების ან სხვა სისტემების მუშაობის კონტროლი, რომლებიც განკუთვნილია სიცოცხლისა და ქონების დასაცავად.

სამედიცინო მომსახურება. სამედიცინო ან ქირურგიული პროცედურების ჩატარება, ექთნის მომსახურება ან მომსახურება ფსიქიატრიული საჭიროების დროს.

სამორიგეო სადგური. შენობაში გამოყოფილი ადგილი, სადაც მუდმივად იმყოფება კვალიფიციური პერსონალი განგაშისა და საზედამხედველო სიგნალების გასაკონტროლებლად. სამორიგეო სადგურში განთავსებულია მოწყობილობები, რომელთა მეშვეობით სიგნალები გადაეცემა სახანძრო-სამაშველო დანაყოფს.

სამუშაო ადგილი. განსაზღვრული სივრცე ან მოწყობილობის დამოუკიდებელი ძირითადი ნაწილი, რომელიც იყენებს საფრთხის შემცველ საწარმოო ნივთიერებებს საწარმოო ფართობზე, სადაც წარმოებს სპეციფიკური სამუშაო, ლაბორატორიული პროცედურა ან კვლევითი საქმიანობა. სიაში შეტანილი ან დასაშვები საფრთხის შემცველი ნივთიერებების შესანახი კარადები, აალებადი სითხეების შესანახი კარადები ან აირის კარადები, რომლებიც სამუშაო ადგილს ემსახურება, ითვლება სამუშაო ადგილის ნაწილად. სამუშაო ადგილს დასაშვებია ჰქონდეს გასანიავებელი მოწყობილობა, ხანძრისგან დამცავი მექანიზმები, ელექტრომექანიზმები და გადამამუშავებელ-სამეცნიერო დანიშნულების მქონე სხვა მოწყობილობები.

სამყოფი-საცხოვრებელი ერთეული. საერთო საძინებლები ან საკნების ჯგუფი დღის გასატარებელი საერთო ოთახით  დწ-3 ჯგუფში.

სამშენებლო დოკუმენტები. მშენებლობის ნებართვის მისაღებად აუცილებელი ვერბალური, გრაფიკული და ილუსტრირებული დოკუმენტები, რომლებიც მომზადებული ან შეკრებილია პროექტის ელემენტების დაგეგმარების, მდებარეობისა და ფიზიკური მახასიათებლების აღსაწერად.

საოჯახო საბავშვო ბაღები. დაწესებულებები, სადაც უვლიან 2,5 წლის ან უფრო მცირე ასაკის ხუთზე მეტ ბავშვს.

საოჯახო სასტუმრო. გასაქირავებლად მოწყობილი ან გამოყენებული შენობა, სადაც უზრუნველყოფენ ან არ უზრუნველყოფენ კვებას. იგი არ წარმოადგენს ერთი ოჯახის საცხოვრებელ ერთეულს.

სართული მიწის დონის ქვემოთ. სართული, რომელიც არ არის მიწის დონის ზემოთ (იხილეთ განმარტება „სართული მიწის დონის ზემოთ“).

სართული. შენობის ნაწილი, რომელიც მოქცეულია იატაკის და ზედა იატაკის ზედაპირებს ან უშუალოდ მის ზემოთ მდებარე სახურავს შორის (ასევე იხილეთ: „სართული მიწის დონის ქვემოთ“, „ანტრესოლი“ და ქვეთავი 502.1). სართული იზომება, როგორც შვეული მანძილი კოჭების ორი ერთმანეთის მომდევნო რიგის ან მოპირკეთებული იატაკის ზედაპირების თავიდან თავამდე. ბოლო სართული კი იზომება იატაკის მოპირკეთებიდან ჭერის კოჭების თავამდე, ან სადაც ჭერი არ არის, სახურავის ნივნივების თავამდე.

სართული მიწის დონის ზემოთ. ნებისმიერი სართული, რომლის მოპირკეთებული იატაკის ზედაპირი მთლიანად მიწის დონის ზემოთაა, ან სადაც იატაკის მოპირკეთებული ზედაპირი არის:

1.    1,8 მ-ზე მაღლა მიწის დონიდან;

2.    3,7 მ-ზე მაღლა მოპირკეთებული მიწის ნიშნულის ნებისმიერი წერტილიდან.

სასოფლო-სამეურნეო დანიშნულების შენობა. ნაგებობა, რომლის დაგეგმარება და მშენებლობა განხორციელებულია სამეურნეო ნივთების/იარაღების, თივის, მარცვლეულის, ფრინველის, საქონლის ან მებაღეობის პროდუქტების მოსათავსებლად. ეს ნაგებობა არ გამოიყენება ადამიანის საცხოვრებლად ან ადგილად, სადაც სასოფლო-სამეურნეო პროდუქტების გადამუშავდება, დამუშავდება ან ფასოვდება/იფუთება, ასევე, არ გამოიყენება საზოგადოებრივი დანიშულებით.

საფეხურის ნაშვერი. კიბის საფეხურების ან გზა-კიბის მარშების თავში მდებარე ბაქნების წინა კიდის ნაშვერები.

საფრთხის შემცველი ნივთიერებები. ქიმიური ნივთიერებები, რომლებიც 307-ე ქვეთავის კლასიფიცირების მიხედვით, ქმნის ფიზიკურ ან ჯანმრთელობისთვის საფრთხეებს, სახმარად ვარგის ან არავარგის მდგომარეობაში.

საფრთხის შემცველი ნივთიერებების შენახვა. საფრთხის შემცველი ნივთიერებების შენახვა, გაჩერება ან დატოვება დახურულ კონტეინერებში, ავზებში, ცილინდრებში ან მსგავს ჭურჭელში; ან ჭურჭელი, რომლის გამოყენების დროს ოპერაციები სრულდება მასთან მიერთებული დახურილი მისაერთებლებით.

საფრთხის შემცველი (საშიში) საწარმოო ნივთიერება. ნახევრადგამტარების წარმოებასთან დაკავშირებული მყარი ნივთიერებები, სითხეები ან აირები, რომლებიც NFPA 704-ის მიხედვით შეფასებისას, ჯანმრთელობის, აალებადობის ან რეაქტიულობის გათვალისწინებით, მიეკუთვნება მე-3 ან მე-4 კლასის საფრხთის კატეგორიას. ისინი გამოიყენება კვლევებში, ლაბორატორიულ ან წარმოების პროცესებში და მათი საბოლოო პროდუქტი არ არის საფრხის შემცველი მასალა.

საფრთხის შემცველი  (საშიში) საწარმოო ნივთიერება, აალებადი სითხე. საფრთხის შემცველი (საშიში) აალებადი საწარმოო სითხე, რომელიც მიეკუთვნება I ან II კლასის აალებად სითხეებს ან IIIA კლასის წვად სითხეებს.

საფრთხის შემცველი (საშიში) საწარმოო ნივთიერების ოთახი. ოთახი, რომელიც გამოიყენება დსშ-5 ჯგუფის დაკავებულობის დამხმარე ოთახად, სადაც ინახება ან გამოიყენება საფრთხის შემცველი საწარმოო ნივთიერებები და რომელიც კლასიფიცირდება, როგორც დსშ-2, დსშ-3 ან დსშ-4 ჯგუფის დაკავებულობა.

საცხოვრებელი. შენობა, რომელიც მოიცავს ერთ ან ორ საცხოვრებელ ერთეულს, რომელიც გამოიყენება, გამიზნულია ან დაგეგმარებულია საცხოვრებად, საარენდოდ, სალიზინგოდ, ოთახების გასაქირავებლად და (და)საქირავებლად.

საცხოვრებელი ერთეული. ერთი ერთეული, რომელიც უზრუნველყოფს სრულ, დამოუკიდებელ საცხოვრებლებს ერთი ან მეტი პირისთვის, მათ შორის, მუდმივ პირობებს საცხოვრებლად, დასაძინებლად, სასადილოდ, საჭმლის მოსამზადებლად და სანიტარიულ პირობებს.

საცხოვრებელი ერთეული ან საძინებელი ერთეული, მრავალსართულიანი. იხილეთ განმარტება „მრავალსართულიანი ერთეული“.

საცხოვრებელი სივრცე. სივრცე შენობაში, რომელიც გამოიყენება საცხოვრებლად, დასაძინებლად, სასადილოდ ან საჭმლის მოსამზადებლად. სააბაზანო ოთახები, ტუალეტის ოთახები, საკუჭნაოები, ჰოლები, სათავსოები, დამხმარე სივრცეები და მსგავსი ფართობები საცხოვრებელ სივრცეებად არ ითვლება.

საცხოვრებლის თვითმფრინავის ანგარი. ერთი ან ორი ოჯახის საცხოვრებელში აგებული, 186 მ²-ზე პატარა ფართობისა და 6,0 მ-ზე დაბალი სიმაღლის დამხმარე შენობა, სადაც საჰაერო ხომალდები ინახება. ასეთი გამოყენება მიიჩნევა საცხოვრებლისთვის დამხმარე გამოყენებად.

საწარმოო ფართობი. ფართობი ნახევარგამტარების ფაბრიკაში, ასევე, ნახევარგამტარების საწარმოებლად საჭირო კვლევებისთვის გამოყოფილი ფართობი, სადაც გამოიყენება საფრთხის შემცველი საწარმოო ნივთიერებები. ამგვარ ფართობებზე დასაშვებია დამხმარე ოთახების, ასევე, გასახდელებისა და ოფისების არსებობა, რომლებიც უშუალოდაა დაკავშირებული საწარმოო ფართობებზე მიმდინარე პროცესებთან.

სახანძრო განგაშის სამართავი ერთეული. სისტემის ნაწილი, რომელიც ავტომატური და ხელით სამართავი სახანძრო განგაშის მოწყობილობებიდან იღებს ინფორმაციას და შეუძლია უზრუნველყოს აღმომჩენი მოწყობილობებისა და რეტრანსლიატორ(ებ)ის ან სათადარიგო გადამცემ(ებ)ის ელექტრომომარაგება. შესაძლოა, სამართავი ერთეული შეტყობინების მოწყობილობებს გადასცემდეს ელექტროენერგიას და რელეებს ან მექანიზმებს ინფორმაციას არსებული მდგომარეობის შესახებ.

სახანძრო განგაშის სიგნალი. სიგნალი, რომელსაც გამოსცემს სახანძრო განგაშის მოწყობილობა, მაგ.: ხელით სამართავი სახანძრო განგაშის კოლოფი, ცეცხლის ავტომატური აღმომჩენი, წყლის ნაკადის გამშვები და სხვა მოწყობილობები, რომელთა გააქტიურება მიანიშნებს ხანძრის ან ხანძრის ნიშნების არსებობას.

სახანძრო განგაშის სისტემა. სისტემა ან კომბინირებული სისტემის ნაწილი, რომლის კომპონენტები და წრედები ისეა მოწყობილი, რომ გააკონტროლოს და დააფიქსიროს სახანძრო განგაშის ან საკონტროლო სიგნალების გამომცემი მოწყობილობების მდგომარეობა და სათანადოდ რეაგირებდეს ამ სიგნალებზე.

სახანძრო გასასვლელის კავეული/საკეტები. ანტიპანიკური გამღები, რომელიც გამოიყენება ცეცხლმედეგი კარის ანაწყობებში.

სახანძრო ზოლი. გზა ან სხვა გასასვლელი, რომელიც დატოვებულია სახანძრო ტექნიკის გასატარებლად, მაგრამ სახანძრო ზოლი არ არის განკუთვნილი მხოლოდ სახანძრო ტექნიკისთვის.

სახურავის ანაწყობი (ეხება მხოლოდ მე-15 თავს). ატმოსფერული ზემოქმედებისგან დასაცავად და დაგეგმარებაში გასათვალისწინებელი დატვირთვის მიმართ მედეგობის უზრუნველსაყოფად შექმნილი სისტემა. სისტემა შედგება სახურავის ბურულისა და სახურავის ფენილისგან ან ერთი კომპონენტისგან, რომელიც ორივეს როლს ასრულებს. სახურავის ანაწყობში შედის სახურავის ფენილი, ორთქლის შემკავებელი, ქვეეშრე ან თერმული ზღუდე, იზოლაცია, ორთქლ შემკავებელი და სახურავის ბურული.

სახურავის მრავალშრიანი ბურული. ერთმანეთზე დაკრული ტოლის ორი ან რამდენიმე შრე, რომელსაც ზედა შრედ ეკვრება მინერალურზედაპირიანი ტოლი, მინერალური შემვსები, გლუვი ბურული ან მსგავსი მასალა.

სახურავის ლითონის პანელი. ურთიერთდაკავშირებული ლითონის ფურცლები, რომელთაგან თითოეული ფურცლის, სულ მცირე, 0,28 მ² ფართობი ხვდება ატმოსფერული ზემოქმედების ქვეშ.

სახურავის ლითონის ყავარი. ურთიერთდაკავშირებული ლითონის ფურცლები, რომელთაგან თითოეული ფურცლის 0,28 მ²-ზე ნაკლები ფართობი ხვდება ატმოსფერული ზემოქმედების ქვეშ.

სახანძრო უსაფრთხოების ფუნქციები. შენობისა და ხანძრის კონტროლის ფუნქციები, რომელთა მიზანია, აამაღლოს დამკავებელთა სიცოცხლის უსაფრთხოების ხარისხი ან აკონტროლოს ხანძრისგან გამოწვეული საზიანო ეფექტების გავრცელება.

სახურავის აღდგენა. მომზადებულ არსებულ სახურავის ბურულზე, მისი აყრის გარეშე, დამატებითი ბურულის დაგების პროცესი.

სახურავის ბურული. ბურული, რომელიც იგება სახურავის ფენილზე ატმოსფერული ზემოქმედებისგან დასაცავად, ცეცხლმედეგობის უზრუნველსაყოფად ან გასაფორმებლად.

სახურავის ბურულის სისტემა. იხილეთ „სახურავის ანაწყობი“.

სახურავის გამოცვლა. სახურავის არსებული ბურულის აყრის, დაზიანებული ქვეშრის შეკეთებისა და ახალი ბურულის დაგების პროცესი.

სახურავის განიავება. ბუნებრივი ან მექანიკური პროცესი, რომლის დროსაც კონდიცირებული ან არაკონდიცირებული ჰაერი მიეწოდება სახურავის ქვეშ მდებარე სხვენებს, მაღალ ჭერებს ან სხვა დახურულ სივრცეებს, ან ასეთი ჰაერი გამოდის ამ სივრცეებიდან.

სახურავის პოზიტიური საწრეტი. საწრეტის მდგომარეობა, როდესაც სახურავის ფენილის დატვირთვის გათვალისწინებით კეთდება დამატებითი ქანობი, რომელიც ნალექიანობის დროს უზრუნველყოფს სახურავის დაწრეტას 48 საათის (ორი დღეღამის) განმავლობაში.

სახურავის ფენილი. შენობის გარე კედლებზე ან სხვა საყრდენებზე მოწყობილი ბრტყელი ან დაქანებული ზედაპირი, ქვემოთ მდებარე სართულის გადასახურად ან ატმოსფერული ზემოქმედებისაგან ფართობის დასაცავად. სახურავის ფენილში არ შედის საყრდენი ნაწილები ან შვეული საყრდენები.

სახურავის შეკეთება. სახურავის შესანარჩუნებლად მასზე არსებული ბურულის რომელიმე ნაწილის გამოცვლა (რეკონსტრუქცია) ან განახლება.

სახურავსზედა ნაგებობები. სახურავის ფენილის ან შენობის, ან მისი ნებისმიერი ნაწილის თავზე აღმართული ნაგებობა.

სახანძრო მილდგარების სისტემის კლასი. სახანძრო მილდგარები იყოფა შემდეგ კლასებად:

I კლასის სისტემა. სისტემა, რომლის საშუალებითაც სახანძრო-სამაშველო დანაყოფები 77 მმ სახანძრო სახელოს უერთებენ ქანჩს. ეს სისტემა განკუთვნილია მათთვის, ვინც იცის, როგორ მართოს ძლიერი ჭავლი ხანძრის დროს.

II კლასის სისტემა. სისტემა, რომლითაც 51 მმ სახანძრო ონკანიდან წყალი მიეწოდება უპირველესად შენობაში მყოფთ ან სახანძრო-სამაშველო დანაყოფს თავდაპირველი რეაგირებისთვის.

III კლასის სისტემა. სისტემა, რომლითაც 51 მმ სახანძრო ონკანიდან წყალი მიეწოდება შენობაში მყოფთ და უერთდება 77 მმ სახანძრო სახელოს ქანჩს, რომლითაც სახანძრო-სამაშველო დანაყოფი და ისინი, ვინც იცის, როგორ მართოს ძლიერი ჭავლი ხანძრის დროს წყლის უფრო დიდ მოცულობას იყენებს.

სახანძრო მილდგარების ტიპები. არსებობს სახანძრო მილდგარების შემდეგი ტიპები:

ავტომატური მშრალი. მშრალი სახანძრო მილდგარების სისტემა, რომელიც, ჩვეულებრივ, სავსეა შეკუმშული ჰაერით. სისტემას აქვს სარქველი, რომლიდანაც წყალი ავტომატურად გადადის სისტემის მილებში სახანძრო ონკანის გახსნისთანავე. ავტომატური მშრალი სახანძრო მილდგარების სისტემის წყალმომარაგება აკმაყოფილებს სისტემის მოთხოვნას.

ავტომატური წყლიანი. წყალმომარაგების მქონე წყლიანი სახანძრო მილდგარების სისტემა, რომელიც ავტომატურად აკმაყოფილებს სისტემის მოთხოვნას.

ხელით სამართავი, მშრალი. მშრალი სახანძრო მილდგარების სისტემა, რომელსაც არ აქვს სისტემაზე მიერთებული მუდმივი წყალმომარაგება. ხელით სამართავი მშრალი სახანძრო მილდგარების სისტემების წყლით მარაგდება სახანძრო ავტომობილების საშუალებით, რომლებიდანაც წყალი გადადის სისტემაში სახანძრო მილსადენების გავლით.

ხელით სამართავი, წყლიანი. წყლიანი სახანძრო მილდგარების სისტემა, რომელიც მიერთებულია წყალმომარაგების სისტემასთან, მაგრამ არ აქვს საკმარისი წყალმომარაგება, რომელიც დააკმაყოფილებდა სისტემის მოთხოვნას. ხელით სამართავი წყლიანი სახანძრო მილდგარების სისტემა წყლით მარაგდება სახანძრო ავტომობილის საშუალებით, რომლებიდანაც წყალი გადაიტანება სისტემაში.

ნახევრად ავტომატური მშრალი. მშრალი სახანძრო მილდგარების სისტემა, რომელიც მუშაობს ისეთი მოწყობილობით, როგორიცაა წყლის მასიური ჭავლის გამშვები ონკანი, რომლიდანაც წყალი გადადის სისტემის მილებში სახანძრო ონკანთან მოთავსებული დისტანციური სამართავი მოწყობილობის გააქტიურებისთანავე. დისტანციური გამშვები გასააქტიურებელი მოწყობილობა დაყენებული უნდა იყოს ყველა სახანძრო ონკანთან. ნახევრად ავტომატური მშრალი სახანძრო მილდგარების სისტემის წყლით მომარაგება უნდა შეესაბამებოდეს სისტემის მოთხოვნას.

საძინებელი ერთეული. ოთახი ან სივრცე, სადაც ადამიანები იძინებენ და სადაც შესაძლოა, იყოს მუდმივი პირობები საცხოვრებლად და სასადილოდ. ის მოიცავს სანიტარიული ან სამზარეულო მოწყობილობებიდან რომელიმეს, მაგრამ არა ორივეს. ასეთი ოთახები და სივრცეები საცხოვრებელი ერთეულის ნაწილია, მაგრამ არა საძინებელი ერთეულების.

სიგნალიზატორი. მოწყობილობა, რომელიც შედგება ერთი ან მეტი სინათლის ინდიკატორისგან, ანბანურ-ციფრული ეკრანებისგან ან სხვა საშუალებებისგან. თითოეული ინდიკატორი უზრუნველყოფს ინფორმაციის გამოტანას ციკლის, ვითარების ან ადგილმდებარეობის შესახებ.

სითბოს აღმომჩენი. ცეცხლის აღმომჩენი, რომელიც რეაგირებს სითბოზე, მაღალ ტემპერატურაზე ან ტემპერატურის ზრდის ტემპზე, ან ორივეზე.

სითხე. ნივთიერება, რომლის დნობის წერტილი 101 კპა წნევისას ნაკლებია ან ტოლია 20°C-ისა, ხოლო დუღილის წერტილი აღემატება 20°C-ს. ტერმინი „სითხე“ გულისხმობს, როგორც წვად, ისე აალებად სითხეებს, თუ სხვაგვარად არ არის განმარტებული.

სითხის შესანახი ოთახი. ოთახი, რომელიც კლასიფიცირდება, როგორც დსშ-3 ჯგუფის დაკავებულობა და გამოიყენება აალებადი ან წვადი სითხეების შესანახად დახურულ პირობებში.

სპეციალური გასართობი შენობა. სპეციალური გასართობი შენობა არის ნებისმიერი დროებითი ან მუდმივი შენობა ან მისი ნაწილი, რომელიც გამოიყენება გასართობი ან საგანმანათლებლო მიზნით და მასში განთავსებულია მექანიზმი ან სისტემა, რომელსაც ადამიანები გადაჰყავს ან უზრუნველყოფს სავალ გზებს სვლაგეზის გასწვრივ, გარშემო ან თავზე ნებისმიერი მიმართულებით ისე, რომ გასასვლელ საშუალებებთან მისვლა გაძნელებულია ვიზუალური თუ აუდიო გასართობების გამო ან საგანგებოდაა დახლართული და ძნელად მისადგომი ატრაქციონის სახეობიდან ან გადასაადგილებელი საშუალებიდან გამომდინარე.

სუფთა ნივთიერება. ელექტრობის გაუმტარი, აქროლადი ან აირადი ცეცხლსაქრობი ნივთიერება, რომელიც აორთქლების შემდეგ ნარჩენს არ ტოვებს.

სცენა. სივრცე შენობაში, რომელიც გამოიყენება სპექტაკლების ან წარმოდგენების მოსაწყობად. მის თავზე მოთავსებულია ფარდები, ასაწევ-დასაწევი ფარდები, დეკორაციები ან სასცენო ეფექტები, მაგრამ არა განათებისა და ხმის მოწყობილობები.

სხვადასხვა ჯგუფის საცხოვრებელი დაწესებულებები. სოციალური რეაბილიტაციის დაწესებულება ნარკოტიკულ ნივთიერებებზე დამოკიდებული ან ფსიქიური პრობლემების მქონე პირებისთვის. მასში უზრუნველყოფილია ჯგუფური საცხოვრებლები და ყოველდღიური მოვლა, მაგრამ არაა მკაცრი ზედამხედველობა.

სხვენი. სივრცე ბოლო სართულის ჭერის კოჭებსა და სახურავის ნივნივებს შორის.

ტენტი. არქიტექტურული ნაშვერი, რომელიც ატმოსფერული ზემოქმედებისგან დამცავია, ამოსაცნობი ნიშანია ან გაფორმებაა და მთლიანად ეყრდნობა შენობას, რომელზეც მიმაგრებულია. ტენტს აქვს მსუბუქი კარკასული სტრუქტურა, რომელზეც დამაგრებულია ბურული.

ტექნიკური პერსონალის სამოძრაო ფართობები. ღია, ამაღლებული ფართობები ან სივრცეები გასართობი წარმოდგენების მომსახურე ტექნიკური პერსონალის სამოძრაოდ, რათა მან შეძლოს გასართობი ტექნოლოგიური სისტემებისა და მოწყობილობების გამოყენება და მართვა. ქანდარები, მათ შორის, დეკორაციების სამართავი ქანდარები, ცხაურები სცენის თავზე, სამუშაო ფიცარნაგები და მსგავსი ფართობები სწორედ ამ მიზნით იგება.

უკანასაყრდენი. კედელი ან ზედაპირი, რომელზეც მაგრდება მოსაპირკეთებელი მასალა.

უსადენო დამცავი სისტემა. სისტემა ან სისტემის ნაწილი, რომელსაც შეუძლია შეტყობინების მიღება-გადაცემა სადენის გარეშე.

უძრავად განთავსებული სამართავი. სავაჭრო ბიზნესისთვის აეროპორტის სპონსორების მიერ მინიჭებული უფლება, ამუშაოს აეროპორტი და უზრუნველყოს აეროსანავიგაციო მომსახურებები, როგორებიცაა: საწვავით შევსება, ანგარში დაყენება, დამაგრება და პარკირება, საჰაერო ხომალდის გაქირავება, მოვლა-შეკეთება და პილოტების ინსტრუქტაჟი.

ფაქტობრივი მდგომარეობის ამსახველი ნახაზები. ნახაზები, რომლებშიც მოცემულია ყველა მოწყობილობის, მექანიზმის, გაყვანილობის თანმიმდევრობა, სადენების გაყვანის მეთოდი და სახანძრო განგაშის სისტემის შემადგენელი ნაწილების შეერთებები.

ფარსაკეტი. იხ. „ჭერში მოწყობილი ფარსაკეტი“, „ცეცხლის/კვამლის კომბინირებული ფარსაკეტი“, „ცეცხლის ფარსაკეტი“ და „კვამლის ფარსაკეტი“.

ფეთქებადი ნივთიერება. ქიმიური ნაერთი, ნარევი ან მექანიზმი, რომლის უმთავრესი ან ზოგადი დანიშნულებაა ფუნქციონირება აფეთქების საშუალებით. ტერმინში ნაგულისხმევია შემდეგი (მაგრამ არა მხოლოდ ისინი): დინამიტი, დენთი, საფანტი ფხვნილი, მაპროვოცირებელი ასაფეთქებელი ნივთიერება, დენოტატორები, დისტანციური ასაფეთქებელი, პეტარდა, დეტონაციური კაბელი, საალებელი (ამაალებელი) კაბელი, საალებლები (ამაალებლები) და ფეიერვერკები, 1.3G (კლასი B, სპეციალური) და ა.შ.

ტერმინი „ფეთქებადი ნივთიერება“ გულისხმობს ნებისმიერ ნივთიერებას, რომელიც ჩამოთვლილია USC Title 18-ის მე-40 თავში, ასევე, − ნებისმიერ ნივთიერებას, რომელიც DOTN 49 CFR-ის 100-185 ქვეთავების რეგლამენტების მიხედვით კლასიფიცირებულია, როგორც ფეთქებადი, გარდა შედარებით სუსტი ფეიერვერკებისა, 1.4G (კლასი C, ჩვეულებრივი).

ძლიერ ფეთქებადი ნივთიერება. ფეთქებადი ნივთიერება, მაგ., დინამიტი, რომელიც დეტონირდება №o. 8 საკონტროლო კაპსულ-დენონატორით.

სუსტად ფეთქებადი ნივთიერება. ფეთქებადი ნივთიერება, რომელიც იწვის ან განიცდის დეფლაგრაციას აალებისას. მას ახასიათებს რეაქციის სიჩქარე, რომელიც ნაკლებია ბგერის გავრცელების სიჩქარისა. სუსტ ფეთქებად ნივთიერებებში შედის შემდეგი, მაგრამ არა მხოლოდ ესენი: შავი დენთი, დისტანციური ასაფეთქებელი, საალებლები (ამაალებლები), საალებელი კაბელი, ასაფეთქებლის ამნთები, ფეიერვერკები, 1.3G (კლასი B, სპეციალური), პროპელენტები, 1.3C.

მასიურ-დეტონაციური ფეთქებადი ნივთიერებები. დამოუკიდებლად ან კომბინაციაში, ან სხვადასხვა ტიპის ვაზნებსა თუ კონტეინერებში მოთავსებული 1.1, 1.2 და 1.5 კატეგორიის ფეთქებადი ნივთიერებები, რომელთა უმეტესობა ფეთქდება მყისიერად ცეცხლთან მცირე კონტაქტისას, ძლიერი რყევისას, ზემოქმედებისას, მაპროვოცირებელი ფაქტორის ან ძლიერი ენერგიის ზემოქმედებით. ნივთიერებები, რომლებიც რეაგირებს ამგვარად, შეიცავს მასიური აფეთქების საფრთხეს. ასეთი ფეთქებადი ნივთიერებები, ჩვეულებრივ, იწვევს მომიჯნავე ობიექტების ნაგებობის სერიოზულ  დაზიანებას. აფეთქება შეიძლება გავრცელდეს საბრძოლო მასალებში შემავალ სხვა ნივთიერებებზე, ასევე, ახლოს და არასათანადოდ შენახულ ფეთქებად ნივთიერებებზე.

UN/DOTN პირველი კლასის ფეთქებადი ნივთიერებები. ძველი კლასიფიცირების სისტემაში, რომელსაც DOTN იყენებს, ტერმინები „ძლიერი“ და „სუსტი“ გამოყენებულია აქ წარმოდგენილი მნიშვნელობით. თანამედროვე სისტემაში DOTN-ის მიერ გამოყენებული ტერმინები მეტ განმარტებას იძლევა ფეთქებად ნივთიერებებზე, რომლებიც მიეკუთვნება პირველი კლასის საფრთხის შემცველ ნივთიერებებს. ქვეკლასთან გამოიყენება თავსებადობის ჯგუფის აღმნიშვნელი ასოები, რათა განისაზღვროს თითოეული აღნიშნული ქვეკლასის შემდგომი შეზღუდვები (მაგ., ასო G აღნიშნავს პიროტექნიკურ ნივთიერებას ან პიროტექნიკური და მსგავსი ნივთიერების შემცველ საგანს).

ქვეკალასი 1.1. ფეთქებადი ნივთიერებები, რომლებიც შეიცავს მასიური აფეთქების საფრთხეს. მასიური ეწოდება ისეთ აფეთქებას, რომელიც მყისიერად უარყოფითად ზემოქმედებს თითქმის მთელ შემცველობაზე.

ქვეკალასი 1.2. ფეთქებადი ნივთიერებები, რომლებიც ხასიათდება გაფანტვის საფრთხით, მაგრამ არ ქმნის მასიური აფეთქების საფრთხეს.

ქვეკალასი 1.3. ფეთქებადი ნივთიერებები, რომლებიც ხასიათდება ხანძრის გამოწვევის საფრთხით, ასევე, ფეთქების უმნიშვნელო საფრთხით, ან გაფანტვის საფრთხით, ან მცირე მიმართული (პროექციული) საფრთხით, ან ორივეთი ერთად, მაგრამ არა მასიური აფეთქების საფრთხით.

ქვეკალასი  1.4. ფეთქებადი ნივთიერებები, რომლებიც შეიცავს აფეთქების მცირე საფრთხეს. აფეთქება, ძირითადად, შემოიფარგლება კონტეინერით და შესამჩნევი ზომის ან მიმართულების მქონე ნაწილაკების გამოტყორცნა მოსალოდნელი არ არის. გარედან მოქმედი ცეცხლი არ იწვევს კონტეინერის მთელი შემცველობის მომენტალურ (მყისიერ) აფეთქებას.

ქვეკალასი 1.5. ძლიერ არამგრძნობიარე ფეთქებადი ნივთიერებები. ამ ქვეკლასში შედის ისეთი ნივთიერებები, რომლებიც შეიცავს მასიური აფეთქების საფრთხეს, მაგრამ იმდენად არამგრძნობიარეა, რომ ჩვეულებრივ პირობებში ტრანსპორტირებისას ნაკლებ სავარაუდოა მათი ინიცირება ან გადასვლა წვიდან დეტონაციურ მდგომარეობაში.

ქვეკალასი 1.6. უკიდურესად არამგრძნობიარე ნივთიერებები (ნაკეთობანი), რომლებიც არ ხასიათდება მასიური აფეთქების საფრთხით. ამ ქვეკლასში შედის დეტონაციისადმი მხოლოდ უკიდურესად არამგრძნობიარე ნივთიერებები, რომლებიც ხასიათდება ინიცირებისა და გავრცელების უმნიშვნელო უნარით.

ფეიერვერკები. ნებისმიერი შედგენილობა ან მოწყობილობა, რომელიც წვის, დეფლაგრაციის ან დენოტაციის შედეგად ქმნის ვიზუალურ ან აკუსტიკურ ეფექტს გართობის მიზნით.

ფეიერვერკები, 1.3G. დიდი ზომის ფეიერვერკის მექანიზმები, რომლებიც ფეთქებადი ნივთიერებებია საჩვენებელი ფეიერვერკებისთვის და განკუთვნილია წვის, დეფლაგრაციის ან დენოტაციის შედეგად ვიზუალური ან აკუსტიკური ეფექტების მისაღებად. 1.3G ფეიერვერკებში შედის შემდეგი, მაგრამ არა მხოლოდ ესენი: შუშხუნები, რომლებიც შეიცავს 130 მილიგრამზე მეტ ფეთქებად ნაერთს, საჰაერო ჭურვები, რომლებიც შეიცავს 40 გრამზე მეტ პიროტექნიკურ ნაერთს და სხვები, რომლებიც აჭარბებს 1.4G ფეიერვერკების კლასისთვის დადგენილ ზღვრებს. DOTN-ში 1.3G ფეიერვერკები აღწერილია ასევე, როგორც UN0335 ფეიერვერკები.

ფეიერვერკები, 1.4G. პატარა ფეიერვერკის მექანიზმები, რომლებიც შეზღუდული რაოდენობით შეიცავს პიროტექნიკურ ნაერთებს და ძირითადად განკუთვნილია წვის შედეგად ვიზუალური და აკუსტიკური ეფექტების მისაღებად. CPSC 16 CFR: 1500-ე და 1507-ე ქვეთავში წარმოდგენილი 1.4G ფეიერვერკები, რომლებიც აკმაყოფილებს DOTN-ის, UN0336 და აშშ-ის მოხმარების პროდუქტების უსაფრთხოების განმსაზღვრელი კომისიის (CPSC) მოთხოვნებს და დაკავშირებულია კონსტრუქციასთან, ქიმიურ შედგენილობასთან და ეტიკეტირებასთან, არ ითვლება ფეთქებად ნივთიერებებად ამ კონტექსტიდან გამომდინარე.

ფიზიკური საფრთხე. ფიზიკურ საფრთხეს ქმნის ქიმიური ნივთიერებები, როგორებიცაა: წვადი სითხე, კრიოგენული სითხე, ფეთქებადი, აალებადი (მყარი, თხევადი ან აიროვანი) ნივთიერება, ორგანული ზეჟანგი (მყარი ან თხევადი), მჟანგავი (მყარი ან თხევადი), მჟანგავი აირი, თვითაალებადი (პიროფორული) (მყარი, თხევადი ან აიროვანი) ან არამდგრადი (რეაქტიული) (მყარი, თხევადი ან აიროვანი) ნივთიერება, ან წყალ-რეაქტიული (მყარი ან თხევადი) ნივთიერება.

ფიზიოლოგიური გაფრთხილების ზღვრული დონე. დამაბინძურებელი ნივთიერებების შემცველობა ჰაერში, რომელიც, ჩვეულებრივ, გამოიხატება მილიონის ნაწილით (ppm) ან მილიგრამებში ერთ კუბურ მეტრზე (მგ/მ³) და კონცენტრაციაა, რომელსაც ადამიანი შეიგრძნობს სუნით, გაღიზიანებით ან სწაფად მოქმედი სხვა ფიზიოლოგიური რეაქციით.

ფოტოვოლტაიკური (ფოტოვოლტური) მოდულები/ყავარები. სახურავის ბურული, შემდგარი ბრტყელი ფოტოვოლტაიკური (ფოტოვოლტური) მოდულებისგან, რომლებიც ყავარების მსგავსი შედგენილი (კომპოზიტური) ფურცლებია.

ფოტოლუმინესცენტური. ხილული ან უხილავი სინათლის ჩაქრობის შემდეგ გარკვეული დროის განმავლობაში სინათლის გამოცემის უნარი.

ქვეშრე. ტოლის, სამშენებლო მუყაოს, არაბიტუმიანი მასალით გაჟღენთილი ტოლის ერთი ან რამდენიმე ფენა ან სხვა მასალა, რომელზეც მაგრდება მკვეთრ ქანობიანი სახურავის ბურული.

ქიმიური ხსნარით ცეცხლის საქრობი სისტემა. წყალსა და კალიუმის კარბონატის ან კალიუმ-აცეტატის ბაზაზე ან მათი კომბინაციით მიღებული ხსნარი, რომელიც წარმოქმნის ცეცხლსაქრობ ნივთიერებას.

ღია ავტოსადგომი გარაჟი. ნაგებობა ან მისი ნაწილი, რომელსაც ორი ან მეტი მხრიდან აქვს 406.5.2 ქვეთავის შესაბამისი ღიობები და რომელიც გამოიყენება კერძო ავტომობილების სადგომად ან შესანახად, 406.5.3 ქვეთავის შესაბამისად.

ღია სისტემა. მყარი ან თხევადი საფრთხის შემცველი ნივთიერების გამოყენება ჭურჭელში ან სისტემაში, რომელიც ნორმალური ფუნქციონირებისას მუდმივად ღიაა და რომლიდანაც გამოდის ორთქლი ან პროდუქტი განიცდის ატმოსფერულ ზემოქმედებას. მყარი და თხევადი ნივთიერებების ღია სისტემებია ღია კასრები ან კონტეინერები, ავზები და ლითონის ფურცლებით დაფარული ავზები, საიდანაც ან სადაც ნაწილდება ეს ნივთიერებები.

ღია ტრიბუნები. ორი ან მეტი რიგის სიმაღლის ტერასულად განთავსებული დასაჯდომები, რომლებიც ეყრდნობა მათთვის აგებულ ნაგებობას და რომლებიც არ არის შენობის ელემენტი (იხ. „გადახურული ტრიბუნები“).

შახტა. შემოზღუდული სივრცე, რომელიც გრძელდება შენობის ერთ ან მეტ სართულზე და აკავშირებს თანმიმდევრული იატაკების ან იატაკებისა და სახურავების შვეულ ღიობებს.

შახტის შემომზღუდავი. კედლები ან კონსტრუქცია, რომელიც ქმნის შახტის საზღვრებს.

შიგა გასასვლელის გზა-კიბე. გასასვლელის კომპონენტი, რომელიც აკმაყოფილებს გასასვლელი საშუალებების დაგეგმარების ერთ ან მეტ მოთხოვნას, მაგალითად, გასასვლელების რაოდენობას ან გასასვლელთან მისადგომ სავალ მანძილს და უზრუნველყოფს გასასვლელისკენ სავალ დაცულ ბილიკს შენობიდან გამოსასვლელამდე ან საზოგადოებრივ გზამდე.

შიგა გასასვლელის პანდუსი. გასასვლელის კომპონენტი, რომელიც აკმაყოფილებს გასასვლელი საშუალებების დაგეგმარების ერთ ან მეტ მოთხოვნას, მაგალითად, გასასვლელების რაოდენობას ან გასასვლელთან მისადგომ სავალ მანძილს და უზრუნველყოფს გასასვლელისკენ სავალ დაცულ ბილიკს შენობიდან გამოსასვლელამდე ან საზოგადოებრივ გზამდე.

შიგა იატაკის კედლის ფუძესთან გადაკვეთა. შიგა იატაკის მოპირკეთების მორთულობა, გამოყენებული ფუნქციონალური და/ან დეკორატიული საზღვრის შესაქმნელად კედლებისა და იატაკების გადაკვეთასთან.

შიგა კედლისა და ჭერის მოპირკეთება. შენობების ზემოქმედების ქვეშ მყოფი ზედაპირები, მათ შორის, (მაგრამ არა მხოლოდ ისინი): უძრავი/ფიქსირებული ან მოძრავი კედლები და ტიხრები; ტუალეტების ტიხრები; სვეტები; ჭერები; ასევე, ხის შიგა პანელები, პანელები ან სხვა მოსაპირკეთებელი მასალა, რომელიც გამოყენებულია დეკორატიული, აკუსტიკის გაუმჯობესების, ზედაპირის იზოლაციის, ნაგებობის ცეცხლმედეგობის ან მსგავსი მიზნით. მასში არ შედის მორთულობა.

შიგა იატაკის მოპირკეთება. შენობაში არსებული იატაკის ზედაპირები, რომლებიც განიცდის სხვადასხვა ზემოქმედებას, ასევე, მოპირკეთებულ  იატაკზე ან კიბის საფეხურებზე (საფეხურის შუბლების (შემაღლებების) ჩათვლით) გამოყენებული საფარები.

შიგა გზა-კიბე. გზა-კიბე, რომელიც არ შეესაბამება „გარე გზა-კიბის“ განმარტებას.

შიგა მოპირკეთება. შიგა მოპირკეთებაში შედის შიგა კედლისა და ჭერის, ასევე, შიგა იატაკის მოპირკეთება.

შეგრძნობადი (ტაქტილური) ზედაპირი. ზედაპირის სტანდარტიზებული დეტალი, რომელიც ჩაშენებული ან მიმაგრებულია სავალ ზედაპირებზე ან სხვა ელემენტებზე იმ მიზნით, რომ უსინათლო ადამიანები გააფრთხილოს სავალ ბილიკზე არსებული საფრთხის შესახებ.

შეერთება. გადაბმის ცეცხლმედეგი სისტემის ორი ან მეტი მონაკვეთის ქარხნული და/ან ადგილზე შეერთების ან დაკავშირების მეთოდი, რომელიც ქმნის უწყვეტ მთლიანობას.

შეზღუდული შესასვლელი. საერთო შესასვლელი, რომელშიც დაიშვებიან შემოწმების შემდეგ, მაგრამ არაა განკუთვნილი ფათო საზოგადოებრივი გამოყენებისთვის და არაა დამხმარე შესასვლელი.

შემვსები. სახურავის გადახურვისას ზედაპირებზე გამოყენებული ნამსხვრევი ქვა, ნამსხვრევი წიდა ან წყლით დაგლუვებული ხრეში.

შემოზღუდული გამწოვი. დანადგარი ან მოწყობილობის ნაწილი, რომელსაც აქვს სახურავი, ზურგი, ორი მხარე და განკუთვნილია აირების, მხუთავი ორთქლის, ორთქლისა და ბურუსების გასაწოვად. ამგვარ გამწოვებს აქვს ლაბორატორიული გამწოვი ხუფი, კვამლის გამწოვი ხუფი და მსგავსი დანადგარები და მოწყობილობები, რომლებიც გამოიყენება აირების, მხუთავი ორთქლის, ორთქლისა და ბურუსის ადგილზე შესაკავებლად და გასაწოვად. ოთახების ან ფართობების საერთო განიავება არ ითვლება შემოზღუდულ გამწოვებად.

შენობა. ნებისმიერი გამოყენების ან დაკავებულობის განსათავსებელი ნაგებობა.

შენობიდან გამოსასვლელი. გასასვლელი საშუალებების სისტემის მონაკვეთი გასასვლელის დასასრულსა და საზოგადოებრივ გზას შორის.

შენობიდან გამოსასვლელის დონე. სართულის ადგილი, სადაც მთავრდება გასასვლელი და იწყება შენობიდან გამოსასვლელი.

შენობის ელემენტი. 601-ე ცხრილში მოცემული შენობის ასაგები ძირითადი კომპონენტი, რომელიც შეიძლება იყოს ან არ იყოს ცეცხლმედეგობის ხარისხიანი კონსტრუქცია და რომელიც აგებულია შენობის კონსტრუქციის ტიპის საფუძველზე შერჩეული მასალებით.

შენობის სიმაღლე. შვეული დაშორება მიწის დონიდან სახურავის ყველაზე მაღალი ზედაპირის საშუალო სიმაღლემდე.

შენობის ფართობი. გარე კედლებს (ან გარე კედლებსა და ცეცხლმედეგ კედლებს) შორის მოქცეული ფართობი, გარდა საჰაერო შახტებისა და, სულ მცირე, სამი მხრიდან გარე კედლებით შემოზღუდული ეზოებისა. შენობის ფართობები, რომელთაც არ აკრავს კედლები, ითვლება შენობის ფართობად, თუ ის მოქცეულია სახურავის ან ზედა სართულის თარაზული ნაშვერის საზღვრებში.

შეზღუდული შესაძლებლობების მქონე პირთა და მარტოხელა მოხუცთა თავშესაფარი. შენობა ან მისი ნაწილი, სადაც მდებარეობს საძინებელი ერთეულები და მობინადრეები სარგებლობენ საერთო სააბაზანოთი და/ან სამზარეულოთი.

შეტყობინების ზონა. იხილეთ „ზონა, შეტყობინების“.

შეუთავსებელი ნივთიერებები. ნივთიერებები, რომლებიც  შერევისას შედის რეაქციაში და წარმოქმნის სიცოცხლის ან ქონებისთვის საშიშ სითბოს, ორთქლს, აირებს ან თანამდევ პროდუქტებს.

შვეულმფრენის მოედანი. იგივეა, რაც შვეულმფრენის „სადგური“,იმ განსხვავებით, რომ აქ დაუშვებელია შვეულმფრენების საწვავით გამართვა, საწვავის დაცლა, მოვლა-შენახვა, შეკეთება ან შენახვა.

შვეულმფრენის სადგური. მიწის, წყლის ან ნაგებობის ზედაპირის ფართობი, რომელიც გამოიყენება ან განკუთვნილია შვეულმფრენების ასაფრენ-დასაფრენად და მასთან დაკავშირებული ყველა ფართობი, რომლებიც გამოიყენება ან განკუთვნილია შვეულმფრენის სადგურისთვის საჭირო შენობებისა და მოწყობილობებისთვის.

შიგა ეზო. სამი ან მეტი მხრიდან შენობის გარე კედლებით ან სხვა შემომზღუდავი საშუალებებით შემოსაზღვრული ღია, გადაუხურავი სივრცე.

შუაშრე. არანაკლებ 46 სმ სიგანის ტოლის ან უბიტუმო მასალით გაჟღენთილი ტოლის შრე, რომელიც მოთავსებულია ყავარებიანი ბურულის ხის ფილების ფენებს შორის.

ჩარდახი. მუდმივი ნაგებობა ან ხისტი კონსტრუქციის არქიტექტურული ნაშვერი, რომელზეც მაგრდება ატმოსფერული ზემოქმედებისგან დამცავად, ამოსაცნობ ნიშნად ან გაფორმებად გამოყენებული გადახურვა. ჩარდახი დასაშვებია, იყოს დამოუკიდებელი ნაგებობა ან შენობაზე მაგრდებოდეს ერთ ან ერთზე მეტ მხარეს.

ცალკე მდგომი შენობა. ერთსართულიანი, ცალკე მდგომი შენობა, მიწის დონის ქვედა სართულისა და დაბალი სივრცის გარეშე, რომელიც გამოიყენება საფრთხის შემცველი ნივთიერებების შესანახად ან გამოსაყენებლად. იგი ყველა ნაგებობისგან განსაზღვრული მანძილითაა დაშორებული.

ცალშრიანი მემბრანა. სახურავის მემბრანა, რომელიც ადგილზე ეწყობა ერთი და არა რამდენიმე სამემბრანე (ჰომოგენური ან კომპოზიტური) შრის გამოყენებით.

ცეცხლის ავტომატური აღმომჩენი. მოწყობილობა, რომელიც ადგენს ხანძრის ნიშნებს და იწყებს რეაგირებას.

ცეცხლის/კვამლის კომბინირებული ფარსაკეტი. არხებსა და საჰაერო ღიობებში ჩაყენებული მექანიზმი, რომელიც ავტომატურად იხურება სითბოს აღმოჩენისთანავე და ალსა და ბოლს გასვლის საშუალებას არ აძლევს. მექანიზმი იმართება კვამლაღმომჩენი სისტემით და ისეა მოწყობილი, რომ იმუშაოს ავტომატურად, ხოლო საჭიროების შემთხვევაში, შესაძლებელია მისი რეგულირება ხანძრის მართვის ცენტრიდან.

ცეცხლმედეგი ზღუდე. ცეცხლმედეგობის ხარისხიანი კედლის ანაწყობი, რომელშიც დაცულია უწყვეტობა და რომელის დაგეგმარებულია ცეცხლის გავრცელების შესაზღუდად.

ცეცხლამრიდი. სამშენებლო მასალები ან ცეცხლის ასარიდებლად დაშვებული მასალები, რომლებიც გამოიყენება იმისთვის, რომ წინააღმდეგობა გაუწიოს დამალული სივრცეების გავლით ალის თავისუფალ გადაადგილებას შენობის სხვა ფართობებზე.

ცეცხლის ფარსაკეტი. არხებსა და საჰაერო ღიობებში ჩაყენებული მექანიზმი, რომელიც ავტომატურად იხურება სითბოს აღმოჩენისთანავე და არ ატარებს ალს. ცეცხლის ფარსაკეტი გამოყენება სტატიკურ სისტემებში, რომლებიც ავტომატურად წყვეტს ფუნქციონირებას ცეცხლის აღმოჩენისთანავე ან − დინამიკურ სისტემებში, რომლებიც აგრძელებს ფუნქციონირებას ხანძრის დროსაც. დინამიკური სისტემებში ჩაყენებული ცეცხლის ფარსაკეტი მოწმდება და ხარისხი ენიჭება მომატებული ტემპერატურის მქონე ჰაერის ნაკადის ზემოქმედების პირობებში.

ცეცხლმედეგი ტიხარი. დაცული ღიობების მქონე შვეული ანაწყობი, რომელიც ხელს უშლის ცეცხლის გავრცელებას.

ცეცხლმედეგი ფანჯრის ანაწყობი. ფანჯარა, რომლიც აგებულია და შემინულია ისე, რომ ცეცხლმა მასში ვერ გააღწიოს.

ცეცხლმედეგი კედელი. ცეცხლმედეგობის ხარისხიანი, დაცულ ღიობებიანი კედელი, რომელიც ზღუდავს ცეცხლის გავრცელებას და უწყვეტად ვრცელდება საძირკვლიდან სახურავამდე ან გადის სახურავში. ცეცხლმედეგი კედლის აგებულება (სტრუქტურა) საკმარისად გამძლეა იმისთვის, რომ ხანძრის პირობებში რომელიმე მხარეს კონსტრუქციის ჩამონგრევამ არ გამოიწვიოს მისი დანგრევა.

ცეცხლმედეგობა. მასალების ან მათი ანაწყობების თვისება, ხელი შეუშალოს ან შეაკავოს ჭარბი სითბოს, ცხელი აირების ან ალის გადაადგილება.

ცეცხლმედეგობის ხარისხი. დროის პერიოდი, რომლის განმავლობაშიც შენობის ელემენტი, ნაწილი ან ანაწყობი ინარჩუნებს ცეცხლის შეკავების უნარს, აგრძელებს სტრუქტურული ფუნქციის შესრულებას, ან ახერხებს ორივეს, რაც დასტურდება 703-ე ქვეთავში აღწერილი ტესტებისა და მეთოდების გამოყენებისას.

ცეცხლმედეგობის ხარისხიანი გამჭვირვალე მასალა. გამჭვირვალე მასალა, რომელსაც აქვს ცეცხლისგან დაცვის ხარისხი ან ცეცხლმედეგობის ხარისხი.

ცეცხლმედეგი კარი. ცეცხლმედეგი კარის ანაწყობის ნაწილი.

ცეცხლმედეგი კარის ანაწყობი. ცეცხლმედეგი კარის, ჩარჩოს, კავეულისა და სხვა აქსესუარების ნებისმიერი კომბინაცია, რომლებიც ერთად უზრუნველყოფს ღიობის გარკვეული ხარისხის ცეცხლმედეგობას.

ცრუ განგაში. განგაში, რომელიც ირთვება სისტემის მექანიკური დაზიანების, გაუმართაობის, არასწორად დაყენების ან არასწორი მოხმარების გამო, ასევე − განგაში, რომელიც აქტიურდება გაურკვეველი მიზეზით.

ძლიერ მომწამლავი. მომაკვდინებელი დოზის ან მომაკვდინებელი კონცენტრაციის წარმომქმნელი ნივთიერება, რომელიც შედის რომელიმე ქვემოთ ჩამოთვლილ კატეგორიაში:

1.    ქიმიური ნივთიერება, რომლის საშუალო მომაკვდინებელი (ლეტალური) დოზა (LD50) ნაკლებია ან ტოლია 50 მილიგრამისა სხეულის წონის თითოეულ კილოგრამზე, როდესაც შეჰყავთ ორალურად 200-300 გრამიან თეთრ ვირთხებში.

2.    ქიმიური ნივთიერება, რომლის საშუალო მომაკვდინებელი დოზა ნაკლებია ან ტოლია 200 მილიგრამისა სხეულის წონის თითოეულ კილოგრამზე (LD50), თუ შეყვანილია 24 სთ-იანი (ან ნაკლები, თუ სიკვდილი დგება 24 საათზე ნაკლებ დროში) უწყვეტი კონტაქტით 2-  და 3-კილოგრამიანი თეთრი კურდღლების შიშველ კანზე.

3.    ქიმიური ნივთიერება, რომლის საშუალო მომაკვდინებელი კონცენტრაცია (LD50) ჰაერში ნაკლებია ან ტოლია 200 ნაწილაკისა აირის ან ორთქლის მოცულობაზე ან − 2 მილიგრამი ერთ ლიტრ ორთქლზე, ნისლზე ან მტვერზე, თუ 200- და 300-გრამიანი თეთრი ვირთხების ორგანიზმში ხვდება ერთი საათის ან ნაკლები დროის განმავლობაში უწყვეტი შესუნთქვით (ან ნაკლები, თუ სიკვდილი დგება ერთ საათზე ნაკლებ დროში).

ამ ნივთიერებების ნარევები ჩვეულებრივ ნივთიერებებთან მაგ., წყალთან, არ იძლევა საფუძველს, რომ ძლიერ მომწამლავ კლასს მივაკუთვნოთ. მიუხედავად იმისა, რომ ეს სისტემა ადვილი გამოსაყენებელია, ნებისმიერი საფრთხე, რომელიც აუცილებელია ამ ტიპის ნივთიერების ზუსტი კლასიფიცირებისთვის, უნდა შეაფასონ გამოცდილმა, ტექნიკურ საკითხებში კომპეტენტურმა პირებმა.

წევის საჩერი. მასალა, მექანიზმი ან კონსტრუქცია, რომელსაც აყენებენ შენობის ნაწილების დამალული ფართობების ღია სივრცეებში, კერძოდ, დაბალ სივრცეებში, იატაკ-ჭერის ანაწყობებში, სახურავ-ჭერის ანაწყობებსა და სხვენებში ჰაერის მოძრაობის/გადაადგილების შესაზღუდად.

წვადი ბოჭკოები. ადვილად აალებადი და ღია წვის მქონე მასალები ბოჭკოვანი ან მარცვლოვანი ფორმით, მაგ., კაკაოს ბოჭკო, ქსოვილის, ბამბის, ხის ბურბუშელის, თივის, კანაფის, ჰენეკენის, ისტლის, ჯუთის, კაპოკის, ძენძის, რაგის, სიზალის, ესპანური ხავსის, ჩალის, სელის ფთილის, მაკულატურის, ცალკეული სინთეზური ბოჭკოები ან სხვა მსგავსი მასალები. ამ განმარტებაში არ იგულისხმება მჭიდროდ შეფუთული ბამბის ფუთა.

წვადი მტვერი. წვრილად დაყოფილი მყარი ნივთიერება, რომლის დიამეტრი 420 მიკრონი ან ნაკლებია და რომელიც სათანადო პროპორციით ჰაერში გაფანტვისას შეიძლება აალდეს ცეცხლის ალის, ნაპერწკლის ან აალების სხვა წყაროს ზემოქმედებით. წვადი მტვერი ეტევა U.S. №o. 40 სტანდარტულ საცერში ან მის სხვა საერთაშორისო ეკვივალენტში.

წვადი სითხე. სითხე, რომლის აალების წერტილი დახურულ ჭურჭელში ტოლია ან მეტია 38°C-ისა. წვადი სითხეები იყოფა შემდეგ ქვეკლასებად:

კლასი II. სითხეები, რომელთა აალების წერტილი დახურულ ჭურჭელში ტოლია ან მეტია 38°C-ისა და ნაკლებია 60°C-ზე.

კლასი IIIA. სითხეები, რომელთა აალების წერტილი დახურულ ჭურჭელში ტოლია ან მეტია 60°C-ისა და ნაკლებია 93°C-ზე.

კლასი IIIB. სითხეები, რომელთა აალების წერტილი დახურულ ჭურჭელში ტოლია ან მეტია 93°C-ისა.

წვადი სითხეების კატეგორიაში არ შედის დაჭირხნული აირები ან კრიოგენული სითხეები.

წყალბადის გამოსაცალკევებელი ოთახი. ოთახი ან სივრცე, რომელიც განკუთვნილია მხოლოდ აირადი წყალბადის სისტემის განსათავსებლად.

წყალგამშვები ხვრელი. კედელში ან პარაპეტში დატანებული ღიობი, რომლიდანაც იწრიტება სახურავზე დაგროვილი წყალი.

წყალმედეგი ბარიერი. მასალა გარე კედლის საფარის ქვეშ, რომელიც განკუთვნილია იმისთვის, რომ წყალმა ვერ შეაღწიოს გარე საფარში, იქიდან კი გარე კედლის ანაწყობში.

წყალრეაქტიული ნივთიერება. ნივთიერება, რომელიც ფეთქდება, მძაფრად რეაგირებს, წარმოქმნის აალებად, მომწამლავ ან სხვა საფრთხის შემცველ აირებს ან გამოყოფს საკმარის სითბოს იმისთვის, რომ გამოიწვიოს თვითაალება ან წვადი ნივთიერებების აალება წყლის ან ტენის ზემოქმედების შედეგად. წყალრეაქტიული ნივთიერებები იყოფა შემდეგ კლასებად:

კლასი 3. ნივთიერებები, რომლებიც წყალთან რეაგირებს აფეთქებით ისე, რომ არ სჭირდება სითბოს ზემოქმედება ან დახურული გარემო.

კლასი 2. ნივთიერებები, რომლებიც მძაფრად რეაგირებს წყალთან ან შეუძლია წყლის ადუღება. ნივთიერებები, რომლებიც წარმოქმნის აალებად, მომწამლავ ან სხვა საფრთხის შემცველ აირებს ან გამოყოფს საკმარის სითბოს თვითაალების ან წვადი ნივთიერებების აალებისთვის წყლის ან სინესტის ზემოქმედებისას.

კლასი 1. ნივთიერებები, რომლებიც წყალთან რეაქციისას გამოყოფს გარკვეულ, მაგრამ არა დიდ ენერგიას.

წყლის ნაკადის წარმომქმნელი სისტემა. საშხეფი სისტემა, რომელიც იყენებს წყალმომარაგებასთან მიერთებულ მილსადენზე დამაგრებულ ღია საშხეფებს და რომლის სარქველი იხსნება მის ზონაში დაყენებული აღმომჩენი სისტემის ამუშავებისას. ამ სარქვლის გახსნისას, წყალი გადადის მილსადენ სისტემაში და აშხეფებს მასზე დამაგრებული ყველა საშხეფიდან.

ჭერში ჩაყენებული ფარსაკეტი. ცეცხლმედეგობის ხარისხიანი იატაკის/ჭერის ან სახურავის/ჭერის ანაწყობის მემბრანაში ჩაყენებული მექანიზმი, რომელიც ავტომატურად ზღუდავს გამოსხივებული სითბოს გადაცემას ჰაერის შემშვები/გამშვები ღიობის საშუალებით.

ხანძრისგან დამცავი სისტემა. ნებადართული მოწყობილობები, აპარატურა და სისტემები ან სისტემათა კომბინაციები, რომლებიც გამოიყენება ხანძრის აღმოსაჩენად, განგაშის ჩასართავად, ცეცხლის ჩასაქრობად ან სამართავად, კვამლისა და წვის პროდუქტების ან მათი კომბინაციის გასაკონტროლებლად ან სამართავად.

ხანძრისგან დაცული ფართობი. ცეცხლმედეგი კედლებით, ცეცხლმედეგი ზღუდეებით, გარე კედლებით ან შენობის თარაზული ანაწყობებით შემოზღუდული იატაკის გაერთიანებული ფართობი. ხანძრისგან დაცული ფართობი მოიცავს შენობის ფართობებსაც, რომელთაც არ აქვს შემომზღუდავი კედლები, მაგრამ მოქცეულია სახურავის ან ზემოთ მდებარე იატაკის თარაზული ნაშვერის საზღვრებში.

ხანძრის მართვის ცენტრი. მთავარი სადგური, სადაც იმყოფება ან არ იმყოფება მომსახურე პერსონალი და ჩანს განგაშის კომუნიკაციების, მაკონტროლებელი სისტემების მდგომარეობა და საიდანაც შესაძლებელია სისტემ(ებ)ის ხელით მართვა.

ხანძრის ქაფით ჩამქრობი სისტემა. სპეციალური სისტემა, რომელიც დასაცავ ზონაში მექანიკურად ან ქიმიურად უშვებს კონცენტრატებისგან მიღებულ ქაფს.

ხანძარსაწინააღმდეგო მანძილი. მანძილი, რომელიც იზომება შენობის ფასადიდან ქვემოთ ჩამოთვლილთაგან ერთ-ერთამდე:

1.    მიწის ნაკვეთის საზღვრის უახლოეს წერტილამდე;

2.    ქუჩის, ჩიხის ან საზოგადოებრივი გზის შუახაზამდე;

3.    მიწის ერთ ნაკვეთზე მდებარე ორ შენობას შორის წარმოსახვით ხაზამდე.

მანძილი უნდა გაიზომოს კედლის ზედაპირიდან მართი კუთხით.

ხელახალი გადახურვა. არსებული სახურავის შეკეთების ან შეცვლის პროცესი. იხ. „სახურავის შეკეთება“ ან „სახურავის შეცვლა“.

ხელით სამართავი სახანძრო განგაშის კოლოფი. ხელით სამართავი მოწყობილობა, რომელიც გამოსცემს განგაშის სიგნალს.

ხელოვნური ბარიკადა. სულ მცირე, 90 სმ სისქის ხელოვნური ჯებირი ან კედელი.

ხვეული გზა-კიბე. გზა-კიბე, რომელიც ზემოდან ჩანს ჩაკეტილი, წრიული ფორმის, აქვს ერთნაირი, სეგმენტური საფეხურები, რომლებიც დამაგრებულია და იშლება მინიმალური დიამეტრის მქონე საყრდენი სვეტებიდან.

ხმოვანი განგაშის შეტყობინების დანადგარი. შეტყობინების მოწყობილობა, რომლის სიგნალი აღიქმება სმენითი შეგრძნებით.

ჯანმრთელობისთვის საფრთხის შემცველი. ქიმიური ელემენტების კლასი, რომელიც სტატისტიკის თანახმად, მწვავე ან ქრონიკულ დაავადებებს იწვევს. ტერმინი „ჯანმრთელობისთვის საფრთხის შემცველი“ მოიცავს მომწამლავ ან ძლიერ მომწამლავ და კოროზიულ ქიმიურ ელემენტებს.

ჰალოგენიზებული ცეცხლსაქრობი სისტემა. ცეცხლსაქრობი სისტემა, რომელიც იყენებს ერთ ან მეტ ატომს შემდეგი ჰალოგენური ელემენტებიდან: ფტორი, ქლორი, ბრომი და იოდი.

F ხარისხი. ASTM E 814-ის ან UL 1479-ის მიხედვით წარმოებული ტესტის საშუალებით დადგენილი პერიოდი, რომლის განმავლობაშიც გამჭოლი გაყვანილობის ცეცხლშემჩერებელი სისტემა ზღუდავს გაყვანილობიდან ცეცხლის გავრცელებას.

L ხარისხი. გამჭოლი გაყვანილობის ცეცხლსაჩერი სისტემიდან ან ცეცხლმედეგი ნაკერის სისტემიდან ჰაერის გაპარვის ხარისხი, რომელიც დადგენილია UL 1479-ის ან UL 2079-ის შესაბამისად წარმოებული ტესტის საშუალებით.

T ხარისხი. ASTM E 814-ის ან UL 1479-ის შესაბამისად წარმოებული ტესტის საშუალებით დადგენილი პერიოდი, რომლის განმავლობაშიც გაყვანილობის ცეცხლსაჩერი სისტემა, გაყვანილობის იმ მხარეს, სადაც ცეცხლი არ არის, ზღუდავს ტემპერატურის მატებას საწყისი ტემპერატურიდან, არაუმეტეს, 163°C-ით.

თავი 3 − გამოყენება და დაკავებულობის კლასიფიცირება

ქვეთავი 301 − ზოგადი

301.1 რეგულირების საგანი. ამ თავის დებულებები არეგულირებს ყველა შენობისა და ნაგებობის კლასიფიცირებას გამოყენებისა და დაკავებულობის მიხედვით.

ქვეთავი 302 − კლასიფიცირება

302.1 ზოგადი. ნაგებობები ან მათი ნაწილები დაკავებულობის მიხედვით კლასიფიცირდება ქვემოთ ჩამოთვლილ ერთ ან მეტ ჯგუფად. ოთახი ან სივრცე, რომელსაც იკავებენ სხვადასხვა დროს სხვადასხვა მიზნით, უნდა აკმაყოფილებდეს ყველა მოთხოვნას, რომელიც ნებისმიერი მიზნით დაკავებული ოთახის ან სივრცისთვისაა განსაზღვრული. ნაგებობები, რომლებიც სხვადასხვა დაკავებისა ან გამოყენებისაა, უნდა შეესაბამებოდეს 508-ე ქვეთავს. როდესაც ნაგებობა განკუთვნილია ისეთი მიზნით დასაკავებლად, რომელიც კონკრეტულად არ არის განსაზღვრული წესებში, მაშინ ის უნდა მივაკუთვნოთ იმ ჯგუფს, რომელსაც დაკავებულობა ყველაზე მეტად შეესაბამება სახანძრო უსაფრთხოების ან საფრთხის მიხედვით.

1.    თავშეყრის (იხ. ქვეთავი 303): ჯგუფები თვ-1, თვ-2, თვ-3, თვ-4 და თვ-5.

2.    საქმიანი(იხ. ქვეთავი 304): ჯგუფი სქ.

3.    საგანმანათლებლო (იხ. ქვეთავი 305): ჯგუფი სგ.

4.    სამრეწველო (იხ. ქვეთავი 306): ჯგუფები სმ-1 და სმ-2.

5.    დიდი საფრთხის შემცველი (იხ. ქვეთავი 307): ჯგუფები დსშ-1, დსშ-2, დსშ-3, დსშ-4 და დსშ-5.

6.    დაწესებულებითი (იხ. ქვეთავი 308): ჯგუფები დწ-1, დწ-2, დწ-3 და დწ-4.

7.    სავაჭრო (იხ. ქვეთავი 309): ჯგუფი სვ.

8.    საცხოვრებელი (იხ. ქვეთავი 310): ჯგუფები სც-1, სც-2, სც-3 და სც-4.

9.    სასაწყობო (იხ. ქვეთავი 311): ჯგუფები სწ-1 და სწ-2.

10.     დამხმარე და სხვადასხვა დანიშნულების (იხ. ქვეთავი 312): ჯგუფი დს.

 

ქვეთავი 303 − თავშეყრის ჯგუფი თვ

303.1 თავშეყრის ჯგუფი თვ. თავშეყრის (თვ) ჯგუფის  დაკავებულობა მოიცავს შენობის ან ნაგებობის ან მათი ნაწილის გამოყენებას ადამიანთა შეკრებისათვის, მათ შორის სამოქალაქო, სოციალური ან რელიგიური მიზნით; ასევე, რეკრეაციისათვის, საკვებად ან ტრანსპორტის მოსაცდელად.

303.1.1 მცირე შენობები და გასაქირავებელი სივრცეები. 50 ადამიანზე ნაკლები დაკავებულობის დატვირთვით თავშეყრისათვის გამოყენებული შენობა ან მფლობელობაში არსებული სივრცე უნდა მიეკუთვნოს სქ ჯგუფს.

303.1.2 თავშეყრის მცირე სივრცეები. თავშეყრის დაკავებულობებად არ უნდა კლასიფიცირდეს ქვემოთ ჩამოთვლილი ოთახები და სივრცეები:

1.    თავშეყრისათვის გამოყენებული ოთახი ან სივრცე, რომელიც სხვა დაკავებულობის დამხმარეა და რომლის დაკავებულობის დატვირთვა 50 ნაკლებია, უნდა კლასიფიცირდეს, როგორც სქ ჯგუფის დაკავებულობა ან მისი ნაწილი.

2.    თავშეყრისათვის გამოყენებული ოთახი ან სივრცე, რომელიც სხვა დაკავებულობის დამხმარეა და რომლის ფართობი 70 მ²-ზე ნაკლებია, უნდა კლასიფიცირდეს, როგორც სქ ჯგუფის დაკავებულობა ან მისი ნაწილი.

303.1.3 სგ ჯგუფის დაკავებულობებთან დაკავშირებული ოთახი ან სივრცე. სგ ჯგუფის დაკავებულობასთან დაკავშირებული თავშეყრის მიზნით გამოყენებული ოთახი ან სივრცე არ ითვლება ცალკე დაკავებულობად.

303.1.4 რელიგიური მსახურების ადგილების დამხმარე ოთახი ან სივრცე. რელიგიური განათლებისათვის გამოყენებული დამხმარე ოთახები და აუდიტორიები 100-ზე ნაკლები დაკავებულობის დატვირთვით არ ითვლება ცალკე დაკავებულობებად.

303.2 თავშეყრის ჯგუფი თვ-1. ამ ჯგუფს მიკუთვნებული სივრცები თავშეყრისათვის გამოიყენება, ჩვეულებრივ, ფიქსირებული დასაჯდომებითაა უზრუნველყოფილი. განკუთვნილია კინოფილმების საყურებლად, წარმოდგენების დასადგმელად და საყურებელად. ეს ჯგუფი მოიცავს ქვემოთ ჩამოთვლილს, მაგრამ არა მხოლოდ მათ:

•   თეატრებს;

•   კინოთეატრებს;

•   სატელევიზიო და რადიოსტუდიებს (სადაც დაშვებულია მაყურებლების დასწრება);

•   სიმფონიურ და საკონცერტო დარბაზებს.

303.3 თავშეყრის ჯგუფი თვ-2. ამ ჯგუფს მიკუთვნებული ადგილები თავშეყრისა და კვებისთვისაა განკუთვნილი. იგი მოიცავს ქვემოთ ჩამოთვლილს, მაგრამ არა მხოლოდ მათ:

•   რესტორნებს, კაფეებს და კვების მსგავს დაწესებულებებს (მათთან დაკავშირებული კომერციული სამზარეულობის ჩათვლით);

•   საბანკეტო დარბაზებს;

•   სამორინეებს (სათამაშო ფართობები);

•   ტავერნებს და ბარებს.

•   ღამის კლუბებს;

303.4 თავშეყრის ჯგუფი თვ-3. ამ ჯგუფს მიკუთვნებული ადგილები თავშეყრისათვის გამოიყენება, კერძოდ, რელიგიური მსახურების, რეკრეაციის ან გართობისთვის, ასევე, სხვა მიზნით თავშეყრისათვის, რომელიც არ არის კლასიფიცირებული თვ ჯგუფის არც ერთ ქვეჯგუფში. მოიცავს ქვემოთ ჩამოთვლილს, მაგრამ არა მხოლოდ მათ:

•   ბიბლიოთეკებს;

•   დახურულ საცურაო აუზებს (მაყურებელთა დასაჯდომების გარეშე);

•   დახურულ ჩოგბურთის კორტებს (მაყურებელთა დასაჯდომების გარეშე);

•   კეგელბანებს (ბოულინგის ბილიკები);

•   მოსაცდელ ადგილებს სატრანსპორტო ტერმინალებში;

•   მუზეუმებს;

•   საგამოფენო დარბაზებს;

•   სათამაშო ავტომატების დარბაზებს;

•   სალექციო დარბაზებს;

•   სამხატვრო გალერეებს;

•   სარიტუალო დარბაზებს;

•   სასამართლო დარბაზებს;

•   რელიგიური მსახურების შენობებს/ნაგებობებას;

•   საცეკვაო დარბაზებს (კვების გარეშე);

•   საჯარო დარბაზებს;

•   სპორტულ დარბაზებს (მაყურებელთა დასაჯდომების გარეშე);

•   პულისა და ბილიარდის დარბაზებს;

•   რელიგიური მსახურებისათვის განკუთვნილ ადგილებს.

303.5 თავშეყრის ჯგუფი თვ-4.  ამ ჯგუფს მიკუთვნებული ადგილები თავშეყრისათვის გამოიყენება,  გამიზნულია დახურულ სივრცეში სპორტული შეჯიბრებებისა და აქტივობების საყურებლად, აღჭურვილია მაყურებელთათვის განკუთვნილი ფიქსირებული დასაჯდომებით. მოიცავს ქვემოთ ჩამოთვლილს, მაგრამ არა მხოლოდ მათ:

•   საასპარეზო არენებს;

•   საციგურაო მოედნებს;

•   საცურაო აუზებს;

•   ჩოგბურთის კორტებს.

303.6 თავშეყრის ჯგუფი თვ-5. ამ ჯგუფს მიკუთვნებული ადგილები თავშეყრისათვის გამოიყენება,  გამიზნულია ღია ცის ქვეშ მოწყობილ ღონისძიებებში მონაწილეობისთვის ან მათ საყურებლად. მოიცავს ქვემოთ ჩამოთვლილს, მაგრამ არა მხოლოდ მათ:

•   გადახურულ ტრიბუნებს;

•   პარკში არსებულ გასართობი ნაგებობებს;

•   სტადიონებს;

•   ღია ტრიბუნებს.

ქვეთავი 304 − საქმიანი ჯგუფი სქ

304.1 საქმიანი ჯგუფი სქ. საქმიანი (სქ) ჯგუფის  დაკავებულობა მოიცავს შენობის ან ნაგებობის ან მისი ნაწილის გამოყენებას საოფისე, პროფესიული ან სამომსახურებო ტიპის საქმიანობებისთვის, მათ შორის, ჩანაწერებისა და ანგარიშების შესანახად. საქმიანი ჯგუფის დაკავებულობები მოცავს შემდეგს, მაგრამ არა მხოლოდ მათ:

•   ამბულატორიულ კლინიკებს;

•   ამბულატორიულ სამედიცინო დაწესებულებებს;

•   ბანკებს;

•   ვეტერინარულ სავადმყოფოებს, ცხოველთა სადგომებსა და თავშესაფრებს;

•   მანქანის სამრეცხაოებს;

•   მონაცემთა ელექტრონულ დამუშავებას;

•   მშრალი წმენდას და სამრეცხაოებს: მიღება-ჩაბარების პუნქტებს და თვითმომსახურებას;

•   პროფესიულ მომსახურებებს (არქიტექტორების, ადვოკატების, სტომატოლოგების, ექიმების, ინჟინრებისა და სხვ.);

•   საავიაციო ტრანსპორტის საკონტროლო კოშკებს;

•   საგანმანათლებლო დანიშნულებით გამოყენებულ ფართობებს სტუდენტებისთვის 12 კლასს ზემოთ;

•   სადალაქოებსა და სილამაზის სალონებს;

•   სატელეფონო კვანძებს;

•   ავტომობილების საგამოფენო დარბაზებს;

•   საფოსტო განყოფილებებს;

•   საქალაქო/მუნიციპალურ და სამთავრობო ადმინისტრაციას;

•   საცდელ/საექსპერიმენტო და კვლევით ლაბორატორიებს;

•   სტამბებს;

•   ტელე-რადიოსადგურებს;

•   ტრენინგების და უნარ-ჩვევების განვითარება, რომლებიც არ შედის სასკოლო ან აკადემიურ პროგრამებში.

304.1.1 განმარტებები. ქვემოთ ჩამოთვლილი ტერმინები განმარტებულლია მე-2 თავში.

ამბულატორიული მომსახურების დაწესებულება.

ამბულატორიული პაციენტების კლინიკა.

 

ქვეთავი 305 − საგანმანათლებლო ჯგუფი სგ

305.1 საგანმანათლებლო ჯგუფი სგ. საგანმანათლებლო (სგ) ჯგუფის  დაკავებულობა მოიცავს შენობის ან ნაგებობის ან მათი ნაწილის ნებისმიერ დროს გამოყენებას ექვსი ან მეტი ადამიანის განათლების მიზნით, 12 კლასის ჩათვლით.

305.1.1 რელიგიური მსახურების ადგილების დამხმარე ადგილები. 303.1.4 ქვეთავის შესაბამისი რელიგიური მსახურების ადგილების დამხმარე, რელიგიული განათლებისათვის გამოყენებული ოთახები და აუდიტორიები, სადაც დაკავებულობის დატვირთვა ნაკლებია 100-ზე, უნდა კლასიფიცირდეს, როგორც თვ-3 ჯგუფის დაკავებულობები.

305.2 ჯგუფი სგ, საბავშვო ბაღები. ამ ჯგუფში შედის 2,5 − წელზე უფროსი ასაკის ხუთზე მეტი ბავშვის მიერ დაკავებული შენობები ან ნაგებობები, ან მათი ნაწილები, სადაც ასწავლიან, უვლიან ან იცავენ ბავშვების პირად ჰიგიენას. ისინი კლასიფიცირდება, როგორც სგ ჯგუფის დაკავებულობები.

305.2.1 რელიგიური მსახურების ადგილების საზღვრები. რელიგიური მსახურების ადგილებში მდებარე ოთახები და სივრცეები, სადაც რელიგიური მსახურების პარალელურად ფუნქციონირებს საბავშვო ბაღები, კლასიფიცირდება, როგორც მთავარი დაკავებულობის ნაწილი.

305.2.2 ხუთი ან ნაკლები ბავშვი. დაწესებულება, სადაც საბავშვო ბაღი ფუნქციონირებს ხუთი ან ნაკლები ბავშვისთვის, კლასიფიცირდება, როგორც მთავარი დაკავებულობის ნაწილი.

305.2.3 ხუთი ან ნაკლები ბავშვი საცხოვრებელ ერთეულში. ზემოთ აღწერილი ტიპის დაწესებულება, თუ ის განთავსებულია საცხოვრებელ ერთეულში და ხუთ ან ნაკლებ ბავშვს ემსახურება, უნდა კლასიფიცირდეს, როგორც სც-3 ჯგუფის დაკავებულობა.

ქვეთავი 306 − სამრეწველო ჯგუფი სმ

306.1 საქარხნო-საწარმოო ჯგუფი სმ. სამრეწველო (სმ) ჯგუფის დაკავებულობა, სხვებთან ერთად მოიცავს შენობის ან ნაგებობის ან მათი ნაწილის გამოყენებას აწყობის, დაშლის, დამზადების, მოპირკეთების, წარმოების, შეფუთვის, შეკეთების ან დასამუშავებელი სამუშაოების საწარმოებლად. იგი არ კლასიფიცირდება, როგორც დსშ ჯგუფის ან სწ ჯგუფის სასაწყობო დაკავებულობა.

306.2 საშუალო საფრთხის შემცველი საქარხნო-სამრეწველო ჯგუფი სმ-1. საქარხნო-სამრეწველო გამოყენებები, რომლებიც არ კლასიფიცირდება, როგორც მცირე საფრთხის შემცველი საქარხნო-სამრეწველო ჯგუფი სმ-2, უნდა კლასიფიცირდეს, როგორც საშუალო საფრთხის შემცველი სმ-1. ეს ჯგუფი მოიცავს ქვემოთ ჩამოთვლილ საწარმოებს, მაგრამ არა მხოლოდ მათ:

•   საჰაერო ხომალდის (არ გულისხმობს შეკეთებას);

•   დანადგარების;

•   სასპორტო აღჭურვილობების;

•   ავტომობილებისა და სხვა ავტოსატრანსპორტო საშუალებების;

•   საცხობების;

•   სასმელების: 16%-ზე მეტი ალკოჰოლის შემცველობით;

•   ველოსიპედების;

•   ნავების;

•   ცოცხებისა და ჯაგრისების;

•   გამომთვლელი მანქანების;

•   ფოტოაპარატებისა და ფოტოგრაფიული აღჭურვილობების;

•   ტილოებისა და მსგავსი ქსოვილების;

•   ხალიჩებისა და ფარდაგების (გაწმენდის ჩათვლით);

•   ტანსაცმლის;

•   სამშენებლო და სასოფლო-სამეურნეო მანქანა-დანადგარების;

•   სადეზინფექციო საშუალებების;

•   მშრალ წმენდას და ღებვას;

•   ელექტროგენერატორების;

•   ელექტრონაწარმის;

•   ძრავების (მათ შორის ელექტროძრავების გადახვევა);

•   საკვები პროდუქტების გადამუშავებას და კომერციულ სამზარეულოებს, რომლებიც არ ეკუთვნის რესტორნებს, კაფეებსა და მსგავს დაწესებულებებს;

•   ავეჯის;

•   თოკების;

•   ჯუთის პროდუქტების;

•   სამრეცხაოების;

•   ტყავის პროდუქციის;

•   მანქანა-დანადგარების;

•   ლითონების;

•   ხის ნაკეთობების (ალათები და კარები);

•   ფილმებისა და სატელევიზიო ფილმების (მაყურებლების გარეშე);

•   მუსიკალური ინსტრუმენტების;

•   ოპტიკური საქონლის;

•   ქაღალდის საწარმოო დანადგარების ან ქაღალდის პროდუქციის;

•   ფოტოფირების;

•   პლასტმასის პროდუქციის;

•   ბეჭდვას ან გამომცემლობას;

•   სახლი-ავტომობილების;

•   საყოფაცხოვრებო ნარჩენების გადამუშავებას (ინსენერაცია);

•   ფეხსაცმელების;

•   საპნებისა და სარეცხი საშუალებების;

•   ქსოვილების;

•   თამბაქოს;

•   ტრაილერების;

•   გადასაკრავი მასალების;

•   ხის მასალის დამუშავებას (დისტილაცია);

•   სადურგლო სახელოსნოს.

306.3 მცირე საფრთხის შემცველი საქარხნო-სამრეწველო ჯგუფი სმ-2. საქარხნო-სამრეწველო გამოყენებები, სადაც მზადდება ან იწარმოება ისეთი არაწვადი მასალები, რომლებიც მოპირკეთების, შეფუთვის ან დამუშავების დროს არ ქმნის ხანძრის წარმოქმნის მნიშვნელოვან საფრთხეს, უნდა კლასიფიცირდეს, როგორც სმ-2 ჯგუფის დაკავებულობები. ეს ჯგუფი მოიცავს ქვემოთ ჩამოთვლილ საწარმოებს, მაგრამ არა მხოლოდ მათ:

•   აგურის და წყობის მასალის;

•   თაბაშირის;

•   კერამიკული ნაწარმის;

•   ლითონის ნაკეთობების (დამზადება და აწყობა);

•   ლითონის ჩამოსხმის;

•   მინის ნაწარმის;

•   სასმელების: 16% ან ნაკლები ალკოჰოლის შემცველობით;

•   ყინულის.

ქვეთავი 307 − დიდი საფრთხის შემცველი ჯგუფი დსშ

307.1 დიდი საფრთხის შემცველი ჯგუფი დსშ. დიდი საფრთხის შემცველ (დსშ) ჯგუფში შედის შენობის ან ნაგებობის, ან მისი ნაწილის ისეთი გამოყენება, რომელიც მოიცავს წარმოებას, გადამუშავდებას, გენერაციას ან ნივთიერებების შენახვას 307.1(1) და 307.1(2) ცხრილებში 414-ე ქვეთავის შესაბამისად მოწყობილი გასაკონტროლებელი ფართობებისთვის მაქსიმალურად დასაშვებზე მეტი რაოდენობით, რაც იწვევს ფიზიკურ ან ჯანმრთელობისათვის საფრთხეებს. საფრთხის შემცველი დაკავებულობები კლასიფიცირდება დსშ-1, დსშ-2, დსშ-3, დსშ-4 და დსშ-5 ჯგუფებად და უნდა შეესაბამებოდეს ამ ქვეთავს, 415-ე ქვეთავის მოთხოვნებს. სახურავების ან ჩარდახების თავზე შენახული ან გამოყენებული საფრთხის შემცველი ნივთიერებები ითვლება შენობის გარეთ შენახვად ან გამოყენებად.

გამონალისები: ქვემოთ ჩამოთვლილი უნდა მიეკუთვნოს არა დსშ ჯგუფს, არამედ იმ ჯგუფს, რომელსაც ყველაზე მეტად შეესაბამება:

1.    შენობები და ნაგებობები, სადაც გამოიყენება აალებადი მოსაპირკეთებელი მასალები, თუ ასეთი შენობები აკმაყოფილებს 416-ე ქვეთავის მოთხოვნებს.

2.    აალებადი და წვადი თხევადი ნივთიერებების საბითუმო და საცალო ვაჭრობის ადგილები და სათავსოები/საწყობები სავაჭრო დაკავებულობებში.

3.    დახურული მილსადენი სისტემა, რომელშიც მოძრაობს მანქანა-დანადგარებში ან მოწყობილობებში გამოსაყენებელი აალებადი ან წვადი თხევადი ნივთიერებები ან აირები.

4.    სამრეცხაოები, რომლებშიც გამოიყენება წვადი თხევადი ხსნარები, რომელთა აალების წერტილი 60°C ან მეტია დახურულ სისტემებში, სადაც გამოიყენება ტესტირების სააგენტოს მიერ დაშვებული მოწყობილობები, თუ ეს დაკავებულობა (სამრეცხაო) შენობის სხვა დაკავებულობებისგან გამიჯნულია 707-ე ქვეთავის შესაბამისად აგებული ერთ-საათიანი ცეცხლმედეგობის ხარისხიანი ზღუდებით ან 711-ე ნაწილის შესაბამისად აგებული ერთ-საათიანი ცეცხლმედეგობის მქონე ანაწყობებით, ან ორივეთი.

5.    სამრეცხაოები, სადაც გამოიყენება თხევადი ხსნარები, რომელთა აალების წერტილი 93°C ან მეტია.

6.    სპირტიანი სასმელების მაღაზიები და გამანაწილებელი პუნქტები, რომელთაც არ აქვთ დიდი მოცულობის საწყობები.

7.    გაციების სისტემები.

8.    სასოფლო-სამეურნეო დანიშნულების მასალების შენახვა/გამოყენებისათვის განკუთვნილი შენობები.

9.    სტაციონარული ბატარეები, რომლებიც გამოიყენება სათადარიგო ელექტრომომარაგების, უწყვეტი ელექტრომომარაგების ან ტელეკომუნიკაციის უზრუნველსაყოფი მოწყობილობებისათვის, თუ ბატარეებს აქვთ სახურავებით უზრუნველყოფილი დამცავი სანიავებელი ხვრელები.

10. საცალო ვაჭრობის ობიექტები, რომელთა ვიტრინებში მწარმოებლის მიერ შეფუთული ფორმით გამოფენილ პირადი მოხმარების და საყოფაცხოვრებო პროდუქტებში და სამშენებლო მასალებში არ არის გამოყენებული კოროზიული ნივთიერებები.

11.  შენობები და ნაგებობები, სადაც ინახება აეროზოლები, უნდა კლასიფიცირდეს, როგორც სწ-1 ჯგუფისა.

12.  სვ ან სწ ჯგუფების დაკავებულობების თითოეული გასაკონტროლებელი ფართობი, რომელიც აკმაყოფილებს 414.2.5 ქვეთავის მოთხოვნებს და რომელშიც არ არის გამოფენილი და შენახული მაქსიმალურად დასაშვებზე მეტი რაოდენობით არააალებადი მყარი ნივთიერებები და არააალებადი ან არაწვადი თხევადი საფრთხის შემცველი ნივთიერებები.

13. სვ და სც-3 ჯგუფებში დენთის, უკვამლო პროპელენტისა და ცეცხლსასროლი იარაღის ფისტონების შენახვის ადგილები და სქ, სმ, სვ და სწ ჯგუფებში სპეციალური სამრეწველო ფეთქებადი მექანიზმების შენახვის ადგილები, რომელთა ტევადობა შეესაბამება შენახვისათვის განსაზღვრულ რაოდენობის ზღვრებს.

307.1.1 საფრთხის შემცველი ნივთიერებები. ნებისმიერი რაოდენობის საფრთხის შემცველი ნივთიერებები უნდა აკმაყოფილებდეს წესების, მათ შორის, 414-ე ქვეთავის მოთხოვნებს.

ცხრილი 307.1(1)

ფიზიკური საფრთხის გამომწვევი, საფრთხის შემცველი ნივთიერებების მაქსიმალურად დასაშვები რაოდენობა ერთ გასაკონტროლებელ ფართობზე^{ა,კ,ნ,ო,ჟ}

ნივთიერება	კლასი	ჯგუფი, თუ აღემატება მაქსიმა ლურად დასაშვებ  რაოდენობა ს	საწყობიბ			გამოყენება − დახურული სისტემებიბ			გამოყენება − ღია სისტემებიბ
			მყარი  ნივთიერება კგ-ში (მ3-ში)	სითხე  ლ-ში (კგ-ში)	აირი (მ3-ში ნორმალური ტემპერატურისა და წნევის პირობებში)	მყარი ნივთიერება კგ-ში  (მ3-ში)	სითხე ლ-ში (კგ-ში)	აირი (მ3-ში ნორმალური ტემპერატურისა და წნევის პირობებში)	მყარი ნივთიერება კგ-ში       (მ3-ში)	სითხე       ლ-ში (კგ-ში)
წვადი სითხეგ,ი	II IIIA IIIB	დსშ-2 ან დსშ-3 დსშ-2 ან დსშ-3	ა/შ	54,48დ,ე  149.82დ,ე 5992.8ე,ვ	ა/შ	ა/შ	54,48დ 149.82დ 5992.8v	ა/შ	ა/შ	13.62დ 36.32დ 1498.2ვ
წვადი ბოჭკო	ხალვათად შეფუთულიპ	დსშ -3	(2,8) (28)	ა/შ	ა/შ	(2,8) (28)	ა/შ	ა/შ	(0,56) (56)	ა/შ
საერთო მოხმარების ფეიერვერკები (კლასი C, ჩვეულებრივი)	1,4G	დსშ -3	3.5დ,ე,მ	ა/შ	ა/შ	ა/შ	ა/შ	ა/შ	ა/შ	ა/შ
აალებადი კრიოგენული ნივთიერებები	ა/შ	დსშ -2	ა/შ	20.43დ	ა/შ	ა/შ	20.43დ	ა/შ	ა/შ	4.54დ
კრიოგენული ნივთიერებები, მჟანგავი	ა/შ	დსშ -3	ა/შ	20.43დ	ა/შ	ა/შ	20.43დ	ა/შ	ა/შ	4.54დ
ფეთქებადი ნივთიერებები	ქვეკატეგორია 1.1 ქვეკატეგორია 1.2 ქვეკატეგორია 1.3 ქვეკატეგორია 1.4 ქვეკატეგორია 1.4G ქვეკატეგორია 1.5 ქვეკატეგორია 1.6	დსშ -1 დსშ -1   დსშ-1  ან    დსშ-2 დსშ -3 დსშ -3 დსშ -1 დსშ -1	0,028ე,ზ 0,028ე,ზ 0.14ე,ზ 1.4ე,ზ 3.5დ,ე,მ 0,028ე,ზ 0,028ე,ზ	(0,454) ე,ზ (0,454) ე,ზ (2,27) ე,ზ (22,7) ე,ზ ა/შ (0,454) ე,ზ ა/შ	ა/შ ა/შ ა/შ ა/შ ა/შ ა/შ ა/შ	0.007ზ 0.007ზ 0,028ზ 1.4ზ ა/შ 0.007ზ ა/შ	(0,1135)ზ (0,1135)ზ (0,454)ზ (22,7)ზ ა/შ (0,1135)ზ ა/შ	ა/შ ა/შ ა/შ ა/შ ა/შ ა/შ ა/შ	0.007ზ 0.007ზ 0,028ზ ა/შ ა/შ 0,028ზ ა/შ	(0,1135)ზ (0,1135)ზ (0,454)ზ ა/შ ა/შ (0,1135)ზ ა/შ
აალებადი აირი	გათხევა-დებული აირი	დსშ -2	ა/შ	ა/შ (68.1)დ,ე	28დ,ე ა/შ	ა/შ	ა/შ (68.1)დ,ე	28დ,ე ა/შ	ა/შ	ა/შ
აალებადი სითხეგ	1A 1B და 1C	დსშ-2 ან დსშ-3	ა/შ	13,62დ,ე 45,48დ,ე	ა/შ	ა/შ	13,62დ,ე 45,48დ,ე	ა/შ	ა/შ	4.54დ 13,62დ
აალებადი სითხეების კომბინაცია (1A,1B,1C)	ა/შ	დსშ-2 ან დსშ-3	ა/შ	45,48დ,ე,თ	ა/შ	ა/შ	45,48დ,თ	ა/შ	ა/შ	13,62დ,თ
აალებადი მყარი ნივთიერება	ა/შ	დსშ -3	3.5დ,ე	ა/შ	ა/შ	3.5დ	ა/შ	ა/შ	0.7დ	ა/შ
ორგანული ზეჟანგი	ა/დ I II III IV V	დსშ -1 დსშ -2 დსშ -3 დსშ -3 ა/შ ა/შ	0,028ე,ზ 0.14დ,ე 1.4დ,ე 3.5დ,ე ა/შ ა/შ	(0,454)ე,ზ (2,27)დ,ე (22,7)დ,ე (56,75)დ,ე ა/შ ა/შ	ა/შ ა/შ ა/შ ა/შ ა/შ ა/შ	0.007ზ 0,028დ 1.4დ 3.5დ ა/შ ა/შ	(0,1135)ზ (0,454) (22,7)დ (56,75)დ ა/შ ა/შ	ა/შ ა/შ ა/შ ა/შ ა/შ ა/შ	0.007ზ 0,028დ 0,28დ 0,7დ ა/შ ა/შ	(0,1135)ზ (0,454)დ (4,54)დ (11,35)დ ა/შ ა/შ
დამჟანგავი	4 3კ 2 1	დსშ -1 დსშ-2 ან დსშ-3 დსშ -3 ა/შ	0,028ე,ზ 0,28დ,ე 7დ,ე 112ე,ვ	(0,454)ე,ზ (4,54)დ,ე (113,5)დ,ე (1816)ე,ვ	ა/შ ა/შ ა/შ ა/შ	0.007ზ 0,014დ 7დ 112ვ	(0,1135)ზ (0,908)დ (113,5)დ (1816)ვ	ა/შ ა/შ ა/შ ა/შ	0.007ზ 0,056დ 1.4დ 28ვ	(0,1135)ზ (0,908)დ (22,7)დ (454)ვ
დამჟანგავი აირი	გათხევადებული აირი	დსშ -3	ა/შ ა/შ	ა/შ (68,1)დ,ე	42დ,ე ა/შ	ა/შ ა/შ	ა/შ (68,1)დ,ე	42დ,ე ა/შ	ა/შ ა/შ	ა/შ ა/შ
თვითაალებადი (პიროფორული) ნივთიერება	ა/შ	დსშ -2	0.112ე,ზ	(1,816)ე,ზ	1,4ე,ზ	0,028ზ	(0,454)ზ	0,28ზ	0	0
არამდგრადი (რეაქტიული)	4 3 2 1	დსშ -1 დსშ-2 ან დსშ-3 დსშ -3 ა/შ	0,028ე,ზ 0.14დ,ე 1.4დ,ე ა/შ	(0,454)ე,ზ (2,27) დ,ე (22,7) დ,ე ა/შ	0,28ზ 1,4დ,ე 7დ,ე ა/შ	0.007ზ 0,028დ 1.4დ ა/შ	(0,1135)ზ (0,454)დ (22,7)დ ა/შ	0,056ე,ზ 0,28დ,ე 7დ,ე ა/შ	0.007ზ 0,028დ 0,28დ ა/შ	(0,1135)ზ (0,454)დ (4,54)დ ა/შ
წყალრეაქტიული	3 2 1	დსშ -2 დსშ -3 ა/შ	0.14დ,ე 1.4დ,ე შა	(2,27)დ,ე (22,7)დ,ე შა	ა/შ ა/შ შა	0.14დ,ე 1.4დ,ე შა	(2,27)დ,ე (22,7)დ,ე შა	ა/შ ა/შ ა/შ	0,028დ 0,28დ შა	(0,454)დ (4,54)დ შა

ესს: 1 კუბური ფუტი = 0,028 მ³-ს, 1 გირვანქა = 0,454 კგ-ს, 1 გალონი = 3,785 ლ-ს.

შა =  შეზღუდული არაა; ა/შ= არ შეესაბამება; ად = არაკლასიფიცირებული დეტონატორი

ა. გასაკონტროლებელ ფართობებზე გამოსაყენებლად, იხ. ქვეთავი 414.2

ბ. გამოყენებისას და შენახვისას საერთო რაოდენობა არ უნდა აჭარბებდეს შენახვისათვის განსაზღვრულ რაოდენობას.

გ. ალკოჰოლური სასმელების რაოდენობები საცალო და საბითუმო ვაჭრობისათვის გამოყენებულ ფართობებზე არ უნდა შეიზღუდოს, თუ თხევადი ნივთიერებები შეფუთულია ინდივიდუალურ კონტეინერებში, რომელთა მოცულობა არ აღემატება 4,920 ლიტრს. საცალო და საბითუმო ვაჭრობისათვის გამოყენებულ ფართობებზე მედიკამენტების, საკვები პროდუქტების, ფართო მოხმარების ან სამრეწველო პროდუქციის, ასევე კოსმეტიკის (რომელთა მოცულობის არაუმეტეს 50% წყალში ხსნადი სითხეებია და დანარჩენი ნაწილი არ არის აალებადი) რაოდენობები არ უნდა შეიზღუდოს, თუ ისინი შეფუთულია ინდივიდუალურ კონტეინერებში, რომელთა მოცულობა არ აღემატება 4,920 ლიტრს.

დ. მაქსიმალურად დასაშვები რაოდენობები შეიძლება გაიზარდოს 100%-ით შენობებში, რომლებიც მთლიანად აღჭურვილია 903.3.1.1 ქვეთავის შესაბამისად დაყენებული ავტოსაშხეფი სისტემით. თუ ეხება ასევე შენიშვნაე, მაშინ ზრდა დასაშვებია ორივე შენიშვნაში განსაზღვრული ზრდის ჯამით.

ე. მაქსიმალურად დასაშვები რაოდენობები შეიძლება გაიზარდოს 100%-ით, თუ ნივთიერებები ინახება სათანადო შესანახ კარადებში, ფეთქებადი ნივთიერებების შესანახ ყუთებში, აირის კარადებში, ვაკუუმურ შემომზღუდავებში ან უსაფრთხო კონტეინერებში. თუ ეხება ასევე შენიშვნა (ე), მაშინ ზრდა დასაშვებია ორივე შენიშვნაში განსაზღვრული ზრდის ჯამით.

ვ. დასაშვები რაოდენობები არ უნდა შეიზღუდოს შენობებში, რომლებიც მთლიანად აღჭურვილია 903.3.1.1 ქვეთავის შესაბამისად დაყენებული ავტოსაშხეფი სისტემით.

ზ. დასაშვებია მხოლოდ ისეთ შენობებში, რომლებიც მთლიანად აღჭურვილია 903.3.1.1 ქვეთავის შესაბამისად დაყენებული ავტოსაშხეფი სისტემით.

თ. რომლებიც ერთ გასაკონტროლებელ ფართობზე არ შეიცავს IA, IB ან IC კლასის აალებადი სითხეების მაქსიმალურად დასაშვებ რაოდენობაზე მეტს.

ი. შენობაში საწვავის მილსადენ სისტემასთან მიერთებული წვადი თხევადი ნივთიერებების შესანახი სისტემის მაქსიმალური ტევადობა უნდა იყოს 2498, 10 ლიტრი, თუ ასეთი სისტემა შეესაბამება საერთაშირისო სახანძრო წესებს.

კ. ფრჩხილებში ჩასმული რაოდენობები მოცემულია თითოეული სვეტის თავში ფრჩხილებში მითითებულ ერთეულებში.

ლ. მაქსიმუმ 90,80 კგ მყარი ან 75,70 ლიტრი თხევადი კლასი 3-ის მჟანგავები დასაშვებია, თუ ასეთი ნივთიერებები აუცილებელია მოწყობილობის შეკეთების, ფუნქციონირების ან გაწმენდის მიზნით. შესანახი კონტეინერები და შენახვის სახე დაშვებული უნდა იყოს.

მ. ფეიერვერკების პიროტექნიკური ნაერთის სუფთა წონა. თუ ფეიერვერკების პიროტექნიკური ნაერთის სუფთა წონა ცნობილი არ არის, გამოიყენება ფეიერვერკების (შესაფუთი მასალის წონის ჩათვლით) საერთო წონის 25%.

ნ. თხევადი ნივთიერებების ლიტრებისათვის კილოგრამებში მოცემული მოცულობა იყოფა 10-ზე საერთაშორისო სახანძრო წესების 2703.1.2 ქვეთავის შესაბამისად.

ო. 414.2.5 ქვეთავის შესაბამისი ვ ჯგუფში შესანახი და გამოსაფენი რაოდენობებისა და ს ჯგუფში შესანახი რაოდენობების შესახებ იხ. ცხრილები 414.2.5(1) და 414.2.5(2).

პ. ISO 8115-ის შეფუთვასთან დაკავშირებული მოთხოვნების მჭიდროდ შეფუთული ბამბის შეკვრა არ უნდა შევიდეს მასალების ამ კლასში.

ჟ.  მაქსიმალურად დასაშვები რაოდენობების განსაზღვრისას არ უნდა იქნეს გათვალისწინებული შემდეგი:

1.     ავტომობილებზე საწვავის ავზებში თხევადი საწვავი და საწვავი აირი.

2.     მოტორიზებულ მოწყობილობაზე საწვავის ავზებში თხევადი საწვავი და საწვავი აირი, რომელიც რეგულირდება წესების შესაბამისად.

3.     საწვავი აირი მილსადენთა სისტემებში და ფიქსირებული მოწყობილობები.

4.     თხევადი საწვავი მილსადენთა სისტემებში და ფიქსირებული მოწყობილობები.

ცხრილი 307.1(2)

ჯანმრთელობის საფრთხის გამომწვევი, საფრთხის შემცველი ნივთიერებების მაქსიმალურად დასაშვები რაოდენობა ერთ გასაკონტროლებელ ფართობზე^{ა,ბ,დ,ი}

ნივთიერება	საწყობიდ			გამოყენება − დახურული სისტემებიდ			გამოყენება − ღია სისტემებიდ
	მყარი ნივთიერება კგ-ში                  (მ3)	სითხე ლიტრებში (კგ-ში)ე,ვ	აირი (მ3№TP-ზე)ე	მყარი ნივთიერება კგ-შიე	სითხე  ლ-ში (კგ-ში)ე	აირი (მ3№TP-ზე)ე	მყარი ნივთიერება კგ-შიე	სითხე ლიტრებში (კგ-ში)ე
კოროზიული	140	227	თხევადი აირი 810ვ (4.2)თ	2270	227	თხევადი აირი 810ვ (4.2)თ	454	45.4
ძლიერ მომწამლავი	0.28	(4,54)ზ	თხევადი აირი 20ზz (0.112)ზ,თ	4,54	(4,54)ი	თხევადი აირი 20ზz (0.112)ზ,თ	1,362	(1,362)ი
მომწამლავი	14	(227)ზ	თხევადი აირი 810ვ (4.2)ვ,თ	227	(227)ი	თხევადი აირი 810ვ (4.2)ვ,თ	56,75	(56,75)

ესს: 1 კუბური ფუტი = 0,028 მ³-ს, 1 გირვანქა = 0,454 კგ-ს, 1 გალონი = 3,785 ლ-ს.

ა.    გასაკონტროლებელ ფართობებზე გამოსაყენებლად, იხ. ქვეთავი 414.2.

ბ.   საცალო და საბითუმო ვაჭრობისთვის გამოყენებულ ფართობებზე წამლების, საკვები პროდუქტების, პირველადი მოხმარების ან ინდუსტრიული პროდუქტებისა და კოსმეტიკის რაოდენობა, რომელთა შემადგენლობაში წყალში ხსნად სითხეები არაუმეტეს 50% -ია, ხოლო დანარჩენი ხსნარები არ არის აალებადი, არ უნდა შეიზღუდოს, თუ ასეთი ნივთიერებები შეფუთულია ინდივიდუალურ კონტეინერებში, რომელთა ტევადობა არ აღემატება 4,92 ლიტრს.

გ.  სვ ჯგუფისა და სწ ჯგუფის ფართობებზე შესანახი და გამოსაფენი რაოდენობები უნდა შეესაბამებოდეს 414.2.4 ქვეთავს, იხ. ცხრილი 414.2.4(1).

დ.   გამოყენებული და შენახული რაოდენობა ერთიანობაში არ უნდა აღემატებოდეს საწყობისთვის განსაზღვრულ რაოდენობას.

ე.  რაოდენობები შეიძლება გაიზარდოს 100%-ით ისეთი შენობებისთვის, რომლებიც მთლიანადაა აღჭურვილი ავტომატური საშხეფი სისტემით, 903.3.1.1 ქვეთავის შესაბამისად. თუ ეხება ასევე შენიშვნა „ვ“, მაშინ ზრდა დასაშვებია ორივე შენიშვნაში განსაზღვრული ზრდის ჯამით.

ვ.  რაოდენობები შეიძლება გაიზარდოს 100 %–ით, თუ ისინი შენახულია დაშვებულ სასაწყობო კამერებში, აირის კამერებში ან საჰაერო ხვრელებიან შემომზღუდავებში. თუ ეხება ასევე შენიშვნა „ე“, მაშინ ზრდა დასაშვებია ორივე შენიშვნაში განსაზღვრული ზრდის ჯამით.

ზ.  დასაშვებია მხოლოდ იმ შემთხვევაში, როცა ინახება გამწოვის მქონე საჰაერო ხვრელების მქონე აირის კარადებში ან საჰაერო ხვრელებიან შემომზღუდავებში.

თ.   ფრჩხილებში მოცემული რაოდენობები აღნიშნავს თითოეული სვეტის თავში ფრჩხილებში მოცემული რაოდენობის ერთეულებს.

ი.  სითხეების ლიტრებში გადასაყვანად, კილოგრამებში მოცემული მოცულობა იყოფა 10-ზე.

307.2 განმარტებები. ქვემოთ წარმოდგენილი ტერმინები განმარტებულია მე-2 თავში:

აალებადი აირი.

აალებადი გათხევადებული აირი.

აალებადი მყარი ნივთიერებები.

აალებადი ნივთიერება.

აალებადი სითხე.

კლასი IA.

კლასი IB.

კლასი IC.

აალების ტემპერატურა.

ადუღების ტემპერატურა.

აეროზოლი.

1-ლი დონის აეროზოლის პროდუქტები.

მე-2 დონის აეროზოლის პროდუქტები.

მე-3 დონის აეროზოლის პროდუქტები.

აეროზოლის კონტეინერი.

არამდგრადი (რეაქტიული) ნივთიერება.

კლასი 4.

კლასი 3.

კლასი 2.

კლასი 1.

ბამბის ფუთა.

ბამბის ფუთა, მჭიდროდ შეფუთული.

ბარიკადა.

ხელოვნური ბარიკადა.

ბუნებრივი ბარიკადა.

დახურული სისტემა.

დეტონაცია.

დეფლაგრაცია.

ინერტული აირი.

კოროზიული ნივთიერება.

კრიოგენული სითხე.

მჟანგავი.

კლასი 4.

კლასი 3.

კლასი 2.

კლასი 1.

მომწამლავი.

მჟანგავი აირი.

ნივთიერების გაფანტვა.

ორგანული ზეჟანგი.

კლასი I.

კლასი II.

კლასი III.

კლასი IV.

კლასი V.

არაკლასიფიცირებული დეტონატები.

პიროტექნიკური ნაერთი.

საკონტროლო ფართობი.

სამუშაო შენობა.

საფრთხის შემცველი ნივთიერებები.

ტრანსპორტირება.

ფეთქებადი ნივთიერებების შესანახი ყუთი.

ფეთქებადი ნივთიერება.

ძლიერ ფეთქებადი ნივთიერება.

სუსტად ფეთქებადი ნივთიერება.

მასიურ-დეტონაციური ფეთქებადი ნივთიერებები.

UN/DOTN პირველი კლასის ფეთქებადი ნივთიერებები.

ქვეკალასი 1.1.

ქვეკალასი 1.2.

ქვეკალასი 1.3.

ქვეკალასი  1.4.

ქვეკალასი 1.5.

ქვეკალასი 1.6.

ფეიერვერკები.

ფეიერვერკები, 1.3G.

ფეიერვერკები, 1.4G.

ფიზიკური საფრთხის შემცველი.თვითაალებადი (პიროფორული).

ღია სისტემა.

დაჭირხნული აირი.

შეუთავსებელი ნივთიერებები.

ძლიერ მომწამლავი.

წვადი ბოჭკოები.

წვადი მტვერი.

წვადი სითხე.

კლასი II

კლასი III A

კლასი III B

წყალრეაქტიული ნივთიერება.

კლასი 3.

კლასი 2.

კლასი 1.

ჯანმრთელობისათვის საფრთხის შემცველი.

307.3 დიდი საფრთხის შემცველი ჯგუფი დსშ-1. შენობები და ნაგებობები, სადაც მოთავსებულია ნივთიერებები, რომლებიც ქმნის დეტონაციის საფრთხეს, უნდა კლასიფიცირდეს, როგორც დსშ-1 ჯგუფის. ასეთ ნივთიერებებში შედის შემდეგი ტიპის, მაგრამ არა მხოლოდ:

•   დეტონაციური თვითაალებადი (პიროფორული) ნივთიერებები

•   ფეთქებადი ნივთიერებები:

ქვეკლასი 1.1

ქვეკლასი 1.2

ქვეკლასი 1.3

ქვეკლასი 1.4

ქვეკლასი 1.5

ქვეკლასი 1.6

•   ორგანული ზეჟანგები, არაკლასიფიცირებული დეტონატები;

•   მჟანგავები, კლასი 4;

•   არამდგრადი (რეაქტიული) ნივთიერებები, კლასი 3 დეტონაციური და კლასი 4

307.3.1 დაკავებულობები, რომლებიც არ მიეკუთვნება დსშ-1 კლასს. ქვემოთ ჩამოთვლილი დაკავებულობები, სადაც მდებარეობს ფეთქებადი ნივთიერებები, კლასიფიცირდება შემდეგნაირად:

1.    ქვეკლას 1.3-ს მიკუთვნებული ნივთიერებები, რომლებიც გამოყენებული ან დაცულია ისეთი ფორმით, რომ ვერც დახურული გარემო და ვერც კონფიგურაცია ვერ გაზრდის მასიური ხანძრის მასიურ აფეთქებად გადაქცევის საფრთხეს, დასაშვებია დსშ-2 ჯგუფის დაკავებულობებში.

2.    საგნები, აგრეთვე, ტრანსპორტირებისათვის შეფუთული საგნები, რომლებიც ქვეკლას 1.4-ს მიკუთვნებულ ფეთქებად საგნებად არ ითვლება ან შეუფუთავი საგნები, რომლებიც გამოიყენება დამუშავების დროს და არ ახასიათებს დეტონაცია ან დეფლაგრაცია, დასაშვებია დსშ-3 ჯგუფის დაკავებულობებში.

307.4 დიდი საფრთხის შემცველი ჯგუფი დსშ-2. შენობები და ნაგებობები, სადაც მოთავსებულია ნივთიერებები, რომლებიც დეფლაგრაციის ან აჩქარებული წვისგან განპირობებულ საფრთხეებს შეიცავს, უნდა კლასიფიცირდეს, როგორც დსშ-2 ჯგუფისა. ასეთი ნივთიერებებია ქვემოთ ჩამოთვლილი ტიპის, მაგრამ არა მხოლოდ ისინი:

•   კლასი I, II ან IIIA აალებადი ან წვადი თხევადი ნივთიერებები, რომლებიც, ჩვეულებრივ, გამოიყენება ან ინახება ღია კონტეინერებში ან სისტემებში, ან დახურულ კონტეინერებში ან სისტემებში 103,4 კპა-ზე უფრო მეტი წნევის ქვეშ.

•   წვადი მტვერი, რომელიც იწარმოება, წარმოიქმნება ან გამოიყენება იმგვარად, რომ კონცენტრაცია და პირობები ქმნის ხანძრის ან აფეთქების საფრთხეს, 414.1.3 ქვეთავის მიხედვით მომზადებული ინფორმაციის მიხედვით;

•   კრიოგენული სითხეები, აალებადი;

•   აალებადი აირები;

•   ორგანული ზეჟანგები, კლასი I;

•   მჟანგავები, კლასი 3, რომლებიც, ჩვეულებრივ, გამოიყენება ან ინახება ღია კონტეინერებში, ან სისტემებში, ან დახურულ კონტეინერებში ან სისტემებში 103.4 კპა წნევის ქვეშ;

•   თვითაალებადი (პიროფორული) თხევადი ნივთიერებები, მყარი ნივთიერებები და აირები, არადეტონაციური;

•   არამდგრადი (რეაქტიული) ნივთიერებები, კლასი 3, არადეტონაციური;

•   წყალ-რეაქტიული ნივთიერებები, კლასი 3;

307.5 დიდი საფრთხის შემცველი ჯგუფი დსშ-3. შენობები და ნაგებობები, სადაც მოთავსებულია ნივთიერებები, რომლებიც ხელს უწყობენ წვას ან ქმნიან ფიზიკურ საფრთხეს, უნდა კლასიფიცირდეს, როგორც დსშ-3 ჯგუფისა. ასეთი ნივთიერებებია შემდეგი ტიპის, მაგრამ არა მხოლოდ ისინი:

•   კლასი I, II ან IIIA აალებადი ან წვადი თხევადი ნივთიერებები, რომლებიც, ჩვეულებრივ, გამოიყენება ან ინახება დახურულ კონტეინერებში, ან სისტემებში 103,4 კპა ან უფრო ნაკლები წნევის ქვეშ;.

•   წვადი ბოჭკოები, გარდა მჭიდროდ შეფუთული ბამბის ფუთებისა;

•   საზოგადოებრივი მოხმარებისათვის განკუთვნილი ფეიერვერკები, 1.4G (კლასი C, ჩვეულებრივი);

•   კრიოგენული სითხეები, მჟანგავი;

•   აალებადი მყარი ნივთიერებები;

•   ორგანული ზეჟანგები, კლასი II და III;

•   მჟანგავები, კლასი 2;

•   მჟანგავები, კლასი 3, რომლებიც, ჩვეულებრივ, გამოიყენება ან ინახება დახურულ კონტეინერებში, ან სისტემებში 103 კპა ან უფრო ნაკლები წნევის ქვეშ;

•   მჟანგავი აირები;

•   არამდგრადი (რეაქტიული) ნივთიერებები, კლასი 2;

•   წყალ-რეაქტიული ნივთიერებები, კლასი 2.

307.6 დიდი საფრთხის შემცველი ჯგუფი დსშ-4. შენობები და ნაგებობები, სადაც მდებარეობს ჯანმრთელობისათვის საფრთხის შემცველი ნივთიერებები, უნდა კლასიფიცირდეს, როგორც დსშ-4 ჯგუფისა. ასეთი ნივთიერებებია შემდეგი ტიპის, მაგრამ არა მხოლოდ ისინი:

•   კოროზიული;

•   ძლიერ მომწამლავი ნივთიერებები;

•   მომწამლავი ნივთიერებები.

307.7 დიდი საფრთხის შემცველი ჯგუფი დსშ-5. ნახევრად გამტარების საწარმოებლად განკუთვნილი ნაგებობები და შესაბამისი კვლევითი ფართობები, სადაც გამოიყენება საფრთხის შემცველი საწარმოო ნივთიერებები და ნივთიერებების საერთო რაოდენობა აღემატება 307.1(1) და 307.1(2) ცხრილებში მოცემულ სიდიდეებს, უნდა კლასიფიცირდეს, როგორც დსშ-5ჯგუფი. ასეთი ნაგებობები და ფართობები უნდა დაგეგმარდეს და აშენდეს 415.10 ქვეთავის შესაბამისად.

307.8 რამდენიმე საფრთხე. შენობები და ნაგებობები, სადაც მოთავსებულია ნივთიერება ან ნივთიერებები, რომლებიც ქმნიან (დსშ-1, დსშ-2, დსშ-3 და დსშ-4) ჯგუფებში კლასიფიცირებულ ერთ ან მეტ საფრთხეს, უნდა აკმაყოფილებდეს წესების მოთხოვნებს, რომლებიც განსაზღვრულია ამგვრად კლასიფიცირებული თითოეული დაკავებულობისათვის.

307.9 თავშესაფარი. მართვის ჯგუფისათვის, ცვლაში მომუშავე პერსონალის საერთო რაოდენობისთვის, გათვალისწინებული უნდა იქნეს თავშესაფარი დაცული გაადვილებული მისასვლელებით, რომელიც დაგეგმარებული უნდა იქნეს ჰერმეტულობის უზრუნველყოფითა და სპეციალურ ზემოქმედებებისა და  გამოყენების (საექსპლუატაციო) მოთხოვნების გათვალისწინებით.

ქვეთავი 308 − დაწესებულებითი ჯგუფი დწ

308.1 დაწესებულებითი ჯგუფი დწ. დაწესებულებითი ჯგუფის (დწ) დაკავებულობა მოიცავს ისეთი შენობის ან ნაგებობის, ან მათი ნაწილის გამოყენებას, სადაც უვლიან და ზედამხედველობას უწევენ ადამიანებს, რომელთაც შეუძლიათ ან არ შეუძლიათ საკუთარი თავის მოვლა ფიზიკური დახმარების გარეშე, ან სადაც იმყოფებიან ადამიანები სასჯელის მოსახდელად ან გამოსასწორებლად, ან სადაც დამკავებლის თავისუფლება შეზღუდულია. დაწესებულებითი დაკავებულობები იყოფა დწ-1, დწ-2, დწ-3 ან დწ-4 ჯგუფებად.

308.2 განმარტებები. შემდეგი სიტყვები და ტერმინები განმარტებულია მე-2 თავში:

დეტოქსიკაციის დაწესებულება.

დღიური ზრუნვის დაწესებულება.

თავდაცვისუუნარო.

კერძო კლინიკები.

საავადმყოფოები და ფსიქიატრიული საავადმყოფოები.

სადღეღამისო ზრუნვა

სამედიცინო მომსახურება.

საოჯახო საბავშვო ბაღები.

308.3 დაწესებულებითი ჯგუფი დწ-1. ეს დაკავებულობა მოიცავს შენობებს, ნაგებობებს, ან მათ ნაწილებს, სადაც დღეღამის განმავლობაში ცხოვრობს 16-ზე მეტი ადამიანი, რომელთაც ზედამხედველობას უწევენ და უვლიან. მომსახურების მიმღებ პირებს აქვთ თავდაცვის უნარი. ეს ჯგუფი მოიცავს შემდეგ დაწესებულებებს, მაგრამ არა მხოლოდ მათ:

•   ალკოჰოლიზმისა და ნარკომანიის სამკურნალო ცენტრს; 

•   საერთო ნიშნით გაერთიანებული ჯგუფების სახლებს;

•   საერთო საცხოვრებლებს;

•   სარეაბილიტაციო სახლებს;

•   საცხოვრებელი სივრცისა და დღიური ზრუნვის უზრუნველმყოფ დაწესებულებებს;

•   სოციალური რეაბილიტაციის დაწესებულებებს;

•   უნარშეზღუდულთა მოვლის დაწესებულებებს;

•   ყოფილი პატიმრებისა და ფსიქიური პრობლემების მქონე პაციენტების საზოგადოებაში დაბრუნების ხელშემწყობ დაწესებულებებს;

308.3.1 ხუთი ან ხუთზე ნაკლები პირის მოვლა. ზემოთ ხსენებულის მსგავსი დაწესებულებები, სადაც ხუთ ან ხუთზე ნაკლებ ადამიანს უვლიან უნდა კლასიფიცირდეს, როგორც სც-3 ჯგუფის.

308.3.2 ექვსიდან თექვსმეტამდე ადამიანის მოვლა. ზემოთ ხსენებულის მსგავსი დაწესებულებები, სადაც უვლიან, არანაკლებ ექვს და არაუმეტეს 16 ადამიანს, უნდა კლასიფიცირდეს, როგორც სც-4 ჯგუფის.

308.4 დაწესებულებითი ჯგუფი დწ-2. ეს დაკავებულობა მოიცავს შენობებსა და ნაგებობებს, სადაც დღეღამის განმავლობაში უწევენ სამედიცინო მომსახურებას ხუთზე მეტ ადამიანს, რომელთაც არ შეუძლიათ საკუთარი თავის მოვლა. ეს ჯგუფი მოიცავს შემდეგ დაწესებულებებს, მაგრამ არა მხოლოდ მათ:

•   დეტოქსიკაციის დაწესებულებებს;

•   მოხუცებულთა თავშესაფრებს;

•   საავადმყოფოებს;

•   საოჯახო საბავშვო ბაღებს;

•   ფსიქიატრიულ საავადმყოფოებს.

308.4.1 ხუთი ან ხუთზე ნაკლები ადამიანის მოვლა. ზემოთ ხსენებულის მსგავსი დაწესებულებები, სადაც ხუთ ან ხუთზე ნაკლებ ადამიან უვლიან, უნდა კლასიფიცირდეს, როგორც სც-3 ჯგუფის.

308.5 დაწესებულებითი ჯგუფი დწ-3. ეს დაკავებულობა მოიცავს შენობებსა და ნაგებობებს, სადაც ცხოვრობს ხუთზე მეტი პირი, რომლებიც პატიმრობაში ან დაცვის ქვეშ იმყოფებიან. დწ-3 დაწესებულებაში არიან ადამიანები, რომელთაც არ შეუძლიათ საკუთარი თავის მოვლა არსებული უსაფრთხოების ზომების გამო, რომელთაც ისინი ვერ აკონტროლებენ. ეს ჯგუფი მოიცავს შემდეგ დაწესებულებებს, მაგრამ არა მხოლოდ მათ:

•   არასრულწლოვანთა გამოსასწორებლებს;

•   გამოსასწორებელ ცენტრებს;

•   გათავისუფლებამდე მოსათავსებელ ცენტრებს.

•   საპატიმროებს;

•   ციხეებს;

•   წინასწარი დაკავების ადგილებს.

დწ-3 ჯგუფის შენობები უნდა კლასიფიცირდეს, როგორც 308.5.1 – 308.5.5 ქვეთავებში (იხ. ქვეთავი 408.1) მითითებული ერთ-ერთი მდგომარეობის შესაბამისი დაკავებულობა.

308.5.1 მდგომარეობა 1. აქ იგულისხმება შენობები, სადაც ნებადართულია თავისუფალი გადაადგილება საძინებელი ადგილებიდან და სხვა სივრცეებიდან ისეთი სივრცეებისკენ, რომელთა გამოყენება/დაკავება ნებადართულია; ასევე, შეუზღუდავია შიგა გასასვლელი საშუალებებით გასვლა. მდგომარეობა 1-ის შენობა შეიძლება აიგოს, როგორც სც ჯგუფისა.

308.5.2 მდგომარეობა 2. აქ იგულისხმება შენობები, სადაც ნებადართულია საძინებელი ადგილებიდან და ნებისმიერი სხვა დაკავებული დაუკვამლიანებელი განყოფილებიდან თავისუფლად გადაადგილება ერთ ან მეტ კვამლშეუღწევ განყოფილებაში. გარეთ გასვლა შეზღუდულია, რადგან გასასვლელები ჩაკეტილია.

308.5.3 მდგომარეობა 3. აქ იგულისხმება შენობები, სადაც ნებადართულია თავისუფლად გადაადგილება ინდივიდუალური დაუკვამლიანებელი განყოფილებების საზღვრებში, როგორებიცაა საძინებელი და ჯგუფური აქტივობის სივრცეების შემცველი საცხოვრებელი ერთეული. ასეთი დაუკვამლიანებელი განყოფილებიდან სხვა კვამლშეუღწევ განყოფილებაში გასვლა შეზღუდულია, რადგან გასასვლელი საშუალებები დისტანციურად იღება და იკეტება.

308.5.4 მდგომარეობა 4. აქ იგულისხმება შენობები, სადაც დაკავებული სივრციდან შეზღუდულია თავისუფალი გადაადგილება. ერთ კვამლშეუღწევ განყოფილებაში მდებარე საძინებელი ერთეულებიდან, აქტივობის სივრცეებიდან და სხვა დაკავებული ადგილებიდან სხვა დაუკვამლიანებელ განყოფილებებში გადაადგილება შესაძლებელია დისტანციურად მართვადი კარით.

308.5.5 მდგომარეობა 5. აქ იგულისხმება შენობები, სადაც დაკავებული სივრციდან შეზღუდულია თავისუფალი გადაადგილება. ერთ დაუკვამლიანებელ განყოფილებაში მდებარე საძინებელი ერთეულებიდან, აქტივობის სივრცეებიდან და სხვა დაკავებული ადგილებიდან სხვა დაუკვამლიანებელ განყოფილებებში გადაადგილება შესაძლებელია ხელით გასაღები კარით, რომელსაც აკონტროლებს მომსახურე პერსონალი.

308.6 ჯგუფი დწ-4, დღის განმავლობაში მოვლის დაწესებულებები. ამ ჯგუფში შედის შენობები და ნაგებობები, სადაც ნებისმიერი ასაკის ხუთზე მეტ ადამიანს უვლიან დღის განმავლობაში დღეღამეზე ნაკლებ პერიოდში. ამასთან, მომვლელები არ არიან ამ ადამიანების მშობლები ან მეურვეები, სისხლით ნათესავები, მეუღლეები ან დედობილ-მამობილები და ეს ადგილი არ არის იმ ადამიანის სახლი, რომელსაც უვლიან. ამ ჯგუფში შედის შემდეგი დაწესებულებები, მაგრამ არა მხოლოდ ისინი:

•   ბავშვთა მოვლა დღის განმავლობაში;

•   ზრდასრულთა მოვლა დღის განმავლობაში.

308.6.1 კლასიფიცირებული, როგორც ჯგუფი სგ. დღის განმავლობაში ბავშვთა მოვლის დაწესებულება, სადაც უვლიან ხუთზე მეტ, მაგრამ, არაუმეტეს, 100 ბავშვს, რომელთა ასაკი 2,5 წელი და ამაზე ნაკლებია. აქ საბავშვო ოთახები მდებარეობს შენობიდან გამოსასვლელის დონეზე და თითოეული ოთახის კარი პირდაპირ გადის გარეთ, იგი კლასიფიცირდება, როგორც სგ ჯგუფი.

308.6.2 რელიგიური მსახურების ადგილების საზღვრები. რელიგიური მსახურების ადგილების საზღვრებში მდებარე ოთახები და სივრცეები, სადაც რელიგიური მსახურების პარალელურად უზრუნველყოფილია ბავშვთა მოვლა, უნდა კლასიფიცირდეს, როგორც მთავარი დაკავებულობის ნაწილი.

308.6.3 ხუთი ან ხუთზე ნაკლები ადამიანის მოვლა. დაწესებულება, სადაც ხუთ ან ხუთზე ნაკლებ ადამიანს ეხმარებიან ყოველდღიური მოთხოვნილებების დასაკმაყოფილებლად. იგი კლასიფიცირდება, როგორც მთავარი დაკავებულობის ნაწილი.

308.6.4 ხუთი ან ხუთზე ნაკლები ადამიანის მოვლა საცხოვრებელ ერთეულში. ზემოთ ხსენებულის მსგავსი დაწესებულება საცხოვრებელი ერთეულის საზღვრებში, სადაც ხუთ ან ხუთზე ნაკლებ ადამიანს ეხმარებიან ყოველდღიური მოთხოვნილებების დასაკმაყოფილებლად. იგი კლასიფიცირდება, როგორც სც ჯგუფის დაკავებულობა.

ქვეთავი 309 − სავაჭრო ჯგუფი სვ

309.1 სავაჭრო ჯგუფი სვ. სავაჭრო ჯგუფი (სვ) დაკავებულობა, სხვებთან ერთად, მოიცავს ისეთი შენობებისა და ნაგებობების ან მათი ნაწილების გამოყენებას, სადაც გამოფენილია და იყიდება საქონელი, ასევე, განთავსებულია ამგვარი საქონლის მარაგი, ნაკეთობები და სავაჭრო საქონელი და მისაწვდომია საზოგადოებისათვის. სავაჭრო ჯგუფი მოიცავს ქვემოთ ჩამოთვლილს, მაგრამ არა მხოლოდ მათ:

•   აუქციონის დარბაზებს;

•   აფთიაქებს;

•   ბაზრებს/მარკეტებს;

•   ბენზინგასამართ სადგურებს;

•   საცალო და საბითუმო მაღაზიებს;

•   უნივერმაღებს.

309.2 საფრთხის შემცველი ნივთიერებების რაოდენობა. სვ ჯგუფის თითო გასაკონტროლებელ ფართობზე შენახული ან გამოფენილი არააალებადი მყარი და არააალებადი ან არაწვადი თხევადი საფრთხის შემცველი ნივთიერებების საერთო რაოდენობა 414.2.5(1) ცხრილში მოცემულ რაოდენობებს არ უნდა აღემატებოდეს.

ქვეთავი 310 − საცხოვრებელი ჯგუფი სც

310.1 საცხოვრებელი ჯგუფი სც. საცხოვრებელი ჯგუფის (სც) დაკავებულობა მოიცავს შენობას ან ნაგებობას, ან მის ნაწილს, რომელიც გამოიყენება საძინებლებად, თუ არ არის კლასიფიცირებული, როგორც დაწესებულებითი ჯგუფი დწ.

310.2 განმარტებები. ქვემოთ ჩამოთვლილი სიტყვები და ტერმინები განმარტებულია მე-2 თავში:

საოჯახო სასტუმრო.

შეზღუდული შესაძლებლობების მქონე პირთა და მარტოხელა მოხუცთა თავშესაფარი.

საცხოვრებელი საერთო საძინებლებით.

სხვადასხვა ჯგუფების საცხოვრებელი დაწესებულებები.

პირადი მომვლელის მომსახურება.

დროებით საცხოვრებელი დაწესებულება.

310.3 საცხოვრებელი ჯგუფი სც-1. საცხოვრებელი დაკავებულობები, სადაც განთავსებულია საძინებელი ერთეულები, უმთავრესად, დროებითი მაცხოვრებლებისთვის, რაც მოიცავს შემდეგს:

•   საოჯახო სასტუმროებს (მცირე ხნით დამკავებლებისთვის) 10-ზე მეტი დამკავებლით;

•   უნარშეზღუდულთა და მარტოხელა მოხუცთა თავშესაფრებს (მცირე ხნით დამკავებლებისთვის) 10-ზე მეტი დამკავებლით;

•   სასტუმროებს (მცირე ხნით დამკავებლებისთვის);

•   მოტელებს (მცირე ხნით დამკავებლებისთვის) .

310.4 საცხოვრებელი ჯგუფი სც-2. საცხოვრებელი ჯგუფის დაკავებულობა საძინებელი ერთეულებით ან ორზე მეტი საცხოვრებელი ერთეულით, სადაც დამკავებლები, უმთავრესად, მუდმივად ცხოვრობენ. ეს ჯგუფი მოიცავს შემდეგს:

•   მრავალბინიან სახლებს;

•   საოჯახო სასტუმროებს (ხანგრძლივად დამკავებლებისთვის) 16 დამკავებელზე მეტით;

•   დედათა მონასტრებს;

•   მამათა მონასტრებს;

•   საცხოვრებლებს საერთო საძინებლებით;

•   სასტუმროებს (ხანგრძლივად დამკავებლებისთვის);

•   საცხოვრებელ-სამუშაო ერთეულებს;

•   მოტელებს (ხანგრძლივად დამკავებლებისთვის);

•   თანასაკუთრებებს დასასვენებლად.

310.5 საცხოვრებელი ჯგუფი სც-3. საცხოვრებელი ჯგუფის დაკავებულობა, რომლის დამკავებლები, უმთავრესად, მუდმივი მცხოვრებლები არიან და რომელიც არ კლასიფიცირდება, როგორც სც-1, სც-2, სც-4 ან დწ ჯგუფი. იგი მოიცავს შემდეგს:

•   შენობები, რომლებიც არ შეიცავს ორზე მეტ საცხოვრებელ ერთეულს;

•   საოჯახო სასტუმროებს (ხანგრძლივად დამკავებლებისთვის) 16-ზე მეტი დამკავებლით;

•   საოჯახო სასტუმროებს (მცირე ხნით დამკავებლებისთვის) 10 ან ნაკლები დამკავებლით;

•   დაწესებულებებს, რომლებიც უზრუნველყოფს საცხოვრებელ პირობებს ხუთი ან ხუთზე ნაკლები ადამიანისთვის, რომელთაც უვლიან;

•   შეზღუდული შესაძლებლობების მქონე პირთა და მარტოხელა მოხუცთა თავშესაფარს (ხანგრძლივად დამკავებლებისთვის) 16 ან ნაკლები დამკავებლით;

•   უნარშეზღუდულთა და მარტოხელა მოხუცთა თავშესაფარი (ხანგრძლივად დამკავებლებისთვის) 10 ან ნაკლები დამკავებლით.

310.6 საცხოვრებელი ჯგუფი სც-4. ამ საცხოვრებელი ჯგუფის დაკავებულობა მოიცავს შენობებს, ნაგებობებს ან მათ ნაწილებს, სადაც დღე-ღამის განმავლობაში პერსონალის გარდა ცხოვრობს ხუთზე მეტი, მაგრამ არაუმეტეს 16 ადამიანისა, რომელთაც ზედამხედველობენ და უვლიან. აქ მცხოვრებ ადამიანებს შეუძლიათ საკუთარი თავის მოვლა. ეს ჯგუფი მიოცავს შემდეგს, მაგრამ არა მხოლოდ მათ:

•   ალკოჰოლიზმისა და ნარკომანიის სამკურნალო ცენტრებს;

•   უნარშეზღუდულთა მოვლის დაწესებულებებს;

•   შეზღუდული შესაძლებლობების მქონე პირთა და მარტოხელა მოხუცთა თავშესაფრებს;

•   სარეაბილიტაციო დაწესებულებებს (გამოჯანმრთელების გზაზე დამდგართათვის);

•   სხვადასხვა ჯგუფის საცხოვრებელ დაწესებულებებს;

•   ყოფილი პატიმრებისა და ფსიქიკური პრობლემების მქონე პაციენტების საზოგადოებაში დაბრუნების ხელშემწყობ დაწესებულებებს;

•   დაწესებულებებს, რომლებიც საცხოვრებელ პირობებსა და მოვლას უზრუნველყოფენ;

•   სოციალური რეაბილიტაციის დაწესებულებებს.

სც-4 ჯგუფის დაკავებულობები უნდა აიგოს სც-3 ჯგუფისათვის განსაზღვრული მოთხოვნების შესაბამისად, თუ წესებში სხვაგვარად არაა მოცემული.

ქვეთავი 311 − სასაწყობო ჯგუფი სწ

311.1 სასაწყობო ჯგუფი სწ. სასაწყობო ჯგუფის (სწ) დაკავებულობები, სხვებთან ერთად, მოიცავს საწყობად გამოყენებულ შენობას ან ნაგებობას, ან მათ ნაწილს და არ კლასიფიცირდება, როგორც საფრთხის შემცველი დაკავებულობა.

311.2 საშუალო საფრთხის შემცველი სასაწყობო ჯგუფი სწ-1. საწყობად გამოყენებული შენობები, რომლებიც არ კლასიფიცირდება, როგორც სწ-2 ჯგუფის, და სადაც ინახება შემდეგი, მაგრამ არა მხოლოდ:

•   მე-2 და მე-3 დონის აეროზოლები;

•   თვითმფრინავის შესაკეთებელი ანგარი;

•   ჩანთები: ნაჭრის, ჯუთისაგან დამზადებული ჯვალოსებრი ქსოვილის და ქაღალდის;

•   ბამბუკი და რატანი (პალმის სახეობა);

•   კალათები;

•   ქამრები: ტილოსა და ტყავის;

•   წიგნები და ქაღალდის რულონები ან შეკვრები;

•   ჩექმები და ფეხსაცმელი;

•   ღილები: ნაჭერგადაკრული, სადაფის ან ძვლის;

•   მუყაო და მუყაოს ყუთები;

•   ტანსაცმელი, მათ შორის − შალის;

•   თოკები;

•   შენობაში ნავის მშრალად შესანახი სათავსი;

•   ავეჯი;

•   ბეწვეული;

•   წებოები, მცენარეული წებოები, პასტები და სახამებლები;

•   მარცვლეული;

•   ძვლის სავარცხლები და სავარცხლები, არა ცელულოიდის;

•   ტყავი;

•   ლინოლეუმი;

•   ხის მორები;

•   ავტომობილების შესაკეთებელი გარაჟები, სადაც  საფრთხის შემცველი მასალების მაქსიმალურად დასაშვები რაოდენობა შეესაბამება 307.1(1) ცხრილში მოცემულ ოდენობებს (იხ. ქვეთავი 406.8);

•   ფოტოგრავიურები;

•   იატაკის დრეკადი საფარი;

•   აბრეშუმი;

•   საპონი;

•   შაქარი;

•   საბურავები, თამბაქოს, სიგარების, სიგარეტისა და ბურნუთის დიდი მარაგი;

•   გადასაკრავი მასალა და მატრასები;

•   ცვილის სანთლები.

311.3 მცირე საფრთხის შემცველი სასაწყობო ჯგუფი სწ-2. შენობები, სადაც არაწვადი მასალები ინახება ხის ყუთებში, მუყაოს კოლოფებში ან ქაღალდის სახვევშია მოთავსებული. ასეთ პროდუქტებზე დასაშვებია უმნიშვნელო რაოდენობით პლასტმასის გაფორმება, მაგ.: კნოპები, სახელურები ან თხელი სახვევები. საწყობები გამოიყენება შემდეგი საქონლისთვის, მაგრამ არა მხოლოდ:

•   აზბესტი;

•   არაუმეტეს 16%-ის ალკოჰოლის შემცველი სასმელები ლითონის, მინის ან თიხის ჭურჭელში;

•   ცემენტი ტომრებში;

•   თეთრი და ფერადი ცარცი;

•   რძის ნაწარმი ქაღალდის კონტეინერებში ცვილის საფარის გარეშე;

•   მშრალი ელექტროელემენტი;

•   ელექტროკოჭა;

•   ელექტროძრავა;

•   ცარიელი თუნუქის ქილები;

•   საკვები პროდუქტები;

•   საკვები ცეცხლგამძლე კონტეინერებში;

•   ახალი ხილი და ბოსტნეული არაპლასტმასის ლანგრებზე ან კონტეინერებში;

•   გაყინული საკვები;

•   მინა;

•   მინის ბითლები, ცარიელი ან არაწვადი სითხეებით სავსე;

•   თაბაშირის ფილა;

•   ინერტული პიგმენტები;

•   სპილოსძვალი;

•   ხორცეული;

•   ლითონის კარადები;

•   ლითონის დაფები პლასტმასის თავებითა და გაფორმებით;

•   ლითონის ნაწილები;

•   ლითონები;

•   სარკეები;

•   ზეთის და სხვა ტიპის გამანაწილებელი ტრანსფორმატორები;

•   ღია ან შემოზღუდული ავტოსადგომი გარაჟები;

•   ფაიფური და თიხა;

•   ღუმელები;

•   ტალკი და ქვასაპნები;

•   სარეცხი და საშრობი საშუალებები.

ქვეთავი 312 − დამხმარე და სხვადასხვა დანიშნულების ჯგუფი დს

312.1 ზოგადი. დამხმარე დანიშნულების შენობები, ნაგებობები და სხვადასხვა ნაგებობა, რომლებიც არ მიეკუთვნება რომელიმე სპეციფიკურ კლასს, უნდა აიგოს, აღიჭურვოს და შენარჩუნდეს წესების მოთხოვნათა შესაბამისად, მათი დაკავების დროს ხანძრისა და სიცოცხლისათვის შესაძლო საფრთხის გათვალისწინებით. დს ჯგუფი მოიცავს შემდეგს, მაგრამ არა მხოლოდ:

•   სასოფლო-სამეურნეო დანიშნულების შენობებს;

•   ერთი ან ორი ოჯახის საცხოვრებლის დამხმარე საჰაერო ხომალდების ანგარებს (იხ. ქვეთავი 412.5);

•   ბეღლებს;

•   გადახურულ ავტოსადგომებს;

•    1,8 მ-ზე მეტი სიმაღლის ღობეებს;

•   საცხოვრებლების დამხმარე მარცვლეულის ბუნკერებს;

•   სათბურებს;

•   საქონლის სადგომს;

•   კერძო გარაჟებს;

•   საყრდენ კედელებს;

•   ფარდულებს;

•   საჯინიბოებს;

•   ავზებს;

•   კოშკებს.

თავი 4 − გამოყენებისა და დაკავებულობის სპეციალური დეტალური მოთხოვნები

ქვეთავი 401 − რეგულირების საგანი

401.1 გამოყენებისა და დაკავებულობის დეტალური მოთხოვნები. წესებში  დაკავებულობისა და მშენებლობისთვის განსაზღვრულ მოთხოვნებთან ერთად ამ თავის დებულებები დამატებით არეგულირებს აქ აღწერილ სპეციალურ გამოყენებებსა და დაკავებულობებს.

ქვეთავი 402 − გადახურული მოლისა და ღია მოლის შენობები

402.1 გამოყენება. ამ ქვეთავის დებულებები ეხება ისეთ შენობებს ან ნაგებობებს, რომლებიც აქ განსაზღვრულია, როგორც გადახურული ან ღია მოლის შენობები, რომლებიც არ მოიცავს იატაკის სამ დონეზე მეტს ნებისმიერი წერტილიდან, ხოლო სიმაღლეში არ აღემატება მიწის დონიდან სამ სართულს. თუ ამ ქვეთავში განსხვავებული მოთხოვნები არ არის მოცემული, გადახურული და ღია მოლის შენობები უნდა აკმაყოფილებდეს წესების შესაბამის დებულებებს.

გამონაკლისი:

1.    სქ, სც-1 და სც-2 ჯგუფებს მიკუთვნებული ფოიეებისა და ვესტიბიულებისთვის ამ ქვეთავთან შესაბამისობა საჭირო არ არის.

2.    არ არის აუცილებელი, შენობები ამ ქვეთავის დებულებებს აკმაყოფილებდეს, თუ ისინი წესების სხვა შესაბამის დებულებებს მთლიანად აკმაყოფილებს.

402.1.1 ღია სივრცე. გადახურული მოლის შენობას, მიდგმულ შენობებსა და ავტოსადგომ გარაჟებს ყველა მხრიდან უნდა აკრავდეს, არანაკლებ, 18 მეტრი სიგანის მუდმივად ღია სივრცე. საზღვრის პერიმეტრის მომიჯნავე ღია მოლის შენობას, მიდგმულ შენობებსა და ავტოსადგომ გარაჟებს ყველა მხრიდან უნდა აკრავდეს, არანაკლებ, 18 მეტრი სიგანის მუდმივად ღია სივრცე.

გამონაკლისი: 18 მეტრი სიგანის მუდმივად ღია სივრცე დასაშვებია შემცირდეს, არანაკლებ, 12 მ-მდე, თუ დაკმაყოფილებულია შემდეგი მოთხოვნები:

1.    დაუშვებელია, ღია სივრცე შემცირდეს გადახურული ან ღია მოლის შენობისა და მიდგმული შენობების პერიმეტრის 75%-ზე მეტ ნაწილთან;

2.    გარე კედელს, რომელიც უყურებს შემცირებულ ღია სივრცეს, უნდა ჰქონდეს, სულ მცირე, 3-საათიანი ცეცხლმედეგობის ხარისხი;

3.    გარე კედლის ღიობები, რომლებიც უყურებს შემცირებულ ღია სივრცეს, დაცული უნდა იყოს, სულ მცირე, 3-საათიანი ცეცხლმედეგობის ხარისხიანი დამცავებით;

4.    სგ, დსშ, დწ ან სც ჯგუფის დაკავებულობები არ უნდა ექცეოდეს გადახურული ან ღია მოლის შენობისა თუ მიდგმული შენობების საზღვრებში.

402.1.2 ღია მოლის შენობის საზღვრის პერიმეტრი. წესების მიზნებიდან გამომდინარე, უნდა დადგინდეს საზღვრის პერიმეტრი. საზღვრის პერიმეტრში უნდა მოექცეს ყველა შენობა და ნაგებობა, რომელთაგანაც შედგება ღია მოლის შენობა, ასევე, უნდა შევიდეს შიგა ნებისმიერი ღია გზა, ღია შიგა ეზო და მსგავსი ღია სივრცეები. საზღვრის პერიმეტრი უნდა განსაზღვრავდეს ღია მოლის შენობის გავრცელების საზღვრებს. მიდგმული შენობები და ავტოსადგომის ნაგებობები საზღვრის პერიმეტრის მიღმაა და ღია მოლის შენობის ნაწილად არ ითვლება.

402.2 განმარტებები. ქვემოთ ჩამოთვლილი ტერმინები განმარტებულია მე-2 თავში:

გადახურული მოლის შენობა.

მოლი.

ღია მოლი.

ღია მოლის შენობა.

კვების ადგილი.

მიდგმული შენობა.

მთლიანი გასაქირავებელი ფართობი.

402.3 გასაქირავებელი ფართობის გეგმა. დაკავებისთვის გამოსაყენებლად ვარგისობის აღიარების (ექსპლუატაციაში მიღების) შემდეგ, გადახურული მოლის შენობის ან ღია მოლის შენობის თითოეულმა მესაკუთრემ როგორც მშენებლობის ნებართვის გამცემ ორგანოს, ისე სახანძრო-სამაშველო დანაყოფებს უნდა წარუდგინოს გასაქირავებელი ფართობის გეგმა, სადაც ნაჩვენებია თითოეული დაკავებულობის მდებარეობა და გასასვლელები. გასაქირავებელი ფართობის გეგმის შეცვლა მშენებლობის ნებართვის გამცემი/ზედამხედველი ორგანოს წინასწარი თანხმობის გარეშე დაუშვებელია.

402.4 კონსტრუქცია. გადახურული და ღია მოლის შენობების, მიდგმული შენობებისა და მოლის შენობასთან დაკავშირებული ავტოსადგომი გარაჟების კონსტრუქცია უნდა შეესაბამებოდეს 402.4.1 – 402.4.3 ქვეთავების მოთხოვნებს.

402.4.1 კონსტრუქციის ფართობი და ტიპები. I, II, III და IV ტიპის კონსტრუქციის ნებისმიერი გადახურული ან ღია მოლის შენობების, მათ შორის, მიდგმული შენობების ფართობი არ უნდა შეიზღუდოს, თუ მიდგმული შენობები სიმაღლე არ აღემატება მიწის დონიდან სამ სართულს.

ღია ავტოსადგომი გარაჟებისა და შემოზღუდული ავტოსადგომი გარაჟების კონსტრუქციის ტიპი უნდა შეესაბამებოდეს 406.5 და 406.6 ქვეთავების მოთხოვნებს.

გამონაკლისი: მიწის დონიდან სამ სართულზე მეტი სიმაღლის მიდგმული შენობის კონსტრუქციის ტიპი, შენობის დასაშვები სიმაღლე და შენობის ფართობი უნდა შეესაბამებოდეს 503-ე ქვეთავს, 504-ე და 506-ე ქვეთავებში მოცემული შესწორებების გათვალისწინებით.

402.4.2 ცეცხლმედეგობის ხარისხიანი გამმიჯნავი. ცეცხლმედეგობის ხარისხიანი გამმიჯნავი საჭირო არ არის მფლობელობაში არსებულ სივრცეებსა და მოლებს შორის. ასევე, კვების ადგილსა და მფლობელობაში არსებულ მომიჯნავე სივრცეებს ან მოლს შორის.

402.4.2.1 მფლობელობაში არსებული სივრცეების გამიჯვნა. მფლობელობაში არსებული თითოეული სივრცე ერთმანეთისგან უნდა გაიმიჯნოს 708-ე ქვეთავის შესაბამისი ცეცხლმედეგი ტიხრით. გამმიჯნავი კედელი საჭირო არ არის არცერთ მფლობელობაში არსებულ სივრცესა და მოლს შორის.

402.4.2.2 მიდგმული შენობის გამიჯვნა. მიდგმული შენობა გადახურული ან ღია მოლის შენობისაგან უნდა გაიმიჯნოს ცეცხლმედეგი კედლებით 706-ე ქვეთავის მოთხოვნების შესაბამისად.

გამონაკლისი:

1.    მიდგმული შენობები, რომელთა სიმაღლე მიწის დონიდან სამ სართულს არ აღემატება და რომელთა დაკავებულობის კლასი შეესაბამება გადახურული მოლის შენობაში მდებარე მფლობელობაში არსებული სივრცეებისთვის ნებადართულ კლასს, უნდა გაიმიჯნოს 707-ე ნაწილის მოთხოვნების შესაბამისი 2-საათიანი ცეცხლმედეგობის ხარისხიანი ზღუდეებით.

2.    მიდგმული შენობების გარე კედლები, რომლებიც ღია მოლის შენობისგან გამიჯნულია ღია მოლის საშუალებით, უნდა აკმაყოფილებდეს 602-ე ცხრილის მოთხოვნებს.

402.4.2.2.1 ღიობები მიდგმულ შენობასა და მოლს შორის. ღიობები IA, IB, IIA და IIB ტიპის კონსტრუქციის მიდგმულ შენობებსა და მოლს შორის არ საჭიროებს დაცვას. გამონაკლისია  სც-1 ჯგუფის საძინებელი ერთეულები, რომლებიც მოლისგან გამიჯნული უნდა იყოს.

402.4.2.3 ავტოსადგომი გარაჟები. არაუმეტეს, ცხრაადგილიანი სამგზავრო ავტომობილების დასაყენებელი მიდგმული გარაჟი და ღია ავტოსადგომი გარაჟები ჩაითვლება გამიჯნულ შენობად, თუ გადახურული მოლის შენობისგან გამოყოფილია 707-ე ქვეთავის მიხედვით აგებული, არანაკლებ, 2-საათიანი ცეცხლმედეგობის ზღუდეებით ან 711-ე ქვეთავის შესაბამისად აგებული თარაზული ანაწყობებით, ან ორივეთი ერთად.

გადახურული მოლის შენობებისგან, ღია მოლის შენობებისგან ან მიდგმული შენობებისგან გამიჯნული ღია ან დახურული ავტოსადგომი გარაჟები 602-ე ცხრილის დებულებებს უნდა აკმაყოფილებდეს.

საფეხმავლო გადასასვლელები და გვირაბები, რომლებიც გარაჟებს აკავშირებს მოლის შენობებთან ან მიდგმულ შენობებთან, 1804-ე ქვეთავის შესაბამისად უნდა აიგოს.

402.4.3 ღია მოლის კონსტრუქცია. იატაკის ანაწყობები და სახურავის ანაწყობები ღია მოლის შენობების ღია მოლში გახსნილი უნდა იყოს გარე სივრცისკენ, არანაკლებ, 9,0 მ სიგანეზე, რაც იზომება პერპენდიკულარულად: ყველაზე დაბალ დონეზე მდებარე მფლობელობაში არსებული სივრცეების წინა მხრიდან, ზედა სართულებზე აივნის კიდიდან აივნის კიდემდე და სახურავის კიდიდან სახურავის კიდემდე. ღია მოლის საზღვრებში მდებარე ღია სივრცე ან გადაუხურავი ფართობი უნდა გაგრძლედეს ღია მოლის ყველაზე დაბალი დონიდან/მიწის დონიდან სახურავის ანაწყობის თავამდე. მოლის ზედა დონეებზე მდებარე აივნები არ უნდა იყოს შეჭრილი მოლის ღია სივრცის აუცილებელ სიგანეში.

402.4.3.1 ფეხით მოსიარულეთა ბილიკები. ფეხით მოსიარულეთა ბილიკები, რომლებიც ღია მოლში აივნებს ერთმანეთთან აკავშირებს, ფეხით მოსიარულეთა სხვა ბილიკებისგან დაშორებული უნდა იყოს, არანაკლებ, 9,0 მ-ისა.

402.5 ავტოსაშხეფი სისტემა. გადახურული ან ღია მოლის, ასევე, მათთან დაკავშირებული შენობები მთლიანად უნდა იყოს დაცული 903.3.1.1 ქვეთავის შესაბამისად დაყენებული ავტოსაშხეფი სისტემით, რომელიც უნდა აკმაყოფილებდეს ქვემოთ ჩამოთვლილ ყველა მოთხოვნას:

1.    ავტოსაშხეფი სისტემის დაყენება უნდა დასრულდეს და სისტემა შემოწმდეს მოლის შენობის მთლიან დასაკავებელ სივრცეში მფლობელობაში არსებული ნებისმიერი სივრცის დაკავებამდე. ასევე, უნდა იყოს დაცული მფლობელობაში არსებული დაუკავებელი სივრცეებიც, თუ ისინი სხვა ალტერნატიული დამცავი საშუალებით აღჭურვილი არ არის;

2.    გადახურული მოლის დამცავი საშხეფი დამოუკიდებელი უნდა იყოს მფლობელობაში არსებული სივრცეების ან მიდგმული შენობების საშხეფებისგან;

3.    ღია მოლის შენობაში მდებარე მფლობელობაში არსებული სივრცეების დამცავი საშხეფი დამოუკიდებელი უნდა იყოს მიდგმული შენობების საშხეფებისგან;

4.    დამცავი საშხეფი უნდა განთავსდეს სამიმოსვლო გარე აივნების ქვეშ, რომლებიც ღია მოლს ემიჯნება;

5.    სადაც მფლობელობაში არსებული სივრცეები ერთი და იმავე სისტემიდან მარაგდება, ისინი დამოუკიდებლად უნდა იმართებოდეს.

გამონაკლისი: ავტოსაშხეფი სისტემა საჭირო არ არის 406.5 ქვეთავის შესაბამისად აგებულ ღია ავტოსადგომი გარაჟების სივრცეებში; ასევე, გადახურული ან ღია მოლის შენობისგან 402.4.2.3 ქვეთავის მოთხოვნების შესაბამისად გამიჯნულ ფართობებზე.

402.6 შიგა მოპირკეთება. მოლის საზღვრებში, შიგა მოპირკეთება და მოწყობა სრულდება 402.6.1 – 402.6.4 ქვეთავების შესაბამისად.

402.6.1 შიგა მოპირკეთება. გადახურული მოლის შენობის მოლის საზღვრებსა და გადახურული მოლის შენობის გასასვლელების საზღვრებში შიგა კედლისა და ჭერის მოპირკეთების ალის გავრცელებისა და კვამლის წარმოქმნის ინდექსები უნდა იყოს, სულ მცირე, B კლასის, მე-8 თავის შესაბამისად. შიგა იატაკის მოპირკეთება უნდა აკმაყოფილებდეს 804-ე ქვეთავის მოთხოვნებს.

402.6.2 ჯიხურები. გადახურული მოლის შენობის მოლში ან ღია მოლის შენობის პერიმეტრის შიგნით განთავსებული ჯიხურები და მათი მსგავსი ნაგებობები (დროებითი ან მუდმივი) უნდა აკმაყოფილებდეს შემდეგ მოთხოვნებს:

1.    ჯიხურები ან სხვა ნაგებობები არ უნდა განთავსდეს გადახურულ ან ღია მოლში, თუ ისინი არ არის აგებული ქვემოთ ჩამოთვლილი რომელიმე წვადი მასალისგან:

1.1.   2303.2 ქვეთავის შესაბამისი ცეცხლმედეგობისთვის დამუშავებული ხის მასალა.

1.2.  ქაფპლასტი, რომლის სითბოს გამოყოფის მაქსიმალური ხარისხი არ აღემატება 100 კვტ/სთ-ს UL 1975-ის მიხედვით ჩატარებული ტესტისას ან NFPA 289-ის მიხედვით ჩატარებული ტესტისას, რომლის დროსაც გამოყენებულია 20 კვტ. აალების წყარო.

1.3.   ალუმინის შემცველი მასალა, რომელიც აკმაყოფილებს მე-8 თავში A კლასის შიგა მოპირკეთებისათვის განსაზღვრულ მოთხოვნებს, როდესაც მოწმდება, როგორც მაქსიმალური სისქის ანაკრები.

2.    მოლში განთავსებული ჯიხურები ან მსგავსი ნაგებობები უნდა აღიჭურვოს ავტოსაშხეფი სისტემით და ცეცხლაღმომჩენი მექანიზმებით.

3.    მოლის საზღვრებში განლაგებულ ჯიხურებს ან შეჯგუფებულ ჯიხურებსა და სხვა ნაგებობებს შორის გამიჯვნის მანძილი თარაზულად უნდა იყოს 6,0 მ.

4.    თითოეული ჯიხურის ან მსგავსი ნაგებობის, ან მათი ჯგუფის ფართობი არ უნდა აღემატებოდეს 28 მ²-ს.

402.6.3 ბავშვების სათამაშოდ მოწყობილი ნაგებობები. გადახურული მოლის შენობის მოლის საზღვრებში ან ღია მოლის შენობის საზღვრის პერიმეტრის შიგნით ბავშვების სათამაშოდ მოწყობილი ნაგებობები უნდა შეესაბამებოდეს 424-ე ქვეთავს. მოლის საზღვრებში ბავშვების სათამაშოდ მოწყობილი ნაგებობები, ჯიხურები და მსგავსი ნაგებობები უნდა გაიმიჯნოს არანაკლებ 6,0 მ თარაზული მანძილით.

402.6.4 პლასტმასის ნიშნები. პლასტმასის ნიშნები, მიმაგრებული მფლობელობაში არსებული ნებისმიერი სივრცის ფასადზე, პირით მოლის ან ღია მოლისკენ, უნდა შეიზღუდოს 402.6.4.1 – 402.6.4.5 ქვეთავების მოთხოვნების მიხედვით.

402.6.4.1 ფართობი. პლასტმასის ნიშნები არ უნდა იყოს მოლის მოპირდაპირე კედლის ფართობის 20%-ზე მეტი.

402.6.4.2 სიმაღლე და სიგანე. პლასტმასის ნიშნების სიმაღლე არ უნდა აღემატებოდეს 90 სმ-ს, გარდა იმ შემთხვევისა, როდესაც ნიშანი შვეულადაა. ასეთი ნიშნის სიმაღლე არ უნდა აღემატებოდეს 2,5 მ-ს, ხოლო სიგანე − 90 სმ-ს.

402.6.4.3 მდებარეობა. პლასტმასის ნიშნები მფლობელობაში არსებული მომიჯნავე სივრცეებიდან დაშორებული უნდა იყოს არანაკლებ 50 სმ-ით.

402.6.4.4 ქაფპლასტისგან განსხვავებული პლასტმასები. ნიშნებში გამოყენებული პლასტმასები, რომლებიც განსხვავდება ქაფპლასტისგან, უნდა იყოს 2606.4 ქვეთავით გათვალისწინებული შუქგამტარი პლასტმასი ან ATSM D 1929-ის მიხედვით შემოწმებისას უნდა ჰქონდეს 343°C ან უფრო მაღალი თვითაალების ტემპერატურა, ხოლო ATSM E 84-ის ან UL 723-ის მიხედვით შემოწმებისას ალის გავრცელების ინდექსი, არაუმეტეს, 75-ისა და კვამლის წარმოქმნის ინდექსი არაუმეტეს 450-ისა, ან NFPA 286-ის მიხედვით შემოწმებისას უნდა აკმაყოფილებდეს 803.1.2.1 ქვეთავში განსაზღვრულ მისაღებობის კრიტერიუმებს.

402.6.4.4.1 ჩარჩო. პლასტმასის ნიშნებს კიდეებზე და უკანა მხარეს ლითონის ჩარჩო უნდა ჰქონდეს.

402.6.4.5 ქაფპლასტი. ნიშნებში გამოყენებული ქაფპლასტის ალის შეკავების უნარი ისეთი უნდა იყოს, რომ NFPA 289-ის მიხედვით შემოწმებისას სითბოს გამოყოფის მაქსიმალური ხარისხი არ აღემატებოდეს 150 კვტ-ს UL 1975-ის შესაბამისად ან, 20 კვტ. აალების წყაროს გამოყენებით. ქაფპლასტის ფიზიკური მახასიათებლები უნდა შეესაბამებოდეს ამ ქვეთავის მოთხოვნებს. 402.6.4 ქვეთავის შესაბამისად განთავსებულ ნიშნებში გამოყენებული ქაფპლასტი შესაბამისობას არ საჭიროებს 2603.3 ქვეთავში განსაზღვრულ ალის გავრცელებისა და კვამლის წარმოქმნის ინდექსებთან.

402.6.4.5.1 სიმკვრივე. ნიშნებში გამოყენებული ქაფპლასტის სიმკვრივე არ უნდა იყოს 320 კგ/მ³-ზე ნაკლები.

402.6.4.5.2 სისქე. ქაფპლასტის ნიშნების სისქე არ უნდა აღემატებოდეს 1,3 სმ-ს.

402.7 საავარიო სისტემები. გადახურული და ღია მოლის შენობებში, მიდგმული შენობებსა და მათთან დაკავშირებულ ავტოსადგომ გარაჟებში 402.7.1 – 402.7.5 ქვეთავების მოთხოვნების შესაბამისი საავარიო სისტემები უნდა მოეწყოს.

402.7.1 სახანძრო მილდგარების სისტემა. გადახურული და ღია მოლის შენობები მთლიანად უნდა აღიჭურვოს სახანძრო მილდგარების სისტემით, 905.3.3 ქვეთავის შესაბამისად.

402.7.2 კვამლის კონტროლი. თუ გადახურული მოლის შენობაში არის ატრიუმი, კვამლის საკონტროლო სისტემა უნდა მოეწყოს 404.5 ქვეთავის შესაბამისად.

გამონაკლისი: გადახურული მოლის შენობებში საჭირო არ არის კვამლის საკონტროლო სისტემა, თუ ატრიუმი მხოლოდ ორ სართულს აკავშირებს.

402.7.3 სათადარიგო ელექტრომომარაგება. 4700 მ²-ზე მეტი ფართობის გადახურული მოლის შენობები და საზღვრის პერიმეტრის შიგნით 4700 მ²-ზე მეტი ღია მოლის შენობები უზრუნველყოფილი უნდა იყოს სათადარიგო ელექტრომომარაგების სისტემებით, რომელთაც შეუძლია ამუშაოს საგანგებო ხმოვანი განგაშის საკომუნიკაციო სისტემა.

402.7.4 საგანგებო ხმოვანი განგაშის საკომუნიკაციო სისტემა. თუ გადახურული მოლის შენობების ან საზღვრის პერიმეტრის შიგნით ღია მოლის შენობების იატაკის საერთო ფართობი 4700 მ²-ს აღემატება, საგანგებო ხმოვანი განგაშის საკომუნიკაციო სისტემის დაყენება აუცილებელია.

საგანგებო ხმოვანი განგაშის საკომუნიკაციო სისტემა, სავალდებულო ან არასავალდებულო, მისადგომი უნდა იყოს სახანძრო-სამაშველო დანაყოფებისთვის. სისტემები უნდა დააყენონ 907.5.2.2 ქვეთავის შესაბამისად.

402.7.5 სახანძრო-სამაშველო დანაყოფების მოწყობილობასთან მისადგომი. ოთახებს ან ფართობებს, სადაც განთავსებულია ჰაერის კონდიცირების, ავტომატური ცეცხლსაქრობი და ავტოსაშხეფი სისტემები ან სხვა აღმომჩენი, ცეცხლსაქრობი ან მაკონტროლებელი ელემენტები, უნდა ჰქონდეს ამოსაცნობი ნიშნები სახანძრო-სამაშველო დანაყოფებისთვის.

402.8 გასასვლელი საშუალებები. გადახურული მოლის შენობებში, ღია მოლის შენობებსა და მოლის შენობაში მდებარე მფლობელობაში არსებულ თითოეულ სივრცეში უნდა მოეწყოს ამ ქვეთავითა და წესებით მოთხოვნილი გასასვლელი საშუალებები. როდესაც წესებისა და 402.8.1 – 402.8.8 ქვეთავების მოთხოვნები ერთმანეთს ეწინააღმდეგება, მოქმედებს 402.8.1 – 402.8.8 ქვეთავების მოთხოვნები.

402.8.1 მოლის სიგანე. აუცილებელი გასასვლელის უზრუნველსაყოფად, დასაშვებია მოლები ჩაითვალოს დერეფნებად, მაგრამ აუცილებელი არ არის, წესების 1005.1 ქვეთავის მოთხოვნებს აკმაყოფილებდეს, თუ მოლის სიგანე ამ ქვეთავში განსაზღვრულ სიგანეს შეესაბამება.

402.8.1.1 მინიმალური სიგანე. გადახურული ან ღია მოლის შენობებში მოლის თავისუფალი სავალი მინიმალური სიგანე 6,0 მ უნდა იყოს და დამკავებელთა დატვირთვას იტევდეს. სავალის მინიმალური სიგანე მოლის არცეთ მონაკვეთში არ უნდა იყოს 3,0 მ-ზე ნაკლები, რაც იზომება 2,5 მ სიმაღლემდე  მფლობელობაში არსებული მოლის მომიჯნავე სივრცის ნებისმიერ ნაშვერსა და უახლოეს ჯიხურს, სავაჭრო/სათამაშო ავტომატს, ძელსკამს, საგამოფენო ღიობს, კვების ადგილს ან გასასვლელისაკენ მიმავალ გზაზე არსებულ სხვა დაბრკოლებას შორის.

402.8.2 დაკავებულობის დატვირთვის განსაზღვრა. გადახურული ან ღია მოლის შენობებში მდებარე ინდივიდუალური მფლობელობაში არსებული ნებისმიერი სივრცისთვის დასაშვები დაკავებულობის დატვირთვა უნდა განისაზღვროს წესების შესაბამისად. მფლობელობაში არსებულ ცალკეულ სივრცეებში გასასვლელი საშუალებების მიმართ მოთხოვნები ეფუძნება დაკავებულობის ამგვარად განსაზღვრულ დატვირთვას.

402.8.2.1 დაკავებულობის დატვირთვის გამოსათვლელი ფორმულა. მოლის  გასასვლელი საშუალებების განსაზღვრისას დაკავებულობის დატვირთვა, რაზეც გათვლილია გასასვლელი საშუალებები, დამოკიდებულია გადახურული ან ღია მოლის შენობის (მიდგმული შენობების გარდა) გასაქირავებელ მთლიან ფართობსა და დაკავებულობის დატვირთვის ფაქტორზე, რაც გამოითვლება შემდეგი განტოლებით:

დდფ  =  (0,00007) (მგფ) + 2,3 მ²                                      (განტოლება 4-1)

სადაც:

დდფ  =  დაკავებულობის დატვირთვის ფაქტორი (კვადრატული მეტრი კაცზე)

მგფ = გასაქირავებელი მთლიანი ფართობი (კვადრატული მეტრი).

გამონაკლისი: გადახურულ ან ღია მოლის შენობაზე მიდგმული მფლობელობაში არსებული სივრცეები, რომელთა გასასვლელი საშუალებების სისტემა ღია მოლის შენობის ღია მოლისგან ან გადახურული მოლის შენობისგან მთლიანად დამოუკიდებელია, მოლის შენობისთვის აუცილებელი გასასვლელი საშუალებების გათვლისას გასაქირავებელ მთლიან ფართობად არ ითვლება.

402.8.2.2 დდფ-ის დიაპაზონი. დაკავებულობის დატვირთვის ფაქტორი სავალდებულო არ არის, 2,8 მ²-ზე ნაკლები იყოს და 4,7 მ²-ს არ უნდა აღემატებოდეს.

402.8.2.3 მიდგმული შენობები. მოლის დამკავებელთა საერთო რაოდენობის გამოთვლისას მოლისკენ ღია მიდგმული შენობის დაკავებულობის დატვირთვა არ გაითვალისწინება.

402.8.2.4 კვების ადგილები. კვების ადგილის დაკავებულობის დატვირთვა უნდა განისაზღვროს 1004-ე ქვეთავის შესაბამისად. მოლის გასასვლელი საშუალებების მიმართ მოთხოვნების განსაზღვრის მიზნით კვების ადგილის დაკავებულობის დატვირთვა უნდა დაემატოს გადახურული ან ღია მოლის შენობის დაკავებულობის დატვირთვას, რომელიც გამოთვლილია ზემოთ მოცემული განტოლების მიხედვით.

402.8.3 გასასვლელი საშუალებების რაოდენობა. თუ მფლობელობაში არსებული სივრცის ნებისმიერი ადგილიდან მოლამდე სავალი მანძილი, რომელსაც იყენებენ ადამიანები, გარდა თანამშრომლებისა, 23,0 მ-ს აღემატება ან თუ მფლობელობაში არსებული სივრცის დაკავებულობის დატვირთვა 50 ან მეტია, გასასვლელი საშუალება ორზე ნაკლები არ უნდა იყოს.

402.8.4 გასასვლელი საშუალებების განლაგება. გადახურული მოლის შენობაში განთავსებული თავშეყრის დაკავებულობები, სადაც დაკავებულობის დატვირთვა 500 ან მეტია, ისე უნდა განლაგდეს, რომ შესასვლელი უშუალოდ მოლის მთავარ შესასვლელს ემიჯნებოდეს და მათი აუცილებელი გასასვლელი საშუალებების, არანაკლებ, ნახევრისა გახსნილი იყოს გადახურული მოლის შენობის გარეთა მხარისკენ. ღია მოლის შენობის საზღვრის პერიმეტრში მოქცეული თავშეყრის დაკავებულობების მთავარი გასასვლელი დასაშვებია, გახსნილი იყოს ღია მოლისკენ.

402.8.4.1 მიდგმული შენობის გასასვლელი საშუალებები. მიდგმული შენობების აუცილებელი გასასვლელი საშუალებები მოლის გასასვლელი საშუალებების სისტემისგან დამოუკიდებლად უნდა მოეწყოს. მოლისკენ გახსნილი მიდგმული შენობების დაკავებულობის დატვირთვა არ გაითვალისწინება მოლის გასასვლელი საშუალებების მიმართ მოთხოვნების განსაზღვრისას. მოლების გასასვლელისაკენ მიმართული გზა არ უნდა გადიოდეს მასზე მიდგმული შენობების გავლით. მოლები, რომლებიც მიდგმულ შენობებთან მთავრდება და გარდა მიდგმულ შენობაში არსებული გასასვლელი საშუალებებისა არ გააჩნია სხვა გასასვლელი საშუალებები, ჩიხურ მოლებად მიიჩნევა.

402.8.5 მანძილი გასასვლელებამდე. გადახურული ან ღია მოლის შენობაში, მფლობელობაში არსებული თითოეული სივრცის ნებისმიერი წერტილიდან მოლის გასასვლელამდე ან მოლში შესასვლელმდე სავალი მანძილი არ უნდა აღემატებოდეს 60 მ-ს.

გადახურული მოლის შენობის მოლის ნებისმიერი წერტილიდან გასასვლელამდე სავალი მანძილი 60 მ-ს არ უნდა აღემატებოდეს. ღია მოლიდან ღია მოლის შენობის საზღვრის პერიმეტრამდე მაქსიმალური სავალი მანძილი 60 მ-ს არ უნდა აღემატებოდეს.

402.8.6 გასასვლელებთან მისადგომობა. ერთზე მეტი გასასვლელის საჭიროების შემთხვევაში, ისინი ისე უნდა მოეწყოს, რომ შესაძლებელი იყოს გადახურული მოლის შენობის მოლის ნებისმიერი წერტილიდან ცალკე-ცალკე გასასვლელებისაკენ ნებისმიერი მიმართულებით წასვლა, ასევე, ღია მოლის შენობის ღია მოლის ნებისმიერი წერტილიდან პერიმეტრის ხაზზე მდებარე ორი სხვადასხვა მიმართულებით წასვლა, თუ არცერთი ამ მიმართულებით მიდგმული შენობის ან ავტოსადგომი გარაჟის გარე კედელი არ არის. მოლიდან გასასვლელის გზა-დერეფნის ან დერეფნის სიგანე 1,7 მ-ზე ნაკლები არ უნდა იყოს.

გამონაკლისი: გასასვლელებთან მიდგომა დასაშვებია ჩიხური მოლების საშუალებით, რომელთა სიგრძე არ აღემატება მოლის ორმაგ სიგანეს. ეს სიგანე იზომება მოლის ჩიხური ნაწილის ყველაზე ვიწრო მონაკვეთში.

402.8.6.1 გასასვლელის გზა-დერეფნები. თუ მფლობელობაში არსებული სივრცისთვის დამხმარე გასასვლელ საშუალებებს უზრუნველყოფს გასასვლელის გზა-დერეფნები, მათი გზა-კარები დაცული უნდა იყოს ერთ-საათიანი ცეცხლმედეგობის მქონე კარის ანაწყობით, რომელიც ან თავისით იხურება, ან, კვამლის აღმოჩენის შემთხვევაში − ავტომატურად, 716.5.9.3 ქვეთავის შესაბამისად.

402.8.7 გასასვლელის გზა-დერეფნებში გამომავალი მომსახურებისათვის საჭირო ფართობები. ტექნიკური ოთახები, ელექტროაღჭურვილობის ოთახები, შენობის მომსახურებისათვის საჭირო ფართობები და სატვირთო ლიფტები შესაძლებელია პირდაპირ გასასვლელის გზა-დერეფნებში გამოდიოდეს, თუ ისინი ამგვარი ოთახებისგან გამოყოფილია 707-ე ქვეთავის შესაბამისად აგებული, არანაკლებ, ერთსაათიანი ცეცხლმედეგი ზღუდეებით ან 711-ე ქვეთავის შესაბამისად აგებულია თარაზული ანაწყობებით, ან ორივეთი ერთად. ცეცხლმედეგი ზღუდეების ღიობების ცეცხლისაგან დაცვის ხარისხი 1 საათზე ნაკლები არ უნდა იყოს.

402.8.8 დამცავი გისოსები და კარები. თარაზულად ან შვეულად მოსრიალე დამცავი გისოსები ან კარები, რომლებიც აუცილებელი გასასვლელი საშუალებების ნაწილია, უნდა შეესაბამებოდეს შემდეგ მოთხოვნებს:

1. ხალხის მიერ ფართობის დაკავების მთელი დროის განმავლობაში დამცავი გისოსები და კარები ბოლომდე გახსნილ მდგომარეობაში უნდა იყოს.

2. კარები ან გისოსები არ უნდა დაიხუროს, თუ დაკავებულ სივრცეებს ემსახურება მხოლოდ ერთი გასასვლელი და მას 10 ან მეტი ადამიანი იყენებს, ან კიდევ ემსახურება ერთზე მეტი გასასვლელი და მათ 50 ან მეტი ადამიანი იყენებს.

3. სივრცის დაკავების დროს კარების ან გისოსების გაღება უნდა შეეძლოს ყველას, სპეციალური ცოდნისა და ძალისხმევის გარეშე.

4. როცა აუცილებელია ორი ან მეტი გასასვლელის არსებობა, დასაშვებია გასასვლელების, არაუმეტეს, ნახევარისა თარაზულად მოსრიალე ან შვეულად მგორავი გისოსი ან კარები იყოს.

ქვეთავი  403 − მაღლივი შენობები

403.1 გამოყენება. მაღლივი შენობები უნდა შეესაბამებოდეს 403.2 – 403.6 ქვეთავებს.

გამონაკლისი: 403.2 – 403.6 ქვეთავების დებულებები არ ეხება შემდეგ შენობებსა და ნაგებობებს:

1.    412.3 ქვეთავის შესაბამის აეროპორტის სადიპეტჩერო ანძებს.

2.    406.3 ქვეთავის შესაბამის ღია ავტოსადგომ გარაჟებს.

3.    303.6 ქვეთავის შესაბამის თვ-5 ჯგუფის დაკავებულობების შემცველ შენობებს.

4.    503.1.1 ქვეთავის შესაბამის სპეციალურ სამრეწველო დაკავებულობებს.

5.    დსშ-1, დსშ-2 ან დსშ-3 ჯგუფის დაკავებულობებს, 415-ე ქვეთავის შესაბამისად.

     403.2 კონსტრუქცია. მაღლივი შენობები 403.2.1 – 403.2.4 ქვეთავების დებულებების შესაბამისად უნდა აშენდეს.

403.2.1 ცეცხლმედეგობის ხარისხის შემცირება. 403.3.1 და 403.3.2 ქვეთავებში ჩამოთვლილი ცეცხლმედეგობის ხარისხების შემცირება დასაშვებია შენობებში, სადაც ყველა სართულზე არის საშხეფის საკონტროლო სარქველები, აღჭურვილი საკონტროლო აპარატურის ასამოქმედებელი და წყლის ჭავლის გამშვები მექანიზმებით.

403.2.1.1 კონსტრუქციის ტიპი. 601-ე ცხრილში შენობის ელემენტებისათვის განსაზღვრული მინიმალური ცეცხლმედეგობის ხარისხის შემცირება დასაშვებია შემდეგნაირად:

1. არაუმეტეს 130 მეტრი სიმაღლის შენობებში IA ტიპის კონსტრუქციის შენობის ელემენტების ცეცხლმედეგობის ხარისხი დასაშვებია, IB ტიპის კონსტრუქციის შენობის ელემენტებისთვის განსაზღვრულ მინიმალურ ცეცხლმედეგობის ხარისხამდე შემცირდეს.

1.    გამონაკლისი: დაუშვებელია იატაკის საყრდენი სვეტების აუცილებელი ცეცხლმედეგობის ხარისხის შემცირება.

2.    სმ-1, სვ და სწ-1 ჯგუფების გარდა, IB ტიპის კონსტრუქციის შენობის ელემენტების ცეცხლმედეგობის ხარისხი დასაშვებია, IIA ტიპის კონსტრუქციის ცეცხლმედეგობის ხარისხამდე შემცირდეს.

3.    ცეცხლმედეგობის შემცირებულხარისხიანი ელემენტების შემცველ შენობაში სიმაღლისა და ფართობის ისეთივე შეზღუდვებია დასაშვები, როგორიც შენობისთვის, სადაც ხარისხი არ შემცირებულა.

403.2.1.2 შახტის შემომზღუდავები. არაუმეტეს, 130 მეტრი სიმაღლის შენობებში, სადაც ავტოსაშხეფი დაყენებულია შახტების თავზე და ყოველი მეორე სართულის იატაკის დონეებზე, შვეული შახტების შემომზღუდავი ცეცხლმედეგი ზღუდეების (გარდა გასასვლელებისა და ლიფტის შახტის შემომზღუდავებისა) ცეცხლმედეგობის აუცილებელი ხარისხის შემცირება დასაშვებია ერთ საათამდე.

403.2.2 სეისმომედეგობის შეფასება. სეისმომედეგობის შეფასება უნდა განხორციელდეს კანონმდებლობის შესაბამისად.

403.2.3 გასასვლელის შემომზღუდავებისა და ლიფტის შახტის შემომზღუდავების სტრუქტურული მთლიანობა. 1604.5 ქვეთავის მიხედვით III ან IV რისკის კატეგორიას მიკუთვნებული მაღლივი შენობები და 130 მ-ზე მაღალი ყველა შენობისთვის, შიგა გასასვლელის გზა-კიბეებისა და ლიფტის შახტის შემომზღუდავები უნდა შეესაბამებოდეს 403.2.3.1 – 403.2.3.4 ქვეთავებს.

403.2.3.1 კედლის ანაწყობი. შიგა გასასვლელის გზა-კიბის და ლიფტის შახტის შემომზღუდავების წარმომქმნელი კედლის ანაწყობები უნდა შეესაბამებოდეს ან აღემატებოდეს რბილი სხეულის ზემოქმედების კლასიფიცირების მე-2 დონეს, რაც იზომება ASTM C 1629/C 1629M-ში აღწერილი ტესტის მეთოდით.

403.2.3.2 კედლის ანაწყობის მასალები. კედლის ანაწყობის წინა პირი, რომელიც ქმნის შიგა გასასვლელის გზა-კიბისა და ლიფტის შახტის შემომზუღავებს და შიგა გასასვლელის გზა-კიბეების ან ლიფტის შახტის შემომზღუდავის შიგა მხარესთან არ არის შეხებაში, უნდა აიგოს ჩამოთვლილი მეთოდებიდან ერთ-ერთით:

1. კედლის ანაწყობი უნდა შეიცავდეს ზემოქმედებაზე მედეგი სამშენებლო ფილის, არანაკლებ, ორ შრეს, რომლებიც უნდა შეესაბამებოდეს ან აღემატებოდეს მაგარი სხეულის ზემოქმედების კლასიფიცირების მე-2 დონეს, რომელიც იზომება ASTM C 1629/C 1629M-ში აღწერილი ტესტის მეთოდით.

2. კედლის ანაწყობი უნდა შეიცავდეს ზემოქმედებაზე მედეგი სამშენებლო ფილის, არანაკლებ, ერთ შრეს, რომლებიც უნდა შეესაბამებოდეს ან აღემატებოდეს მაგარი სხეულის ზემოქმედების კლასიფიცირების მე-3 დონეს, რომელიც იზომება ASTM C 1629/C 1629M-ში აღწერილი ტესტის მეთოდით.

3. კედლის ანაწყობი შეიცავს ნებისმიერი მასალის რამდენიმე შრეს, რომლებიც მოწმდება ერთობლივად და შეესაბამება ან აღემატება მაგარი სხეულის ზემოქმედების კლასიფიცირების მე-3 დონეს, რომელიც იზომება ASTM C 1629/C 1629M-ში აღწერილი ტესტის მეთოდით.

403.2.3.3 ბეტონისა და წყობის კედლები. ბეტონის ან წყობის კედლები უნდა აკმაყოფილებდეს 403.2.3.1 და 403.2.3.2 ქვეთავების მოთხოვნებს.

403.2.3.4 კედლის სხვა ანაწყობები. დასაშვებია კედელის ნებისმიერი სხვა ანაწყობი, რომელიც უზრუნველყოფს 403.2.3.1 და 403.2.3.2 ქვეთავებში მოთხოვნილის შესაბამის მედეგობას ზემოქმედებაზე მაგარი სხეულის ზემოქმედების კლასიფიცირების მე-3 დონის მისაღწევად, რაც იზომება ASTM C 1629/C 1629M-ში აღწერილი ტესტის მეთოდით.

403.2.4 სასხურებელი ცეცხლმედეგი მასალები. მთელ შენობაში გამოყენებული სასხურებელი ცეცხლმედეგი მასალების მოჭიდების სიმტკიცე უნდა შეესაბამებოდეს 403.2.4 ცხრილს.

ცხრილი 403.2.4

მიკვრის მინიმალური სიმტკიცე

შენობის სიმაღლეა	სასხურებელი ცეცხლმედეგი მასალის მოჭიდების სიმტკიცე
130 მ-მდე	20,59 კვტ./მ2.
130 მ-ის ზემოთ	47,9 კვტ./მ2.

ა. სახანძრო-სამაშველო დანაყოფის მანქანის ყველაზე დაბალი მისადგომი დონის ზემოთ.

403.3 ავტოსაშხეფი სისტემა. შენობები და ნაგებობები მთლიანად უნდა აღიჭურვოს  903.3.1.1 ქვეთავის შესაბამისად დაყენებული ავტოსაშხეფი სისტემით და 903.3.5.2 ქვეთავის მოთხოვნის შემთხვევაში − მეორადი წყალმომარაგებით.

გამონაკლისი: ავტოსაშხეფი სისტემა საჭირო არ არის შემდეგ სივრცეებსა და ფართობებზე:

1.    406.3 ქვეთავის შესაბამისი ღია ავტოსადგომი გარაჟები.

2.    რომლებიც გამოიყენება მხოლოდ სატელეკომუნიკაციო აპარატურისათვის, მასთან დაკავშირებული ელექტროენერგიის გამანაწილებელი მოწყობილობისთვის, აკუმლატორებისა და სათადარიგო ძრავებისთვის, თუ ეს სივრცეები და ფართობები აღჭურვილია ცეცხლაღმომჩენი ავტომატური სისტემით 907.2 ქვეთავის შესაბამისად. ეს სივრცეები და ფართობები შენობის დანარჩენი ნაწილისაგან გამიჯნულია 707-ე ქვეთავის შესაბამისად აგებული, არანაკლებ, 1-საათიანი  ცეცხლმედეგი ზღუდეებით ან 711-ე ქვეთავის შესაბამისად აგებული, არანაკლებ, ორ-საათიანი ცეცხლმედეგობის ხარისხიანი თარაზული ანაწყობებით, ან ორივეთი.

403.3.1 საშხეფის დგარების რაოდენობა და სისტემის დაგეგმარება. 130 მ-ზე მაღალ შენობებში საშხეფი სისტემის თითოეული ზონა წყლით უნდა მარაგდებოდეს, სულ მცირე, ორი დგარიდან. თითოეული დგარიდან უნდა მარაგდებოდეს საშხეფები ზედა და ქვედა სართლებზე. თუ ზონაში ორზე მეტი დგარია, მომიჯნავე სართულების საშხეფები არ უნდა მარაგდებოდეს ერთი და იმავე დგარიდან.

403.3.1.1 დგარის მდებარეობა. საშხეფების დგარები უნდა განთავსდეს მოშორებით მდებარე შიგა გასასვლელის გზა-კიბეებსა და პანდუსებზე, 1015.2 ქვეთავის შესაბამისად.

403.3.2 წყალმომარაგება აუცილებელი სახანძრო ტუმბოებისათვის. აუცილებელი სახანძრო ტუმბოები უნდა უერთდებოდეს სხვადასხვა ქუჩაზე მდებარე, სულ მცირე, ორ მაგისტრალურ წყალსადენს. მაგისტრალურ წყალსადენსა და მისაერთებლებს, ასევე, ტუმბოებსა და მისაერთებლებს შორის გაყვანილი უნდა იყოს ცალკე მომმარაგებელი მილსადენი. თითოეული მისაერთებელი, ასევე, მისაერთებელსა და ტუმბოს შორის გაყვანილი მომმარაგებელი მილსადენი ისეთი ზომის უნდა იყოს, რომ უზრუნველყოს ტუმბოს (საქაჩის) მუშაობისათვის აუცილებელი ჭავლი და წნევა.

გამონაკლისი: დასაშვებია, ერთსა და იმავე ძირითად წყალსადენ მილს ჰქონდეს ორი მისაერთებელი, თუ იგი აღჭურვილია სარქვლით, რომელიც უზრუნველყოფს წყლის შეუფერხებლად მიეწოდებას, სულ მცირე, ერთი მისაერთებელი საშუალებით.

403.3.3 სახანძრო ტუმბოს ოთახი. სახანძრო ტუმბოები უნდა განთავსდეს ოთახებში, რომლებიც დაცულია 913.2.1 ქვეთავის მოთხოვნების შესაბამისად.

403.4 საავარიო სისტემები. აღმომჩენი, განგაშისა და საავარიო სისტემები მაღლივ შენობებში უნდა შეესაბამებოდეს 403.4.1 – 403.4.8 ქვეთავებს.

403.4.1 კვამლაღმომჩენი. კვამლაღმომჩენი უნდა მოეწყოს 907.2.13.1 ქვეთავის შესაბამისად.

403.4.2 სახანძრო განგაშის სისტემა. სახანძრო განგაშის სისტემა უნდა მოეწყოს 907.2.13 ქვეთავის შესაბამისად.

403.4.3 სახანძრო მილდგარების სისტემა. მაღლივი შენობა უნდა აღიჭურვოს 905.3 ქვეთავის მოთხოვნების შესაბამისი სახანძრო მილდგარების სისტემით.

403.4.4 საგანგებო ხმოვანი განგაშის საკომუნიკაციო სისტემა. საგანგებო ხმოვანი განგაშის საკომუნიკაციო სისტემა უნდა მოეწყოს 907.5.2.2 ქვეთავის შესაბამისად.

403.4.5  ხანძრის საკონტროლო ცენტრი.  911-ე ქვეთავის შესაბამისი ხანძრის საკონტროლო ცენტრის განთავსების ადგილი თანხმდება სახანძრო-სამაშველო დანაყოფთან.

403.4.6 კვამლის გაწოვა. იმისათვის, რომ გამარტივდეს კვამლის გაწოვა ხანძრის შემდგომ ქონების გადარჩენისა და შესამოწმებელი სამუშაოების დროს, შენობები და ნაგებობები უნდა აღიჭურვოს ბუნებრივი და მექანიკური სანიავებელი სისტემებით, საიდანაც გაიწოვება წვის პროდუქტები. ასეთი სანიავებელი სისტემა ქვემოთ ჩამოთვლილ ნიშანთაგან ერთ-ერთს უნდა აკმაყოფილებდეს:

1. უნდა იყოს ადვილად ამოსაცნობი, ხელით გასაღები ფანჯრები ან პანელები თითოეული იატაკის პერიმეტრზე არაუმეტეს 15 მ-ის დაშორებებით უნდა განაწილდეს.

2. გასაღები ფანჯრების ან პანელების ფართობი პერიმეტრის ყოველ 15 მ-ზე 3,7 მ²-ზე ნაკლები  არ უნდა იყოს.

გამონაკლისი:

1. სც-1 ჯგუფის დაკავებულობებში თითოეული საძინებელი ერთეული ან ოთახების ბლოკი, რომელსაც გარე კედელი აქვს, დასაშვებია უზრუნველყოფილი იყოს 0,2 მ² საჰაერო ფართობით 1-ელ პუნქტში განსაზღვრული ფართობის ნაცვლად.

2.  ფანჯრები დასაშვებია იყოს ყრუ, თუ მეხანძრეები მინების ამოღებას შეძლებენ.

3. ჰაერის გადამამუშავებელი მექნიკური მოწყობილობა, რომელიც მოცემულ ფართობზე ყოველ 15 წუთში ჰაერცვლას უზრუნველყოფს. გადამუშავებული და გაწოვილი ჰაერი პირდაპირ გარეთ უნდა გავიდეს, რათა შენობის სხვა ნაწილებში მისი რეცირკულირება არ მოხდეს.

4. ნებისმიერი სხვა აღიარებული გეგმა, რომელსაც იგივე შედეგები ექნება.

403.4.7 სათადარიგო ელექტრომომარაგება. 403.4.7.2 ქვეთავში განსაზღვრული სათადარიგო ენერგოდატვირთვებისათვის უზრუნველყოფილი უნდა იყოს 1703-ე ქვეთავის შესაბამისი სათადარიგო ენერგომომარაგების სისტემა. თუ მაღლივი შენობების ლიფტები უზღუნველყოფენ გასასვლელი საშუალებების მისაწვდომობას შეზღუდული შესაძლებლობების მქონე პირებისთვის, შენობა მისადგომი იყოს სახანძრო-სამაშველო დანაყოფებისთვის ან დამკავებლებმა შეძლონ თვითევაკუაცია, სათადარიგო ელექტრომომარაგების სისტემა ასევე უნდა აკმაყოფილებდეს 1007.4, 1707-ე ან 1708-ე ქვეთავების შესაბამის მოთხოვნებს.

403.4.7.1 სათადარიგო ელექტრომომარაგების სისტემების მიმართ არსებული სპეციალური მოთხოვნები. თუ სათადარიგო სისტემა შენობის შიგნით განთავსებულ გენერატორია, სისტემა უნდა მდებარეობდეს ცალკე ოთახში, რომელიც შემოსაზღვრული უნდა იყოს 707-ე ქვეთავის მიხედვით აგებული 2-საათიანი ცეცხლმედეგი ზღუდეებით, ან 711-ე ქვეთავის მიხედვით აგებული თარაზული ანაწყობებით, ან ორივეთი ერთად. სისტემის ზედამხედველობა უნდა განხორციელდეს ხელით ასამუშავებელი და გადამცემი საშუალებებით, რომლებიც ხანძრის საკონტროლო ცენტრში მდებარეობს.

403.4.7.2 სათადარიგო ელექტროდატვირთვა. ქვემოთ ჩამოთვლილი კლასიფიცირდება, როგორც სათადარიგო ელექტოდატვირთვა:

1.    ელექტროენერგია და განათება 403.4.6 ქვეთავით მოთხოვნილი ხანძრის საკონტროლო ცენტრისთვის;

2.    განიავებისა და ცეცხლის ავტომატური აღმომჩენი მოწყობილობები დაუკვამლიანებელი შემოზღუდული სივრცეებისთვის;

3.    ლიფტები.

403.4.8  საავარიო ელექტრომომარაგების სისტემები. 403.4.8.1 ქვეთავში განსაზღვრული საავარიო ელექტროდატვირთვისთვის უზრუნველყოფილი უნდა იყოს სათადარიგო ელექტრომომარაგების სისტემა.

403.4.9.1  საავარო ელექტროდატვირთვა. ქვემოთ ჩამოთვლილი კლასიფიცირდება, როგორც  საავარიო ელექტროდატვირთვა:

1.    გასასვლელების ნიშნების და გასასვლელი საშუალებების განათება, მე-10 თავის მოთხოვნების შესაბამისად;

2.    ლიფტის კაბინის განათება;

3.    საგანგებო ხმოვანი განგაშის საკომუნიკაციო სისტემები;

4.    ცეცხლის ავტომატური აღმომჩენი სისტემები;

5.    სახანძრო განგაშის სისტემები;

6.    ელექტროენერგიაზე მომუშავე სახანძრო ტუმბოები (საქაჩები).

403.5 გასასვლელი საშუალებები და ევაკუაცია. მაღლივ შენობებში გასასვლელი საშუალებები უნდა შეესაბამებოდეს 403.5.1 – 403.5.6 ქვეთავებს.

403.5.1 შიგა გასასვლელის გზა-კიბეების დაშორებულობა. აუცილებელი შიგა გასასვლელის გზა-კიბეები ერთმანეთისგან უნდა გაიმიჯნოს, არანაკლებ, 9,0 მეტრით ან შენობის ან ფართობის საერთო დიაგონალის მაქსიმალური სიგრძის, არანაკლებ, მეოთხედით, რომელიც ნაკლები იქნება. მანძილი უნდა გაიზომოს სწორხაზოვნად შიგა გასასვლელის გზა-კიბეებთან ყველაზე ახლოს მდებარე წერტილებს შორის. შენობებში სამი ან მეტი შიგა გზა-კიბის შემთხვევაში, სულ მცირე, ორი უნდა შეესაბამებოდეს ამ ქვეთავს. ურთიერთგადამკვეთი ან მაკრატელა კიბეები ერთ გასასვლელ გზა-კიბედ უნდა ჩაითვალოს.

403.5.2 დამატებითი გასასვლელის გზა-კიბე. სც-2 ჯგუფისგან განსხვავებულ შენობებში, რომლებიც 130 მ-ზე მაღალია, 1021.1 ქვეთავით მოთხოვნილი გასასვლელების მინიმალური რაოდენობის გარდა, უზრუნველყოფილი უნდა იყოს გასასვლელის ერთი დამატებითი გზა-კიბე, რომელიც აკმაყოფილებს 1009-ე და 1022-ე ქვეთავების მოთხოვნებს.  ამ დამატებითი გზა-კიბის გამოკლებით, დანარჩენი გზა-კიბეების ნებისმიერი კომბინაციის საერთო სიგანე არ უნდა იყოს 1005.1 ქვეთავში განსაზღვრულ საერთო სიგანეზე ნაკლები. ორმხრივი/მაკრატელა კიბეები არ უნდა ჩაითვალოს გასასვლელის დამატებით  გზა-კიბედ, რომელსაც ეს ქვეთავი მოითხოვს.

გამონაკლისი:  გასასვლელის დამატებითი გზა-კიბის მოწყობა აუცილებელი არ არის შენობებში, სადაც არსებობს ლიფტები, რომელთა საშუალებით დამკავებლები შეძლებენ თვითევაკუაციას 3008-ე ქვეთავის შესაბამისად.

403.5.3 გზა-კიბის კარის მუშაობა. გზა-კიბის კარები, გარდა შენობიდან გამოსასვლელი კარებისა, დასაშვებია იკეტებოდეს გზა-კიბის მხრიდან. ამ მხრიდან ჩაკეტილი გზა-კიბის კარების გაღება შესაძლებელი უნდა იყოს საკეტის გაღების გარეშე ხანძრის მართვის ცენტრიდან სიგნალის მისვლისთანავე.

403.5.3.1 გზა-კიბის საკომუნიკაციო სისტემა. აღიარებულ მუდმივად მომუშავე სადგურთან დაკავშირებული სატელეფონო ან სხვა ორმხრივი კავშირის სისტემა უნდა დააყენონ თითოეულ აუცილებელ ჩაკეტილკარებიან გზა-კიბეზე, არანაკლებ, ყოველ მეხუთე სართულზე.

403.5.4 გასასვლელის კვამლგაუმტარი შემომზღუდავები. სახანძრო მანქანის მისადგომის ყველაზე დაბალი დონიდან 23 მ-ის ზევით მდებარე სართულების მომსახურე თითოეული აუცილებელი გასასვლელის გზა-კიბე 909.20 და 1022.10 ქვეთავებს უნდა შეესაბამებოდეს.

403.5.5 გასასვლელის ბილიკის განათებული აღნიშვნები. გასასვლელის ბილიკის განათებული აღნიშვნები 1024-ე ქვეთავის მოთხოვნებს უნდა შეესაბამებოდეს.

403.5.6 საავარიო და სამაშველო გასასვლელები. 1029-ე ქვეთავის მიხედვით გასაზღვრული საავარიო და სამაშველო გასასვლელების ღიობები აუცილებელი არ არის.

403.6 ლიფტები. მაღლივ შენობებში ლიფტები უნდა დააყენონ და მუშაობდეს მე-17 თავისა და 403.6.1 და 403.6.2 ქვეთავების შესაბამისად.

403.6.1 სახანძრო-სამაშველო დანაყოფის მისადგომი ლიფტი. შენობებში, რომლის დაკავებული იატაკი სახანძრო მანქანის მისადგომი ყველაზე დაბალი დონიდან 37 მ-ზე მაღლაა, უნდა არსებობდეს სახანძრო-სამაშველო დანაყოფისთვის მისადგომი, არანაკლებ, ორი ლიფტისა და თუ მათი რაოდენობა განსაზღვრულზე ნაკლებია, ყველა ლიფტი 1707-ე ქვეთავის მოთხოვნებს უნდა შეესაბამებოდეს. სახანძრო-სამაშველო დანაყოფისთვის მისადგომი, არანაკლებ, ორი ლიფტის ტვირთამწეობა, სულ მცირე, 1600 კგ უნდა იყოს.

403.6.2 დამკავებლების საევაკუაციო ლიფტები. 1708-ე ქვეთავის შესაბამისად დაყენებისას დამკავებელთა თვითევაკუაციისთვის დასაშვებია საერთო გამოყენების სამგზავრო ლიფტების გამოყენება.

ქვეთავი  404 − ატრიუმები

404.1 ზოგადი.  404.1 – 404.9 ქვეთავების  დებულებები გამოიყენება ისეთი შენობების ან ნაგებობებისათვის, რომლებიც შეიცავს შვეულ ღიობებს. ეს ღიობები აქ განსაზღვრულია, როგორც „ატრიუმები“. გამონაკლისია დსშ ჯგუფის დაკავებულობები და 712.1.6 ქვეთავით  ნებადართული შემთხვევები.

404.1.1 განმარტება. ქვემოთ ჩამოთვლილი ტერმინები განმარტებულია მე-2 თავში:

ატრიუმი

404.2 გამოყენება. ატრიუმის იატაკი უნდა მოეწყოს, სახანძრო თვალსაზრისით, მცირე საფრთხის შემცველი მასალებითა და დეკორაციებით.

გამონაკლისი: თუ ატრიუმის იატაკის ფართობი 903.3.1.1 ქვეთვის შესაბამისად დაყენებული, საკუთარი ავტოსაშხეფი სისტემითაა დაცული, მაშინ მისი გამოყენება ნებისმიერი მიზნით არის შესაძლებელი.

404.3 დაცვა ავტოსაშხეფი საშუალებით. ავტოსაშხეფი სისტემა უნდა დააყენონ მთელ შენობაში.

გამონაკლისი:

1.    შენობის ფართობს, რომელიც ატრიუმის მომიჯნავედ ან მის ზემოთ მდებარეობს, საშხეფი არ სჭირდება, თუ შენობის ეს ნაწილი გამოყოფილია ატრიუმიანი ნაწილიდან 707-ე ქვეთავის შესაბამისად აგებული, არანაკლებ, 2-საათიანი ცეცხლმედეგი ზღუდეებით ან 711-ე ქვეთავის შესაბამისად აგებული თარაზული ანაწყობებით ან ორივეთი.

2.    2110-ე ქვეთავის მიხედვით აგებული მინაბლოკით აწყობილი კედელი, რომელსაც ¾-საათიანი ცეცხლმედეგობის ხარისხი აქვს.

3.    სადაც ატრიუმის ჭერი იატაკიდან 17 მ-ზე მაღლაა, დამცავი საშხეფის ატრიუმის ჭერთან დაყენება საჭირო არ არის.

404.4 სახანძრო განგაშის სისტემა. სახანძრო განგაშის სისტემა უნდა მოეწყოს 907.2.14 ქვეთავის შესაბამისად.

404.5 კვამლის კონტროლი. კვამლის საკონტროლო სისტემა უნდა დააყენონ 909-ე ქვეთავის შესაბამისად.

გამონაკლისი: კვამლის კონტროლი საჭირო არ არის ატრიუმებში, რომელებიც მხოლოდ ორ სართულს აკავშირებს.

404.6 ატრიუმების შემომზღუდავი. ატრიუმის სივრცეები მომიჯნავე სივრცეებისგან გამიჯნული უნდა იყოს 707-ე ქვეთავის მიხედვით აგებული ერთსაათიანი ცეცხლმედეგი ზღუდით, ან 711-ე ქვეთავის მიხედვით აგებული თარეზული ანაწყობებით, ან ორივეთი ერთად.

გამონაკლისი: ცეცხლმედეგი ზღუდე საჭირო არ არის, სადაც არსებობს მინის კედელი, რომელიც კვამლგაუმტარ ტიხარს ქმნის. მინის კედელი უნდა აკმაყოფილებდეს ქვემოთ ჩამოთვლილ ყველა მოთხოვნას:

1.    თუ ატრიუმის მხარეს სავალი გზა არ არის, ავტოსაშხეფები უნდა დააყენონ გამმიჯნავი კედლისა და კარების გასწვრივ ორივე მხარეს ან მხოლოდ ოთახის მხარეს. საშხეფები უნდა განთავსდეს მინისგან 10 სმ-ის და 30 სმ-ის დაშორებით არაუმეტეს 1,8 მ ინტერვალებით მინის გასწვრივ. საშხეფი სისტემა ისე უნდა დაგეგმარდეს, რომ საშხეფი სისტემის გააქტიურების შემდეგ მინის ზედაპირი დაუბრკოლებლად მთლიანად დასველდეს;

1.1.   მინა უნდა ჩაისვას ჰერმეტულ ჩარჩოში, რათა ჩარჩოს სისტემის დეფორმირებისას მინა არ გატყდეს საშხეფი სისტემის ამუშავებამდე.

1.2.   თუ მინის კედელში ჩასმულია მინის კარები, ისინი ან თავისით უნდა იხურებოდეს ან ავტომატურად.

2.    ცეცხლმედეგი ზღუდე საჭირო არ არის იქ, სადაც მინაბლოკით აწყობილი კედლის ცეცხლისგან დაცვის ხარისხი ¾ საათია.

3.    ატრიუმსა და ატრიუმის ნებისმიერი სამი სართულის მომიჯნავე სივრცეებს შორის საჭირო არ არის ცეცხლმედეგი ზღუდე, თუ ასეთი სივრცეები გათვალისწინებულია კვამლის საკონტროლო სისტემის გეგმაში.

404.7 სათადარიგო ელექტრომომარაგება. კვამლის საკონტროლო მოწყობილობა მიერთებული უნდა იყოს სათადარიგო ელექტრომომარაგების სისტემასთან, 909.11 ქვეთავის შესაბამისად.

404.8 შიგა მოპირკეთება. ატრიუმის კედლებისა და ჭერის შიგა მოპირკეთება არ უნდა იყოს B კლასზე ნაკლები და დამცავი საშხეფების კლასი არ უნდა შემცირდეს.

404.9 სავალი მანძილი. თუ აუცილებელი გასასვლელი საშუალებები ატრიუმის სივრცეს კვეთს, გასასვლელთან მისადგომისაკენ სავალი მანძილის ის ნაწილი, რომელიც ატრიუმის სივრცეშია მოქცეული, 60 მ-ს არ უნდა აღემატებოდეს. ეს მოთხოვნა არ ვრცელდება ატრიუმის ყველაზე დაბალ დონეზე. განსაზღვრული შენობის ფართობებისთვის, რომლებიც გახსნილია ატრიუმებისკენ, და მათი გასასვლელებთან მისადგომი ატრიუმებზე არ გადის, სავალი მანძილისადმი მოთხოვნები უნდა შეესაბამებოდეს 1016-ე ქვეთავის მოთხოვნებს.

ქვეთავი 405 − მიწისქვეშა შენობები

405.1 ზოგადი. 405.2 – 405.10 ქვეთავების დებულებები ეხება შენობის ისეთ სივრცეებს, სადაც ადამიანთა მიერ დაკავებული იატაკის დონე შენობიდან გამოსასვლელი ყველაზე ქვედა დონის მოპირკეთებული იატაკიდან 9,0 მ-ით დაბლა მდებარეობს.

გამონაკლისი: 405-ე ქვეთავის დებულებები არ ეხება შემდეგ შენობებს ან მათ ნაწილებს:

1.    ერთი და ორი ოჯახისათვის განკუთვნილი საცხოვრებელი, სადაც საშხეფები დაყენებულია 903.3.1.3 ქვეთავის შესაბამისად;

2.    ავტოსადგომი გარაჟები ავტოსაშხეფი სისტემებით, რომლებიც შეესაბამება 405.3 ქვეთავს;

3.    სატრანსპორტო გვირაბები;

4.    გადახურული ტრიბუნები, ღია ტრიბუნები, სტადიონები, არენები და მათი მსგავსი ნაგებობები;

5.    სადაც ყველაზე დაბლა მდებარე სართული არის ერთადერთი, რომელიც შენობას მიწისქვეშა შენობის კვალიფიკაციას ანიჭებს და რომლის ფართობი არ აღემატება 140 მ²-ს, ხოლო დაკავებულობის დატვირთვა 10-ზე ნაკლებია;

6.    ტუმბო (საქაჩი) სადგურები და სხვა მსგავსი მექანიკური სივრცეები, განკუთვნილი მომსახურე ან მომვლელ-შემკეთებელი პერსონალის მიერ პერიოდული გამოყენებისთვის.

405.2 მოთხოვნები კონსტრუქციის მიმართ. შენობის მიწისქვეშა ნაწილი I ტიპის კონსტრუქცია უნდა იყოს.

405.3 ავტოსაშხეფი სისტემა. შენობის მიწისქვეშა ნაწილების მომსახურე გარეთ გასასვლელის ყველაზე მაღლა მდებარე დონესა და მის ქვემოთ არსებულ ყველა დონეზე უნდა დააყენონ ავტოსაშხეფი სისტემები 903.3.1.1 ქვეთავის შესაბამისად. წყლის ჭავლის გამშვები და სამართავი სარქვლები უნდა გაკონტროლდეს 903.4 ქვეთავის მიხედვით.

405.4 განყოფილებებად დაყოფა. განყოფილებებად დაყოფა უნდა შეესაბამებოდეს 405.4.1 – 405.4.3 ქვეთავებს.

405.4.1 განყოფილებების რაოდენობა. მიწისქვეშა შენობიდან გამოსასვლელი ყველაზე დაბალი დონის მოპირკეთებული იატაკიდან 18 მ-ით ქვემოთ მდებარე იატაკის დონე უნდა დაიყოს დაახლოებით თანაბარი ზომის, სულ მცირე, ორ განყოფილებად. ამგვარი დაყოფა უნდა გავრცელდეს შენობის მიწისქვეშა ნაწილების ყველა დონეზე გარეთ გასასვლელის ყველაზე მაღალ დონემდე.

გამონაკლისი: ყველაზე დაბლა მდებარე სართულს დაყოფა არ სჭირდება, თუ ფართობი არ აღემატება 140 მ²-ს და დაკავებულობის დატვირთვა 10-ზე ნაკლებია.

405.4.2 კვამლგაუმტარი ზღუდის გაყვანილობა. 709-ე ქვეთავის თანახმად, განყოფილებები ერთმანეთისაგან უნდა გაიმიჯნოს კვამლგაუმტარი ზღუდით. ორ განყოფილებას შეიძლება კვეთდეს მხოლოდ წყალსადენები და ელექტროსადენები, რომლებიც დაცულია ცეცხლსაჩერით, 714-ე ქვეთავის შესაბამისად. გზა-კარები დაცული უნდა იყოს ცეცხლმედეგი კარის ანაწყობით, რომლებიც კვამლის აღმოჩენისთანავე ავტომატურად იხურება, 716.5.9.3 ქვეთავის მიხედვით და აყენებენ NFPA 105-ისა და 716.5.3 ქვეთავის შესაბამისად. თითოეულ განყოფილებას უნდა ჰქონდეს ჰაერშემწოვი და გამწოვი სისტემა, რომელიც სხვა განყოფილებების ანალოგიური სისტემისგან დამოუკიდებელია.

405.4.3 ლიფტები. ლიფტების არსებობის შემთხვევაში, თითოეულ განყოფილებას უნდა ჰქონდეს ლიფტთან პირდაპირი მისადგომი. როცა ერთზე მეტ განყოფილებას ემსახურება, ლიფტთან უნდა მოეწყოს ვესტიბიული, რომელიც თითოეული განყოფილებისგან გაიმიჯნება კვამლგაუმტარი ზღუდით, 709-ე ქვეთავის შესაბამისად. კარები ჰერმეტული უნდა იყოს, ჰქონდეს ზღურბლი და კვამლის აღმოჩენისთანავე ავტომატურად იხურებოდეს, 716.5.9.3 ქვეთავის შესაბამისად.

405.5 კვამლის საკონტროლო სისტემა. კვამლის საკონტროლო სისტემა უნდა დააყენონ 405.5.1 და 405.5.2 ქვეთავების შესაბამისად.

405.5.1 საკონტროლო სისტემა. 909-ე ქვეთავისა და ამ ქვეთავის დებულებების თანახმად, კვამლის საკონტროლო სისტემა აუცილებელია, რათა წვის პროდუქტების გავრცელება გააკონტროლოს. კვამლის საკონტროლო სისტემამ ცეცხლის გაჩენის ადგილიდან საერთო სივრცისკენ კვამლის გავრცელება უნდა შეზღუდოს და გასასვლელი საშუალებები სამუშაო მდგომარეობაში შეინარჩუნოს.

405.5.2 განყოფილებაში კვამლის საკონტროლო სისტემა. განყოფილებებად დაყოფის საჭიროების შემთხვევაში, თითოეულ განყოფილებას უნდა ჰქონდეს კვამლის საკონტროლო დამოუკიდებელი სისტემა. 907.2.18 და 907.2.19 ქვეთავების თანახმად, სისტემა ავტომატურად უნდა გააქტიურდეს და შესაძლებელი უნდა იყოს მისი ხელით მართვა.

405.6 სახანძრო განგაშის სისტემები. სახანძრო განგაშის სისტემა უნდა დააყენონ, 907.2.18 და 907.2.19 ქვეთავების მოთხოვნათა შესაბამისად.

405.7 გასასვლელი საშუალებები. გასასვლელი საშუალებები უნდა შეესაბამებოდეს 405.7.1 და 405.7.2 ქვეთავებს.

405.7.1 გასასვლელების რაოდენობა. თითოეულ სართულზე უნდა იყოს, სულ მცირე, ორი გასასვლელი. სადაც 405.4 ქვეთავი მოითხოვს განყოფილებებად დაყოფას, თითოეულ განყოფილებას უნდა ჰქონდეს, არანაკლებ, ერთი გასასვლელისა და ასევე მომიჯნავე განყოფილებაში გასასვლელთან მისადგომი, არანაკლებ, ერთი გზა-კარი.

405.7.2 დაუკვამლიანებელი შემოზღუდული სივრცე. თითოეული გზა-კიბე, რომელიც ემსახურება თავისი გარეთ გასასვლელი დონის მოპირკეთებული იატაკიდან 9,0 მ-ზე დაბლა მდებარე იატაკის დონეებს, უნდა შეესაბამებოდეს 1022.10 ქვეთავში დაუკვამლიანებელი შემოზღუდული სივრცეებისთვის განსაზღვრულ მოთხოვნებს.

405.8 სათადარიგო ელექტრომომარაგება. სათადარიგო ელექტრომომარაგების სისტემა უნდა მოეწყოს სათადარიგო ელექტროდატვირთვის გათვალისწინებით, რომელიც განსაზღვრულია 405.8.1 ქვეთავში.

405.8.1 სათადარიგო ელექტროდატვირთვა. ქვემოთ ჩამოთვლილი დატვირთვები კლასიფიცირდება, როგორც სათადარიგო ელექტროდატვირთვა:

1.    კვამლის საკონტროლო სისტემა.

2.    განიავებისა და ცეცხლის ავტომატური აღმომჩენი მოწყობილობები დაუკვამლიანებელი შემოზღუდული სივრცეებისთვის.

3.    სახანძრო ტუმბოები.

ლიფტებისათვის სათადარიგო ელექტრომომარაგება უზრუნველყოფილი უნდა იყოს 1703-ე ქვეთავის შესაბამისად.

405.8.2  ამოქმედების დრო. სათადარიგო ელექტრომომარაგების სისტემა უნდა ამოქმედდეს ძირითადი ელექტრომომარაგების გათიშვიდან 60 წამის განმავლობაში.

405.9 საავარიო ელექტრომომარაგება. საავარიო ელექტრომომარაგების სისტემა უნდა მოეწყოს საავარიო ელექტროდატვირთვის გათვალისწინებით, რომელიც განსაზღვრულია 405.9.1 ქვეთავში.

405.9.1 საავარიო ელექტროდატვირთვა. ქვემოთ წარმოდგენილი დატვირთვები კლასიფიცირდება, როგორც საავარიო ელექტროდატვირთვა:

1.    საგანგებო ხმოვანი განგაშის საკომუნიკაციო სისტემები;

2.    სახანძრო განგაშის სისტემები;

3.    ცეცხლის ავტომატური აღმომჩენი სისტემები;

4.    ლიფტის კაბინის განათება;

5.    მე-10 თავის მიხედვით აუცილებელი გასასვლელი საშუალებებისა და გასასვლელის ნიშნების განათება.

405.10 სახანძრო მილდგარების სისტემა. 905-ე ქვეთავის შესაბამისად, მიწისქვეშა შენობა მთლიანად უნდა იყოს აღჭურვილი სახანძრო მილდგარების სისტემით.

ქვეთავი 406 − ავტომობილებთან დაკავშირებული დაკავებულობები

406.1 ზოგადი. ავტომობილებთან დაკავშირებული დაკავებულობები უნდა აკმაყოფილებდეს 406.1 – 406.8 ქვეთავების მოთხოვნებს.

406.2 განმარტებები. შემდეგი ტერმინები განმარტებულია მე-2 თავში:

მექანიკური მისადგომის მქონე ღია ავტოსადგომი გარაჟები.

პანდუსიანი მისადგომის მქონე ღია ავტოსადგომი გარაჟები.

ღია ავტოსადგომი გარაჟი.

406.3 კერძო გარაჟები და გადახურული ავტოსადგომები. კერძო გარაჟები და გადახურული ავტოსადგომები უნდა აკმაყოფილებდეს 406.3.1 – 406.3.5 ქვეთავების მოთხოვნებს.

406.3.1 კლასიფიცირება. შენობები ან მათი ნაწილები, რომლებიც გამოყენების ან დაკავებულობის ხასიათის გამო კლასიფიცირდება, როგორც დს ჯგუფის დაკავებულობები, არ უნდა იყოს 100 მ²-ზე მეტი ფართობის ან ერთ სართულზე მაღალი, გარდა 406.3.2 ქვეთავში განსაზღვრული შემთხვევისა. ნებისმიერი შენობა ან მისი ნაწილი, რომელიც ამ ქვეთავში წარმოდგენილ შეზღუდვებს აღემატება, უნდა კლასიფიცირდეს დს ჯგუფისგან განსხვავებული ჯგუფის იმ დაკავებულობად, რომელსაც ის ყველაზე მეტად ჰგავს.

406.3.2 ფართობის გაზრდა. დს ჯგუფის დაკავებულობები, გამოყენებული კერძო ავტომობილების შესანახად, სადაც არ სრულდება შესაკეთებელი სამუშაოები ან ნაწილდება საწვავი, დასაშვებია იყოს 280 მ², თუ დაცულია შემდეგი პირობები:

1.    შერეული დაკავებულობების მქონე შენობაში დს ჯგუფს მიკუთვნებული  ნაწილის გარე კედელი და ღიობი ისევე უნდა იყოს დაცული, როგორც შენობის მთავარი დაკავებულობა. შენობაში, რომელიც ამგვარ დაკავებულობებს მოიცავს, იატაკის დასაშვები ფართობი ისეთი უნდა იყოს, როგორიც ნებადართულია შენობის მთავარი დაკავებულობისთვის.

2.    შენობაში, რომელიც მოიცავს მხოლოდ დს ჯგუფის დაკავებულობებს, გარე კედელს არ სჭირდება ცეცხლმედეგობის ხარისხი, ხოლო ღიობების ფართობი არ უნდა შეიზღუდოს, თუკი ხანძარსაწინააღმდეგო მანძილი ტოლი ან მეტია 1,5 მ-ის.

ერთსა და იმავე ნაგებობაში დასაშვებია იყოს ერთზე მეტი დს ჯგუფის 280 მ² ფართობის დაკავებულობა, თუ ისინი გამიჯნულია 706-ე ქვეთავის შესაბამისი ცეცხლმედეგი კედლებით.

406.3.3 გარაჟები და გადახურული ავტოსადგომები. გადახურული ავტოსადგომები ღია უნდა იყოს, არანაკლებ, ორი მხრიდან. გადახურული ავტოსადგომის იატაკის ზედაპირი არაწვადი მასალისა უნდა იყოს. გადახურული ავტოსადგომები, რომლებიც, სულ მცირე, ორი მხრიდან მაინც არ არის ღია, უნდა ჩაითვალოს გარაჟად და უნდა აკმაყოფილებდეს ამ ნაწილის გარაჟებთან დაკავშირებულ დებულებებს.

გამონაკლისი: მიწის დონეზე გადახურულ ავტოსადგომებში დასაშვებია ასფალტის საფარი.

ავტომობილებისა და სხვა ავტომობილების დასაყენებლად განკუთვნილი სივრცის იატაკი დაქანებული უნდა იყოს, რათა სითხე საწრეტისკენ ან ავტომობილების მთავარი შესასვლელი გზა-კარისკენ ადვილად გადაადგილდეს.

406.3.4 გამიჯვნა. გამიჯვნები უნდა შეესაბამებოდეს შემდეგ პირობებს:

1.    კერძო გარაჟი საცხოვრებელი ერთეულისა და მისი სხვენის ფართობისაგან უნდა გაიმიჯნოს, არანაკლებ, 1,25 სმ სისქის თაბაშირის ფილით, რომელიც გარაჟის მხარესაა მიკრული. საცხოვრებელი ოთახების ქვეშ მდებარე გარაჟები ამ ოთახებისგან გამოყოფილი უნდა იყოს X ტიპის, არანაკლებ, 1,5 სმ სისქის თაბაშირის ფილით ან შესაბამისი მასალით და 1,25 სმ სისქის თაბაშირის ფილით, რომელიც გარაჟისა და მის თავზე მდებარე საცხოვრებელი ოთახების გამმიჯნავ საყრდენ სტრუქტურაზეა მიმაგრებული. კარის ღიობებში კერძო გარაჟსა და საცხოვრებელ ერთეულს შორის უნდა ჩააყენონ მასიური ხის კარი, მასიური ან ფიჭისგულა ფოლადის კარი, არანაკლებ, 3,5 სმ სისქისა, ან კარი, რომელიც შეესაბამება 716.5.3 ქვეთავის დებულებებს და რომლის ცეცხლისგან დაცვის ხარისხი არის, არანაკლებ, 20 წუთისა. დაუშვებელია, კერძო გარაჟის ღიობები გადიოდეს პირდაპირ საძინებელ ოთახში. კარები თავისით უნდა იხურებოდეს და იკეტებოდეს.

2.    კერძო გარაჟებში მდებარე არხები, ასევე, გარაჟის, საცხოვრებელი ერთეულისა და სხვენის გამმიჯნავ კედლებში ან ჭერში გამავალი არხები უნდა დამზადდეს, არანაკლებ, 0,5 მმ სისქის ფურცლოვანი ფოლადისგან და არ უნდა ჰქონდეს გარაჟში შემავალი ღიობები.

3.    იმ შემთხვევაში, თუ გადახურული ავტოსადგომი ორი ან მეტი მხრიდან ღიაა და მის თავზე არ არის შემოზღუდული ფართობები, მაშინ სც-3 ჯგუფისა და დს ჯგუფის გადახურული ავტოსადგომის გამიჯვნა საჭირო არ არის.

406.3.5 გარაჟის კარის ავტომატური გამღებები. გარაჟის კარზე დაყენებული ავტოგამღებები, უნდა აღირიცხოს UL 325-ის შესაბამისად.

406.4 საზოგადოებრივი (დანიშნულების) ავტოსადგომი გარაჟები. კერძო ავტოსადგომი გარაჟებისგან განსხვავებული ავტოსადგომი გარაჟები კლასიფიცირდება, როგორც საზოგადოებრივი ავტოსადგომი გარაჟები და მათთან დაკავშირებული დებულებები მოცემულია 406.4.2 – 406.4.8 ქვეთავებში. ისინი უნდა კლასიფიცირდეს როგორც ღია ავტოსადგომი გარაჟი ან როგორც შემოზღუდული ავტოსადგომი გარაჟი. ღია ავტოსადგომი გარაჟები 406.5 ქვეთავის მოთხოვნებსაც უნდა აკმაყოფილებდეს. შემოზღუდული ავტოსადგომი გარაჟები უნდა შეესაბამებოდეს 406.6 ქვეთავს. ავტოსადგომი გარაჟებისთვის განსაზღვრული სპეციალური დებულებები მოცემულია 510-ე ქვეთავში.

406.4.1 თავისუფალი სიმაღლე. ავტომობილებისა და ფეხით მოსიარულეთათვის განკუთვნილ ფართობებზე თითოეული იატაკის დონიდან თავისუფალი სიმაღლე არ უნდა იყოს 2.15 მ-ზე ნაკლები. ავტომობილებისა და ფეხით მოსიარულეთათვის განკუთვნილი ფართობები, სადაც მოწყობილია მიკროავტობუსების სადგომი, უნდა შეესაბამებოდეს 1106.5 ქვეთავს.

406.4.2 ზღუდეები. ზღუდეები უნდა განთავსდეს 1013-ე ქვეთავის შესაბამისად.  ავტომობილების ზღუდეების სისტემის ნაწილად გამოყენებული ზღუდეები უნდა შეესაბამებოდეს 406.4.3 და 1013-ე ქვეთავებს.

406.4.3 ავტომობილების ზღუდეები. არანაკლებ, 85 სმ სიმაღლის საავტომობილო ზღუდეები უნდა განთავსდეს საავტომობილო ზოლებისა და ავტოსადგომი სივრცის ბოლოს, სადაც უშუალოდ მის ქვემოთ შვეული მანძილი მიწამდე ან ზედაპირამდე 30 სმ-ზე მეტია.

გამონაკლისი: სატრანსპორტო ზღუდეები საჭირო არ არის მექანიკურმისადგომიანი ავტოსადგომი გარაჟის ავტომობილების შესანახ განყოფილებებში.

406.4.4 პანდუსები. ავტომობილების პანდუსები არ უნდა ჩაითვალოს აუცილებელ გასასვლელებად, თუ არსებობს გასასვლელი ფეხით მოსიარულეთათვის. სპირალური მოძრაობისათვის და ავტოსადგომად გამოყენებული ავტომობილების პანდუსების ქანობი არ უნდა აღემატებოდეს 1 : 15-ს (6,67%-ს).

406.4.5 იატაკის ზედაპირი. ავტოსადგომების იატაკის ზედაპირი უნდა იყოს ბეტონის ან მისი მსგავსი არაწვადი მასალის, რომელსაც არ აქვს შეწოვის უნარი.

ავტომობილებისა და სხვა ავტომობილების დასაყენებლად განკუთვნილი იატაკის ფართობები დაქანებული უნდა იყოს, რომ სითხე საწრეტისკენ ან ავტომობილების მთავარი შესასვლელი გზა-კარისკენ ადვილად გადაადგილდეს.

გამონაკლისი:

1.   ავტოსადგომებში მიწის დონეზე დასასაშვებია ასფალტის საფარი;

2. აუცილებელი არ არის, სწ-2 ჯგუფის ავტოსადგომი გარაჟების იატაკის ზედაპირი დაქანებული იყოს.

406.4.6 შერეული დაკავებულობების გამიჯვნა. ავტოსადგომი გარაჟები სხვა დაკავებულობებისგან უნდა გაიმიჯნოს 508.1 ქვეთავის შესაბამისად.

406.4.7 განსაკუთრებული საფრთხეები. ავტოსადგომ გარაჟსა და ნებისმიერ ოთახს, სადაც საწვავზე მომუშავე დანადგარია განთავსებული, ერთმანეთთან უნდა აკავშირებდეს ვესტიბიული, რომელიც ორ გზა-კარიან გამმიჯნავს უზრუნველყოფს.

გამონაკლისი: ერთი კარი დასაშვებია იმ შემთხვევაში, თუ დანადგარში აალების წყარო იატაკიდან, სულ მცირე, 4,6 მ-ზე მაღლაა.

406.4.8 ოთახებზე მიდგმა. დაუშვებელია, ავტოსადგომი გარაჟის ღიობები პირდაპირ საძინებელ ოთახებში გადიოდეს.

   406.5 ღია ავტოსადგომი გარაჟები. ღია ავტოსადგომი გარაჟები უნდა აკმაყოფილებდეს 406.5.1 – 406.5.11 ქვეთავების მოთხოვნებს.

406.5.1 კონსტრუქცია. ღია ავტოსადგომი გარაჟები უნდა იყოს I, II ან IV ტიპის კონსტრუქციისა. სატრანსპორტო ზღუდეების შესახებ იხილეთ ქვეთავი 406.4.3.

406.5.2 ღიობები. ბუნებრივი განიავების მიზნით, ნაგებობას ორ ან მეტ გარე მხარეს უნდა ჰქონდეს თანაბრად განაწილებული ღიობები. თითოეულ დონეზე გარე კედლების ღიობების ფართობი უნდა შეადგენდეს დონის მთელ პერიმეტრზე კედლის ფართობის, სულ მცირე, 20%-ს. ბუნებრივი განიავებისათვის განკუთვნილი ღიობების საერთო სიგრძე უნდა შეადგენდეს დონის პერიმეტრის, სულ მცირე, 40%-ს. შიგა კედლების, სულ მცირე, 20% უნდა იყოს გახსნილი, თანაბრად განაწილებული ღიობებით.

გამონაკლისი: თუ აუცილებელი ღიობები შენობის ორ მოპირდაპირე მხარეს თანაბრადაა განაწილებული, საჭირო არ არის ღიობების შენობის პერიმეტრის 40%-ზე მეტზე განაწილება.

406.5.2.1 ღიობები მიწის ზედაპირის ქვევით. იქ, სადაც მიწის ზედაპირის ქვევით მდებარე ღიობები აუცილებელ ბუნებრივ განიავებას უზრუნველყოფს, გარეთა თარაზული თავისუფალი სივრცე ღიობის სიღრმეს ერთნახევარჯერ უნდა აღემატებოდეს. თარაზული თავისუფალი სივრცის სიგანე მიწის ზედაპირის ნიშნულიდან ყველაზე დაბლა მდებარე ღიობის ძირამდე უნდა შენარჩუნდეს.

406.5.3 გამოყენებები. ერთსა და იმავე შენობაში შერეული გამოყენებები დასაშვებია, როცა ღია ავტოსადგომი გარაჟი აკმაყოფილებს 402.4.2.3, 406.5.11, 508.1, 510.4 და 510.7 ქვეთავების დებულებებს.

406.5.4 ფართობი და სიმაღლე. ღია ავტოსადგომი გარაჟების ფართობი და სიმაღლე უნდა შეიზღუდოს მე-5 თავში სწ-2 ჯგუფის დაკავებულობებისთვის არსებული მოთხოვნებისა და 508.1 ქვეთავში განსაზღვრული მოთხოვნების შესაბამისად.

406.5.4.1 ერთი დანიშნულებით გამოყენება. როცა ღია ავტოსადგომი გარაჟები გამოიყენება მხოლოდ კერძო ავტომობილების სადგომად ან შესანახად და შენობაში სხვა გამოყენებები არ არის, ფართობი და სიმაღლე უნდა შეესაბამებოდეს 406.5.4 ცხრილს, ასევე 406.5.5 ქვეთავის მიხედვით ფართობის და სიმაღლის ნებადართულ მატებას.

გამონაკლისი: მიწის დონეზე მდებარე მწკრივი შეიძლება მოიცავდეს საოფისე, მოსაცდელ და ტუალეტის ოთახებს, რომელთა გაერთიანებული ფართობი არ აღემატება 100 მ²–ს. ამგვარ ფართობს ღია ავტოსადგომი გარაჟისგან გამიჯვნა არ სჭირდება.

სპირალური ან დამრეცი იატაკის მქონე ღია ავტოსადგომ გარაჟებში ნაგებობის ნებისმიერი თარაზული კვეთის პროექცია არ უნდა აღემატებოდეს ავტოსადგომის ერთი დონისათვის დასაშვებ ფართობს. იმ შემთხვევაში, როცა ღია ავტოსადგომ გარაჟს ან მის ნაწილს უწყვეტი სპირალური იატაკი აქვს, დონის სიმაღლედ უნდა ჩაითვალოს ყოველი 2,9 მ-იანი შვეული მონაკვეთი.

ავტოსადგომის დონის თავისუფალი სიმაღლე არ უნდა იყოს 2,15 მ-ზე ნაკლები, თუმცა მექანიკური მისადგომის მქონე ღია ავტოსადგომ გარაჟებში უფრო დაბალი თავისუფალი სიმაღლე დასაშვებია, თუ ნებადართულია მშენებლობის ნებართვის გამცემი/ზედამხედველი ორგანოს მიერ.

ცხრილი  406.6.4

ღია გარაჟების ფართობი და სიმაღლე

კონსტრუქციის ტიპი	თითოეული დონის ფართობი (კვადრატული მეტრი)	სიმაღლე (დონეების დასაშვები რაოდენობა)
		პანდუსიანი მისადგომი	მექანიკურმისადგომიანი
			ავტომატური საშხეფი სისტემა
			არა	კი
IA	ულიმიტო	ულიმიტო	ულიმიტო	ულიმიტო
IB	ულიმიტო	12 დონე	12 დონე	18 დონე
IIA	4 700	10 დონე	10 დონე	15 დონე
IIB	4 700	8 დონე	8 დონე	12 დონე
IV	4 700	4 დონე	4 დონე	4 დონე

406.5.5 ფართობისა და სიმაღლის მომატება. ღია ავტოსადგომი გარაჟებისთვის დასაშვები ფართობისა და სიმაღლის მომატება შესაძლებელია ამ ქვეთავის დებულებების შესაბამისად. შენობის პერიმეტრის ¾-ზე გახსნილმხარეებიანი გარაჟების ფართობის გაზრდა დაშვებულია 25%-ით, სიმაღლისა კი − ერთი დონით. შენობის მთელ პერიმეტრზე გახსნილმხარეებიანი გარაჟების ფართობი შეიძლება გაიზარდოს 50%-ით, სიმაღლე კი -ერთი დონით. ზემოთ ხსენებული დებულებების შესაბამისად, მხარე ითვლება გახსნილად, თუ თითოეულ რიგში მხარის გასწვრივ მდებარე ღიობების მთლიანი ფართობი შიგა სივრცეში მხარის ფართობის 50% ან მეტია და ისინი თანაბრადაა განაწილებული რიგის სიგრძის გასწვრივ. შიგა სივრცეში მხარის ფართობის გამოთვლისას სიმაღლე 2,15 მ-ს არ უნდა აღემატებოდეს.

თითოეული დონისათვის 406.5.4 ცხრილში მოცემული დასაშვები ფართობები შესაძლებელია გაიზარდოს ღია ავტოსადგომი გარაჟებისათვის, რომელთა სიმაღლე ამავე ცხრილში განსაზღვრულ მაქსიმალურ სიმაღლეზე ნაკლებია. გარაჟის დონეების მთლიანი ფართობი არ უნდა აღემატებოდეს უფრო მაღალი ნაგებობისათვის დასაშვებ ფართობს. თითოეულ უფრო დიდ ასეთ დონეს, არანაკლებ, სამი მხრიდან უნდა ჰქონდეს, სულ მცირე, 7,6 მ თავისუფალი სიმაღლის მქონე უწყვეტი თარაზული ღიობები, რომლებიც მოიცავს გვერდების სიგრძის არანაკლებ 80%-ს. ამგვარი უფრო დიდი დონის არცერთი ნაწილი თარაზულად არ უნდა გრძელდებოდეს ასეთი ღიობიდან 60 მ-ზე მეტად. ამასთანავე, თითოეულ ასეთ დონეზე ყოველი ამგვარი ღიობი უნდა გადიოდეს მთელი ღიობის გასწვრივ მდებარე, სულ მცირე, 9,0 მ სიგანის ქუჩაზე ან ქუჩასთან მისადგომ ეზოში. თითოეული ამგვარი დონე უზრუნველყოფილი უნდა იყოს სახანძრო მილდგარებით.

II ტიპის კონსტრუქციის ღია ავტოსადგომი გარაჟებისთვის დასაშვები ფართობი არ იზღუდება თუ ის ყველა მხრიდან გახსნილია, შენობის სიმაღლე კი 23 მ-ს არ აღემატება. მხარე ითვლება გახსნილად, თუ თითოეულ დონეზე მხარის გასწვრივ მდებარე ღიობების მთლიანი ფართობი შიგა სივრცეში მხარის ფართობის 50% ან მეტია და ისინი თანაბრადაა განაწილებული დონის სიგრძის გასწვრივ. შიგა სივრცეში მხარის ფართობის გამოთვლისას სიმაღლე 2,15 მ-ს არ უნდა აღემატებოდეს. დონის ყველა ნაწილი ამგვარი ან ბუნებრივი განიავებისათვის განკუთვნილი სხვა ღიობებიდან უნდა მდებარეობდეს 60 მ-ის საზღვრებში თარაზულად, როგორც განსაზღვრულია 406.5.2 ქვეთავში. ამგვარი ღიობები შეიძლება გადიოდეს, სულ მცირე, 6 მ ზომის ეზოებში, რომლებიც ღიობებს მთელ სიგანეზე გასდევს.

406.5.6 ხანძარსაწინააღმდეგო მანძილი. გარე კედლები და გარე კედლების ღიობები უნდა შეესაბამებოდეს 601-ე და 602-ე ცხრილებს. მომიჯნავე მიწის ნაკვეთის საზღვრისგან დაშორება გამოითვლება 602-ე ცხრილისა და 705-ე ქვეთავის შესაბამისად.

406.5.7 გასასვლელი საშუალებები. თუ ღია ავტოსადგომ გარაჟებში მომსახურე პერსონალის გარდა სხვა პირების შესვლაც დაშვებულია, ამგვარი ავტოსადგომი გარაჟების გასასვლელი საშუალებები მე-10 თავის მოთხოვნებს უნდა აკმაყოფილებდეს. თუ ღია ავტოსადგომ გარაჟებში მომსახურე პერსონალის გარდა სხვა პირების შესვლა ნებადართული არ არის, ავტოსადგომ გარაჟებს უნდა ჰქონდეს, სულ მცირე, ორი 90 სმ სიგანის შენობიდან გამოსასვლელი გზა-კიბე. დასაშვებია, დააყენონ ლიფტები, რომელთაც მხოლოდ მომსახურე პერსონალი გამოიყენებს. ეს ლიფტები მთლიანად უნდა იყოს შემოზღუდული არაწვადი მასალებით.

406.5.8 სახანძრო მილდგარების სისტემა. ღია ავტოსადგომი გარაჟი უნდა აღიჭურვოს 905.3 ქვეთავში მოთხოვნილი სახანძრო მილდგარების სისტემით.

406.5.9 შვეული ღიობების შემოზღუდვა. შვეულ ღიობებს შემოზღუდვა არ სჭირდება, გარდა 406.5.7 ქვეთავში განსაზღვრული შემთხვევისა.

406.5.10 განიავება. 406.5.2 ქვეთავში განიავებისთვის განსაზღვრული ღიობების პროცენტული რაოდენობა საკმარისია და ღიობების დამატებას არ საჭიროებს.

406.5.11 აკრძალვები. დაუშვებელია შემდეგნაირი გამოყენება და გადაკეთებები:

1.    ავტომობილების შესაკეთებელი სამუშაოები;

2.    ავტობუსების, სატვირთო მანქანებისა და მსგავსი ავტომობილების დაყენება;

3.    გარე კედელში დატანებული აუცილებელი ღიობების ნაწილობრივი ან სრული დაფარვა ბრეზენტით ან რაიმე სხვა საშუალებით;

4.    საწვავის განაწილება.

406.6 შემოზღუდული ავტოსადგომი გარაჟები. შემოზღუდული ავტოსადგომი გარაჟები უნდა აკმაყოფილებდეს 406.6.1 – 406.6.3 ქვეთავების მოთხოვნებს.

406.6.1 სიმაღლეები და ფართობები. შემოზღუდული ავტოსადგომი გარაჟები ან მათი ნაწილები, რომლებიც „ღია ავტოსადგომი გარაჟების“ განმარტებას არ აკმაყოფილებს, იზღუდება 503-ე ცხრილში განსაზღვრულ სიმაღლითა და ფართობით, 504-ე, 506-ე და 507-ე ქვეთავების შესწორებების გათვალისწინებით. დასაშვებია, ავტოსადგომის მოწყობა სახურავზე.

406.6.2 განიავება. შემოზღუდული ავტოსადგომი გარაჟები უზრუნველყოფილი უნდა იყოს მექანიკური განიავების სისტემით.

406.6.3 ავტოსაშხეფი სისტემა. შემოზღუდული ავტოსადგომი გარაჟი უნდა აღიჭურვოს ავტოსაშხეფი სისტემით 903.2.10 ქვეთავის შესაბამისად.

406.7 ავტოგასამართი სადგურები. ავტომობილის საწვავით გასამართი სადგურები უნდა აკმაყოფილებდეს 406.7.1 – 406.7.2 ქვეთავების მოთხოვნებს.

406.7.1 ავტოგასამართი ადგილი. ავტოგასამართი ადგილის ზედაპირი უნდა იყოს ბეტონის ან სხვა ნებადართული საფარი მასალის, რომლის მედეგობა არ აღემატება 1 მეგომს, EN 1081-ის მეთოდოლოგიის მიხედვით.

406.7.2 ჩარდახები (საწვავის გამანაწილებელი ადგილის გადახურვა). ჩარდახების თავისუფალი სიმაღლე, რომლის ქვეშაც საწვავი ნაწილდება, ავტომობილების სამოძრაო არეალის ყველაზე დაბლა მდებარე შვერილ ელემენტამდე არ უნდა იყოს 4,1 მ-ზე ნაკლები. ჩარდახები და მათი საყრდენები, რომლებიც ტუმბოების თავზეა, უნდა იყოს არაწვადი მასალების: ცეცხლმედეგობისთვის დამუშავებული ხის მასალა, IV ტიპის ზომების ხის მასალა ან ერთსაათიანი ცეცხლმედეგობის ხარისხიანი კონსტრუქცია. ჩარდახზე ან ჩარდახში გამოყენებული წვადი მასალები უნდა შეესაბამებოდეს ქვემოთ ჩამოთვლილიდან ერთ-ერთს:

1.    ტუმბოებისგან დაცული უნდა იყოს ჩარდახის არაწვადი ელემენტებით ან IV ტიპის ზომების ხის მასალით;

2.    0,3 მმ სისქის ალუმინის საფარით ან კოროზიამედეგი ფოლადით დაფარული პლასტმასი, რომლის ძირითადი ლითონის მინიმალური სისქე 0,4 მმ-ია. პლასტმასის ალის გავრცელების ინდექსი უნდა იყოს 25 ან ნაკლები, კვამლის წარმოქმნის ინდექსი კი – 450 ან ნაკლები, ხოლო თვითაალების ტემპერატურა − 343°C ან მეტი.

3.    შუქგამტარი პლასტმასის მასალებით აგებული პანელების გამოყენება დასაშვებია  ავტოგასამართი სადგურების საწვავის გამანაწილებლების ზემოთ მდებარე ჩარდახებში, თუ პანელები განთავსებულია იმავე მიწის ნაკვეთზე მდებარე ნებისმიერი შენობიდან, სულ მცირე, 3 მ-ზე და სხვა მხარეებიდან, არანაკლებ, 12 მ სიგანის ეზოებს ან ქუჩებს ესაზღვრება. პლასტმასის საერთო ფართობი არ უნდა აღემატებოდეს 100 მ²-ს. თითოეული პანელის მაქსიმალური ფართობი არ უნდა აღემატებოდეს 10 მ²-ს.

406.7.2.1 აიროვანი წყალბადის სისტემების საყრდენად გამოყენებული ჩარდახები. ჩარდახები, რომლის ქვეშაც ნაწილდება საწვავი და რომლის სახურავზეც აალებადი, დაჭირხნული აირების კონტეინერებია განთავსებული, უნდა შეესაბამებოდეს შემდეგ მოთხოვნებს:

1.    ჩარდახი უნდა აკმაყოფილებდეს I ტიპის კონსტრუქციის მიმართ არსებულ მოთხოვნებს;

2.    ჩარდახების ქვემოთ მიმდინარე ოპერაციები მხოლოდ საწვავის შევსებით უნდა შემოიფარგლებოდეს;

3.    ჩარდახი უნდა აიგოს ისე, რომ გამოირიცხოს აიროვანი წყალბადის დაგროვება.

406.8 ავტოშესაკეთებელი გარაჟები. ავტოშესაკეთებელი გარაჟები, უნდა აიგოს 406.8.1 – 406.8.5 ქვეთავების შესაბამისად. ასეთი დაკავებულობა არ მოიცავს ავტოგასამართ სადგურებს, რომლებიც 406.7 ქვეთავით რეგულირდება.

406.8.1 შერეული გამოყენებები. შერეული გამოყენებები დაშვებულია შენობაში, სადაც მდებარეობს 508.1 ქვეთავის შესაბამისად მოწყობილი ავტოშესაკეთებელი გარაჟი.

406.8.2 განიავება. ავტოშესაკეთებელი გარაჟები მექანიკურად უნდა ნიავდებოდეს. განიავების სისტემის საკონტროლო მექანიზმი გარაჟის შესასვლელში უნდა მდებარეობდეს.

406.8.3 იატაკის ზედაპირი. ავტოშესაკეთებელი გარაჟის იატაკი უნდა იყოს ბეტონის ან მსგავსი არაწვადი და არაშეწოვადი მასალის.

გამონაკლისი: დასაშვებია არასრიალა, არაშეწოვადი შიგა იატაკის საფარი, რომლის კრიტიკული გამოსხივების ნაკადი 0,45 ვტ/სმ²-ს არ აღემატება, როგორც განსაზღვრულია NFPA 253-ში.

406.8.4 აირის აღმომჩენი სისტემა. გარაჟები, სადაც წარმოებს უსუნო აირებზე (მაგ., წყალბადი ან უსუნო თხევადი ბუნებრივი აირი) მომუშავე ავტომობილების შეკეთება, აალებადი აირის აღმომჩენი სისტემით უნდა აღიჭურვოს.

406.8.4.1 სისტემის დაგეგმარება. აალებადი აირის აღმომჩენი სისტემა, რომელიც შესულია ნუსხაში ან აღიარებულია, ასევე, უნდა იყოს დაკალიბრებული იმ საწვავების ან აირების ტიპების შესაბამისად, რომლებზეც შესაკეთებელი ავტომობილები მუშაობს. აირაღმომჩენი სისტემა ისე უნდა დაგეგმარდეს, რომ გააქტიურდეს, როცა აალებადი აირის  დონე გადააჭარბებს აალების ქვედა ზღვრის 25%-ს. აირაღმომჩენი უნდა დააყენონ ავტოშესაკეთებელი გარაჟების შესაზეთ ან შასის შესაკეთებელ ტექნიკურ ორმოებში, სადაც უსუნო თხევად აირებზე  მომუშავე ავტომობილების შეკეთება ხდება.

406.8.4.1.1 აირაღმომჩენი სისტემის კომპონენტები. აირაღმომჩენი სისტემის საკონტროლო ერთეულები შეაქვთ ნუსხაში და აკრავენ ეტიკეტს, UL 864-ის ან UL 2017-ის შესაბამისად. აირაღმომჩენები შეაქვთ ნუსხაში და აკრავენ UL 2075-ის შესაბამის ეტიკეტს, რომელზეც აღნიშნულია, რომ ისინი გამოიყენება აღმოსაჩენ აირებთან და ორთქლთან.

406.8.4.2 მუშაობა. აირის აღმომჩენი სისტემის გააქტიურებამ უნდა განაპირობოს:

1.    ავტოშესაკეთებელ გარაჟში დაყენებული ხმოვანი და ვიზუალური განგაშის სიგნალების გააქტიურება;

2.    ავტოშესაკეთებელ გარაჟში დაყენებული გათბობის სისტემების გამორთვა/დეაქტივაცია;

3.    აირაღმომჩენთან მიერთებული მექანიკური გასანიავებელი სისტემის გააქტიურება.

406.8.4.3 აირაღმომჩენი სისტემის მწყობრიდან გამოსვლა. აირაღმომჩენი სისტემის მწყობრიდან გამოსვლამ გათბობის სისტემა უნდა  გამორთოს, აირაღმომჩენთან მიერთებული მექანიკური გასანიავებელი სისტემა გაააქტიუროს და სათანადო ადგილას გაუმართაობის შესახებ შეატყობინოს.

406.8.5 ავტოსაშხეფი სისტემა. ავტოშესაკეთებელი გარაჟი უნდა აღიჭურვოს ავტოსაშხეფი სისტემით 903.2.9.1 ქვეთავის შესაბამისად.

406.9 ავტოსადგომები საზოგადოებრივი გზების მიღმა

406.9.1 ზოგადი. შენობა-ნაგებობის აშენების, გადაკეთების, გაფართოების, გამოყენების შეცვლის, ზომაში ან მოცულობაში გაზრდისას, საზოგადოებრივი გზის მიღმა მდებარე ავტოსადგომი ამ თავის შესაბამისად უნდა აიგოს.

406.9.2 მოთხოვნები ავტოსადგომის სივრცესთან დაკავშირებით. ავტოსადგომის სივრცეები უნდა აკმაყოფილებდეს ჩამოთვლილ პირობებს:

406.9.2.1 აუცილებელი რაოდენობა. წესებით დაშვებული თითოეული გამოყენებისთვის ქუჩის მიღმა მდებარე ავტოსადგომი სივრცეების რაოდენობა: თავშეყრის, საცხოვრებელი ერთეულის, სასტუმროს, წარმოების, სამედიცინო დაწესებულების, რესტორნის, საცალო ვაჭრობის, სკოლის, საწყობის და საჭიროების შემთხვევაში სხვა გამოყენებებისათვის უნდა განსაზღვროს შესაბამისმა თვითმართველობამ, მათი სამოქმედო ტერიტორიისათვის. ავტოსადგომის დანაწევრებული სივრცის თითოეული ნაწილი შესაძლებელია გამოითვალოს, როგორც ერთიანი სივრცე.

406.9.2.2 შერეული გამოყენებები. თუ მიწის ნაკვეთზე შერეული გამოყენებებია წარმოდგენილი, მაშინ ავტოსადგომების აუცილებელი რაოდენობა თითოეული გამოყენებისთვის გათვალისწინებული რაოდენობების ჯამი უნდა იყოს.

406.9.2.3 მიწის ნაკვეთის მდებარეობა. წესებში მოთხოვნილი ავტოსადგომი სივრცეები უნდა განთავსდეს იმავე მიწის ნაკვეთზე, სადაც გამოყენებაა. ექსკლუზიური ნებართვის შემთხვევაში ავტოსადგომი სივრცეების განთავსება შესაძლებელია სხვა მიწის ნაკვეთზეც, თუ ისინი მთავარი მიწის ნაკვეთიდან არაუმეტეს 150 მ რადიუსის საზღვრებშია მოქცეული იმავე ან ნაკლებად შეზღუდულ ზონაში.

406.9.2.4 მისაწვდომი სივრცეები. ავტოსადგომის მისაწვდომი სივრცეები და საზოგადოებრივ ტრანსპორტში ასასვლელ-ჩამოსასვლელი ზონები უნდა მოეწყოს წესების შესაბამისად. საზოგადოებრივ ტრანსპორტში ასასვლელ-ჩამოსასვლელი ზონები უნდა დაგეგმარდეს და აიგოს ICC A117.1-ის მიხედვით.

406.9.3 ავტოსადგომზე ავტომობილისთვის განკუთვნილი ადგილის ზომები. ავტოსადგომზე ავტომობილისთვის განკუთვნილი ადგილის ზომები უნდა შეესაბამებოდეს:

406.9.3.1 სიგანე. ავტოსადგომზე ავტომობილისთვის განკუთვნილი თითოეული ადგილის მინიმალური სიგანე 2,7 მ უნდა იყოს.

გამონაკლისი:

1.   ავტოსადგომზე ავტომობილისთვის განკუთვნილი კომპაქტური ადგილის მინიმალური სიგანე დასაშვებია იყოს 2,4 მ.

2.   ავტოსადგომზე ავტომობილისათვის განკუთვნილი პარარელური ადგილის მინიმალური სიგანე დასაშვებია იყოს 2,4 მ.

3.   ავტოსადგომზე ავტომობილისთვის განკუთვნილი ადგილის სიგანე უნდა გაიზარდოს 25 სმ-ით ბარიერების არსებობისას, როცა ეს ბარიერები ავტოსადგომზე ავტომობილისთვის განკუთვნილი ადგილის ორივე მხარეს მისადგომი გასავლელიდან 4,3 მეტრის საზღვრებში მდებარეობს.

4.   მისადგომი ავტოსადგომები უნდა დაგეგმარდეს ICC A 117.1-ის მიხედვით.

406.9.3.2 სიგრძე. ავტოსადგომზე ავტომობილისთვის განკუთვნილი თითოეული ადგილის სიგრძე, სულ მცირე, 6 მეტრი უნდა იყოს.

გამონაკლისი:

1.   ავტოსადგომზე ავტომობილისთვის განკუთვნილი კომპაქტური ადგილის სიგრძე დასაშვებია იყოს, სულ მცირე, 5,5 მ.

2.   ავტოსადგომზე ავტომობილისათვის განკუთვნილი პარალელური ადგილის სიგრძე დასაშვებია იყოს, სულ მცირე, 6,7 მ.

406.9.4 ავტოსადგომი ნაგებობის დაგეგმარება. ავტოსადგომი ნაგებობა უნდა დაგეგმარდეს შემდეგნაირად:

406.9.4.1 ავტოსადგომის საავტომობილო გზის სიგანე. ყველა ავტოსადგომს უნდა ჰქონდეს ერთი ან ერთზე მეტი საავტომობილო გზა, რომლის სიგანეა:

1.   კერძო მოხმარების ავტოსადგომის საავტომობილო გზები, სულ მცირე, 2,8 მეტრი.

2.   ავტოსადგომის საზოგადოებრივი ან კომერციული გამოყენების საავტომობილო გზები:

2.1.ცალმხრივი შესასვლელ/გასასვლელისთვის, სულ მცირე,  3,6 მ.

2.2.ორმხრივი შესასვლელ/გასასვლელისთვის, სულ მცირე, 6,6 მ.

406.9.4.2 საავტომობილო გზისა და პანდუსის ქანობები. ნებისმიერი გადახურული საავტომობილო გზის ან პანდუსის მაქსიმალური ქანობი 20%-ს არ უნდა აღემატებოდეს, ხოლო გადაუხურავი საავტომობილო გზის ან პანდუსის მაქსიმალური ქანობი 18%-ს.

406.9.4.3 ავტოსადგომზე ავტომობილისთვის განკუთვნილი ადგილთან მიდგომა. ავტოსადგომზე ავტომობილისთვის განკუთვნილ თითოეულ ადგილს უნდა ჰქონდეს ინდივიდუალური და მარტივი მისადგომები.

406.9.4.4 ავტოსადგომზე ავტომობილისთვის განკუთვნილი კომპაქტური და სტანდარტული ადგილების თანაფარდობა. ავტოსადგომზე ავტომობილისთვის განკუთვნილი კომპაქტური და სტანდარტული ადგილების მაქსიმალური თანაფარდობა ნებისმიერ ავტოსადგომზე 2 : 1 არ უნდა აღემატებოდეს.

406.9.4.5 დახაზვა. ყველა ავტოსადგომზე ავტომობილებისთვის განკუთვნილი ადგილები უნდა დაიხაზოს.

გამონაკლისი: ერთი ოჯახის საცხოვრებლისთვის განკუთვნილი კერძო გარაჟი ან ავტოსადგომის ფართობი ექსკლუზიური გამოყენებისთვისაა გამიზნული.

 

ქვეთავი 407 − ჯგუფი დწ-2

407.1 ზოგადი. დწ-2 ჯგუფის დაკავებულობები 407.1 – 407.10 ქვეთავებსა და წესების სხვა შესაბამის დებულებებს უნდა შეესაბამებოდეს.

407.2 დერეფნების უწყვეტობა და გამიჯვნა. დწ-2 ჯგუფის დაკავებულობებში არსებული დერეფნები უწყვეტად უნდა გადიოდეს გასასვლელებისკენ და სხვა ფართობებისგან უნდა იმიჯნებოდეს 407.3 ქვეთავის შესაბამისად, გარდა იმ სივრცეებისა, რომლებიც 407.2.1 – 407.2.4 ქვეთავების მოთხოვნებს აკმაყოფილებს.

407.2.1 მოსაცდელები და მსგავსი ფართობები. დერეფნებისათვის სავალდებულო მოთხოვნების შესაბამისად აგებული მოსაცდელი ფართობები და მსგავსი სივრცეები დერეფნებისკენ უნდა იხსნებოდეს. თუმცა ეს მხოლოდ იმ შემთხვევაშია დაშვებული, თუ ყველა ქვემოთ წარმოდგენილი კრიტერიუმი დაკმაყოფილებულია:

1.    სივრცეები არ გამოიყენება პაციენტების საძინებელ ერთეულებად, საპროცედურო კაბინეტებად, დამხმარე დაკავებულობებად, რომლებიც 509-ე ქვეთავშია განსაზღვრული, ან საფრთხის შემცველ გამოყენებებად.

2.    ღია სივრცე დაცულია 907-ე ქვეთავის შესაბამისად დაყენებული ცეცხლის ავტომატური აღმომჩენი სისტემით.

3.    ერთ კვამლშეუღწევ განყოფილებაში არსებული სივრცეები და მასში გამავალი დერეფნები დაცულია 907-ე ქვეთავის შესაბამისად დაყენებული ცეცხლის ავტომატური აღმომჩენი სისტემით, ან დაუკვამლიანებელი განყოფილება, რომელშიც არსებული სივრცეები 903.3.2 ქვეთავის შესაბამისად დაყენებული სწრაფრეაგირების საშხეფებითაა აღჭურვილი.

4.    სივრცე ისეა მოწყობილი, რომ აუცილებელ გასასვლელებთან მისადგომი არ ჩაიხერგოს.

407.2.2 მედპერსონალისათვის განკუთვნილი ადგილი. მომვლელების, მეთვალყურე პერსონალის, ექიმებისა და ექთნებისთვის განკუთვნილი სივრცეები, სადაც ხდება საქმიანობის დაგეგმვა და კომუნიკაცია, ასევე, ამ სივრცეებთან დაკავშირებული საოფისე ფართობები, დასაშვებია, იხსნებოდეს დერეფნისკენ, თუ ასეთი სივრცეები დერეფნებისათვის სავალდებულო მოთხოვნების დაცვითაა გებული.

407.2.3 ფსიქიატრიული მკურნალობისთვის განკუთვნილი ფართობები. თავდაცვისუუნარო ფსიქიატრიული პაციენტებისთვის გამოყოფილი ფართობები, ასევე, ჯგუფური შეხვედრების ან მრვალდანიშნულებიანი თერაპიისათვის განკუთვნილი, პერსონალის მიერ მუდმივად კონტროლირებადი სივრცეები, გარდა 509-ე ქვეთავში განსაზღვრული დამხმარე დაკავებულობებისა, დასაშვებია ღია იყოს დერეფნებისკენ, თუ დაცულია შემდეგი კრიტერიუმები:

1.    არცერთი ფართობი არ აღემატება 140 მ²-ს.

2.    ფართობი ისეა განლაგებული, რომ დაწესებულების პერსონალს შეუძლია პაციენტებისთვის თვალყურის დევნება.

3.    ფართობი ისეა მოწყობილი, რომ არცერთი მისადგომი აუცილებელ გასასვლელებთან არ იხერგება.

4.    ფართობი აღჭურვილია ცეცხლის ავტომატური აღმომჩენი სისტემით, რომელიც დაყენებულია 907.2 ქვეთავის მიხედვით.

5.    ერთ კვამლშეუღწევ განყოფილებაში დასაშვებია არაუმეტეს ერთი ამგვარი სივრცის არსებობა.

6.    სივრცის კედლები და ჭერი აგებულია დერეფნებისათვის სავალდებულო მოთხოვნების შესაბამისად.

407.2.4 საჩუქრების მაღაზიები. არანაკლებ, 50 მ² ფართობზე განლაგებული საჩუქრების მაღაზიები და მათთან დაკავშირებული საწყობები დასაშვებია ღია იყოს დერეფნისკენ, თუ ამგვარი ფართობები აგებულია ისე, როგორც ამას დერეფნების განლაგება მოითხოვს.

407.3 დერეფნის კედლის კონსტრუქცია. დერეფნის კედლები უნდა აიგოს 710-ე ქვეთავის შესაბამისი კვამლგაუმტარი ტიხრების მსგავსად.

407.3.1 დერეფნის კარები. ცეცხლისგან დაცვის ხარისხი და თვითიკეტებადი ან ავტოდამკეტი მექანიზმები არ სჭირდება დერეფნის კარებს, გარდა იმ კარებისა, რომლებიც 509.4 ქვეთავში განსაზღვრული ცეცხლმედეგობის ხარისხიან კედელში, შვეულ ღიობებში ან გასასვლელების შემომზღუდავებშია ჩაყენებული. თუმცა დერეფნის კარები უნდა ქმნიდეს ეფექტიან კვამლგაუმტარ ზღუდეს და უნდა იკეტებოდეს რაზით. დაუშვებელია ენიანი საკეტის გამოყენება. სხვა კარები 716.5 ქვეთავს უნდა შეესაბამებოდეს.

407.4 გასასვლელი საშუალებები. დწ-2 ჯგუფის დაკავებულობების გასასვლელი საშუალებები მე-10 თავისა და 407.4.1 – 407.4.3 ქვეთავების შესაბამისად უნდა მოეწყოს.

407.4.1 პირდაპირი მისადგომი დერეფანთან. დწ-2 ჯგუფის დაკავებულობებში არსებულ საცხოვრებელ ოთახებს უნდა ჰქონდეს გასასვლელთან მისადგომი კარი, რომელიც პირდაპირ დერეფანში გადის.

გამონაკლისი:

1.    ოთახები, რომელთა გასასვლელის კარები პირდაპირ გარეთ გადის, მიწის დონეზე.

2.    ოთახები მოწყობილია, როგორც 407.4.3 ქვეთავის შესაბამისი სამკურნალო ოთახების ბლოკი.

407.4.1.1 ჩამკეტი მექანიზმები. ჩამკეტი მექანიზმები, რომლებითაც იზღუდება დერეფნიდან პაციენტის სამკურნალო ოთახში შესვლა და მათ მხოლოდ პერსონალი მართავს დერეფნის მხრიდან ეს მექანიზმები არ უნდა ზღუდავდეს პაციენტის სამკურნალო ოთახიდან გასასვლელ საშუალებებს.

გამონაკლისი:

1.    ეს ქვეთავი არ ეხება ფსიქიატრიულ დაწესებულებებში არსებულ პაციენტის სამკურნალო ოთახებსა და სხვა მსგავსი დანიშნულების ოთახებს.

2.    1008.1.9.6 ქვეთავის შესაბამისად მოწყობილი ჩამკეტები.

407.4.2 სავალი მანძილი. დწ-2 ჯგუფის დაკავებულობებში არსებულ საძინებელ ოთახებსა და ოთახის გასასვლელთან მისადგომის კარამდე სავალი მანძილი 15 მ-ს არ უნდა აღემატებოდეს.

407.4.3 სამკურნალო ოთახების ბლოკი. დწ-2 ჯგუფის დაკავებულობებში არსებული სამკურნალო ოთახების ბლოკი 407.4.3.1 – 407.4.3.4 ქვეთავებს და 407.4.3.5 და 407.4.3.6 ქვეთავებიდან რომელიმეს უნდა შეესაბამებოდეს.

407.4.3.1 გასასვლელთან მისვლა სამკურნალო ოთახების ბლოკის გავლით. სამკურნალო ოთახების ბლოკს არ უნდა კვეთდეს შენობის სამკურნალო ოთახების ბლოკისგან განსხვავებული არცერთი ნაწილის გასასვლელთან მისადგომი. თუ საჭიროა სამკურნალო ოთახების ბლოკს ჰქონდეს ერთზე მეტი გასასვლელი, დასაშვებია, ერთი გასასვლელთან მისადგომი გადიოდეს მომიჯნავე სამკურნალო ოთახების ბლოკის გავლით, თუ 407.4 და 1014.2 ქვეთავების ყველა სხვა მოთხოვნაა დაკმაყოფილებული.

407.4.3.2 გამიჯვნა. სამკურნალო ოთახების ბლოკი შენობის სხვა ნაწილებისგან 710-ე ქვეთავის მოთხოვნების შესაბამისი კვამლგაუმტარი ტიხრით უნდა გაიმიჯნოს.

407.4.3.3 ერთი შუალედური ოთახი. სამკურნალო ოთახების ბლოკის საზღვრებში მდებარე საძინებელი ოთახებისგან განსხვავებული ოთახებისთვის, რომლებიც მდებარეობს სამკურნალო ოთახების ბლოკებიდან გასასვლელთან მისადგომამდე სავალი გზა დასაშვებია გადიოდეს ერთ შუალდური ოთახში, სადაც სავალი მაძილი სამკურნალო ოთახების ბლოკებიდან გასასვლელთან მისადგომის კარამდე 30 მ-ს არ აღემატება.

407.4.3.4 ორი შუალედური ოთახი. სამკურნალო ოთახების ბლოკის საზღვრებში მდებარე საძინებელი ოთახებისგან განსხვავებული ოთახებისთვის სამკურნალო ოთახების ბლოკიდან გასასვლელთან მისადგომამდე სავალი გზა დასაშვებია გადიოდეს ორ შუალდური ოთახში, სადაც სავალი მაძილი სამკურნალო ოთახების ბლოკიდან გასასვლელთან მისადგომის კარამდე 15 მ-ს არ აღემატება.

407.4.3.5 სამკურნალო ოთახების ბლოკი საძიენებელი ოთახებით. საძინებელი ოთახები დასაშვებია, გაერთიანდეს სამკურნალო ოთახების ბლოკებად და ჰქონდეს ერთი შუალედური ოთახი, თუ ქვემოთ ჩამოთვლილი პირობებიდან დაკმაყოფილებულია ერთ-ერთი:

1.    სამკურნალო ოთახების ბლოკების საზღვრებში მდებარე შუალედური ოთახი არ გამოიყენება გასასვლელთან მისადგომად, თუ პაციენტების საწოლების რაოდენობა რვას აღემატება.

2.    სამკურნალო ოთახების ბლოკების განლაგება მედპერსონალს პირდაპირი და მუდმივი თვალყურის საშუალებას აძლევს.

407.4.3.5.1 ფართობი. სამკურნალო ოთახების ბლოკების ფართობი, სადაც შედის საძინებელი ოთახებიც, 470 მ²-ს არ უნდა აღემატებოდეს.

407.4.3.5.2 გასასვლელთან მისადგომი. არაუმეტეს 100 მ² ფართობის მქონე ნებისმიერ საძინებელ ოთახს ან სამკურნალო ოთახების ნებისმიერ ბლოკს უნდა ჰქონდეს სამკურნალო ოთახების ბლოკიდან გამომავალი არანაკლებ ორი გასასვლელთან მისადგომის კარი, რომელიც 1015.2 ქვეთავის მოთხოვნების შესაბამისადაა განთავსებული.

407.4.3.5.3 სავალი მანძილი. სავალი მანძილი სამკურნალო ოთახების ბლოკების ნებისმიერ წერტილსა და სამკურნალო ოთახების ბლოკების გასასვლელთან მისადგომის კარს შორის 30 მ-ს არ უნდა აღემატებოდეს.

407.4.3.6 სამკურნალო ოთახების ბლოკი საძიენებელი ოთახების გარეშე. ფართობები, რომლებიც არ მოიცავს საძინებელ ოთახებს, არამედ მხოლოდ სამკურნალო ფართობებს და მათთან დაკავშირებულ ოთახებს, სივრცეებს ან მიმოსასვლელ სივრცეს, დასაშვებია გაერთიანდეს სამკურნალო ოთახების ბლოკში და 407.4.3.6.1 – 407.4.3.6.2 ქვეთავების შეზღუდვებს უნდა აკმაყოფილებდეს.

407.4.3.6.1 ფართობი. სამკურნალო ოთახების ბლოკებში შემავალი ოთახების ფართობი, რომლებიც არ არის საძინებელი ოთახები, არ უნდა აღემატებოდეს 950 მ²-ს.

407.4.3.6.2 გასასვლელთან მისადგომი. სამკურნალო ოთახების ბლოკებს, რომლებიც არ მოიცავს საძინებელ ოთახებს და მისი ფართობი 240 მ²-ს აღემატება, უნდა ჰქონდეს სამკურნალო ოთახების ბლოკიდან გამავალი გასასვლელთან მისადგომის არანაკლებ ორი კარი, რომელიც 1015.2 ქვეთავის მოთხოვნების შესაბამისადაა განთავსებული.

407.5 კვამლგაუმტარი ზღუდეები. კვამლგაუმტარი ზღუდეებით ქვეგანაყოფილებებად ყოფენ ყველა სართულს, რომელზეც პაციენტებს მკურნალობენ ან აძინებენ. სხვა სართულები, სადაც დაკავებულობის დატვირთვა 50 კაცი ან ამაზე მეტია, დაყოს, სულ მცირე, ორ კვამლშეუღწევ განყოფილებად. ასეთი სართულები უნდა დაიყოს კვამლშეუღწევ განყოფილებებად, რომელთა ფართობი 2100 მ²-ს არ აღემატება, ხოლო დაუკვამლიანებელი განყოფილების ნებისმიერი წერტილიდან კვამლგაუმტარი ზღუდის კარამდე სავალი მანძილი 60 მ-ს არ აღემატება. კვამლგაუმტარი ზღუდე 709-ე ქვეთავს უნდა შეესაბამებოდეს.

407.5.1 თავშესაფრის ფართობი. თავშესაფრის ფართობები უნდა მოეწყოს თითოეული დაუკვამლიანებელი განყოფილების საზღვრებში. თავშესაფრის ფართობი უნდა იტევდეს დამკავებლებსა და პაციენტებს/დამკავებლებს მომიჯნავე დაუკვამლიანებელი განყოფილებიდან. ამ კვამლშეუღწევ განყოფილებას ესაზღვრება ორი ან მეტი დაუკვამლიანებელი განყოფილება. ამასთან, თავშესაფრის მინიმალური ფართობი უნდა იტევდეს მომიჯნავე განყოფილებების დამკავებელთა ყველაზე დიდ დატვირთვას. თავშესაფრის ფართობი უნდა უზრუნველყოფდეს:

1.    თითოეულ საწოლს ან საკაცეს მიჯაჭვული პაციენტისთვის არანაკლებ 2,8 მ² სუფთა ფართობს;

2.    თითოეული ამბულატორიული პაციენტისა და სხვა დამკავებლებისთვის, რომელიც არ არიან მიჯაჭვულნი საწოლს ან საკაცეს, არანაკლებ, 0,56 მ² ფართობს.

თავშესაფრის ფართობის გამოთვლაში დასაშვებია შემდეგი ფართობების ან სივრცეების ჩართვა: დერეფნები, საძინებელი ფართობები, სამკურნალო/საპროცედურო ოთახები, დასასვენებელი ან სასადილო ფართობები და სხვა მცირე საფრთხის შემცველი ფართობები.

407.5.2 დამოუკიდებელი გასასვლელი. კვამლგაუმტარი ზღუდეებით შექმნილ თითოეულ კვამლშეუღწევ განყოფილებას უნდა ჰქონდეს თავისი გასასვლელი საშუალებები, რათა გასასვლელ საშუალებებთან მისადგომად დამკავებლებს არ მოუწიოთ იმ კვამლშეუღწევ განყოფილებაში დაბრუნება, საიდანაც გამოვიდნენ.

407.5.3 თარაზული ანაწყობები. თარაზული ანაწყობები, რომლებსაც ეყრდნობა ამ ქვეთავში მოთხოვნილი კვამლგაუმტარი ზღუდეები, ისე უნდა დაგეგმარდეს, რომ შეზღუდოს კვამლის გავრცელება. ისინი 711.9 ქვეთავს უნდა შეესაბამებოდეს.

407.6 ავტოსაშხეფი სისტემა. საძინებელი ოთახების შემცველი დაუკვამლიანებელი განყოფილებები მთლიანად 903.3.1.1 და 903.3.2 ქვეთავების მოთხოვნების შესაბამისად დაყენებული ავტოსაშხეფი სისტემით უნდა აღიჭურვოს.

407.7 სახანძრო განგაშის სისტემა. სახანძრო განგაშის სისტემა 907.2.6 ქვეთავის შესაბამისად უნდა დააყენონ.

407.8 ცეცხლის ავტომატური აღმომჩენი. კერძო სამკურნალო დაწესებულებების, ხანგრძლივი დროით მკურნალობისა და დეტოქსიკაციის დაწესებულებების დერეფნები და სივრცეები, რომელებიც 407.2 ქვეთავის მიხედვით დასაშვებია, დერეფნებისკენ გახსნილი იყოს, უნდა აღიჭურვოს ცეცხლის ავტომატური აღმომჩენი სისტემით. საავადმყოფოები 407.2 ქვეთავის შესაბამისი კვამლაღმომჩენით.

გამონაკლისი:

1.    დერეფანში კვამლაღმომჩენი საჭირო არ არის, თუ პაციენტების საძინებელ ოთახებში დაყენებულია კვამლაღმომჩენები. პაციენტის საძინებელ თითოეულ ოთახში დაყენებულ კვამლაღმომჩენებს დერეფნის მხრიდან უნდა ჰქონდეს ვიზუალური ეკრანი, ხოლო ხმოვანი და ვიზუალური განგაში უნდა აქტიურდებოდეს სარეგისტრაციო ადგილას, საიდანაც თითოეული ერთეული კონტროლდება;

2.    დერეფანში კვამლაღმომჩენი საჭირო არ არის, თუ პაციენტების საძინებელი ოთახების კარები აღჭურვილია ავტოდამკეტი მექანიზმებით, რომლებშიც ჩაყენებულია კვამლაღმომჩენები ერთეულის მხარეს, თუ ინტეგრირებული კვამლაღმომჩენები ასრულებს აუცილებელი გამაფრთხილებელი განგაშის ფუნქციას.

407.9 ჩაკეტილი ეზოები. მიწის ნაკვეთი დასაშვებია შემოიღობოს და ჭიშკრები დაიკეტოს იმ პირობით, თუ საწოლს ან საკაცეს მიჯაჭვული თითოეული პაციენტი უზრუნველყოფილი იქნება 2,8 მ² ფართობის უსაფრთხო ადგილებით, ხოლო თითოეული ამბულატორიული პაციენტი და სხვა დამკავებლები − 0,56 მ² ფართობის უსაფრთხო ადგილებით შენობასა და ღობეს შორის. მანძილი ამგვარ უსაფრთხო ადგილებსა და იმ შენობას შორის, რომელსაც ისინი ემსახურებიან, უნდა იყოს, არანაკლებ,15 მ-ისა.

407.10 ჰიპერბარიული (მაღალ წნევაზე მომუშავე) მოწყობილობები. დწ-2 ჯგუფის დაკავებულობებში ჰიპერბარიული მოწყობილობები NFPA 99-ის მე-20 თავის მოთხოვნებს უნდა აკმაყოფილებდეს.

ქვეთავი 408 − ჯგუფი დწ-3

408.1 ზოგადი. დწ-3 ჯგუფის დაკავებულობები 408.1 – 408.11 ქვეთავებისა და წესების სხვა შესაბამის დებულებებს (იხ. ქვეთავი 308.4) უნდა აკმაყოფილებდეს.

408.1.1 განმარტებები. შემდეგი ტერმინები განსაზღვრულია მე-2 თავში.

საკანი.

საკნების იარუსი.

სამყოფ-საცხოვრებელი ერთეული.

დაცული ჭიშკარი.

408.2 სხვა დაკავებულობები. თუ უსაფრთხოების ზომები დწ-3 ჯგუფის დაკავებულობების შემცველი შენობების ან მათი ნაწილების აუცილებელი გასასვლელი საშუალებების ჩაკეტვას მოითხოვს, ასეთი შენობები ან მათი ნაწილები დასაშვებია, განსხვავებულ დაკავებულობად კლასიფიცირდეს. დწ-3 ჯგუფისგან განსხვავებული დაკავებულობები უნდა აკმაყოფილებდეს ამ დაკავებულობისთვის წესებში განსაზღვრულ შესაბამის მოთხოვნებს, თუ ნებისმიერ დროს შენობაში მყოფ დამკავებელთა გასაყვანად არსებობს პირობები.

საპატიმროებიდან და გამოსასწორებელი ცენტრებიდან გასასვლელი საშუალებები, რომლებიც კვეთს სხვა გამოყენებულ ფართობებს, სულ მცირე, უნდა აკმაყოფილებდეს მოთხოვნებს, რომლებიც საპატიმრო და გამოსასწორებელი დანიშნულების დაკავებულობებს ეხება.

გამონაკლისი: სხვა მომიჯნავე დაკავებულობებში გასვლა დასაშვებია თარაზული გასასვლელით. იგი არ რეგულირდება საპატიმრო და გამოსასწორებელი დანიშნულების დაკავებულობებთან დაკავშირებული დებულებებით, თუმცა აკმაყოფილებს შესაბამისი დაკავებულობისთვის არსებულ მოთხოვნებს, გარდა გამოყენებული დსშ ჯგუფის დაკავებულობისა.

408.3. გასასვლელი საშუალებები. ამ ქვეთავში წარმოდგენილ ან შეცვლილ დებულებებთან ერთად მე-10 თავის დებულებები გამოიყენება.

408.3.1 კარის სიგანე. მცხოვრებთა საძინებელი ერთეულების კარების თავისუფალი სიგანე, არანაკლებ, 71 სმ-ისა უნდა იყოს.

408.3.2 გასაგორებელი კარები. როცა გასასვლელ საშუალებებს აქვს თარაზულად გასაგორებელი კარები, მთლიანად ღია პოზიციამდე კარის გასაგორებლად საჭირო ძალა არ უნდა აღემატებოდეს 220 ნიუტონს, როცა კარის მიმართ მოქმედი პერპენდიკულარული ძალა არის 220 ნიუტონი.

408.3.3 საგუშაგო კოშკის კარები (ლიუკი). არანაკლებ, 1,5 მ² ფართობის პატარა ან საძვრენი კარი (ლიუკი), რომელიც დატანებულია იატაკში და რომლის მინიმალური ზომები ნებისმიერი მიმართულებით, არანაკლებ, 0,6 მ-ია, გასასვლელ საშუალებად დასაშვებია გამოიყენებოდეს საგუშაგო კოშკებში.

408.3.4 ხვეული გზა-კიბეები. ხვეული გზა-კიბეები, რომლებიც 1009.12 ქვეთავის მოთხოვნებს აკმაყოფილებს, დასაშვებია მომსახურე პერსონალისათვის განკუთვნილ ადგილებში და ასეთ ადგილებთან მისადგომად.

408.3.5 პწკალა კიბეები. 1009.14 ქვეთავის შესაბამისი პწკალა კიბეები დასაშვებია საკონტროლო ოთახებსა და სამეთვალყურეო კოშკების ოთახებში გასასვლელად გამოიყენებოდეს.

408.3.6 შენობიდან გამოსასვლელი. გასასვლელები დასაშვებია გადიოდეს ღობით ან კედლებით შემოზღუდულ ეზოში. შემოზღუდული ეზოები ისეთი ზომისა უნდა იყოს, რომ იტევდეს ყველა დამკავებელს, რომელთაგან თითოეულისთვის გათვალისწინებული უნდა იყოს 1,4 მ² სუფთა ფართობი შენობიდან, სულ მცირე, 15 მ-ის მოშორებით.

408.3.7 დაცული ჭიშკრები. გასასვლელ საშუალებებში დასაშვებია საკონტროლო დაცული ჭიშკრები, თუ საგანგებო ვითარების დროს საკონტროლო დაცული ჭიშკრებიდან უწყვეტად და დაუბრკოლებლად გასვლა შესაძლებელია.

408.3.8 შიგა გასასვლელის გზა-კიბის და პანდუსის კონსტრუქცია. თითოეულ შენობაში, ერთ-ერთ შიგა გასასვლელის გზა-კიბეს ან პანდუსს დასაშვებია ჰქონდეს მინები, რომლებიც ჩაყენებულია კარებსა და შიგა კედლებში თითოეული ბაქნის დონეზე. იგი უზრუნველყოფს შიგა გასასვლელის გზა-კიბესთან ან პანდუსთან მისადგომს, თუ დაცულია შემდეგი პირობები:

1.    შიგა გასასვლელის გზა-კიბე ან პანდუსი არ ემსახურება ოთხზე მეტ იატაკის დონეს.

2.    გასასვლელის კარები, არანაკლებ, ³/₄-საათიანი ცეცხლმედეგობის ხარისხიანი ცეცხლმედეგი კარის კონსტრუქციებია, რომლებიც 715.4 ქვეთავს შეესაბამება.

3.    თითოეული იატაკის დონეზე მინის საერთო ფართობი არ აღემატება  3,0 მ²-ს, ხოლო მინის ცალკეული პანელებისა – 0,84 მ²-ს.

4.    მინა ორივე მხრიდან დაცულია ავტოსაშხეფი სისტემით. საშხეფი სისტემა ისეა დაგეგმარებული, რომ მთლიანად სველდება ნებისმიერი მინის მთელი ზედაპირი, რომელზეც ცეცხლი ზემოქმედებს.

5.    მინა ჩასმულია ჰერმეტულ ჩარჩოში და ისეა ჩაყენებული, რომ საშხეფი სისტემის ამუშავებამდე ჩარჩოს სისტემის დეფორმირებისას მინა არ იმსხვრევა.

6.    დაბრკოლებები, მაგ., ფარდების შტორები, ფარდები ან მსგავსი მასალები არ ხვდება ავტოსაშხეფებსა და მინას შორის.

408.4 საკეტები. გასასვლელის კარები დასაშვებია იკეტებოდეს შესაბამისი გამოყენების პირობების მიხედვით. თავშესაფრის ფართობიდან გარეთ გამავალი კარები დასაშვებია იკეტებოდეს გასაღებით, ნაცვლად 408.4.1 ქვეთავში აღწერილი ჩასაკეტი მეთოდებისა. გარე კარების გასაღებები ხელმისაწვდომი უნდა იყოს ნებისმიერ დროს, ხოლო საკეტების გაღება კარების ორივე მხრიდან უნდა იყოს შესაძლებელი.

408.4.1 დისტანციური გაღება. გასასვლელების ყველა კარის საკეტი დისტანციურად უნდა იღებოდეს საიმედო საშუალებებით, რომლებიც შენობაში მყოფთა საცხოვრებელი ფართობიდან მოშორებითაა მოთავსებული. დაკავებულობის მე-3 ან მე-4 მდგომარეობის შემთხვევაში, გასაღები მექანიზმ(ებ)ის განლაგება, მისადგომობა და უსაფრთხოება ისე უნდა იყოს დაცული, რომ მინიმალური რაოდენობის თანამშრომლებსაც კი ნებისმიერ დროს შეეძლოთ საკეტი მექანიზმების გახსნა 2 წუთში.

გამონაკლისი: დაკავებულობის მე-4 მდგომარეობის შემთხვევაში, ოთახების საკეტების დისტანციურ გახსნა-ჩაკეტვასთან დაკავშირებული დებულებები სავალდებულო არ არის, თუ ერთი დაუკვამლიანებელი განყოფილებიდან თავშესაფრის ფართობზე შენობის დამკავებლების 3 წუთში გადასაყვანად საჭირო არ არის 10-ზე მეტი საკეტის გახსნა. აუცილებელი საკეტები უნდა იღებოდეს არაუმეტეს ორი სხვადასხვა გასაღებით.

408.4.2 ელექტროენერგიაზე მომუშავე კარები და საკეტები. ელექტროენერგიაზე მომუშავე გორგოლაჭიანი კარების ან ელექტროენერგიაზე მომუშავე ორმხრივი მიმართულებით გასაღები კარების საკეტები უნდა იღებოდეს ხელით სამართავი გასაღები მექანიზმით, ასევე უზრუნველყოფილი უნდა იყოს სათადარიგო კვების წყარო ან დისტანციური მექანიკური გამღები.

გამონაკლისი: საავარიო ელექტრომომარაგების წყარო საჭირო არ არის შენობებში, სადაც 10 ან ამაზე ნაკლები საკეტია და 408.4.1 ქვეთავის გამონაკლისს შეესაბამება.

408.4.3 დამატებითი გამღები. დისტანციური გამღები, მექანიკურად მართვადი გორგოლაჭიანი კარები ან დისტანციური გამღები და მექანიკურად მართვადი საკეტები უზრუნველყოფილი უნდა იყოს ყოველ კართან განთავსებული მექანიკურად მართვადი გამღები მექანიზმებით, ან დამატებითი დისტანციური გამღები პულტით უნდა აღიჭურვოს.

408.4.4 ხელახლა (კვლავ) ჩაკეტვა. საგანგებო ვითარებებში დისტანციურად გაღებული საკეტები ავტომატურად არ უნდა ჩაიკეტოს კარის დახურვისას, თუ მოშორებით მდებარე ადგილიდან კარები ხელახლა არ ჩაიკეტება.

408.5 შვეული ღიობების დაცვა. ნებისმიერი შვეული ღიობი შახტის შემომზღუდავით უნდა იყოს დაცული 713-ე ქვეთავის ან 408.5.1 ქვეთავის შესაბამისად.

408.5.1 იატაკის ღიობები. საცხოვრებელი ერთეულის საზღვრებში მოქცეულ იატაკის ღიობებს დასაშვებია არ ჰქონდეს შემოზღუდული შახტა, თუ დაცულია ქვემოთ ჩამოთვლილი ყველა პირობა:

1.    ამგვარად ურთიერთდაკავშირებული, ჩვეულებრივ გამოყენებული მთელი ფართობები ღია და ჩაუხერგავია იმისათვის, რომ მეთვალყურე პერსონალს შეეძლოს ფართობების დანახვა;

2.    გასასვლელი საშუალებების გამტარუნარიანობა საკმარისია ყველა დამკავებლისთვის, რომელიც ურთიერთდაკავშირებულ ყველა საკნებიან რიგებსა (დონეებსა) და ფართობებზე იმყოფება;

3.    საკნების ყველაზე მაღლა და ყველაზე დაბლა განთავსებული რიგების იატაკის დონეებს შორის სიმაღლის განსხვავება 7,0 მ-ს არ აღემატება;

4.    საკნების რიგის (დონის) რომელიმე ნაწილიდან გასასვლელამდე ან გასასვლელთან მისადგომის კარამდე მისასვლელად საჭირო არ არის საცხოვრებელი ერთეულის საზღვრებში მდებარე ერთზე მეტი იატაკის დონის გადაკვეთა.

408.5.2 შახტის ღიობები დაკავშირებულ იატაკის დონეებში. თუ 408.5.1 ქვეთავის შესაბამისად დასაშვებია, რომ იატაკის ღიობი მდებარეობდეს საცხოვრებელი ერთეულის საზღვრებში არსებულ ურთიერთდაკავშირებული იატაკის დონეებს შორის, მაშინ მილდგარები, რომლებიც საცხოვრებელი ერთეულის საზღვრებში შვეულად განთავსებულ ინდივიდუალურ საკნებს ემსახურება, შახტის შემომზღუდავით დაცვას არ საჭიროებს.

408.6 კვამლგაუმტარი ზღუდე. დწ-3 ჯგუფში შემავალ დაკავებულობებში უნდა იყოს 408.8 და 709-ე ქვეთავების შესაბამისი კვამლგაუმტარი ზღუდეები, რომლებიც, სულ მცირე, ორ კვამლშეუღწევ განყოფილებად ყოფს მცხოვრებთა საძინებლების შემცველ თითოეულ სართულს, ან ნებისმიერ სხვა სართულს, სადაც დაკავებულობის დატვირთვა 50 ადამიანი ან ამაზე მეტია.

გამონაკლისი: ქვემოთ ჩამოთვლილთაგან ერთ-ერთი ადგილისკენ პირდაპირი გასასვლელების მქონე სივრცეები, თუ კარების საკეტების განლაგება აკმაყოფილებს კვამლგაუმტარი ზღუდეების კარებისათვის სავალდებულო მოთხოვნებს:

1.    საზოგადოებრივი გზა.

2.    შენობა, რომელიც მცხოვრებელთა საცხოვრებელი ფართობისგან გამიჯნულია 2-საათიანი ცეცხლმედეგობის ხარისხის  მქონე კონსტრუქციით ან 15 მ-იანი ღია სივრცით.

3.    ჩაკეტილ ეზოში ან შიგა ეზოში  საცხოვრებელი ფართობიდან 15 მ-ის მოშორებით გამოყოფილია თავშესაფრის ადგილი, რომლის ფართობი განისაზღვრება თითოეულ დამკავებელზე 0,56 მ² ან ამაზე მეტი ფართობით. აქ იგულისხმებიან როგორც მცხოვრებნი, ისე პერსონალი და სტუმრები.

408.6.1 დაუკვამლიანებელი განყოფილებები. თითოეული დაუკვამლიანებელი განყოფილება უნდა იტევდეს მაქსიმუმ 200 მცხოვრებს. ნებისმიერი ოთახის კარიდან კვამლგაუმტარი ზღუდის კარამდე სავალი მანძილი 45 მ-ს არ უნდა აღემატებოდეს, ხოლო ოთახის ნებისმიერი წერტილიდან კვამლგაუმტარი ზღუდის კარამდე სავალი მანძილი 60 მ-ს არ უნდა აღემატებოდეს.

408.6.2 თავშესაფარი ფართობი. მომიჯნავე კვამლშეუღწევ განყოფილებებში დამკავებელთა საერთო რაოდენობისთვის, თითო დამკავებელზე ყოველი კვამლგაუმტარი ზღუდის ორივე მხარეს, სულ მცირე, 0,56 მ² ფართობი უნდა იყოს. ხანძრის დროს დამკავებლები კვამლგაუმტარი ზღუდის გავლით ასეთ სივრცეში ადვილად უნდა გადიოდნენ.

408.6.3 დამოუკიდებელი გასასვლელი. კვამლგაუმტარი ზღუდეებით შექმნილ თითოეულ კვამლშეუღწევ განყოფილებას უნდა ჰქონდეს თავისი გასასვლელი საშუალებები, რომ დამკავებლებს გასასვლელ საშუალებებთან მისადგომად არ მოუწიოთ იმ კვამლშეუღწევ განყოფილებაში დაბრუნება, საიდანაც გამოვიდნენ.

408.7 დაჯავშნული გამჭვირვალე საფარი. დწ-3 ჯგუფის დაკავებულობებში, 707-ე ქვეთავის შესაბამისად აგებული 1-საათიანი ცეცხლმედეგი ზღუდეების, 708-ე ქვეთავის შესაბამისად აგებული ცეცხლმედეგი ტიხრებისა და 709-ე ქვეთავის შესაბამისად აგებული კვამლგაუმტარი ზღუდეების ფანჯრებსა და კარებში დასაშვებია დაჯავშნული გამჭვირვალე საფარის ჩასმა, თუ დაცულია შემდეგი პირობები:

1.    გამჭვირვალე მასალის ერთეული პანელების ფართობი 0,84 მ²-ს არ აღემატება.

2.    გამჭვირვალე მასალა ორივე მხრიდან დაცულია ავტოსაშხეფი სისტემით. გააქტიურების შემთხვევაში, საშხეფი სისტემა მთლიანად ასველებს ცეცხლის ზემოქმედების ქვეშ მოქცეული გამჭვირვალე მასალის ზედაპირს.

3.    ჰერმეტულ ჩარჩოში ჩასმულია გამჭვირვალე მასალა, რომელიც ისეა ჩაყენებული, რომ ჩარჩოს სისტემის დეფორმირებით საშხეფი სისტემის ამუშავებამდე მინა არ ტყდება.

4.    დაბრკოლებები, როგორიცაა: ფარდის შტორები, ფარდის ჩამოსაკიდებელი ძელები, ფარდები, ფარდაგები ან მსგავსი მასალები, ავტოსაშხეფებსა და გამჭვირვალე მასალას შორის არ მდებარეობს.

408.8 მცხოვრებთა საცხოვრებელი ფართობების ქვეგანყოფილებებად დაყოფა. საძინებლების ფართობები და მათი მომიჯნავე ნებისმიერი ოთახი, სადაც მცხოვრებნი დღის განმავლობაში იმყოფებიან, ასევე, ჯგუფური საქმიანობისათვის განკუთვნილი სივრცე ან სხვა საერთო საცხოვრებელი სივრცეები სხვა სივრცეებისგან 408.8.1 – 408.8.4 ქვეთავების შესაბამისად უნდა გაიმიჯნოს.

408.8.1 დაკავებულობის მე-3 და მე-4 მდგომარეობა. დწ-3 დაკავებულობის მე-3 და მე-4 მდგომარეობის დროს, საძინებლების ფართობები მომიჯნავე საერთო სივრცეებისგან უნდა გაიმიჯნოს კვამლგაუმტარი ტიხრით, თუ საძინებლების ფართობიდან, საერთო სივრცის გავლით, დერეფნამდე სავალი მანძილი 15 მ-ს აღემატება.

408.8.2 დაკავებულობის მე-5 მდგომარეობა. დწ-3 დაკავებულობის მე-5 მდგომარეობის დროს, თითოეული საძინებლის ფართობი მომიჯნავე საძინებლების ფართობების, დერეფნებისა და საერთო სივრცეებისგან უნდა გაიმიჯნოს კვამლგაუმტარი ტიხრით. დერეფნებისგან კვამლგაუმტარი ტიხრით უნდა გაიმიჯნოს საერთო სივრცეებიც.

408.8.3 ღიობები ოთახში შესასვლელ მხარეს. დწ-3 დაკავებულობის მე-2, მე-3, მე-4 და მე-5 მდგომარეობის დროს, საძინებელ ოთახებში შესასვლელ მხარეს ღიობების საერთო ფართობი არ უნდა აღემატებოდეს 0,77 მ²-ს. ღიობების საერთო ფართობში უნდა შევიდეს ყველა ტიპის ღიობი, მათ შორის: კარსა და იატაკს შორის არსებული ღრეჩო, საკვების მისაწოდებელი სარკმლები და გისოსები. ღიობები არ უნდა მდებარეობდეს იატაკიდან 90 სმ-ზე მაღლა. დაკავებულობის მე-5 მდგომარეობის დროს ღიობები ოთახის მხრიდან უნდა იხურებოდეს.

408.8.4 კვამლგაუმტარი კარები. 408.8  ქვეთავის თანახმად, კვამლგაუმტარი ტიხრების ღიობების კარები უნდა იყოს იმდენად მასიური, რომ არ გაატაროს კვამლი. საკნის კარებს ურდულები და კარის დამკეტები არ სჭირდება.

408.9 უფანჯრო შენობები. ამ ქვეთავის მიზნებიდან გამომდინარე, უფანჯრო შენობად ან შენობის უფანჯრო ნაწილად ითვლება შენობის ის ნაწილი, რომელშიც ფანჯრები არ იღება, ადვილად არ ტყდება ან რომელსაც საერთოდ არ აქვს ფანჯრები. უფანჯრო შენობებში დაყენებული უნდა იყოს 909-ე ქვეთავის შესაბამისი კვამლის სპეციალიზებული საკონტროლო სისტემა, რომლითაც კვამლისგან დაცულ თითოეულ უფანჯრო განყოფილებაში იქმნება საიმედო გარემო, რათა ცეცხლის გაჩენისას კვამლისგან დაცული განყოფილებიდან გამოსვლა შესაძლებელი იყოს.

408.10 სახანძრო განგაშის სისტემა. სახანძრო განგაშის სისტემა 907.2.6.3 ქვეთავის შესაბამისად უნდა დააყენონ.

408.11 ავტოსაშხეფი სისტემა. დწ-3 ჯგუფის დაკავებულობები მთლიანად უნდა აღიჭურვოს 903.2.6 ქვეთავის მოთხოვნების შესაბამისი ავტოსაშხეფი სისტემით.

ქვეთავი 409 − ფილმების გასაშვები/საპროექციო ოთახები

409.1 ზოგადი. 409.1 – 409.5 ქვეთავების დებულებები ეხება ოთახებს, სადაც ლენტის ტიპის აცეტატ-ცელულოზის ან სხვა ტიპის არააალებადი ფირი გამოიყენება ელექტროწრედთან, ქსენონთან ან სინათლის გამომცემ სხვა პროექტორთან ერთად, რა დროსაც საფრთხის შემცველი აირები, მტვერი ან გამოსხივება გამოიყოფა. ოთახები, სადაც გამოიყენება ან ინახება აზოტ-ცელულოზის ფირი, NFPA 40-ს უნდა შეესაბამებოდეს.

409.1.1 აუცილებელი საპროექციო ოთახი. ამ ქვეთავით რეგულირებული ფილმების გამშვები ყველა დანადგარი, რომელიც ზემოხსენებული ტიპის ფირებს იყენებს, უნდა მოთავსდეს საპროექციო ოთახში. დამხმარე ელექტრომოწყობილობები, როგორებიცაა: რეოსტატები, ტრანსფორმატორები და გენერატორები, საპროექციო ოთახში ან მომიჯნავედ მდებარე შესაბამისი კონსტრუქციის ოთახში უნდა მოთავსდეს.

409.2 საპროექციო ოთახის კონსტრუქცია. ყველა საპროექციო ოთახის კონსტრუქცია ყოველთვის უნდა აკმაყოფილებდეს მოთხოვნებს, რომლებიც განსაზღვრულია საპროექციო ოთახების შემცველი შენობების კონსტრუქციისათვის. ღიობების დაცვა აუცილებელი არ არის.

ერთი დანადგარის განსათავსებელი ოთახის იატაკის ფართობი უნდა იყოს, არანაკლებ, 7,5 მ²-ისა, ხოლო ყოველ დამატებით დანადგარზე უნდა დაემატოს, სულ მცირე, 3,7 მ². თითოეული ფილმის გამშვები დანადგარიდან, პროჟექტორიდან, წერტილოვანი განათების პროჟექტორიდან ან დანადგარის სხვა მსგავსი ნაწილიდან ყველა მიმართულებით, ასევე უკანა მხარეს, გათვალისწინებული უნდა იქნეს თავისუფლი სამუშაო სივრცე, არანაკლებ, 76 სმ × 76 სმ-ისა, თუმცა ორ მომიჯნავე დანადგარს შორის მოთხოვნილია მხოლოდ ერთი ასეთი სივრცე. საპროექციო ოთახში და მის დამხმარე ოთახებში ჭერის სიმაღლე უნდა იყოს, არანაკლებ, 2,3 მ-ისა. დანადგარებისათვის განკუთვნილი ღიობების საერთო ფართობი არ უნდა აღემატებოდეს საპროექციო ოთახსა და აუდიტორიას შორის არსებული კედლის 25%-ს. ღიობები მთლიანად მინით ან სხვა ნებადართული მასალით უნდა დაიფაროს.

409.3 საპროექციო ოთახისა და დანადგარის განიავება. განიავება უნდა ხდებოდეს:

409.3.1 ჰაერის შეწოვა (მიწოდება). თითოეულ საპროექციო ოთახს ჰაერის შემოსაშვებად უნდა ჰქონდეს შესაბამისი ხვრელები, რომლებიც ისე უნდა განლაგდეს, რომ ჰაერი მთელ ოთახში კარგად განაწილდეს. ჰაერშემწოვი არხები უნდა უზრუნველყოფდეს იმდენი ჰაერის შეწოვას, რამდენსაც შთანთქავს საპროექციო დანადგარი. ჰაერის შეწოვა დასაშვებია: გარედან, შენობის საზღვრებში არსებული მომიჯნავე სივრცეებიდან, თუ მოცულობისა და ინფილტრაციის ხარისხი საკმარისია, შენობის ჰაერის კონდიცირების სისტემიდან, თუ ის ისეა მოწყობილი, რომ უზრუნველყოფილია საკმარისი ჰაერის მიწოდება, როცა სხვა სისტემები სამუშაო რეჟიმში არაა.

409.3.2 ჰაერის გაწოვა. საპროექციო ოთახებიდან ჰაერის გაწოვა საპროექციო დანადგარის ნათურის გამოსხივების გამწოვი სისტემითაა დასაშვები. ნათურის გამოსხივების გამწოვი სისტემა პირდაპირ უნდა იყოს მიერთებული ნათურასთან ისე, რომ აუცილებელი ჰაერის ნაკადის არარსებობისას ნათურა არ აინთოს. ჰაერის გამწოვი არხების ბოლოები უნდა გადიოდეს შენობის გარეთა მხარეს ისეთ ადგილას, რომ გაწოვილი ჰაერი ადვილად ვერ დაბრუნდეს ჰაერმომმარაგებელ რომელიმე სისტემაში. საპროექციო ოთახის განიავების სისტემა დასაშვებია ემსახურებოდეს ასევე დამხმარე ოთახებს, მაგ., გენერატორისა და გადახვევისათვის განკუთვნილ ოთახებს.

409.3.3 საპროექციო დანადგარები. თითოეულ საპროექციო დანადგარს უნდა ჰქონდეს გამწოვი არხი, რომელიც საპროექციო დანადგარის ნათურიდან წამოსულ გამოსხივებას პირდაპირ შენობის გარეთ გაიტანს. ნათურის გამოსხივების გამწოვის გამოყენება დასაშვებია საპროექციო ოთახიდან ჰაერის გასაწოვად, რაც უზრუნველყოფს ოთახში ჰაერის ცირკულაციას. გარდა შემაერთებლისა, ასეთი არხები  უნდა იყოს მტკიცე, ელასტიკური მასალის და მისი ამ მიზნით გამოყენება დასაშვები იყოს. საპროექციო დანადგარის ნათურის გამოსხივებისა და საპროექციო ოთახის გამწოვი სისტემა, ან ორივე ერთად, დასაშვებია მდებარეობდეს იმავე შენობაში, სადაც დაყენებულია სხვა გამწოვი ან რეცირკულირებადი ჰაერის სისტემა, ან ორივე ერთად, თუმცა ისინი ერთმანეთთან მიერთებული არ უნდა იყოს.

409.4 განათების კონტროლი. უნდა შეიქმნას პირობები იმისათვის, რომ კინოთეატრების აუდიტორიისა და გასასვლელი საშუალებების განათების სისტემები საპროექციო ოთახიდან და შენობის სულ მცირე, ერთი რომელიმე მოსახერხებელი ადგილიდან გაკონტროლდეს.

409.5 სხვადასხვა დანადგარი. თითოეულ საპროექციო ოთახს ფირების გადასახვევი და შესანახი ადგილები უნდა ჰქონდეს.

ქვეთავი 410 − სცენები, ბაქან-სცენები და ტექნიკური პერსონალის სამყოფი ფართობები

410.1 გამოყენება. 410.1 – 410.8 ქვეთავების დებულებები ეხება შენობისა და ნაგებობების ყველა იმ ნაწილს, სადაც არის სცენები ან ბაქან-სცენები და მსგავსი დამატებითი ფართობები.

410.2 განმარტებები. ქვემოთ წარმოდგენილი ტერმინები განმარტებულია მე-2 თავში:

ბაქან-სცენა.

ავანსცენის კედელი.

სცენა.

ტექნიკური პერსონალის სამოძრაო ფართობები.

410.3 სცენები. სცენის კონსტრუქცია 410.3.1 – 410.3.8 ქვეთავების მოთხოვნებს უნდა აკმაყოფილებდეს.

410.3.1 სცენის კონსტრუქცია. სცენები უნდა აიგოს იმ მასალებისგან, რომლებიც საჭიროა იმ  ტიპის კონსტრუქციის შენობის იატაკებისათვის, სადაც ასეთი სცენებია.

გამონაკლისი: საჭირო არ არის სცენების აგება იმავე მასალებით, რომლებიც მოთხოვნილია კონსტრუციის ტიპისთვის, თუ კონსტრუქცია შეესაბამება ქვემოთ ჩამოთვლილთაგან ერთ-ერთს:

1.    IIB ან IV ტიპის კონსტრუქციის სცენები, სულ მცირე, 5 სმ სისქის ხის ფენილით, თუ სცენა სხვა ადგილებისგან 410.3.4 ქვეთავის შესაბამისადაა გამიჯნული.

2.    საჭირო არ არის IIA, IIIA და VA ტიპის კონსტრუქციის შენობებში ცეცხლმედეგობის ხარისხიანი იატაკი, თუ სცენის ქვეშ მდებარე სივრცეში ავტომატური ცეცხლსაქრობი სისტემა, 903-ე ან 904-ე ქვეთავების შესაბამისადაა დაყენებული.

3.    ყველა ტიპის კონსტრუქციაში, იატაკი უნდა მოპირკეთდეს ხით ან აღიარებული არაწვადი მასალებით. სცენის იატაკებში გამავალ ღიობებს უნდა ჰქონდეს კარგად მორგებული, მასიური ხის, საკეტიანი კარი (ლიუკი).

410.3.1.1 სცენის სიმაღლე და ფართობი. სცენის ფართობში უნდა შევიდეს წარმოდგენისათვის საჭირო მთელი ფართობი და მომიჯნავე უკანა სცენა, ასევე დამხმარე ფართობები, რომლებიც არაა გამოყოფილი წარმოდგენისათვის განკუთვნილი ფართობისგან ცეცხლმედეგობის ხარისხიანი კონსტრუქციით. სცენის სიმაღლე იზომება სცენის იატაკის ყველაზე დაბალი წერტილიდან სახურავის ან სცენის ზემოთ მდებარე იატაკის ფენილის ყველაზე მაღალ წერტილამდე.

410.3.2 ტექნიკური პერსონალის სამყოფი ფართობები: ქანდარები, ცხაურები და სამუშაო ფიცარნაგები, კოჭები, რომლებიც პროექტდება მხოლოდ მოძრავი ან უძრავი თეატრალური მოწყობილობის, ცხაურების, ქანდარებისა და სამუშაო ფიცარნაგების დასამაგრებლად, უნდა აიგოს შენობის კონსტრუქციის ტიპისადმი არსებული მოთხოვნების შესაბამისი მასალებით. მას არ სჭირდება ცეცხლმედეგობის ხარისხი. წესების გამოყენებისას, ასეთ ფართობებში იატაკები, იარუსები ან ანტრესოლები არ იგულისხმება.

გამონაკლისი: დეკორაციების სამართავი ქანდარების ან ფიცარნაგების იატაკები ნებისმიერი ნებადართული მასალით უნდა დააგონ.

410.3.3 სცენიდან გარეთ გასასვლელი კარები. სადაც ღიობების დაცვა აუცილებელია, გარეთ გასასვლელები 716-ე ქვეთავის შესაბამისი ცეცხლმედეგი კარების ანაწყობით უნდა იყოს დაცული. გარე ღიობებს, რომლებიც მდებარეობს სცენაზე და გამიზნულია შენობიდან გასასვლელად, ტვირთის შესატანად ან დასაცლელად, და რომლებიც, ჩვეულებრივ, ღიაა დაკავების დროს, უნდა ჰქონდეს ვესტიბიულები, რათა ჰაერის ნაკადი მაყურებელთა დარბაზში არ გავიდეს.

410.3.4 ავანსცენის კედელი. თუ სცენა 15 მ-ზე მაღალია, სცენის ყველა ნაწილი მთლიანად გამიჯნული უნდა იყოს მაყურებელთათვის განკუთვნილი სივრციდან ავანსცენის კედლით, რომლის ცეცხლმედეგობის ხარისხი უნდა იყოს, არანაკლებ, 2 საათი. ასეთი კედელი უნდა გრძელდებოდეს საძირკვლიდან სახურავამდე.

410.3.5 ავანსცენის ფარდა. თუ ავანსცენის კედლისთვის სავალდებულოა ცეცხლმედეგობის ხარისხი, სცენის ღიობს უნდა ჰქონდეს NFPA 80-ის შესაბამისი ცეცხლმედეგი ფარდა ან 903.3.1.1 ქვეთავის შესაბამისი წყალმედეგი მასალის ფარდა ან 909-ე ქვეთავის შესაბამისი კვამლის საკონტროლო სისტემა, თუ ნაგებობებში არ არის 1028.6.2 ქვეთავის შესაბამისად მოწყობილი კვამლისგან დაცული დასაჯდომებიანი თავშეყრის ადგილი, ან ბუნებრივად უნდა ნიავდებოდეს, რომ კვამლის დონე გასასვლელი საშუალებების იატაკიდან, სულ მცირე, 1,8 მ-ზე მეტ სიმაღლეზე შენარჩუნდეს (1,8 მ სიმაღლის ქვემოთ არ ჩამოვიდეს).

410.3.6 დეკორაციები. 806-ე ქვეთავის თანახმად, დეკორაციებში გამოყენებული წვადი მასალები უნდა აკმაყოფილებდეს NFPA 701-ის კრიტერიუმებს ცეცხლის გავრცელების სისწრაფესთან დაკავშირებით.

410.3.7 სცენის განიავება. 100 მ²-ზე მეტი ფართობის იატაკის ან 15 მ-ზე მაღალი სცენები უზრუნველყოფილი უნდა იყოს საავარიო განიავების სისტემით. ამგვარი განიავება 410.3.7.1 ან 410.3.7.2 ქვეთავებს უნდა შეესაბამებოდეს.

410.3.7.1 სახურავის საჰაეროები. ორი ან მეტი საჰაერო, რომლებსაც ავტომატურად აღებს სიმხურვალეზე გააქტიურებული მექანიზმები და რომელთა ღიობის საერთო სუფთა ფართობი არ არის სცენის ფართობის 5%-ზე ნაკლები, ცენტრთან ახლოს და სცენის ყველაზე მაღალი ნაწილის ზემოთ უნდა მდებარეობდეს. ვენტილატორის ხელით სამართავად უნდა არსებობდეს დამხმარე საშუალებები. მინის სახურავებისათვის უნდა არსებობდეს ლიუკები. საჰაეროებს უნდა ჰქონდეს შესაბამისი ეტიკეტი.

410.3.7.2 კვამლის კონტროლი. კვამლი უნდა კონტროლდებოდეს 909-ე ქვეთავის შესაბამისად ისე, რომ კვამლის ფენა შენარჩუნდეს, არანაკლებ, 1,8 მ-ის ზემოთ მაყურებელთა დარბაზის ყველაზე მაღალი დონიდან ან ავანსცენის ღიობის ზედა ნაწილის ზემოთ, თუ ავანსცენის კედელი 410.3.4 ქვეთავის მიხედვითაა აგებული.

410.4 ბაქან-სცენის აგება. მუდმივი ბაქან-სცენები უნდა ააგონ ისეთი მასალებით, რომლებიც მოთხოვნილია იმ შენობის კონსტრუქციისათვის, რომელშიც მდებარეობს ბაქან-სცენა. მუდმივი ბაქან-სცენების აგება ცეცხლმედეგობისათვის დამუშავებული ხის მასალით დასაშვებია I, II და IV ტიპის კონსტრუქციებში, რომლებშიც ბაქან-სცენები მთავარი იატაკიდან 75 სმ-ზე მაღლა არ მდებარეობს, ოთახის იატაკის ფართობის ¹/₃-ზე მეტს არ იჭერს და ფართობი 280 მ²-ს არ აღემატება. თუ მუდმივი ბაქან-სცენის ქვეშ არსებული სივრცე გამოიყენება საწყობად ან სხვა დანიშნულებით, გარდა მოწყობილობების, ელექტროგაყვანილობებისა და წყალსადენების მოსათავსებლად, იატაკის ანაწყობი უნდა იყოს, არანაკლებ, ერთსაათიანი ცეცხლმედეგობის ხარისხიანი კონსტრუქცია. თუ მუდმივი ბაქანსცენის ქვეშ არსებული სივრცე გამოიყენება მოწყობილობების, ელექტროგაყვანილობებისა და წყალსადენების მოსათავსებლად, მაშინ ამ სივრცეს დაცვა არ სჭირდება.

410.4.1 დროებითი ბაქან-სცენები. არაუმეტეს 30 დღით მოწყობილი ბაქან-სცენები დასაშვებია წესებში ნებადართული ნებისმიერი მასალით აიგოს. იატაკსა და ბაქან-სცენას შორის არსებული სივრცე შეიძლება გამოიყენებოდეს მხოლოდ ბაქან-სცენის მოწყობილობებისათვის საჭირო წყალსადენისა და  ელექტროგაყვანილობისათვის.

410.5 საგრიმიორო და მასთან არსებული ოთახები. საგრიმიორო და მასთან არსებული ოთახები 410.5.1 – 410.5.2 ქვეთავებს უნდა შეესაბამებოდეს.

410.5.1 სცენისგან გამიჯვნა. საგრიმიორო ოთახების, დეკორაციების საწყობების, პირადი ნივთების შესანახი ოთახების, სტუდიების, სასაწყობო ოთახების სცენის განყოფილებებისა და შენობის სხვა ნაწილებისაგან სცენა უნდა გაიმიჯნოს 707-ე ქვეთავის შესაბამისად აგებული ცეცხლმედეგი ზღუდით ან 711-ე ქვეთავის შესაბამისად აგებული თარაზული ანაწყობებით, ან ორივეთი ერთად. 15 მ-ზე მაღალი სცენისათვის ცეცხლმედეგობის ხარისხი უნდა იყოს, სულ მცირე, 2 საათი, ხოლო 15 მეტრი ან ამაზე ნაკლები სიმაღლის სცენისთვის – 1 საათი.

410.5.2 ერთმანეთისაგან გამიჯვნა. საგრიმიორო ოთახები, დეკორაციების საწყობები, პირადი ნივთების შესანახი ოთახები, სახელოსნოები, სასაწყობო ოთახები და სცენის განყოფილებები ერთმანეთისგან უნდა გაიმიჯნოს 707-ე ქვეთავის შესაბამისად აგებული არანაკლებ 1-საათიანი ცეცხლმედეგობის მქონე ცეცხლმედეგი ზღუდით ან 711-ე ქვეთავის შესაბამისად აგებული 1-საათიანი ცეცხლმედეგობის მქონე თარაზული ანაწყობით.

410.6 გასასვლელი საშუალებები. ამ ქვეთავში წარმოდგენილ ან შესწორებულ დებულებებთან ერთად გამოიყენება მე-10 თავის დებულებები.

410.6.1 განლაგება. თუ 1015.1 ქვეთავი მოითხოვს, რომ სცენას ჰქონდეს ორი ან მეტი გასასვლელი ან გასასვლელთან მისადგომის გზა-კარი, სცენის თითოეულ მხარეს უნდა მოეწყოს არანაკლებ ერთი გასასვლელის ან გასასვლელთან მისადგომის გზა-კარი.

410.6.2 გზა-კიბისა და პანდუსის შემოზღუდვა. გასასვლელთან მისადგომის გზა-კიბეები და პანდუსები, რომლებიც სცენას ან ბაქან-სცენას ემსახურება, შემოზღუდვას არ საჭიროებს. გასასვლელთან მისადგომის გზა-კიბეები, რომლებიც ტექნიკური პერსონალის სამოძრაო ფართობებისთვისაა განკუთვნილი, შემოზღუდვას არ საჭიროებს.

410.6.3 ტექნიკური პერსონალის სამყოფი ფართობები. ტექნიკური პერსონალის სამყოფ ფართობებს უნდა ჰქონდეს გასასვლელი საშუალებები და გასაქცევი ღიობები (საშუალებები), რომლებიც 410.6.3.1 – 410.6.3.5 ქვეთავების შესაბამისადაა მოწყობილი.

410.6.3.1 გასასვლელი საშუალებები. ტექნიკური პერსონალის სამოძრაო ფართობს უნდა ჰქონდეს, არანაკლებ, ერთი გასასვლელი საშუალება.

410.6.3.2 სავალი მანძილი. შენობებში გასასვლელთან მისადგომად საჭირო სავალი მანძილი არ უნდა აღემატებოდეს 90 მ-ს, თუ არ არის საშხეფი სისტემა, ხოლო 120 მ-ს, თუ შენობა მთლიანად 903.3.1.1 ქვეთავის შესაბამისად დაყენებული ავტოსაშხეფი სისტემითაა აღჭურვილი.

410.6.3.3 ორი გასასვლელი საშუალება. სადაც ორი გასასვლელი საშუალებაა საჭირო, საერთო სავალი ბილიკი 30 მ-ს არ უნდა აღემატებოდეს.

გამონაკლისი: მეორე გასასვლელი საშუალების ნაცვლად დასაშვებია სახურავიდან გასაქცევი ღიობი.

410.6.3.4 გასასვლელისკენ სავალი ბილიკი. ქვემოთ ჩამოთვლილი გასასვლელთან მისადგომი კომპონენტები დაშვებულია ემსახურებოდეს ტექნიკური პერსონალის სამოძრაო ფართობებს:

1.    გზა-კიბეები;

2.    პანდუსები;

3.    ხვეული გზა-კიბეები;

4.    სამუშაო ფიცარნაგები;

5.    მონაცვლე საფეხურებიანი კიბეები;

6.    მიმაგრებული პწკალა კიბეები.

410.6.3.5 სიგანე. გასასვლელისკენ სავალი ბილიკი ტექნიკური პერსონალის სამოძრაო ფართობიდან და მის საზღვრებში 56 სმ-ზე ვიწრო არ უნდა იყოს.

410.7 ავტოსაშხეფი სისტემა. სცენებზე უნდა დააყენონ  ავტომატური ცეცხლსაქრობი სისტემა 903.3.1.1 ქვეთავის შესაბამისად. საშხეფები უნდა დააყენონ სახურავის, ცხაურის, ასევე, სცენის ზემოთ მდებარე ყველა სამუშაო ფიცარნაგისა და ქანდარის ქვეშ. საშხეფები საგრიმიორო ოთახებში, მსახიობებების მოსასვენებელ ოთახებში, სტუდიებსა და საწყობებში უნდა დააყენონ.

გამონაკლისი:

1. სცენის ქვეშ არსებულ ფართობს საშხეფები არ სჭირდება, როცა თავისუფალი სიმაღლე 1,2 მ-ზე ნაკლებია და თუ ისინი მხოლოდ მაგიდებისა და სკამების შესანახადაა განკუთვნილი. ამასთან, დამალული სივრცე მომიჯნავე სივრცეებისაგან არანაკლებ 1,6 სმ სისქის, X ტიპის თაბაშირის ფილითაა გამოყოფილი.

2. საშხეფები არ სჭირდება 100 მ² ან ამაზე ნაკლები ფართობის ან 15 მეტრი ან ამაზე ნაკლები სიმაღლის მქონე სცენებს, სადაც ფარდები, დეკორაციები ან სხვა წვადი ჩამოსაკიდებელი საგნები შვეულად არ მოძრაობს. წვადი ჩამოსაკიდებელი საგნებიდან შეიძლება გამოიყენებოდეს მხოლოდ ძირითადი ფარდა, არშიები, საყრდენები და ერთი უკანა დეკორაცია (ფონი).

3. სცენებზე ორკესტრისათვის გამოყოფილი შემოზღუდული ფართობის საზღვრებში საშხეფები საჭირო არ არის.

410.8 სახანძრო მილდგარები. სახანძრო მილდგარების სისტემები უნდა დააყენონ 905-ე ქვეთავის შესაბამისად.

ქვეთავი 411 – სპეციალური გასართობი შენობა-ნაგებობები

411.1 ზოგადი. სპეციალური გასართობი შენობები, სადაც დაკავებულობის დატვირთვა 50 ან ამაზე მეტია, უნდა შეესაბამებოდეს 411.1 – 411.8 ქვეთავებსა და თვ ჯგუფის დაკავებულობისთვის განსაზღვრულ შესაბამის მოთხოვნებს. გასართობი შენობები, სადაც დაკავებულობის დატვირთვა 50-ზე ნაკლებია, უნდა შეესაბამებოდეს 411.1 – 411.8 ქვეთავებს და სქ ჯგუფის დაკავებულობისთვის განსაზღვრულ მოთხოვნებს.

გამონაკლისი: გასართობი შენობები ან მათი ნაწილები, რომელთაც არ აქვს კედლები ან სახურავი და აგებულია კვამლის დაგროვების თავიდან ასაცილებლად, არ საჭიროებს ამ ქვეთავის მოთხოვნებთან შესაბამისობას.

411.2 განმარტება. შემდეგი ტერმინი განმარტებულია მე-2 თავში.

სპეციალური გასართობი შენობა.

411.3 ცეცხლის ავტომატური აღმომჩენი. სპეციალურ გასართობ შენობებში ცეცხლის ავტომატური აღმომჩენი სისტემა 907-ე ქვეთავის შესაბამისად უნდა დააყენონ.

411.4 ავტოსაშხეფი სისტემა. სპეციალურ გასართობ შენობებში ავტოსაშხეფი სისტემა უნდა დააყენონ 903.3.1.1 ქვეთავის შესაბამისად. თუ სპეციალური გასართობი შენობა დროებითია, საშხეფების წყალმომარაგება ნებადართული დროებითი საშუალებებით უნდა ხდებოდეს.

გამონაკლისი: ავტოსაშხეფები საჭირო არ არის, როცა დროებითი სპეციალური გასართობი შენობის იატაკის საერთო ფართობი 100 მ²-ზე ნაკლებია, ხოლო ნებისმიერი წერტილიდან გასასვლელამდე მანძილი 15 მ-ზე ნაკლებია.

411.5 განგაში. შენობის სპეციალურ ადგილას, სადაც მუდმივად იმყოფება პერსონალი და საიდანაც შესაძლებელია საგანგებო ვითარების საწინააღმდეგო ზომების მიღება, კვამლის ცალკეული აღმომჩენის, ავტოსაშხეფი სისტემის ან ცეცხლის სხვა ავტოაღმომჩენი მექანიზმის ამოქმედებისას დაუყონებლივ უნდა ჩაირთოს განგაშის სიგნალი. აქვე იგულისხმება 907.2.11.2 ქვეთავში ხელით გააქტიურებასთან დაკავშირებული მოთხოვნების შესრულება.

411.6 საგანგებო ხმოვანი განგაშის საკომუნიკაციო სისტემა. საგანგებო ხმოვანი განგაშის საკომუნიკაციო სისტემა 907.2.11 და 907.2.12.2 ქვეთავების შესაბამისად უნდა დააყენონ. ამ სისტემის გამოყენება დასაშვებია საზოგადოებისადმი მიმართვის სისტემადაც და მისი ხმა მთელ შენობაში უნდა ისმოდეს.

411.7 გასასვლელის აღნიშვნა. გასასვლელის აღმნიშვნელები უნდა განთავსდეს გასასვლელთან ან სპეციალური გასართობი შენობის გასასვლელთან მისადგომი კარის ღიობებთან, ამ ნაწილისა და 1011-ე ქვეთავის შესაბამისად. ასევე უნდა განთავსდეს გასასვლელისკენ მიმართულების მიმანიშნებელი აღმნიშვნელები. იქ, სადაც იყენებენ სარკეებს, ლაბირინთებს ან სხვა კონსტრუქციებს, რომლებიც ნიღბავს გასასვლელისკენ მიმავალ გზას ისე, რომ თვითონ არ ჩანს, ასეთ შემთხვევაში სავალი ზედაპირიდან არაუმეტეს 20 სმ სიმაღლესა და გასასვლელისკენ მიმავალ ბილიკზე ან მასთან ახლოს უნდა განთავსდეს 1011.5 ქვეთავის შესაბამისი, აღიარებული და ნუსხაში შესული ორდონიანი გასასვლელის ნიშნები და UUL 1994-ის შესაბამისად აღნუსხული და მიმართულების მიმანიშნებლები. ამგვარი აღმნიშვნელები ხილული უნდა იყოს საგანგებო ვითარების დროს. გასასვლელისკენ მიმანიშნებელი აღნიშვნები ცეცხლის ავტომატური აღმომჩენი სისტემისა და ავტოსაშხეფი სისტემის მიერ უნდა გააქტიურდეს 907.2.12.2 ქვეთავის შესაბამისად.

411.7.1 გასასვლელის ფოტოლუმინესცენციური ნიშნები. სადაც დაყენებულია გასასვლელის ფოტოლუმინესცენციური ნიშნები, გამააქტიურებელი სინათლის წყარო და ხედვის მანძილი უნდა შეესაბამებოდეს ნიშნების ინსტრუქციებს და ნიშანდებას.

411.8 შიგა მოპირკეთება. 803.1 ქვეთავის თანახმად, შიგა მოპირკეთება A კლასის შესაბამისი უნდა იყოს.

ქვეთავი 412 – საჰაერო ხომალდებთან დაკავშირებული დაკავებულობები

412.1 ზოგადი. საჰაერო ხომალდებთან დაკავშირებული დაკავებულობები უნდა შეესაბამებოდეს 412.1 – 412.7 ქვეთავებს.

412.2 განმარტებები. შემდეგი ტერმინები განმარტებულია მე-2 თავში.

უძრავად განთავსებული სამართავი.

შვეულმფრენის სადგური.

შვეულმფრენის მოედანი.

საცხოვრებელთან მდებარე საჰაერო ხომალდის ანგარი.

დროებით  გაჩერებული (საჰაერო ხომალდის).

412.3 საავიაციო ტრანსპორტის საკონტროლო კოშკები.  412.3.1 – 412.3.5 ქვეთავების დებულებები ეხება საავიაციო ტრანსპორტის საკონტროლო კოშკებს, სადაც შემდეგი დანიშნულებით გამოყენებული თითოეული იატაკის ფართობი 140 მ²-ს არ აღემატება:

1.    საავიაციო ტრანსპორტის საკონტროლო კაბინა.

2.    ელექტრო და მექანიკური მოწყობილობების ოთახები.

3.    აეროპორტის ტერმინალის რადარის და ელექტროაპარატურის ოთახები.

4.    საოფისე სივრცეები, რომლებიც დამატებით გამოიყენება კოშკის მართვისას.

5.    თანამშრომლების მოსასვენებელი ოთხები, ასევე სანიტარიული დანიშნულების ფართობები.

412.3.1 კონსტრუქციის ტიპი. საავიაციო ტრანსპორტის საკონტროლო კოშკები უნდა აიგოს 412.3.2 ცხრილში განსაზღვრული სიმაღლისა და ფართობის შეზღუდვების გათვალისწინებით.

ცხრილი 412.3.2

საავიაციო ტრანსპორტის საკონტროლო კოშკების სიმაღლისა და ფართობის შეზღუდვები

კონსტრუქციის ტიპი	სიმაღლეა (მეტრი)	მაქსიმალური ფართობი (კვადრატული მეტრი)
IA	შეუზღუდავი	140
IB	73	140
IIA	30	140
IIB	26	140
IIIA	20	140

ა. სიმაღლე უნდა გაიზომოს მიწის დონიდან კაბინის იატაკამდე.

412.3.2 გასასვლელი. ნებისმიერი სიმაღლის საავიაციო ტრანსპორტის საკონტროლო კოშკებს უნდა ჰქონდეს, არანაკლებ, ერთი გასავლელი გზა-კიბე, თუ თითოეულ იატაკზე დაკავებულობის დატვირთვა 15-ს არ აღემატება. გზა-კიბე 1009-ე ქვეთავის მოთხოვნებს უნდა აკმაყოფილებდეს. გზა-კიბე ლიფტისაგან დაშორებული უნდა იყოს მანძილით, რომელიც, სულ მცირე, სართულის ფართობის სწორხაზოვნად გაზომილი დიაგონალის ნახევარია. გასასვლელი გზა-კიბე და ლიფტის გზა (შახტა) დასაშვებია ერთსა და იმავე შახტში იყოს მოთავსებული, თუ ისინი ერთმანეთისაგან გამიჯნულია 4-საათიანი ცეცხლმედეგი ზღუდით, რომელსაც არ აქვს ღიობები. ისეთ გზა-კიბეზე, სადაც შენობის სართულებთან დამაკავშრებელი კარები დახურულია, უნდა შეიქმნას სულ მცირე, 43 პა და მაქსიმუმ 101 პა წნევა. აუცილებელი არ არის, რომ გზა-კიბეები ვრცელდებოდეს სახურავამდე, როგორც ეს 1009.16 ქვეთავშია განსაზღვრული. 403-ე ქვეთავის დებულებები არ გამოიყენება.

გამონაკლისი: 1020.1.7 ქვეთავში განსაზღვრული კვამლგაუმტარი შემოზღუდავები საჭირო არ არის, როდესაც გზა-კიბები არის დაწნევადი.

412.3.3 ცეცხლის ავტომატური აღმომჩენი სისტემები. საავიაციო ტრანსპორტის საკონტროლო კოშკებს უნდა ჰქონდეს 907.2 ქვეთავის მიხედვით დაყენებული ცეცხლის ავტომატური აღმომჩენი სისტემა.

412.3.4 სათადარიგო ელექტრომომარაგება. 20 მ-ზე მაღალ საავიაციო ტრანსპორტის საკონტროლო კოშკებში დაყენებული უნდა იყოს სათადარიგო ელექტრომომარაგების სისტემა. ელექტროენერგია უნდა მიეწოდოს შემდეგ მოწყობილობებს:

1.    წნევის შემქმნელ მოწყობილობას, მექანიკურ მოწყობილობებს და განათების სისტემას.

2.    ლიფტის სამართავ მოწყობილობას.

3.    სახანძრო განგაშისა და კვამლაღმომჩენ სისტემებს.

412.3.5 მისაწვდომობა. საავიაციო ტრანსპორტის საკონტროლო კოშკებს მე-11 თავის დებულებებით გათვალისწინებული მისაწვდომობა არ სჭირდება.

412.4 საჰაერო ხომალდის ანგარები. საჰაერო ხომალდის ანგარები უნდა შეესაბამებოდეს 412.2.1 – 412.2.6 ქვეთავების მოთხოვნებს.

412.4.1 გარე კედლები. მიწის ნაკვეთის საზღვრებიდან ან საზოგადოებრივი გზებიდან 9,0 მ-ზე ნაკლები მანძილით დაშორებული გარე კედლების ცეცხლმედეგობის ხარისხი უნდა იყოს, არანაკლებ, 2 საათი.

412.4.2 მიწის დონის ქვედა სართულები. თუ ანგარებს აქვს მიწის დონის ქვედა სართულები, მათ ზემოთ არსებული იატაკის კონსტრუქცია IA ტიპის უნდა იყოს და მასში ვერ უნდა აღწევდეს წყალი, ზეთი/საწვავი ან ორთქლი. მიწის დონის ქვედა სართულებსა და ანგარს შორის არ უნდა არსებობდეს ღიობი ან კავშირი. მიწის დონის ქვედა სართულებს მისადგომი მხოლოდ გარედან უნდა ჰქონდეს.

412.4.3 იატაკის ზედაპირი. იატაკები უნდა იყოს დამრეცი და ჰქონდეს წყალარინები, რომ წყალი ან საწვავი არ დარჩეს იატაკზე. იატაკის საწრეტებიდან წყალი ან საწვავი, ზეთისაგან მაცალკევებლის გავლით უნდა ჩადიოდეს ჩასადენ ან სარინ მილში, რომელსაც გარეთ გამავალი ხვრელი აქვს.

გამონაკლისი: საჰაერო ხომალდის ანგარებს, სადაც ინდივიდუალური საიჯარო სივრცეებია, რომელთაგან თითოეულის ფართობი არ აღემატება 190 მ²-ს. აქ არ ხდება მომსახურება, შეკეთება ან რეცხვა, ასევე საწვავის ჩასხმა, მას უნდა ჰქონდეს კარისკენ დახრილი იატაკები, რომელთაც გამიჯვნა არ სჭირდება.

412.4.4 გამათბობელი მოწყობილობა. გამათბობელი მოწყობილობა უნდა მოთავსდეს სხვა ოთახში, რომელიც გამიჯნულია 707-ე ქვეთავის შესაბამისად აგებული 2-საათიანი ცეცხლმედეგი ზღუდეებით ან 711-ე ქვეთავის შესაბამისად აგებული 2-საათიანი ცეცხლმედეგობის ხარისხიანი თარაზული ანაწყობებით. შესასვლელი უნდა ჰქონდეს გარედან ან ვესტიბიულიდან, რომელიც გამიჯნულია ორი გზა-კარით.

გამონაკლისი:

1.    გამათბობელი აგრეგატი (კალორიფერი) და ინფრაწითელი გამოსხივებით გამათბობელი საჰაეროიანი მოწყობილობა, რომელიც დაკიდებულია ყველაზე მაღალი საჰაერო ხომალდის ფრთების ზედა ზედაპირიდან ან ძრავის კოლოფიდან, სულ მცირე, 3,0 მ სიმაღლეზე, შესაძლებელია მოთავსდეს ანგარში, ხოლო, სულ მცირე, 2,4 მ სიმაღლეზე მაღაზიების, ოფისებისა და ანგარის სხვა სექციების იატაკებიდან, რომლებიც დაკავშირებულია საწყობთან ან მომსახურების ფართობებთან.

2.    გამიჯნულ ოთახში შესვლა დასაშვებია ერთი შიგა  კარით, თუ მოწყობილობებში აალების წყარო იატაკიდან არანაკლებ 46 სმ-ის ზემოთაა.

412.4.5 აეროლაქით დამუშავება. აეროლაქით დამუშავება, რომლის დროსაც გამოიყენება აქროლადი აალებადი ხსნარი ან საღებავი, უნდა ხდებოდეს ცალკე მდგომ შენობაში, სადაც 903-ე ქვეთავის შესაბამისად განთავსებულია ავტომატური ცეცხლსაქრობი მოწყობილობა.

412.4.6 ხანძრის ჩაქრობა. საჰაერო ხომალდის ანგარებში ცეცხლსაქრობი NFPA 409-ის შესაბამისად, 412.4.6 ცხრილში მოცემული კლასიფიცირების საფუძველზე უნდა დაგეგმარდეს.

ცხრილი 412.4.6

ანგარის ცეცხლსაქრობისადმი მოთხოვნები^{ა, ბ, გ}

ხანძრისგან დაცული ერთეულის მაქსიმალური ფართობი, მ2-ში	კონსტრუქციის ტიპი
	IA	IB	IIA	IIB	IIIA	IIIB	IV	VA	VB
≥ 3716.001	ჯგუფი I	ჯგუფი I	ჯგუფი I	ჯგუფი I	ჯგუფი I	ჯგუფი I	ჯგუფი I	ჯგუფი I	ჯგუფი I
3716	ჯგუფი II	ჯგუფი II	ჯგუფი II	ჯგუფი II	ჯგუფი II	ჯგუფი II	ჯგუფი II	ჯგუფი II	ჯგუფი II
2787	ჯგუფი III	ჯგუფი II	ჯგუფი II	ჯგუფი II	ჯგუფი II	ჯგუფი II	ჯგუფი II	ჯგუფი II	ჯგუფი II
1858	ჯგუფი III	ჯგუფი III	ჯგუფი II	ჯგუფი II	ჯგუფი II	ჯგუფი II	ჯგუფი II	ჯგუფი II	ჯგუფი II
1393.5	ჯგუფი III	ჯგუფი III	ჯგუფი III	ჯგუფი II	ჯგუფი III	ჯგუფი II	ჯგუფი III	ჯგუფი II	ჯგუფი II
1114.8	ჯგუფი III	ჯგუფი III	ჯგუფი III	ჯგუფი III	ჯგუფი III	ჯგუფი III	ჯგუფი III	ჯგუფი II	ჯგუფი II
743.2	ჯგუფი III	ჯგუფი III	ჯგუფი III	ჯგუფი III	ჯგუფი III	ჯგუფი III	ჯგუფი III	ჯგუფი III	ჯგუფი II
464.5	ჯგუფი III	ჯგუფი III	ჯგუფი III	ჯგუფი III	ჯგუფი III	ჯგუფი III	ჯგუფი III	ჯგუფი III	ჯგუფი III

ა.  საჰაერო ხომალდის ანგარები, რომელთა კარი 8,5 მ-ზე მაღალია, უზრუნველყოფილი უნდა იყოს I ჯგუფის ანგარებისთვის განკუთვნილი ცეცხლსაქრობით, მიუხედავად იმისა, რამხელაა ხანძრისგან დაცული მაქსიმალური ფართობი.

ბ. ჯგუფების კლასიფიცირება უნდა შეესაბამებოდეს NFPA 409-ის კლასიფიცირებას.

გ. 3102-ე ნაწილის შესაბამისი მემბრანული ნაგებობები უნდა კლასიფიცირდეს როგორც IV ჯგუფის ანგარები.

გამონაკლისი: სადაც უძრავად განთავსებული სამართავის ადგილზე არსებობს შესაკეთებელი მოწყობილობები, II ჯგუფის ანგარებს, რომლებიც მუშაობს უძრავად განთავსებული სამართავის საშუალებით და სადაც მხოლოდ დროებით ინახება საჰაერო ხომალდები, უნდა ჰქონდეს ცეცხლსაქრობი სისტემა, მაგრამ სისტემას ქაფთან დაკავშირებული მოთხოვნები არ ეხება.

412.4.6.1 საფრთხის შემცველი ოპერაციები. 412.4.6 ცხრილის შესაბამისად, ნებისმიერი III ჯგუფის ანგარი, სადაც მიმდინარეობს საფრთხის შემცველი ოპერაციები, მათ შორის, ქვემოთ ჩამოთვლილი (მაგრამ არა მხოლოდ ესენი), აღჭურვილი უნდა იყოს NFPA 409-ის შესაბამისი I ან II ჯგუფის ცეცხლსაქრობი სისტემით:

1.    ლაქით დაფარვა;

2.    ცხელი სამუშაო, მათ შორის (მაგრამ არა მხოლოდ): შედუღება, აიროვანი (ავტოგენით) ჭრა და აიროვანი (ავტოგენით) დარჩილვა;

3.    საწვავის გადატანა;

4.    საწვავის ავზის შეკეთება ან მოვლა-შენახვა, არ იგულისხმება NFPA 409-ის შესაბამისად საწვავისგან დაცლილი ავზები, ინერტული ავზები ან ავზები, რომლებშიც არასდროს ყოფილა საწვავი;

5.    შესხურებით მოპირკეთების სამუშაოები;

6.    ხანძრისგან დაცული ერთი ფართობის (სადაც არ არის საშხეფები) საზღვრებში არსებული ყველა საჰაერო ხომალდის 6000 ლიტრზე მეტი საწვავის საერთო რაოდენობა;

7.    ხანძრისგან დაცული ერთი მაქსიმალური ფართობის (სადაც დაყენებულია ავტომატური საშხეფი სისტემა 903.3.1.1 ქვეთავის შესაბამისად) საზღვრებში მდებარე ყველა საჰაერო ხომალდის  28 000 ლიტრზე მეტი საწვავის საერთო რაოდენობა.

412.4.6.2 ხანძრისგან დაცული ცალკეული მაქსიმალური ფართობების გამიჯვნა.  ანგარის კლასიფიცირებისა და 412.4.6 ცხრილში მოცემული კონსტრუქციის ტიპის მიხედვით დადგენილი ხანძრისგან დაცული ცალკეული მაქსიმალური ფართობები უნდა გაიმიჯნოს 706-ე ქვეთავის შესაბამისად აგებული ცეცხლმედეგი კედლებით, რომელთა ცეცხლმედეგობა 2 საათია. 412.4.6 ცხრილის მიხედვით განსაზღვრული ხანძრისგან დაცული ცალკეული მაქსიმალური ფართობის დადგენისას დამხმარე გამოყენებები, რომლებიც საჰაერო ხომალდის მომსახურე ფართობებისგან გამიჯნულია, არანაკლებ, ერთსაათიანი ცეცხლმედეგი ზღუდით, რომელიც 707-ე ქვეთავის მიხედვითაა აგებული, არ უნდა შევიდეს ფართობში.

412.5 საცხოვრებელთან მდებარე საჰაერო ხომალდის ანგარები. საცხოვრებელთან მდებარე საჰაერო ხომალდის ანგარები 412.5.1 – 412.5.5 ქვეთავებს უნდა შეესაბამებოდეს.

412.5.1 ცეცხლისაგან გამიჯვნა. ანგარი არ უნდა იყოს მიდგმული საცხოვრებელ შენობაზე, თუ მათ შორის არ არის სულ მცირე, ერთ-საათიანი ცეცხლმედეგობის ხარისხიანი ცეცხლმედეგი ზღუდე. ამგვარი ყრუ გამიჯვნა უწყვეტად უნდა მიემართებოდეს საძირკვლიდან სახურავის შიგა მხარემდე, თუმცა უნდა არსებობდეს საცხოვრებელ ერთეულში გამავალი კარები. საცხოვრებელ ერთეულში გამავალ კარებს უნდა ჰქონდეს თვითდამკეტი მექანიზმები და უნდა აკმაყოფილებდეს 716-ე ქვეთავის მოთხოვნებს. მას უნდა ჰქონდეს, სულ მცირე, 10 სმ სიმაღლის არაწვადი ზღურბლი. დაუშვებელია ანგარიდან ღიობების პირდაპირ საძინებელ ოთახში გასვლა.

412.5.2 გასასვლელი. ანგარს უნდა ჰქონდეს ორი გასასვლელი საშუალება. საცხოვრებელში გამავალი ერთ-ერთი კარი შეიძლება დაემთხვეს ორი გასასვლელი საშუალებიდან მხოლოდ ერთს.

412.5.3 კვამლზე განგაშის მოწყობილობა. ანგარში კვამლზე განგაშის მოწყობილობა 907.2.21 ქვეთავის შესაბამისად უნდა დააყენონ.

412.5.4 დამოუკიდებელი სისტემები. ანგარში დაყენებული ელექტრო, მექანიკური და მილსადენის საწრეტი, ჩასადენი და საჰაერო სისტემები დამოუკიდებელი უნდა იყოს საცხოვრებელში დაყენებული სისტემებისაგან. შენობის წყალარინი მილები დასაშვებია ნაგებობების გარეთ შეერთდეს.

გამონაკლისი: ანგარში კვამლაღმომჩენის ელექტროგაყვანილობა და ელექტროქვეპანელების ელექტრომომარაგება.

412.5.5 სიმაღლისა და ფართობის შეზღუდვები. საცხოვრებელთან მდებარე საჰაერო ხომალდის ანგარების ფართობი არ უნდა აღემატებოდეს 190 მ²-ს, ხოლო (შენობის) სიმაღლე – 6,0 მ-ს.

412.6 საჰაერო ხომალდის შესაღებად განკუთვნილი ანგარები. ერთ გასაკონტროლებელ ფართობზე 307.7(1) ცხრილის მიხედვით მაქსიმალურად დასაშვებზე მეტი რაოდენობის აალებადი სითხეების/ხსნარების გამოყენება საჰაერო ხომალდის სამღებრო სამუშაოებისთვის უნდა მიმდინარეობდეს საჰაერო ხომალდის შესაღებად განკუთვნილ ანგარში, რომელიც 412.6.1 ქვეთავს შეესაბამება.

412.6.1 დაკავებულობის ჯგუფი. საჰაერო ხომალდის შესაღებად განკუთვნილი ანგარები უნდა კლასიფიცირდეს, როგორც დსშ-2 ჯგუფის. საჰაერო ხომალდის შესაღებად განკუთვნილი ანგარები წესების მოთხოვნებს უნდა აკმაყოფილებდეს.

412.6.2 კონსტრუქცია. საჰაერო ხომალდის შესაღებად განკუთვნილი ანგარი I ან II ტიპის კონსტრუქცია უნდა იყოს.

412.6.3 სამუშაოები. სამღებრო სამუშაოებისათვის საჭირო აალებადი სითხეების გამოყენება დასაშვებია 307.1(1) ცხრილში მოცემულ მაქსიმალურ რაოდენობაზე ნაკლები რაოდენობით. შესასხურებელი მოწყობილობა უნდა გაიწმინდოს ოთახში, სადაც სითხეებს/ხსნარებს იყენებენ, ანაწილებენ და ურევენ.

412.6.4 შენახვა. აალებადი სითხეები/ხსნარები სითხის შესანახ ოთახში უნდა ინახებოდეს.

412.6.5 ცეცხლსაქრობი. საჰაერო ხომალდის შესაღებად განკუთვნილ ანგარებში უნდა იყოს ცეცხლსაქრობი.

412.6.6 განიავება. საჰაერო ხომალდის შესაღებად განკუთვნილი ანგარები უნდა ნიავდებოდეს.

412.7 შვეულმფრენის პორტი და შვეულმფრენის დასაჯდომი. შვეულმფრენის პორტები და შვეულმფრენის დასაჯდომი შეიძლება აიგოს შენობებზე ან სხვა ადგილებზე, თუ მათი აგების მეთოდი 412.7.1 – 412.7.5 ქვეთავების მოთხოვნებს შეესაბამება.

412.7.1 ზომა. 1600 კგ-ზე ნაკლები წონის შვეულმფრენების დასაჯდომის ფართობის მინიმალური სიგრძე და სიგანე 6,0 მ უნდა იყოს. დასაჯდომ ფართობს ყველა მხრიდან უნდა აკრავდეს თავისუფალი ფართობი სახურავის დონეზე, რომლის საშუალო სიგანე სულ მცირე, 4,5 მ უნდა იყოს, მაგრამ, 1,5 მ და ნაკლები სიგანის არცერთ ნაწილში არ უნდა იყოს.

412.7.2 დაგეგმარება. შენობების სახურავზე მოწყობილი შვეულმფრენის დასაჯდომი ფართობები და მათი საყრდენები არაწვადი კონსტრუქციის უნდა იყოს. დასაჯდომი ფართობების დაგეგმარება ისე უნდა შესრულდეს, რომ აალებადი სითხეების წვეთები იღვრებოდეს დასაჯდომ ფართობზე. საწრეტი სისტემა უნდა უზრუნველყოფდეს, რომ დაღვრილი სითხე არ მოხვდეს რომელიმე გასასვლელში ან გზა-კიბეზე ან მათ შემცველ ნაგებობაში, რომელიც ემსახურება შვეულმფრენის დასაჯდომ ფართობს. კოსტრუქციების დიზაინისადმი არსებული მოთხოვნები იხილეთ 1605.4 ქვეთავში.

412.7.3 გასასვლელი საშუალებები. შვეულმფრენის პორტებიდან და შვეულმფრენის დასაჯდომებიდან გასასვლელი საშუალებები უნდა შეესაბამებოდეს მე-10 თავის დებულებებს. შენობებზე ან ნაგებობებზე მოთავსებულ შვეულმფრენის დასაჯდომ ფართობებს უნდა ჰქონდეს ორი ან მეტი გასასვლელი საშუალება. 18 მ-ზე ნაკლები სიგრძის ან 186 მ²-ზე ნაკლები ფართობის მქონე შვეულმფრენის დასაჯდომი ფართობების შემთხვევაში, მეორე გასასვლელი საშუალება დასაშვებია იყოს ხანძრისგან დასაღწევი, მონაცვლე საფეხურებიანი კიბე ან პწკალა კიბე, რომელიც ქვედა სართულისაკენ მიემართება.

412.7.4 სახურავზე მდებარე შვეულმფრენის პორტები და დასაჯდომები. სახურავზე მდებარე შვეულმფრენის პორტები და დასაჯდომი NFPA 418-ის მოთხოვნებს უნდა აკმაყოფილებდეს.

412.7.5 სახანძრო მილდგარების სისტემა. 905.3.6 ქვეთავის თანახმად, შენობებში, სადაც მოწყობილია სახანძრო მილდგარების სისტემა, მილდგარი სახურავის დონემდე უნდა გრძელდებოდეს.

ქვეთავი 413 – წვადი საწყობი

413.1 სხვენი, იატაკქვეშა და დამალული სივრცეები. წვადი მასალის შესანახად გამოყენებელი სხვენი, იატაკქვეშა და დამალული სივრცეები საწყობის მხრიდან დაცული უნდა იყოს ერთ-საათიანი ცეცხლმედეგობის ხარისხიანი კონსტრუქციით. ღიობები დაცული უნდა იყოს თვითდამკეტი მექანიზმიანი, არაწვადი ან მასიური ხისგულიანი, არანაკლებ, 4,5 სმ სისქის კონსტრუქციებით.

გამონაკლისი: ქვემოთ ჩამოთვლილ ადგილებში საჭირო არ არის არც ცეცხლმედეგი კონსტრუქცია და არც ღიობის დამცავები:

1.    ავტოსაშხეფი სისტემებით დაცული ფართობები.

2.    სც-3 და დს ჯგუფის დაკავებულობები.

 

ქვეთავი 414 – საფრთხის შემცველი ნივთიერებები

414.1 ზოგადი. ამ ქვეთავის დებულებები ეხება შენობებსა და ნაგებობებს, სადაც საფრთხის შემცველ ნივთიერებებს აწარმოებენ, ამუშავებენ, ანაწილებენ, იყენებენ ან ინახავენ.

414.1.1 სხვა დებულებები. შენობები და ნაგებობები, რომლებიც შეიცავს დსშ ჯგუფის დაკავებულობას ასევე უნდა აკმაყოფილებდეს 415-ე ქვეთავის შესაბამის დებულებებს.

414.1.2 მასალები. საფრთხის შემცველი მასალებისთვის განკუთვნილი ფართობების დაგეგმარებისას უსაფრთხოების გათვალისწინება თვითონ ამ მასალებზეა დამოკიდებული. თითოეული მასალის მიმართ არსებული მოთხოვნების შესახებ ინფორმაცია 307-ე და 415-ე ქვეთავებში შეგიძლიათ მოიძიოთ.

414.1.3 აუცილებელი ინფორმაცია. მშენებლობის ნებართვის გამცემ/ზედამხედველ ორგანოს უნდა წარედგინოს ანგარიში შესანახი, დახურულ და ღია სისტემაში გამოსაყენებელი საფრთხის შემცველი ნივთიერებების მოსალოდნელი მაქსიმალური რაოდენობების შესახებ, სადაც ცალ-ცალკე იქნება განხილული საფრთხის შემცველი ნივთიერებების კლასიფიცირების კატეგორიები 307.1(1) და 307.1(2) ცხრილების საფუძველზე. ამგვარი საფრთხეებისაგან თავდაცვის მეთოდები, მათ შორის (მაგრამ არა მხოლოდ): გასაკონტროლებელი ფართობები, უსაფრთხო მანძილები ძირითად საწარმოო და ტექნოლოგიურ წერტილებსა და ხაზებამდე, ასევე ადმინისტრაციულ შენობამდე, ავარიული აფეთქების შემთხვევაში დამაზიანებელი (რადიაციული, კოროზიული, დეტონაციური, თერმული და სხვა სპეციალური სახის)  ზემოქმედებისდაგან დაცვის მოწყობილობები და სისტემები, მათ შორის ადვილად ვარდნადი კონსტრუქციები, ხანძარსაწინააღმდეგო დაცვის სისტემები და დსშ ჯგუფის დაკავებულობები მითითებული უნდა იყოს ანგარიშსა და სამშენებლო დოკუმენტებში.

დსშ ჯგუფის დაკავებულობის შემცველი შენობებისა და ნაგებობებისთვის, უნდა წარედგინოს დსშ ჯგუფს მიკუთვნებული გამოყენებული ფართობების შემცველი შენობისა და ნაგებობების ცალკეული იატაკის გეგმები, რომელშიც აღნიშნულია, შენობის ან ნაგებობის რა ნაწილი რა დანიშნულებით გამოიყენება.

414.2 გასაკონტროლებელი ფართობები. გასაკონტროლებელი ფართობები 414.2.1 – 414.2.5 ქვეთავებს უნდა შეესაბამებოდეს.

414.2.1 აგებასთან დაკავშირებული მოთხოვნები. გასაკონტროლებელი ფართობები ერთმანეთისაგან გამიჯნული უნდა იყოს ცეცხლმედეგი ზღუდეებით, რომლებიც აგებულია 707-ე ქვეთავის მიხედვით ან თარაზული ანაწყობებით, რომლებიც 711-ე ქვეთავის შესაბამისად, ან ორივეთი ერთადაა აგებული.

414.2.2 მაქსიმალურად დასაშვები რაოდენობა პროცენტებში. შენობაში, თითოეულ იატაკის/სართულის დონეზე ერთ გასაკონტროლებელ ფართობზე ნებადართული საფრთხის შემცველი ნივთიერებების მაქსიმალურად დასაშვები რაოდენობა პროცენტებში 414.2.2 ცხრილს უნდა შეესაბამებოდეს.

ცხრილი 414.2.2

გასაკონტროლებელი ფართობების დაგეგმარება და რაოდენობა

იატაკის/სართულის დონე		თითო გასაკონტროლებელ ფართობზე მაქსიმალურად დასაშვები რაოდენობის პროცენტია	თითო იატაკზე გასაკონტროლებელი ფართობების რაოდენობა	ზღუდეების ცეცხლისგან დაცვის ხარისხიბ
	9–ზე მაღლა 7-9 6 5 4 3 2 1	5 5 12.5 12.5 12.5 50 75 100	1 2 2 2 2 2 3 4	2 2 2 2 2 1 1 1
მიწის დონის ზემოთ
მიწის დონის ქვემოთ	1 2 2–ზე დაბლა	75 50 დაუშვებელია	3 2 დაუშვებელია	1 1 დაუშვებელია

ა.  პროცენტი უნდა იყოს მაქსიმალურად დასაშვები რაოდენობა თითო გასაკონტროლებელ ფართობზე, რომელიც მოცემულია ცხრილებში  307.1(1) და 307.1(2), ამ ცხრილებში დაშვებული ყველა ნამატით.

ბ.    ცეცხლმედეგი ზღუდეები უნდა შეიცავდეს კედლებსა და იატაკებს, რათა გაიმიჯნოს შენობის სხვა ნაწილებისგან.

414.2.3 რაოდენობა. შენობაში გასაკონტროლებელი ფართობების მაქსიმალური რაოდენობა 414.2.2 ცხრილს უნდა შეესაბამებოდეს.

414.2.4 ცეცხლმედეგობის ხარისხთან დაკავშირებული მოთხოვნები. ცეცხლმედეგი ზღუდეების ცეცხლმედეგობის ხარისხი 414.2.2 ცხრილს უნდა შეესაბამებოდეს. გასაკონტროლებელი ფართობის იატაკის ანაწყობისა და გასაკონტროლებელი ფართობის იატაკის საყრდენი კონსტრუქციის ცეცხლმედეგობის ხარისხი, არანაკლებ, 2 საათი უნდა იყოს.

გამონაკლისი: დასაშვებია, რომ გასაკონტროლებელი ფართობის იატაკის ანაწყობისა და გასაკონტროლებელი ფართობის იატაკის საყრდენი კონსტრუქციის ცეცხლმედეგობის ხარისხი იყოს ერთი საათი. IIA, IIIA და VA ტიპის კონსტრუქციის შენობებში, თუ:

1.    შენობაში არის 903.3.1.1 ქვეთავის მიხედვით დაყენებული ავტომატური საშხეფი სისტემა;

2.    შენობის სიმაღლე მიწის დონიდან არის სამი ან სამზე ნაკლები სართული.

414.2.5 საფრთხის შემცველი ნივთიერებები სვ ჯგუფის საგამოფენო და სასაწყობო ფართობებზე და სწ ჯგუფის სასაწყობო ფართობზე. მყარი არააალებადი და თხევადი არააალებადი ან არაწვადი საფრთხის შემცველი ნივთიერებების საერთო რაოდენობა, რომელიც დასაშვებია სვ ჯგუფის საგამოფენო და სასაწყობო ფართობებისა და სწ ჯგუფის სასაწყობო ფართობის ერთ გასაკონტროლებელ ფართობზე ან შენობის გარეთ არსებულ გასაკონტროლებელ ფართობზე, დასაშვებია აღემატებოდეს ერთი გასაკონტროლებელი ფართობისთვის 307.1(1) და 307.1(2) ცხრილებში მოცემულ მაქსიმალურად დასაშვებ რაოდენობას ისე, რომ შენობა ან გამოყენება არ კლასიფირციდეს დსშ ჯგუფის დაკავებულობად, თუ რაოდენობები 414.2.5(1) ცხრილში განსაზღვრულ მაქსიმალურად დასაშვებ რაოდენობებს არ აღემატება.

სვ ჯგუფის დაკავებულობის საბითუმო და საცალო ვაჭრობის გამოყენებებში, აალებადი და წვადი სითხეები შენახვისას, არ უნდა აღემატებოდეს ერთი გასაკონტროლებელი ფართობისათვის დასაშვებ მაქსიმალურ რაოდენობას, რომელიც 414.2.5(2) ცხრილშია მითითებული.

ცხრილი 414.2.5(1)

შენობის შიგნით და გარეთ მდებარე თითო გასაკონტროლებელ ფართობზე სვ და სწ ჯგუფის დაკავებულობებში არააალებადი მყარი, არააალებადი და არაწვადი, თხევადი ნივთიერებების მაქსიმალურად დასაშვები რაოდენობა^დ,ე,ვ

მდგომარეობა		მაქსიმალურად დასაშვები რაოდენობა თითო გასაკონტროლებელ ფართობზე
ნივთიერებაა	კლასი	მყარი ნივთიერებები კილოგრამებში	სითხეები ლიტრებში
ა.  ჯანმრთელობისთვის საფრხის შემცველი ნივთიერებები – არააალებადი, არაწვადი მყარი და თხევადი
1. კოროზიულიბ,გ	ა/შ	4426,5	3690,375
2. ძლიერ მომწამლავი	ა/შ	9,08ბ,გ	7,57ბ,გ
3. მომწამლავიბ,გ	ა/შ	454	378,5
ბ. ფიზიკური საფრთხის შემცველი ნივთიერებები – არააალებადი, არაწვადი მყარი და თხევადი
1. მჟანგავებიბ,გ	4	დაუშვებელია	დაუშვებელია
	3	522,1ზ	435,275
	2	1021,5თ	851,625
	1	8172ი,კ	6813ი,კ
2. არამდგრადი (რეაქტივები)ბ,გ	4	დაუშვებელია	დაუშვებელია
	3	249,7	208,175
	2	522,1	435,275
	1	დაუშვებელია	დაუშვებელია
3. წყალ-რეაქტივები	3ბ,გ	249,7	208,175
	2ბ,გ	522,1	435,275
	1	დაუშვებელია	დაუშვებელია

ა.    მაქიმალურად დასაშვები რაოდენობები უნდა გაიზარდოს 100%-ით შენობებში, სადაც დაყენებულია საშხეფები 903.3.1.1 ქვეთავის შესაბამისად. თუ გამოიყენება შენიშვნა „გ“, ორივე შენიშვნა ერთად გამოყენებული უნდა იქნეს.

გ.  მაქიმალურად დასაშვები რაოდენობები უნდა გაიზარდოს 100%-ით შენობებში, თუ ინახება აღიარებულ სასაწყობო კარადებში. თუ გამოიყენება შენიშვნა ბ, ორივე შენიშვნა ერთად გათვალისწინებული უნდა იქნეს.

დ.   იხ. ცხრილი 414.2.2 საკონტროლო ზონების დაგეგმარებისა და რაოდენობის შესახებ.

ე.   სხვა საფრთხის შემცველი ნივთიერებების კატეგორიების დასაშვები რაოდენობები  307-ე ქვეთავსუნდა შეესაბამებოდეს.

ვ.   შენობის გარეთ მდებარე გასაკონტროლებელ ფართობებზე მაქსიმალური რაოდენობები 100%-ით უნდა გაიზარდოს.

ზ.   მაქსიმალური მოცულობები შეიძლება გაიზარდოს 1022 კგ-მდე, თუ ინდივიდუალური პაკეტები მოთავსებულია მწარმოებლის ან შემფუთავის მიერ დალუქულ კონტეინერებში და თითო პაკეტის წონა 4,54 კგ-ს არ აღემატება.

თ.  მაქსიმალური მოცულობები შეიძლება გაიზარდოს 2043 კგ-მდე, თუ ინდივიდუალური პაკეტები მოთავსებულია მწარმოებლის ან შემფუთავის მიერ დალუქულ კონტეინერებში და თითო პაკეტის წონა 4,54 კგ-ს არ აღემატება.

ი.   დაშვებული რაოდენობები არ უნდა შეიზღუდოს შენობაში, რომელიც მთლიანად აღჭურვილია 903.3.1.1 ქვეთავის შესაბამისად დაყენებული ავტომატური საშხეფი სისტემით.

კ.    რაოდენობები შეუზღუდავია შენობის გარეთ მდებარე გასაკონტროლებელ ფართობებზე.

ცხრილი 414.2.5(2)

აალებადი და წვადი თხევადი ნივთიერებების მაქსიმალურად დასაშვები რაოდენობა საცალო და საბითუმო ვაჭრობის დაკავებულობების თითო გასაკონტროლებელ ფართობზე^ა

სითხეების ტიპები	მაქსიმალურად დასაშვები რაოდენობა თითო გასაკონტროლებელ ფართობზე (ლიტრებში)
	შენიშვნა „ბ“-ის შესაბამისად დაყენებული საშხეფები, სიმჭიდროვე და განლაგება	3404.3.6.3(4) – 3404.3.6.3(8) ცხრილების შესაბამისად დაყენებული საშხეფებით	საშხეფების გარეშე
კლასი IA	227	227	114
კლასი IC, II და IIIA	28387,5გ	56775გ	6056
კლასი IIIB	შეუზღუდავი	შეუზღუდავი	49962

ა.   გასაკონტროლებელი ფართობები ერთმანეთისაგან უნდა გაიმიჯნოს, არანაკლებ, ერთსაათიანი ცეცხლმედეგი ზღუდით.

ბ.   მთელ შენობაში უნდა დააყენონ ავტომატური საშხეფი სისტემა, რომლის დაგეგმარება ისეა შესრულებული, რომ უზრუნველყოფილი იყოს შემდეგი სახის მინიმალურ სიმჭიდროვე:

1.   თაროებზე 1,8 მ ან ამზე ნაკლები სიმაღლის არამუყაოს საგნებისთვის, თუ ჭერის სიმაღლე არ აღემატება 5,5 მ-ს, საშხეფების მინიმალური სიმჭიდროვე ისეთივეა, როგორიც ჩვეულებრივი საფრთხის შემცველი ჯგუფი 2-თვისაა დაშვებული.

2.   მუყაოს ყუთებში ჩაწყობილი, ქვესადგარზე ან თაროებზე განთავსებული ტვირთვისთვის, თუ საწყობის სიმაღლე არის 5,5 მ ან ამაზე ნაკლები, ხოლო ჭერის სიმაღლე არ აღემატება 5,5 მ-ს, რაოდენობები ისეთივეა, როგორიც დაშვებულია 8,55 ლიტრი წუთში ერთ კვადრატულ მეტრზე მინიმალური სიმჭიდროვის საშხეფებისთვის ყველაზე მოშორებით მდებარე 140 მ²-ის ფართობზე.

გ.  თუ საბითუმო და საცალო ვაჭრობისთვის ან საწყობისათვის განკუთვნილი ფართობი აღემატება 4700 მ²-ს, მაქიმალურად დასაშვები რაოდენობა შეიძლება გაიზარდოს 2%-ით ყოველ 100 მ² ფართობზე 4700 მ² ფართობის ზემოთ, ცხრილში მოცემული სიდიდის მაქსიმუმ 100%-მდე. გასაკონტროლებელი ფართობების გამიჯვნა აუცილებელი არ არის. დაგროვილი რაოდენობები, მათ შორის, დამატებითი გასაკონტროლებელი ფართობის ხარჯზე მიღებულისა, არ უნდა აღემატებოდეს 113 550 ლიტრს.

414.3 განიავება.  დსშ ჯგუფის ოთახები, ფართობები ან სივრცეები, სადაც ფეთქებადი, კოროზიული, წვადი, აალებადი ან ძლიერ მომწამლავი მტვერი, ბურუსი, კვამლი, ორთქლი ან აირებია ან შეიძლება წარმოიქმნას ნივთიერების გადამუშავების, გამოყენების, გადაცემის ან შენახვის შედეგად, მექანიკურად უნდა ნიავდებოდეს.

ფეთქებადი ან აალებადი ორთქლის, კვამლის ან მტვრის გამტარი არხები პირდაპირ უნდა გადიოდეს შენობის გარეთ ისე, რომ არ კვეთდეს სხვა სივრცეებს. გამწოვი არხები არ უნდა ვრცელდებოდეს არხებსა და მაღალი წნევის კამერებში ან კვეთდეს მათ.

გამონაკლისი: არხები, რომლებშიც გადის აალების ქვედა ზღვარზე 25%-ით ნაკლები აალებადი შემცველობის ორთქლი ან კვამლი, დასაშვებია კვეთდეს სხვა სივრცეებს.

სამუშაო ადგილებში წარმოქმნილი გამონაბოლქვი არ უნდა გავიდეს იმ ფართობიდან, სადაც წარმოიქმნა.

ძლიერ მომწამლავი ნივთიერებებით დაბინძურებული ჰაერი შენობიდან გაშვებამდე უნდა გაიწმინდოს.

ამ ქვეთავის მიხედვით აუცილებელი სანიავებელი მოწყობილობისათვის ხელით სამართავი ამომრთველი უნდა დააყენონ ოთახის გარეთ, ოთახში შესასვლელი მთავარი კარის მომიჯნავედ. ამომრთველს უნდა ჰქონდეს უსაფრთხოდ მსხვრევადი მინის საფარი და შემდეგი შინაარსის ეტიკეტი: განიავების სისტემის საავარიო ამომრთველი.

414.4 სისტემები, რომლებიც იყენებს საფრთხის შემცველ ნივთიერებას. სისტემები, რომლებიც იყენებს საფრთხის შემცველ ნივთიერებებს, უნდა შეესაბამებოდეს ამგვარ გამოყენებას. დაგეგმარებისას გათვალისწინებულ უნდა იქნეს მაკონტროლებელი საშუალებები, რომლებიც ამ ნივთიერებებს არ მისცემს საშუალებას, განსაზღვრული დროის, სიჩქარის ან მოქმედების წესის გარდა, შეაღწიოს ან დატოვოს საპროცესო თუ სარეაქციო სისტემები. ავტომატური მაკონტროლებლები, არსებობისას, ისე უნდა დაგეგმარდეს, რომ მწყობრიდან გამოსვლისას საფრთხე არ შექმნას.

414.5 შენობაში შენახვა, განაწილება და გამოყენება. შენობაში საფრთხის შემცველი ნივთიერებების შენახვა, განაწილება და გამოყენება წესების 414.5.1 – 414.5.3 ქვეთავების შესაბამისად რეგულირდება.

414.5.1 აფეთქების კონტროლი. აფეთქება ისე უნდა კონტროლდებოდეს, როგორც ეს განსაზღვრულია 414.5.1 ცხრილში, სადაც საფრთხის შემცველი ნივთიერებების რაოდენობები აღემატება 307.1(1) ცხრილში წარმოდგენილ მაქსიმალურად დასაშვებ რაოდენობებს, ან სადაც ნაგებობა, ოთახი ან სივრცე გამოიყენებულია ისეთი დანიშნულებით, რომ იქმნება აფეთქების საფრთხე, როგორც 415-ე ქვეთავშია განსაზღვრული.

ცხრილი 414.5.1

აფეთქების კონტროლის მიმართ მოთხოვნები^ა

ნივთიერება	კლასი	აფეთქების კონტროლის მეთოდები
		ბარიკადული კონსტრუქცია ან უსაფრთხო მანძილების უზრუნველყოფა მომიჯნავე ნაგებობებიდან 414.1.3 პუნქტის შესაბამისად		აფეთქების (დეფლაგრაციის) სანიავებელი ან აფეთქების (დეფლაგრაციის) პრევენციული სისტემებიბ
საფრთხის კატეგორია
წვადი მტვერიგ	—	არ არის აუცილებელი		აუცილებელია
კრიოგენული, აალებადი	—	არ არის აუცილებელი		აუცილებელია
ფეთქებადი	ქვეკლასი 1.1 ქვეკლასი 1.2 ქვეკლასი 1.3 ქვეკლასი 1.4 ქვეკლასი 1.5 ქვეკლასი 1.6	აუცილებელია აუცილებელია არ არის აუცილებელი არ არის აუცილებელი აუცილებელია აუცილებელია		არ არის აუცილებელი არ არის აუცილებელი აუცილებელია აუცილებელია არ არის აუცილებელი არ არის აუცილებელი
აალებადი აირი	აირისებრი თხევადი	არ არის აუცილებელი არ არის აუცილებელი		აუცილებელია აუცილებელია
აალებადი სითხე	IAd IBe	არ არის აუცილებელი არ არის აუცილებელი		აუცილებელია აუცილებელია
ორგანული ზეჟანგი	U I	აუცილებელია აუცილებელია		არ არის აუცილებელი არ არის აუცილებელი
მჟანგავი სითხეები და მყარი ნივთიერებები	4	აუცილებელია		არ არის აუცილებელი
თვითაალებადი (პიროფორული) აირი	—	არ არის აუცილებელი		აუცილებელია
არამდგრადი (რეაქტიული)	4 3 დეტონაციური 3 არადეტონაციური	აუცილებელია აუცილებელია არ არის აუცილებელი		არ არის აუცილებელი არ არის აუცილებელი აუცილებელია
წყალ-რეაქტიული სითხეები და მყარი ნივთიერებები	3 2z	არ არის აუცილებელი არ არის აუცილებელი		აუცილებელია აუცილებელია
სპეციალური გამოყენებები
ოთხები, სადაც იღებენ აცეტილენს	—		არ არის აუცილებელი		აუცილებელია
დაქუცმაცება	—		არ არის აუცილებელი		აუცილებელია
ნავთობის თხევადი აირის მანაწილებელი დანადგარები	—		არ არის აუცილებელი		აუცილებელია
სადაც აფეთქების საფრთხეავ	დეტონაცია დეფლაგრაცია		აუცილებელია არ არის აუცილებელი		არ არის აუცილებელი აუცილებელია

 

ა. იხ. ქვეთავი 414.1.3.

გ. რომელიც წარმოიქმნება წარმოების ან გადამუშავების დროს. იხ. განმარტება „წვადი მტვერი“ მესამე თავში.

დ. შენახვა ან გამოყენება.

ე. ღია სივრცეში გამოყენება ან განაწილება.

ვ. მანაწილებლის (დისპენსერის) შემცველი ოთახები და საშიში ნივთიერებების გამოყენება, როცა საშიში ნივთიერების მახასიათებლებიდან ან ბუნებიდან გამომდინარე, ან განაწილებისა თუ გამოყენების პროცესის გამო, შეიძლება შეიქმნას აფეთქებისათვის ხელსაყრელი გარემო.

ზ. აფეთქების კონტროლის მეთოდი გამოიყენება, როცა მე-2 კლასის წყალრექატიულმა ნივთიერებებმა შეიძლება წარმოქმნას პოტენციურად ფეთქებადი ნაერთები.

414.5.2 საავარიო ან სათადარიგო ელექტრომომარაგება. მექანიკური განიავების სისტემებს, გამწმენდ სისტემებს, ტემპერატურის რეგულატორებს, განგაშის, აღმომჩენი ან ელექტრონულად მართვად სხვა სისტემებს საავარიო ან სათადარიგო ელექტრომომარაგების სისტემა უნდა ჰქონდეს.

გამონაკლისი:

1. საავარიო ან სათადარიგო ელექტრომომარაგება არ სჭირდება შემდეგ სასაწყობო ფართობებს:

1.1.  მექანიკური განიავება IB და IC კლასის აალებადი და წვადი სითხეების შესანახი დახურული კონტეინერებისათვის, რომელთა ტევადობა 25 ლიტრს არ აღემატება.

1.2.  პირველი და მე-2 კლასის მჟანგავების შესანახი ფართობები.

1.3.   III, IV და V კლასის ორგანული ზეჟანგების შესანახი ფართობები.

1.4.  ფართობები, სადაც ინახება, გამოიყენება ან გადაიზიდება მხუთავი, გამაღიზიანებელი და რადიოაქტიული აირები.

2.    სათადარიგო ელექტრომომარაგება არ სჭირდება მექანიკური განიავების სისტემას, გამწმენდ სისტემებსა და ტემპერატურის მარეგულირებელ სისტემებს, თუ დაყენებულია ენერგომომარაგების შეწყვეტის შემთხვევაში უსაფრთხოების უზრუნველმყოფელი სპეციალიზებული სისტემა.

414.5.3 დაღვრის კონტროლი, დაწრეტა და შეჩერება. ოთახები, შენობები ან ფართობები, სადაც ინახება მყარი ან თხევადი საფრთხის შემცველი ნივთიერებები, უზრუნველყოფილი უნდა იყოს დაღვრის საკონტროლო, საჩერი ან  საწრეტი საშუალებებით, ასევე სასაწყობო ფართობზე ხანძრის ჩასაქრობად გამოყენებული წყლის საკონტროლო საშუალებით.

414.6 შენობის გარეთ შენახვა, განაწილება და გამოყენება. საფრთხის შემცველი ნივთიერებების შენობის გარეთ შენახვა, განაწილება და გამოყენება შენობის გარეთ უნდა ხდებოდეს:

414.6.1 ატმოსფერული ზემოქმედებისაგან დაცვა. თუ საფრთხის შემცველი  ნივთიერებების შენობის გარეთ შესანახი ან გამოსაყენებელი ადგილები დაცულია ატმოსფერული ზემოქმედებისაგან, ამგვარი ადგილები უნდა ჩაითვალოს გარე საწყობად ან გარე გამოყენების ადგილად, თუ ატმოსფერული ზემოქმედებისაგან დამცავი ნაგებობა 414.6.1.1 – 414.6.1.3 ქვეთავებს შეესაბამება.

414.6.1.1 კედლები. კედლები არ უნდა ზღუდავდეს ნაგებობის ერთზე მეტ მხარეს.

გამონაკლისი: კედლები შეიძლება ზღუდავდეს ნაგებობის რამდენიმე მხარეს ნაწილობრივ, თუ შემოზღუდვის ფართობი ნაგებობის პერიმეტრის 25%-ს არ აღემატება.

414.6.1.2 გამიჯვნის მანძილი. მანძილი ნაგებობიდან შენობებამდე, მიწის ნაკვეთების საზღვრებამდე, საზოგადოებრივ გზებამდე ან საზოგადოებრივ გზებზე გამავალ გასასვლელ საშუალებებამდე არ უნდა იყოს ნაკლები, ვიდრე მანძილი, რომელიც ატმოსფერული ზემოქმედებისაგან დაუცველ საწყობამდე ან საფრთხის შემცველი ნივთიერებების გამოყენების ადგილამდეა საჭირო. ამავე დროს, გამიჯვნის მანძილი უნდა დადგინდეს შესაძლო ავარიის ყველაზე უარესი სცენარის გათვალისწინებით სპეციალური ტექნიკური გაანგარიშების საფუძველზე, როდესაც დამაზიანებლი ფაქტორების სიდიდეები შეესაბამებიან უსაფრთხოებისა და წარმოების მგრადი ფუნქციონირების პირობების უზრუნველყოფას.

414.6.1.3 არაწვადი კონსტრუქცია. ზემოთ მდებარე კონსტრუქცია უნდა იყოს არაწვადი და მისი მაქსიმალური ფართობი 140 მ² უნდა იყოს.

გამონაკლისი: მაქსიმალური ფართობი დასაშვებია 506-ე ქვეთავის შესაბამისად გაიზარდოს.

414.7 საავარიო განგაში. დსშ ჯგუფის დაკავებულობებში ავარიული ვითარების აღმომჩენი და შემტყობინებელი საავარიო განგაშის სისტემა აქ წარმოდგენილი დებულებების მიხედვით უნდა დააყენონ.

414.7.1 შენახვა. ხელით სამართავი საავარიო განგაშის სისტემა უნდა დააყენონ შენობებში, ოთახებში ან ფართობებზე, სადაც ინახება საფრთხის შემცველი ნივთიერებები. საავარიო განგაშის გამააქტიურებელი მექანიზმები უნდა დააყენონ სასაწყობო შენობების, ოთახების ან ფართობების თითოეული შიგა გასასვლელის ან გასასვლელთან მისადგომი კარის გარეთ. საავარიო განგაშის გამააქტიურებელი მექანიზმის ამუშავებისას უნდა ჩაირთოს ადგილობრივი განგაშის ხმოვანი სიგნალი, რომელიც შენობაში მყოფთ საფრთხის შემცველი  ნივთიერებებით გამოწვეული საავარიო ვითარების შესახებ ამცნობს.

414.7.2 განაწილება, გამოყენება და გადაზიდვა. თუ დერეფნებში, შიგა გასასვლელის გზა-კიბეებში, პანდუსებზე ან გასასვლელის გზა-დერეფნებში ხდება NFPA 704-ის მიხედვით მე-3 ან 4-ე კატეგორიის საფრთხის შემცველი ნივთიერებების გადაზიდვა, გადაზიდვის სვლაგეზის  (მარშრუტის) ყოველ 45 მ-ში, თითოეულ გასასვლელთან და გასასვლელთან მისადგომის გზა-კართან დაყენებული უნდა იყოს საავარიო სატელეფონო სისტემა, ხელით სამართავი ადგილობრივი განგაშის სადგური ან განგაშის გამააქტიურებელი მექანიზმი. სიგნალი უნდა გადაეცემოდეს ცენტრალურ, კერძო ან დისტანციურ სადგურს ან ადგილობრივ სამორიგეო სადგურს და ასევე უნდა ააქტიურებდეს ადგილობრივი განგაშის ხმოვან სიგნალს.

414.7.3 ზედამხედველობა. საავარიო განგაშის სისტემებს ზედამხედველობას უნდა უწევდეს ცენტრალური, კერძო ან დისტანციური სადგური ან ეს სისტემები უნდა ააქტიურებდეს ხმოვან და ვიზუალურ სიგნალს ადგილობრივ სამორიგეო სადგურში.

ქვეთავი 415 – ჯგუფები დსშ-1, დსშ-2, დსშ-3, დსშ-4 და დსშ-5

415.1 რეგულირების საგანი. 415.1 – 415.10 ქვეთავების დებულებები ეხება საფრთხის შემცველი ნივთიერებების შენახვასა და გამოყენებას 307.1 ქვეთავში თითოეული გასაკონტროლებელი ფართობისათვის განსაზღვრულ მაქსიმალურად დასაშვებზე მეტი რაოდენობით. შენობები და ნაგებობები, რომლებიც მოიცავს დსშ ჯგუფის დაკავებულობებს, 414-ე ქვეთავის დებულებებს უნდა შეესაბამებოდეს.

415.2 განმარტებები. ქვემოთ წარმოდგენილი ტერმინები განმარტებულია მე-2 თავში:

აალებადი ორთქლი ან კვამლი.

აალებადი, საფრთხის შემცველი საწარმოო სითხე.

აალების ქვედა ზღვარი.

ავარიის საკონტროლო სადგური.

აირაღმომჩენი უწყვეტი სისტემა.

აირის კარადა.

აირის ოთახი.

გამოყენება (ნივთიერება).

მომსახურე დერეფანი.

მყარი ნივთიერება.

მყისიერად საშიში სიცოცხლისა და ჯანმრთელობისათვის.

ნორმალური ტემპერატურა და წნევა.

ოთახები, სადაც სითხეს იყენებენ, ანაწილებენ და ურევენ.

სამუშაო გარემო (ადგილი).

საფრთხის შემცველი საწარმოო ნივთიერება.

საფრხის შემცველი საწარმოო ნივთიერების ოთახი.

საწარმოო ფართობი.

სითხე.

სითხის შესანახი ოთახი.

ფიზიოლოგიური სიფრთხილის ზღვრული დონე.

შემოზღუდული გამწოვი.

შენახვა, საფრთხის შემცველი ნივთიერებები.

ცალკე მდგომი შენობა.

415.3 ცეცხლის ავტომატური აღმომჩენი სისტემა. დსშ ჯგუფის დაკავებულობები 907.2 ქვეთავის შესაბამისი ცეცხლის ავტომატური აღმომჩენი სისტემით უნდა აღიჭურვოს.

415.4 ავტოსაშხეფი სისტემა. დსშ ჯგუფის დაკავებულობები მთლიანად 903.2.5 ქვეთავის შესაბამისი ავტოსაშხეფი სისტემით უნდა აღიჭურვოს.

415.5 ხანძარსაწინააღმდეგო მანძილი. დსშ ჯგუფის დაკავებულობები უნდა მდებარეობდეს საკუთრების საზღვრებში, ამ თავის სხვა დებულებების შესაბამისად. დსშ-2 და დსშ-3 ჯგუფებში, გარე კედელი დაკავებულობის შემომზღუდავი კედლის პერიმეტრის, არანაკლებ, 25% უნდა იყოს.

გამონაკლისი:

1.    ოთახები, სადაც სითხეებს იყენებენ, ანაწილებენ და ურევენ, და რომელთა იატაკის ფართობი არ აღემატება 50 მ²-ს, არაა აუცილებელი მდებარეობდეს შენობის გარე კედელთან, სადაც ისინი NFPA 30-ის მოთხოვნის შესაბამისად უნდა მდებარეობდეს.

2.    სითხეების შესანახი ოთახები, რომელთა იატაკის ფართობი არ აღემატება 100 მ²-ს, შეიძლება არ მდებარეობდეს შენობის გარე კედელთან, სადაც ისინი NFPA 30-ის მოთხოვნის შესაბამისად უნდა მდებარეობდეს.

415.5.1 მინიმალური ხანძარსაწინააღმდეგო მანძილი დსშ ჯგუფის დაკავებულობაში. მიუხედავად ნებისმიერი სხვა დებულებებისა, შენობები, რომლებიც მოიცავს დსშ ჯგუფის დაკავებულობებს, უკან მინიმალურ ცეცხლგამყოფ მანძილზე უნდა შეიწიოს, როგორც ეს მოცემულია 415.5.1.1 – 415.5.1.4 ქვეთავებში. მანძილები უნდა გაიზომოს დაკავებულობის შემომზღუდავი კედლებიდან მიწის ნაკვეთის საზღვრებამდე, მათ შორის, საზოგადოებრივი გზის საზღვრებამდე. მანძილები მიწის ნაკვეთის სავარაუდო საზღვრებამდე, რომლებიც გარე კედლისა და ღიობის დამცავის განსასაზღვრავადაა დაწესებული, არ უნდა გამოიყენებოდეს მინიმალური ხანძარსაწინააღმდეგო მანძილის დასადგენად ისეთი შენობებისათვის, სადაც აწარმოებენ ან იყენებენ ფეთქებად ნივთიერებებს.

415.5.1.1 ჯგუფი დსშ-1. დსშ-1 დაკავებულობების ფართობები მიწის ნაკვეთის საზღვრიდან, არანაკლებ, 23 მ-ით უნდა შეიწიოს.

გამონაკლისი: შენობები, სადაც აწარმოებენ ფეიერვერკებს, და რომლებიც NFPA 1124-ის შესაბამისადაა გამიჯნული.

415.5.1.2 ჯგუფი დსშ-2. დსშ-2 დაკავებულობები უნდა შეიწიოს, არანაკლებ, 9,0 მ-ისა, სადაც დაკავებული ფართობი აღემატება 100 მ²-ს და არ არის აუცილებელი, ცალკე მდგომ შენობაში მდებარეობდეს.

415.5.1.3 ჯგუფები დსშ-2 და დსშ-3. დსშ-2 და დსშ-3 დაკავებულობები უნდა შეიწიოს, არანაკლებ, 15 მ-ით, თუ აუცილებელია, შენობა ცალკე იდგეს (იხ. ცხრილი 415.3.2).

415.5.1.4 ფეთქებადი ნივთიერებები. დსშ-2 და დსშ-3. ჯგუფის დაკავებულობები, სადაც განთავსებულია ფეთქებადი ნივთიერებები, უნდა გაიმიჯნოს. იქ, სადაც გამყოფი მანძილები განსაზღვრული არ არის, აუცილებელი მანძილები უნდა განისაზღვროს ტექნიკური ანგარიშის მიხედვით, რომელიც 414.1.3 ქვეთავის შესაბამისად მზადდება.

415.5.2 ცალკე მდგომი შენობები დსშ-1 და დსშ-2 ან დსშ-3 ჯგუფის დაკავებულობებისთვის. 415.5.2 ცხრილში განსაზღვრულზე მეტი რაოდენობის საფრთხის შემცველი ნივთიერებები 415.6 და 415.7 ქვეთავების მოთხოვნების მიხედვით უნდა ინახებოდეს.

415.5.2.1 კედლისა და ღიობის დაცვა. სადაც 415.5.2 ცხრილი მოითხოვს, რომ შენობა ცალკე იდგეს, კედლისა და ღიობის დამცავს არ სჭირდება ხანძარსაწინააღმდეგო მანძილის მოთხოვნების დაკმაყოფილება.

ცხრილი 415.5.2

აუცილებელი ცალკე მდგომი შენობა

ცალკე მდგომი შენობა აუცილებელია, როდესაც ნივთიერების რაოდენობა აღემატება აქ განსაზღვრულს
ნივთიერება	კლასი	მყარი ნივთიერებები და სითხეები (კგ)ა	აირები (კუბური მეტრი)ა
ფეთქებადი	ქვეკლასი 1.1 ქვეკლასი 1.2 ქვეკლასი 1.3 ქვეკლასი 1.4 ქვეკლასი 1.4 ბ ქვეკლასი 1.5 ქვეკლასი 1.6	მაქსიმალურად დასაშვები რაოდენობა მაქსიმალურად დასაშვები რაოდენობა მაქსიმალურად დასაშვები რაოდენობა მაქსიმალურად დასაშვები რაოდენობა 906 მაქსიმალურად დასაშვები რაოდენობა მაქსიმალურად დასაშვები რაოდენობა	ა/შ
მჟანგავები	კლასი 4	მაქსიმალურად დასაშვები რაოდენობა	მაქსიმალურად დასაშვები რაოდენობა
არამდგრადი (რეაქტიული) დეტონაციური	კლასი 3 ან 4	მაქსიმალურად დასაშვები რაოდენობა	მაქსიმალურად დასაშვები რაოდენობა
მჟანგავი, თხევადი და მყარი	კლასი 3 კლასი 2	1 087 200 1 812 000	ა/შ ა/შ
ორგანული ზეჟანგები	დეტონაციური კლასი I კლასი II კლასი III	მაქსიმალურად დასაშვები რაოდენობა მაქსიმალურად დასაშვები რაოდენობა 22 650 45 300	ა/შ ა/შ ა/შ ა/შ
არამდგრადი (რეაქტიული) არადეტონაციური	კლასი 3 კლასი 2	906 22 650	56,64 283,2
წყალრეაქტიულები	კლასი 3 კლასი 2	906 22 650	ა/შ ა/შ
თვითაალებადი (პიროფორული) აირები	ა/შ	ა/შ	56,64

ა/შ – არ შეესაბამება

ა.    „მაქსიმალურად დასაშვები რაოდენობა“  ნიშნავს ერთ გასაკონტროლებელ ფართობზე მაქსიმალურად დასაშვებ რაოდენობას, რომელიც 307.7(1) ცხრილშია მოცემული.

ბ.  1.4 ქვეკლასში შესული ნივთიერებები და საგნები, ტრანსპორტირებისათვის შეფუთულ საგნებიანად, რომლებიც  არ ითვლება ფეთქებადად, ან დამუშავების დროს გამოყენებული საგნები, რომლებიც არ იწვევენ დეტონაციას ან დეფლაგრაციას საგნებს შორის, თუ ინდივიდუალური საგნების წონა 0,454 კგ-ს არ აღემატება.

415.6 სპეციალური დებულებები დსშ-1 ჯგუფის დაკავებულობებისათვის. დსშ-1 ჯგუფის დაკავებულობები უნდა იყოს შენობებში, რომლებიც არ გამოიყენება სხვა დანიშნულებით. მათი სიმაღლე არ აღემატება ერთ სართულს და არ აქვს მიწის დონის ქვედა სართულები, დაბალი სივრცეები ან სხვა იატაკქვეშა სივრცეები. სახურავები უნდა იყოს მსუბუქი წონის კონსტრუქცია სათანადო თერმული იზოლაციით, რომ მგრძნობიარე ნივთიერება არ გაცხელდეს დაშლის ტემპერატურამდე. დსშ-1 ჯგუფის დაკავებულობები, სადაც გამოიყენება როგორც ფიზიკური, ისე ჯანმრთელობისათვის საფრთხის შემცველი ნივთიერებები ისეთი რაოდენობით, რაც 307.1(2) ცხრილში თითოეული გასაკონტროლებელი ფართობისთვის განსაზღვრულ მაქსიმალურად დასაშვებ რაოდენობას აღემატება, უნდა აკმაყოფილებდეს, როგორც დსშ-1, ისე დსშ-4 ჯგუფის დაკავებულობის მიმართ არსებულ მოთხოვნებს.

415.6.1 იატაკები სასაწყობო ოთახებში. იატაკები ორგანული ზეჟანგების, თვითაალებადი (პიროფორული) ნივთიერებებისა და არამდგრადი (რეაქტიული) ნივთიერებების შესანახად განკუთვნილ ფართობებზე სითხეგაუმტარი, არაწვადი კონსტრუქციის უნდა იყოს.

415.7 სპეციალური დებულებები დსშ-2 და დსშ-3 ჯგუფის დაკავებულობებისათვის. დსშ-2 და დსშ-3 ჯგუფის დაკავებულობები, სადაც გამოიყენება 415.5.2 ცხრილში მოცემულ რაოდენობაზე მეტი საფრთხის შემცველი  ნივთიერებები, ისინი უნდა იყოს ცალკე მდგომ შენობებში, რომლებიც არ გამოიყენება საფრთხის შემცველი ნივთიერებების წარმოების, გადამუშავების, განაწილების, გამოყენების ან შენახვის მიზნით.  307.3 ქვეთავში დსშ-1 ჯგუფის დაკავებულობებისთვის ჩამოთვლილი ნივთიერებები დასაშვებია მოთავსდეს დსშ-2 ან დსშ-3 ჯგუფის ცალკე მდგომ შენობებში, თუ ნივთიერებების რაოდენობა ერთ გასაკონტროლებელ ფართობზე არ აღემატება 307.1(1) ცხრილში განსაზღვრულ მაქსიმალურად დასაშვებ რაოდენობას.

415.7.1 ცალკე მდგომი შენობები. ცალკე მდგომი შენობების სიმაღლე არ უნდა აღემატებოდეს ერთ სართულს, მათ არ უნდა ჰქონდეს მიწის დონის ქვედა სართულები, დაბალი სივრცეები ან სხვა იატაკქვეშა სივრცეები.

415.7.2 რამდენიმე საფრთხე. დსშ-2 ან დსშ-3 ჯგუფის დაკავებულობები, სადაც განთავსებულია ნივთიერებები, რომლებიც შეიცავს ფიზიკურ საფრთხეებს და საშიშია ჯანმრთელობისათვის, თუ ისინი წარმოდგენილია 307.1(2) ცხრილში ერთი გასაკონტროლებელი ფართობისთვის მაქსიმალურად დასაშვებზე მეტი რაოდენობით, მაშინ ისინი დსშ-2, დსშ-3 ან დსშ-4 ჯგუფის დაკავებულობებისთვის განსაზღვრულ მოთხოვნებს უნდა აკმაყოფილებდეს.

415.7.3 არათავსებადი ნივთიერებების გამიჯვნა. 415.3.2 ცხრილში ჩამოთვლილისგან განსხვავებული საფრთხის შემცველი მასალები დასაშვებია განთავსდეს მათ საწარმოო, გადასამუშავებელ, მანაწილებელ, გამოსაყენებელ ან შესანახ ფართობებზე, როდესაც ისინი არათავსებადი ნივთიერებებისგან გამიჯნულია.

415.7.4 წყალ-რეაქტივები. დსშ-2 და დსშ-3 ჯგუფის დაკავებულობები, სადაც მდებარეობს წყალ-რეაქტიული ნივთიერებები, წყალგაუმტარი უნდა იყოს. სითხეების გამტარი მილები არ უნდა გადიოდეს ისეთ ადგილებში ან ისეთი ადგილების ზემოთ, სადაც წყალ-რეაქტიული ნივთიერებები იზოლირებული არ არის სითხეგაუმტარი კონსტრუქციით.

გამონაკლისი: ხანძრისგან დაცული მილის გაყვანა დასაშვებია ისეთი ფართობების ზემოთ ან მათზე გავლით, სადაც მდებარეობს წყალ-რეაქტივები და მათი იზოლირება სითხეგაუმტარ კონსტრუქციას არ საჭიროებს.

415.7.5 იატაკები სასაწყობო ოთახებში. იატაკები ორგანული ზეჟანგების,   თვითაალებადი (პიროფორული) ნივთიერებების, მჟანგავების, არამდგრადი (რეაქტიული) ნივთიერებებისა და წყალ-რეაქტიული მყარი და თხევადი ნივთიერებების შესანახად განკუთვნილ ფართობებზე სითხეგაუმტარი, არაწვადი კონსტრუქციის უნდა იყოს.

415.7.6 წყალგაუმტარი ოთახი. წყალრეაქტიული მყარი და თხევადი ნივთიერებების შესანახად განკუთვნილი ოთახები ან ფართობები  უნდა აიგოს  წყალგაუმტარი მასალებით ისე, რომ წყალი არ გაატაროს. ამგვარ ოთახებში ან ფართობებზე არ უნდა იყოს სხვა წყალსადენი მილები გარდა ავტოსაშხეფი სისტემებისათვის განკუთვნილი მილებისა.

415.8 ჯგუფი დსშ-2. დსშ-2 ჯგუფის დაკავებულობები 415.8.1 – 415.8.2 ქვეთავების შესაბამისად უნდა აიგოს.

415.8.1 წვადი მტვერი, მარცვლეულის გადამუშავება და შენახვა. 415.8.1.1 – 415.8.1.5 ქვეთავების დებულებები ეხება შენობა-ნაგებობებს, სადაც წვადი მტვრის  წარმომქმნელ ნივთიერებებს ინახავენ ან გადაზიდავენ. შენობა-ნაგებობები, სადაც წვადი მტვრის  წარმომქმნელ ნივთიერებებს ინახავენ ან გადაზიდავენ, NFPA 61, NFPA 120, NFPA 651,NFPA 654, NFPA 655, NFPA 664 და NFPA 85-ის შესაბამის დებულებებს უნდა შეესაბამებოდეს.

415.8.1.1 კონსტრუქციის ტიპთან და სიმაღლესთან დაკავშირებული გამონაკლისი. შენობა-ნაგებობები უნდა აიგოს დსშ-2 ჯგუფის შენობების სიმაღლესთან და ფართობთან დაკავშირებული შეზღუდვების გათვალისწინებით, რომლებიც 503-ე ცხრილშია წარმოდგენილი; გარდა იმ შემთხვევისა, თუ შენობა აგებულია I ან II ტიპის კონსტრუქციით, მარცვლეულის ელევატორებისა და მსგავსი ნაგებობების სიმაღლეები და ფართობები შეუზღუდვი უნდა იყოს, ხოლო IV ტიპის კონსტრუქციის შემთხვევაში, მაქსიმალური სიმაღლე უნდა იყოს 20 მეტრი, ასევე, გარდა იზოლირებული ფართობებისა, IV ტიპის ნაგებობის მაქსიმალური სიმაღლე შესაძლებელია გაიზარდოს 26 მ-მდე.

415.8.1.2 საფქვავი ოთახები. დაფქვის ან სხვა სამუშაოსათვის განკუთვნილი ოთახები ან სივრცეები, სადაც წარმოიქმნება წვადი მტვრის ნაწილაკები, შემოზღუდული უნდა იყოს 707-ე ქვეთავის შესაბამისად აგებული ცეცხლმედეგი ზღუდეებით ან 711-ე ქვეთავის შესაბამისად აგებული თარაზული ანაწყობებით, ან ორივეთი ერთად.  თუ ფართობი არ აღემატება 280 მ²-ს, ცეცხლმედეგობის ხარისხი უნდა იყოს, არანაკლებ, 2 საათი, ხოლო თუ ფართობი აღემატება 280 მ²-ს – არანაკლებ, 4 საათი.

415.8.1.3 კონვეიერები. კონვეიერები, ნარჩენების გასატანი მილები, მილსადენები და მსგავსი მოწყობილობები, რომლებიც გადის ოთახების ან  სივრცეების შემოზღუდავებში, ისე უნდა აიგოს, რომ არ ატარებდეს მტვერსა და ორთქლს და მე-17 თავის შესაბამისი არაწვადი მასალის უნდა იყოს.

415.8.1.4 მარცვლეულის ელევატორები. მარცვლეულის ელევატორები, ალაოს საწარმოები და მსგავსი დანიშნულების შენობა-ნაგებობები მიწის ნაკვეთის საზღვრიდან ან იმავე მიწის ნაკვეთზე მდებარე ნაგებობიდან 9,0 მ-ით უნდა იყოს დაშორებული, გარდა იმ შემთხვევისა, როდესაც ისინი რკინიგზის გასწვრივაა აგებული.

415.8.1.5 ქვანახშირის ბუნკერები. ქვანახშირის ბუნკერები, რომლებიც მიწის ნაკვეთის საზღვრების შიგა მხრიდან ან იმავე მიწის ნაკვეთზე მდებარე ნაგებობებიდან დაშორებულია 9 მ-ზე ნაკლები მანძილით, არანაკლებ, IB ტიპის კონსტრუქციის უნდა იყოს. მიწის ნაკვეთის საზღვრების შიგა მხრიდან 9 მ-ზე მეტი მანძილით დაშორების ან რკინიგზის გასწვრივ მდებარეობის შემთხვევაში, ნაგებობა უნდა იყოს, სულ მცირე, IV ტიპის კონსტრუქციის, თუ მისი სიმაღლე 20 მ-ს არ აღემატება.

415.8.2 აალებადი და წვადი სითხეები. დსშ-2 და დსშ-3 ჯგუფების დაკავებულობებში, აალებადი და წვადი სითხეების შენახვა, გამოყენება, გადამუშავება და ტრანსპორტირება 415.8.2.1 – 415.8.2.4 ქვეთავების შესაბამისად უნდა მოხდეს.

415.8.2.1 შერეული დაკავებულობები. თუ აალებადი და წვადი სითხეების შესანახი ავზისთვის განკუთვნილი ფართობი მდებარეობს შენობაში, რომელიც მოიცავს ორ ან მეტ დაკავებულობას, ხოლო სითხის რაოდენობა აღემატება თითოეულ გასაკონტროლებელ ფართობზე 508.4 ქვეთავის მოთხოვნისამებრ მაქსიმალურად დასაშვებ რაოდენობას, ის მთლიანად იზოლირებული უნდა იყოს მომიჯნავე დაკავებულობებისგან.

415.8.2.1.1 სიმაღლესთან დაკავშირებული გამონაკლისი. თუ შესანახი ავზები მდებარეობს შენობაში, რომლის სიმაღლე მიწის დონიდან არაუმეტეს ერთი სართულია, 503-ე ქვეთავით განსაზღვრული სიმაღლის შეზღუდვა დსშ ჯგუფს არ უნდა შეეხოს.

415.8.2.2 ავზის დაცვა. შესანახი ავზი არაწვადი მასალისა უნდა იყოს და დაცული უნდა იყოს ფიზიკური დაზიანებისგან. შესანახი ავზ(ებ)ის ფიზიკური დაზიანებისაგან დასაცავად დასაშვებია მათ გარშემო აიგოს ცეცხლმედეგი ზღუდეები ან თარაზული ანაწყობები, ან ორივე ერთად.

415.8.2.3 განგაში გაჟონვისას. უზრუნველყოფილი უნდა იყოს ავტომატური განგაშის მექანიზმი, რომელიც მიანიშნებს შესანახი ავზიდან და ოთახიდან სითხის გაჟონვაზე. იმ ოთახის ყველა შესასვლელთან, სადაც მდებარეობს შესანახი ავზი, რომლიდანაც სითხე ჟონავს, განგაშის მექანიზმი უნდა გამოსცემდეს გარემომცველი ხმაურის დონეზე 15 დეციბელით მაღალ ხმოვან სიგნალს. ავზის შესანახ ყველა კართან უნდა მოთავსდეს ნიშანი, რომელიც მიანიშნებს ოთახში შესაძლო საფრთხის შემცველ გარემოზე, ან ნიშანზე უნდა იკითხებოდეს შემდეგი ტექსტი: გაფრთხილება: როცა სიგნალია ჩართული, ოთახში საშიში ვითარებაა. გაჟონვისას გააქტიურებული განგაშის ზედამხედველობა უნდა ხდებოდეს მე-9 თავის შესაბამისად, რათა გაუმართაობის შეტყობინება შესაბამის სადგურს გადაეცეს.

415.8.2.4 ავზის სხვა ღიობები, საჰაეროს გარდა. საჰაეროს გარდა, ავზის სხვა ღიობები ისე უნდა დაგეგმარდეს, რომ შენობაში კონცენტრირებულმა სითხეებმა ან ორთქლმა არ გაჟონოს.

415.9 ჯგუფები დსშ-3 და დსშ-4. ჯგუფები დსშ-3 და დსშ-4 წესების შესაბამისი დებულებების მიხედვით უნდა აიგოს.

415.9.1 აალებადი და წვადი სითხეები. დსშ-3ჯგუფის დაკავებულობებში აალებადი და წვადი სითხეების შენახვა, გამოყენება, გადამუშავება და ტრანსპორტირება 415.8.2 ქვეთავს უნდა შეესაბამებოდეს.

415.9.2 აირის ოთახები. აირის ოთახები სხვა ფართობებისგან უნდა გაიმიჯნოს 707-ე ქვეთავის შესაბამისად აგებული ცეცხლმედეგი ზღუდეებით ან 711-ე ქვეთავის შესაბამისად აგებული თარაზული ანაწყობებით, ან ორივეთი ერთად, რომელთა ცეცხლმედეგობის ხარისხი, არანაკლებ, ერთი საათია.

415.9.3 სასაწყობო ოთახების იატაკები. კოროზიის გამომწვევი/აგრესიული სითხეების, ძლიერ მომწამლავი ან მომწამლავი ნივთიერებების შესანახი ფართობების იატაკები სითხეგაუმტარი, არაწვადი მასალისგან უნდა აიგოს.

415.9.4 გამიჯვნა – ძლიერ მომწამლავი მყარი და თხევადი ნივთიერებები. ძლიერ მომწამლავი მყარი და თხევადი ნივთიერებები, რომლებიც არ ინახება საფრთხის შემცველი ნივთიერებების შესანახ კარადებში, საფრთხის შემცველი  ნივთიერებების სხვა სათავსებისგან უნდა გაიმიჯნოს 707-ე ქვეთავის შესაბამისად აგებული ცეცხლმედეგი ზღუდეებით ან 711-ე ქვეთავის შესაბამისად აგებული თარაზული ანაწყობებით, ან ორივეთი ერთად, რომელთა ცეცხლმედეგობის ხარისხი, არანაკლებ, ერთი საათია.

415.10 ჯგუფი დსშ-5. წესებში წარმოდგენილ სხვა მოთხოვნებთან ერთად, ჯგუფი დსშ-5 415.10.1 – 415.10.11 ქვეთავების დებულებებს უნდა აკმაყოფილებდეს.

415.10.1 წარმოების ფართობები. წარმოების ფართობები 415.10.1.1 – 415.10.1.8 ქვეთავების მოთხოვნებს უნდა შეესაბამებოდეს.

415.10.1.1 საფრთხის შემცველი ნივთიერებები. საფრთხის შემცველი ნივთიერებები და საფრთხის შემცველი საწარმოო ნივთიერებები 415.10.1.1.1 – 415.10.1.1.2 ქვეთავების მოთხოვნებს უნდა აკმაყოფილებდეს.

415.10.1.1.1 საერთო რაოდენობა. ერთ წარმოების ფართობზე შესანახი ან გამოსაყენებელი საფრთხის შემცველი ნივთიერებების საერთო რაოდენობა 415.10.1.1.1 ცხრილში განსაზღვრულ რაოდენობას არ უნდა აღემატებოდეს.

გამონაკლისი: ნებისმიერი საფრთხის შემცველი კატეგორიისათვის 415.10.1.1.1 ცხრილში მოცემული რაოდენობრივი შეზღუდვები არ გაითვალისწინება, თუ საწარმოო ფართობზე საფრთხის შემცველი ნივთიერებების რაოდენობა 307.1(1) და 307.1(2) ცხრილების მიხედვით ერთი გასაკონტროლებელი ფართობისათვის დაშვებულ მაქსიმალურ რაოდენობას არ აღემატება.

ცხრილი 415.10.1.1.1

საფრთხის შემცველი მასალების რაოდენობის შეზღუდვა ერთ საწარმოო ფართობზე დსშ-5 ჯგუფში^ა

საფრთხის კატეგორია	მყარი ნივთიერებები    (კგ-ები ერთ კვადრატულ მეტრზე)		სითხეები (ლიტრი ერთ კვადრატულ მეტრზე)		აირი (მ3 – NTP/მ2)
ფიზიკური საფრთხის შემცველი ნივთიერებები
წვადი მტვერი		შენიშვნა „ბ“		ა/შ		ა/შ
წვადი ბოჭკო                                    შეუფუთავი                                                                შეფუთული		შენიშვნა „ბ“ შენიშვნები „ბ“, „გ“		ა/შ		ა/შ
წვადი სითხე                                     II                                      IIIA                                     IIIB კომბინაციის კლასი                        I, II და IIIA		ა/შ		0,407 0,814 შეუზღუდავი 1,628		ა/შ
კრიოგენული აირი                აალებადი მჟანგავი		ა/შ		ა/შ		შენიშვნა „დ“ 0,381
ფეთქებადი ნივთიერებები		შენიშვნა „ბ“		შენიშვნა „ბ“		შენიშვნა „ბ“
აალებადი აირი     აიროვანი  სითხე		ა/შ		ა/შ		შენიშვნა „დ“ შენიშვნა „დ“
აალებადი სითხე                            IA  IB  IC კომბინაციის კლასი                      IA, IB და IC კომბინაციის კლასი                      I, II და IIIA		ა/შ		0,102 1,017 1,017 1,017 1,628		ა/შ
აალებადი მყარი ნივთიერება		0,005		ა/შ		ა/შ
ორგანული ზეჟანგი         არაკლასიფიცირებული                                                                        დეტონაციური                                            კლასი I                                            კლასი II                                            კლასი III                                            კლასი IV                                            კლასი V		შენიშვნა „ბ“ შენიშვნა „ბ“ 0,122 0,488 შეუზღუდავია შეუზღუდავია		ა/შ		ა/შ
მჟანგავი აირი                                   აიროვანი                                                         სითხე     აირისა და სითხის კომბინაცია		ა/შ		ა/შ		0,381 0,381   0,381
მჟანგავი                                             კლასი 4    კლასი 3    კლასი 2    კლასი 1 კომბინაცია                                       კლასი 1, 2, 3		შენიშვნა „ბ“ 0,015 0,015 0,015 0,015		შენიშვნა „ბ“ 0,122 0,122 0,122 0,122		ა/შ
თვითაალებადი (პიროფორული) ნივთიერება		შენიშვნა „ბ“		0,0508		შენიშვნები „დ“ და „ე“
არამდგრადი                                    კლასი 4     კლასი 3     კლასი 2     კლასი 1		შენიშვნა „ბ“ 0,122 0,488 შეუზღუდავი		შენიშვნა ბ 0,1017 0,407 შეუზღუდავი		შენიშვნა „ბ“ შენიშვნა „ბ“ შენიშვნა „ბ“ შეუზღუდავი
წყალრეაქტიული                           კლასი 3    კლასი 2     კლასი 1		შენიშვნა ბ 1,220 შეუზღუდავი		0,0508 1,0175 შეუზღუდავი		ა/შ
ჯანმრთელობისთვის საფრთხის შემცველი ნივთიერებები
კოროზიული ნივთიერებები		შეუზღუდავი		შეუზღუდავი			შეუზღუდავი
ძლიერ მომწამლავი		შეუზღუდავი		შეუზღუდავი			შენიშვნა „ბ“
მომწამლავი ნივთიერებები		შეუზღუდავი		შეუზღუდავი			შენიშვნა „ბ“

ა/შ – არ შეესაბამება.

ა.    მილში არსებული საფრთხის შემცველი ნივთიერებები არ უნდა იქნეს გათვალისწინებული რაოდენობების გამოთვლის დროს.

ბ.   ერთ საწარმოო ფართობზე საფრთხის შემცველი ნივთიერებების რაოდენობა არ უნდა აღემატებოდეს ერთი საკონტროლო ფართობისათვის მაქსიმალურად დასაშვებ რაოდენობას, რომელიც 307.1(1) და 307.1(2) ცხრილებშია მოცემული.

გ.   მჭიდროდ შეფუთული ბამბის შეკვრა, რომელიც აკმაყოფილებს ISO 8115 შეფუთვის მოთხოვნებს, არ უნდა შევიდეს ამ კლასის მასალებში.

დ. აალებადი, თვითაალებადი (პიროფორული), მომწამლავი და ძლიერ მომწამლავი გაზების საერთო რაოდენობა არ უნდა აღემატებოდეს 2745 კუბურ მეტრს ნორმალური წნევისა და ტემპერატურის პირობებში.

ე. თვითაალებადი (პიროფორული) აირების საერთო რაოდენობა შენობაში 415.3.2 ცხრილში მოცემულ რაოდენობებს არ უნდა აღემატებოდეს.

415.10.1.1.2 საფრთხის შემცველი საწარმოო ნივთიერებები. ერთ საწარმოო ფართობზე შესანახი საფრთხის შემცველი საწარმოო ნივთიერებების მაქსიმალური რაოდენობა არ უნდა აღემატებოდეს 307.1(1) და 307.1(2) ცხრილებში ერთი გასაკონტროლებელი ფართობისათვის დაშვებულ მაქსიმალურ რაოდენობას.

415.10.1.2 გამიჯვნა. საწარმოო ფართობები, რომელთა ზომები შეზღუდულია 415.10.1.1.1 ცხრილში განსაზღვრული საფრთხის შემცველი ნივთიერებების რაოდენობის მიხედვით, ერთმანეთის, დერეფნებისა და შენობის სხვა ნაწილებისაგან უნდა გაიმიჯნოს 707-ე ქვეთავის შესაბამისად აგებული ცეცხლმედეგი ზღუდეებით ან 711-ე ქვეთავის შესაბამისად აგებული თარაზული ანაწყობებით, ან ორივეთი ერთად, რომელთა ცეცხლმედეგობის ხარისხი, არანაკლებ, ერთი საათია.

გამონაკლისი:

1.    ამგვარი ცეცხლმედეგი ზღუდის კედლებში დატანებული კარები, მათ შორის, დერეფნებში გამავალი კარები, უნდა იყოს თვითიკეტებადი ცეცხლმედეგი კარის ანაწყობი, რომელთა ცეცხლმედეგობის ხარისხი, არანაკლებ,  ¾ საათია (45 წუთია).

2.    დასაშვებია, რომ საწარმოო ფართობებსა და დერეფნებს შორის იყოს ყრუ ფანჯრები, რომელთა მინების ცეცხლმედეგობის ხარისხი 716-ე ქვეთავს შესაბამისად, არანაკლებ,  ¾ საათია (45 წუთია), რაც.

415.10.1.3 დაკავებული დონეების მდებარეობა. საწარმოო ფართობების დაკავებული დონეები მიწის დონიდან პირველ სართულზე ან უფრო მაღლა უნდა მდებარეობდეს.

415.10.1.4 იატაკები. ზედაპირის საფარის გარდა, საწარმოო ფართობების იატაკები არაწვადი კონსტრუქციისა უნდა იყოს.

საწარმოო ფართობების იატაკებში დატოვებულ ღიობებს შეიძლება არ ჰქონდეს დამცავი, თუ ურთიერთდაკავშირებული დონეები გამოყენებულია მხოლოდ ისეთი მექანიკური მოწყობილობებისათვის, რომლებიც  უშუალოდ ამგვარ საწარმოო ფართობებთანაა (იხ. ასევე ქვეთავი 415.10.1.5) დაკავშირებული.

იატაკები, რომლებიც დაკავებულობის გამმიჯნავი საშუალების ნაწილია, სითხეგაუმტარი უნდა იყოს.

415.10.1.5 იატაკებში გამავალი შახტები და ღიობები. ლიფტების შახტები, საჰაერო შახტები და იატაკებში გამავალი სხვა ღიობები შემოზღუდული უნდა იყოს, თუ ამას 712-ე და 713-ე ქვეთავები მოითხოვს. საწარმოო ფართობების საზღვრებში მექანიკური გაყვანილობები, არხები და მილსადენები არ უნდა კვეთდეს ორზე მეტ იატაკს. კაბელების, საკაბელე ღარების, მილების (გარე დიამეტრი), მილსადენების, საიზოლაციო მილების ან არხების გარშემო რგოლისებრი ღრეჩო უნდა დაიგმანოს იატაკის დონეზე ისე, რომ ჰაერმა ვეღარ იმოძრაოს. საწარმოო ფართობი, იმ ფართობებიანად, სადაც არხები და მილსადენები ვრცელდება, ერთ კონდიცირებულ გარემოდ უნდა ჩაითვალოს.

415.10.1.6 განიავება. საწარმოო ფართობზე, სადაც ინახება ან გამოიყენება საფრთხის შემცველი საწარმოო ნივთიერებები, უნდა დააყენონ, არანაკლებ, 0,044 ლ/წ/მ² სიჩქარის მექანიკური გამწოვი განიავების სისტემა. ერთი საწარმოო ფართობის ჰაერის გამწოვი სისტემა არ უნდა იყოს დაკავშირებული სხვა არხების სისტემასთან, რომელიც მდებარეობს შენობაში, თუმცა იგი ამ საწარმოო ფართობის ფარგლებს მიღმაა.

განიავების სისტემამ უნდა დაიჭიროს და გაიწოვოს სამუშაო ადგილებში წარმოქმნილი აირები, კვამლი და ორთქლი.

სამუშაო ადგილას (გარემოში) ერთსა და იმავე გამწოვ სისტემასთან არ უნდა იყოს მიერთებული ორი ან მეტი დანადგარი, თუ გამონაბოლქვმა ნივთიერებებმა ცალკე ან კომბინაციაში შეიძლება განაპირობოს ცეცხლის გაჩენა, აფეთქება ან საფრთხის შემცველი ქიმიური რეაქცია.

გამწოვი არხები, რომლებიც გადის 707-ე ქვეთავის შესაბამისად აგებულ ცეცხლმედეგ ზღუდეებში ან 711-ე ქვეთავის შესაბამისად აგებულ თარაზულ ანაწყობებში, უნდა მოთავსდეს შესაბამის ცეცხლმედეგობის ხარისხიან შახტაში. გამწოვი არხები არ უნდა გადიოდეს ცეცხლმედეგ კედლებში.

ცეცხლის ფარსაკეტები არ უნდა ჩააყენონ გამწოვ არხებში.

415.10.1.7 საფრთხის შემცველი საწარმოო ნივთიერებების გადაზიდვა საწარმოო ფართობებზე. საწარმოო ფართობებზე საფრთხის შემცველი საწარმოო ნივთიერებები უნდა გადაიზიდოს დახურული მილსადენი სისტემების მეშვეობით, რომლებიც შეესაბამება 415.10.6 ქვეთავს, ასევე, მომსახურე დერეფნების მეშვეობით, რომლებიც შეესაბამება 415.10.33 ქვეთავს, ან დერეფნებით, როგორც ეს ნებადართულია 415.10.2 ქვეთავის გამონაკლისით.

415.10.1.8 ელექტრომოწყობილობები. საწარმოო ფართობზე ელექტრომექანიზმები და დანადგარები NFPA 70-ს უნდა შეესაბამებოდეს. საფრთხის შემცველი ადგილებისათვის არსებული მოთხოვნები არ ეხება ისეთ ადგილებს, სადაც ჰაერცვლის საშუალო ჯერადობა სულ მცირე, ოთხჯერ მეტია, ვიდრე ეს 415.10.1.6 ქვეთავშია გათვალისწინებული და სადაც ჰაერი იცვლება, არანაკლებ, სამჯერ მაინც, როგორც ეს განსაზღვრულია 415.10.1.6 ქვეთავში. დასაშვებია რეცირკულირებული ჰაერის გამოყენება.

415.10.1.8.1 სამუშაო ადგილები. სამუშაო ადგილები არ უნდა მოქმედებდეს შესაბამისი გამწოვის გარეშე. სამუშაო ადგილების გამწოვ განიავებასთან დაკავშირებული მოთხოვნები 415.10.1.6 ქვეთავში იხილეთ.

415.10.2 დერეფნები. დერეფნები უნდა შეესაბამებოდეს მე-10 თავს და საწარმოო ფართობებისგან 415.10.1.2 ქვეთავის მიხედვით უნდა გაიმიჯნოს. დერეფნებში არ უნდა ხვდებოდეს საფრთხის შემცველი საწარმოო ნივთიერებები და არ უნდა გამოიყენებოდეს ასეთი ნივთიერებების გადასაზიდად. ამგვარი ნივთიერებები უნდა გადაიზიდოს მხოლოდ დახურული მილსადენი სისტემებით, როგორც ეს 415.10.6.4 ქვეთავში განსაზღვრულია.

გამონაკლისი: არსებული საწარმოო ფართობების გადაკეთების ან შეცვლის შემთხვევაში, საფრთხის შემცველი საწარმოო ნივთიერებები დასაშვებია გადაიზიდოს არსებულ დერეფნებში, თუ არსებობს შემდეგი პირობები:

1.    არასაწარმოო საფრთხის შემცველი ნივთიერებები დერეფნების გავლით გადაიზიდება ლაბორატორიული სამუშაოსა და ტესტირების შესრულებისას;

2.    არსებული საწარმოო ფართობების გადაკეთების ან შეცვლისას საფრთხის შემცველი ნივთიერებები გადაიზიდება არსებული დერეფნების გავლით ქვემოთ ჩამოთვლილი პირობების ჩათვლით:

2.1    დერეფნები. გადასაკეთებელი საწარმოო ფართობების მომიჯნავედ მდებარე დერეფნები უნდა შეესაბამებოდეს 1018-ე ქვეთავს, რომელიც ეხება სიგრძეს და განსაზღვრულია შემდეგნაირად:

2.1.1 დერეფნისა და საწარმოო ფართობის საზიარო კედლის სიგრძე;

2.1.2 მანძილი დერეფნის გასწვრივ იმ წერტილამდე, საიდანაც საფრთხის შემცველი საწარმოო ნივთიერებები შედის საწარმოო ფართობის დამხმარე დერეფანში.

2.2    საავარიო განგაშის სისტემა. დერეფნებში, ყოველ 46 მ-ში და თითოეულ გასასვლელთან და გზა-კართან უნდა იყოს საავარიო სატელეფონო სისტემა, ადგილობრივი ხელით სამართავი განგაშის სადგური ან განგაშის გამააქტიურებელი სხვა მექანიზმი. სიგნალი უნდა გადაეცემოდეს ცენტრალურ, კერძო ან დისტანციურ სადგურს ან საავარიო საკონტროლო სადგურს და ასევე უნდა ააქტიურებდეს ადგილობრივი ხმოვანი განგაშის სიგნალს;

2.3    გადაზიდვისათვის გამოსაყენებელი ღიობები. თვითიკეტებადი კარები, რომელთა ცეცხლმედეგობის ხარისხი, არანაკლებ, ერთი საათია, ეს კარები გადაზიდვისათვის გამოსაყენებელ ღიობებს უნდა მიჯნავდეს არსებული დერეფნებისგან. გადაზიდვისათვის გამოსაყენებელი ღიობები უნდა აიგოს დერეფნების მიმართ არსებული მოთხოვნების შესაბამისად და მათ დასაცავად უნდა დააყენონ ავტომატური საშხეფი სისტემა.

415.10.3 მომსახურე დერეფნები. დსშ ჯგუფის დაკავებულობაში მდებარე მომსახურე დერეფნები 415.10.3.1 – 415.10.3.4 ქვეთავების მოთხოვნებს უნდა აკმაყოფილებდეს.

415.10.3.1 გამოყენების პირობები.  მომსახურე დერეფნები სხვა დერეფნებისგან 415.10.1.2 ქვეთავის შესაბამისად უნდა გაიმიჯნოს. მომსახურე დერეფანი არ უნდა გამოიყენებოდეს, როგორც აუცილებელი დერეფანი.

415.10.3.2 მექანიკური განიავება. მომსახურე დერეფნები 415.10.1.6 ქვეთავის შესაბამისად მექანიკურად უნდა ნიავდებოდეს ან ჰაერცვლა უნდა იყოს, არანაკლებ, საათში ექვსჯერ (რომელიც მეტი იქნება).

415.10.3.3 გასასვლელი საშუალებები. მომსახურე დერეფნის ნებისმიერი წერტილიდან გასასვლელისაკენ, გასასვლელთან მისადგომი დერეფნისკენ ან საწარმოო ფართობში შემავალი კარისკენ მაქსიმალური სავალი მანძილი არ უნდა აღემატებოდეს 23 მ-ს. ჩიხების სიგრძე 1,2 მ-ს არ უნდა აღემატებოდეს. გასასვლელი უნდა იყოს, არანაკლებ, ორი. აუცილებელი გასასვლელი საშუალებების არაუმეტეს, ნახევარი უნდა გადიოდეს საწარმოო ფართობზე. მომსახურე დერეფნების კარები უნდა იღებოდეს გასასვლელისკენ სავალი მიმართულებით და თავისით უნდა იხურებოდეს.

415.10.3.4 მინიმალური სიგანე. მომსახურე დერეფნის თავისუფალი სიგანე უნდა იყოს, არანაკლებ, 1,5 მ, ან 84 სმ-ით განიერი, ვიდრე ყველაზე განიერი ოთხთვალა საზიდავი/ურიკა ან ურიკა, რომელიც დერეფანში გამოიყენება.

415.10.3.5 საავარიო განგაშის სისტემა. საავარიო განგაშის სისტემები უნდა შეესაბამებოდეს ამ ნაწილს და 414.7.1 და 414.7.2 ქვეთავებს. ერთ გასაკონტროლებელ ფართობზე მაქსიმალურად დასაშვებ რაოდენობასთან დაკავშირებული დებულებები არ ეხება საფრთხის შემცველი საწარმოო ნივთიერებებისათვის საჭირო საავარიო განგაშის სისტემებს.

415.10.3.5.1 მომსახურე დერეფნები. მომსახურე დერეფნებში უნდა დააყენონ საავარიო განგაშის სისტემა ისე, რომ თითოეულ მომსახურე დერეფანში, სულ მცირე, ერთი განგაშის მექანიზმი იყოს.

415.10.3.5.2 დერეფნები, შიგა გასასვლელის გზა-კიბეები და პანდუსები. დერეფნების, შიგა გასასვლელის გზა-კიბეების, პანდუსებისა და გასასვლელის გზა-დერეფნების საავარიო განგაში 414.7.2 ქვეთავს უნდა შეესაბამებოდეს.

415.10.3.5.3 სითხეების შესანახი ოთახები, საფრთხის შემცველი საწარმოო ნივთიერებების შესანახი ოთახები და აირის ოთახები. სითხეების შესანახი ოთახების, საფრთხის შემცველი საწარმოო ნივთიერებების შესანახი ოთახებისა და აირის ოთახების საავარიო განგაში 414.7.1 ქვეთავს უნდა შეესაბამებოდეს.

415.10.3.5.4 განგაშის გამააქტიურებელი მექანიზმები. საავარიო სატელეფონო სისტემა, ადგილობრივი ხელით სამართავი განგაშის მექანიზმი ან განგაშის გამააქტიურებელი სხვა მექანიზმები შეიძლება გამოყენებულ იქნეს, როგორც საავარიო განგაშის გამააქტიურებელი მექანიზმები.

415.10.3.5.5 განგაშის სიგნალები. საავარიო განგაშის სისტემის გააქტიურებისას უნდა ჩაირთოს ადგილობრივი განგაში და სიგნალი ავარიის საკონტროლო სადგურს უნდა გადაეცეს.

415.10.4 საფრთხის შემცველი საწარმოო ნივთიერებების შენახვა. საწარმოო ფართობებზე საფრთხის შემცველი საწარმოო ნივთიერებები უნდა ინახებოდეს სპეციალურ სასაწყობო კარადებში, აირის კარადებში ან სამუშაო ადგილის საზღვრებში. საფრთხის შემცველი ნივთიერებები უნდა ინახებოდეს წესების შესაბამისი დებულებების შესაბამისად.

415.10.5 საფრთხის შემცველი საწარმოო ნივთიერებების ოთახების, აირის ოთახებისა და სითხეების შესანახი ოთახების აგება. საფრთხის შემცველი საწარმოო ნივთიერებების ოთახები, აირის ოთახები და სითხეების შესანახი ოთახები 415.10.5.1 – 415.10.5.9 ქვეთავების მოთხოვნების შესაბამისად უნდა აიგოს.

415.10.5.1 საფრთხის შემცველი საწარმოო ნივთიერებების ოთახები და აირის ოთახები. საფრთხის შემცველი საწარმოო ნივთიერებებისა და აირის ოთახები სხვა ფართობებისაგან უნდა გაიმიჯნოს 707-ე ქვეთავის შესაბამისად აგებული ცეცხლმედეგი ზღუდეებით ან 711-ე ქვეთავის შესაბამისად აგებული თარაზული ანაწყობებით, ან ორივეთი ერთად. ცეცხლმედეგობის ხარისხი უნდა იყოს, არანაკლებ, 2 საათი, სადაც ფართობი 28 მ² ან მეტია და, არანაკლებ, ერთი საათი, სადაც ფართობი 28 მ²-ზე ნაკლებია.

415.10.5.2 სითხის შესანახი ოთახები. სითხის შესანახი ოთახები უნდა აიგოს ქვემოთ წარმოდგენილი მოთხოვნების შესაბამისად:

1.    50 მ²-ზე მეტი ფართობის ოთახებს უნდა ჰქონდეს, სულ მცირე, ერთი გარეთ გამავალი კარი, რომელიც მისადგომი იქნება სახანძრო-სამაშველო დანაყოფისათვის.

2.    ოთახები სხვა ფართოებისაგან გამიჯნული უნდა იყოს 707-ე ქვეთავის შესაბამისად აგებული ცეცხლმედეგი ზღუდეებით ან 711-ე ქვეთავის შესაბამისად აგებული თარაზული ანაწყობებით, ან ორივეთი ერთად. მინიმალური ცეცხლმედეგობის ხარისხი უნდა იყოს, არანაკლებ, ერთი საათი, როცა ოთახის ფართობი 14 მ²-მდეა და, არანაკლებ 2 საათი, როცა ოთახის ფართობი 14 მ²-ზე მეტია.

3.    ასეთ ადგილებში არსებული თაროები, ცხაურები და ხის პანელები უნდა იყოს არაწვადი კონსტრუქციის ან, არანაკლებ, 2,5 სმ ნომინალური სისქის ხის მასალის, ან 2303.2 ქვეთავის მიხედვით ცეცხლმედეგობისთვის დამუშავებული ხის მასალის.

4.    I კლასის აალებადი სითხეების შესანახად განკუთვნილი ოთახები მიწის დონის ქვედა სართულში არ უნდა მოთავსდეს.

415.10.5.3 იატაკები. ზედაპირის საფარის გარდა, საფრთხის შემცველი საწარმოო ნივთიერებების ოთახებისა და სითხის შესანახი ოთახების იატაკები უნდა იყოს არაწვადი და სითხეგაუმტარი კონსტრუქციის. იატაკების ზემოთ მდებარე ცხაურები არაწვადი მასალისა უნდა იყოს.

415.10.5.4 მდებარეობა. თუ არსებობს საფრთხის შემცველი საწარმოო ნივთიერებების, სითხის შესანახი და აირის ოთახები, მათ უნდა ჰქონდეს, სულ მცირე, ერთი გარე კედელი, რომელიც მიწის ნაკვეთის საზღვრებიდან, მათ შორის, საზოგადოებრივი საზღვრებიდან, არანაკლებ, 9,0 მ-ით უნდა იყოს დაშორებული.

415.10.5.5 აფეთქების კონტროლი. აფეთქება უნდა კონტროლდებოდეს იმ ადგილებში, სადაც ეს 414.5.1 ქვეთავის მიხედვითაა გათვალისწინებული.

415.10.5.6 გასასვლელები. თუ საფრთხის შემცველი საწარმოო ნივთიერებების, სითხის შესანახ და აირის ოთახებს აქვს ორი გასასვლელი, ერთი პირდაპირ შენობის გარეთ უნდა გადიოდეს.

415.10.5.7 კარები. ცეცხლმედეგი ზღუდის კედელში დატანებული კარები, მათ შორის, დერეფნებში გამავალი კარები, უნდა იყოს თვითიკეტებადი  ცეცხლმედეგი კარის ანაწყობი, რომლის ცეცხლისგან დაცვის ხარისხი, არანაკლებ, ¾ საათია (45 წუთია).

415.10.5.8 განივება. მექანიკური გამწოვი განიავება უნდა დააყენონ სითხის შესანახ ოთახებში, საფრთხის შემცველი საწარმოო ნივთიერებების ოთახებსა და აირის ოთახებში. მისი სიჩქარე არ უნდა იყოს 0,044 ლ/წ/მ²-ზე ნაკლები ან ჰაერცვლის ჯერადობა საათში არანაკლებ ექვსი ცვლა უნდა იყოს.

აირის ოთახების გამწოვი განიავების დაგეგმარება (დიზაინი) ისე უნდა შესრულდეს, რომ იმუშაოს უარყოფით წნევაზე, რომელიც განსხვავდება გარემომცველ ფართობებზე არსებული წნევისგან და გამწოვი განიავება გამწოვი სისტემისკენ მიმართოს.

415.10.5.9 საავარიო განგაშის სისტემა. საავარიო განგაშის სისტემა უნდა დააყენონ სითხის შესანახ ოთახებში, საფრთხის შემცველი საწარმოო ნივთიერებებისა და აირის ოთახებში.

საავარიო განგაშის გამააქტიურებელი მექანიზმები ამგვარი ოთახების შიგნიდან გასასვლელი თითოეული კარის გარეთა მხარეს უნდა განთავსდეს.

საავარიო განგაშის გამააქტიურებელი მექანიზმის გააქტიურებისას უნდა ჩაირთოს ადგილობრივი განგაშის სისტემა და სიგნალი ავარიის საკონტროლო სადგურს უნდა გადაეცეს.

საავარიო სატელეფონო სისტემა, ადგილობრივი ხელით სამართავი განგაშის მექანიზმი ან განგაშის გამააქტიურებელი სხვა მექანიზმები შეიძლება გამოყენებულ იქნეს, როგორც საავარიო განგაშის გამააქტიურებელი მექანიზმები.

415.10.6 მილსადენები და მილები (შიგა დიამეტრის მიხედვით). საფრთხის შემცველი საწარმოო ნივთიერებებისათვის განკუთვნილი მილსადენები და მილები (შიგა დიამეტრის მიხედვით) ამ ქვეთავსა და ASME B 31.3-ს უნდა შეესაბამებოდეს.

415.10.6.1 საფრთხის შემცველი საწარმოო ნივთიერებები, რომლებიც შეიცავს ჯანმრთელობისათვის მე-3 ან მე-4 კატეგორიის საფრთხეს. სისტემები, საიდანაც მიეწოდება მე-3 ან მე-4 კატეგორიის ჯანმრთელობისათვის საფრთხის შემცველი სითხეები ან აირები, მთლიანად უნდა მიადუღონ სისტემებთან, გარდა იმ შეერთებებისა, რომლებიც განიავებად შემოზღუდულ სივრცეში მდებარეობს, თუ ნივთიერება აირია, ხოლო თუ ნივთიერება სითხეა, დასაშვებია დაწრეტის ნებადართული მეთოდის ან ჰერმეტული შეერთებების გამოყენება.

415.10.6.2 მდებარეობა მომსახურე დერეფნებში. საფრთხის შემცველი საწარმოო ნივთიერებების მიმწოდებელი მილსადენები და მილები (შიგა დიამეტრის მიხედვით) მომსახურე დერეფნებში ხილულ ადგილას უნდა განთავსდეს.

415.10.6.3 ჭარბი ნაკადის კონტროლი. თუ მილსადენებში გადის საფრთხის შემცველი საწარმოო ნივთიერებების სითხეები ან აირები 103,4 კპა-ზე მაღალი წნევით, ჭარბი ნაკადი უნდა გაკონტროლდეს. თუ მილსადენები სითხის შესანახი ოთახიდან, საფრთხის შემცველი საწარმოო ნივთიერებების ან აირის ოთახიდან მოდის, ჭარბი ნაკადის მაკონტროლებელი უნდა მოთავსდეს სითხის შესანახ ოთახში, საფრთხის შემცველი საწარმოო ნივთიერებების ოთახში ან აირის ოთახში. თუ მილსადენები იწყება დიდი მოცულობის წყაროსთან, ჭარბი ნაკადის მაკონტროლებელი უნდა მოთავსდეს დიდი მოცულობის წყაროსთან რაც შეიძლება ახლოს.

415.10.6.4 მოწყობა დერეფნებში და სხვა ფართობებს ზემოთ. საფრთხის შემცველი საწარმოო ნივთიერებების მილსადენები და მილები (შიგა დიამეტრის მიხედვით) დერეფნის კედლებისა და იატაკის ან სახურავის მიერ შექმნილ სივრცეში, ან სხვა დაკავებულობების ზემოთ მდებარე დამალულ სივრცეებში 415.10.6.1 – 415.10.6.3 ქვეთავების შესაბამისად უნდა განთავსდეს და შემდეგ პირობებს უნდა აკმაყოფილებდეს:

1.    ავტოსაშხეფები უნდა დააყენონ სივრცეში, თუ სივრცის ყველაზე მცირე ზომა 15 სმ-ზე ნაკლებია.

2.    უნდა დააყენონ გასანიავებელი სისტემა, რომელიც უზრუნველყოფს საათში ექვს ჰაერცვლას. სივრცე რომელიმე სხვა ფართობიდან ჰაერის გასატარებლად არ უნდა გამოიყენებოდეს.

3.    როცა მილსადენები და მილები (შიგა დიამეტრის მიხედვით) გამოიყენება საფრთხის შემცველი სითხეების გადასაზიდად, მიმღები (რეცეპტორი) უნდა დააყენონ ასეთი მილსადენების და მილების (შიგა დიამეტრის მიხედვით) სისტემის ქვევით. მიმღები (რეცეპტორი) ისე უნდა დაგეგმარდეს, რომ შეაგროვოს ნებისმიერი გამონაშვები ან ნაჟონი და ჩაწრიტოს ის შესაბამის ადგილას. ერთსაათიანი ცეცხლმედეგობის ხარისხიანი შემომზღუდავი მიმღების (რეცეპტორის) ნაწილად არ უნდა გამოიყენებოდეს.

4.    საფრთხის შემცველი საწარმოო ნივთიერებების მიმწოდებელი მილსადენები და მილები (გარე დიამეტრის მიხედვით), ასევე ნარჩენების გასატანი არალითონის მილები, დერეფნისა და დაკავებულობისგან (გარდა დსშ-5 ჯგუფისა) უნდა გაიმიჯნოს ცეცხლმედეგი ზღუდეებით, რომელთა ცეცხლმედეგობის ხარისხი, არანაკლებ, ერთი სააათია. თაბაშირის ფილის გამოყენებისას შემოზღუდულ სივრცეში მილსადენების  მხარეს მდებარე გადაბმებს საიზოლაციო ლენტის მიკვრა არ სჭირდება, თუ გადაბმის უკან ჩარჩოს ნაწილები ხვდება. შემოზღუდული სივრცის მისადგომი ღიობები ცეცხლმედეგობის ხარისხიანი კონსტრუქციებით უნდა იყოს დაცული.

5.    ადვილად მისადგომი, ხელით სამართავი ან ავტომატური დისტანციურად გააქტიურებადი ავარიული ამომრთველი სარქვლები უნდა დააყენონ მილსადენებზე  და მილებზე (გარე დიამეტრის მიხედვით), გარდა ნარჩენების გასატანი მილებისა, შემდეგ ადგილებში:

5.1    საწარმოო ფართობზე შემავალი განშტოებების შეერთებებთან.

5.2    დერეფნებში შესასვლელებთან.

გამონაკლისი: თუ მიმწოდებელი მილსადენები, რომლებიც განივად კვეთს დერეფნებს და დერეფნის გადაკვეთის მთელ სიგანეზე ჩასმულია რკინის მილში ან მილში (გარე დიამეტრის მიხედვით) არ არის აუცილებელი, აკმაყოფილებდეს 1 – 5 პუნქტებს.

415.10.6.5 ამოცნობა.  მილსადენებსა და მილებს (გარე დიამეტრის მიხედვით) და საფრთხის შემცველ საწარმოო ნივთიერებების ნარჩენების გასატან მილებს ANSI A 13.1-ის შესაბამისად უნდა ჰქონდეს ამოსაცნობი ნიშნები, რომლებზეც გადასაზიდი ნივთიერების შესახებაა მითითებული.

415.10.7 აირაღმომჩენი უწყვეტმოქმედი სისტემები. საფრთხის შემცველი აიროვანი საწარმოო ნივთიერებებისათვის აირაღმომჩენი უწყვეტმოქმედი სისტემა 415.10.7.1 და 415.10.7.2 ქვეთავების შესაბამისად უნდა დააყენონ, თუ აირის ფიზიოლოგიური გაფრთხილების ზღვრული დონე უფრო მაღალია, ვიდრე აირისა და აალებადი აირებისათვის ზემოქმედების  დასაშვები ზღვარი.

415.10.7.1 საჭიროების შემთხვევა. აირაღმომჩენი უწყვეტმოქმედი სისტემა 415.10.7.1.1 – 415.10.7.1.4 ქვეთავებში განსაზღვრულ ფართობებზე უნდა დააყენონ.

415.10.7.1.1 საწარმოო ფართობები. თუ აირი გამოიყენება საწარმოო ფართობზე, საწარმოო ფართობზე უნდა დააყენონ აირაღმომჩენი უწყვეტმოქმედი სისტემა.

415.10.7.1.2 საფრთხის შემცველი საწარმოო ნივთიერებების ოთახები. თუ აირი გამოიყენება საფრთხის შემცველი საწარმოო ნივთიერებების ოთახებში, იქ აირაღმომჩენი უწყვეტმოქმედი სისტემა უნდა დააყენონ.

415.10.7.1.3 აირის კარადები, გამწოვიანი შემოზღუდული სივრცეები და აირის ოთახები. აირაღმომჩენი უწყვეტმოქმედი სისტემა უნდა დააყენონ აირის კარადებსა და გამწოვიან შემოზღუდულ სივრცეებში. აირაღმომჩენი უწყვეტმოქმედი სისტემა უნდა დააყენონ აირის ოთახებში, თუ აირები აირის კარადებსა და გამწოვიან შემოზღუდულ სივრცეებში არაა მოთავსებული.

415.10.7.1.4 დერეფნები. როცა აირების ტრანსპორტირება ხდება მილსადენებით, რომელიც მოთავსებულია დერეფნის კედლებით, იატაკითა და დერეფნის სახურავით შექმნილ სივრცეში, აირაღმომჩენი უწყვეტმოქმედი სისტემა უნდა დააყენონ იქ, სადაც მდებარეობს მილსადენი, ასევე დერეფანში.

გამონაკლისი: აირაღმომჩენი უწყვეტმომქმედი სისტემა საჭირო არ არის, თუ მიმწოდებელი მილსადენი, რომელიც კვეთს დერეფანს, დერეფნის გადაკვეთის მთელ სიგანეზე რკინის მილშია ან მილშია (გარე დიამეტრის მიხედვით) ჩასმული.

415.10.7.2 აირაღმომჩენი სისტემის მუშაობა. აირაღმომჩენი უწყვეტმოქმედი სისტემა უნდა აკონტროლებდეს იმ ოთახს, ფართობს ან მოწყობილობას, სადაც აირი ქვემოთ ჩამოთვლილი ყველა აირის კონცენტრაციის დონეზე ან უფრო დაბლაა:

1.    სიცოცხლისა და ჯანმრთელობისათვის საშიში სიდიდეები, როცა დაკვირვების წერტილი ვაკუუმური და განიავებადი შემომზღუდავების ან აირის კარადების საზღვრებშია.

2.    ზემოქმედების დასაშვები ზღვრული დონეები, როდესაც დაკვირვების წერტილი ვაკუუმური და განიავებადი შემომზღუდავების ან აირის კარადების საზღვრებს გარეთაა.

3.    აალებადი აირებისთვის, აირის აღმოჩენის საკონტროლო ზღვრული დონე უნდა იყოს აალების ქვედა ზღვარზე 25%-ით მეტი ორთქლის კონცენტრაციები, როდესაც დაკვირვება ვაკუუმური და განიავებადი შემომზღუდავების ან აირის კარადების საზღვრებში და საზღვებს გარეთ ხდება.

415.10.7.2.1 განგაში. ხანმოკლე სახიფათო ვითარების აღმოჩენისას, აირაღმომჩენი სისტემა უნდა ააქტიურებდეს ადგილობრივ განგაშს და გადასცემდეს სიგნალს ავარიის საკონტროლო სადგურში. განგაში უნდა იყოს ვიზუალურიც და ხმოვანიც და უნდა უზრუნველყოფდეს გაფრთხილებას როგორც ფართობზე, ისე მის გარეთ. ხმოვანი განგაში ყველა სხვა განგაშისაგან უნდა განსხვავდებოდეს.

415.10.7.2.2 აირის მიწოდების შეწყვეტა. აირაღმომჩენმა სისტემამ ავტომატურად უნდა ჩაკეტოს მაკონტროლებელ სისტემასთან მიერთეულ აირმიმწოდებელ მილსადენებზე და მილებზე (გარე დიამეტრის მიხედვით) დაყენებული სარქველი. სარქვლები ავტომატურად უნდა დაიხუროს:

1.    თუ აირის სადგურში ან გამწოვიან შემომზღუდავში მდებარე წერტილში, სადაც აირის აღმოსაჩენად სინჯის აღება და აირაღმომჩენი სისტემის განგაშის გააქტიურება ხდება, სპეციფიკური აირი გამოვლინდება, აირის კარადაში ან გამწოვიან შემომზღუდავში მდებარე ჩამკეტი სარქველი ავტომატურად უნდა დაიხუროს.

2.    თუ ოთახში მდებარე წერტილში, სადაც აირის აღმოსაჩენად სინჯის აღება და აირაღმომჩენი სისტემის განგაშის გააქტიურება ხდება, ხოლო დაჭირხნული აირის კონტეინერები აირკარადებში ან გამწოვიან შემომზღუდავში არაა განთავსებული, სპეციფიკური აირი გამოვლინდება, აირის ყველა მილსადენზე დაყენებული ჩამკეტი სარქველი ავტომატურად უნდა დაიხუროს.

3.    თუ გამანაწილებელი მილსადენის შემკრებში (კოლექტორში) მდებარე წერტილში, სადაც აირის აღმოსაჩენად სინჯის აღება და აირაღმომჩენი სისტემის განგაშის გააქტიურება ხდება, სპეციფიკური აირი გამოვლინდება, დაჭირხნული აირის კონტეინერის შემკრებზე (კოლექტორზე) დაყენებული დამკეტი სარქველი ავტომატურად უნდა დაიხუროს.

გამონაკლისი: თუ წერტილი, სადაც აირის აღმოსაჩენად სინჯის აღება და აირაღმომჩენი სისტემის განგაშის გააქტიურება ხდება, მდებარეობს გამოყენების ადგილას ან მილსადენების შემკრებზე ქვემოთკენ მიმართული განშტოების მილის აირის სარქვლის შემომზღუდავში, მილსადენის შემკრების შემომზღუდავში მდებარე განშტოების მილის ჩამკეტი სარქველი ავტომატურად უნდა დაიხუროს.

415.10.8 ხელით სამართავი სახანძრო განგაშის სისტემა. შენობებში, სადაც მდებარეობს დსშ-5 ჯგუფის დაკავებულობები, უნდა არსებობდეს ხელით სამართავი სახანძრო განგაშის სისტემა. განგაშის სისტემის გააქტიურებისას უნდა ჩაირთოს ადგილობრივი განგაში და სიგნალი უნდა გადაეცეს ავარიის საკონტროლო სადგურს. სახანძრო განგაშის სისტემა უნდა დაგეგმარდეს და დააყენონ 907-ე ქვეთავის შესაბამისად.

415.10.9 საგანგებო ვითარების საკონტროლო სადგური. საგანგებო ვითარების საკონტროლო სადგური უნდა შეესაბამებოდეს 415.10.9.1 – 415.8.10.3 ნაწილებს.

415.10.9.1 მდებარეობა. საგანგებო ვითარების საკონტროლო სადგური განთავსებული უნდა იყოს შენობებში, რომლებიც საწარმოო ფართობის გარეთ მდებარეობს.

415.10.9.2 კადრები. შესაბამისი კვალიფიკაციის მქონე პერსონალი მუდმივად საგანგებო ვითარების საკონტროლო სადგურში უნდა იმყოფებოდეს.

415.10.9.3 სიგნალები. საგანგებო ვითარების საკონტროლო სადგურმა უნდა მიიღოს სიგნალები საავარიო მოწყობილობიდან, ასევე განგაშისა და აღმომჩენი სისტემებიდან. თუ ამ თავის ან წესების რომელიმე ქვეთავის თანახმად, აუცილებელია ასეთი საავარიო მოწყობილობა, განგაშისა და აღმომჩენი სისტემები, ისინი უნდა მოიცავდეს შემდეგ სისტემებს, მაგრამ არა მხოლოდ მათ:

1.    ავტოსაშხეფი სისტემის განგაშისა და საკონტროლო სისტემებს;

2.    ხელით მართვად სახანძრო განგაშის სისტემებს;

3.    საავარიო განგაშის სისტემებს;

4.    აირაღმომჩენ უწყვეტმოქმედ სისტემებს;

5.    კვამლაღმომჩენ სისტემებს;

6.    საავარიო ელექტრომომარაგების სისტემას;

7.    თვითაალებადი (პიროფორული) სითხეებისა და მე-3 კლასის წყალრეაქტიული სითხეების ავტოაღმომჩენ და განგაშის სისტემებს;

8.    გამწოვის ნაკადის განგაშის მექანიზმებს, რომლებიც, აუცილებელია თვითაალებადი (პიროფორული) სითხეებისა და მე-3 კლასის წყალრეაქტიული სითხეების კარადების გამწოვი სისტემებისათვის.

415.10.10 საავარიო ელექტრომომარაგების სისტემა. დსშ-5 ჯგუფის დაკავებულობებს უნდა ჰქონდეს საავარიო ენერგომომარაგების სისტემა, თუ ამას 415.10.10.1 ქვეთავის დებულებები მოითხოვს. საავარიო ენერგომომარაგების სისტემა ისე უნდა დაგეგმარდეს, რომ ძირითადი ელექტრომომარაგების სისტემის გათიშვის შემთხვევაში ავტომატურად მიაწოდოს ელექტროენერგია აუცილებელ ელექტროსისტემებს.

415.10.10.1 აუცილებელი ელექტროსისტემები. საავარიო ელექტრომომარაგება უზრუნველყოფილი უნდა იყოს ელექტრომოწყობილობებისა და მიერთებული საკონტროლო წრედებისათვის შემდეგ სისტემებში:

1.  საფრთხის შემცველი საწარმოო ნივთიერებების გამწოვი განიავების სისტემები.

2.  საფრთხის შემცველი საწარმოო ნივთიერებების აირკარადების განიავების სისტემები.

3. საფრთხის შემცველი საწარმოო ნივთიერებების გამწოვიანი შემოზღუდული სივრცის განიავების სისტემები.

4. საფრთხის შემცველი საწარმოო ნივთიერებების აირის ოთახების განიავების სისტემები.

5. საფრთხის შემცველი საწარმოო ნივთიერებების აირაღმომჩენი სისტემები.

6. საავარიო განგაშის სისტემები.

7. ხელით სამართავი სახანძრო განგაშის სისტემა.

8. ავტოსაშხეფი სისტემის საკონტროლო და განგაშის სისტემები.

9. თვითაალებადი (პიროფორული) სითხეებისა და მე-3 კლასის წყალრეაქტიული სითხეების ავტოაღმომჩენი და განგაშის სისტემები.

10. ნაკადის ავარიული ამომრთველები, რომლებიც აუცილებელია თვითაალებადი (პიროფორული) სითხეებისა და მე-3 კლასის წყალრეაქტიული სითხეების კარადების გამწოვი განიავების სისტემებისათვის.

11. ელექტროსისტემები, რომლებიც წესების მოთხოვნით, საჭიროა საფრთხის შემცველი საწარმოო ნივთიერებების გამოსაყენებლად, შესანახად ან გადასაზიდად.

415.10.10.2 გამწოვი განიავების სისტემები. გამწოვი განიავების სისტემების დაგეგმარება (დიზაინი) შეიძლება ისე შესრულდეს, რომ საავარიო ელექტრომომარაგების სისტემის ჩართვისას, ვენტილატორის სიჩქარე არ იყოს ჩვეულებრივი სიჩქარის ნახევარზე ნაკლები, თუ გაწოვის დონე უზრუნველყოფს უსაფრთხო ატმოსფეროს შენარჩუნებას.

415.10.11 ავტოსაშხეფი სისტემის დაცვა საფრთხის შემცველი საწარმოო ნივთიერებების გამწოვ არხებში. 415.10.11.1 – 415.10.11.3 ქვეთავების შესაბამისად, აღიარებული ავტოსაშხეფი სისტემა უნდა ჩააყენონ გამწოვ არხებში, სადაც გადის საწარმოო ნივთიერებებიდან წარმოქმნილი აირები, ორთქლი, კვამლი, ბურუსი ან მტვერი.

415.10.11.2 ლითონის და არალითონის არაწვადი გამწოვი არხები. აღიარებული ავტომატური საშხეფი სისტემა უნდა ჩააყენონ ლითონისა და  არალითონის არაწვად გამწოვ არხებში, როცა არსებობს ქვემოთ მოცემული ყველა პირობა:

1.    ყველაზე დიდი განივი კვეთის დიამეტრი 25 სმ-ის ტოლი ან მეტია.

2.    არხები შენობაშია მოქცეული.

3.    არხებში გადის აალებადი აირები, ორთქლი ან კვამლი.

415.10.11.3 ავტოსაშხეფების განლაგება. საშხეფი სისტემები უნდა დააყენონ 3,6 მ დაშორებებით (ინტერვალებით) თარაზულ არხებში და მიმართულების შეცვლის ადგილებში. შვეულ არხებში საშხეფები ზედა ნაწილში და ყოველი მეორე იატაკის დონეზე უნდა ჩააყენონ.

ქვეთავი 416 – აალებადი მოსაპირკეთებელი მასალების გამოყენება

416.1 ზოგადი. ამ ქვეთავის დებულებები ეხება შენობისა და ნაგებობების ან მათი ნაწილების მშენებლობას, მოწყობას და გამოყენებას, როდესაც აალებადი საღებავების, უფერო და ფერადი ლაკების შესხურება ან სხვა აალებადი ნივთიერებების ან ნარევების გამოყენება შეღებვის, გალაქვის, ელფერის მიცემის ან მსგავსი მიზნებით ხდება.

416.2 სასხურებლით (პულვერიზატორით) ღებვისთვის განკუთვნილი ოთახები. სასხურებლით ღებვისთვის განკუთვნილი ოთახები შემოზღუდული უნდა იყოს 707-ე ქვეთავის შესაბამისად აგებული ცეცხლმედეგი ზღუდეებით ან 711-ე ქვეთავის შესაბამისად აგებული თარაზული ანაწყობებით, ან ორივეთი ერთად, რომელთა ცეცხლმედეგობის ხარისხი, არანაკლებ, ერთი საათია. იატაკები უნდა იყოს წყალმედეგი და ნებადართული მეთოდით უნდა იწრიტებოდეს.

416.2.1 ზედაპირები. სასხურებლით ღებვისთვის განკუთვნილი ოთახების შიგა მხარის ზედაპირები უნდა იყოს გლუვი და ისე აგებული, რომ შიგა სივრცის ყველა ნაწილიდან გაწოვილი ჰაერი თავისუფლად გაატაროს და ადვილად ირეცხებოდეს და იწმინდებოდეს, ასევე, ისე უნდა დაგეგმარდეს, რომ ნარჩენები ოთახშივე დარჩეს. ალუმინი არ უნდა გამოიყენებოდეს.

416.3 შესხურებით ღებვის სივრცე.  სივრცე, სადაც ხდება შესხურებით ღებვა, აალებადი კვამლის ან ორთქლის დაგროვების თავიდან ასაცილებლად, უნდა ნიავდებოდეს გამწოვი სისტემით. თუ ასეთი სივრცეები ცალ-ცალკე შემოზღუდული არ არის, აალებადი ორთქლის გავრცელების თავიდან ასაცილებლად, უნდა გამოიყენებოდეს არაწვადი მასალის ფარდები.

416.3.1 ზედაპირები. შესხურებით ღებვის სივრცეების შიგა მხარის ზედაპირები უნდა იყოს გლუვი, უწყვეტი და კიდეების გარეშე; ასევე, უნდა აიგოს იმგვარად, რომ შიგა სივრცის ყველა ნაწილიდან გაწოვილი ჰაერი თავისუფლად გაატაროს, ადვილად ირეცხებოდეს და იწმინდებოდეს, ასევე, ისე უნდა დაგეგმარდეს, რომ ნარჩენები სივრცეშივე დარჩეს. ალუმინი არ უნდა გამოიყენებოდეს.

416.4 ხანძრისაგან დაცვა. ავტოსაშხეფი ან ცეცხლსაქრობი სისტემები სასხურებლით (პულვერიზატორით) ან ამოვლებით ღებვისათვის განკუთვნილ ყველა სივრცესა და სასაწყობო ოთახში უნდა დააყენონ. მათ აყენებენ მე-9 თავის შესაბამისად.

ქვეთავი 417 – საშრობი ოთახები

417.1 ზოგადი. შენობაში მდებარე საშრობი ოთახი ან საშრობი ღუმელი მთლიანად არაწვადი მასალებით უნდა აიგოს ან ამ მასალებისგან დამზადებული ანაწყობებით.

417.2 მილებსა და წვად მასალებსშორისი ღრეჩო.  საშრობ ოთახში გათბობის კიდული მილები არსებული წვადი მასალებისგან დაშორებული უნდა იყოს, არანაკლებ, 5 სმ-ით.

417.3 იზოლაცია. სადაც საშრობის სამუშაო ტემპერატურა 79°C ან მეტია, ლითონის შემომზღუდავები მომიჯნავე წვადი მასალებისგან იზოლირებული უნდა იყოს, არანაკლებ, 30 სმ ღრეჩოთი, ან ლითონის კედლები უნდა დაიფაროს 6,4 მმ საიზოლაციო სამშენებლო მუყაოთი ან სხვა შესაბამისი ნებადართული იზოლაციით.

417.4 ხანძრისაგან დაცვა. საშრობი ოთახები, რომელებიც დაგეგმარებულია დიდი საფრთხის შემცველი ნივთიერებებისა და პროცესებისათვის, მათ შორის, მე-4 თავში განსაზღვრული სპეციალური დაკავებულობებისათვის, დაცული უნდა იყოს ავტომატური ცეცხლსაქრობი სისტემით, რომელიც შეესაბამება მე-9 თავის დებულებებს.

ქვეთავი 418 – ორგანული საფარები

418.1 შენობის მახასიათებლები. ორგანული საფარები უნდა იწარმოებოდეს მხოლოდ იმ შენობებში, რომელთაც არ აქვს ორმოები ან მიწის დონის ქვედა სართულები.

418.2 მდებარეობა. ორგანული საფარების წარმოება და დამატებითი ან მასთან დაკავშირებული სამუშაოები არ უნდა მიმდინარეობდეს შენობებში, რომლებიც მოიცავს სხვა დაკავებულობებს.

418.3 გადამამუშავებელი ქარხნები. ქარხნა, სადაც აალებად და მაღალ ტემპერატურაზე მგრძნობიარე ნივთიერებებს ამუშავებენ, მაგალითად, ნიტროცელულოზას, უნდა იყოს ცალკე მდგომი ან არაწვადი ნაგებობა.

418.4 ავზის შესანახი ფართობები. აალებადი და წვადი სითხეების შესანახად განკუთვნილი ავზების შესანახი ადგილები ნაგებობაში უნდა განთავსდეს მიწის დონეზე ან მასზე მაღლა და გადამუშავების ფართობისგან უნდა გაიმიჯნოს 707-ე ქვეთავის შესაბამისად აგებული ცეცხლმედეგი ზღუდეებით ან 711-ე ქვეთავის შესაბამისად აგებული თარაზული ანაწყობებით, ან ორივეთი ერთად, რომელთა ცეცხლმედეგობის ხარისხი, არანაკლებ, 2 საათია.

418.5 ნიტროცელულოზის სათავსი. ნიტროცელულოზა უნდა ინახებოდეს ცალკე სადებზე, გამიჯნულ ნაგებობაში ან ოთახში, რომელიც შემოზღუდულია 707-ე ქვეთავის შესაბამისად აგებული ცეცხლმედეგი ზღუდეებით ან 711-ე ქვეთავის შესაბამისად აგებული თარაზული ანაწყობებით, ან ორივეთი, რომელთა ცეცხლმედეგობის ხარისხი, არანაკლებ, 2 საათია.

418.6 მზა პროდუქტები. ისეთი მზა პროდუქტების შესანახი ოთახები, როგორებიცაა: აალებადი ან წვადი სითხეები, გადამუშავების ფართობისგან უნდა გაიმიჯნოს 707-ე ქვეთავის შესაბამისად აგებული ცეცხლმედეგი ზღუდეებით ან 711-ე ქვეთავის შესაბამისად აგებული თარაზული ანაწყობებით, ან ორივეთი ერთად, რომელთა ცეცხლმედეგობის ხარისხი, არანაკლებ, 2 საათია.

ქვეთავი 419 – საცხოვრებელ-სამუშაო ერთეულები

419.1 ზოგადად. საცხოვრებელ-სამუშაო ერთეულები 419.1 – 419.8 ქვეთავებს უნდა შეესაბამებოდეს.

გამონაკლისი: საცხოვრებელი ან საძინებელი ერთეულები, რომლებიც მოიცავს ოფისს, რომლის ფართობი საცხოვრებელი ერთეულის 10%-ს შეადგენს, დასაშვებია, კლასიფიცირდეს, როგორც საცხოვრებელი ერთეული, რომელსაც აქვს 508.2 ქვეთავის შესაბამისი დამხმარე დაკავებულობები.

 

419.1.1 შეზღუდვები. შეზღუდვა შეეხება ყველა საცხოვრებელ-სამუშაო ფართობს:

1. საცხოვრებელ-სამუშაო ერთეულის ფართობი დასაშვებია იყოს 280 მ²;

2. დასაშვებია, არასაცხოვრებელი ფართობი იყოს თითოეული საცხოვრებელ-სამუშაო ერთეულის მაქსიმუმ 50%;

3. არასაცხოვრებელი დანიშნულების ფართობი უნდა მდებარეობდეს საცხოვრებელ-სამუშაო ერთეულის მხოლოდ პირველ ან მიწისპირა სართულზე (მთავარ იატაკზე);

4. დასაშვებია არასაცხოვრებელ ფართობს ნებისმიერ დროს მაქსიმუმ ხუთი მომუშავე ან თანამშრომელი იკავებდეს.

419.2 დაკავებულობები. საცხოვრებელ-სამუშაო ერთეულები უნდა კლასიფიცირდეს სც-2 ჯგუფის დაკავებულობად. 420-ე და 508-ე ქვეთავებში გამიჯვნასთან დაკავშირებული მოთხოვნები იმ შემთხვევაში გამოიყენება, როცა საცხოვრებელ-სამუშაო ერთეულები 419-ე ქვეთავის შესაბამისია. დიდი საფრთხის შემცველი და სასაწყობო დაკავებულობები დაუშვებელია საცხოვრებელ-სამუშაო ერთეულებში. არასაცხოვრებელი გამოყენებები, რომლებიც კლასიფიცირდება, როგორც დსშ ან სწ ჯგუფის დაკავებულობები, დაუშვებელია საცხოვრებელ-სამუშაო ერთეულებში.

გამონაკლისი: საცხოვრებელ-სამუშაო ერთეულებში დასაშვებია სათავსის/საწყობის მოწყობა, თუ არასაცხოვრებელ ნაწილში გაერთიანებული სასაწყობო ფართობი იზღუდება არასაცხოვრებელი საქმიანობებისათვის განკუთვნილი სივრცის 10%-მდე.

419.3 გასასვლელი საშუალებები. ამ ქვეთავით გათვალისწინებული ცვლილების გარდა, საცხოვრებელ-სამუშაო ერთეულის გასასვლელი საშუალებების კომპონენტები უნდა დაგეგმარდეს მე-10 თავის შესაბამისად იმ ფუნქციის გათვალისწინებით, რომელსაც ემსახურება.

419.3.1 გასასვლელის გამტარუნარიანობა. თითოეული საცხოვრებელ-სამუშაო ერთეულის გასასვლელის გამტარუნარიანობა დამოკიდებულია დაკავებულობის დატვირთვაზე (1004.1.1 ცხრილი), რომელსაც ემსახურება.

419.3.2 ხვეული გზა-კიბეები. დასაშვებია ხვეული გზა-კიბეები, რომლებიც აკმაყოფილებს 1009.12 ქვეთავის მოთხოვნებს.

419.4 შვეული ღიობები. დასაშვებია, საცხოვრებელ-სამუშაო ერთეულის იატაკის დონეებს შორის მდებარე იატაკის ღიობები არ იყოს შემოზღუდული.

419.5 ხანძრისგან დაცვა. საცხოვრებელ-სამუშაო ერთეულს უნდა ჰქონდეს 907.2.9 ქვეთავის შესაბამისი კონტროლირებადი სახანძრო განგაშის სისტემა, და 908.2.8 ქვეთავის მოთხოვნის შესაბამისად დაყენებული ავტოსაშხეფი სისტემა.

419.6 მისაწვდომობა. მისაწვდომობა უნდა დაგეგმარდეს მე-11 თავის შესაბამისად იმ ფუნქციის გათვალისწინებით, რომელსაც მოემსახურება.

419.7 წყალსადენი საშუალებები. საცხოვრებელ-სამუშაო ერთეულის არასაცხოვრებელ ფართობზე უნდა განთავსდეს მინიმალურად საჭირო წყალსადენი საშუალებები მე-16 თავის მოთხოვნების შესაბამისად არასაცხოვრებელი ფართობის ფუნქციის გათვალისწინებით. სადაც, 1103.2.13 ქვეთავის მოთხოვნით, საცხოვრებელ-სამუშაო ერთეულის არასაცხოვრებელი ფართობი მისაწვდომი უნდა იყოს უნარშეზღუდული პირებისთვის, მე-16 თავში განსაზღვრული წყალსადენის მოწყობილობა უნდა აკმაყოფილებდეს მისაწვდომობის მოთხოვნას.

ქვეთავი 420 – ჯგუფები დს-1, სც-1, სც-2, სც-3

420.1 ზოგადი. დწ-1, სც-1, სც-2 და სც-3 ჯგუფების დაკავებულობები უნდა შეესაბამებოდეს ამ ქვეთავისა და წესების სხვა შესაბამის დებულებებს.

420.2 გამმიჯნავი კედლები. ერთსა და იმავე შენობაში საცხოვრებელი ერთეულებისა და საცხოვრებელი ან საძინებელი ერთეულების სხვა დაკავებულობებისგან გასამიჯნ კედლებად უნდა აიგოს ცეცხლმედეგი ტიხრები, 708-ე ქვეთავის შესაბამისად.

420.3 გამიჯვნა თარაზულად. იატაკის ანაწყობები, რომლებიც მიჯნავს საცხოვრებელ ერთეულებს ერთსა და იმავე შენობაში, საძინებელ ერთეულებს ერთსა და იმავე შენობაში და საცხოვრებელ ან საძინებელ ერთეულებს სხვა დაკავებულობებისგან ერთსა და იმავე შენობაში, უნდა აიგოს, როგორც 711-ე ქვეთავის შესაბამისი თარაზული ანაწყობები.

420.4 ავტოსაშხეფი სისტემა. სც ჯგუფის დაკავებულობები მთლიანად უნდა აღიჭრუვოს 903.2.8 ქვეთავის შესაბამისი ავტოსაშხეფი სისტემით. დწ-1 ჯგუფის დაკავებულობები მთლიანად უნდა აღიჭრუვოს 903.2.6 ქვეთავის შესაბამისი ავტოსაშხეფი სისტემით. სწრაფრეაგირების ან საცხოვრებლის ავტოსაშხეფები უნდა დააყენონ 903.3.2 ქვეთავის შესაბამისად.

420.5 კვამლაღმომჩენი და სახანძრო განგაშის სისტემები. სახანძრო განგაშისა და კვამლზე განგაშის სისტემები უნდა განთავსდეს დწ-1, სც-1 და სც-2 ჯგუფის დაკავებულობებში, 907.2.6, 907.2.8 და 907.2.9 ქვეთავების შესაბამისად. ერთ- ან რამდენიმებლოკიანი კვამლზე განგაშის სისტემები უნდა შეესაბამებოდეს 907.2.11 ქვეთავის მოთხოვნებს.

ქვეთავი 421 – წყალბადის გამოსაცალკევებელი ოთახები

421.1 ზოგადი.  წყალბადის გამოსაცალკევებლი ოთახები 421.1 – 421.7 ქვეთავების შესაბამისად უნდა დაგეგმარდეს და აიგოს.

421.2 განმარტებები. ქვემოთ წარმოდგენილი ტერმინები განმარტებულია მე-2 თავში:

წყალბადის აირის სისტემა

წყალბადის გამოსაცალკევებელი ოთახი

421.3 მდებარეობა. წყალბადის გამოსაცალკევებელი ოთახები არ უნდა მდებარეობდეს მიწის ზედაპირზე დაბლა.

421.4 დაგეგმარება და მშენებლობა. წყალბადის გამოსაცალკევებელი ოთახები  უნდა კლასიფიცირდეს გამოყენების მიხედვით 302.1 ქვეთავის შესაბამისად და შენობის სხვა ფართობებისაგან გამიჯნული უნდა იყოს 707-ე ქვეთავის შესაბამისად აგებული ცეცხლმედეგი ზღუდეებით, ან 711-ე ქვეთავის შესაბამისად აგებული თარაზული ანაწყობებით, ან ორივეთი ერთად, რომელთა ცეცხლმედეგობის ხარისხი, არანაკლებ, ერთი საათია, ან როგორც 508.2, 508.3 ან 508.4 ქვეთავებშია მოთხოვნილი.

421.4.1 ღიობების დამცავები. ცეცხლმედეგ ზღუდეებში დატანებული კარები, დერეფნებში გასასვლელი კარების ჩათვლით, თავისით უნდა იხურებოდეს, 716-ე ქვეთავის შესაბამისად. შიგა კარის ღიობები და წყალბადის სისტემა ერთმანეთთან ელექტრონულად უნდა იყოს დაკავშირებული, რათა წყალბადის სისტემამ არ იმუშაოს, როცა კარები ღია ან შეღებულია, ან ოთახში უნდა იყოს მექანიკური გამწოვი განიავების სისტემა, რომელიც დაგეგმარებულია 421.4.1.1 ქვეთავის შესაბამისად.

421.4.1.1 ალტერნატიული განიავება. როცა გამწოვი სისტემა გამოიყენება 421.4 ქვეთავში მოთხოვნილი ურთიერთმაკავშირებელი სისტემის ნაცვლად, გამწოვი განიავების სისტემები უნდა მუშაობდეს უწყვეტად და ისე უნდა იყოს დაგეგმარებული, რომ იმუშაოს გარემომცველ ფართობებზე არსებულ უარყოფით წნევაზე. კარის ღიობის პირდაპირ მდებარე განიავების საშუალო სიჩქარე, იმ შემთხვევაში, როცა კარი მთლიანად გაღებულ პოზიციაშია, არ უნდა იყოს 0,30 მ/წმ-ზე ნაკლები, ხოლო კარის ღიობის ნებისმიერ წერტილში, სულ მცირე, 0,22 მ/წმ.

421.4.1.2 ფანჯრები. შიგა კედლებში დაუშვებელია გასაღები ფანჯრები. ყრუ ფანჯრები დასაშვებია, თუ ისინი 716-ე ქვეთავს შეესაბამება.

421.5 განიავება. წყალბადის გამოსაცალკევებელ ოთახებს უნდა ჰქონდეს მექანიკური განიავება.

421.6 აირაღმომჩენი სისტემა. წყალბადის გამოსაცალკევებელ ოთახებს 421.6.1 – 421.6.3 ქვეთავების შესაბამისი აალებადი აირების აღმომჩენი სისტემა უნდა ჰქონდეს.

421.6.1 სისტემის დაგეგმარება. აალებადი აირების აღმომჩენი სისტემა უნდა მიეკუთვნებოდეს ისეთ კატეგორიას, რომელიც გამოიყენება წყალბადთან და ნებისმიერ სხვა აალებად აირთან, რომელთა გამოყენება ხდება ოთახში. აირაღმომჩენი სისტემა ისე უნდა იყოს დაგეგმარებული, რომ აქტიურდებოდეს, როცა აალებადი აირის დონე გადააჭარბებს აირის ან ნარევების აალებადობის ქვედა ზღვრის 25%-ს მათთვის გათვალისწინებული ტემპერატურისა და წნევის პირობებში.

421.6.2 მუშაობა. აირაღმომჩენი სისტემის გააქტიურებას შედეგად უნდა მოჰყვეს:

1. განსხვავებული ხმოვანი და ვიზუალური განგაშის სიგნალების გააქტიურება როგორც წყალბადის გამოსაცალკევებელი ოთახის შიგნით, ისე მათ გარეთ;

2. მექანიკური განიავების სისტემის გააქტიურება.

421.6.3 აირაღმომჩენი სისტემის მწყობრიდან გამოსვლა. აირაღმომჩენი სისტემის მწყობრიდან გამოსვლისას უნდა გააქტიურდეს მექანიკური განიავების სისტემა, შეჩერდეს წყალბადის წარმოქმნის პროცესი და გაუმართაობის შეტყობინება გადაიცეს აღიარებულ ადგილას.

421.7 სათადარიგო ელექტრომომარაგება. მექანიკური განიავებისა და აირაღმომჩენი სისტემები უნდა მიერთდეს სათადარიგო ელექტრომომარაგების სისტემასთან.

ქვეთავი 422 – ამბულატორიული სამედიცინო დაწესებულებები

422.1 ზოგადი. დაკავებულობები, კლასიფიცირებული, როგორც ამბულატორიული სამკურნალო დაწესებულებები, უნდა შეესაბამებოდეს 422.1 – 422.7 ქვეთავებისა და წესების სხვა შესაბამის დებულებებს.

422.2 გამიჯვნა. ამბულატორიული სამკურნალო დაწესებულებები, სადაც შესაძლებელია, მკურნალობა ჩაუტარდეს ოთხ ან მეტ პირს, რომელთაც არ ძალუძთ საკუთარი თავის დაცვა პერსონალის მიზეზით ან როდესაც პერსონალის პასუხისმგებლობაა, მოუაროს უკვე თავდაცვისუუნარო პაციენტებს, მომიჯნავე სივრცეებისგან, დერეფნებისგან და მფლობელობაში არსებული სივრცეებისგან უნდა გაიმიჯნოს 708-ე ქვეთავის შესაბამისად მოწყობილი ცეცხლმედეგი ტიხრით.

422.3 დაუკვამლიანებელი განყოფილებები. სადაც ერთი ან მეტი ამბულატორიული სამკურნალო დაწესებულებების გაერთიანებული ფართობი ერთ სართულზე აღემატება 950 მ²-ს, სართულზე უნდა მოეწყოს კვამლგაუმტარი ზღუდე, რომელიც სართულს გაყოფს, არანაკლებ, ორ კვამლშეუღწევ განყოფილებად. ნებისმიერი ერთი ამგვარი დაუკვამლიანებელი განყოფილების ფართობი არ უნდა აღემატებოდეს 2100 მ²-ს. დაუკვამლიანებელი განყოფილების ნებისმიერი წერტილიდან კვამლგაუმტარი ზღუდის კარამდე არ უნდა აღემატებოდეს 60 მ-ს. კვამლგაუმტარი ზღუდე უნდა მოეწყოს 709-ე ქვეთავის შესაბამისად, გამონაკლისი მოთხოვნაა ის, რომ კვამლგაუმტარი ზღუდეები უწყვეტი უნდა იყოს გარე კედლიდან გარე კედლამდე, იატაკიდან იატაკამდე, ან კვამლგაუმტარი ზღუდიდან კვამლგაუმტარ ზღუდემდე, ან მათ კომბინაციებში.

422.4 თავშესაფრის ფართობი. ყოველი დაუკვამლიანებელი განყოფილების საზღვრებში მდებარე დერეფნების, პაციენტების ოთახების, საპროცედურო ოთახების, მოსასვენებელი ან სასადილო ფართობებისა და სხვა მცირე საფრთხის შემცველი ფართობების საერთო ფართობზე თითოეული არაამბულატორიული პაციენტისთვის გათვალისწინებული უნდა იყოს, არანაკლებ, 2,8 მ² ფართობი. ამბულატორიული სამედიცინო დაწესებულების თითოეული დამკავებელი უნდა გადიოდეს თავშესაფრის ფართობზე მფლობელობაში არსებულ მომიჯნავე სივრცის გადაკვეთის ან გამოყენების გარეშე.

422.5 დამოუკიდებელი გასასვლელი. კვამლგაუმტარი ზღუდეებით შექმნილ თითოეულ კვამლშეუღწევ განყოფილებას უნდა ჰქონდეს თავისი გასასვლელი საშუალებები, რომ გასასვლელ საშუალებებთან მისადგომად დამკავებლებს არ მოუწიოთ იმ კვამლშეუღწევ განყოფილებაში დაბრუნება, საიდანაც გამოვიდნენ.

422.6 ავტოსაშხეფი სისტემები. ავტოსაშხეფი სისტემები ამბულატორიული სამკურნალო დაწესებულებებისათვის 903.2.2 ქვეთავის შესაბამისად უნდა დააყენონ.

422.7 სახანძრო განგაშის სისტემები. ამბულატორიულ სამკურნალო დაწესებულებებში სახანძრო განგაშის სისტემა 907.2.2.1 ქვეთავის შესაბამისად უნდა დააყენონ.

ქვეთავი 423 – საგანმანათლებლო ჯგუფი სგ

423.1 უსაფრთხო ადგილები. საგამნამათლებლო ჯგუფის დაკავებულობების თითოეული დამკავებელი უზრუნველყოფილი უნდა იყოს სულ მცირე, 0,56 მ² ფართობის უსაფრთხო ადგილით შენობასა და მიწის ნაკვეთის საზღვარს შორის. მანძილი ამგვარ უსაფრთხო ადგილებსა და იმ შენობას შორის, რომელსაც ისინი ემსახურებიან, უნდა იყოს, შენობის სიმაღლის ნახევრის ტოლი, მაგრამ არანაკლებ, 15 მ-ის.

ქვეთავი 424 – ბავშვების სათამაშო ნაგებობოები

424.1 ბავშვების სათამაშო ნაგებობები. წესებით რეგულირებულ ნებისმიერი დაკავებულობაში ბავშვების სათამაშოდ მოწყობილი ნაგებობები, რომელთა სიმაღლე აღემატება 3,0 მ-ს, ხოლო ფართობი – 14 მ²-ს, 424.2 – 424.5 ქვეთავებს უნდა შეესაბამებოდეს.

424.2 მასალები. ბავშვების სათამაშო ნაგებობები უნდა აიგოს არაწვადი მასალებისგან ან ისეთი წვადი მასალებისგან, რომლებიც აკმაყოფილებს შემდეგ მოთხოვნებს:

1. ცეცხლმედეგობისათვის დამუშავებული ხის მასალა;

2. შუქგამტარი პლასტმასი;

3. ქაფპლასტი (ქაფის მილის ჩათვლით, რომელიც გამოიყენება რბილკომპონენტებიან სათამაშო მანეჟებში), რომლის სითბოს გამოყოფის მაქსიმალური ხარისხი არ აღემატება 100 კვტ-ს UL 1975-ის, ან 20 კვტ. აალების წყაროს გამოყენებით, NFPA 289-ის  შესაბამისად შემოწმების დროს;

4. ალუმინის შემცველი მასალა, რომელიც შეესაბამება A კლასის შიგა მოპირკეთების მოთხოვნებს, განსაზღვრულს მე-8 თავში, როცა მოწმდება, როგორც მაქსიმალური სისქით გამოსაყენებელი კონსტრუქცია;

5. ქსოვილები და საფარები, რომლებიც შეესაბამება NFPA 701-ში წარმოდგენილ ალის გავრცელების ეფექტიანობის კრიტერიუმებს;

6. პლასტმასის მასალები, რომლებიც გამოიყენება რბილკომპონენტებიანი სათამაშო მანეჟების მაგარი კომპონენტების (მაგ., მილები, ფანჯრები, პანელები, გამანაწილებელი კოლოფები, სასრიალოები და ბაქნები) ასაგებად და რომლებიც ASTM E 1354-ის შესაბამისად შემოწმების დროს ავლენს, არაუმეტეს, 400 კვტ/მ² სითბოს გამოშვების პიკურ/მაქსიმალურ სიჩქარეს თარაზული მიმართულებით ვარდნადი 50 კვტ/მ² სითბოს ნაკადის დროს 6 მმ სისქის პირობებში;

7. რბილკომპონენტებიან სათამაშო მანეჟებში ჩასაყრელი ბურთები, რომელთა სითბოს გამოყოფის მაქსიმალური ხარისხი არ აღემატება 100 კვტ-ს, UL 1975-ის ან NFPA 289-ის მიხედვით შემოწმებისას, 20 კვტ. აალების წყაროს გამოყენებით. საცდელი ნიმუშის მინიმალური ზომა უნდა იყოს 90 სმ × 90 სმ, 54 სმ სიღრმის, ხოლო ბურთები უნდა მოთავსდეს გალვანიზებული ფოლადის მავთულებით წვრილად დაწნული ბადით აგებულ ყუთში;

8.    ქაფპლასტი დაფარული უნდა იყოს ნაჭრით, საფარით ან გარსით, რომელიც აკმაყოფილებს NFPA 701-ში მოცემულ ალის გავრცელების კრიტერიუმებს;

9.    NFPA 253-ის მიხედვით შემოწმების დროს უნდა დადასტურდეს, რომ იატაკის საფარი, რომელიც მდებარეობს ბავშვების სათამაშო ნაგებობების ქვეშ, კლასიფიცირდება, როგორც I კლასის შიგა იატაკის მოსაპირკეთებელი მასალა, როგორც აღწერილია 804-ე ქვეთავში.

424.3 ცეცხლისაგან დაცვა.  ბავშვების სათამაშო ნაგებობები უნდა აღიჭურვოს ისეთივე ცეცხლსაქრობი და ცეცხლაღმომჩენი მოწყობილობებით, როგორიც აუცილებელია ჯიხურებისა და მსგავსი ნაგებობებისთვის.

424.4 გამიჯვნა. ბავშვების სათამაშო ნაგებობები შენობის კედლებიდან, ტიხრებიდან და გასასვლელი საშუალებების ნაწილებიდან უნდა გაიმიჯნოს თარაზულად, არანაკლებ, 1,5 მ მანძილით. ბავშვების სათამაშო მოედნის ნაგებობები ბავშვების სათამაშო სხვა ნაგებობებისგან, – არანაკლებ, 6,0 მ თარაზული მანძილით.

424.5 ფართობის შეზღუდვები. ბავშვების სათამაშო ნაგებობების ფართობი არ უნდა აღემატებოდეს 28 მ²-ს, თუ მშენებლობის ნებართვის გამცემი/ზედამხედველი ორგანოსთვის მისაღები სპეციალური გამოკვლევა არ ადასტურებს, რომ საჭირო სახანძრო უსაფრთხოება დაცულია.

თავი 5 – შენობის ზოგადი სიმაღლე და ფართობი

ქვეთავი 501 – ზოგადი

501.1 რეგულირების საგანი. ამ თავის დებულებები არეგულირებს ასაგები ნაგებობებისა და არსებული ნაგებობების მიშენება-დაშენებების სიმაღლესა და ფართობს.

501.2 მისამართის ამოცნობა. ახალ და არსებულ შენობებს უნდა ჰქონდეს აღიარებული სამისამართო ნომრები ან ასოები. თითოეული ციფრის/ასოს სიმაღლე  უნდა იყოს, არანაკლებ, 10 სმ, ხოლო სიგანე – 12,5 მმ. სამისამართო ნომრები დამატებით უნდა განთავსდეს სხვა ნებადართულ ადგილებშიც, რომ საგანგებო ვითარებაზე რეაგირება გაადვილდეს. ისინი დატანილი უნდა იყოს კონტრასტულ ფონზე და მკაფიოდ ჩანდეს საკუთრების მომიჯნავე ქუჩიდან ან გზიდან. როცა მისადგომი კერძო გზიდანაა და შენობის მისამართი საზოგადოებრივი გზიდან არ ჩანს, შენობის ამოსაცნობად უნდა განთავსდეს ძეგლი, სვეტი ან სხვა ნებადართული ნიშანი ან საშუალება. სამისამართო ნომრები უნდა შენარჩუნდეს.

ქვეთავი 502 – განმარტებები

502.1 განმარტებები. ქვემოთ ჩამოთვლილი ტერმინები განმარტებულია მე-2 თავში:

შენობის ფართობი

მიწის დონის ქვედა სართული

მოწყბილობის ბაქანი

მიწის დონე

შენობის სიმაღლე

ანტრესოლი

ქვეთავი 503 – სიმაღლისა და ფართობის ზოგადი შეზღუდვები

503.1 ზოგადი. შენობის სიმაღლე და ფართობი არ უნდა აღემატებოდეს 503-ე ცხრილში 602-ე ქვეთავის საფუძველზე განსაზღვრული კონსტრუქციის ტიპისა და 302-ე ქვეთავის მიხედვით განსაზღვრული დაკავებულობების მიხედვით განსაზღვრულ ზღვრებს, გარდა ქვემოთ მოდიფიცირებული შემთხვევებისა. შენობის თითოეული ნაწილი, გამიჯნული 706-ე ქვეთავის შესაბამისი ერთი ან მეტი ცეცხლმედეგი კედლით, უნდა ჩაითვალოს გამიჯნულ შენობად.

503.1.1 სპეციალური სამრეწველო დაკავებულობები. შენობები და ნაგებობები, რომლებიც განკუთვნილია სპეციალური სამრეწველო პროცესებისთვის, რომელთაც დიდი სივრცე და არასტანდარტული სიმაღლე სჭირდებათ ამწეების ან სხვა მანქანა-დანადგარების, ასევე, საგლინავი ჩარხების განსათავსებლად; სტრუქტურული ლითონის საწარმოო და საჩამომსხმელო საამქროები; ან ელექტრო, აირის ან ორთქლის ენერგიის გამომამუშავებელ-გამანაწილებლები თავისუფალია 503-ე ცხრილში მოცემული შეზღუდვებისაგან, რომლებიც შენობის სიმაღლესა და ფართობს ეხება.

 

503.1.2 შენობები ერთ მიწის ნაკვეთზე. ერთ მიწის ნაკვეთზე მდებარე ორი ან მეტი შენობა მიიჩნევა გამიჯნულ შენობებად ან ერთი შენობის ნაწილებად, თუ თითოეული შენობის სიმაღლე და შენობების საერთო ფართობი არ სცილდება 503-ე ცხრილში მოცემულ შეზღუდვებს, 504-ე და 506-ე ქვეთავების შესწორებების გათვალისწინებით. წესების დებულებები, რომლებიც გაერთიანებულ შენობას ეხება, გულისხმობს თითოეულ შენობასაც.

503.1.3 I ტიპის კონსტრუქცია. შეუზღუდავი სიმაღლეისა და ფართობის I ტიპის კონსტრუქციის შენობებს არ ეხება სპეციალური მოთხოვნები, რომლებიც განსაზღვრულია 507-ე ქვეთავში შეუზღუდავი ფართობის მქონე შენობებისათვის, ან 503.1.1 და 504.3 ქვეთავებში შეუზღუდავი სიმაღლის მქონე შენობებისთვის, ან  შენობის მომატებული სიმაღლისა და ფართობების მქონე სხვა ტიპის კონსტრუქციებისათვის.

ცხრილი 503

შენობის დასაშვები სიმაღლე და ფართობი^ა,ბ

შენობის სიმაღლის შეზღუდვები ნაჩვენებია მ-ში მიწის დონის ზემოთ. სართულიანობის შეზღუდვები ნაჩვენებია სართულებით მიწის დონის ზემოთ.

ფართობის შეზღუდვები ნაჩვენებია მ²-ში „შენობის ფართობი“ განსაზღვრების მიხედვით, თითოეულ სართულზე

		კონსტრუქციის ტიპი
		ტიპი I		ტიპი II		ტიპი III		ტიპი IV	ტიპი V
		A	B	A	B	A	B	მასიური ხის მასალა	A	B
	სიმაღლე (მ)	შეუზღუდავი	48.8	19.8	16.8	19.8	16.8	19.8	15.2	12.2
ჯგუფი	სართულები ფართობი მ2-ში, თითოეულ სართულზე
თვ-1	სართული ფართობი	შეუზღუდავი შეუზღუდავი	5 შეუზღუდავი	3 1440	2 790	3 1300	2 790	3 1390	2 1070	1 510
თვ-2	სართული ფართობი	შეუზღუდავი შეუზღუდავი	11 შეუზღუდავი	3 1440	2 880	3 1300	2 880	3 1390	2 1070	1 560
თვ-3	სართული ფართობი	შეუზღუდავი შეუზღუდავი	11 შეუზღუდავი	3 1440	2 880	3 1300	2 880	3 1390	2 1070	1 560
თვ-4	სართული ფართობი	შეუზღუდავი შეუზღუდავი	11 შეუზღუდავი	3 1440	2 880	3 1300	2 880	3 1390	2 1070	1 560
თვ-5	სართული ფართობი	შეუზღუდავი შეუზღუდავი	შეუზღუდავი შეუზღუდავი	შეუზღუდავი შეუზღუდავი	შეუზღუდავი შეუზღუდავი	შეუზღუდავი შეუზღუდავი	შეუზღუდავი შეუზღუდავი	შეუზღუდავი შეუზღუდავი	შეუზღუდავი შეუზღუდავი	შეუზღუდავი შეუზღუდავი
სქ	სართული ფართობი	შეუზღუდავი შეუზღუდავი	11 შეუზღუდავი	5 3480	4 2140	5 2650	4 1770	5 3340	3 1670	2 840
სგ	სართული ფართობი	შეუზღუდავი შეუზღუდავი	5 შეუზღუდავი	3 2460	2 1350	3 2180	2 1350	3 2370	1 1720	1 880
სმ-1	სართული ფართობი	შეუზღუდავი შეუზღუდავი	11 შეუზღუდავი	4 2320	2 1440	3 1770	2 1110	4 3110	2 1300	1 790
სმ-2	სართული ფართობი	შეუზღუდავი შეუზღუდავი	11 შეუზღუდავი	5 3480	3 2140	4 2650	3 1670	5 4690	3 1950	2 1210
დსშ-1	სართული ფართობი	1 1950	1 1530	1 1020	1 650	1 880	1 650	1 970	1 700	დაუშვებელი დაუშვებელი
დსშ- 2დ	სართული ფართობი	შეუზღუდავი შეუზღუდავი	3 1530	2 1020	1 650	2 880	1 650	2 970	1 700	1 280
დსშ-3დ	სართული ფართობი	შეუზღუდავი შეუზღუდავი	6 5570	4 2460	2 1300	4 1630	2 1210	4 2370	2 930	1 460
დსშ-4	სართული ფართობი	შეუზღუდავი შეუზღუდავი	7 შეუზღუდავი	5 3480	3 1630	5 2650	3 1630	5 3340	3 1670	2 600
დსშ-5	სართული ფართობი	4 შეუზღუდავი	4 შეუზღუდავი	3 3480	3 2140	3 2650	3 1770	3 3340	3 1670	2 840
დწ-1	სართული ფართობი	შეუზღუდავი შეუზღუდავი	9 5110	4 1770	3 930	4 1530	3 930	4 1670	3 970	2 420
დწ-2	სართული ფართობი	შეუზღუდავი შეუზღუდავი	4 შეუზღუდავი	2 1390	1 1020	1 1110	დაუშვებელი დაუშვებელი	1 1110	1 880	დაუშვებელი დაუშვებელი
დწ-3	სართული ფართობი	შეუზღუდავი შეუზღუდავი	4 შეუზღუდავი	2 1390	1 930	2 980	1 700	2 1110	2 700	1 460
დწ-4	სართული ფართობი	შეუზღუდავი შეუზღუდავი	5 5620	3 2460	2 1210	3 2180	2 1210	3 2370	1 1720	1 840
სვ	სართული ფართობი	შეუზღუდავი შეუზღუდავი	11 შეუზღუდავი	4 2000	4 1160	4 1720	4 1160	4 1900	3 1300	1 840
სც-1	სართული ფართობი	შეუზღუდავი შეუზღუდავი	11 შეუზღუდავი	4 2230	4 1490	4 2230	4 1490	4 1900	3 1110	2 650
სც-2	სართული ფართობი	შეუზღუდავი შეუზღუდავი	11 შეუზღუდავი	4 2230	4 1490	4 2230	4 1490	4 1900	3 1110	2 650
სც-3	სართული ფართობი	შეუზღუდავი შეუზღუდავი	11 შეუზღუდავი	4 შეუზღუდავი	4 შეუზღუდავი	4 შეუზღუდავი	4 შეუზღუდავი	4 შეუზღუდავი	3 შეუზღუდავი	3 შეუზღუდავი
სც-4	სართული ფართობი	შეუზღუდავი შეუზღუდავი	11 შეუზღუდავი	4 2230	4 1490	4 2230	4 1490	4 1900	3 1110	2 650
წს-1	სართული ფართობი	შეუზღუდავი შეუზღუდავი	11 4460	4 2420	3 1630	3 2420	3 1630	4 2370	3 1300	1 840
სწ-2ბ,გ	სართული ფართობი	შეუზღუდავი შეუზღუდავი	11 7340	5 3620	4 2420	4 3620	4 2420	5 3580	4 1950	2 1250
დსგ	სართული ფართობი	შეუზღუდავი შეუზღუდავი	5 3300	4 1770	2 790	3 1300	2 790	4 1670	2 840	1 510

ა.   503-ე ცხრილის საერთო გამონაკლისის შესახებ იხილეთ შემდეგი ქვეთავი:

1.ქვეთავი 504.2, დასაშვები სიმაღლის მატება ავტოსაშხეფი სისტემის დაყენების გამო.

2.ქვეთავი 506.2, დასაშვები ფართობის მატება ქუჩაზე გამომავალი ფრონტიდან (საზოგადოებრივი საზღვრიდან) გამომდინარე.

3.ქვეთავი 506.3, დასაშვები ფართობის მატება ავტოსაშხეფი სისტემის დაყენების გამო.

4.ქვეთავი 507, შეუზღუდავი ფართობის მქონე შენობები.

ბ.   მე-5 თავში დასაშვები სიმაღლისა და ფართობებისათვის განსაზღვრული სპეციფიკური გამონაკლისები იხილეთ მე-4 თაცში.

ქვეთავი 504 – შენობის სიმაღლე

504.1 ზოგადი. 503-ე ცხრილში ნებადართული შენობის სიმაღლე იზრდება 504.2 და 504.3 ქვეთავების შესაბამისად.

გამონაკლისი: საჰაერო ხომალდის ერთსართულიანი ანგარების, საჰაერო ხომალდის შესაღები ანგარებისა და საჰაერო ხომალდის საწარმოო შენობების სიმაღლე არ უნდა შეიზღუდოს, თუ შენობაში არის ავტოსაშხეფი სისტემა ან მე-9 თავის შესაბამისად დაყენებული ავტომატური ცეცხლსაქრობი სისტემა და მთლიანად გარშემორტყმულია საზოგადოებრივი გზებით ან ეზოებით, რომელთა სიგანე შენობის სიმაღლესთან შედარებით, სულ მცირე, ერთნახევარჯერ მეტია.

504.2 მატება ავტოსაშხეფი სისტემის არსებობისას. როცა შენობა აღჭურვილია 903.3.1.1 ქვეთავის მიხედვით დაყენებული ავტოსაშხეფი სისტემით, 503-ე ცხრილში განსაზღვრული მაქსიმალური სიმაღლე შესაძლებელია გაიზარდოს 6,0 მ-ით და სართულების მაქსიმალური რაოდენობა – ერთი სართულით. ამ ზრდასთან ერთად დასაშვებია ფართობის გაზრდა 506.2 და 506.3 ქვეთავების შესაბამისად. სც ჯგუფის შენობებისთვის, სადაც ავტოსაშხეფი სისტემა 903.3.1.2 ქვეთავის შესაბამისადაა დაყენებული, 503-ე ცხრილში განსაზღვრული მაქსიმალური სიმაღლე შესაძლებელია გაიზარდოს 6,0 მ-ით და სართულების მაქსიმალური რაოდენობა – ერთი სართულით, მაგრამ არ უნდა გადააჭარბოს 18 მეტრს ან ოთხ სართულს.

გამონაკლისი: ავტოსაშხეფი სისტემის გამოყენებით შენობის სიმაღლის გაზრდა დაუშვებელია შემდეგ შემთხვევებში:

1. შენობები ან შენობის ნაწილები კლასიფიცირებულია, როგორც IIB, III, IV ან V ტიპის კონსტრუქციის დწ-2 ჯგუფის დაკავებულობები;

2. შენობები ან შენობების ნაწილები კლასიფიცირებულია, როგორც დსშ-1, დსშ-2, დსშ-3 ან დსშ-5 ჯგუფის დაკავებულობა;

3. შენობები, სადაც ცეცხლმედეგობის ხარისხიანი კონსტრუქცია ჩანაცვლებულია ავტოსაშხეფი სისტემით, 601-ე ცხრილის „დ“ შენიშვნის შესაბამისად.

504.3 სახურავის ნაგებობები. კოშკები, წვეტიანი კოშკები, სამრეკლოები და  სახურავის სხვა ნაგებობები უნდა აიგოს შენობის კონსტრუქციის ტიპისთვის აუცილებელი მასალების შესაბამისი მასალით, გარდა იმ შემთხვევისა, როცა სხვა კონსტრუქცია ნებადართულია 1509.2.5 ქვეთავის მიხედვით. ასეთი ნაგებობები არ უნდა გამოიყენებოდეს საცხოვრებლად ან საწყობად. ნაგებობების სიმაღლე არ უნდა შეიზღუდოს, თუ ისინი არაწვადი მასალისგანაა აგებული, ხოლო თუ წვადი მასალისგანაა აგებული, არ უნდა ვრცელდებოდეს შენობის დასაშვები სიმაღლიდან 6,0 მ-ზე მაღლა (დამატებითი მოთხოვნებისთვის იხილეთ თავი 15).

ქვეთავი 505 – ანტრესოლები და მოწყობილობების ბაქნები

505.1 ზოგადი. ანტრესოლები უნდა აკმაყოფილებდეს 505.2 ქვეთავის მოთხოვნებს. მოწყობილობების ბაქნები უნდა შეესაბამებოდეს 505.3 ქვეთავის მოთხოვნებს.

505.2 ანტრესოლები. 505.2 ქვეთავის შესაბამისად აგებული ანტრესოლი ან ანტრესოლები უნდა ჩაითვალოს იმ სართულის ნაწილად, რომლის საზღვრებშიც მდებარეობს. ასეთი ანტრესოლები არ უნდა გაითვალისწინონ 503.1 ქვეთავის შესაბამისად შენობის ფართობის ან სართულების რაოდენობის რეგულირებისას. ანტრესოლის ფართობი უნდა გაითვალისწინონ ცეცხლისგან დაცული ფართობების განსაზღვრისას. ანტრესოლის იატაკის კონსტრუქციის ზემოთ და ქვემოთ არსებული თავისუფალი სიმაღლე არ უნდა იყოს 2,15 მ-ზე ნაკლები.

505.2.1 ფართობის შეზღუდვა. ანტრესოლი ან ანტრესოლების საერთო ფართობი არ უნდა აღემატებოდეს იმ ოთახის ან სივრცის იატაკის ფართობის ერთ მესამედს, რომელშიც ისინი მდებარეობს. ოთახში ანტრესოლის ქვემოთ არსებული შემოზღუდული ნაწილი არ უნდა იყოს გათვალისწინებული ოთახის იატაკის ფართობის განსაზღვრისას. ანტრესოლის დასაშვები ფართობის განსაზღვრისას, ანტრესოლის ფართობი არ შედის ოთახის იატაკის ფართობში.

როდესაც ოთახში არის როგორც ანტრესოლი, ისე მოწყობილობების ბაქანი, ამ ორი ამაღლდებული იატაკის გაერთიანებული ფართობი არ უნდა აღემატებოდეს მათი განთავსების ოთახის ან სივრცის იატაკის ფართობის ორ-მესამედს.

გამონაკლისი:

1. ანტრესოლების საერთო ფართობი I ან II ტიპის კონსტრუქციის შენობებსა და ნაგებობებში, სადაც განთავსებულია სპეციალური სამრეწველო დაკავებულობები, 503.1.1 ქვეთავის შესაბამისად, არ უნდა აღემატებოდეს ოთახის ფართობის ორ მესამედს.

2. ანტრესოლების საერთო ფართობი I ან II ტიპის კონსტრუქციის შენობებსა და ნაგებობებში არ უნდა აღემატებოდეს ოთახის ფართობის ნახევარს, თუ დაყენებულია ავტოსაშხეფი სისტემა, 903.3.1.1 ქვეთავის შესაბამისად და საგანგებო ხმოვანი განგაშის საკომუნიკაციო სისტემა, 907.5.2.2 ქვეთავის შესაბამისად.

505.2.2 გასასვლელი საშუალებები. ანტრესოლის გასასვლელი საშუალებები უნდა მოეწყოს მე-10 თავის შესაბამისი დებულებების მიხედვით.

505.2.3 გახსნილობა. ანტრესოლი უნდა იყო გახსნილი და ოთახისგან მას არ უნდა ყოფდეს სხვა საშუალებები გარდა სვეტებისა, ბოძებისა და, არაუმეტეს, 1,1 მ სიმაღლის კედლებისა.

გამონაკლისი:

1. არ არის აუცილებელი, რომ ანტრესოლები და მათი ნაწილები ღია იყოს ოთახის მხარეს, თუ შემოზღუდული სივრცის საერთო ფართობზე დაკავებულობის დატვირთვა არ აღემატება 10-ს;

2. არ არის აუცილებელი, ორი ან მეტი გასასვლელი საშუალების მქონე ანტრესოლი ღია იყოს ოთახისკენ, რომელშიც მდებარეობს ანტრესოლი, თუ, სულ მცირე, ერთი გასასვლელი საშუალება უზრუნველყოფს პირდაპირ მისადგომს ანტრესოლის დონიდან გასასვლელთან;

3. არ არის აუცილებელი, რომ ანტრესოლები და მათი ნაწილები ღია იყოს ოთახისკენ, რომელშიც მდებარეობს ანტრესოლი, თუ შემოზღუდული სივრცის იატაკის საერთო ფართობი არ აღემატება ანტრესოლის ფართობის 10%-ს;

4. სამწერველო დანიშნულების შენობებში, სამართავი მოწყობილობებისათვის განკუთვნილი ანტრესოლები დასაშვებია შემინული იყოს ყველა მხრიდან;

5. გარდა დსშ და დწ ჯგუფის დაკავებულობებისა, მიწის დონიდან, არაუმეტეს, ორსართულიან შენობებში, სადაც ავტოსაშხეფი სისტემა 903.3.1.1 ქვეთავის შესაბამისადაა დაყენებული.  არ არის აუცილებელი, ორი ან მეტი გასასვლელი საშუალების მქონე ანტრესოლები ღია იყოს იმ ოთახისკენ, რომელშიც მდებარეობს ანტრესოლი.

505.3 მოწყობილობის ბაქნები. შენობებში არსებული მოწყობილობის ბაქნები არ უნდა ჩაითვალოს მათ ქვემოთ მდებარე იატაკის ნაწილად. 503.1 ქვეთავის მიხედვით რეგულირებისას, მოწყობილობის ბაქნების ფართობი არ უნდა შევიდეს არც შენობის ფართობში და არც სართულების რაოდენობაში. მოწყობილობის ბაქნის ფართობი არ უნდა იყოს გათვალისწინებული 903-ე ქვეთავის შესაბამისი ცეცხლისაგან დაცული ფართობის განსაზღვრისას. მოწყობილობის ბაქნები არ უნდა იყოს არცერთი ანტრესოლის ნაწილი და ასეთი ბაქნები, მათთან მისადგომი სავალი გზები, კიბეები, მონაცვლესაფეხურებიანი კიბეები და პწკალა კიბეები არ უნდა გამოიყენებოდეს შენობიდან გასასვლელი საშუალებების ნაწილად.

505.3.1 ფართობის შეზღუდვები. ოთახის საზღვრებში მოქცეული ყველა ასეთი ბაქნის საერთო ფართობი არ უნდა აღემატებოდეს იმ ოთახის ფართობის ორ მესამედს, სადაც ისინი მდებარეობს. როცა მოწყობილობის ბაქანი იმავე ოთახში მდებარეობს, სადაც ანტრესოლი, ანტრესოლის ფართობი უნდა განისაზღვროს 505.2.1 ქვეთავის მიხედვით და მოწყობილობის ბაქნების და ანტრესოლების საერთო ფართობი არ უნდა აღემატებოდეს იმ ოთახის ფართობის ორ მესამედს, სადაც ისინი მდებარეობს.

505.3.2 ავტოსაშხეფი სისტემა. როცა მოწყობილობის ბაქნები მდებარეობს შენობებში, რომლებიც დაცული უნდა იყოს ავტოსაშხეფი სისტემით, ასეთ შემთხვევაში ბაქნების დასაცავად საშხეფები უნდა დააყენონ მათ ზემოთ და ქვემოთ, თუ ამას მოითხოვს 903.3 ქვეთავში მითითებული სტანდარტები.

505.3.3 მოაჯირები. მოწყობილობების ბაქნებს უნდა ჰქონდეს მოაჯირები, როგორც ეს გათვალისწინებულია 1013.2 ქვეთავში.

ქვეთავი 506 – შენობის ფართობის მოდიფიცირება/შეცვლა

506.1 ზოგადი. 503-ე ცხრილის მიხედვით განსაზღვრული შენობის ფართობები დასაშვებია გაიზარდოს ფრონტიდან (I_f) გამომდინარე და ავტოსაშხეფი სისტემიდან (I_s) გამომდინარე, 5-1 განტოლების შესაბამისად:

A_a = {A_t+[A_t× I_f] +[A_t× I_s]}                                              (განტოლება 5-1)

სადაც:

A_a   = ერთ სართულზე დასაშვები შენობის ფართობი (კვადრატული მეტრი);

A_t  = ცხრილით განსაზღვრული შენობის ფართობი ერთ სართულზე, 503 – ცხრილის შესაბამისად (კვადრატული მეტრი);

I_f   = ფართობის ზრდის ფაქტორი ფრონტიდან გამომდინარე, რომელიც გამოითვლება 506.2 ქვეთავის შესაბამისად;

I_s  = ფართობის ზრდის ფაქტორი ავტოსაშხეფი სისტემიდან გამომდინარე, რომელიც გამოითვლება 506.3 ქვეთავის შესაბამისად.

506.2 ფართობის მატება ფრონტის მიხედვით.  ყველა შენობას უნდა ჰქონდეს საზღვარი ან მისადგომი საზოგადოებრივ გზასთან, რომ შესაძლებელი იყოს შენობის ფართობის მატება ფრონტის მიხედვით, თუ შენობის პერიმეტრის 25%-ზე მეტი გადის, სულ მცირე, 6,0 მ სიგანის საზოგადოებრივ გზაზე ან სამეზობლო საზღვრამდე ღია სივრცეში, ფართობის გაზრდა ფრონტის მიხედვით ხდება 5-2 განტოლების შესაბამისად:

I_f = [F / P – 0.25]W / 30                                                                                (განტოლება 5-2)

სადაც:

I_f    =  ფართობის მატება ფრონტის მიხედვით.

F = სულ მცირე, 6,0 მ სიგანის საზოგადოებრივი გზისკენ ან სამეზობლო საზღვრამდე ღია სივრცისკენ გამავალი შენობის პერიმეტრი.

P    =   შენობის მთლიანი პერიმეტრი (მეტრი)

W   =   საზოგადოებრივი გზის ან ღია სივრცის სიგანე 506.2.1 ქვეთავის მიხედვით.

506.2.1 სიგანის ზღვრები. ამ ქვეთავის მიხედვით, „W“ მნიშვნელობა უნდა იყოს, არანაკლებ, 6,0 მ. სადაც W–ის მნიშვნელობა განსხვავებულია შენობის პერიმეტრის გასწვრივ, 5-2 განტოლების მიხედვით გამოთვლის საფუძველი უნდა იყოს საშუალო შეწონილი, რომელიც იანგარიშება 5-3 განტოლებით პერიმეტრული გარე კედლის ნაწილებისთვის, როდესაც W–ის მნიშვნელობა ტოლია ან მეტია 6,0 მ-ის. სადაც W აღემატება 9,0 მ-ს, 9,0 მ-ის ტოლი მნიშვნელობა საშუალო შეწონილის გამოთვლისას გამოიყენება, ღია სივრცის რეალური სიგანის მიუხედავად. W უნდა გაიზომოს პერპენდიკულარულად შენობის წინა მხრიდან მიწის ნაკვეთის საზღვრის უახლოეს ნაწილამდე. როდესაც შენობის წინა მხარე საზოგადოებრივი გზისკენაა მიქცეული, გამოიყენება საზოგადოებრივი გზის მთელი სიგანე. როდესაც მიწის ერთ ნაკვეთზე მდებარეობს ორი ან მეტი შენობა, W უნდა გაიზომოს შენობის გარე მხრიდან მოპირდაპირე შენობის გარე მხარემდე.

საშუალო შეწონილი    

           

(განტოლება 5-3)

სადაც:

Ln	=	პერიმეტრული გარე კედლის ნაწილის სიგრძე.
wn	=	ღია სივრცის სიგანე, რომელიც დაკავშირებულია პერიმეტრული გარე კედლის შესაბამის ნაწილთან.
F	=	შენობის პერიმეტრი, რომელიც ესაზღვრება საზოგადოებრივ გზას ან ღია სივრცეს და 6,0 მ ან მეტი სიგანისაა.

გამონაკლისი: თუ შენობა 507-ე ქვეთავის მოთხოვნებს აკმაყოფილებს (გარდა 18 მ სიგანის საზოგადოებრივ გზასთან ან ეზოსთან დაკავშირებული მოთხოვნებისა) და W–ის მნიშვნელობა აღემატება 9,0 მ-ს, W–ის მნიშვნელობა გაყოფილი 30-ზე, უნდა იყოს მაქსიმუმ 2.

506.2.2 ღია სივრცის ზღვრები. ღია სივრცე უნდა იყოს ან იმავე მიწის ნაკვეთზე ან საზოგადოებრივი მოხმარებისათვის განკუთვნილ ტერიტორიაზე და უნდა ჰქონდეს მისასვლელი ქუჩიდან ან სახანძრო ზოლიდან.

506.3 ფართობის მატება ავტოსაშხეფი სისტემით უზრუნველყოფილ შენობებში. თუ შენობა აღჭურვილია ავტოსაშხეფი სისტემით 903.3.1.1 ქვეთავის შესაბამისად, 503-ე ცხრილში მოცემული ფართობის შეზღუდვები დასაშვებია, გაიზარდოს დამატებით 200%-ით (I_s = 2) შენობებისთვის, რომლებიც მიწის დონიდან ერთ სართულზე მეტია და 300%-ით (I_s = 3) შენობებისთვის, რომლებიც, მიწის დონიდან არაუმეტეს, ერთი სართულია. ამგვარი მატება დასაშვებია სიმაღლისა და სართულების ზრდასთან ერთად 504.2 ქვეთავის მიხედვით.

გამონაკლისი: ავტოსაშხეფი სისტემის გამოყენება შენობის ფართობის ზღვრების გასაზრდელად დაუშვებელია შემდეგ პირობებში:

1.    შენობები კლასიფიცირებულია, როგორც დსშ-1 ჯგუფის დაკავებულობა;

2.    შენობები ან შენობების ნაწილები კლასიფიცირებულია, როგორც დსშ-2 ან დსშ-3 ჯგუფის დაკავებულობა. შენობებისთვის, რომლებიც ასეთ დაკავებულობებს მოიცავს, დასაშვები ფართობი 508.4.2 ქვეთავის შესაბამისადაა გამოთვლილი, რომლის მიხედვითაც საშხეფებით აღჭურვილი ფართობი იმატებს შენობის მხოლოდ იმ ნაწილში, რომელიც არ გამოიყენება დსშ-2 ან დსშ-3 ჯგუფის დაკავებულობისთვის;

3.    შენობები, სადაც ავტოსაშხეფი სისტემა ანაცვლებს ცეცხლმედეგობის ხარისხიან კონსტრუქციას 601-ე ცხრილის „დ“ შენიშვნის შესაბამისად.

506.4 ერთ სართულზე მაღალი ერთი დაკავებულობის შემცველი შენობები. მიწის დონიდან ერთ სართულზე მაღალი ერთდაკავებულობიანი შენობის საერთო დასაშვები ფართობი უნდა განისაზღვროს ამ ქვეთავის შესაბამისად. შენობის რეალური საერთო ფართობი შენობის ყველა სართულზე არ უნდა აღემატებოდეს შენობის საერთო დასაშვებ ფართობს.

გამონაკლისი: მიწის დონის ქვემოთ მდებარე ერთი სართული არ უნდა შევიდეს შენობის საერთო დასაშვებ ფართობში, თუ მისი ფართობი არ აღემატება მიწის დონის ზემოთ მდებარე ერთსართულიანი შენობისათვის დასაშვებ ფართობს.

506.4.1 ფართობის განსაზღვრა. მიწის დონიდან ერთზე მეტსართულიანი ერთი დაკავებულობის შემცველი შენობის საერთო დასაშვები ფართობის დასადგენად ერთი სართულის (A_a) დასაშვები ფართობი, როგორც განსაზღვრულია 506.1 ქვეთავში, უნდა გამრავლდეს მიწის დონის ზემოთ არსებული სართულების რაოდენობაზე, როგორც ქვემოთაა ჩამოთვლილი:

1.    მიწის დონიდან ზემოთ ორსართულიანი შენობებისათვის მრავლდება 2-ზე;

2.    მიწის დონიდან ზემოთ სამი ან მეტსართულიანი შენობებისათვის  მრავლდება 3-ზე;

3.    არცერთი სართული არ უნდა აღემატებოდეს ერთი სართულისათვის (A_a), ამ სართულზე არსებული დაკავებულობების მიხედვით შენობის დასაშვებ ფართობს, როგორც 506.1 ქვეთავშია განსაზღვრული.

გამონაკლისი:

1. 507-ე ქვეთავის შესაბამისად შეუზღუდავი ფართობის შენობები;

2. მაქსიმალური ფართობი შენობისა, რომელიც 903.3.1.2 ქვეთავის შესაბამისად დაყენებული ავტოსაშხეფი სისტემითაა აღჭურვილი, უნდა გამოითვალოს 506.1 ქვეთავის მიხედვით სართულისათვის (A_a) დასაშვები ფართობის გამრავლებით მიწის დონის ზემოთ არსებული სართულების რაოდენობაზე.

506.5 შერეული დაკავებულობის ფართობის დადგენა. შენობის საერთო დასაშვები ფართობი შენობებისთვის, რომლებშიც შერეული დაკავებულობებია, ამ ქვეთავის დებულებების შესაბამისად უნდა განისაზღვროს. მიწის დონის ქვემოთ მდებარე ერთი სართული არ უნდა შევიდეს შენობის საერთო დასაშვებ ფართობში, თუ ის არ აღემატება მიწის დონის ზემოთ მდებარე ერთსართულიანი შენობისათვის დასაშვებ ფართობს.

506.5.1 არაუმეტეს ერთი სართული მიწის დონის ზემოთ. მიწის დონის ზემოთ, არაუმეტეს, ერთსართულიანი შენობებისთვის, რომლებშიც შერეული დაკავებულობებია, შენობის საერთო ფართობი 508.1 ქვეთავის შესაბამისად უნდა განისაზღვროს.

506.5.2 ერთზე მეტი სართული მიწის დონის ზემოთ. მიწის დონის ზემოთ ერთზე მეტსართულიანი შენობებისთვის, რომლებშიც შერეული დაკავებულობებია, თითოეული სართული ცალ-ცალკე უნდა აკმაყოფილებდეს 508.1 ქვეთავის შესაბამის მოთხოვნებს. მიწის დონის ზემოთ სამზე მეტსართულიანი შენობებისთვის შენობის საერთო ფართობი ისეთი უნდა იყოს, რომ თითოეული სართულისთვის დასაშვები ფართობის ჯამი გაყოფილი ასეთი სართულების დასაშვებ ფართობზე, 508.1 ქვეთავის შესაბამისი დებულებების საფუძველზე, არ უნდა აღემატებოდეს 3-ს.

ქვეთავი 507 – შეუზუდავი ფართობის შენობები

507.1 ზოგადი. 507.1 – 507.12 ქვეთავებში განსაზღვრული დაკავებულობებისა და კონფიგურაციების მქონე შენობების ფართობი არ უნდა შეიზღუდოს.

გამონაკლისი: 508.2 ქვეთავის თანახმად შეუზღუდავი ფართობის მქონე შენობებში დასაშვებია სხვა დაკავებულობების არსებობა.

თუ 507.2 – 507.12 ქვეთავებით მოითხოვება, რომ შენობებს გარს უნდა აკრავდეს ან ესაზღვრებოდეს საზოგადოებრივი გზები და ეზოები, ეს ღია სივრცე უნდა განისაზღვროს შემდეგნაირად:

1. ეზოები იზომება შენობის პერიმეტრიდან ყველა მიმართულებით მიწის ნაკვეთის საზღვრის ყველაზე ახლო ნაწილებამდე ან იმავე მიწის ნაკვეთზე მდებარე მოპირდაპირე შენობის გარე მხარემდე;

2. სადაც შენობა უყურებს საზოგადოებრივ გზას, გამოიყენება საზოგადოებრივი გზის მთელი სიგანე.

507.2 ერთსართულიანი შენობა საშხეფების გარეშე. სმ-2 ან სწ-2 ჯგუფის, არაუმეტეს, ერთსართულიანი შენობის ფართობი არ იზღუდება, თუ შენობას აკრავს ან ემიჯნება, არანაკლებ, 18 მ სიგანის საზოგადოებრივი გზა ან ეზო.

507.3 ერთსართულიანი შენობა საშხეფებით. მიწის დონის ზემოთ სქ, სმ, სვ, სწ ან თვ-4 ჯგუფის ერთსართულიანი შენობის ფართობი, რომელიც არაა V ტიპის კონსტრუქცია, არ იზღუდება, თუ შენობა 903.3.1.1 ქვეთავის შესაბამისი ავტოსაშხეფი სისტემითაა აღჭურვილი და აკრავს ან ემიჯნება, არანაკლებ, 18 მ სიგანის საზოგადოებრივი გზა ან ეზო.

გამონაკლისი:

1. I და II ტიპის კონსტრუქციის შენობები და ნაგებობები თაროებიანი საწყობოებისათვის, სადაც ხალხი არ შედის, არ უნდა შეიზღუდოს სიმაღლეში, თუ ასეთი შენობები აკმაყოფილებს 507.3, 903.3.1.1 ქვეთავების მოთხოვნებს;

2. ავტოსაშხეფი სისტემა საჭირო არ არის ისეთ ფართობებზე, რომლებიც განკუთვნილია შენობაში ჩასატარებელი სასპორტო სანახაობებისათვის, როგორიცაა: ჩოგბურთი, ციგურაობა, ცურვა და ცხენოსნობა თვ-4 ჯგუფის დაკავებულობებში, თუ:

2.1.  სასპორტო თამაშებისათვის განკუთვნილ ფართობზე მყოფთათვის არსებობს პირდაპირ გარეთ გასასვლელი კარები;

2.2.  შენობაში დაყენებულია სახანძრო განგაშის სისტემა 907-ე ქვეთავის შესაბამისად განთავსებული ხელით სამართავი სახანძრო განგაშის კოლოფით.

507.3.1 შერეული დაკავებულობის შენობები თვ-1 და თვ-2 ჯგუფებით. შეუზღუდავი ფართობის მქონე შერეული დაკავებულობის შენობებში, რომლებიც შეესაბამება 507.3 ქვეთავს, დასაშვებია თვ-1 და თვ-2 ჯგუფის დაკავებულობები, რომლებიც V ტიპის კონსტრუქციები არაა, თუ:

1.    თვ-1 და თვ-2 ჯგუფის დაკავებულობები სხვა დაკავებულობებისგან გამიჯნულია 508.4.4 ქვეთავის მოთხოვნების შესაბამისად და რომელთა გამმიჯნავის ცეცხლმედეგობის ხარისხი არაა შემცირებული ავტოსაშხეფი სისტემის არსებობის გამო;

2.    შენობის ნაწილების თითოეული ფართობი, გამოყენებული თვ-1 და თვ-2 ჯგუფის დაკავებულობებად, არ უნდა აღემატებოდეს 503.1 ქვეთავში განსაზღვრულ მაქსიმალურად დასაშვებ ფართობს;

3.    თვ-1 და თვ-2 ჯგუფის დაკავებულობებიდან გასასვლელი კარები უნდა გადიოდეს პირდაპირ შენობის გარეთ.

507.4 ორსართულიანი შენობა. სქ, სმ, სვ ან სწ ჯგუფის მიწის დონიდან, არაუმეტეს, ორსართულიანი შენობის ფართობი შეუზღუდავი უნდა იყოს, როცა შენობაში არსებობს 903.3.1.1 ქვეთავის შესაბამისად დაყენებული ავტოსაშხეფი სისტემა და შენობას გარს აკრავს და ემიჯნება, არანაკლებ, 18 მ სიგანის საზოგადოებრივი გზა ან ეზო.

507.5 შემცირებული ღია სივრცე. 507.2, 507.3, 507.4, 507.6 და 507.11 ქვეთავებში გათვალისწინებული 18 მ საზოგადოებრივი გზებისა და ეზოების სიგანე დასაშვებია შემცირდეს, არანაკლებ, 12 მ-მდე, თუ დაცულია შემდეგი მოთხოვნები:

1.    სიგანის შემცირება დაუშვებელია შენობის პერიმეტრის 75%-ზე მეტისთვის;

2.    შემცირებული სიგანისკენ მიმართულ გარე კედელს უნდა ჰქონდეს, სულ მცირე, 3-საათიანი ცეცხლმედეგობის ხარისხი;

3.    შემცირებული სიგანისკენ მიმართული გარე კედლის ღიობებს უნდა ჰქონდეს, სულ მცირე, 3-საათიანი ცეცხლმედეგობის ხარისხიანი ღიობის დამცავები.

507.6 II ტიპის კონსტრუქციის თვ-3 ჯგუფის შენობები. მიწის დონიდან, არაუმეტეს, ერთსართულიანი თვ-3 ჯგუფის შენობის ფართობი, რომელიც გამოიყენება, როგორც რელიგიური მსახურებისათვის განკუთვნილი ადგილი, საჯარო დარბაზი, საცეკვაო დარბაზი, საგამოფენო დარბაზი, სასპორტო დარბაზი, სააქტო დარბაზი, დახურული საცურაო აუზი ან ჩოგბურთის კორტები და II ტიპის კონსტრუქციაა, არ იზღუდება, თუ ქვემოთ მოცემული ყველა კრიტერიუმი დაცულია:

1.    შენობას არ აქვს სცენა, გარდა ბაქან-სცენისა;

2.    შენობაში დაყენებულია ავტოსაშხეფი სისტემა 903.3.1.1 ქვეთავის შესაბამისად.

3.    შენობას აკრავს და ემიჯნება 18 მ სიგანის საზოგადოებრივი გზა ან ეზო.

507.7 III და IV ტიპის კონსტრუქციის თვ-3 ჯგუფის შენობები. მიწის დონის ზემოთ, არაუმეტეს, ერთსართულიანი თვ-3 ჯგუფის შენობის ფართობი, რომელიც გამოიყენება, როგორც რელიგიური მსახურებისათვის განკუთვნილი ადგილი, საჯარო დარბაზი, საცეკვაო დარბაზი, საგამოფენო დარბაზი, სასპორტო დარბაზი, სააქტო დარბაზი, დახურული საცურაო აუზი ან ჩოგბურთის კორტები და III ან IV ტიპის კონსტრუქციაა, არ იზღუდება, თუ ქვემოთ მოცემული ყველა კრიტერიუმი დაცულია:

1.    შენობას არ აქვს სცენა, გარდა ბაქან-სცენისა;

2.    შენობაში დაყენებულია ავტოსაშხეფი სისტემა 903.3.1.1 ქვეთავის შესაბამისად.

3.    თავშეყრის ადგილის იატაკი ქუჩის ან მიწის დონეზე ან მათგან 53 სმ-ის საზღვრებშია ზემოთ ან ქვემოთ და ყველა გასასვლელს აქვს 1010.1 ქვეთავის შესაბამისად აგებული ქუჩის ან მიწის დონეზე გამავალი პანდუსები.

4.    შენობას აკრავს და ემიჯნება 18 მ სიგანის საზოგადოებრივი გზა ან ეზო.

507.8 დსშ ჯგუფის დაკავებულობები. დსშ-2, დსშ-3 და დსშ-4 ჯგუფის დაკავებულობები დასაშვებია განთავსდეს შეუზღუდავი ფართობის მქონე შენობებში, სადაც მდებარეობს სმ და სწ ჯგუფის დაკავებულობები 507.3 და 507.4 ქვეთავებისა და 507.8.1 – 507.8.4 ქვეთავების დებულებების შესაბამისად.

507.8.1 დასაშვები ფართობი. შეუზღუდავი ფართობის მქონე შენობაში მდებარე დსშ ჯგუფის დაკავებულობების საერთო იატაკის ფართობი არ უნდა აღემატებოდეს შენობის ფართობის 10%-ს, არც დსშ ჯგუფის დაკავებულობებისთვის 503-ე ცხრილში მოცემულ ფართობის ზღვრებს, როგორც შესწორებულია 506.2 ქვეთავში საზოგადოებრივ გზაზე ან ღია სივრცეზე გამავალ დსშ ჯგუფის თითოეული სართულის ფართობის პერიმეტრის საფუძველზე.

507.8.1.1 მდებარეობა შენობის შიგნით. დსშ ჯგუფის დაკავებულობების იატაკების საერთო ფართობი, რომლებიც არ მდებარეობს შენობის პერიმეტრთან, არ უნდა აღემატებოდეს 503-ე ცხრილში დსშ ჯგუფის დაკავებულობისთვის განსაზღვრული ფართობის ზღვრის 25%-ს.

507.8.1.1.1 სითხის გამოსაყენებელი, გასანაწილებელი და ასარევი ოთახები. სითხის გამოსაყენებელი, გასანაწილებელი და ასარევი ოთახები, რომელთა იატაკის ფართობი, არაუმეტეს, 50 მ²-ია, არ საჭიროებს გარე პერიმეტრზე განთავსებას, თუ ისინი აკმაყოფილებს NFPA 30-ის მოთხოვნებს.

507.8.1.1.2 სითხის შესანახი ოთახები. სითხის შესანახი ოთახები, რომელთა იატაკის ფართობი არ აღემატება 100 მ²-ს, არ საჭიროებს გარე პერიმეტრზე განთავსებას, თუ ისინი აკმაყოფილებს NFPA 30-ის მოთხოვნებს.

507.8.2 მდებარეობა შენობის პერიმეტრზე. 507.8.1.1 ქვეთავში აღწერილი შემთხვევის გამოკლებით, დსშ ჯგუფის დაკავებულობები უნდა განთავსდეს შენობის პერიმეტრზე. დსშ-2 და დსშ-3 ჯგუფის დაკავებულობებში, ამგვარი დაკავებულობების, არანაკლებ, 25% უნდა იყოს გარე კედელი.

507.8.3 დაკავებულობების გამიჯვნა. დსშ ჯგუფის დაკავებულობები შეუზღუდავი ფართობის მქონე შენობის სხვა ნაწილებისგან და ერთმანეთისგან უნდა გაიმიჯნოს 508.4 ცხრილის შესაბამისად. 

507.8.4 სიმაღლის ზღვრები. ორსართულიანი შეუზღუდავი ფართობის მქონე შენობებისთვის დსშ ჯგუფის დაკავებულობები არ უნდა მდებარეობდეს მიწის დონიდან ერთ სართულზე მაღლა, თუ ამის საშუალებას არ იძლევა სართულების დასაშვები სიმაღლე, რომელიც, შეუზღუდავი ფართობის მქონე შენობის კონსტრუქციის ტიპის მიხედვით, განსაზღვრულია 503-ე ცხრილში.

507.9 საჰაერო ხომალდის შესაღებად განკუთვნილი ანგარი. მიწის დონის ზემოთ, არაუმეტეს, ერთსართულიანი დსშ-2 ჯგუფის საჰაერო ხომალდის შესაღებად განკუთვნილი ანგარის ფართობი არ უნდა შეიზღუდოს, თუ ის შეესაბამება 412.6 ქვეთავის დებულებებს და მთლიანად გარშემორტყმულია საზოგადოებრივი გზებით ან ეზოებით, რომელთა სიგანე არ არის შენობის სიმაღლეზე ერთნახევარჯერ ნაკლები.

507.10 სგ ჯგუფის შენობები. მიწის დონის ზემოთ არაუმეტეს ერთსართულიანი II, IIIA ან IV ტიპის კონსტრუქციის სგ ჯგუფის შენობების ფართობი არ უნდა შეიზღუდოს, თუ დაცულია შემდეგი კრიტერიუმები:

1.    თითოეულ საკლასო ოთახს აქვს, არანაკლებ, ორი გასასვლელი საშუალება, რომელთაგან ერთ-ერთი, 1020-ე ქვეთავის შესაბამისად, პირდაპირ შენობის გარეთ უნდა გადიოდეს;

2.    შენობაში დაყენებულია ავტოსაშხეფი სისტემა, 903.3.1.1 ქვეთავის შესაბამისად;

3.    შენობას გარს აკრავს ან ემიჯნება 18 მ სიგანის საზოგადოებრივი გზა ან ეზო.

507.11 კინოთეატრი. II ტიპის კონსტრუქციის შენობებში მიწის დონის ზემოთ პირველ სართულზე მდებარე კინოთეატრების ფართობი არ უნდა შეიზღუდოს, თუ შენობაში დაყენებულია ავტოსაშხეფი სისტემა 903.3.1.1 ქვეთავის შესაბამისად და შენობას გარს აკრავს და ემიჯნება 18 მ სიგანის საზოგადოებრივი გზები ან ეზოები.

507.12 გადახურული მოლისა და მიდგმული შენობები. 402-ე ქვეთავის შესაბამისად აგებული, მაქსიმუმ, სამსართულიანი გადახურული და ღია მოლისა და მიდგმული შენობების ფართობი არ უნდა შეიზღუდოს.

ქვეთავი 508 – შერეული გამოყენება და დაკავებულობა

508.1 ზოგადი. შენობის თითოეული ნაწილი ინდივიდუალურად უნდა კლასიფიცირდეს 302.1 ქვეთავის შესაბამისად. თუ შენობა ერთზე მეტ დაკავებულობის ჯგუფს მოიცავს, შენობა ან მისი ნაწილი უნდა შეესაბამებოდეს 508.2, 508,3 ან 508.4 ქვეთავების დებულებებს ან ამ ქვეთავების დებულებების კომბინაციას.

გამონაკლისი:

1.    510-ე ქვეთავის შესაბამისად გამიჯნული დაკავებულობები;

2.  415.5.2 ცხრილით მოთხოვნის შემთხვევაში დსშ-1, დსშ-2 და დსშ-3 ჯგუფის დაკავებულობები უნდა განთავსდეს ცალკე მდგომ შენობაში ან ნაგებობაში;

3.    419-ე ქვეთავის შესაბამისი დაკავებულობები საცხოვრებელ-სამუშაო ერთეულებში არ ითვლება ცალკე დაკავებულობებად.

508.2 დამხმარე დაკავებულობები. დამხმარეა დაკავებულობები, რომლებიც შენობის ან მისი ნაწილის მთავარი დაკავებულობის დანამატია. დამხმარე დაკავებულობები 508.2.1 – 508.2.4 ქვეთავების მოთხოვნებს უნდა შეესაბამებოდეს.

508.2.1 ფართობის შეზღუდვები. დამხმარე დაკავებულობები ერთად არ უნდა იკავებდეს იმ სართულის ფართობის 10%-ზე მეტს, სადაც მდებარეობს, და მათი სიმაღლე და ფართობი არ უნდა აღემატებოდეს 503-ე ცხრილში განსაზღვრულს, როცა შენობის ფართობი გაზრდილი არ არის 506-ე ქვეთავის შესაბამისად, რომელიც ასეთ დამხმარე დაკავებულობებს ეხება.

508.2.2 დაკავებულობების კლასიფიცირება. დამხმარე დაკავებულობები ინდივიდუალურად უნდა კლასიფიცირდეს, 302.1 ქვეთავის შესაბამისად. შენობის თითოეული ნაწილის მიმართ წესების მოთხოვნები უნდა შესრულდეს იმისდა მიხედვით, თუ რომელ კლასს მიეკუთვნება სივრცის დაკავებულობა.

508.2.3 დასაშვები ფართობი და სიმაღლე. შენობის დასაშვები ფართობი და სიმაღლე განისაზღვრება 503.1 ქვეთავში შენობის მთავარი დაკავებულობისთვის ნებადართული ფართობისა და სიმაღლის მიხედვით. არცერთი დამხმარე დაკავებულობის სიმაღლე არ უნდა აღემატებოდეს 503-ე ცხრილში მოცემულ მნიშვნელობებს, ამგვარი დამხმარე დაკავებულობებისთვის 504-ე ქვეთავის შესაბამისად სიმაღლის გაზრდის გარეშე. დამხმარე დაკავებულობების ფართობი უნდა შეესაბამებოდეს 508.2.1 ქვეთავს.

508.2.4 დაკავებულობების გამიჯვნა. დამხმარე და მთავარი დაკავებულობების გამიჯვნა აუცილებელი არ არის.

გამონაკლისი:

1.    დსშ-2, დსშ-3, დსშ-4 და დსშ-5 ჯგუფის დაკავებულობები ყველა სხვა დაკავებულობისგან უნდა გაიმიჯნყოს 508.4 ქვეთავის შესაბამისად;

2.    დწ-1, სც-1, სც-2 და სც-3 ჯგუფის საცხოვრებელი და საძინებელი ერთეულები სხვა საცხოვრებელი ან საძინებელი ერთეულებისა და დამხმარე დაკავებულობებისგან უნდა გაიმიჯნოს 420-ე ქვეთავის შესაბამისად.

508.3 გაუმიჯნავი დაკავებულობები. შენობები ან შენობების ნაწილები, რომლებიც აკმაყოფილებს ამ ქვეთავის მოთხოვნებს, უნდა ჩაითვალოს გაუმიჯნავ დაკავებულობებად.

508.3.1 დაკავებულობების კლასიფიცირება. გაუმიჯნავი დაკავებულობები ინდივიდუალურად უნდა კლასიფიცირდეს 302.1 ქვეთავის შესაბამისად. წესების მოთხოვნები შენობის თითოეული ნაწილის მიმართ უნდა შესრულდეს იმისდა მიხედვით, თუ რომელ კლასს მიეკუთვვნება ამ სივრცის დაკავებულობა. ამასთან, გაუმიჯნავი დაკავებულობების მთელი ფართობისთვის უნდა გამოიყენებოდეს მე-9 თავში გაუმიჯნავი დაკავებულობებისთვის განსაზღვრული ყველაზე მკაცრი/შემზღუდველი დებულებები. თუ გაუმიჯნავი დაკავებულობები მდებარეობს მაღლივ შენობაში, 403-ე ქვეთავში გაუმიჯნავი დაკავებულობებისთვის განსაზღვრული ყველაზე მკაცრი მოთხოვნები ვრცელდება მთელ მაღლივ შენობაზე.

508.3.2 დასაშვები ფართობი და სიმაღლე. შენობის ან მისი ნაწილის დასაშვები ფართობი და სიმაღლე უნდა ეფუძნებოდეს განსახილველი დაკავებულობების ჯგუფებისათვის შენობის კონსტრუქციის ტიპის მიხედვით 503.1 ქვეთავში მოცემულ ყველაზე მკაცრ/შემზღუდველ დაშვებებს.

508.3.3 გამიჯვნა. გამიჯვნა საჭირო არ არის ისეთ დაკავებულობებს შორის, რომელთაც არ მოეთხოვება გამმიჯნავი.

გამონაკლისი:

1.    დსშ-2, დსშ-3, დსშ-4 და დსშ-5 ჯგუფის დაკავებულობები ყველა სხვა დაკავებულობისგან 508.4 ქვეთავის შესაბამისად უნდა გაიმიჯნოს.

2.    დწ-1, სც-1, სც-2 და სც-3 ჯგუფის საცხოვრებელი და საძინებელი ერთეულები სხვა საცხოვრებელი ან საძინებელი ერთეულებისა და დამხმარე დაკავებულობებისგან 420-ე ქვეთავის შესაბამისად უნდა გაიმიჯნოს.

508.4 გამიჯნული დაკავებულობები. შენობები ან შენობების ნაწილები, რომლებიც შეესაბამება ამ ქვეთავის დებულებებს, უნდა ჩაითვალოს გამიჯნულ დაკავებულობებად.

508.4.1 დაკავებულობების კლასიფიცირება. გამიჯნული დაკავებულობები უნდა კლასიფიცირდეს ინდივიდუალურად 302.1 ქვეთავის მიხედვით. თითოეული გამიჯნული სივრცის მიმართ წესების მოთხოვნები უნდა შესრულდეს იმისდა მიხედვით, თუ რომელ კლასს მიეკუთვნება  შენობის იმ ნაწილის დაკავებულობა.

508.4.2 შენობის დასაშვები ფართობი. თითოეულ სართულზე შენობის ფართობი ისეთი უნდა იყოს, რომ თითოეული გამიჯნული დაკავებულობის იატაკის რეალური ფართობების ჯამი არ აღემატებოდეს ამ დაკავებულობისათვის დასაშვებ ფართობს.

508.4.3 დასაშვები სიმაღლე. თითოეული დაკავებულობა უნდა შეესაბამებოდეს 503.1 ქვეთავში განსაზღვრული სიმაღლის ზღვრებს, რომლებიც გამომდინარეობს შენობის კონსტრუქციის ტიპიდან.

გამონაკლისი: 510-ე ქვეთავის ნებადართული სპეციალური დებულებებით დაშვებულია, შენობაში დაკავებულობა განთავსდეს 503.1 ქვეთავში განსაზღვრულისგან განსხვავებულ სიმაღლეზე.

508.4.4 გამიჯვნა. ცალკეული დაკავებულობები მომიჯნავე დაკავებულობებისგან უნდა გაიმიჯნოს 508.4 ცხრილის შესაბამისად.

508.4.4.1 აგება. საჭირო გამმიჯნავები 707-ე ქვეთავის შესაბამისად აგებული ცეცხლმედეგი ზღუდეები ან 712-ე ქვეთავის შესაბამისად აგებული თარაზული ანაწყობები, ან ორივე ერთად უნდა იყოს, და მთლიანად უნდა მიჯნავდეს მოსაზღვრე დაკავებულობებს.

ცხრილი 508.4

დაკავებულობების აუცილებელი გამიჯვნა (საათები)

დაკავებულობა	თვ, სგ		დწ-1, დწ-3, დწ-4		დწ-2		სცა		სმ-2, სწ-2ბ, დს		სქ, ს მ-1, სვ, სწ-1		დსშ-1		დსშ-2		დსშ-3, დსშ-4,		დსშ-5
	ს	სგ	ს	სგ	ს	სგ	ს	სგ	ს	სგ	ს	სგ	ს	სგ	ს	სგ	ს	სგ	ს	სგ
თვგ, სგ	გ	გ	1	2	2	დ	1	2	გ	1	1	2	დ	დ	3	4	2	3	2	დ
დწ-1, დწ-3, დწ-4	—	—	გ	გ	2	დ	1	დ	1	2	1	2	დ	დ	3	დ	2	დ	2	დ
დწ-2	—	—	—	—	გ	გ	2	დ	2	დ	2	დ	დ	დ	3	დ	2	დ	2	დ
სც	—	—	—	—	—	—	გ	გ	1გ	2გ	1	2	დ	დ	3	დ	2	დ	2	დ
სმ-2, სწ-2ბ, დს	—	—	—	—	—	—	—	—	გ	გ	1	2	დ	დ	3	4	2	3	2	დ
სქ, სმ-1, სვ, სწ-1	—	—	—	—	—	—	—	—	—	—	გ	გ	დ	დ	2	3	1	2	1	დ
დსშ-1	—	—	—	—	—	—	—	—	—	—	—	—	გ	დ	დ	დ	დ	დ	დ	დ
დსშ-2	—	—	—	—	—	—	—	—	—	—	—	—	—	—	გ	დ	1	დ	1	დ
დსშ-3, დსშ-4,	—	—	—	—	—	—	—	—	—	—	—	—	—	—	—	—	1დ	დ	1	დ
დსშ-5	—	—	—	—	—	—	—	—	—	—	—	—	—	—	—	—	—	—	გ	დ

ს  =  შენობები, რომლებიც მთლიანადაა აღჭურვილი 903.3.1.1 ქვეთავის შესაბამისად დაყენებული ავტოსაშხეფი სისტემით.

სგ = შენობები, რომლებიც არაა მთლიანად აღჭურვილი 903.3.1.1 ქვეთავის შესაბამისად დაყენებული ავტოსაშხეფი სისტემით.

გ   =  გამიჯვნა საჭირო არ არის.

დ  =  დაუშვებელია.

ა.    დსშ-5 ჯგუფის დაკავებულობებისთვის იხ. ქვეთავი 903.2.5.2.

ბ. ფართობებზე, რომლებიც გამოყენებულია მხოლოდ კერძო ან გასართობი ავტომობილებისათვის, დასაშვებია  გამმიჯნავის ცეცხლმედეგობის ხარისხის შემცირება 1 სთ-ით.

გ.    იხ. ქვეთავი 406.1.4.

დ. კომერციული დანიშნულების სამზარეულოები არ უნდა გაიმიჯნოს რესტორნის იმ ფართობებისგან, რომელსაც ისინი ემსახურებიან.

ე.    ერთნაირად კლასიფიცირებული დაკავებულობების გამიჯვნა აუცილებელი არ არის.

ვ.    დსშ-5 დაკავებულობებისათვის იხ. ქვეთავი 415.8.2.2.

ქვეთავი 509 – თანმხლები გამოყენებები

509.1 ზოგადი. შენობაში, სადაც არსებობს ერთი ან შერეული გამოყენებები, თანმხლები გამოყენებები უნდა შეესაბამებოდეს ამ ქვეთავის დებულებებს. თანმხლები გამოყენებები დამხმარე ფუნქციებია, რომლებიც დაკავშირებულია მოცემულ დაკავებულობასთან და, ჩვეულებრივ, ზრდის ამ დაკავებულობის რისკიანობის ხარისხს. თანმხლებ გამოყენებებში შედის მხოლოდ 509-ე ცხრილში ჩამოთვლილი გამოყენებები.

გამონაკლისი: არ არის აუცილებელი, საცხოვრებელი ერთეულის საზღვრებში მდებარე და მისი თანმხლები გამოყენებები შეესაბამებოდეს ამ ქვეთავს.

509.2 დაკავებულობის კლასები. თანმხლები გამოყენებები არ უნდა კლასიფიცირდეს ინდივიდუალურად 302.1 ქვეთავის მიხედვით. თანმხლები გამოყენებები შედის შენობის იმ დაკავებულობებში, რომელთა საზღვრებშიც ისინი ფუნქციონირებს.

509.3 ფართობის ზღვრები. თანმხლები გამოყენებები არ უნდა იკავებდეს იმ სართულის ფართობის 10%-ზე მეტს, სადაც მდებარეობს.

509.4 გამიჯვნა და დაცვა. 509-ე ცხრილში ჩამოთვლილი თანმხლები გამოყენებები დანარჩენი შენობისგან უნდა გაიმიჯნოს ან ავტოსაშხეფი სისტემით აღიჭურვოს, ან ორივე საშუალებით იყოს დაცული, ამ ცხრილის მოთხოვნების შესაბამისად.

509.4.1 გამიჯვნა. სადაც 509-ე ცხრილში მოთხოვნილია ცეცხლმედეგობის ხარისხიანი გამმიჯნავი, თანმხლები გამოყენებები დანარჩენი შენობისგან უნდა გაიმიჯნოს 707-ე ქვეთავის შესაბამისად აგებული ცეცხლმედეგი ზღუდით ან 711-ე ქვეთავის შესაბამისად აგებული თარაზული ანაწყობით. ცეცხლმედეგობის ხარისხი არ სჭირდება კონსტრუქციას, რომელსაც ეყრდნობა IIB, IIIB და VB ტიპის კონსტრუქციის შენობებში თანმხლები გამოყენების გასამიჯნად აგებული და ერთსაათიანი ცეცხლმედეგობის ხარისხიანი ცეცხლმედეგი ზღუდეები ან თარაზული ანაწყობები, თუ ამას წესების სხვა ქვეთავები არ მოითხოვს.

509.4.2 დაცვა. თუ 509-ე ცხრილით ნებადართულია ავტოსაშხეფი სისტემა ცეცხლმედეგი ზღუდის გარეშე, თანმხლები გამოყენებები დანარჩენი შენობისგან უნდა გაიმიჯნოს კონსტრუქციით, რომელიც არ ატარებს კვამლს. კედლები უნდა გრძელდებოდეს საძირკვლის თავიდან ან ქვემოთ მდებარე იატაკის ანაწყობებიდან ჭერის ქვედაპირამდე, რომელიც ცეცხლმედეგობის ხარისხიანი იატაკის ანაწყობის ან ზემოთ მდებარე სახურავის ანაწყობის ნაწილია, ან უნდა გრძელდებოდეს იატაკის ან სახურავის ფენილის, ფენილის ან ფიცარფენილის ქვედაპირამდე. კვამლის აღმოჩენისთანავე კარები თავისით ან ავტომატურად უნდა იხურებოდეს 716.5.9.3 ქვეთავის შესაბამისად. კარებს არ უნდა ჰქონდეს ჰაერგამტარი ღიობები და NFPA 80-ში ნებადართულზე დიდი ღრეჩო ძირთან. თანმხლები გამოყენების შემომსაზღვრელ კედლებს არ უნდა ჰქონდეს ჰაერგამტარი ღიობები, თუ დაყენებული არ არის კვამლის ფარსაკეტები 710.7 ქვეთავის შესაბამისად.

509.4.2.1 დაცვის შეზღუდვა. 509-ე ცხრილში თანმხლები გამოყენებებისთვის განსაზღვრული შემთხვევების გამოკლებით, სადაც ავტოსაშხეფი სისტემა 509-ე ცხრილის მიხედვითაა დაყენებული, ამგვარი სისტემით უნდა აღიჭურვოს მხოლოდ ის სივრცე, რომელსაც თანმხლები გამოყენებები იკავებს.

ცხრილი 509

თანმხლები გამოყენებები

ოთახი ან ფართობი	გამმიჯნავი ან/და დამცავი
საცხობი საამქრო, სადაც მოწყობილობის ნებისმიერი ნაწილის თბოგამომუშავება 117 200 ვატზე მეტია	1 სთ ან ავტომატური ცეცხლსაქრობი სისტემის უზრუნველყოფა
საქვაბეები, სადაც მოწყობილობის ყველაზე დიდი ნაწილის სიმძლავრე აღემატება 103,5 კპა-ს და 7460 ვატს (10 ცხენის ძალა).	1 სთ ან ავტომატური ცეცხლსაქრობი სისტემის უზრუნველყოფა
მაცივარ-დანადგარების ოთახები	1 სთ ან ავტომატური საშხეფი სისტემის უზრუნველყოფა
ოთახები, სადაც გამოყოფენ წყალბადს, რომლებიც არ მიეკუთვნება დსშ ჯგუფს.	1 სთ სქ, სმ, სვ, სდადს ჯგუფის ფართობებზე. 2 სთ თვ, სგ, დწ და სც ჯგუფის ფართობებზე.
ინსინერაციის (ნაგვის დასაწვავი) ოთახები	2 სთ და ავტოსაშხეფი სისტემა
სამღებრო საამქროები, რომლებიც არ შედის დსშ ჯგუფში და მდებარეობს ფართობებზე, რომლებიც არ მიეკუთვნება სმ ჯგუფს.	2 სთ; ან 1 სთ ან ავტომატური ცეცხლსაქრობი სისტემის უზრუნველყოფა
ლაბორატორიები და პროფესიული საამქროები, რომლებიც არ შედის დსშ ჯგუფში და მდებარეობს სგ ან დწ-2 ფართობებზე	1 სთ ან ავტომატური ცეცხლსაქრობი სისტემის უზრუნველყოფა
10 მ2-ზე მეტი ფართობის სამრეცხაო ოთახები	1 სთ ან ავტომატური  ცეცხლსაქრობი სისტემის უზრუნველყოფა
დწ-3 საკნები რბილი ზედაპირებით	1 სთ
დწ-2 ჯგუფი ნარჩენებისა და თეთრეულის შესაგროვებელი ოთახები	1 სთ
10 მ2-ზე მეტი ფართობის ნარჩენებისა და თეთრეულის შესაგროვებელი ოთახები	1 სთ ან ავტომატური ცეცხლსაქრობი სისტემის უზრუნველყოფა
სტაციონარული ტყვია-მჟავური ბატარეის სისტემები, რომლშიც სითხის მოცულობა 380 ლიტრზე მეტია და გამოიყენება შენობის სათადარიგო კვების, საავარიო ელექტროენერგიის ან უწყვეტი ელექტროენერგიის წყაროებად	1 სთ სქ, სმ, სვ, სწ და დს ჯგუფის ფართობებზე. 2 სთ თვ, სგ, დწ და სც ჯგუფის ფართობებზე.

 

ქვეთავი 510 – სპეციალური დებულებები

510.1 ზოგადი. 510.2 – 510.9 ქვეთავების დებულებებით ნებადართული ამ თავის სპეციფიკური მოთხოვნების გამონაკლისებში ან შესწორებებში გათვალისწინებული სპეციალური პირობების გამოყენება, რომლებიც ეხება შენობების დასაშვებ სიმაღლეებისა და ფართობების განსაზღვრას დაკავებულობების კლასისა და კონსტრუქციის ტიპის მიხედვით, თუ სპეციალური პირობები შეესაბამება ამ ქვეთავში ასეთი პირობისთვის განსაზღვრულ დებულებებს და წესების სხვა შესაბამის მოთხოვნებს. 510.2 – 510.8 ქვეთავების დებულებები დამოუკიდებელ და ერთმანეთისგან გამიჯნულ დებულებებად უნდა ჩაითვალოს.

510.2 შენობის თარაზულად გამიჯვნის დაშვება. შენობა ითვლება გამიჯნულად და განიხილება შენობის განსხვავებულ ნაწილებად, რათა განისაზღვროს ფართობის ზღვრები, ცეცხლმედეგი კედლების უწყვეტობა, სართულების რაოდენობის შეზღუდვები და კონსტრუქციის ტიპი, სადაც ქვემოთ მოცემული ყველა პირობა დაცულია:

1.    შენობები გამიჯნულია თარაზული ანაწყობებით, რომლის ცეცხლმედეგობის ხარისხი,  არანაკლებ, 3 საათია.

2.    თარაზული ანაწყობის ქვემოთ შენობა, არაუმეტეს, ერთსართულიანია მიწის დონის ზემოთ.

3.    თარაზული ანაწყობის ქვემოთ შენობა IA ტიპის კონსტრუქციაა.

4.    715.4 ცხრილის თანახმად, შახტის, გზა-კიბის, პანდუსის ან მოძრავი კიბისათვის (ესკალატორისთვის) განკუთვნილი თარაზული ანაწყობის გადამკვეთი შემოზღუდული სივრცის ცეცხლმედეგობის ხარისხი, არანაკლებ, 2 საათია და აქვს დაცული ღიობები.

გამონაკლისი: თუ თარაზული ანაწყობის ქვემოთ მდებარე შემომზღუდავი კედლების ცეცხლმედეგობა, არანაკლებ, 3 საათია და ღიობები დაცულია 716.5 ცხრილის მოთხოვნების შესაბამისდ, თარაზული ანაწყობის ზემოთ გაგრძელებული შემომზღუდავი კედლების ცეცხლმედეგობის ხარისხი დასაშვებია, იყოს ერთი საათი, თუ:

1.    არ არის აუცილებელი, თარაზული ანაწყობის თავზე შენობა I ტიპის კონსტრუქცია იყოს;

2.    შემომზღუდავი აკავშირებს ოთხზე ნაკლებ სართულს;

3.    შემომზღუდავის ღიობის დამცავებს, თარაზული ანაწყობის ზემოთ, აქვს არანაკლებ ერთ-საათიანი ცეცხლისგან დამცაობის ხარისხი;

5.    თარაზული ანაწყობის თავზე მდებარე შენობაში დასაშვებია ბევრი თვ ჯგუფის ან სქ, სვ, სც ან სწ ჯგუფის დაკავებულობები, რომელთაგან თითოეულის დაკავებულობის დატვირთვა 300-ზე ნაკლებია.

6.    თარაზული ანაწყობის ქვემოთ მდებარე შენობა მთლიანად დაცულია 903.3.1.1 ქვეთავის შესაბამისი ავტოსაშხეფი სისტემით და დასაშვებია, ნებისმიერ ქვემოთ ჩამოთვლილ დაკავებულობას მოიცავდეს:

6.1.  სწ-2 ჯგუფის ავტოსადგომი გარაჟი, გამოყენებული კერძო ავტომობილების გასაჩერებლად და შესანახად;

6.2.  რამდენიმე თვ-ჯგუფი, რომელთაგან თითოეულის დაკავებულობის დატვირთვა 300-ზე ნაკლებია;

6.3.  ჯგუფი სქ;

6.4.  ჯგუფი სმ;

6.5.  ჯგუფი სც;

6.6.  შენობის გამოყენებისას თანმხლები გამოყენებები (მათ შორის: შესასვლელის ფოიეები, მექანიკური მოწყობილობების ოთახები, სათავსის ფართობები და მსგავსი გამოყენებები);

7.    შენობის მაქსიმალური სიმაღლე მეტრებში არ უნდა აღემატებოდეს 503-ე ქვეთავში განსაზღვრულ ზღვრებს ისეთი შენობისათვის, რომლის დასაშვები სიმაღლე ნაკლებია, ვიდრე მიწის დონიდან გაზომილი სიმაღლე.

510.3 სწ-2 ჯგუფის შემოზღუდული ავტოსადგომი გარაჟი, რომლის თავზეც მდებარეობს სწ-2 ჯგუფის ღია ავტოსადგომი გარაჟი. სწ-2 ჯგუფის შემოზღუდული ავტოსადგომი გარაჟი, რომელიც მიწის დონის ზემოთ, არაუმეტეს, ერთსართულიანია და მდებარეობს  სწ-2 ჯგუფის ღია ავტოსადგომი გარაჟის ქვემოთ, უნდა კლასიფიცირდეს, როგორც გამიჯნული და განსხვავებული ნაწილების მქონე შენობა, რათა განისაზღვროს კონსტრუქციის ტიპი, თუ დაცულია შემდეგი პირობები:

1.    ნაგებობის დასაშვები ფართობი ისეთია, რომ ჯამი ყოველი ცალკეული დაკავებულობისთვის რეალური ფართობების თანაფარდობისა დასაშვებ ფართობთან, ერთს არ აღემატება;

2.    სწ-2 ჯგუფის შემოზღუდული ავტოსადგომი გარაჟი არის I ან II ტიპის კონსტრუქცია და ცეცხლმედეგობასთან დაკავშირებული მოთხოვნები თითქმის ისეთივე აქვს, როგორიც სწ-2 ჯგუფის ღია ავტოსადგომ გარაჟს;

3.    სწ-2 ჯგუფის ღია ავტოსადგომი გარაჟის სიმაღლე და რიგების/დონეების რაოდენობა 406.5.4 ცხრილის შესაბამისადაა შეზღუდული;

4.    იატაკის ანაწყობი, რომელიც სწ-2 ჯგუფის შემოზღუდულ ავტოსადგომ გარაჟსა და სწ-2 ჯგუფის ღია ავტოსადგომ გარაჟს მიჯნავს, სწ-2 ჯგუფის შემოზღუდული ავტოსადგომი გარაჟის იატაკის ანაწყობის მიმართ არსებული მოთხოვნების შესაბამისადაა დაცული. ღიობები სწ-2 ჯგუფის შემოზღუდულ ავტოსადგომ გარაჟსა და სწ-2 ჯგუფის ღია ავტოსადგომ გარაჟს შორის, გარდა გასასვლელების ღიობებისა, დაცვას არ საჭიროებს;

5.    სწ-2 ჯგუფის შემოზღუდული ავტოსადგომი გარაჟი მხოლოდ კერძო ავტომობილების გასაჩერებლად ან შესანახად გამოიყენება, მაგრამ დასაშვებია მოიცავდეს ოფისს, მოსაცდელს და ტუალეტის ოთახს, რომელთა საერთო ფართობი 100 მ²-ს არ აღემატება, ასევე, დასაშვებია მოიცავდეს მექანიკური მოწყობილობისათვის განკუთვნილ ოთახებს, რომლებიც შენობის არაძირითად ოთახებს წარმოადგენს.

510.4 ავტოსადგომი სც ჯგუფის ქვემოთ. თუ სც ჯგუფის შენობის ქვემოთ მდებარეობს მიწის დონის ზედა, მაქსიმუმ, ერთსართულიანი სწ-2 ჯგუფის ღია ან შემოზღუდული, ან კომბინირებული, ავტოსადგომი გარაჟი, რომელიც I ტიპის კონსტრუქციაა, ან ღია ავტოსადგომი გარაჟი, რომელიც IV ტიპის კონსტრუქციაა და დაქანებული შესასვლელი აქვს, კონსტრუქციის მინიმალური ტიპის დასადგენად სართულების რაოდენობის ათვლა უნდა დაიწყოს ამგვარი ავტოსადგომი ფართობის ზემოთ მდებარე იატაკიდან. იატაკის კონსტრუქცია ავტოსადგომ გარაჟსა და მის თავზე მდებარე სც ჯგუფს შორის უნდა შეესაბამებოდეს იმ კონსტრუქციულ ტიპს, რომელიც გათვალისწინებულია ავტოსადგომი გარაჟისათვის, ასევე, უნდა ჰქონდეს ცეცხლმედეგობის ხარისხი, რომელიც შერეული დაკავებულობის გამმიჯნავისთვის 508.4 ქვეთავში განსაზღვრულ ცეცხლმედეგობის ხარისხზე ნაკლები არ უნდა იყოს.

510.5 IIIA ტიპის კონსტრუქციის სც-1 და სც-2 ჯგუფის შენობები. IIIA ტიპის კონსტრუქციის სც-1 და სც-2 ჯგუფის შენობების სიმაღლის ზღვარი დასაშვებია გაიზარდოს ექვს სართულამდე და 23 მ-მდე, თუ მიწის დონის ქვედა სართულის ზევით მდებარე პირველი იატაკის კონსტრუქციის ცეცხლმედეგობის ხარისხი, არანაკლებ, სამი საათია და იატაკის ფართობი დაყოფილია, არაუმეტეს, 280 მ² ფართობებად ორსაათიანი ცეცხლმედეგობის ხარისხიანი ცეცხლმედეგი კედლებით.

510.6 IIA ტიპის კონსტრუქციის სც-1 და სც-2 ჯგუფის შენობები. IIA ტიპის კონსტრუქციის სც-1და სც-2 ჯგუფის შენობების სიმაღლის შეზღუდვა დასაშვებია გაიზარდოს ცხრა სართულამდე და 30 მ-მდე, თუ შენობა გამიჯნულია, არანაკლებ, 15 მ-ით ამავე მიწის ნაკვეთზე მდებარე ნებისმიერი სხვა შენობიდან და მიწის ნაკვეთის საზღვრებიდან, შემოზღუდულ სივრცეში მდებარე გასასვლელები ორ-საათიანი ცეცხლმედეგობის ხარისხიანი ცეცხლმედეგი კედლებითაა გამოყოფილი, ხოლო პირველი სართულის იატაკის ანაწყობის ცეცხლმედეგობის ხარისხი 1,5 საათზე ნაკლები არ არის.

510.7 ღია ავტოსადგომი გარაჟები თვ, დწ, სქ, სვ და სც ჯგუფების ქვემოთ. თვ, დწ, სქ, სვ და სც ჯგუფების შენობების ქვემოთ მდებარე ღია ავტოსადგომი გარაჟების სიმაღლე და ფართობი 406.5 ქვეთავში დაშვებულ ზღვრებს არ უნდა აღემატებოდეს. ღია ავტოსადგომი გარაჟის თავზე მდებარე შენობის ნაწილის სიმაღლე და ფართობი არ უნდა აღემატებოდეს მის ზემოთ მდებარე დაკავებულობისთვის დასაშვებ ზღვრებს, რომლებიც განსაზღვრულია 503-ე ქვეთავში. ღია ავტოსადგომი გარაჟის თავზე მდებარე შენობის ნაწილის სიმაღლე, როგორც მეტრებში, ისე სართულიანობის მიხედვით, მიწის დონიდან უნდა გაიზომოს და უნდა მოიცავდეს როგორც ღია ავტოსადგომ გარაჟს, ისე ღია ავტოსადგომი გარაჟის თავზე მდებარე შენობის ნაწილს.

510.7.1 ცეცხლმედეგი გამმიჯნავი. ავტოსადგომის დანიშნულების მქონე დაკავებულობასა და მის ზემოთ არსებულ დაკავებულობას შორის, 707-ე ქვეთავის შესაბამისად აგებული ცეცხლმედეგი ზღუდეების ან 711-ე ქვეთავის შესაბამისად აგებული თარაზული ანაწყობების ცეცხლმედეგობის ხარისხი უნდა შეესაბამებოდეს 508.4 ცხრილში მოცემულ ხარისხებს. კონსტრუქციის ტიპი თითოეულ დაკავებულობას ინდივიდუალურად განესაზღვრება, გარდა ნაგებობის ისეთი ნაწილებისა, როგორიცაა ღია ავტოსადგომი ნაგებობის საზღვრებში ზემოთ არსებული დაკავებულობის საყრდენის უზრუნველმყოფი მთავარი გახისტება (სიხისტის კავშირი), ამგვარი ნაგებობის ნაწილები 601-ე ცხრილში ჯგუფებისათვის განსაზღვრული უფრო მკაცრი ცეცხლმედეგობის ხარისხიანი კონსტრუქციებით უნდა იყოს დაცული. ზემოთ მდებარე დაკავებულობის გასასვლელი საშულებები უნდა აკმაყოფილებდეს მე-10 თავის მოთხოვნებს და ავტოსადგომი დანიშნულების დაკავებულობისგან უნდა გაიმიჯნოს, სულ მცირე, ორსაათიანი ცეცხლმედეგობის ხარისხიანი, 707-ე ქვეთავის შესაბამისად აგებული ცეცხლმედეგი ზღუდეებით, ასევე, უნდა ჰქონდეს 716-ე ქვეთავის შესაბამისი თვითიკეტებადი კარები, ან, სულ მცირე, ორსაათიანი ცეცხლმედეგობის ხარისხიანი,  711-ე ქვეთავის შესაბამისად აგებული თარაზული ანაწყობები 716-ე ქვეთავის შესაბამისი თვითკეტებადი კარებით. ღია ავტოსადგომი გარაჟიდან გასასვლელი საშუალებებები 406.5 ქვეთავს უნდა შეესაბამებოდეს.

510.8 სქ ან სვ ჯგუფი, რომლის თავზე მდებარეობს სწ-2 ჯგუფის ღია ავტოსადგომი გარაჟი. სქ ან სვ ჯგუფის დაკავებულობები, რომლებიც არ მდებარეობს მიწის დონის ზემოთ პირველ სართულზე მაღლა, კონსტრუქციის ტიპის დადგენის მიზნით, უნდა კლასიფიცირდეს, როგორც გამიჯნული და განსხვავებული ნაწილების მქონე შენობა, თუ ყველა ქვემოთ ჩამოთვლილი პირობა დაცულია:

1.    შენობები გამიჯნულია, სულ მცირე, ორსაათიანი ცეცხლმედეგობის ხარისხიანი თარაზული ანაწყობებით;

2.    თარაზული ანაწყობების ქვემოთ შენობები მოიცავს მხოლოდ სქ და სვ დაკავებულობებს;

3.    თარაზული ანაწყობების ზემოთ მხოლოდ სწ-2 ჯგუფის ღია ავტოსადგომი გარაჟია განთავსებული;

4.    თარაზული ანაწყობების ქვემოთ შენობა I ან II ტიპის კონსტრუქციაა, მაგრამ, არანაკლებ, ზემოთ მდებარე სწ-2 ჯგუფის ღია ავტოსადგომი გარაჟისთვის აუცილებელი ტიპის კონსტრუქცია;

5.    თარაზული ანაწყობების ქვემოთ მდებარე შენობის სიმაღლე და ფართობი 503-ე ცხრილში განსაზღვრულს არ აღემატება;

6.    სწ-2 ჯგუფის ღია ავტოსადგომი გარაჟის სიმაღლე და ფართობი 405.5 ქვეთავში ნებადართულ შეზღუდვებს არ აღემატება. სწ-2 ჯგუფის ღია ავტოსადგომი გარაჟის სიმაღლე, როგორც მეტრებში, ისე სართულიანობის მიხედვით,  მიწის დონიდანაა გაზომილი და თარაზული ანაწყობების ქვემოთ მდებარე შენობას მოიცავს;

7.    სწ-2 ჯგუფის ღია ავტოსადგომი გარაჟის გასასვლელები პირდაპირ ქუჩაში ან საზოგადოებრივ გზაზე გადის და თარაზული ანაწყობების ქვემოთ მდებარე შენობისგან გამიჯნულია 707-ე ქვეთავის შესაბამისი ორსაათიანი ცეცხლმედეგი ზღუდეებით ან 711-ე ქვეთავის შესაბამისი ორსაათიანი ცეცხლმედეგობის ხარისხიანი თარაზული ანაწყობებით, ან ორივეთი ერთად.

510.9 შენობის რამდენიმე განსხვავებული ნაწილი თარაზული ანაწყობის ზემოთ. თუ თარაზული ანაწყობების ზემოთ მდებარეობს შენობის ორი ან მეტი განსხვავებული ნაწილი, რომლებიც სწ-2 ჯგუფის ავტოსადგომ გარაჟებს ან შენობის ქვემოთ მდებარე ნაწილს მიჯნავს ზემოთ მდებარე განსხვავებული ნაწილისაგან 510.2, 510.3 ან 510.8 ქვეთავების სპეციალური დებულებების შესაბამისად, თარაზული ანაწყობების ზემოთ მდებარე შენობის განსხვავებული ნაწილები გამიჯნულ და შენობის განსხვავებულ ნაწილად მიიჩნევა და წესების ყველა სხვა დებულებას უნდა აკმაყოფილებდეს, რომლებიც გამიჯნულ და განსხვავებული ნაწილების მქონე შენობებს ეხება.

თავი 6 – კონსტრუქციის ტიპები

ქვეთავი 601 – ზოგადი

601.1 რეგულირების საგანი. ამ თავის დებულებები არეგულირებს შენობების კლასიფიცირებას კონსტრუქციის ტიპების მიხედვით.

ცხრილი 601

ცეცხლმედეგობის ხარისხის მოთხოვნები შენობის ელემენტებისათვის (სთ)

შენობის ელემენტები	ტიპი I		ტიპი II		ტიპი III		ტიპი IV	ტიპი V
	A	B	Aდ	B	Aდ	B	მასიური ხე	Aდ	B
ძირითადი სტრუქტურული ჩარჩოზ	3ა	2ა	1	0	1	0	მასიური ხე	1	0
მზიდი კედლები გარევ,ზ შიგა	3 3ა	2 2ა	1 1	0 0	2 1	2 0	2 1/მასიური ხე	1 1	0 0
არამზიდი კედლები და ტიხრები გარე	იხ. ცხრილი 602
არამზიდი კედლები და ტიხრები შიგაე	0	0	0	0	0	0	იხ. ცხრილი 602.4.6	0	0
იატაკის კონსტრუქცია და არაძირითადი ნაწილები (იხ. ქვეთავი 202)	2	2	1	0	1	0	მასიური ხე	1	0
სახურავის კონსტრუქცია და არაძირითადი ნაწილები (იხ. ქვეთავი 202)	11/2ბ	1ბ,გ	1ბ,გ	0გ	1ბ,გ	0	მასიური ხე	1ბ,გ	0

ა. სახურავის საყრდენები: სტრუქტურული ჩარჩოსა და მზიდი კედლების ცეცხლისაგან დაცვის ხარისხი შეიძლება შემცირდეს 1 სთ-ით, თუ მხოლოდ სახურავს ზიდავს.

ბ. სმ-1, დსშ, სვ და სწ-1 ჯგუფის დაკავებულობების გარდა, ნაგებობის ნაწილებს, სახურავის ჩარჩოს და ფენილს არ სჭირდება ცეცხლმედეგობის ხარისხი, თუ სახურავის კონსტრუქციის ყოველი ნაწილი უშუალოდ მის ქვეშ მდებარე იატაკიდან 6,0 მ-ით ან მეტით ზემოთაა. ასეთი დაუცველი ელემენტებისთვის შეიძლება გამოიყენებოდეს ცეცხლმედეგობისათვის დამუშავებული ხის ელემენტები.

გ. სადაც აუცილებელია 1 სთ ან ნაკლები ცეცხლმედეგობის ხარისხი, ყველა ფართობზე დასაშვებია მასიური ხის გამოყენება.

დ. ავტოსაშხეფ სისტემას დასაშვებია, ჩაენაცვლოს ცეცხლისაგან დაცვის ერთსაათიანი ხარისხის მქონე კონსტრუქცია, თუ ასეთი სისტემა სხვა დანიშნულებით არაა საჭირო წესების სხვა დებულებების თანახმად, ან გამოყენებულია ფართობის დასაშვები მატებისთვის 506.3 ქვეთავის შესაბამისად, ან დასაშვები სიმაღლის მატებისთვის 504.2 ქვეთავის შესაბამისად. გარე კედლებისთვის ცეცხლმედეგობის 1 სთ ხარისხის მქონე კონსტრუქციით ჩანაცვლება დაუშვებელია.

ე. არანაკლებ, ცეცხლმედეგობის ისეთი ხარისხი, რომელიც აუცილებელია წესების სხვა ქვეთავების მიხედვით.

ვ. არანაკლებ, ცეცხლმედეგობის ისეთი ხარისხი, რომელიც ხანძარსაწინააღმდეგო მანძილიდან გამომდინარეობს (იხ. ცხრილი 602).

ზ. არანაკლებ, ცეცხლმედეგობის ისეთი ხარისხი, რომელიც 704.10 ქვეთავშია მითითებული.

ქვეთავი 602 – კონსტრუქციის კლასიფიცირება

602.1 ზოგადი. აგებული ან ასაგები, გადაკეთებული ან სიმაღლე ან ფართობმომატებული შენობები და ნაგებობები 602.2 – 602.5 ქვეთავებში განსაზღვრული ხუთი კონსტრუქციული ტიპიდან ერთ-ერთს უნდა მიეკუთვნებოდეს. შენობის ნაწილების ცეცხლმედეგობის ხარისხი 601-ე ცხრილში განსაზღვრულზე ნაკლები არ უნდა იყოს, ხოლო გარე კედლების ცეცხლმედეგობის ხარისხი – 602-ე ცხრილში განსაზღვრულზე ნაკლები. სადაც ცეცხლმედეგობა 601-ე ცხრილის მიხედვით უნდა განისაზღვროს, შენობის ელემენტები 703.2 ქვეთავის შესაბამის დებულებებს უნდა შეესაბამებოდეს. შენობის ელემენტების ღიობების, არხებისა და ჰაერცვლის ღიობების დაცვა აუცილებელი არ არის, თუ ამას წესების სხვა დებულებები არ მოითხოვს.

602.1.1 მინიმალური მოთხოვნები. აუცილებელი არ არის, შენობა ან მისი ნაწილი მიეკუთვნოს მინიმალური მოთხოვნების დამაკმაყოფილებელ ტიპზე მაღალი ტიპის კონსტრუქციას, მაშინაც კი, როცა ასეთი შენობის ცალკეული დეტალები რეალურად უფრო მაღალი ტიპის კონსტრუქციას შეესაბამება.

ცხრილი 602

ცეცხლმედეგობის ხარისხის მოთხოვნები გარე კედლებისათვის ხანძარსაწინააღმდეგო მანძილის მიხედვით^ა,ე

ხანძარსაწინააღმდეგო მანძილი = X (მ)	კონსტრუქციის ტიპი	დსშ ჯგუფის დაკავებულობავ	სმ-1, სვ, სწ-1ზ ჯგუფის დაკავებულობა	თვ, სქ, სგ, სმ-2, დწ, სც, სწ-2ზ, დსბ ჯგუფების დაკავებულობა
X < 1,5g	ყველა	3	2	1
1,5 ≤ X < 3	IA	3	2	1
	სხვა	2	1	1
	IA, IB	2	1	1დ
3 ≤ X < 9	IIB, VB	1	0	0
	სხვა	1	1	1დ
X ≥ 9	ყველა	0	0	0

ა. მზიდი გარე კედლები 601-ე ცხრილის ცეცხლმედეგობის ხარისხთან დაკავშირებულ მოთხოვნებსაც უნდა აკმაყოფილებდეს;

ბ. დს ჯგუფის დაკავებულობებისათვის არსებული სპეციალური მოთხოვნების შესახებ იხილეთ ქვეთავი 406.1.2;

გ.   ცეცხლმედეგი კედლისათვის იხილეთ ქვეთავი 705.1.1;

დ. 406-ე ქვეთავის შესაბამის ღია ავტოსადგომ გარაჟებს არ მოეთხოვება ცეცხლმედეგობის ხარისხი;

ე. გარე კედლის ცეცხლმედეგობის ხარისხი განისაზღვრება გარე კედელსა და იმ სართულს შორის არსებული ხანძარსაწინააღმდეგო მანძილის მიხედვით, სადაც ეს კედელი მდებარეობს;

ვ. დსშ ჯგუფის დაკავებულობებისთვის არსებული სპეციალური მოთხოვნების შესახებ იხილეთ ქვეთავი 415.3;

  ზ. სწ ჯგუფის დაკავებულობებისთვის არსებული სპეციალური მოთხოვნების შესახებ იხილეთ ქვეთავი 412.4.1.

602.2 ტიპები I და II. I და II ტიპის კონსტრუქციებში 601-ე ცხრილში ჩამოთვლილი შენობის ელემენტები არაწვადი მასალებისაა, გარდა 603-ე ქვეთავსა და წესების სხვა ქვეთავებში გათვალისწინებული დაშვებებისა.

602.3 ტიპი III. III ტიპის კონსტრუქციაში გარე კედლები არაწვადი მასალებისაა, ხოლო შენობის შიგა სივრცის ელემენტები ნებისმიერი მასალის, რომლის გამოყენება ნებადართულია წესებით. 2303.2 ქვეთავის შესაბამისად აგებული ცეცხლმედეგობისათვის დამუშავებული ხის კარკასი დასაშვებია ორ ან ნაკლებსაათიანი ხარისხის მქონე გარე კედლის ანაწყობის საზღვრებში.

602.4 ტიპი IV. IV ტიპის კონსტრუქციაში (მასიური ხის კონსტრუქციაში) გარე კედლები არაწვადი მასალებისაა, ხოლო შენობის შიგა სივრცის ელემენტები მასიური ან ლამინირებული ხის და დამალული სივრცეები არ აქვს. IV ტიპის კონსტრუქციის დეტალები ამ ქვეთავის დებულებებს უნდა შეესაბამებოდეს. 2303.2 ქვეთავის შესაბამისად აგებული ცეცხლმედეგობისათვის დამუშავებული ხის კარკასი დასაშვებია ორ ან ნაკლებსაათიანი ხარისხის მქონე გარე კედლის ანაწყობის საზღვრებში. IV ტიპის კონსტრუქციის გამოყენებით აგებული ნაგებობებში უნდა გამოიყენებოდეს მინიმალურ ნომინალურ ზომებად დახერხილი მასიური ხის მასალა. შეწებებულ-ლამინირებული მასალების საბოლოო სიგანე და სიმაღლე 602.4 ცხრილში განსაზღვრულ დახერხილი მასიური ხის მინიმალურ ნომინალურ სიგანესა და სიღრმეს უნდა შეესაბამებოდეს.

ცხრილი 602.4

ხის ნაწილის ზომა

მასიური დახერხილი მასალის მინიმალური ნომინალური ზომა		შეწებებულ-ლამინირებული მასალის მინიმალური სუფთა ზომა
სიგანე, სმ	სიმაღლე, სმ	სიგანე, სმ	სიმაღლე, სმ
20	20	17	21
15	25	13	27
15	20	13	21
15	15	13	15
10	15	8	17,5

602.4.1 სვეტები. ხის სვეტები დახერხილი და შეწებებულ-ლამინირებული უნდა იყოს და თუ მათზე ზემოქმედებს იატაკის დატვირთვები, არცერთი ნომინალური ზომა არ უნდა იყოს 20 სმ-ზე ნაკლები, ხოლო თუ მათზე ზემოქმედებს მხოლოდ სახურავისა და ჭერის დატვირთვები, ნომინალური სიგანე არ უნდა იყოს 15 სმ-ზე ნაკლები, ნომინალური სიმაღლე კი – 20 სმ-ზე ნაკლები. სვეტები უწყვეტი უნდა იყოს ან იდოს ერთმანეთზე და ერთდებოდეს ნებადართული მეთოდით.

602.4.2 იატაკის კარკასი. ხის კოჭები და ხის მთავარი კოჭები უნდა იყოს დახერხილი/მასიური ან შეწებებულ-ლამინირებული ხის და მათი ნომინალური სიგანე არ უნდა იყოს 15 სმ-ზე ნაკლები, ხოლო ნომინალური სიმაღლე 25 სმ-ზე ნაკლები. არცერთი ნომინალური ზომა დახერხილი/მასიური ან შეწებებულ-ლამინირებული ხისკარკასიანი თაღების, რომლებიც იწყება იატაკის ნიშნულიდან და მუშაობს იატაკის დატვირთვებზე, არ უნდა იყოს 20 სმ-ზე ნაკლები. ხის წამწეები, რომლებიც ზიდავს იატაკის დატვირთვას, ისეთი ნაწილებისგან უნდა შედგებოდეს, რომელთა არცერთი ნომინალური ზომა 20 სმ-ზე ნაკლები არ არის.

602.4.3 სახურავის კარკასი. სახურავის კონსტრუქციის ხისკარკასიანი ან შეწებებულ-ლამინირებული თაღები, რომლებიც იწყება იატაკის ნიშნულიდან ან მიწის დონიდან და არ არის იატაკის საყრდენი, უნდა შედგებოდეს, არანაკლებ, 15 სმ ნომინალური სიგანის და ქვედა ნაწილში 20 სმ-ზე ნაკლები ნომინალური სიმაღლის, ხოლო ზედა ნაწილში, არანაკლებ, 15 სმ ნომინალური სიმაღლის ნაწილებისაგან. სახურავის კონსტრუქციის კარკასი ან შეწებებულ-ლამინირებულ თაღები, რომლებიც იწყება კედლების ზედა ნაწილში ან კედლის საზღვრებთან, ხისკარკასიან წამწეებთან და სახურავის სხვა კარკასებთან, რომელიც არ ზიდავს იატაკის დატვირთვებს,  არანაკლებ, 10 სმ ნომინალური სიგანისა და, არანაკლებ, 15 სმ ნომინალური სიმაღლის ნაწილებისგან უნდა შედგებოდეს. დაშორებული ნაწილები დასაშვებია შედგებოდეს ორი ან მეტი დეტალისგან, რომელთა ნომინალური სისქე არ უნდა იყოს 7,5 სმ-ზე ნაკლები, სადაც მყარადაა დამაგრებული და მათ შორის არსებული სივრცე მთლიანად არის ბლოკირებული, ან, სადაც სივრცე მჭიდროდაა დახურული 5 სმ ნომინალური სისქის უწყვეტი ხის საფარით, რომელიც მიმაგრებულია ნაწილებზე შიგა მხრიდან. გადაბმის ფილების ნომინალური სისქე 7,5 სმ-ზე ნაკლები არ უნდა იყოს. სახურავის ფენილის ქვეშ დაყენებული ავტოსაშხეფებით დაცული კარკასის ნაწილების ნომინალური სიგანე 7,5 სმ-ზე ნაკლები არ უნდა იყოს.

602.4.4 იატაკი. იატაკს არ უნდა ჰქონდეს დამალული სივრცეები. ხის იატაკები უნდა იყოს დახერხილი ან შეწებებულ-ლამინირებული, არანაკლებ, 7,5 სმ ნომინალური სისქის ნარანდით (ენა-ღართან) შეუღლებული ფიცრების, რომლებზეც ჯვარედინად ან დიაგონალურად დაგებულია 2,5 სმ ნომინალური სისქის ნარანდით (ენა-ღართან) შეუღლებული იატაკის საფარი, ან 1,25 სმ-იანი მერქანბურბუშელოვანი ფილა; ან ერთმანეთთან მჭიდროდ მიწყობილი და ლურსმნებით დამაგრებული, არანაკლებ, 10 სმ ნომინალური სიგანის ფიცრების, რომლებზეც გადაგებულია 2,5 სმ ნომინალური სისქის იატაკის საფარი ან 1,2 სმ სისქის ხის სტრუქტურული პანელები ან 1,25 სმ სისქის მერქანბურბუშელოვანი ფილა. ფიცრები ისე უნდა დაიგოს, რომ გადაბმის ხაზები საყრდენებს ემთხვეოდეს. იატაკის საფარი კედლებიდან, არანაკლებ, 1,25 სმ-ით უნდა იყოს დაშორებული. ეს 1,25 სმ მანძილი კედელზე მიმაგრებული თამასით უნდა დაიფაროს. თამასა ისე უნდა განთავსდეს, რომ ხელი არ შეუშალოს იატაკის შეკუმშვა-გაფართოებას. თამასის ნაცვლად შეიძლება წყობის კედლების საფეხურებრივი ნაშვერის გამოყენება, რომელიც იატაკის ქვეშ იწყება და მის ზემოთაც გრძელდება.

602.4.5 სახურავი. სახურავს არ უნდა ჰქონდეს დამალული სივრცეები და სახურავის ხის ფენილები უნდა იყოს, არანაკლებ, 5 სმ ნომინალური სისქის დახერხილი ან შეწებებულ-ლამინირებული, ნარანდით შეერთებული ფიცრების, 30 მმ სისქის ხის სტრუქტურული პანელების (გარეთ გამოსაყენებელი წებო); ან 7,5 სმ ნომინალური სიგანის ფიცრების, რომლებიც კიდეებით მჭიდროდაა ერთმანეთთან მიწყობილი და იატაკისათვის საჭირო ფორმითაა დაგებული. შესაბამისი ცეცხლმედეგობისა და სტრუქტურული თვისებების უზრუნველყოფისას შეიძლება სხვა სახეობის ფენილების გამოყენებაც.

602.4.6 ტიხრები. ტიხრები უნდა იყოს მასიური ხის კონსტრუქციის და შედგებოდეს, არანაკლებ, ორი 2,5 სმ სისქის ფიცრისგან ან 10 სმ სისქის ლამინირებული კონსტრუქციისგან, ან ერთსაათიანი ცეცხლმედეგობის ხარისხიანი კონსტრუქციისგან.

602.4.7 ნაგებობის გარე ნაწილები. 6,0 მ-ით ან ამაზე მეტად  თარაზულად გამიჯვნისას გარე მხარეზე დასაშვებია მასიური ხის ზომის შესაბამისი ხის სვეტებისა და თაღების გამოყენება.

602.5 ტიპი V. V ტიპის კონსტრუქციაში ნაგებობის ელემენტები, გარე კედლები და შიგა კედლები ამ ქვეთავით ნებადართული ნებისმიერი მასალით იგება.

ქვეთავი 603 – წვადი მასალა I და II ტიპის კონსტრუქციაში

603.1 დასაშვები მასალები. წვადი მასალების გამოყენება დაშვებულია I ან II ტიპის კონსტრუქციის შენობებში შემდეგი დანიშნულებით და 603.1.1 – 603.1.2 ქვეთავების შესაბამისად:

1.    ცეცხლმედეგობისათვის დამუშავებული ხე დასაშვებია:

1.1 არამზიდ ტიხრებში, სადაც აუცილებელი ცეცხლმედეგობის ხარისხი არის ორი საათი ან ნაკლები;

1.2  არამზიდ გარე კედლებში, სადაც ცეცხლმედეგობის ხარისხი აუცილებელი არ არის;

1.3  სახურავის კონსტრუქციებში, მათ შორის, კოჭებში, წამწეებში, ჩარჩოებსა და ფენილებში;

გამონაკლისი: მიწის დონის ზემოთ ორ სართულზე მაღალი IA ტიპის კონსტრუქციის შენობებში ცეცხლმედეგობისათვის დამუშავებული ხე სახურავის კონსტრუქციაში არ უნდა გამოიყენებოდეს, თუ ყველაზე მაღლა მდებარე იატაკიდან სახურავამდე შვეულად დაშორება 6,0 მ-ზე ნაკლებია;

2.    თერმული და აკუსტიკური იზოლაცია ქაფპლასტების გარდა, რომლის ალის გავრცელების ინდექსი არ აღემატება 25-ს;

გამონაკლისი:

1.        თუ იზოლაცია მოთავსებულია არაწვადი მასალების ორ შრეს შორის, რომელთა შორისაც არ რჩება თავისუფალი სივრცე, მაშინ იზოლაციის ალის გავრცელების ინდექსი არ უნდა იყოს 100-ზე მეტი;

2.        თუ იზოლაცია დასრულებულ იატაკსა და მასიურ ფენილს შორისაა განთავსებული, რომელთა შორისაც არ რჩება თავისუფალი სივრცე, მაშინ იზოლაციის ალის გავრცელების ინდექსი არ უნდა იყოს 200-ზე მეტი;

3.        სახურავის A, B ან C კლასის ბურულები;

4.        შიგა იატაკის მოპირკეთება და იატაკის საფარი მასალები, განთავსებული 804-ე ქვეთავის შესაბამისად;

5.        ხის ნაკეთობები, როგორებიცაა: კარები, კარების ჩარჩოები, ფანჯრის ალათები და ჩარჩოები;

6.        შიგა კედლისა და ჭერის მოპირკეთება 801-ე და 803-ე ქვეთავების შესაბამისად;

7.        806-ე ქვეთავის შესაბამისად შესრულებული გაფორმება;

8.        თუ ვიტრინები, სალურსმნე ან საბათქაშე ზოლები და ვიტრინების ქვეშ მდებარე ხის ტიხრები, მათ შორის, მათი ჩარჩოები, პანელები და ვიტრინიანი დახლები, მიწიდან 4,5 მ-ის ზემოთ არაა;

9.        იატაკის მოსაპირკეთებელი საფარი, მოწყობილი 805-ე ქვეთავის შესაბამისად;

10.    ტიხრები, რომლებიც ყოფს მაღაზიების, ოფისების ან მსგავსი ადგილების ნაწილებს, რომელთაც მხოლოდ ერთი მფლობელი იყენებს და რომლის დერეფნის დაკავებულობის დატვირთვა არის 30 ან მეტი, დასაშვებია აიგოს ცეცხლმედეგობისათვის დამუშავებული ხით, ერთსაათიანი ცეცხლმედეგობის ხარისხიანი კონსტრუქციით, ან ხის პანელებით, ან 1,8 მ სიმაღლის მსუბუქი კონსტრუქციით;

11.    410.3 და 410.4 ქვეთავების შესაბამისად აგებული სცენები და ბაქან-სცენები;

12.    გარე კედლის წვადი საფარები, აივნები და მსგავსი ნაშვერები, ასევე, მე-14 თავის შესაბამისად აგებული ერკერები ან ერკერ-ფანჯრები;

13.    სახელურების, ხის ნაკეთობების, კარადების, ფანჯრებისა და კარების ჩარჩოების სამაგრები;

14.    შუქგამტარი პლასტმასები;

15.    მასტიკები და დასაგმანი მასალები გარე კედლის კონსტრუქციის ნაწილებს შორის დრეკადი იზოლაციის უზრუნველსაყოფად;

16.    803.4 ქვეთავით ნებადართული სალურსმნე და საბათქაშე ზოლები;

17.    601-ე ცხრილის „დ“ შენიშვნასა და 602.4.7 და 1406.3 ქვეთავებში გათვალისწინებული მასიური ხე;

18.    703.2.2 ქვეთავით ნებადართული შემვსებები, შემადგენელი ნივთიერებები და მინარევები;

19.    ცეცხლმედეგი შესასხურებელი და ალზე მგრძნობიარე გაფუებადი მასალები, ასევე, მასტიკის ცეცხლმედეგი საფარები, რომლებიც განსაზღვრულია ცეცხლმედეგობის შესამოწმებელი ტესტების საფუძველზე 703.2 ქვეთავის შესაბამისად;

20.    ცეცხლმედეგობის ხარისხიან ანაწყობებში გამავალი გაყვანილობების დასაცავად გამოყენებული 714-ე ქვეთავის შესაბამისი მასალები;

21.    ცეცხლმედეგობის ხარისხიან ანაწყობებში გადაბმების დასაცავად გამოყენებული 715-ე ქვეთავის შესაბამისი მასალები;

22.    I და II ტიპის კონსტრუქციის შენობების დამალულ სივრცეებში გამოსაყენებლად ნებადართული 718.5 ქვეთავის შესაბამისი მასალები;

603.1.1 ელექტროგაყვანილობა. ელექტროგაყვანილობის გამოყენება წვად იზოლაციასთან, მილებთან (გარე დიამეტრის მიხედვით), საკაბელო არხებთან და მათთან დაკავშირებულ კომპონენტებთან დასაშვებია, თუ დაყენებულია წესების შეზღუდვების შესაბამისად.

თავი 7 – ცეცხლისა და კვამლისგან დაცვის საშუალებები

ქვეთავი 701 – ზოგადი

701.1 რეგულირების საგანი. ამ თავის დებულებებით რეგულირდება მასალები, სისტემები და ანაწყობები, რომლებიც გამოიყენება ნაგებობის ცეცხლმედეგობისა და ცეცხლმედეგობის ხარისხიანი კონსტრუქციებისათვის, რომლებიც მომიჯნავე სივრცეებს ყოფს და შენობას ცეცხლისა და კვამლის გავრცელებისაგან იცავს, ასევე ზღუდავს ცეცხლის გავრცელებას მოსაზღვრე შენობებისკენ ან შენობებიდან.

701.2 ცეცხლმედეგი ანაწყობების მრავალი დანიშნულებით გამოყენება. ცეცხლმედეგი ანაწყობები, რომლებიც შენობაში სხვადასხვა მიზნისათვის გამოიყენება, უნდა აკმაყოფილებდეს ყველა მოთხოვნას, რომელიც თითოეული ინდივიდუალური ცეცხლმედეგი ანაწყობისთვისაა განსაზღვრული.

ქვეთავი 702 – განმარტებები

702.1 განმარტებები. ქვემოთ ჩამოთვლილი ტერმინები განმარტებულია მე-2 თავში:

თარაზული ანაწყობი

გადაბმის ცეცხლმედეგი სისტემა

გამჭოლი გაყვანილობა

გამჭოლი გაყვანილობის ცეცხლსაჩერი სისტემა

გაყვანილობის ცეცხლსაჩერი

თვითიკეტებადი

იატაკის ცეცხლმედეგი კარის/ლიუკის ანაწყობი

კვამლგაუმტარი ზღუდე

კვამლის ფარსაკეტი

დაუკვამლიანებელი განყოფილება

მემბრანის გაყვანილობა

მემბრანის გაყვანილობის ცეცხლსაჩერი

მემბრანის გაყვანილობის ცეცხლსაჩერი სისტემა

მინერალური ბოჭკოს საიზოლაციო მასალა

მინერალური ბამბა

ნაკერი

რგოლისებრი ღრეჩო

ფარსაკეტი

შახტი

შახტის შემომზღუდავი

შეერთება

შენობის ელემენტი

ცეცხლამრიდი

ხანძარსაწინააღმდეგო მანძილი

ცეცხლმედეგი კარი

ცეცხლმედეგი კარის ანაწყობი

ცეცხლისაგან დაცვის ხარისხი

ცეცხლმედეგობა

ცეცხლმედეგობის ხარისხი

ცეცხლმედეგობის ხარისხის  მქონე შემინვა

ცეცხლმედეგი ფანჯრის ანაწყობი

ცეცხლის/კვამლის კომბინირებული ფარსაკეტი

ცეცხლმედეგი კედელი

ცეცხლმედეგი ზღუდე

ცეცხლმედეგი ტიხარი

ცეცხლის ფარსაკეტი

წევის შემჩერებელი

ჭერის გამოსხივების ფარსაკეტი

F ხარისხი

L ხარისხი

T ხარისხი

 

ქვეთავი 703 – ცეცხლმედეგობის ხარისხები და სახანძრო ტესტები

703.1 რეგულირების საგანი. აქ განხილული ცეცხლმედეგი მასალები უნდა აკმაყოფილებდეს ამ თავის მოთხოვნებს.

703.2 ცეცხლმედეგობის ხარისხები. შენობის ელემენტების, კომპონენტების ან ანაწყობების ცეცხლმედეგობის ხარისხი ASTM E 119-ში ან UL263-ში მოცემული ტესტის პროცედურების ან 703.3 ქვეთავის მიხედვით უნდა განისაზღვროს. თუ მასალები, სისტემები ან მექანიზმები, რომლებიც არ შემოწმებულა როგორც ცეცხლმედეგობის ხარისხის  მქონე ანაწყობის ნაწილი და ჩართულია შენობის ელემენტში, კომპონენტში ან ანაწყობში, მაშინ მშენებლობის ნებართვის გამცემი/ზედამხედველი ორგანოსთვის ხელმისაწვდომი უნდა იყოს საკმარისი მონაცემები, რომლებიც ცეცხლმედეგობის მოთხოვნილ ხარისხს ადასტურებს. ცეცხლმედეგობის ხარისხის  მქონე შენობის ელემენტებში, კომპონენტებში ან ანაწყობებში გადაბმებისა და გაყვანილობების დასაცავად გამოყენებული მასალები და მშენებლობის მეთოდები არ უნდა ამცირებდეს ცეცხლმედეგობის მოთხოვნილ ხარისხს.

გამონაკლისი: გარე მზიდი კედლების ცეცხლმედეგობის ხარისხის  დადგენისას ალის ან აირების გადაადგილების გამო დაუცველი ზედაპირის ტემპერატურის მატებასთან და ბამბის ნარჩენის აალებასთან დაკავშირებული ASTM E 119-ში მოცემული კრიტერიუმების დაცვა აუცილებელია მხოლოდ იმ დროის განმავლობაში, რომელიც შეესაბამება ისეთივე ხანძარსაწინააღმდეგო მანძილის მქონე და იმავე ჯგუფში შემავალი შენობის გარე არამზიდი კედლისათვის განსაზღვრულ აუცილებელ ცეცხლმედეგობის ხარისხს. როცა ამ გამონაკლისის მიხედვით განსაზღვრული ცეცხლმედეგობის ხარისხი აღემატება ASTM E 119-ში განსაზღვრულ ცეცხლმედეგობის ხარისხს, ცეცხლის ზემოქმედების პერიოდი, წყლის წნევა და გამოყენების ხანგრძლივობის კრიტერიუმები ASTM E 119-ის სახელოს ნაკადის მეთოდით შემოწმებისას უნდა ეფუძნებოდეს ამ გამონაკლისის მიხედვით განსაზღვრულ ცეცხლმედეგობის ხარისხს.

703.2.1 ასიმეტრიული კონსტრუქციის კედელი (ცეცხლმედეგობის მიხედვით). ასიმეტრიული კონსტრუქციის შიგა კედლებისა და ტიხრების შესამოწმებლად ორივე მხარე უნდა მიეშვიროს ქურისაკენ. ცეცხლმედეგობის მინიჭებული ხარისხი დგინდება უმოკლესი ხანგრძლივობით, რომელიც მიღებულია ASTM E 119-ის მიხედვით ჩატარებული ორი შემოწმებიდან. თუ არსებობს დამადასტურებელი საბუთი, რომ შემოწმებულია ნაკლებად ცეცხლმედეგი მხარე, რაც ექვემდებარება მშენებლობის ნებართვის გამცემი/ზედამხედველი ორგანოს მიერ აღიარებას, კედელს აღარ სჭირდება შემოწმება მეორე მხრიდან (იხ. ქვეთავი 705.5 „გარე კედლები“).

703.2.2 წვადი კომპონენტები. წვადი შემვსებების გამოყენება დასაშვებია თაბაშირისა და პორტლანდცემენტის ბეტონის ნარევებში, რომლებიც ნებადართულია ცეცხლმედეგობის ხარისხის  მქონე კონსტრუქციისათვის. ანაწყობში დასაშვებია ნებისმიერი ნებადართული შემადგენელი მასალა ან მინარევი, თუ შემოწმებული ანაწყობი წესების ცეცხლმედეგობის ტესტთან დაკავშირებულ მოთხოვნებს აკმაყოფილებს.

703.3 ცეცხლმედეგობის განსაზღვრის ალტერნატიული მეთოდები. ამ ქვეთავში ჩამოთვლილი ნებისმიერი ალტერნატიული მეთოდი უნდა გამოიყენებოდეს ცეცხლის ზემოქმედებისა და მოთხოვნების საფუძველზე, რაც განსაზღვრულია ASTM E 119-ში ან UL 263-ში. შენობის ელემენტისთვის, კომპონენტის ან ანაწყობისთვის მოთხოვნილი ცეცხლმედეგობა დასაშვებია, განისაზღვროს ქვემოთ ჩამოთვლილი რომელიმე მეთოდით ან პროცედურით:

1.    წყაროებში დოკუმენტირებული ცეცხლმედეგობის დაგეგმარება;

2.    შენობის ელემენტების, კომპონენტების ან ანაწყობების ცეცხლმედეგობის ხარისხები,  განსაზღვრული 721-ე ქვეთავის მიხედვით;

3.    გამოთვლები 722-ე ქვეთავის მიხედვით;

4.    საინჟინრო ანალიზი, რომელიც ეფუძნება ცეცხლმედეგობის ხარისხის  მქონე შენობის ელემენტების, კომპონენტების ან ანაწყობების დაგეგმარების ურთიერთშედარებას, როგორც განსაზღვრულია ASTM E 119-ში ან UL 263-ში გაწერილი შემოწმების პროცედურების მიხედვით;

5.    104.11 ქვეთავით დაშვებული დაცვის ალტერნატიული მეთოდები.

703.4 ავტოსაშხეფი. შენობის ელემენტის, კომპონენტის ან ანაწყობის ცეცხლმედეგობის ხარისხის  დადგენისას არ გამოიყენება ავტოსაშხეფი ან სხვა ცეცხლსაქრობი სისტემა, რომელიც იმ ანაწყობის ნაწილია, რომელიც შემოწმებულია ASTM E 119-ში ან UL 263-ში ჩამოთვლილი ცეცხლის ზემოქმედების, პროცედურებისა და მისაღებობის კრიტერიუმების შესაბამისად.

703.5 უწვავობის ტესტები. 703.51 და 703.5.2 ქვეთავებში მითითებული ტესტები 602.2, 602.3 და 602.4 ქვეთავებში I, II, III და IV ტიპის კონსტრუქციებში გამოსაყენებლად დაშვებული სამშენებლო მასალების მისაღებობის კრიტერიუმებია. ტერმინი „არაწვადი“ შიგა მოსაპირკეთებელი ან გასაფორმებელი მასალების ალის გავრცელების თავისებურებებს არ გულისხმობს. მასალა არ კლასიფიცირდება, როგორც არაწვადი სამშენებლო მასალა, თუ მისი წვის ან ალის გავრცელების უნარი შეიძლება ისე გაიზრდოს, რომ გადააჭარბოს შეზღუდვებს, რომლებიც აქაა განსაზღვრული  ხანდაზმულობის, ტენიანობის ან სხვა ატმოსფერული პირობების ზემოქმედების გათვალისწინებით.

703.5.1 მარტივი მასალები. მასალები, რომლებიც აუცილებლად არაწვადი უნდა იყოს, მოწმდება ASTM E 136-ის შესაბამისად.

703.5.2 შედგენილი მასალები. მასალები, რომელთა სტრუქტურულ საფუძველს ქმნის არაწვადი მასალა, როგორც 703.5.1 ქვეთავშია განსაზღვრული, და რომელთა ზედაპირული შრის სისქე 3,2 მმ-ს არ აღემატება, რომლის ალის გავრცელების ინდექსი 50-ზე მეტი არაა ASTM E 84-ის ან UL 723-ის მიხედვით შემოწმების დროს, არაწვად მასალებად უნდა იქნეს მიჩნეული.

703.6 ცეცხლმედეგობის ხარისხიანი გამჭვირვალე მასალები. დასაშვებია ASTM E 84-ის ან UL 263-ის მიხედვით შემოწმებული და 707-ე ქვეთავის შესაბამისი ცეცხლმედეგობის ხარისხიანი გამჭვირვალე მასალები. ცეცხლმედეგობის ხარისხიან გამჭვირვალე მასალებს უნდა ჰქონდეს 716.3 ცხრილში მითითებული ინფორმაციის შემცველი ეტიკეტი, რომელიც მუდმივად ექნება მიკრული გამჭვირვალე მასალას.

703.7 აღნიშვნები და ამოსაცნობი ნიშნები. ცეცხლმედეგ კედლებს, ცეცხლმედეგ ზღუდეებს, ცეცხლმედეგ ტიხრებს, კვამლგაუმტარ ზღუდეებსა და კვამლგაუმტარ ტიხრებს ან ნებისმიერ სხვა კედელს, რომელთა ღიობები ან გაყვანილობები დაცული უნდა იყოს, ამოსაცნობად მუდმივი და ეფექტიანი ნიშნები ან ტრაფარეტები უნდა ჰქონდეს. ასეთი ამოსაცნობი ნიშნები უნდა:

1.    განთავსდეს იატაკის, იატაკ-ჭერის ან სხვენის მისადგომ დამალულ სივრცეებში;

2.    მდებარეობდეს თითოეული კედლის ბოლოდან 4,5 მ საზღვრებში, არაუმეტეს, 9,0 მ დაშორებებით, რაც იზომება კედლის ან ტიხრის გასწვრივ თარაზულად;

3.    შეიცავდეს, არანაკლებ, 7,5 სმ სიმაღლისა და, სულ მცირე, 9,5 მმ სისქის ასოებს და შემდეგ სავარაუდო ტექსტს: „ცეცხლმედეგი და/ან კვამლგაუმტარი ზღუდე – დაცულია ყველა ღიობი“, ან სხვა ტექსტს.

გამონაკლისი: სც-2 ჯგუფის დაკავებულობებში, კედლები, რომლებსაც არ აქვს კიდული დეკორატიული ჭერი, საიდანაც შესაძლებელია დამალულ სივრცესთან მიდგომა.

ქვეთავი 704 – სტრუქტურული ნაწილების ცეცხლმედეგობის  საერთო ხარისხი

704.1 მოთხოვნები. სტრუქტურული ნაწილებისა და მათი სისტემების ცეცხლმედეგობის ხარისხი უნდა აკმაყოფილებდეს ამ ქვეთავისა და კონსტრუქციის ტიპისადმი არსებულ მოთხოვნებს, როგორც 601-ე ცხრილშია განსაზღვრული. ცეცხლმედეგობის ხარისხები სტრუქტურულ ნაწილებზე დაყრდნობილი ანაწყობების ცეცხლმედეგობის ხარისხზე ნაკლები არ უნდა იყოს.

გამონაკლისი: ცეცხლმედეგი ზღუდეები, ცეცხლმედეგი ტიხრები, კვამლგაუმტარი ზღუდეები და თარაზული ანაწყობები, რომლებიც 708.4, 709.4 და 711.4 ქვეთავებშია განსაზღვრული.

704.2 სვეტების დაცვა. თუ სვეტებს ცეცხლმედეგობის ხარისხის  მქონე დამცავი უნდა ჰქონდეს, მთელი სვეტი ინდივიდუალურად უნდა დამუშავდეს ან შეიმოსოს ცეცხლმედეგობის ხარისხის  მქონე მასალებით, რომლებიც დაიცავს მას მთელ სიგრძეზე ყველა მხარეს, მათ შორის, სტრუქტურულ სხვა ნაწილებთან შეერთების ადგილებში. თუ სვეტი გრძელდება ჭერის გავლით, დამცავი ფენა უწყვეტი უნდა იყოს საძირკვლის ან იატაკ-ჭერის ანაწყობიდან ჭერის სივრცის გავლით სვეტის ბოლომდე.

704.3 მთავარი სტრუქტურული კარკასის (სვეტების გარდა) დაცვა. მთავარი სტრუქტურული კარკასის (სვეტების გარდა) ნაწილებს, რომელთაც ცეცხლმედეგობის ხარისხი უნდა ჰქონდეს და ზიდავდეს ორზე მეტ იატაკს ან ერთ იატაკს და სახურავს, ან მზიდ კედელს ან ორზე მეტი სართულის სიმაღლის არამზიდ კედელს, ინდივიდუალური დამცავი სამოსი უნდა ჰქონდეს, რომელიც ცეცხლმედეგობის ხარისხის მქონე მასალებით ყველა მხრიდან დაიცავს მათ მთელ სიგრძეზე, სტრუქტურულ სხვა ნაწილებთან შეერთებებიანად.

გამონაკლისი: ინდივიდუალური დამცავი სამოსი დასაშვებია ზემოქმედების ქვეშ მყოფ ყველა მხარეზე, თუ დაცვის ხარისხი შეესაბამება ცეცხლმედეგობის აუცილებელ ხარისხს, რომელიც განსაზღვრულია 703-ე ქვეთავში.

704.4 არაძირითადი ნაწილების დაცვა. არაძირითადი ნაწილები, რომელთაც უნდა ჰქონდეს ცეცხლმედეგობის ხარისხი, დაცული უნდა იყოს ინდივიდუალური დამცავი ფენით, მემბრანით ან თარაზული ანაწყობის ჭერით, 711-ე ქვეთავის შესაბამისად, ან ორივეს კომბინაციით.

704.4.1 მსუბუქკარკასიანი კონსტრუქცია. მთავარ დგარებსა და შემომსაზღვრელ ელემენტებს, რომლებიც მსუბუქკარკასიანი კონსტრუქციის მზიდი კედლების შემადგენელ ელემენტებია, დასაშვებია, ჰქონდეს ცეცხლმედეგობის ხარისხები, რომელთაც უზრუნველყოფს მზიდი კედლის დამცავი მემბრანა.

704.5 წამწის დაცვა. ცეცხლმედეგობის ხარისხის  მქონე წამწის ანაწყობების შემომზღუდავების აუცილებელი სისქე და კონსტრუქცია ნატურალური ზომის ნიმუშებზე ან წამწის შემადგენელ ნაწილებზე ჩატარებული სრულმასშტაბიანი ტესტების ან კომბინირებული ტესტების შედეგებს, ან ამ ტესტების საფუძველზე გაკეთებულ გამოთვლებს უნდა ეფუძნებოდეს, რომლებიც ადასტურებს, რომ ანაწყობს საჭირო ცეცხლმედეგობის ხარისხი აქვს.

704.6 მიმაგრება სტრუქტურულ ნაწილებზე. სტრუქტურულ ნაწილებზე მიმაგრებული ყუნწების, ბრჯენების (კრონშტეინების), მოქლონებისა და ჭანჭიკის თავების კიდეები დასაშვებია, აღწევდეს ცეცხლმედეგი მასალის ზედაპირში 2,5 სმ-მდე.

704.7 გამაძლიერებელი (ფოლადის წნელები). ბეტონის ან გაძლიერებული წყობის დამცავის სისქე უნდა გაიზომოს გამაძლიერებლის (ფოლადის წნელების) გარეთა მხარემდე, თუმცა საკიდები და გამაძლიერებლის (ფოლადის წნელების) სპირალური სამაგრები დამცავში არ უნდა აღწევდეს 1,25 სმ-ზე მეტად.

704.8 ბუდეები და შემომზღუდავები. მილები, მავთულები, სადენები, არხები ან მომსახურების სხვა საშუალებები არ უნდა განთავსდეს ისეთი სტრუქტურული ნაწილის ცეცხლმედეგ საფარში, რომელსაც ინდივიდუალური ბუდე სჭირდება.

704.9 დარტყმითი/მირტყმითი ზემოქმედებისგან დაცვა. თუ ნაგებობის ნაწილის ცეცხლისაგან დამცავი საფარი ზიანდება ავტომობილების მოძრაობის, სავაჭრო საქონლის ტრანსპორტირების ან რაიმე საქმიანობისას დარტყმითი/მირტყმითი ზემოქმედების შედეგად, ცეცხლისაგან დამცავი საფარი კუთხოვნებით, ლითონის გამძლე გარსაცმით ან სხვა არაწვადი მასალით  უნდა იყოს დაცული ისეთ სიმაღლემდე, რომ უზრუნველყოფილი იყოს სრული დაცვა, მაგრამ მოპირკეთებული იატაკიდან, არანაკლებ, 1,5 მ-მდე.

გამონაკლისი: კუთხის დამცავი საჭირო არ არის ბეტონის სვეტებზე ღია ან შემოზღუდულ ავტოსადგომ გარაჟებში.

704.10 სტუქტურული გარე ნაწილები. გარე კედლების საზღვრებში ან შენობის ან ნაგებობის გარეთ მდებარე სტრუქტურულ მზიდ ნაწილებს უნდა ჰქონდეს ცეცხლმედეგობის ყველაზე მაღალი ხარისხი, შემდეგნაირად განსაზღვრული:

1.    როგორც 601-ე ცხრილშია მოთხოვნილი შენობის ელემენტის ტიპისთვის, შენობის კონსტრუქციის ტიპის საფუძველზე;

2.    როგორც 601-ე ცხრილშია მოთხოვნილი გარე მზიდი კედლებისათვის კონსტრუქციის ტიპი საფუძველზე;

3.    როგორც 602-ე ცხრილშია მოთხოვნილი გარე კედლებისთვის ხანძარსაწინააღმდეგო მანძილის საფუძველზე.

704.11 ქვედა კიდის დაცვა. ცეცხლისაგან დამცავი საჭირო არ არის ზღუდარების ქვედა კიდესთან, თარო-კუთხოვნებთან და ფირფიტებთან, რომელთა მალის სიგრძე 1,9 მ-ს არ აღემატება, მიუხედავად იმისა, არის თუ არა მთავარი სტრუქტურული კარკასის ნაწილი, ასევე, ზღუდარების ქვედა კიდიდან, თარო-კუთხოვნებიდან და ფირფიტებიდან, რომლებიც არ არის მთავარი სტრუქტურული კარკასის ნაწილი, მიუხედავად იმისა, როგორია მალი.

704.12 სეისმური იზოლაციის სისტემები. საიზოლაციო სისტემის ცეცხლმედეგობის ხარისხი უნდა შეესაბამებოდეს სვეტების, კედლების ან სხვა სტრუქტურული ელემენტების ცეცხლმედეგობის ხარისხს, სადაც საიზოლაციო სისტემა 601-ე ცხრილის შესაბამისადაა მოწყობილი. საიზოლაციო სისტემები, რომელთაც ცეცხლმედეგობის ხარისხი უნდა ჰქონდეს, შესაბამისი მასალებით ან კონსტრუქციებით უნდა იყოს დაცული, რომლებიც ისე გეგმარდება, რომ ASTM E 119-ის ან UL 263-ის (იხ. ქვეთავი 703.2) შესაბამისად შემოწმების დროს ცეცხლმედეგობის ისეთივე ხარისხი უზრუნველყოს, როგორიც აქვს სტრუქტურულ ელემენტს, რომელშიც ის არის ჩამაგრებული.

საიზოლაციო ერთეულებზე გამოყენებულ ასეთ საიზოლაციო სისტემის დამცავს უნდა შეეძლოს საიზოლაციო ერთეულზე სითბოს გადაცემის შენელება იმგვარად, რომ საიზოლაციო ერთეულისათვის საჭირო სიმძიმის ძალაზე მედეგობის უნარი არ შესუსტდეს ASTM E 119-ში ან UL 263-ში აღწერილი სტანდარტული „ხანგრძლივობა-ტემპერატურის სახანძრო ტესტის“ შემდეგ, რომელიც გრძელდება, არანაკლებ, ნაგებობის იმ ელემენტის აუცილებელი ცეცხლმედეგობის ხარისხისათვის განსაზღვრული დროის განმავლობაში, რომელზეცაა განთავსებული.

საიზოლაციო ერთეულებზე გამოყენებული ასეთი საიზოლაციო სისტემის დამცავი შესაბამისად უნდა დაგეგმარდეს და განთავსდეს, რომ არ გადაადგილდეს, მოირყეს, დაზიანდეს ან სხვა მიზეზის გამო არ დაკარგოს სეისმურ გადაადგილებებზე მედეგობის უნარი და შეინარჩუნოს მთლიანობა საჭირო ცეცხლმედეგობის უზრუნველსაყოფად.

704.13 შესასხურებელი ცეცხლმედეგი მასალები. შესასხურებელი ცეცხლმედეგი მასალები უნდა შეესაბამებოდეს 704.13.1 – 704.13.5 ქვეთავებს.

704.13.1 ცეცხლმედეგობის ხარისხი. შესასხურებელი ცეცხლმედეგი მასალები უნდა შეესაბამებოდეს ცეცხლმედეგობის ხარისხსა და უსაფრთხოების მოთხოვნებს, რომლებიც ეხება (მაგრამ არა მხოლოდ ამას) გამოყენებული შესასხურებელი ცეცხლმედეგი მასალების მინიმალურ სისქესა და სიმკვრივეს მშრალ მდგომარეობაში, გამოყენების მეთოდს, ქვესაგები ზედაპირის მდგომარეობას და წებოებს, მამკვრივებლებს, გამამაგრებლებს ან სხვა მასალებს.

704.13.2 მწარმოებლის მითითებები. შესასხურებელი ცეცხლმედეგი მასალების გამოყენებისას უნდა დავიცვათ მწარმოებლის მითითებები. მითითებები უნდა მოიცავდეს შემდეგ მონაცემებს, მაგრამ არა მხოლოდ მათ: ფუძეშრის ტემპერატურები და ზედაპირის მდგომარეობა, შესასხურებელი ცეცხლმედეგი მასალების გადაზიდვა, შენახვა, არევა, გადატანა, გამოყენების მეთოდი, გამაგრება და განიავება.

704.13.3 ფუძეშრის მდგომარეობა. შესასხურებელი ცეცხლმედეგი მასალები ფუძეშრეზე უნდა შეესხუროს 704.13.3.1 – 704.13.3.2 ქვეთავების შესაბამისად.

704.13.3.1 ზედაპირის მდგომარეობა. ფუძეშრეები, რომლებსაც შესასხურებელი ცეცხლმედეგი მასალები უნდა შეესხუროს, უნდა გაიწმინდოს ჭუჭყის, ზეთის, ცხიმის, გამხსნელი ნივთიერებების, ფხვიერი ხენჯისა და ნებისმიერი სხვა მასალისგან, რომელიც მიწებებას ხელს შეუშლის. ფუძეშრეები ასევე თავისუფალი უნდა იყოს დასაგრუნტი მასალის, საღებავებისა და ჰერმეტიკებისგან. დასაშვებია დაგრუნტული, შეღებილი ან ჰერმეტიკით დაფარული ფოლადი, თუ შემოწმებამ აჩვენა, რომ მიწებების უნარი შენარჩუნებულია.

704.13.3.2 გრუნტები, საღებავები და ჰერმეტიკები. თუ შესასხურებელი ცეცხლმედეგი მასალები უნდა განთავსდეს გრუნტზე, საღებავებსა და ჰერმეტიკებზე (გარდა ნუსხაში შეტანილისა), მასალა ადგილზე უნდა შემოწმდეს ASTM E 736-ის შესაბამისად. თუ გრუნტებთან, საღებავებთან და ჰერმეტიკებთან ერთად შემოწმებული შესასხურებელი ცეცხლმედეგი მასალები ინარჩუნებს მიწებების უნარს, მათი გამოყენება დაგრუნტულ, შეღებილ ან ჰერმეტიკით დაფარულ ფართოშვერილიან ფოლადის ფორმებზე დასაშვებია შემდეგი პირობების დაცვით:

1.    კოჭის შვერილის სიგანე არ უნდა აღემატებოდეს 30 სმ-ს;

2.    სვეტის შვერილის სიგანე არ უნდა აღემატებოდეს 40 სმ-ს;

3.    კოჭის ან სვეტის კედლის სიმაღლე არ უნდა აღემატებოდეს 40 სმ-ს.

4.    მოჭიდების საშუალო და მინიმალური სიმტკიცე უნდა განისაზღვროს მოჭიდების, სულ მცირე, ხუთი ტესტის საშუალებით, რომლებიც ASTM E 736-ის შესაბამისად უნდა ჩატარდეს. ASTM E 736-ის შესაბამისად ჩატარებული მოჭიდების  ტესტებმა უნდა აჩვენოს, რომ მოჭიდების მინიმალური საშუალო სიმტკიცე 80%-ია, ხოლო მოჭიდების მინიმალური ინდივიდუალური სიმტკიცე – 50%, თუ შევადარებთ 3 მმ სისქის სუფთა, შეუღებავ ფოლადის ფირფიტაზე გამოყენებული შესასხურებელი ცეცხლმედეგი მასალის მოჭიდების სიმტკიცეს.

704.13.4 ტემპერატურა. სულ მცირე, 4,44°C გარემომცველი და ფუძეშრის ტემპერატურა შესასხურებელი ცეცხლმედეგი მასალების შესხურების დროს და შემდეგი 24 საათის განმავლობაში უნდა შენარჩუნდეს, თუ მწარმოებლის ინსტრუქციებში სხვაგვარად არაა მითითებული.

704.13.5 საბოლოო მდგომარეობა. ნაგებობის ნაწილებზე ან ანაწყობებზე შესხურებულ ცეცხლმედეგ მასალებს მთლიანად გაშრობისა და გამაგრების შემდეგ ბზარები, ფორები, ფხაჭები, განშრევება ან ფუძეშრის ზემოქმედებით გამოწვეული რაიმე წუნი არ უნდა ჰქონდეს. დასაშვებია, შესასხურებელ ცეცხლმედეგ მასალებს უსწორმასწორო ზედაპირი ჰქონდეს.

ქვეთავი 705 – გარე კედლები

705.1 ზოგადი. გარე კედლები უნდა შეესაბამებოდეს ამ ქვეთავს.

705.2 ნაშვერები. ლავგარდანები (კარნიზები), სახურავის ნაშვერები, გარე აივნები და მსგავსი ნაშვერები, რომლებიც გარე კედლის მიღმა გრძელდება, ამ ქვეთავისა და 1406-ე ქვეთავის მოთხოვნებს უნდა აკმაყოფილებდეს. გარე გასასვლელის აივნები და გარე გასასვლელის გზა-კიბეები, ასევე, 1019-ე და 1026-ე ქვეთავებს უნდა შეესაბამებოდეს. ხანძარსაწინააღმდეგო მანძილის ასათვლელად, ნაშვერები  არ უნდა უახლოვდებოდეს ხანძარსაწინააღმდეგო მანძილის ასათვლელ ხაზს 705.2 ცხრილში მითითებულ მანძილზე მეტად.

ცხრილი 705.2

ნაშვერის მინიმალური მანძილი

ხანძარსაწინააღმდეგო მანძილი	მინიმალური მანძილი ხაზიდან, რომლიდანაც აითვლება ხანძარსაწინააღმდეგო მანძილი
0 მმ-დან 60 სმ-მდე	ნაშვერები დაუშვებელია
60 სმ-დან 1,5 მ-მდე	60 სმ
1,5 მ ან მეტი	1,0 მ

სეე: 1 ფუტი = 304,8 მმ-ს; 1 დუიმი = 25,4 მმ.

გამონაკლისი: მიწის ერთ ნაკვეთზე მდებარე და, 705.3 ქვეთავის მიხედვით, ერთი შენობის ნაწილებად მიჩნეული შენობებისთვის ამ ქვეთავის მოთხოვნებთან შესაბამისობა სავალდებულო არ არის.

705.2.1 I და II ტიპის კონსტრუქცია. I და II ტიპის კონსტრუქციის კედლებიდან ნაშვერები არაწვადი ან წვადი მასალების უნდა იყოს, როგორც ნებადართულია 1406.3 და 1406.4 ქვეთავებით.

705.2.2 III, IV ან V ტიპის კონსტრუქცია. III, IV ან V ტიპის კონსტრუქციის კედლებიდან ნაშვერები ნებისმიერი ნებადართული მასალის უნდა იყოს.

705.2.3 წვადი ნაშვერები. წვადი ნაშვერები, რომლებიც ხანძარსაწინააღმდეგო მანძილის დასადგენი ხაზიდან 1,5 მ-ის საზღვრებში გრძელდება ან ისეთ ადგილებში მდებარეობს, სადაც დაუშვებელია ღიობები, ან სადაც საჭიროა დაცული ღიობები, უნდა იყოს, სულ მცირე, ერთსაათანი ცეცხლმედეგობის ხარისხიანი კონსტრუქცია, IV ტიპის კონსტრუქცია, ცეცხლმედეგობისთვის დამუშავებული ხის მასალისგან ან 1406.3 ქვეთავის მოთხოვნებს უნდა აკმაყოფილებდეს.

გამონაკლისი: სც-3 და დს ჯგუფის დაკავებულობებში, სადაც ხანძარსაწინააღმდეგო მანძილი 1,5 მ ან მეტია, დასაშვებია VB ტიპის კონსტრუქცია.

705.3 მიწის ერთ ნაკვეთზე მდებარე შენობები. კედლისა და ღიობის აუცილებელი დამცავების, ნაშვერებისა და სახურავის ბურულისადმი მოთხოვნების განსაზღვრის მიზნით, მიწის ერთ ნაკვეთზე მდებარე შენობებს შორის უნდა გაივლოს წარმოსახვითი საზღვარი.

თუ მიწის იმავე ნაკვეთზე, სადაც არსებული შენობა დგას, ახალი შენობა უნდა აიგოს, წარმოსახვითი საზღვარი არსებული შენობის მიმართ ისე უნდა მდებარეობდეს, რომ არსებული შენობის გარე კედელი და ღიობის დამცავი 705.5 და 705.8 ქვეთავებში განსაზღვრულ კრიტერიუმებს აკმაყოფილებდეს.

გამონაკლისი: მიწის ერთ ნაკვეთზე მდებარე ორი ან მეტი შენობა უნდა დარეგულირდეს როგორც ცალ-ცალკე შენობები, ან ერთი შენობის ნაწილებად უნდა განიხილებოდეს, თუ ასეთი შენობების საერთო ფართობი მე-5 თავში თითო შენობისათვის გათვალისწინებულ ზღვრებს არ სცდება. თუ შენობები მოიცავს სხვადასხვა დაკავებულობის ჯგუფებს ან შენობებში სხვადასხვა ტიპის კონსტრუქციებია, ფართობი ყველაზე შეზღუდული დაკავებულობის ან კონსტრუქციისთვის ნებადართული ზომისა უნდა იყოს.

705.4 მასალები. გარე კედლების მასალები შენობის კონსტრუქციის ტიპს უნდა შეესაბამებოდეს.

705.5 ცეცხლმედეგობის ხარისხები. გარე კედლების ცეცხლმედეგობის ხარისხი 601-ე და 602-ე ცხრილებს და ამ ქვეთავს უნდა შეესაბამებოდეს. 3,0 მ-ზე დიდი ხანძარსაწინააღმდეგო მანძილის მქონე გარე კედლების ცეცხლმედეგობის ხარისხი უნდა განისაზღვროს შიგა მხრიდან ცეცხლის ზემოქმედების მიხედვით. 3,0 მ ან ნაკლები ხანძარსაწინააღმდეგო მანძილის მქონე გარე კედლების ცეცხლმედეგობის ხარისხი უნდა განისაზღვროს ორივე მხრიდან ცეცხლის ზემოქმედების მიხედვით.

705.6 სტრუქტურული მდგრადობა. კედელი უნდა ვრცელდებოდეს 705.11 ქვეთავში განსაზღვრულ სიმაღლემდე და სტრუქტურულად საკმარისად მდგრადი უნდა იყოს, რომ ცეცხლმედეგობის ხარისხით განსაზღვრული დროის განმავლობაში ადგილზე დარჩეს. თუ გარე კედლების მინიმალური ხანძარსაწინააღმდეგო მანძილი, არანაკლებ, 9,0 მ-ია, ნაგებობის შიგა ელემენტებს, რომლებიც აკავშირებს/კრავს გარე კედელს, მაგრამ გარე კედლის სიბრტყეში არ მდებარეობს, 601-ე ცხრილში  ამ სტრუქტურული ელემენტისთვის მითითებული მინიმალური ცეცხლმედეგობის ხარისხი უნდა ჰქონდეს. სტრუქტურულ ელემენტებს, რომლებიც აკავშირებს/კრავს გარე კედელს, მაგრამ გარე კედლის გარეთ ან გარე კედლის სიბრტყეში მდებარეობს, 601-ე და 602-ე ცხრილებში გარე კედლისთვის მითითებული მინიმალური ცეცხლმედეგობის ხარისხი უნდა ჰქონდეს.

705.7  ტემპერატურა ზედაპირისა, რომელიც არ განიცდის ზემოქმედებას. თუ დაცულ ღიობებზე არ ვრცელდება 705.8 ქვეთავში მოცემული ზღვრები, გარე კედლების ზედაპირზე, რომელიც ზემოქმედებას არ განიცდის, ტემპერატურის მატების შეზღუდვა, გათვალისწინებული ASTM E 119-ში ან UL 263-ში, არ გამოიყენება. თუ დაცულ ღიობებზე ვრცელდება 705.8 ქვეთავში მოცემული ზღვრები, გარე კედლების ზედაპირზე, რომელიც ზემოქმედებას არ განიცდის, ტემპერატურის მატების შეზღუდვა, გათვალისწინებულია ASTM E 119-ში ან UL 263-ში, არ გამოიყენება იმ შემთხვევაში, თუ გარე კედლის ზედაპირიდან, რომელიც ზემოქმედებას არ განიცდის, წამოსული გამოსხივება კორექტირებულია შემდეგი განტოლების მიხედვით:

 

A_e= A+(A_f × F_eo)                                                                                                                                  (განტოლება 7-1)

სადაც:

A_e   =   დაცული ღიობების ეკვივალენტური ფართობი;

A   =   დაცული ღიობების რეალური ფართობი;

A_f = გარე კედლის ზედაპირის ფართობი განსახილველ სართულზე, ღიობების გამოკლებით, რომელზეც ASTM E 119-ში ან UL 263-ში კედლებისათვის გათვალისწინებული ტემპერატურის ზღვრები გადაჭარბებულია;

F_eo = „ღიობის ეკვივალენტური ფაქტორი“ სურ. 705.7-ის მიხედვით, რომელიც ეფუძნება ზემოქმედების ქვეშ არმყოფი კედლის ზედაპირის საშუალო ტემპერატურას და კედლის ცეცხლმედეგობის ხარისხს.

 

სურათი 705.7

ღიობის ეკვივალენტური ფაქტორი

705.8 ღიობები. გარე კედლების ღიობები 705.8.1 – 705.8.6 ქვეთავებს უნდა შეესაბამებოდეს.

705.8.1 ღიობებისთვის დასაშვები ფართობი. შენობის ნებისმიერ სართულზე გარე კედლებში ნებადართული დაუცველი და დაცული ღიობების მაქსიმალური ფართობი არ უნდა აღემატებოდეს 705.8 ცხრილში განსაზღვრულ პროცენტულ მაჩვენებლებს.

გამონაკლისი:

1.    დსშ ჯგუფის დაკავებულობებისგან განსხვავებულ დაკავებულობებში, დასაშვები დაუცველი ღიობების რაოდენობა შეუზღუდავია მიწის ზედაპირიდან პირველ სართულზე:

1.1.  სადაც კედელი პირით ქუჩისკენაა განთავსებული და ხანძარსაწინააღმდეგო მანძილი 4.5 მ-ზე მეტია;

1.2.  სადაც კედელი პირით დაუკავებელი სივრცისკენაა განთავსებული. დაუკავებელი სივრცე იმავე მიწის ნაკვეთზეა ან საზოგადოებრივ გამოყენებაშია, 9,0 მ-ზე ვიწრო არაა და სახანძრო ზოლი აქვს, რომელიც ქუჩიდან მისადგომს ქმნის.

2.    შეუზღუდავი რაოდენობის დაუცველი ღიობები დასაშვებია შენობებში, რომელთა გარე მზიდ კედლებს, გარე არამზიდ კედლებსა და გარე მთავარ სტრუქტურულ ჩარჩოს არ მოეთხოვება, ჰქონდეს ცეცხლმედეგობის ხარისხი.

705.8.2 დაცული ღიობები. თუ აუცილებელია, რომ ღიობები იყოს დაცული, ცეცხლმედეგი კარები ან ცეცხლმედეგი ფირფიტანები (ჟალუზები) უნდა შეესაბამებოდეს 716.5 ქვეთავს, ხოლო ცეცხლმედეგი ფანჯრის ანაწყობები – 716.6 ქვეთავს.

გამონაკლისი: ღიობის დამცავები საჭირო არაა იქ, სადაც შენობა მთლიანად დაცულია 903.3.1.1 ქვეთავის შესაბამისი ავტოსაშხეფი სისტემით, გარე ღიობები კი – წყლის ფარდით, რომელიც ამ დანიშნულებისათვის ნებადართულ ავტოსაშხეფებს იყენებს.

705.8.3 დაუცველი ღიობები. თუ ნებადართულია დაცული ღიობები, ფანჯრები და კარები უნდა აიგოს ნებისმიერი ნებადართული მასალით.

705.8.4 შერეული ღიობები. თუ როგორც დაუცველი, ისე დაცული ღიობები მდებარეობს შენობის ნებისმიერი სართულის გარე კედელში, ღიობების საერთო ფართობი უნდა განისაზღვროს შემდეგი განტოლებით:

(Ap/ap)+(Au/au)<1

(განტოლება 7-2)

სადაც:

A_p   =  დაცული ღიობების რეალური ფართობი ან დაცული ღიობების ეკვივალენტური ფართობი, A_e (იხ. ქვეთავი 705.7)

a_p   =  დაცული ღიობების დასაშვები ფართობი

A_u   =  დაცული ღიობების რეალური ფართობი

a_u   =  დაუცველი ღიობების დასაშვები ფართობი

705.8.5 ღიობების შვეული გამიჯვნა. თუ ღიობები ერთმანეთისგან დაშორებულია 1,5 მ-ის საზღვრებში თარაზულად და ქვედა სართულის ღიობი არ არის ¾ სთ-იანი (45 წთ) ცეცხლისაგან დაცვის ხარისხის მქონე დაცული ღიობი, მომიჯნავე სართულებზე გარე კედლების ღიობები უნდა გაიმიჯნოს შვეულად, რომ შენობების გარე კედლებზე ცეცხლი არ გავრცელდეს. ასეთი ღიობები შვეულად უნდა გაიმიჯნოს, სულ მცირე, 90 სმ-ით, სპანდრელით (შეკიდული კედლის ნაწილი), გარე კედლებით ან სხვა მსგავსი ანაწყობებით, რომელთა ცეცხლმედეგობის ხარისხი სულ მცირე, 1 საათია, ან ალის ზღუდარებით, რომლებიც ვრცელდება თარაზულად გარე კედლიდან სულ მცირე, 76 სმ-ზე. ალის ზღუდარების ცეცხლმედეგობის ხარისხი, სულ მცირე, 1 საათი უნდა იყოს. შეზღუდვები ზედაპირებისთვის, რომლებზეც არ ზემოქმედებს ASTM E 119-ში ან UL 263-ში მითითებული ტემპერატურები, არ ეხება ალგაუმტარ ზღუდარებს ან შვეულ გამმიჯნავს, თუ წესების დებულებები სხვაგვარად არ მოითხოვს.

გამონაკლისი:

1.    ეს ქვეთავი არ ეხება მიწის დონიდან სამ ან სამზე ნაკლებსართულიან შენობებს;

2.    ეს ქვეთავი არ ეხება შენობებს, რომლებიც აღჭურვილია 903.3.1.1 ან 903.3.1.2 ქვეთავის შესაბამისად დაყენებული ავტოსაშხეფი სისტემით;

3.    ღია ავტოსადგომი გარაჟები.

705.8.6 შვეული ზემოქმედება. მიწის ერთ ნაკვეთზე მდებარე შენობებში ყველა ღიობს, რომლებიც მომიჯნავე შენობის ან ნაგებობის სახურავიდან დაშორებულია შვეულად 4,5 მ-ზე ნაკლები მანძილით, მათ შორის, წარმოსახვითი ხაზის გავლების საფუძველზე, არანაკლებ, ¾-საათიანი (45-წუთიანი) ცეცხლმედეგობის ხარისხის  მქონე ღიობის დამცავები უნდა ჰქონდეს. 

გამონაკლისი:

1. ღიობის დამცავები აუცილებელი არ არის იქ, სადაც მომიჯნავე შენობის ან ნაგებობის სახურავის ანაწყობის ცეცხლმედეგობის ხარისხი, არანაკლებ, 1 საათია, ხოლო წარმოსახვითი ხაზის მოპირდაპირე გარე კედლიდან მინიმალური დაშორება 3,0 მ-ია და ცეცხლმედეგობის ხარისხის  მქონე სახურავის ანაწყობის საყრდენ ელემენტებს მთელ სიგრძესა და სიგანეზე, არანაკლებ, 1-საათიანი ცეცხლმედეგობის ხარისხი აქვს.

2. მიწის ერთ ნაკვეთზე მდებარე შენობები, რომლებიც ერთი შენობის ნაწილებად მიიჩნევა 705.3 ქვეთავის შესაბამისად, არ საჭიროებს 705.8.6 ქვეთავთან შესაბამისობას.

ცხრილი 705.8

გარე კედლის ღიობების მაქსიმალური ფართობი ხანძარსაწინააღმდეგო მანძილისა და ღიობის დაცვის ხარისხის მიხედვით

ხანძარსაწინააღმდეგო მანძილი (მეტრებში)			ღიობების დაცვის ხარისხი	დასაშვები ფართობი
0 და მეტი და 1.0-ზე ნაკლებიბ,გ			დაუცველი, საშხეფების გარეშე	დაუშვებელია
			დაუცველი, საშხეფებით	დაუშვებელია
			დაცული	დაუშვებელია
1.0 მ და მეტი და 1.5 მ-ზე ნაკლებიდ,ე			დაუცველი, საშხეფების გარეშე	დაუშვებელია
			დაუცველი, საშხეფებით	15%
			დაცული	15%
1.5 მ და მეტი და 3.0 მ-ზე ნაკლებიე,ვ			დაუცველი, საშხეფების გარეშე	10%
			დაუცველი, საშხეფებით	25%
			დაცული	25%
3.0 მ და მეტი და 4.5 მ-ზე ნაკლებივ,ზ			დაუცველი, საშხეფების გარეშე	15%
			დაუცველი, საშხეფებით	45%
			დაცული	45%
4.5 მ და მეტი და 6.0 მ-ზე ნაკლებივ,ზ			დაუცველი, საშხეფების გარეშე	25%
			დაუცველი, საშხეფებით	75%
			დაცული	75%
6.0 მ და მეტი და 7.5 მ-ზე ნაკლებივ,ზ			დაუცველი, საშხეფების გარეშე	45%
			დაუცველი, საშხეფებით	შეუზღუდავია
			დაცული	შეუზღუდავია
7.5 მ და მეტი და 9.0 მ-ზე ნაკლებივ,ზ			დაუცველი, საშხეფების გარეშე	70%
			დაუცველი, საშხეფებით	შეუზღუდავია
			დაცული	შეუზღუდავია
9.0 მ ან მეტი			დაუცველი, საშხეფების გარეშე	შეუზღუდავია
			დაუცველი, საშხეფებით	აუცილებელი არ არის
			დაცული	აუცილებელი არ არის
დაუცველი, საშხეფების გარეშე	=	დაუცველი ღიობები შენობებში, რომლებიც არაა აღჭურვილი 903.3.1.1 ქვეთავის შესაბამისი ავტოსაშხეფი სისტემით.
დაუცველი, საშხეფებით	=	დაუცველი ღიობები შენობებში, რომლებიც მთლიანადაა აღჭურვილი 903.3.1.1 ქვეთავის შესაბამისი ავტოსაშხეფი სისტემით.
დაცული	=	ღიობები, რომლებიც დაცულია ღიობის დამცავი ანაწყობებით, 706.6.1 ქვეთავის შესაბამისად.

ა. მითითებული მნიშვნელობები წარმოადგენს გარე კედლის ფართობის პროცენტს.

ბ. განსხვავებული სიმაღლეების მქონე შენობების ცეცხლმედეგი კედლების მიმართ არსებული მოთხოვნების შესახებ იხ. ქვეთავი 706.6.1.

გ. ერთსა და იმავე მიწის ნაკვეთზე მდებარე შენობების ცეცხლმედეგი კედლების ღიობებისთვის იხ. ქვეთავი 706.8.

დ.   სც-3 ჯგუფის ფართობებისათვის დაუცველი და დაცული გარე კედლის ღიობები, მაქსიმუმ, 25%-ს უნდა შეადგენდეს.

ე. დსშ-2 ან დსშ -3 ჯგუფში დაუცველი ღიობები დასაშვები უნდა იყოს, თუ ხანძარსაწინააღმდეგო მანძილი 4,5  მ ან ამაზე ნაკლებია.

ვ. დაუცველი და დაცული ღიობების ფართობი სც-3 ჯგუფის ფართობებზე შეუზღუდავია, რომელთა ხანძარსაწინააღმდეგო მანძილი 1,5 მ ან ამაზე მეტია.

ზ. ღია ავტოსადგომ ნაგებობაში, რომლის ხანძარსაწინააღმდეგო მანძილი 3,0 მ-ს აღემატება, ღიობების ფართობი არ უნდა  შეიზღუდოს.

ზ. მოიცავს სც-3 ჯგუფის დამხმარე შენობებს.

თ. არ გამოიყენება დსშ-1, დსშ-2 და დსშ-3 ჯგუფის დაკავებულობებში.

705.9 ნაკერები. გარე კედლებში ან მათ შორის არსებული ნაკერები, რომელთაც ამ ქვეთავის მიხედვით უნდა ჰქონდეს ცეცხლმედეგობის ხარისხი, 715-ე ქვეთავს უნდა შეესაბამებოდეს.

გამონაკლისი: დასაშვებია, გარე კედლებში არსებულ ნაკერებს ჰქონდეს დაუცველი ღიობები.

705.9.1 ფორები. იატაკ-ჭერისა და გარე არამზიდი კედლის ანაწყობების გადაკვეთის ადგილას წარმოქმნილი სიცარიელე 715.4 ქვეთავის შესაბამისად უნდა იყოს დაცული.

705.10 არხები და საჰაერო ღიობები. ცეცხლმედეგობის ხარისხის  მქონე გარე კედლებში გამავალი დამცავებიანი საჰაერო არხები და საჰაერო ღიობები 717-ე ქვეთავს უნდა შეესაბამებოდეს.

გამონაკლისი: დასაშვებია საძირკვლის საჰაერო ხვრელები, რომლებიც მოწყობილია წესების შესაბამისად.

705.11 პარაპეტები. შენობის გარე კედლებს პარაპეტები უნდა ჰქონდეს.

გამონაკლისი: გარე კედელს პარაპეტი არ სჭირდება, თუ დაცულია ქვემოთ მოცემული რომელიმე პირობა:

1.    კედელს შეიძლება არ ჰქონდეს 602-ე ცხრილში განსაზღვრული ცეცხლმედეგობის ხარისხი, ხანძარსაწინააღმდეგო მანძილის გამო.

2.    შენობის ნებისმიერი იატაკის ფართობი 100 მ²-ს არ აღემატება.

3.    კედლები, რომლებიც მთავრდება 2-საათიანი ცეცხლმედეგობის ხარისხის  მქონე სახურავის ანაწყობთან ან სადაც სახურავი, ფენილის (ან ფილის) და საყრდენი კონსტრუქციის ჩათვლით, მთლიანად არაწვადი მასალებისაგანაა აგებული.

4.    1-საათიანი ცეცხლმედეგობის ხარისხის  მქონე გარე კედლები, რომლებიც მთავრდება სახურავის ფიცარფენილის, ფენილის ან ფილის ქვეშ:

4.1.  სადაც სახურავ-ჭერის კარკასის ელემენტები კედლების პარალელურია, ასეთი კარკასი და მისი საყრდენი ელემენტები, კედლის შიგა მხრიდან გაზომვის დროს, უნდა იყოს, არანაკლებ, 1-საათიანი ცეცხლმედეგობის ხარისხის  მქონე კონსტრუქცია სც და დს ჯგუფებში 1,2 მ სიგანისთვის და სხვა დაკავებულობებში – 3,0 მ სიგანისთვის.

4.2.  სადაც სახურავ-ჭერის კარკასის ელემენტები არ არის კედლის პარალელური, ასეთი კარკასი და მისი საყრდენი ელემენტები მთელ სიგანეზე უნდა იყოს, არანაკლებ, 1-საათიანი ცეცხლმედეგობის ხარისხის  მქონე კონსტრუქცია.

4.3.  კედლის შიგა მხრიდან გაზომვისას სახურავის ღიობები ცეცხლმედეგობის ხარისხის  მქონე გარე კედლიდან 1,5 მ-ის საზღვრებში არ უნდა მდებარეობდეს სც და დს ჯგუფებში, ხოლო სხვა დაკავებულობებში – 3,0 მ-ის საზღვრებში.

4.4.  მთელ შენობას უნდა ჰქონდეს არანაკლებ B კლასის სახურავის ბურული.

5.    სც-2 და სც-3 ჯგუფებში, სადაც მთელი შენობა გადახურულია C კლასის სახურავის ბურულით, დასაშვებია, გარე კედელი მთავრდებოდეს სახურავის ფიცარფენილის ან ფენილის ქვეშ III, IV და V ტიპის კონსტრუქციებში, თუ:

4.5.  სახურავის ფიცარფენილი ან ფენილი მოწყობილია ნებადართული არაწვადი მასალებით ან ცეცხლმედეგობისთვის დამუშავებული ხით 1,2 მ მანძილზე;

4.6.  სახურავი დაცულია 1,6 სმ-იანი X ტიპის თაბაშირის ფილით უშუალოდ სახურავის ფიცარფენილის ან ფენილის ქვეშ, რომელიც ეყრდნობა, სულ მცირე, 5 სმ ნომინალური ზომის განივ ძელებს, მიმაგრებულს სახურავის კარკასის ელემენტების გვერდებზე, სულ მცირე, 1,2 მ მანძილზე.

6.    თუ, 705.8 ქვეთავის შესაბამისი ხანძარსაწინააღმდეგო მანძილის საფუძველზე, გარე კედლის ფართობის, სულ მცირე, 25%-ზე დასაშვებია დაუცველი ღიობები.

705.11.1 პარაპეტის აგება. პარაპეტებს ცეცხლმედეგობის ისეთივე ხარისხი უნდა ჰქონდეს, როგორიც აუცილებელია საყრდენი კედლისათვის. სახურავის ზედაპირის მოსაზღვრე ნებისმიერ მხარეს, მაქსიმუმ, 46 სმ სიმაღლეზე, პარაპეტის ზედაპირი უნდა იყოს არაწვადი მასალის, არაწვადი უნდა იყოს ასევე გადამფარავი ჰიდროიზოლაცია და ლავგარდანის (კარნიზის) მასალები. პარაპეტის სიმაღლე არ უნდა იყოს 76 სმ-ზე ნაკლები იმ წერტილიდან, სადაც სახურავის ზედაპირი და კედელი ერთმანეთს კვეთს. თუ პარაპეტისკენ დახრილი სახურავის ქანობები აღემატება ორ შვეულ ერთეულს თორმეტ თარაზულ ერთეულზე (2 : 12) (16,7% ქანობი), პარაპეტი ისეთივე სიმაღლეზე უნდა გაგრძელდეს, როგორზეც ხანძარსაწინააღმდეგო მანძილის საზღვრებში მოქცეული სახურავის ნებისმიერი ნაწილი, სადაც აუცილებელია კედლის ღიობების დაცვა, მაგრამ მისი სიმაღლე არავითარ შემთხვევაში არ უნდა იყოს 76 სმ-ზე ნაკლები.

ქვეთავი 706 – ცეცხლმედეგი კედლები

706.1 ზოგადი. შენობის თითოეული ნაწილი, რომელიც ამ ქვეთავის დებულებების შესაბამისი ერთი ან მეტი ცეცხლმედეგი კედლითაა გამიჯნული, გამიჯნულ შენობად მიიჩნევა. ასეთი ცეცხლმედეგი კედლების განლაგება და მდებარეობა სრულ გამიჯვნას უნდა უზრუნველყოფდეს. თუ ცეცხლმედეგი კედელი ასევე მიჯნავს კედლის ცეცხლმედეგი ზღუდით გასამიჯნ დაკავებულობებს, თითოეული გამიჯვნისათვის არსებული ყველაზე შემზღუდავი მოთხოვნები გამოიყენება.

706.1.1 საზიარო კედლები. ნებისმიერი კედელი, რომელიც მომიჯნავე შენობებს შორის მიწის ნაკვეთის საზღვარზე მდებარეობს და ორი შენობის დასაკავშირებლად გამოიყენება, უნდა აიგოს, როგორც 706-ე ქვეთავის შესაბამისი ცეცხლმედეგი კედელი. საზიარო კედლებს ღიობები არ უნდა ჰქონდეს და შენობებს უნდა მიჯნავდეს.

გამონაკლისი: ღიობები საზიარო კედლებში, რომლებიც მიდგმულ შენობასა და მოლს მიჯნავს, 402.7.3.1 ქვეთავს უნდა შეესაბამებოდეს.

706.2 სტრუქტურული მდგრადობა. ხანძრის პირობებში ცეცხლმედეგ კედლებს უნდა ჰქონდეს საკმარისი სტრუქტურული მდგრადობა, რათა კონსტრუქციის ორივე მხრიდან ჩამონგრევამ არ გამოიწვიოს კედლის დანგრევა აუცილებელი ცეცხლმედეგობის ხარისხით განსაზღვრული დროის განმავლობაში ან უნდა აიგოს, როგორც ორმაგი ცეცხლმედეგი კედელი, NFPA 221-ის შესაბამისად.

706.3 მასალები. ცეცხლმედეგი კედლები  ნებისმიერი არაწვადი მასალით იგება.

გამონაკლისი: V ტიპის კონსტრუქციის შენობები.

706.4 ცეცხლმედეგობის ხარისხი. ცეცხლმედეგი კედლების ცეცხლმედეგობის ხარისხი არ უნდა იყოს 706.4 ცხრილში განსაზღვრულზე ნაკლები.

ცხრილი 706.4

ცეცხლმედეგი კედლის ცეცხლმედეგობის ხარისხები

ჯგუფი	ცეცხლმედეგობის ხარისხი (სთ)
თვ, სქ, სგ, დსშ-4, დწ, სც-1, სც-2, დს	3ა
სმ-1, დსშ-3b, დსშ-5, სვ, სწ-1	3
დსშ-1, დსშ-2	4ბ
დსშ, სმ-2, სწ-2, სც-3, სც-4	2

ა.    II ან V ტიპის კონსტრუქციაში დასაშვებია, კედლებს ჰქონდეს 2-საათიანი ცეცხლმედეგობის ხარისხი.

ბ.   დსშ-1, დსშ-2 ან დსშ-3 ჯგუფის შენობები, ასევე იხ. ქვეთავები 415.6 და 415.7.

706.5 თარაზული უწყვეტობა. ცეცხლმედეგი კედლები უწყვეტი უნდა იყოს გარე კედლიდან გარე კედლამდე და გარე კედლების გარე ზედაპირებიდან გამოშვერილი უნდა იყოს, სულ მცირე, 45 სმ-ით.

გამონაკლისი:

1.    დასაშვებია, ცეცხლმედეგი კედლები გარე წვადი ფენილის ან გარსამოსის შიგა ზედაპირთან შეწყდეს, თუ გარე კედლის ცეცხლმედეგობის ხარისხი, სულ მცირე, 1 საათია, ცეცხლმედეგი კედლის ორივე მხარეს, სულ მცირე, 1,2 მ თარაზულ მანძილზე. ასეთი გარე კედლების ღიობები ღიობის დამცავებით უნდა იყოს დაცული, რომელთა ცეცხლმედეგობის ხარისხი ¾ საათია (45 წუთია).

2.    დასაშვებია, ცეცხლმედეგი კედლები გარე არაწვადი ფენილის, გარსამოსის ან სხვა არაწვადი მოპირკეთების შიგა ზედაპირთან შეწყდეს, თუ ფენილი, გარსამოსი ან სხვა არაწვადი გარე მოპირკეთება, სულ მცირე, 1,2 მ თარაზულ მანძილზე გრძელდება ცეცხლმედეგი კედლის ორივე მხარეს.

3.    დასაშვებია, ცეცხლმედეგი კედლები გარე არაწვადი ფენილის შიგა ზედაპირთან შეწყდეს, თუ შენობა ცეცხლმედეგი კედლის ორივე მხრიდან დაცულია 903.3.1.1 ან 903.3.1.2 ქვეთავების შესაბამისად დაყენებული ავტოსაშხეფი სისტემით.

706.5.1 გარე კედლები. თუ ცეცხლმედეგი კედელი კვეთს გარე კედელს, ცეცხლმედეგობის ხარისხი და გარე ღიობის დამცავი უნდა შეესაბამებოდეს ქვემოთ ჩამოთვლილთაგან ერთ-ერთს:

1.    თუ 705.8 ქვეთავის მოთხოვნით ღიობი დაცული უნდა იყოს, ცეცხლმედეგი კედლის ორივე მხარეს გარე კედლების ცეცხლმედეგობის ხარისხი 1 საათი უნდა იყოს, ხოლო ღიობის დამცავისა – ¾ საათი (45 წუთი). ცეცხლმედეგი კედლისა და გარე კედლის გადაკვეთის ადგილიდან, სულ მცირე, 1,2 მ მანძილამდე, გარე კედელს ორივე მხარეს უნდა ჰქონდეს ცეცხლმედეგობის ხარისხი. ცეცხლმედეგი კედლებისა და გარე კედლების გადაკვეთის ადგილებს, რომლებიც ქმნის 180 ან ამაზე მეტგრადუსიან კუთხეს, გარე კედლის დამცავები არ სჭირდება;

2.    შენობებს ან სივრცეებს გადამკვეთი ცეცხლმედეგი კედლის ორივე მხარეს უნდა ჰქონდეს წარმოსახვითი საზღვარი ცეცხლმედეგ კედელთან, რომელიც გაგრძელდება ცეცხლმედეგი კედლის გარე მხარის მიღმა. გარე კედლებისა და ცეცხლმედეგი კედლის მიმართ წარმოსახვით ხაზს ისეთი მდებარეობა უნდა ჰქონდეს, რომ გარე კედლის ღიობების დამცავები აკმაყოფილებდეს 705.5 და 705.8 ქვეთავების მოთხოვნებს. ასეთი დამცავები არ სჭირდება გარე კედლებს, რომლებიც მთავრდება ცეცხლმედეგ კედლებთან და ქმნის 180 ან ამაზე მეტგრადუსიან კუთხეს.

706.5.2 თარაზულად გამოშვერილი ელემენტები. ცეცხლმედეგი კედლები მათგან 1,2 მ-ის საზღვრებში მდებარე თარაზული ნაშვერების, მაგ., აივნების, სახურავის ნაშვერების, ჩარდახების, ტენტებისა და მსგავსი ნაშვერების გარე კიდემდე უნდა გრძელდებოდეს.

გამონაკლისი:

1.    დამალული სივრცეების არმქონე თარაზული ნაშვერები, თუ გარე კედლის უკან და ქვემოთ გამოშვერილი ელემენტის ცეცხლმედეგობის ხარისხი არ არის 1 საათზე ნაკლები გამოშვერილი ელემენტის სიღრმეზე ნაკლებ მანძილამდე ცეცხლმედეგი კედლის ორივე მხარეს. ასეთი გარე კედლების საზღვრებში მოქცეული ღიობები ღიობების დამცავებით უნდა იყოს დაცული, რომელთა ცეცხლმედეგობის ხარისხი, არანაკლებ, ¾ საათია (45 წუთია);

2.    დამალულსივრცეებიანი არაწვადი თარაზული ნაშვერები, თუ, სულ მცირე, 1-საათიანი ცეცხლმედეგობის ხარისხიანი კედელი გრძელდება დამალულ სივრცეში. ნაშვერი შენობიდან უნდა გაიმიჯნოს, სულ მცირე, 1-საათიანი  ცეცხლმედეგობის ხარისხის  მქონე კონსტრუქციით, რომელიც გრძელდება ცეცხლმედეგი კედლის ორივე მხარეს, არანაკლებ, ნაშვერის სიღრმის ტოლ მანძილზე. აუცილებელი არაა, კედელი გრძელდებოდეს ნაშვერის ქვემოთ, სადაც შენობის გარე კედლის ცეცხლმედეგობის ხარისხი, ცეცხლმედეგი კედლის ორივე მხარეს, ნაშვერის სიღრმის ტოლ მანძილამდე, არანაკლებ, 1 საათია. ასეთი გარე კედლების ღიობები ღიობის დამცავებით უნდა იყოს დაცული, რომელთა ცეცხლმედეგობის ხარისხი, არანაკლებ, ¾ საათია (45 წუთია);

3.    დამალულსივრცეებიანი წვადი თარაზული ნაშვერებისთვის, ცეცხლმედეგი კედელი უნდა გაგრძელდეს მხოლოდ დამალული სივრცის გავლით ნაშვერის გარე კიდემდე. ნაშვერის უკან და ქვემოთ მდებარე გარე კედლის ცეცხლმედეგობის ხარისხი, ცეცხლმედეგი კედლის ორივე მხარეს, ნაშვერის სიღრმის ტოლ მანძილამდე, არანაკლებ, 1 საათი უნდა იყოს. ასეთი გარე კედლების ღიობები ღიობის დამცავებით უნდა იყოს დაცული, რომელთა ცეცხლმედეგობის ხარისხი, არანაკლებ, ¾ საათია (45 წუთია).

706.6 შვეული უწყვეტობა. ცეცხლმედეგი კედლები უნდა გრძელდებოდეს საძირკვლიდან დასრულების წერტილამდე, ორივე მომიჯნავე სახურავიდან, სულ მცირე, 76 სმ-ით ზემოთ.

გამონაკლისი:

1.    706.6.1 ქვეთავის შესაბამისი საფეხუროვანი შენობები.

2.    დასაშვებია, 2-საათიანი ცეცხლმედეგობის ხარისხიანი კედლები მთავრდებოდეს სახურავის ფენილის, ფიცარფენილის ან ფილის გარე მხარეს, თუ:

2.1.  ქვედა სახურავის ანაწყობის ცეცხლმედეგობის ხარისხი კედლიდან 1,2 მ-ის საზღვრებში, არანაკლებ, 1 საათია, ხოლო ცეცხლმადეგობის ხარისხის მქონე სახურავის ანაწყობის საყრდენი ელემენტების ცეცხლმედეგობის ხარისხი მთელ სიგრძესა და სიგანეზე, არანაკლებ, 1 საათია.

2.2.  სახურავის ღიობები ცეცხლმედეგი კედლიდან 1,2 მ-ის საზღვრებში არ მდებარეობს.

2.3.  თითოეული შენობა, არანაკლებ, B კლასის ბურულითაა გადახურული.

3.    კედლები დასაშვებია, დასრულდეს არაწვადი სახურავის ფენილის, ფიცარფენილის ან ფილების ქვემოთ, თუ ორივე შენობა, არანაკლებ, B კლასის ბურულითაა გადახურული. სახურავის ღიობები ცეცხლმედეგი კედლიდან 1,2 მ-ის საზღვრებში არ უნდა მდებარეობდეს.

4.    დასაშვებია, III, IV და V ტიპის კონსტრუქციის შენობებში, კედლები სახურავის წვადი ფენილის ან ფიცარფენილის ქვეშ დასრულდეს, თუ:

4.1.  ღიობები ცეცხლმედეგი კედლიდან 1,2 მ-ის საზღვრებში არ მდებარეობს;

4.2.  სახურავი, არანაკლებ, B კლასის ბურულითაა გადახურული;

4.3.  სახურავის ფენილი ან ფიცარფენილი ცეცხლმედეგობისთვის დამუშავებული ხისაა და დაგებულია ცეცხლმედეგი კედლის ორივე მხრიდან 1,2 მ-ის მანძილამდე ან სახურავი დაცულია 1,6 სმ-იანი X ტიპის თაბაშირის ფილით, რომელიც უშუალოდ სახურავის ფენილის ან ფიცარფენილის ქვეშაა მოთავსებული და ეყრდნობა, სულ მცირე, 5 სმ ნომინალური ზომის განივ ძელებს, რომლებიც დამაგრებულია სახურავის კარკასის ელემენტების გვერდებზე, ცეცხლმედეგი კედლის ორივე მხრიდან, სულ მცირე, 1,2 მ-ის მანძილზე;

5.    510.2 ქვეთავის შესაბამისად დაგეგმარებულ შენობებში 510.2 ქვეთავის პირველი პუნქტით მოთხოვნილი 3-საათიანი ცეცხლმედეგობის მქონე თარაზული ანაწყობის ზემოთ მდებარე ცეცხლმედეგი კედლები დასაშვებია, გაგრძელდეს ამ თარაზული ანაწყობის თავიდან.

6.    510.2 ქვეთავის შესაბამისად დაგეგმარებულ შენობებში, 510.2 ქვეთავის პირველი პუნქტით მოთხოვნილი 3-საათიანი ცეცხლმედეგობის მქონე თარაზული ანაწყობის ზემოთ მდებარე ცეცხლმედეგი კედლები დასაშვებია გაგრძელდეს ამ თარაზული ანაწყობის თავიდან.

7.    706.6.2 ქვეთავის შესაბამისი ქანობიანი სახურავის მქონე შენობები.

706.6.1 საფეხუროვანი შენობები. თუ ცეცხლმედეგი კედელი გარე კედლის როლს ასრულებს და სხვადასხვა დონის სახურავების მქონე შენობებს მიჯნავს, იგი უფრო დაბალი სახურავის დონიდან, არანაკლებ, 76 სმ-ით მაღლა უნდა დასრულდეს, თუ უფრო დაბალი სახურავიდან 4,5 მ სიმაღლის გარე კედელი ორივე მხრიდან, არანაკლებ, 1-საათიანი ცეცხლმედეგობის ხარისხის  მქონე კონსტრუქციაა, რომლის ღიობები ¾-საათიანი (45 -წუთიანი) ცეცხლმედეგობის ხარისხის  მქონე ცეცხლმედეგი ანაწყობებითაა დაცული.

გამონაკლისი: თუ ცეცხლმედეგი კედელი უფრო დაბალი სახურავის ფენილის, ფიცარფენილის ან ფილის ქვეშ მთავრდება:

1.    კედლიდან 3,0 მ-ის საზღვრებში მდებარე უფრო დაბალი სახურავის კონსტრუქციის ცეცხლმედეგობის ხარისხი, არანაკლებ, 1 საათია, ხოლო ასეთი ხარისხის მქონე სახურავის კონსტრუქციის საყრდენი ელემენტების ცეცხლმედეგობის ხარისხი მთელ სიგრძესა და სიგანეზე,  არანაკლებ, 1 საათია.

2.    უფრო დაბალი სახურავის ღიობები ცეცხლმედეგი კედლდან 3,0 მ-ის საზღვრებში არ მდებარეობს.

706.6.2 შენობები ქანობიანი სახურავებით. თუ ცეცხლმედეგი კედელი შენობაში არის შიგა კედელიც და სახურავი ცეცხლმედეგი კედლის ცალ მხარეს ან ორივე მხარეს დაქანებულია ცეცხლმედეგი კედლისკენ უფრო მკვეთრი ქანობით, ვიდრე ორი შვეული ერთეული 12 თარაზულ ერთეულში (2 : 12), ცეცხლმედეგი კედელი უნდა გაგრძელდეს ცეცხლმედეგი კედლიდან 1,2 მ-ით მაღლა მდებარე სახურავის სიმაღლემდე და კიდევ უნდა დაემატოს 76 სმ სიმაღლეში. ცეცხლმედეგი კედლის გაგრძელებული ნაწილი არ უნდა იყოს 76 სმ-ზე მოკლე.

706.7 წვადი კარკასი ცეცხლმედეგ კედლებში. მომიჯნავე წვადი ნაწილები, რომლებიც მოპირდაპირე მხრიდან შედის ბეტონის ან წყობის ცეცხლმედეგ კედლებში, დაშორებული დამაგრებული ბოლოებიდან 10 სმ-ზე ნაკლები მანძილით არ უნდა იყოს. როცა წვადი ერთეულები ღრუტანიან კედლებში ან ღრუტანიანი ბლოკებით აგებულ კედლებშია ჩასმული, ღრუტანიანი სივრცეები კედლის მთელ სისქეზე და ნაგებობის ერთეულების ზემოთ და ქვემოთ, ასევე, ნაგებობის ნაწილებს შორის, არანაკლებ, 10 სმ-მდე, მჭიდროდ უნდა ამოივსოს არაწვადი მასალებით, რომელთა გამოყენება დაშვებულია ცეცხლის ასარიდებლად.

706.8 ღიობები. ცეცხლმედეგი კედლის თითოეული ღიობი 716.5 ქვეთავის მიხედვით უნდა იყოს დაცული და 15 მ²-ს არ უნდა აღემატებოდეს. ნებისმიერ იატაკის დონეზე არსებული ღიობების საერთო სიგანე კედლის სიგრძის 25%-ს არ უნდა აღემატებოდეს.

გამონაკლისი:

1.    ღიობები დაუშვებელია 706.1.1 ქვეთავის შესაბამისად აგებულ საზიარო კედლებში.

2.    ღიობები 15 მ²-მდე არ უნდა შეიზღუდოს, თუ ორივე შენობაში დაყენებულია ავტოსაშხეფი სისტემა, 903.3.1.1 ქვეთავის შესაბამისად.

706.9 გაყვანილობები. გაყვანილობები ცეცხლმედეგ კედელში 714-ე ქვეთავს უნდა შეესაბამებოდეს.

706.10 ნაკერები. ცეცხლმედეგ კედლებში ან მათ შორის არსებული ნაკერები 715-ე ქვეთავს უნდა შეესაბამებოდეს.

706.11 არხები და საჰაერო ღიობები. არხები და საჰაერო ღიობები ცეცხლმედეგ კედლებში არ უნდა გადიოდეს.

გამონაკლისი: არხები და საჰაერო ღიობები დასაშვებია, გადიოდეს ცეცხლმედეგ კედლებში, რომლებიც მიწის ნაკვეთის საზღვარზე არ მდებარეობს, თუ ასეთი გაყვანილობები 717-ე ქვეთავს შეესაბამება. არცერთი ღიობის ზომა და საერთო სიგანე 706.8 ქვეთავში მოცემულ შეზღუდვებს არ უნდა აღემატებოდეს.

ქვეთავი 707 – ცეცხლმედეგი ზღუდეები

707.1 ზოგადი. წესების სხვა ქვეთავების მოთხოვნების შესაბამისად აგებული ცეცხლმედეგი ზღუდეები ამ ქვეთავს უნდა შეესაბამებოდეს.

707.2 მასალები. ცეცხლმედეგი ზღუდეები შენობის კონსტრუქციის ტიპის შესაბამისი მასალებით უნდა აიგოს.

707.3 ცეცხლმედეგობის ხარისხი. ცეცხლმედეგი ზღუდეების ცეცხლმედეგობის ხარისხი ამ ქვეთავს უნდა შეესაბამებოდეს.

707.3.1 შახტის შემომზღუდავები. შახტებისაგან შენობის ფართობების გამმიჯნავი ცეცხლმედეგი ზღუდეების ცეცხლმედეგობის ხარისხი 713.4 ქვეთავს უნდა შეესაბამებოდეს.

707.3.2 შიგა გასასვლელის გზა-კიბეების და პანდუსის კონსტრუქცია. შიგა გასასვლელის გზა-კიბისგან ან პანდუსისგან შენობის ფართობების გამმიჯნავი ცეცხლმედეგი ზღუდეების  ცეცხლმედეგობის ხარისხი 1022.1 ქვეთავს უნდა შეესაბამებოდეს.

707.3.3 გასასვლელთან მისადგომის გზა-კიბეების შემომზღუდავები. გასასვლელთან მისადგომის გზა-კიბისგან ან პანდუსისგან შენობის ფართობების გამმიჯნავი ცეცხლმედეგი ზღუდეების  ცეცხლმედეგობის ხარისხი 1023.3 ქვეთავს უნდა შეესაბამებოდეს.

707.3.4 გასასვლელის გზა-დერეფანი. შენობის ფართობებისა და გასასვლელის გზა-დერეფნის გამმიჯნავი ცეცხლმედეგი ზღუდის ცეცხლმედეგობის ხარისხი 1023.3 ქვეთავს უნდა შეესაბამებოდეს.

707.3.5 თარაზული გასასვლელი. თარაზული გასასვლელით დაკავშირებულ შენობის ფართობებს შორის არსებული გამმიჯნავის ცეცხლმედეგობის ხარისხი 1025.1 ქვეთავს უნდა შეესაბამებოდეს.

707.3.6 ატრიუმები. ატრიუმების გამმიჯნავი ცეცხლმედეგი ზღუდეების ცეცხლმედეგობის ხარისხი 404.6 ქვეთავს უნდა შეესაბამებოდეს.

707.3.7 თანმხლები გამოყენებები. თანმხლები გამოყენებებისა და შენობის სხვა სივრცეების გამმიჯნავი ცეცხლმედეგი ზღუდეების ცეცხლმედეგობის ხარისხი 509-ე ცხრილში მითითებულზე ნაკლები არ უნდა იყოს.

707.3.8 გასაკონტროლებელი ფართობები. გასაკონტროლებელი ფართობების გამმიჯნავი ცეცხლმედეგი ზღუდეების ცეცხლმედეგობის ხარისხი 414.2.4 ქვეთავში მითითებულზე ნაკლები არ უნდა იყოს.

707.3.9 გამიჯნული დაკავებულობები. 508.4 ქვეთავის დებულებების გამოყენების შემთხვევაში, შერეული დაკავებულობების გამმიჯნავი ცეცხლმედეგი ზღუდეების ცეცხლმედეგობის ხარისხი 508.4 ქვეთავში მითითებულზე ნაკლები არ უნდა იყოს, რაც დამოკიდებულია გამიჯნულ დაკავებულობაზე.

707.3.10 ცეცხლისაგან დაცული ფართობები. ერთი დაკავებულობის ცეცხლისაგან დაცულ სხვადასხვა ფართობებად დამყოფი ცეცხლმედეგი ზღუდის ან თარაზული ანაწყობის, ან ორივეს ცეცხლმედეგობის ხარისხი 707.3.10 ცხრილში მითითებულზე ნაკლები არ უნდა იყოს. შერეული დაკავებულობების ცეცხლისგან დაცული ფართობების გამმიჯნავ ცეცხლმედეგი ზღუდის ან თარაზული ანაწყობის, ან ორივეს ცეცხლმედეგობის ხარისხი 707.3.10 ცხრილში მითითებულ ყველაზე მაღალ ხარისხზე ნაკლები არ უნდა იყოს.

ცხრილი 707.3.10

ცეცხლისგან დაცულ ფართობებს შორის მდებარე ცეცხლმედეგი ზღუდის, ანაწყობის ან თარაზული ანაწყობის ცეცხლმედეგობის ხარისხებთან დაკავშირებული მოთხოვნები

ფართობის ჯგუფი	ცეცხლმედეგობის ხარისხი
დსშ-1, დსშ-2	4
სმ-1, დსშ-3, სწ-1	3
თვ, სქ, სგ, სმ-2, დსშ-4, დსშ-5,დწ, სვ, სც, სწ-2	2
დს	1

707.4 გარე კედლები. თუ გარე კედლები აუცილებელი ცეცხლმედეგობის ხარისხის  მქონე შახტის, გზა-კიბის ან პანდუსის შემომზღუდავის ნაწილია, ისინი უნდა აკმაყოფილებდეს გარე კედლებთან დაკავშირებულ 705-ე ქვეთავის მოთხოვნებს, ხოლო ცეცხლმედეგობის ხარისხის მქონე შემომზღუდავთან დაკავშირებული მოთხოვნები აღარ გამოიყენება.

გამონაკლისი: გარე კედლები, რომელთა ცეცხლმედეგობის ხარისხი უნდა შეესაბამებოდეს 1019-ე ქვეთავს გარე გასასვლელის აივნებისათვის, 1022.7 ქვეთავს შიგა გასასვლელის გზა-კიბეებსა და პანდუსებისათვის და 1026.6 ქვეთავს გარე გასასვლელის გზა-კიბეებისა და პანდუსებისათვის.

707.5 უწყვეტობა. ცეცხლმედეგი ზღუდეები საძირკვლის ან იატაკ-ჭერის ანაწყობის თავიდან ქვემოთ იატაკის ქვედაპირამდე ან ზემოთ მდებარე სახურავის ფენილამდე, ფიცარფენილამდე ან ფილამდე უნდა გრძელდებოდეს და მათზე კარგად უნდა დამაგრდეს. ასეთი ცეცხლმედეგი ზღუდეები უწყვეტად უნდა გადიოდეს დამალულ სივრცეებში, მაგალითად, შეკიდული ჭერის ზემოთ შექმნილ სივრცეში. გადაკვეთის ადგილებში წარმოქმნილი ნაკერები და სიცარიელეები 707.8 და 7070.9 ქვეთავების მოთხოვნებს უნდა აკმაყოფილებდეს.

707.5.1 საყრდენი კონსტრუქცია. ცეცხლმედეგი ზღუდეების კედლების საყრდენი კონსტრუქცია დაცული უნდა იყოს, რომ დაყრდნობილი ცეცხლმედეგი ზღუდის ცეცხლმედეგობის ხარისხს შეესაბამებოდეს. ცეცხლმედეგი ზღუდის საზღვრებში არსებულ ცარიელ შვეულ სივრცეებს, ყველა იატაკის დონეზე, 718.2 ქვეთავის შესაბამისი ცეცხლსაჩერი უნდა ჰქონდეს.

გამონაკლისი:

1.    ავზის სათავსოს გამმიჯნავი ცეცხლმედეგი ზღუდეების საყრდენი ანაწყობების მაქსიმალური ცეცხლმედეგობის ხარისხი, 415.8.2.1 ქვეთავის მიხედვით, უნდა იყოს 2 საათი, და არ უნდა იყოს შენობის კონსტრუქციის ტიპისათვის 601-ე ცხრილში მითითებულ სიდიდეებზე ნაკლები.

2.    დასაშვებია, შახტები დასრულდეს ზედა შემომზღუდავთან, 713.12 ქვეთავის შესაბამისად.

3.    არ არის აუცილებელი 5089-ე ცხრილით მოთხოვნილი 1-საათიანი ცეცხლმედეგობის მქონე ცეცხლმედეგი ზღუდის საყრდენ კონსტრუქციას IIB, IIIB და VB ტიპის კონსტრუქციის შენობებში ჰქონდეს ცეცხლმედეგობის ხარისხი, თუ სხვაგვარად არ არის მოთხოვნილი წესების სხვა ქვეთავებში.

4.    1022.2 ქვეთავით მოთხოვნილი შემომზღუდავები შიგა გასასვლელის გზა-კიბისა და პანდუსისთვის და 1009.3 ქვეთავით მოთხოვნილი შემომზღუდავები გასასვლელთან მისადგომის გზა-კიბისა და პანდუსისთვის, დასაშვებია, დასრულდეს 713.12 ქვეთავის შესაბამისად აგებულ ზედა შემომზღუდავთან.

707.6 ღიობები. ცეცხლმედეგი ზღუდეების ღიობები 716-ე ქვეთავის შესაბამისად უნდა იყოს დაცული. ღიობების მაქსიმალური საერთო სიგანე კედლის სიგრძის 25% უნდა იყოს, ხოლო თითოეული ინდივიდუალური ღიობის მაქსიმალური ფართობი 15 მ²-ს არ უნდა აღემატებოდეს. გასასვლელთან მისადგომის გზა-კიბეებისა და პანდუსების, შიგა გასასვლელის გზა-კიბეებისა და პანდუსების და გასასვლელის გზა-დერეფნების შემომზღუდავებში დატანებული ღიობები 1022.3 და 1023.5 ქვეთავებსაც უნდა შეესაბამებოდეს.

გამონაკლისი:

1.    მომიჯნავე ხანძრისაგან დაცულ ფართობებზე ავტომსაშხეფი სისტემის 903.3.1.1 ქვეთავის შესაბამისად დაყენებისას 15 მ²-მდე ღიობები არ უნდა შეიზღუდოს.

2.    ღიობები 15 მ²-მდე ან საერთო სიგანე კედლის სიგრძის 25%-მდე არ უნდა შეიზღუდოს, თუ ღიობის დამცავი ცეცხლმედეგი კარია, რომელიც გასასვლელთან მისადგომის გზა-კიბეების, გასასვლელთან მისადგომის პანდუსების, შიგა გასასვლელის გზა-კიბეებისა და შიგა გასასვლელის პანდუსების შემომზღუდავებს ემსახურება.

3.    ღიობები 15 მ²-მდე ან საერთო სიგანე კედლის სიგრძის 25%-მდე არ უნდა შეიზღუდოს, თუ ღიობების დამცავის ანაწყობი ASTM E 119-ის ან UL 263-ის შესაბამისადაა შემოწმებული და მისი მინიმალური ცეცხლმედეგობის ხარისხი კედლის ცეცხლმედეგობის ხარისხზე ნაკლები არაა.

4.    ატრიუმის გამმიჯნავ კედლებში ნებადართული ცეცხლმედეგი ფანჯრების ანაწყობების მაქსიმალური საერთო სიგანე კედლის სიგრძის 25%-მდე არ უნდა შეიზღუდოს.

5.    ღიობები 15 მ²-მდე ან საერთო სიგანე კედლის სიგრძის 25%-მდე არ უნდა შეიზღუდოს, თუ ღიობის დამცავი ცეცხლმედეგი კარია, რომელიც გასასვლელთან მისადგომის გზა-კიბეების, გასასვლელთან მისადგომის პანდუსების, შიგა გასასვლელის გზა-კიბეებისა და შიგა გასასვლელის პანდუსების შემომზღუდავებს მიჯნავს 1022.2.1 ქვეთავის შესაბამისი გასასვლელის გზა-დერეფნისგან.

707.7 გაყვანილობები. ცეცხლმედეგი ზღუდეების გაყვანილობები 714-ე ქვეთავს უნდა შეესაბამებოდეს.

707.7.1 აკრძალული გაყვანილობები. გასასვლელთან მისადგომის გზა-კიბეების, გასასვლელთან მისადგომის პანდუსების, შიგა გასასვლელის გზა-კიბეებისა და შიგა გასასვლელის პანდუსების ან გასასვლელის გზა-დერეფნის შემომზღუდავებში გაყვანილობების მოწყობა დასაშვებია მხოლოდ 1009.3.1.5, 1022.5 ან 1023.6 ქვეთავებით ნებადართულ შემთხვევებში.

707.8 ნაკერები. ცეცხლმედეგ ზღუდეებში ან მათ შორის, ან ცეცხლმედეგი ზღუდეებისა და ცეცხლმედეგობის ხარისხის  მქონე იატაკის ქვედაპირის ან ზემოთ მდებარე სახურავის ფენილის, ფილის ან ფიცარფენილის გადაკვეთასთან და შვეულად გარე კედლის გადაკვეთასთან არსებული ნაკერები 715-ე ქვეთავს უნდა შეესაბამებოდეს.

707.9 სიცარიელეები გადაკვეთის ადგილებში. ცეცხლმედეგი ზღუდისა და ცეცხლმედეგობის ხარისხის  არმქონე სახურავის ანაწყობის გადაკვეთის ადგილას წარმოქმნილი სიცარიელეები უნდა ამოივსოს. სიცარიელეების ამოსასვებად აღიარებული მასალა ან სისტემა უნდა გამოიყენებოდეს, რომელიც ადგილზე  და მთელ სიგრძეზე საიმედოდ უნდა განთავსდეს ისე, რომ არ მოშორდეს, არ მოეშვას ან სხვაგვარად არ დაკარგოს შენობის მოძრაობისას მედეგობა. ასევე, შეინარჩუნოს ცეცხლისა და ცხელი აირების შეკავების უნარი.

707.10 არხები და საჰაერო ღიობები. ცეცხლმედეგ ზღუდეებში გამავალი არხები და საჰაერო ღიობები 717-ე ქვეთავს უნდა შეესაბამებოდეს.

ქვეთავი 708 – ცეცხლმედეგი ტიხრები

708.1 ზოგადი. შემდეგი კედლის ანაწყობები ამ ქვეთავს უნდა შეესაბამებოდეს:

1.    ერთ შენობაში მდებარე საცხოვრებელი ერთეულების გამმიჯნავი კედლები, რომლებიც აუცილებელია 420.2 ქვეთავის მიხედვით;

2.    ერთ შენობაში მდებარე საძინებელი ერთეულების გამმიჯნავი კედლები, როგორც მოთხოვნილია 420.2 ქვეთავის მიხედვით;

3.    კედლები, რომლებიც მიჯნავს მფლობელობაში არსებულ სივრცეებს გადახურული მოლის შენობებში, როგორც მოთხოვნილია 402.4.2.1 ქვეთავის მიხედვით;

4.    დერეფნის კედლები, მოთხოვნილი 1018.1 ქვეთავის მიხედვით;

5.    ლიფტის ფოიეს გამმიჯნავი, მოთხოვნილი 713.14.1 ქვეთავის მიხედვით.

708.2 მასალები. კედლები შენობის კონსტრუქციის ტიპის შესაბამისი მასალისა უნდა იყოს.

708.3 ცეცხლმედეგობის ხარისხი. ცეცხლმედეგი ტიხრების ცეცხლმედეგობის ხარისხი უნდა იყოს, არანაკლებ, 1 საათი.

გამონაკლისი:

1.    დერეფნის კედლები, რომელთაც 1018.1 ცხრილის მიხედვით დასაშვებია, ჰქონდეს ½-საათიანი (30 -წუთიანი) ცეცხლმედეგობის ხარისხი;

2.    საცხოვრებელი და საძინებელი ერთეულების გამმიჯნავებს IIB, IIIB და VB ტიპის კონსტრუქციის შენობებში, არანაკლებ, ½-საათიანი (30 -წუთიანი) ცეცხლმედეგობის ხარისხი უნდა ჰქონდეს, თუ დაყენებულია ავტოსაშხეფი სისტემა, 903.3.1.1 ქვეთავის შესაბამისად.

708.4 უწყვეტობა. ცეცხლმედეგი ტიხრები უნდა გაგრძელდეს საძირკვლის თავიდან ან იატაკ-ჭერის ანაწყობიდან იატაკის ან სახურავის ფენილის ქვედაპირამდე, ფილის ან ფიცარფენილის ზემოთ ან ცეცხლმედეგობის ხარისხის  მქონე იატაკ-ჭერის ან სახურავ-ჭერის ანაწყობის ზემოთ, და საიმედოდ უნდა დამაგრდეს მათზე. წვად კონსტრუქციაში, სადაც არ არის აუცილებელი, ცეცხლმედეგი ტიხრები ფენილამდე, ფიცარფენილამდე ან ფილამდე უწყვეტად გრძელდებოდეს, ჭერსა და მის ზემოთ მდებარე ფენილს, ფიცარფენილს ან ფილას შორის ტიხრის საზღვართან სივრცე უნდა შეივსოს ცეცხლსაჩერით ან წევის საჩერით 718.2 და 718.3 ქვეთავების შესაბამისად. საყრდენი კონსტრუქცია უნდა იყოს დაცული, რომ მასზე დაყრდნობილი კედლის ცეცხლმედეგობის ხარისხს შეესაბამებოდეს. ეს არ ეხება კედლებს, რომლებიც მიჯნავს მფლობელობაში არსებულ სივრცეებს მოლებში, საძინებელ ერთეულებს, საძინებელ ერთეულებსა და დერეფნებს IIB, IIIB და VB ტიპის კონსტრუქციის შენობებში.

გამონაკლისი:

1.    კედელი არ უნდა გრძელდებოდეს ქვემოთ დაბალ სივრცეში, თუ დაბალი სივრცის ზემოთ არსებული იატაკის ცეცხლმედეგობის ხარისხი, სულ მცირე, 1 საათია;

2.    თუ ოთახის მხარეს მდებარე, ცეცხლმედეგობის ხარისხის  მქონე დერეფნის მემბრანა ცეცხლმედეგობის ხარისხის  მქონე იატაკის ან სახურავის ზემოთ არსებული ფენილის, ფიცარფენილის ან ფილის ქვედაპირამდე გრძელდება, დასაშვებია, დერეფნის ჭერი 1-საათიანი ცეცხლმედეგობის ხარისხის  მქონე იატაკის ან სახურავის სისტემისათვის აუცილებელი მასალებით იყოს დაცული;

3.    თუ დერეფნის ჭერი დერეფნის კედლების ასაგებად განსაზღვრული მოთხოვნების შესაბამისადაა აგებული, შეიძლება კედლები ასეთი ჭერის ანაწყობის ზედა მემბრანასთან დასრულდეს;

4.    არ არის აუცილებელი, 402.7.2 ქვეთავის შესაბამისი გადახურული მოლის შენობის მფლობელობაში არსებული სივრცეების გამმიჯნავი ცეცხლმედეგი ტიხარი გრძელდებოდეს ისეთი ჭერის ქვედაპირს ზემოთ, რომელიც არ არის ცეცხლმედეგობის ხარისხის  მქონე კონსტრუქციის ნაწილი. კედელი საჭირო არ არის სხვენის ან ჭერის სივრცეებში მფლობელობაში არსებული სივრცეების გამმიჯნავი კედლების თავზე;

5.    სხვენის ცეცხლსაჩერი ან წევის საჩერი საჭირო არ არის გამყოფ ხაზთან სც-2 ჯგუფის შენობებში, რომელთა სიმაღლე არ აღემატება ოთხ სართულს მიწის დონიდან და აქვს არაუმეტეს, 280 მ² ფართობებად დაყოფილი წევის საჩერიანი სხვენის სივრცე  ან ყოველი ორი საცხოვრებელი ერთეულის ზემოთ  (რომელიც უფრო პატარა იქნება);

6.    ცეცხლსაჩერი ან წევის საჩერი საჭირო არ არის ტიხრის  საზღვართან შენობებში, რომლებიც მთლიანად უზრუნველყოფილია ავტოსაშხეფი სისტემით 903.3.1.1 ან 903.3.1.2 ქვეთავის შესაბამისად და ავტოსაშხეფები დაყენებულია წვადი იატაკ-ჭერის და სახურავ-ჭერის მქონე სივრცეებში.

708.5 გარე კედლები. თუ გარე კედლები აუცილებელი ცეცხლმედეგობის ხარისხიანი გამმიჯნავებია, ისინი 705-ე ქვეთავის (გარე კედლების შესახებ) მოთხოვნებს უნდა აკმაყოფილებდეს, ხოლო ცეცხლმედეგობის ხარისხიანი გამმიჯნავთან დაკავშირებული მოთხოვნები აღარ გამოიყენება.

გამონაკლისი: გარე კედლები, რომელთა ცეცხლმედეგობის ხარისხი 1019.2 ქვეთავის (გარე გასასვლელის აივნის შესახებ), 1022.6 ქვეთავის (შიგა გასასვლელის გზა-კიბეებისა და პანდუსების შესახებ) და 1026.6 ქვეთავის (გარე გასასვლელის გზა-კიბეებისა და პანდუსების შესახებ) შესაბამისად განისაზღვრება.

708.6 ღიობები. ცეცხლმედეგი ტიხრის ღიობები 716-ე ქვეთავის შესაბამისად უნდა იყოს დაცული.

708.7 გაყვანილობები. ცეცხლმედეგი ტიხრების გაყვანილობები 714-ე ქვეთავს უნდა შეესაბამებოდეს.

708.8 ნაკერები. ცეცხლმედეგ ტიხრებში ან მათ შორის არსებული ნაკერები 715-ე ქვეთავს უნდა შეესაბამებოდეს.

708.9 არხები და საჰაერო ღიობები. ცეცხლმედეგი ტიხრებში გამავალი არხები და საჰაერო ღიობები 717-ე ქვეთავს უნდა შეესაბამებოდეს.

ქვეთავი 709 – კვამლგაუმტარი ზღუდეები

709.1 ზოგადი. კვამლგაუმტარი ზღუდეები ამ ქვეთავს უნდა შეესაბამებოდეს.

709.2 მასალები. კვამლგაუმტარი ზღუდეები შენობის კონსტრუქციის ტიპის შესაბამისი მასალით იგება.

709.3 ცეცხლმედეგობის ხარისხი. კვამლგაუმტარ ზღუდეებს 1-საათიანი ცეცხლმედეგობის ხარისხი უნდა ჰქონდეს.

გამონაკლისი: დწ-3 ჯგუფის შენობებში სულ მცირე, 2,5 მმ სისქის ფოლადით აგებული კვამლგაუმტარი ზღუდეები.

709.4 უწყვეტობა. კვამლგაუმტარმა ზღუდეებმა ეფექტიანი მემბრანა უნდა შექმნას. იგი კედლის ზედაპირიდან კედლის ზედაპირამდე და საძირკვლის თავიდან ან ქვემოთ მდებარე  იატაკ-ჭერის ანაწყობიდან ზემოთ მდებარე იატაკის ან სახურავის ფენილის, ფიცარფენილის ან ფილის ქვედაპირამდე უწყვეტად უნდა გაგრძელდეს. უწყვეტობა უნდა შენარჩუნდეს დამალულ სივრცეებშიც, მაგ., შეკიდული ჭერების ზემოთ, ასევე, ნაგებობის შუალედურ სივრცეებსა და დაბალ სივრცეებში. საყრდენი კონსტრუქცია დაცული უნდა იყოს, რომ შეესაბამებოდეს დაყრდნობილი კედლის ან იატაკის აუცილებელ ცეცხლმედეგობის ხარისხს IIB, IIIB ან VB ტიპის კონსტრუქციის შენობებში.

გამონაკლისი:

1.    კედლის კვამლგაუმტარი ზღუდეები შუალედურ სივრცეებში საჭირო არ არის, თუ ასეთი სივრცეები დაგეგმარებული და აგებულია იმგვარად, რომ ჭერები ისევე ქმნის ცეცხლისა და კვამლის ბილიკს, როგორც კვამლგაუმტარი ზღუდის კედლები;

2.    405.4.3, 3007.4.2 ან 3008.11.2 ქვეთავების შესაბამისი ლიფტის ფოიებისთვის გამოყენებული კვამლგაუმტარი ზღუდეების გაგრძელება გარე კედლიდან გარე კედლამდე აუცილებელი არ არის;

3.    თავშესაფრის ფართობებისთვის გამოყენებული 1007.6.2 ქვეთავის შესაბამისი კვამლგაუმტარი ზღუდეები, არ არის აუცილებელი, გრძელდებოდეს გარე კედლიდან გარე კედლამდე.

709.5 ღიობები. კვამლგაუმტარი ზღუდის ღიობები 716-ე ქვეთავის შესაბამისად უნდა იყოს დაცული.

გამონაკლისი:

1.    დწ-2 ჯგუფის ამბულატორიულ სამკურნალო დაწესებულებებში, სადაც კარები დერეფნების პერპენდიკულარულადაა ჩაყენებული, საპირისპიროდ გაღებადი კარების წყვილს, რომელსაც არ აქვს შუალი, ცეცხლმედეგობის ხარისხიანი ჩარჩოებში ჩასმული ცეცხლმედეგობის ხარისხის მქონე გამჭვირვალე მასალის პანელები უნდა ჰქონდეს, რომელთა ფართობი შემოწმების დროს განსაზღვრულ ფართობს არ აღემატება. კარები კარგად მორგებული უნდა იყოს, არ უნდა ჰქონდეს ფირფიტანები (ჟალუზები) ან გისოსები და 1,9 სმ-ზე დიდი ღრეჩოები კარსა და იატაკს შორის. კარებს უნდა ჰქონდეს ზღუდარი და საჩერი, შემხვედრ კიდეებთან ასტრაგალები ან რაბატები და ავტომატურად უნდა იხურებოდეს კვამლაღმომჩენის საშუალებით, 716.5.9.3 ქვეთავის შესაბამისად;

2.    დწ-2 ჯგუფის ამბულატორიულ სამკურნალო დაწესებულებებში, თარაზულად მოძრავი (გასაგორებელი) კარები, ჩაყენებული 1008.1.4.3 ქვეთავის შესაბამისად და დაცული 716-ე ქვეთავის შესაბამისად.

709.6 გაყვანილობები. კვამლგაუმტარი ზღუდეების გაყვანილობები 714-ე ქვეთავს უნდა შეესაბამებოდეს.

709.7 ნაკერები. კვამლგაუმტარ ზღუდეებში ან მათ შორის არსებული ნაკერები 715-ე ქვეთავს უნდა შეესაბამებოდეს.

709.8 არხები და საჰაერო ღიობები. კვამლგაუმტარ ზღუდეებში გამავალი არხები და საჰაერო ღიობები 717-ე ქვეთავს უნდა შეესაბამებოდეს.

ქვეთავი 710 – კვამლგაუმტარი ტიხრები

710.1 ზოგადი. წესების ნებისმიერი სხვა მოთხოვნის მიხედვით აგებული კვამლგაუმტარი ტიხრები ამ ქვეთავს უნდა შეესაბამებოდეს.

710.2 მასალები. კვამლგაუმტარი ტიხრების ასაგებად გამოყენებული მასალები შენობის კონსტრუქციის ტიპს უნდა შეესაბამებოდეს.

710.3 ცეცხლმედეგობის ხარისხი. თუ წესებში სადმე სპეციალურად არაა მოთხოვნილი, კვამლგაუმტარ ტიხრებს ცეცხლმედეგობის ხარისხი არ სჭირდება.

710.4 უწყვეტობა. კვამლგაუმტარი ტიხრები საძირკვლის თავიდან ან ქვემოთ მდებარე იატაკიდან ზემოთ მდებარე იატაკის ან სახურავის ფენილის, ფიცარფენილის ან ფილის ქვედაპირამდე ან ზემოთ მდებარე ჭერის ქვედაპირამდე უნდა გრძელდებოდეს, თუ ჭერის მემბრანა ისეა აგებული, რომ კვამლის გავრცელება შეზღუდოს.

710.5 ღიობები. კვამლგაუმტარი ტიხრების ფანჯრები 710.5.1 და 710.5.2 ქვეთავების მოთხოვნებს უნდა აკმაყოფილებდეს.

710.5.1 ფანჯრები. კვამლგაუმტარი ტიხრების ფანჯრებს უნდა ჰქონდეს იზოლაცია, რომ კვამლი თავისუფლად არ გაატაროს ან ავტომატურად უნდა იხურებოდეს კვამლის აღმოჩენისთანავე.

710.5.2 კარები. კვამლგაუმტარი ტიხრების კარები 710.5.2.1 – 710.5.2.3 ქვეთავების მოთხოვნებს უნდა აკმაყოფილებდეს.

710.5.2.1 ჟალუზები. კვამლგაუმტარი ტიხრების კარებს არ უნდა ჰქონდეს ფირფიტანები (ჟალუზები).

710.5.2.2 კვამლისა და წევის საკონტროლო კარები. წესების რომელიმე ქვეთავის მოთხოვნის შემთხვევაში, კვამლგაუმტარი ტიხრების კარები კვამლისა და წევის საკონტროლო UL 1784-ის შესაბამისად შემოწმებული კარის ანაწყობისადმი არსებულ მოთხოვნებს უნდა აკმაყოფილებდეს. ამასთან, შემოწმებისას, კარის ანაწყობის ქვედა ნაწილის მთელ სიგანეზე ხელოვნური იზოლაციის ფენა უნდა განთვსდეს. კარის ანაწყობში ჰაერის გაპარვის ხარისხი არ უნდა აღემატებოდეს თითო კარის ღიობზე 0,016 მ³/(წმ•მ²) 24,9 პა წნევისას, როგორც ოთახის ტემპერატურაზე შემოწმების, ისე მომატებული ტემპერატურის ზემოქმედებისას შემოწმების დროს. კვამლგაუმტარი კარები NFPA 105-ის შესაბამისად უნდა ჩაყენდეს.

710.5.2.3 ავტომატურად ან თვითიკეტებადი კარები. წესების რომელიმე ქვეთავის მოთხოვნის შემთხვევაში, კვამლაღმომჩენი კვამლგაუმტარი ტიხრების კარებს თავისით ან ავტომატურად უნდა კეტავდეს 716.5.9.3 ქვეთავის შესაბამისად.

710.6 გაყვანილობები. გაყვანილობების ირგვლივ არსებული სივრცე აღიარებული მასალით უნდა ამოივსოს, რომ შეიზღუდოს კვამლის თავისუფალი გადაადგილება.

710.7 ნაკერები. ნაკერები უნდა ამოივსოს აღიარებული მასალით, რომ შეიზღუდოს კვამლის თავისუფალი გადაადგილება.

710.8 არხები და საჰაერო ღიობები. კვამლგაუმტარ ტიხრებში გამავალი არხებისა და საჰაერო ღიობების გარშემო არსებული სივრცე აღიარებული მასალით უნდა ამოივსოს, რომ შეიზღუდოს კვამლის გადაადგილება. კვამლგაუმტარ ტიხრებში არსებულ საჰაერო ღიობებს 717.3.2.2 ქვეთავის შესაბამისი კვამლის ფარსაკეტი უნდა ჰქონდეს.

გამონაკლისი: თუ კვამლის ფარსაკეტის ჩაყენება ხელს შეუშლის 909-ე ქვეთავის მიხედვით აუცილებელი კვამლის საკონტროლო სისტემის მუშაობას, ალტერნატიული დამცავი უნდა გამოვიყენოთ.

ქვეთავი 711 – თარაზული ანაწყობები

711.1 ზოგადი. იატაკისა  და სახურავის ანაწყობები, რომელთაც ცეცხლმედეგობის ხარისხი უნდა ჰქონდეს, ამ ქვეთავს უნდა შეესაბამებოდეს. ცეცხლმედეგობის ხარისხის არმქონე იატაკისა და სახურავის ანაწყობები 714.4.2 ქვეთავს უნდა შეესაბამებოდეს.

711.2 მასალები. იატაკისა და სახურავის ანაწყობები შენობის კონსტრუქციის ტიპის შესაბამისი მასალებით უნდა აიგოს.

711.3 ცეცხლმედეგობის ხარისხი. იატაკისა  და სახურავის ანაწყობების ცეცხლმედეგობის ხარისხი შენობის კონსტრუქციის ტიპისათვის გათვალისწინებულზე ნაკლები არ უნდა იყოს. თუ იატაკის ანაწყობი შერეულ დაკავებულობებს მიჯნავს, ანაწყობის ცეცხლმედეგობის ხარისხი 508.4 ქვეთავში გათვალისწინებულზე ნაკლები არ უნდა იყოს, რაც გამიჯნული დაკავებულობების საფუძველზე განისაზღვრება. თუ იატაკის ანაწყობი ერთ დაკავებულობას ხანძრისაგან დაცულ სხვადასხვა ფართობად ყოფს, ანაწყობს ცეცხლმედეგობის ხარისხი უნდა ჰქონდეს, რომელიც 707.3.10 ქვეთავში განსაზღვრულზე ნაკლები არ უნდა იყოს. თარაზული ანაწყობები, რომლებიც ერთ შენობაში მდებარე საცხოვრებელ ერთეულებს მიჯნავს და სისტემები, რომლებიც ერთ შენობაში მდებარე საძინებელ ერთეულებს მიჯნავს, სულ მცირე, 1-საათიანი ცეცხლმედეგობის ხარისხის  მქონე კონსტრუქცია უნდა იყოს.

გამონაკლისი: IIB, IIIB და VB ტიპის კონსტრუქციის შენობებში, რომლებიც აღჭურვილია 903.3.1.1 ქვეთავის შესაბამისი ავტოსაშხეფი სისტემით, საცხოვრებელი ერთეულისა და საძინებელი ერთეულის გამმიჯნავების ცეცხლმედეგობის ხარისხები, არანაკლებ, ½ საათი (30 წუთი) უნდა იყოს.

711.3.1 ჭერის პანელები. თუ ცეცხლმედეგობის ხარისხიანი იატაკ-ჭერის ან სახურავ-ჭერის ანაწყობების ნაწილად გამოყენებული ჭერში ჩადგმული პანელების წონა 48 პა აღმავალი ძალის გასაძლებად არ არის საკმარისი, პანელების თავი მავთულით ან სხვა ნებადართული მექანიზმებით უნდა დამაგრდეს, რომ აღმავალი ძალის ზემოქმედებით გამოწვეული შვეული გადაადგილება თავიდან ავიცილოთ.

711.3.2 მისადგომი კარები. ცეცხლმედეგობის ხარისხის  მქონე იატაკ-ჭერისა და სახურავ-ჭერის ანაწყობებში მისადგომი კარები დასაშვებია, თუ ისინი ASTM E 119-ის ან UL 263-ის შესაბამისადაა შემოწმებული, როგორც თარაზული ანაწყობები და შესაბამისი სააგენტოს ეტიკეტი აქვს.

711.3.3 გამოუყენებადი სივრცე. 1-საათიანი ცეცხლმედეგობის ხარისხის  მქონე იატაკის ანაწყობში, ჭერის მემბრანის განთავსება საჭირო არ არის დაუკავებელი დაბალი სივრცეების ზემოთ. 1-საათიანი ცეცხლმედეგობის ხარისხიანი სახურავის ანაწყობში იატაკის მემბრანის განთავსება საჭირო არ არის, თუ მის ზემოთ მდებარეობს სხვენის დაუკავებელი სივრცე.

711.4 უწყვეტობა. ანაწყობები არ უნდა წყდებოდეს და ღიობები, გაყვანილობები ან ნაკერები არ უნდა ჰქონდეს, გარდა ამ და 712.1, 714.4, 715-ე და 1009.1 ქვეთავებში ნებადართული შემთხვევებისა. გამჭვირვალე სახურავებსა და სხვა ღიობებს, რომლებიც ცეცხლმედეგობის ხარისხის  მქონე სახურავის ფენილში ან ფილაში გადის, დასაშვებია, დამცავები არ ჰქონდეს, თუ ცეცხლმედეგობის ხარისხის  მქონე სახურავის ანაწყობის სტრუქტურული მთლიანობა შენარჩუნებულია. დამცავების არმქონე გამჭვირვალე სახურავები დაუშვებელია სახურავის ანაწყობებში, რომელთაც ცეცხლმედეგობის ხარისხი 705.8.6 ქვეთავის შესაბამისად განესაზღვრება. საყრდენ კონსტრუქციას დამცავები უნდა ჰქონდეს, რომ თარაზული ანაწყობებისთვის აუცილებელ ცეცხლმედეგობის ხარისხს შეესაბამებოდეს.

გამონაკლისი: IIB, IIIB ან VB ტიპის კონსტრუქციის შენობებში, თარაზული ანაწყობის საყრდენ კონსტრუქციას ცეცხლმედეგობის ხარისხი არ სჭირდება ქვემოთ ჩამოთვლილ შემთხვევებში:

1.    509-ე ცხრილში განსაზღვრულ არაძირითადი გამოყენებების გამმიჯნავებთან, თუ აუცილებელი ცეცხლმედეგობის ხარისხი ერთ საათს არ აღემატება.

2.    420.3 ქვეთავში განსაზღვრული საცხოვრებელი ერთეულებისა და საძინებელი ერთეულების გამმიჯნავებთან.

3.    709-ე ქვეთავის შესაბამისად აგებულ კვამლგაუმტარ ზღუდეებთან.

711.4.1 ცეცხლმედეგობის ხარისხის  არმქონე ანაწყობები. ცეცხლმედეგობის ხარისხების არმქონე იატაკის ანაწყობებში ან იატაკის ანაწყობებს შორის არსებული ნაკერები ქვემოთ ჩამოთვლილთაგან ერთ-ერთს უნდა შეესაბამებოდეს:

1.    ნაკერი კედლის ღრუში უნდა დაიმალოს.

2.    ნაკერი ჭერის ზემოთ უნდა მდებარეობდეს.

3.    ნაკერი აღიარებული მასალით ან სისტემით უნდა დაიგმანოს, დამუშავდეს ან დაიფაროს, რომ ალისა და წვის პროდუქტების თავისუფალ გადაადგილებას წინააღმდეგობა გაუწიოს.

გამონაკლისი: ნაკერი 715.1 ქვეთავში ჩამოთვლილი გამონაკლისიდან რომელიმეს შეესაბამება.

711.5 გაყვანილობები. თარაზული ანაწყობების გაყვანილობები 714-ე ქვეთავს უნდა შეესაბამებოდეს.

711.6 ნაკერები. თარაზულ ანაწყობებში ან მათ შორის არსებული ნაკერები 715-ე ქვეთავს უნდა შეესაბამებოდეს. იატაკ-ჭერის ანაწყობისა და გარე არამზიდი კედლის გადაკვეთასთან წარმოქმნილი სიცარიელე 715.4 ქვეთავის შესაბამისად უნდა იყოს დაცული.

711.7 არხები და საჰაერო ღიობები. თარაზულ ანაწყობებში გამავალი არხები და საჰაერო ღიობები 717-ე ქვეთავს უნდა შეესაბამებოდეს.

711.8 იატაკის ცეცხლმედეგი ლიუკის ანაწყობები. ცეცხლმედეგობის ხარისხის  მქონე იატაკების ღიობების დასაცავად გამოყენებული იატაკის ცეცხლმედეგი ლიუკის ანაწყობები NFPA 288-ის შესაბამისად უნდა შემოწმდეს და მათი ცეცხლმედეგობის ხარისხი იმ ანაწყობის ცეცხლმედეგობის ხარისხზე ნაკლები არ უნდა იყოს, რომელშიც ისინი გადის. იატაკის ცეცხლმედეგი ლიუკის ანაწყობებს შესაბამისი სააგენტოს ეტიკეტი უნდა ჰქონდეს. ეტიკეტი ანაწყობს მუდმივად უნდა ეკრას და შეიცავდეს ინფორმაციას მწარმოებლის, შემოწმების სტანდარტისა და ცეცხლმედეგობის ხარისხის  შესახებ.

711.9 კვამლგაუმტარი ზღუდე. თუ თარაზული ანაწყობები კვამლის გავრცელებას უნდა უწევდეს წინააღმდეგობას, წესების სხვა ქვეთავებში „კვამლგაუმტარი ზღუდის“ განმარტების შესაბამისად, ასეთი თარაზული ანაწყობების გაყვანილობები და გადაბმები 714.5 და 715.6 ქვეთავების შესაბამისად დაცული კვამლგაუმტარი ზღუდეების მსგავსად უნდა იყოს დაცული. იმის მიუხედავად, რამდენ სართულს აერთებს ლიფტის შახტის შემომზღუდავები, თარაზულ ანაწყობში გამავალი ლიფტის შახტის შემომზღუდავებში არსებული კარები 713.14.1 ქვეთავის შესაბამისად აგებული ლიფტის შემოზღუდული ფოიეებით უნდა იყოს დაცული. თარაზულ ანაწყობში გამავალი ღიობები 713-ე ქვეთავის შესაბამისი შახტის შემომზღუდავებით უნდა იყოს დაცული. დაუშვებელია, თარაზულ ანაწყობებში დაუცველი შვეული ღიობები.

ქვეთავი 712 – შვეული ღიობები

712.1 ზოგადი. ამ ქვეთავის დებულებები 712.1.1 – 712.1.18 ქვეთავებში ჩამოთვლილი შვეული ღიობების გამოყენების შემთხვევებს ეხება.

712.1.1 შახტის შემომზღუდავები. დასაშვებია 713-ე ქვეთავის შესაბამისი, მთლიანად  შახტის შემოზღუდავებში მოქცეული შვეული ღიობები.

712.1.2 ინდივიდუალური საცხოვრებელი ერთეული. დასაშვებია ოთხი ან ოთხზე ნაკლები სართულის დამაკავშირებელი დაუმალავი შვეული ღიობები, რომლებიც მთლიანად ინდივიდუალური საცხოვრებელი ერთეულის საზღვრებშია.

712.1.3 მოძრავი კიბის (ესკალატორის) ღიობები. თუ შენობა მთლიანად 903.1.1 ქვეთავის შესაბამისი ავტოსაშხეფი სისტემითაა აღჭურვილი, მოძრავი კიბის (ესკალატორის) ღიობი 712.1.3.1 ან 712.1.3.2 ქვეთავის შესაბამისად უნდა იყოს დაცული.

712.1.3.1 ღიობის ზომა. წევის მარეგულირებელი ფარდისა და NFPA 13-ის შესაბამისად ერთმანეთთან ახლოს დაყენებული საშხეფებით დაცვა დასაშვებია, თუ სართულებს შორის არსებული შვეული ღიობის ფართობი მოძრავი კიბის (ესკალატორის) თარაზული პროექციის ფართობზე ორჯერ მეტი არაა. სქ და სვ ჯგუფის გარდა, სხვა ჯგუფებში ამგვარად მხოლოდ ის ღიობებია დაცული, რომლებიც, არაუმეტეს, ოთხ სართულს აკავშირებს.

712.1.3.2 ავტოდარაბა. ამ ქვეთავით დაშვებულია ღიობის დაცვა აღიარებული დარაბებით ყველა იატაკის გადაკვეთისას. დარაბები არაწვადი კონსტრუქციისა უნდა იყოს და, არანაკლებ, 1,5-საათიანი ცეცხლმედეგობის ხარისხი უნდა ჰქონდეს. დარაბა ისე უნდა აიგოს, რომ 907.3.1 ქვეთავის შესაბამისად დაყენებული კვამლაღმომჩენის გააქტიურებისთანავე დაიხუროს და მთლიანად დაფაროს ღიობი. როცა დარაბა დახურვას დაიწყებს, მოძრავმა კიბეებმა (ესკალატორებმა) მუშაობა უნდა შეწყვიტოს. დარაბის სამუშაო სიჩქარე 152,4 მმ/წმ უნდა იყოს. დარაბას მგრძნობიარე წინა კიდე უნდა ჰქონდეს, რომელიც, შეიგრძნობს რა რაიმე სახის დაბრკოლებას, დარაბის მუშაობას შეაჩერებს, ხოლო დამაბრკოლებელი ზემოქმედებისგან გათავისუფლებისთანავე გააგრძელებს.

712.1.4 გაყვანილობები. გაყვანილობები 714-ე ქვეთავის შესაბამისად უნდა იყოს დაცული.

712.1.5 არხები. გამავალი არხები  717.6 ქვეთავის შესაბამისად უნდა იყოს დაცული.

712.1.6 ატრიუმები. დსშ ჯგუფის დაკავებულობებისგან განსხვავებულ დაკავებულობებში, დასაშვებია 404-ე ქვეთავის შესაბამისად მოწყობილი ატრიუმები.

712.1.7 წყობით ნაგები საკვამური. წყობით ნაგები საკვამურები დასაშვებია, თუ რგოლისებრი სივრცე იატაკის თითოეულ დონეზე შევსებულია ცეცხლსაჩერით 718.2.5 ქვეთავის შესაბამისად.

712.1.8 ორსართულიანი ღიობები. დსშ-2 და დსშ-3 ჯგუფისგან განსხვავებულ დაკავებულობებში, დასაშვებია იატაკის ღიობი, რომელიც ამ ქვეთავში ჩამოთვლილი რომელიმე დანიშნულებით არ გამოიყენება, მაგრამ ქვემოთ მოცემულ ყველა პირობას აკმაყოფილებს:

1.    ორზე მეტ სართულს არ აკავშირებს;

2.    მე-10 თავით მოთხოვნილ გზა-კიბეს ან პანდუსს არ შემოიცავს;

3.    ხანძრისგან დაცული ფართობების გამმიჯნავ თარაზულ ანაწყობში ან დაუკვამლიანებელი განყოფილებების გამმიჯნავ კვამლგაუმტარ ზღუდეებში არ გადის;

4.    კედლის კონსტრუქციაში ან იატაკ-ჭერის ანაწყობში არაა დამალული;

5.    დერეფნისკენ დწ და სც ჯგუფების დაკავებულობებისკენ გახსნილი არაა;

6.    საშხეფით დაუცველი იატაკები დერეფნისკენ გახსნილი არაა;

7.    იატაკის ღიობებისგან და სხვა იატაკების მომსახურე საჰაერო ღიობებისგან გამიჯნულია კონსტრუქციით, რომელიც აკმაყოფილებს შახტის შემომზღუდავთან დაკავშირებულ მოთხოვნებს.

712.1.9 ავტოსადგომი გარაჟები. ღია და შემოზღუდულ ავტოსადგომ გარაჟებში დასაშვებია საავტომობილო პანდუსები, თუ ისინი 406.5 და 406.6 ქვეთავების შესაბამისადაა აგებული.

712.1.10 ანტრესოლი. 505-ე ქვეთავის შესაბამის ანტრესოლებსა და მათ ქვემოთ მდებარე იატაკებს შორის დასაშვებია შვეული ღიობების არსებობა.

712.1.11 ნაკერები. ნაკერები დასაშვებია, თუ 715-ე ქვეთავს აკმაყოფილებს.

712.1.12 შემოუზღუდავი კიბეები და პანდუსები. დასაშვებია იატაკის შვეული ღიობები, რომელთაც 1009.2 და 1009.3 ქვეთავის შესაბამისი შემოუზღუდავი კიბეები ან პანდუსები ქმნის.

712.1.13 იატაკის ცეცხლმედეგი კარები. დასაშვებია შვეული ღიობები, რომლებიც 711.8 ქვეთავის შესაბამისი იატაკის ცეცხლმედეგი კარებითაა დაცული.

712.1.14 ჯგუფი დწ-3. დწ-3 ჯგუფის დაკავებულობებში დასაშვებია 408.5 ქვეთავის შესაბამისი შვეული ღიობები.

712.1.15 ლიფტები ავტოსადგომ გარაჟებში. ღია და შემოზღუდული ავტოსადგომი გარაჟების ლიფტის შახტებს დასაშვებია, ჰქონდეს შვეული ღიობები, თუ ლიფტის შახტები მხოლოდ ავტოსადგომ გარაჟს ემსახურება და 406.5 და 406.6 ქვეთავების მოთხოვნებს აკმაყოფილებს.

712.1.16 არხების სისტემები ავტოსადგომ გარაჟებში. 406.5 და 406.6 ქვეთავების შესაბამისად აგებული ღია და შემოზღუდული ავტოსადგომი გარაჟების მექანიკური ჰაერგამწოვი ან ჰაერშწოვი არხების შვეული ღიობები დასაშვებია, არ შემოიზღუდოს, თუ ამგვარი ისინი მთლიანად ავტოსადგომი გარაჟის საზღვრებშია მოქცეული და მხოლოდ მას ემსახურება.

712.1.17 ცეცხლმედეგობის ხარისხის არმქონე ნაკერები. 711.4.1 ქვეთავით ცეცხლმედეგობის ხარისხიანი ნაკერები დაშვებულია იატაკებში ან მათ შორის.

712.1.18 სხვაგვარად ნებადართული ღიობები. წესების სხვა ქვეთავებით ნებადართული ღიობების არსებობა დასაშვებია.

ქვეთავი 713 – შახტის შემომზღუდავები

713.1 ზოგადი. ამ ქვეთავის დებულებები ეხება იატაკ-ჭერის ანაწყობის და სახურავ-ჭერის ანაწყობის ღიობებისა და გაყვანილობების დასაცავად აგებულ შახტებს. გასასვლელთან მისადგომის გზა-კიბეები და გასასვლელთან მისადგომის პანდუსები 1009-ე ქვეთავის მოთხოვნების შესაბამისად უნდა იყოს დაცული. შიგა გასასვლელის გზა-კიბეები და შიგა გასასვლელის პანდუსები 1022-ე ქვეთავის მოთხოვნების შესაბამისად უნდა იყოს დაცული.

713.2 აგება. შახტის შემომზღუდავები 707-ე ქვეთავის შესაბამისი ცეცხლმედეგი  ზღუდეების ან 711-ე ქვეთავის შესაბამისი თარაზული ანაწყობების მსგავად უნდა აიგოს.

713.3 მასალები. შახტის შემომზღუდავი შენობის კონსტრუქციის ტიპის შესაბამისი მასალისა უნდა იყოს.

713.4 ცეცხლმედეგობის ხარისხი. შახტის შემომზღუდავების ცეცხლმედეგობის ხარისხი, არანაკლებ, 2 საათი უნდა იყოს, თუ ისინი აკავშირებს ოთხ ან მეტ სართულს და, არანაკლებ, 1 საათი, თუ ოთხზე ნაკლებ სართულს აკავშირებს. შახტით დაკავშირებული სართულების რაოდენობაში მიწის დონის ქვედა სართულებიც უნდა ჩაითვალოს, მაგრამ არა – ანტრესოლები. შახტის შემომზღუდავების ცეცხლმედეგობის ხარისხი მათ მიერ გადაკვეთილი იატაკის კონსტრუქციების ცეცხლმედეგობის ხარისხზე ნაკლები არ უნდა იყოს, თუმცა აუცილებელი არ არის,  2 საათს აღემატებოდეს. შახტის შემომზღუდავები 703.2.1 ქვეთავის მოთხოვნებს უნდა აკმაყოფილებდეს.

713.5 უწყვეტობა. შახტის შემომზღუდავები 707-ე ქვეთავის შესაბამისი ცეცხლმედეგი  ზღუდეების ან 711-ე ქვეთავის შესაბამისი თარაზული ანაწყობების, ან ორივეს მსგავსად უნდა აიგოს და უწყვეტი უნდა იყოს 705.5 ქვეთავის (ცეცხლმედეგი ზღუდეების შესახებ) ან 711.4 ქვეთავის შესაბამისად (თარაზული ანაწყობების შესახებ).

713.6 გარე კედლები. თუ გარე კედლები შახტის აუცილებელი შემომზღუდავის ნაწილია, ისინი 705-ე ქვეთავის (გარე კედლების შესახებ) მოთხოვნებს უნდა აკმაყოფილებდეს. ამ შემთხვევაში ცეცხლმედეგობის ხარისხიანი შემომზღუდავთან დაკავშირებული მოთხოვნები არ გამოიყენება.

გამონაკლისი: გარე კედლები, რომელთა ცეცხლმედეგობის ხარისხები 1019.2 ქვეთავის (გარე გასასვლელი აივნების შესახებ), 1022.7 ქვეთავის (შიგა გასასვლელის გზა-კიბეებისა და პანდუსების შესახებ) და 1026.6 ქვეთავის (გარე გასასვლელის გზა-კიბეებისა და პანდუსების შესახებ) შესაბამისად განისაზღვრება.

713.7 ღიობები. შახტის შემომზღუდავის ღიობები ცეცხლმედეგი ზღუდეების ღიობების მსგავსად უნდა იყოს დაცული. 716-ე ქვეთავის შესაბამისად. კვამლის აღმოჩენისთანავე კარები უნდა იხურებოდეს თავისით ან ავტომატურად 716.5.9.3 ქვეთავის შესაბამისად.

708.7.1 აკრძალული ღიობები. შახტის შემომზღუდავში არ შეიძლება იყოს სხვა ღიობები, გარდა შახტისათვის აუცილებლისა.

713.8 გაყვანილობები. შახტის შემომზღუდავების გაყვანილობები ცეცხლმედეგი ზღუდეების გაყვანილობების მსგავსად უნდა იყოს დაცული 714-ე ქვეთავის შესაბამისად. ნაგებობის ელემენტები, როგორებიცაა: კოჭები ან ძელები, დაცული 714-ე ქვეთავის შესაბამისად, დასაშვებია, გადიოდეს შახტის შემომზღუდავში.

713.8.1 აკრძალული გაყვანილობები. შახტის შემომზღუდავში დაუშვებელია სხვა გაყვანილობები, გარდა შახტისათვის აუცილებლისა.

713.9 ნაკერები. შახტის შემომზღუდავში არსებული ნაკერები 715-ე ქვეთავს უნდა შეესაბამებოდეს.

713.10 არხები და საჰაერო ღიობები. შახტის შემომზღუდავების გაყვანილობები, როგორებიცაა: არხები და საჰაერო ღიობები, 717-ე ქვეთავს უნდა შეესაბამებოდეს.

713.11 ძირთან შემოზღუდვა. შახტები, რომლებიც არ გრძელდება შენობის ან ნაგებობის ძირამდე, ქვემოთ ჩამოთვლილი პირობებიდან ერთ-ერთს უნდა აკმაყოფილებდეს:

1. ისინი უნდა შემოიზღუდოს ყველაზე ქვედა დონეზე კონსტრუქციით, რომლის ცეცხლმედეგობის ხარისხი შახტით გადაკვეთილი ყველაზე ქვედა იატაკის ცეცხლმედეგობის ხარისხს ემთხვევა, მაგრამ შახტის შემომზღუდავისთვის მოთხოვნილ ხარისხზე ნაკლები არ არის.

2. ისინი უნდა მთავრდებოდეს ოთახში, რომლის გამოყენება შახტის დანიშნულებასთანაა დაკავშირებული. ოთახი შენობის დანარჩენი ნაწილისგან 707-ე ქვეთავის შესაბამისად აგებული ცეცხლმედეგი ზღუდეებით ან 711-ე ქვეთავის შესაბამისად აგებული თარაზული ანაწყობებით, ან ორივეთი ერთად უნდა გაიმიჯნოს. ცეცხლმედეგობის ხარისხი და ღიობის დამცავები, სულ მცირე, შახტის შემომზღუდავებისთვის აუცილებელი უნდა იყოს.

3. ისინი ნებადართული ცეცხლის ფარსაკეტებით უნდა იყოს დაცული, რომლებიც შახტის შემომზღუდავის საზღვრებშია ჩაყენებული არსებული ყველაზე ქვედა იატაკის დონეზე.

გამონაკლისი:

1.    ცეცხლმედეგობის ხარისხიანი ოთახის გამმიჯნავი საჭირო არ არის, თუ შახტის შემომზღუდავს ან გაყვანილობები შენობის შიგა მხარეს არ აქვს ღიობები. აქ არ იგულისხმება ღიობები და გაყვანილობები შახტის შემომზღუდავის ძირში. გაყვანილობების გარშემო შახტის ძირი718.3.1 ქვეთავში (წევის შემაჩერებლის შესახებ) ნებადართული მასალებით უნდა დაიგმანოს, ან ოთახში უნდა დააყენონ ავტომატური ცეცხლსაქრობი სისტემა.

2.    შახტის შემომზღუდავი, რომელიც ნაგავსაყრელ მილს ან სამრეცხაოს მილს მოიცავს, სხვა დანიშნულებით არ უნდა გამოიყენებოდეს და 713.13.4 ქვეთავის შესაბამისად დაცულ ოთახში უნდა მთავრდებოდეს.

3.    შახტის ძირში ცეცხლმედეგობის ხარისხის  მქონე ოთახის გამმიჯნავი და დამცავი საჭირო არ არის, თუ შახტში წვადი მასალები არ ხვდება, ხოლო შახტის შემომზღუდავს შენობის გარეთ გამავალი ღიობები ან გაყვანილობები არ აქვს.

713.12 თავის შემოზღუდვა. შახტის შემომზღუდავი, რომელიც შენობის სახურავის ფენილის, ფიცარფენილის ან ფილის ქვედაპირამდე არ გრძელდება, თავთან შემოზღუდული უნდა იყოს კონსტრუქციით, რომლის ცეცხლმედეგობის ხარისხი შახტით გადაკვეთილი ყველაზე ზედა იატაკის ცეცხლმედეგობის ხარისხს ემთხვევა, მაგრამ შახტის შემომზღუდავისთვის აუცილებელ ცეცხლმედეგობის ხარისხზე ნაკლები არ არის.

713.13 ნარჩენების გასატანი და სამრეცხაოს მილები. დწ-2 ჯგუფისგან განსხვავებულ ჯგუფებში ნარჩენების გასატანი და სამრეცხაოს მილები, მისადგომი და დასაცლელი ოთახები, ასევე ნაგავსაწვავი ოთახები 713.13.1 – 713.13.6 ქვეთავების მოთხოვნებს უნდა აკმაყოფილებდეს.

გამონაკლისი:

1. მილები, რომლებიც ემსახურება და მოთავსებულია ერთ საცხოვრებელ ერთეულში.

2. დწ-2 ჯგუფში მდებარე ნარჩენების გასატანი და სამრეცხაოს მილები NFPA 82-ის მე-5 თავის მოთხოვნებს უნდა აკმაყოფილებდეს.

713.13.1 ნარჩენების გასატანი, დახარისხებული ნარჩენების გასატანი და სამრეცხაოს მილების შემომზღუდავები. შახტის შემომზღუდავი, რომელიც ნარჩენების გასატან, დახარისხებული ნარჩენების გასატან და სამრეცხაოს მილებს მოცავს, სხვა დანიშნულებით არ უნდა გამოიყენებოდეს და 713.4 ქვეთავის შესაბამისად უნდა იყოს შემოზღუდული. შახტის ღიობები, მათ შორის, მისადგომ და დასაცლელ ოთახებში გამავალი, ამ ქვეთავისა და 716-ე ქვეთავის შესაბამისად უნდა იყოს დაცული. მილების ღიობები დერეფნებში არ უნდა მდებარეობდეს. კარები თავისით ან ავტომატურად უნდა იხურებოდეს კვამლაღმომჩენის გააქტიურებისთანავე, 716.5.9.3 ქვეთავის შესაბამისად. გამონაკლისის სახით, თბოაქტიური საკეტი მექანიზმები დასაშვებია, მოთავსდეს შახტასა და ნარჩენების შემკრებ ოთახს შორის.

713.13.2 მასალები. შახტის შემომზღუდავი, რომელიც ნარჩენების გასატან, დახარისხებული ნარჩენების გასატან და სამრეცხაოს მილებს მოცავს, შენობის კონსტრუქციის ტიპის შესაბამისი მასალებით უნდა აიგოს.

713.13.3 ნარჩენების გასატან, დახარისხებული ნარჩენების გასატან და სამრეცხაოს მილებთან მისადგომი ოთახები. ნარჩენების გასატან, დახარისხებული ნარჩენების გასატან და სამრეცხაოს მილებთან მისადგომი ღიობები უნდა მდებარეობდეს ოთახებში ან ნაკვეთურებში, რომლებიც შემოზღუდულია 707-ე ქვეთავის შესაბამისად აგებული ცეცხლმედეგი ზღუდეებით ან 711-ე ქვეთავის შესაბამისად აგებული თარაზული ანაწყობებით, ან ორივეთი, რომელთა ცეცხლმედეგობის ხარისხი, არანაკლებ, 1 საათია. მისადგომი ოთახების ღიობები ღიობების დამცავებით უნდა იყოს დაცული, რომელთა ცეცხლმედეგობის ხარისხი, არანაკლებ, ¾ საათია (45 წუთია). კარები თავისით ან ავტომატურად უნდა იხურებოდეს კვამლაღმომჩენის გააქტიურებისთანავე, 716.5.9.3 ქვეთავის შესაბამისად.

713.13.4 დასაცლელი ოთახი. ნარჩენების გასატანი, დახარისხებული ნარჩენების გასატანი და სამრეცხაოს მილები დასაცლელ შემოზღუდულ ოთახში უნდა გადიოდეს, რომელიც შენობისგან უნდა გაიმიჯნოს 707-ე ქვეთავის შესაბამისად აგებული ცეცხლმედეგი ზღუდეებით ან 711-ე ქვეთავის შესაბამისად აგებული თარაზული ანაწყობებით, ან ორივეთი ერთად, რომელთა ცეცხლმედეგობის ხარისხი, არანაკლებ, 1 საათია. დასაცლელი ოთახების ღიობები ღიობის დამცავებით უნდა იყოს დაცული, რომელთა ცეცხლმედეგობის ხარისხი შახტის შემომზღუდავისთვის აუცილებელი ხარისხის ტოლია. კარები კვამლაღმომჩენის გააქტიურებისთანავე თავისით ან ავტომატურად უნდა იხურებოდეს, 716.5.9.3 ქვეთავის შესაბამისად. ნარჩენების გასატანი მილები არ უნდა მთავრდებოდეს ნაგავსსაწვავ ოთახში. ნარჩენების, დახარისხებული ნარჩენების და სამრეცხაოს ოთახები, რომლებშიც მილები არ არის, მხოლოდ 509-ე ცხრილის მოთხოვნებს უნდა აკმაყოფილებდეს.

713.13.5 ნაგავსაწვავი ოთახი. ნაგავსაწვავი ოთახები 509-ე ცხრილს უნდა შეესაბამებოდეს.

713.13.6 ავტოსაშხეფი სისტემა. ავტოსაშხეფი სისტემა უნდა მოეწყოს 903.2.11.2 ქვეთავის შესაბამისად.

713.14 ლიფტის, მცირე ტვირთამწისა (სამზარეულოს ლიფტის) და სხვა ლიფტის შახტები. ლიფტის, მცირე ტვირთამწისა (სამზარეულოს ლიფტის) და სხვა ლიფტის შახტების შემომზღუდავები 713-ე ქვეთავისა და 30-ე თავის შესაბამისად უნდა აიგოს.

713.14.1 ლიფტის ფოიე. თუ ლიფტის შახტა სამზე მეტ სართულს აკავშირებს, თითოეულ სართულთან ლიფტის შემოზღუდული ფოიე უნდა იყოს. ლიფტის შახტის შემომზღუდავის კარები თითოეული სართულისგან უნდა გაიმიჯნოს შემოზღუდულ ფოიეში მოწყობილი ცეცხლმედეგი ტიხრებით. 708-ე ქვეთავში ცეცხლმედეგი ტიხრებისთვის განსაზღვრულ მოთხოვნებთან ერთად, ლიფტის ფოიეს შემომზღუდავ კედლებში არსებული ღიობების კარები 716.5.3 ქვეთავის მოთხოვნებსაც უნდა აკმაყოფილებდეს, რომლებიც დერეფნის კედლებს ეხება. ლიფტის ფოიეს შემომზღუდავში გამავალი არხები და ჰაერცვლის ღიობები 717.5.4.1 ქვეთავის შესაბამისად დაცული დერეფნების მსგავსად უნდა იქნეს დაცული. ლიფტის ფოიეებს, სულ მცირე, ერთი გასასვლელი საშუალება უნდა ჰქონდეს მე-10 თავისა და წესების სხვა ქვეთავების შესაბამისად.

გამონაკლისი:

1.    აუცილებელი არ არის ლიფტის შემოზღუდული ფოიეები მდებარეობდეს შენობიდან გამოსასვლელის დონე(ებ)ზე, თუ შენობიდან გამოსასვლელის დონე(ები) აღჭურვილია 903.3.1.1 ქვეთავის შესაბამისად მოწყობილი ავტოსაშხეფი სისტემით.

2.    ლიფტის შემოზღუდული ფოიეები არ სჭირდება ლიფტებს, რომელთაც 712.1 ქვეთავის შესაბამისი შახტის შემოზღუდავი არ მოეთხოვება.

3.    ლიფტის შემოზღუდული ფოიეები აუცილებელი არ არის, თუ ლიფტის შახტის ღიობს 1702.6 ქვეთავის შესაბამისი დამატებითი კარები აქვს . UL 1784-ის შესაბამისად შემოწმების დროს (ძირის ხელოვნური საგმანის გარეშე) ამგვარი კარები 716.5.3.1 ქვეთავში წარმოდგენილ მოთხოვნებს უნდა აკმაყოფილებდეს, რომლებიც კვამლის ან წევის საკონტროლო კარის ანაწყობს ეხება.

4.    ლიფტის შემოზღუდული ფოიეები საჭირო არ არის, თუ შენობა აღჭურვილია 903.3.1.1 ან 903.3.1.2 ქვეთავების შესაბამისად მოწყობილი ავტოსაშხეფი სისტემით. ეს გამონაკლისი არ ეხება ქვემოთ ჩამოთვლილს:

4.1.  დწ-2 ჯგუფის დაკავებულობები;

4.2.  დწ-3 ჯგუფის დაკავებულობები;

4.3.  ლიფტები, რომლებიც მაღლივ შენობებში სახანძრო-სამაშველო დანაყოფების მანქანის მისადგომი უდაბლესი დონიდან 23 მ-ზე მაღლა მდებარე იატაკის დონეებს ემსახურება;

5.    თუ შენობაში 903.3.1.1 ან 903.3.1.2 ქვეთავების შესაბამისად მოწყობილია ავტოსაშხეფი სისტემა ცეცხლმედეგი ტიხრების ნაცვლად ყველა იატაკთან ლიფტის ფოიეს გასამიჯნად დასაშვებია კვამლგაუმტარი ტიხრების გამოყენება. 710-ე ქვეთავის მოთხოვნებთან ერთად, რომლებიც კვამლგაუმტარ ტიხრებს ეხება, კვამლგაუმტარი ტიხრების ღიობების დამცავი კარები ასევე უნდა შეესაბამებოდეს 710.5.2.2, 710.5.2.3 და 716.5.9 ქვეთავს და კვამლგაუმტარ ტიხრებში გაყვანილობების არხები  717.5.4.1 ქვეთავის შესაბამისად უნდა იყოს დაცული, ისევე, როგორც დერეფნებში არსებული მსგავსი გაყვანილობები;

6.    ლიფტის შემოზღუდული ფოიეები საჭირო არ არის, თუ ლიფტის შახტა არის დაწნევადი 909.21 ქვეთავის შესაბამისად;

7.    ლიფტის შემოზღუდული ფოიეები საჭირო არ არის, თუ ლიფტი მხოლოდ 406.5 ქვეთავის შესაბამის ღია ავტოსადგომ გარაჟებს ემსახურება.

713.14.1.1 თავშესაფრის ფართობები. თავშესაფრის ფართობები 1007-ე ქვეთავის შესაბამისად უნდა მოეწყოს.

ქვეთავი 714 – გაყვანილობები

714.1 რეგულირების საგანი. ამ ქვეთავის დებულებები ეხება სამშენებლო მასალებსა და მეთოდებს, რომლებიც თარაზული ანაწყობებისა და ცეცხლმედეგობის ხარისხის მქონე აწყობილ კედლებში გამავალი გაყვანილობებისა და მემბრანის გაყვანილობების დასაცავად გამოიყენება.

714.1.1 არხები და საჰაერო ღიობები. ცეცხლმედეგობის ხარისხის  მქონე კედლებში გამავალი არხები, რომლებიც ფარსაკეტებით არ არის დაცული, 714.2 – 714.3.3 ქვეთავებს უნდა შეესაბამებოდეს. თარაზული ანაწყობების გაყვანილობები, რომლებიც 717.6 ქვეთავის მე-4 გამონაკლისის დაშვებით, შახტით არ არის დაცული და წესების სხვა ქვეთავები არ მოითხოვს მათ დაცვას ცეცხლის ფარსაკეტებით, 714.4 – 714.4.2.2 ქვეთავებს უნდა შეესაბამებოდეს. არხები და საჰაერო ღიობები, რომლებიც ფარსაკეტებითაა დაცული, 717-ე ქვეთავს უნდა შეესაბამებოდეს.

714.2 დაყენების დეტალები. მილის ქუროების გამოყენებისას, ისინი მათ მიერ გადაკვეთილ ანაწყობზე კარგად უნდა დამაგრდეს. მილის ქუროში მოთავსებულ საგანსა და მილის ქუროს შორის არსებული სივრცე და ნებისმიერი სივრცე მილის ქუროსა და ანაწყობს შორის ამ ქვეთავის შესაბამისად უნდა იყოს დაცული. იზოლაციითა და საფარით დაფარული გაყვანილობა ანაწყობში არ უნდა გავიდეს, თუ საიზოლაციო და საფარი მასალა, როგორც ანაწყობის ნაწილი, ამ ქვეთავის შესაბამისად არ არის შემოწმებული.

714.3 ცეცხლმედეგობის ხარისხიანი კედლები. ცეცხლმედეგ კედლებში, ცეცხლმედეგ ზღუდეებში, კვამლგაუმტარ ზღუდეებსა და ცეცხლმედეგ ტიხრებში გამავალი გაყვანილობები 714.3.1 – 714.3.3 ქვეთავებს უნდა შეესაბამებოდეს. კვამლგაუმტარი ზღუდეებში გამავალი გაყვანილობები 714.5 ქვეთავსაც უნდა შეესაბამებოდეს.

714.3.1 გამჭოლი გაყვანილობები. ცეცხლმედეგობის ხარისხიანი კედლების გამჭოლი გაყვანილობები 714.3.1.1 ან 714.3.1.2 ქვეთავებს უნდა შეესაბამებოდეს.

გამონაკლისი: თუ გაყვანილობები ფოლადის, ფერადი ლითონისა და სპილენძის მილები, მილები (გარე დიამეტრი) ან საიზოლაციო არხებია, რგოლისებრი ღრეჩო გაყვანილობასა და ცეცხლმედეგობის ხარისხის  მქონე კედელს შორის დასაშვებია, შემდეგნაირად იყოს დაცული:

1.    ბეტონით ან წყობით აგებულ კედლებში, რომლებშიც გაყვანილობის ნომინალური დიამეტრი 15 სმ-ს არ აღემატება, ხოლო კედლის ღიობის ფართობი 0,1 მ²-ს არ აღემატება, ბეტონი, წვრილშემავსებლიანი ბეტონი ან დუღაბი დასაშვებია, თუ ის კედლის მთელ სისქეში ან ისეთ სისქეზეა განთავსებული, რომ ცეცხლმედეგობის ხარისხი შენარჩუნებულია;

2.    რგოლისებრი ღრეჩოს ამოსავსებად გამოყენებული მასალა ალსა და ცხელ აირებს არ უნდა ატარებდეს, რომელთაც შეუძლია ააალოს ბამბის ნარჩენები ASTM E 119-ში ან UL 263-ში გათვალისწინებული დროისა და ტემპერატურის პირობებში, როცა დადებითი წნევის დიფერენციალი, სულ მცირე, 2,49 პა-ია კონსტრუქციაში გავლის ადგილას, ხოლო დროის მონაკვეთი კონსტრუქციის ცეცხლმედეგობის ხარისხს შეესაბამება.

714.3.1.1 ცეცხლმედეგობის ხარისხის  მქონე ანაწყობები. გაყვანილობები უნდა მოეწყოს ცეცხლმედეგობის ხარისხის  მქონე ანაწყობში შემოწმების საფუძველზე.

714.3.1.2 გამჭოლი გაყვანილობის ცეცხლსაჩერი სისტემა. გამჭოლი გაყვანილობები გაყვანილობის ცეცხლსაჩერი ნებადართული სისტემით უნდა იყოს დაცული. ეს სისტემა ეწყობა ASTM E 814-ის ან UL 1479-ის შესაბამისად წარმოებული ტესტის შემდეგ, რომლის დროსაც დადებითი წნევის დიფერენციალი, სულ მცირე, 2,49 პა-ია, F ხარისხი კი გაყვანილობის მიერ გადაკვეთილი კედლის ცეცხლმედეგობის ხარისხზე ნაკლები არაა.

714.3.2 მემბრანის გაყვანილობები. მემბრანის გაყვანილობები 714.3.1 ქვეთავს უნდა შეესაბამებოდეს. თუ კედლებს ან ტიხრებს ცეცხლმედეგობის ხარისხი უნდა ჰქონდეს, მოწყობილობა ისე უნდა ჩაყენდეს, რომ ცეცხლმედეგობის ხარისხი არ შემცირდეს.

გამონაკლისი:

1.    მაქსიმუმ ორსაათიანი ცეცხლმედეგობის ხარისხის მქონე კედლებისა და ტიხრების მემბრანაში გამავალი ფოლადის ელექტროგამანაწილებელი კოლოფები, რომელთა ფართობი 0,01 მ²-ს არ აღემატება, თუ კედლის ფართობის ყოველ 9,3 მ²-ზე მემბრანის გაყვანილობების საერთო ფართობი 0,065 მ²-ს არ აღემატება. კედლის მემბრანისა და კოლოფს შორის არსებული რგოლისებრი ღრეჩო 3 მმ-ს არ უნდა აღემატებოდეს. ასეთი კოლოფები კედლის ან ტიხრის მოპირდაპირე მხარეს ქვემოთ ჩამოთვლილი ერთ-ერთი მეთოდით უნდა გაიმიჯნოს:

1.1.  არანაკლებ, 60 სმ თარაზული მანძილით, სადაც კედელს ან ტიხარს ინდივიდუალური, ერთმანეთთან დაუკავშირებელი დგარებით შექმნილი ღრუები აქვს;

1.2.  თარაზული მანძილით, რომელიც კედლის ღრუს სიღმეზე ნაკლები არ უნდა იყოს, თუ კედლის ღრუ ამოვსებულია ცელულოზის შემვსებით, ქვის ბამბით ან  წიდის მინერალური ბამბის იზოლაციით;

1.3.  718.2.1 ქვეთავის შესაბამისი მასიური ცეცხლსაჩერით;

1.4.  ორივე გამავალი კოლოფის დაცვით, შესაბამისი საგოზავი საშუალებით;

1.5.  სხვა შესაბამისი მასალებითა და მეთოდებით;

2.    მემბრანის გაყვანილობა, ნებისმიერი მასალის ელექტროგამანაწილებელი კოლოფების სახით, რომლებიც შემოწმებულია ცეცხლმედეგობის ხარისხის მქონე ანაწყობებში გამოყენებისათვის და მოწყობილია ნუსხაში შესული მითითებების შესაბამისად. კედლის მემბრანასა და კოლოფს შორის არსებული რგოლისებრი ღრეჩო 3 მმ-ს არ აღემატება, თუ ნუსხაში სხვაგვარად არაა განსაზღვრული. ასეთი კოლოფები კედლის ან ტიხრის მოპირდაპირე მხარეებზე შემდეგნაირად უნდა გაიმიჯნოს:

2.1.  ელექტროგამანაწილებელი კოლოფების ინსტრუქციით განსაზღვრული თარაზული მანძილით;

2.2.  718.2.1 ქვეთავის შესაბამისი ცეცხლსაჩერით;

2.3.  ორივე გამავალი კოლოფის დაცვით, ნუსხაში შესული საგოზავებით.

2.4.  ნუსხაში შესული სხვა მასალებითა და მეთოდებით.

3.    მემბრანაში გამავალი ნებისმიერი ზომის ან ტიპის ელექტროგამანაწილებელი კოლოფები, როგორც კედლის ღიობების დამცავი მასალების სისტემის ნაწილი ცეცხლმადეგობის ხარისხის მქონე ანაწყობებში გამოსაყენებლად, რომლებიც მოწყობილია მითითებების შესაბამისად;

4.    მემბრანაში გამავალი კოლოფები, გარდა ელექტროგამანაწილებელი კოლოფებისა, თუ ასეთი გაყვანილობები და რგოლისებრი ღრეჩო კედლის მემბრანასა და კოლოფს შორის დაცულია მემბრანის ღიობისთვის ნებადართული ცეცხლსაჩერი სისტემით, რომელიც მოწყობილია ASTM E 814-ის ან UL 1479-ის შესაბამისად, სულ მცირე, 2,49 პა დადებითი წნევისთვის. ასეთი კოლოფების F და T ხარისხები იმ კედლის აუცილებელ ცეცხლმედეგობის ხარისხზე ნაკლები არ არის, რომელშიცაა გაყვანილი და მოწყობილი ნუსხაში განსაზღვრული მოთხოვნების შესაბამისად;

5.    ავტოსაშხეფის გაყვანისას წარმოქმნილი რგოლისებრი ღრეჩო, თუ ის დაფარულია ლითონის ფარით.

714.3.3 განსხვავებული მასალები. არაწვადი გაყვანილობები არ უნდა უკავშირდებოდეს წვად გაყვანილობებს ცეცხლსაჩერის გარეთ, თუ დამტკიცებული არ არის, რომ კედლის ცეცხლმედეგობის მთლიანობა შენარჩუნებულია.

714.4 თარაზული ანაწყობები. იატაკის, იატაკ-ჭერის ანაწყობის ან იატაკ-ჭერის ანაწყობის ჭერის მემბრანის გაყვანილობები, რომელთა შახტით შემოზღუდვას 712.1 ქვეთავი არ მოითხოვს, 714.4.1 – 714.4.2.2 ქვეთავების შესაბამისად უნდა იყოს დაცული.

714.4.1 ცეცხლმედეგობის ხარისხიანი ანაწყობები. ცეცხლმედეგობის ხარისხიან იატაკში, იატაკ-ჭერის ანაწყობში ან იატაკ-ჭერის ანაწყობის ჭერის მემბრანაში გამავალი გაყვანილობები 714.4.1.1 – 714.4.1.4 ქვეთავების შესაბამისად უნდა იყოს დაცული. თარაზული კვამლგაუმტარი ზღუდის გაყვანილობები 714.5 ქვეთავსაც უნდა შეესაბამებოდეს.

714.4.1.1 გამჭოლი გაყვანილობები. ცეცხლმედეგობის ხარისხიანი თარაზული ანაწყობების გამჭოლი გაყვანილობები 714.4.1.1.1 ან 714.4.1.1.2 ქვეთავს უნდა შეესაბამებოდეს.

გამონაკლისი:

1.    ცეცხლმედეგობის ხარისხიანი იატაკის ანაწყობში გამავალი ფოლადის, ფერადი ლითონის ან სპილენძის სადენები, მილები, მილები (გარე დიამეტრის მიხედვით), ასევე ნახვრეტები ან ბეტონით ან წყობით აგებული გაყვანილობები, რომლებშიც რგოლისებრი ღრეჩო დაცულია მასალებით, რომლებიც ხელს უშლის ალისა და ცხელი აირების გატარებას, რომელთაც შეიძლება ბამბის ნარჩენების აალება გამოიწვიოს ASTM E 119-ში ან UL 263-ში გათვალისწინებული დროისა და ტემპერატურის პირობებში, როცა ანაწყობში გავლის ადგილას დადებითი წნევის დიფერენციალი, სულ მცირე, 2,49 პა-ია, ხოლო დროის მონაკვეთი სივრცის ანაწყობის ცეცხლმედეგობის ხარისხს შეესაბამება. მაქსიმუმ 15 სმ დიამეტრის გაყვანილობები დასაშვებია, გადიოდეს ცეცხლმედეგობის ხარისხის მქონე შეუზღუდავი რაოდენობის იატაკის ანაწყობებში, თუ ანაწყობში გამავალი ღიობების გაერთიანებული ფართობი 0,1 მ²-ს არ აღემატება იატაკის ფართობის ყოველ 10 მ²-ზე;

2.    ბეტონის ერთ იატაკში გამავალი მაქსიმუმ 15 სმ დიამეტრის ფოლადის, ფერადი ლითონის ან სპილენძის სადენები, მილები, მილები (გარე დიამეტრის მიხედვით) ან ნახვრეტები, თუ ბეტონი, წვრილშემვსებიანი ბეტონი ან დუღაბი იატაკის მთელ სისქეზე ან ცეცხლმედეგობის ხარისხის  შესანარჩუნებლად აუცილებელ სისქეზეა განთავსებული. გაყვანილობები დასაშვებია, გადიოდეს შეუზღუდავი რაოდენობის ბეტონის იატაკებში, თუ თითოეული იატაკის ღიობის ფართობი 0,1 მ²-ს არ აღემატება;

3.    ნებისმიერი მასალის ელექტროგამანაწილებელი კოლოფებისათვის განკუთვნილი გაყვანილობები, თუ ასეთი კოლოფები შემოწმებულია ცეცხლმედეგობის ხარისხის  მქონე კონსტრუქციაში გამოყენებაზე და მოწყობილია რეგისტრირებისას განსაზღვრული მითითების შესაბამისად.

714.4.1.1.1 მოწყობა. გამჭოლი გაყვანილობები ცეცხლმედეგობის ხარისხის  მქონე ანაწყობში შემოწმების საფუძველზე უნდა მოეწყოს.

714.4.1.1.2 გამჭოლი გაყვანილობების ცეცხლსაჩერი სისტემა. გამჭოლი გაყვანილობები ცეცხლსაჩერი სისტემით უნდა იყოს დაცული, რომელიც ASTM E 814-ის ან UL 1479-ის შესაბამისად მოეწყობა და შემოწმდება. შემოწმებისას დადებითი წნევის მინიმალური დიფერენციალი უნდა იყოს 2,49 პა. სისტემის F-ხარისხი და T-ხარისხი, არანაკლებ, 1 საათი, მაგრამ არა გადაკვეთილი იატაკის ცეცხლმედეგობის ხარისხზე ნაკლები.

გამონაკლისი:

1.    იატაკის გაყვანილობებს, რომლებიც იატაკის ზემოთ ან ქვემოთ მდებარე კედლის ღრუს საზღვრებშია განთავსებული, არ სჭირდება T-ხარისხი;

2.    იატაკში გამავალი იატაკის საწრეტები, აბაზანის საწრეტები ან შხაპის საწრეტები, რომელიც თარაზული ანაწყობის დამალულ სივრცეებშია განთავსებული, არ საჭიროებს T-ხარისხს.

714.4.1.2 მემბრანის გაყვანილობები. მემბრანის გაყვანილობები, რომლებიც თარაზული ანაწყობების ნაწილია, 714.4.1.1.1 ან 714.4.1.1.2 ქვეთავს უნდა შეესაბამებოდეს. თუ იატაკ-ჭერის ანაწყობს ცეცხლმედეგობის ხარისხი მოეთხოვება, მოწყობილობა ისე უნდა ჩაიდგას, რომ აუცილებელი ცეცხლმედეგობის ხარისხი არ შემცირდეს.

გამონაკლისი:

1.    მემბრანაში გამავალი ფოლადის, ფერადი ლითონის ან სპილენძის სადენები, მილები, მილები (გარე დიამეტრის მიხედვით), ნახვრეტები, ან ბეტონითა თუ წყობით აგებული გაყვანილობები, თუ რგოლისებრი ღრეჩოები 714.4.1.1 ქვეთავის შესაბამისად ან ისეა დაცული, რომ ხელი შეუშალოს ალისა და წვის პროდუქტების თავისუფალ გავრცელებას. მემბრანის ღიობების საერთო ფართობი 650 სმ²-ს არ უნდა აღემატებოდეს ჭერის ფართობის ყოველ 10 მ²-ზე, თუ ანაწყობების შემოწმებისას მათი გაყვანილობები არ შემოწმებულა;

2.    მაქსიმუმ 2-საათიანი ცეცხლმედეგობის ხარისხის  მქონე თარაზული ანაწყობების ჭერის მემბრანაში გამავალი ელექტროგამანაწილებელი კოლოფები, რომელთა ფართობი 100 სმ²-ს არ აღემატება, თუ ასეთი გაყვანილობების საერთო ფართობი ჭერის ფართობის ყოველ 10 მ²-ზე 450 სმ²-ს არ აღემატება, ხოლო რგოლისებრი ღრეჩო ჭერის მემბრანასა და კოლოფს შორის 3 მმ-ს არ აღემატება;

3.    მემბრანაში გამავალი ნებისმიერი ზომის ან ტიპის ელექტროგამანაწილებელი კოლოფები, რომლებიც ნუსხაში შესულია, როგორც ღიობების დამცავი მასალის სისტემის ნაწილი, ცეცხლმადეგობის ხარისხის მქონე ანაწყობებში გამოსაყენებლადაა განკუთვნილი და ნუსხაში შესული მითითებების შესაბამისადაა განთავსებული;

4.    მემბრანაში გამავალი ელექტროგამანაწილებელი კოლოფები, თუ ისინი შემოწმებულია ცეცხლმედეგობის ხარისხიან ანაწყობებში გამოყენებაზე და მითითებების შესაბამისადაა განთავსებული. რგოლისებრი ღრეჩო ჭერის მემბრანასა და კოლოფს შორის 3 მმ-ს არ აღემატება;

5.    ცეცხლსაწინააღმდეგო საშხეფებისთვის განკუთვნილი გაყვანილობის გარშემო რგოლისებრი ღრეჩო, თუ ის დაფარულია ლითონის ფირფიტით;

6.     შენობის ბეტონის ელემენტებში ჩაშენებული არაწვადი საგნები, რომლებიც ელემენტის არც ზედა და არც ქვედა ზედაპირებში არ გადის;

7.    1- და 2-საათიანი ცეცხლმედეგობის ხარისხის  მქონე თარაზული ანაწყობების ჭერის მემბრანა შეიძლება შეწყდეს ცეცხლმედეგობის ხარისხის მქონე კედლის ანაწყობის თავში მდებარე ორმაგი ხის ფიცრით, თუ თავში განთავსებულ ორმაგ ფიცარში გამავალი ყველა გაყვანილობა 714.4.1.1.1 ან 714.4.1.1.2 ქვეთავის შესაბამისადაა დაცული. კედლის ცეცხლმედეგობის ხარისხი თარაზული ანაწყობის ხარისხზე ნაკლები არ უნდა იყოს.

714.4.1.3 განსხვავებული მასალები. არაწვადი გაყვანილობები არ უნდა უკავშირდებოდეს ცეცხლსაჩერის გარეთ მდებარე წვად მასალებს, თუ თარაზული ანაწყობის ცეცხლმედეგობის მთლიანობა არაა შენარჩუნებული.

714.4.2 ცეცხლმედეგობის ხარისხის არმქონე ანაწყობები. ცეცხლმედეგობის ხარისხის არმქონე იატაკში ან იატაკ-ჭერის ანაწყობებში ან ცეცხლმედეგობის ხარისხის არმქონე იატაკ-ჭერის ანაწყობის ჭერის მემბრანაში არსებული გაყვანილობები 713-ე ქვეთავს ან 714.4.2.1 და 714.4.2.2 ქვეთავებს უნდა შეესაბამებოდეს.

714.4.2.1 არაწვადი გაყვანილობები. დასაშვებია არაწვადი გაყვანილობების გამოყენება, რომლებიც აკავშირებს, არაუმეტეს, ხუთ სართულს, თუ რგოლისებრი ღრეჩო ნებადართული არაწვადი მასალით ან ფორების ან ღრუების შემვსები მასალითაა ამოვსებული. ამგვარი მასალები შემოწმებული და კლასიფიცირებული უნდა იყოს, როგორც გამჭოლი ღიობების ცეცხლსაჩერ სისტემებში გამოსაყენებლად ვარგისი, რათა ალისა და წვის პროდუქტების თავისუფალი გავრცელება შეზღუდოს.

714.4.2.2 გაყვანილობები. დასაშვებია გაყვანილობები, რომლებიც, არაუმეტეს, ორ სართულს აერთებს, თუ რგოლისებრი ღრეჩო ნებადართული მასალითაა შევსებული, რაც ალისა და წვის პროდუქტების თავისუფალ გავრცელებას ზღუდავს.

714.5 გაყვანილობები კვამლგაუმტარ ზღუდეებში. გაყვანილობები კვამლგაუმტარ ზღუდეებში გამჭოლი გაყვანილობის ცეცხლსაჩერი სისტემით უნდა იყოს დაცული. ასეთი სისტემა UL 1479-ის („ჰაერის გაპარვის შემოწმება“) მოთხოვნების შესაბამისად უნდა მოეწყოს და შემოწმდეს. არც 7,47 პა გარემომცველი ტემპერატურის და არც უფრო მაღალი ტემპერატურის პირობებში შემოწმებისას სისტემის L ხარისხი, არ უნდა აღემატებოდეს:

1.    0,025 მ³/წმ-ს თითოეული გამჭოლი გაყვანილობის ცეცხლსაჩერი სისტემისათვის დატოვებული ღიობის თითოეულ კვადრატულ მეტრზე.

2.    დაგროვილი კვამლის გაპარვის საერთო რაოდენობას 0,024 მ³/წმ-ის ოდენობით კედლის ან იატაკის ფართობის ყოველ 10 მ²-ზე.

 

ქვეთავი 715 – ცეცხლმედეგი ნაკერების სისტემა

715.1 ზოგადი. ცეცხლმედეგობის ხარისხის  მქონე კედლებში, იატაკში ან იატაკ-ჭერის ანაწყობებში და სახურავებში ან სახურავ-ჭერის ანაწყობებში, ან მათ შორის არსებული ნაკერები გადაბმის ცეცხლმედეგი სისტემით უნდა იყოს დაცული, რომლებიც ისე უნდა დაგეგმარდეს, რომ წინააღმდეგობა გაუწიოს ცეცხლის გავრცელებას, სულ მცირე, კედლის, იატაკის ან სახურავის ცეცხლმედეგობის ხარისხის შესაბამისი დროის განმავლობაში. გადაბმის ცეცხლმედეგი სისტემები 715.3 ქვეთავის შესაბამისად უნდა შემოწმდეს.

გამონაკლისი: ნაკერების ცეცხლმედეგი სისტემები ნაკერებს არ სჭირდება შემდეგ ადგილებში:

1.    ერთი საცხოვრებელ ერთეულში იატაკებზე;

2.    იატაკებზე, რომლებზეც ნაკერი 713-ე ქვეთავის შესაბამისი შახტის შემომზღუდავითაა დაცული;

3.    იატაკებზე ატრიუმების საზღვრებში, სადაც ატრიუმის მომიჯნავე სივრცე, კვამლის კონტროლის მიზნით, შეყვანილია ატრიუმის მოცულობაში;

4.    იატაკებზე სავაჭრო მოლის საზღვრებში;

5.    იატაკებსა და პანდუსებს 406.5 ქვეთავის შესაბამისად აგებულ ღია და შემოზღუდულ ავტოსადგომ გარაჟებში ან 406.6 ქვეთავის შესაბამისად აგებული ნაგებობების საზღვრებში;

6.    ანტრესოლების იატაკებზე;

7.    კედლებზე, რომელთაც დასაშვებია, ჰქონდეს დაუცველი ღიობები;

8.    სახურავებზე, რომლებზეც დასაშვებია ღიობები;

9.    საკონტროლო (დეფორმაციის/ტემპერატურის) ნაკერებთან, რომელთა მაქსიმალური სიგანე 1,6 სმ-ს არ აღემატება და ASTM E 119-ის ან UL 263-ის შესაბამისადაა შემოწმებული.

715.2 მოწყობა. გადაბმის ცეცხლმედეგი სისტემები ნუსხაში მოცემული კრიტერიუმების შესაბამისად საიმედოდ უნდა მოეწყოს ნაკერში ან ნაკერის მთელ სიგრძეზე ისე, რომ არ გადაადგილდეს, გაიხსნას ან სხვაგვარად დაკარგოს შენობის მოსალოდნელ მოძრაობაზე მედეგობის, ასევე ცეცხლისა და ცხელი აირებისათვის წინააღმდეგობის უნარი.

715.3 ცეცხლმედეგობის შემოწმების კრიტერიუმები. გადაბმის ცეცხლმედეგი სისტემები ASTM E 1966-ის ან UL 2079-ის შესაბამისად უნდა შემოწმდეს. ასიმეტრიული კედლის (ცეცხლმედეგობის მიხედვით) ნაკერების სისტემების ცეცლმედეგობა უნდა შემოწმდეს ქურის ზემოქმედებით ორივე მხარეს და ცეცხლმედეგობის მისანიჭებელ ხარისხად ამ ორი შემოწმებისას გამოვლენილი ყველაზე მოკლე პერიოდი უნდა აირჩეს. კედელს არ სჭირდება ორივე მხრიდან შემოწმება, თუ არსებობს მტკიცებულება, რომ კედელი ქურის ზემოქმედებითაა შემოწმებული ნაკლებად ცეცხლმედეგ მხარეს.

გამონაკლისი: გარე კედლების შემთხვევაში, რომელთა თარაზული ხანძარსაწინააღმდეგო მანძილი 1,5 მ-ს აღემატება, ნაკერების სისტემა ცეცხლმედეგობაზე მხოლოდ შიგა მხრიდან მოწმდება.

715.4 გარე შეკიდული კედლისა და იატაკის გადაკვეთა. თუ ცეცხლმედეგობის ხარისხის  მქონე იატაკი ან იატაკ-ჭერის ანაწყობი აუცილებელია, შეკიდული კედლის ანაწყობებისა და იატაკის ანაწყობების გადაკვეთის ადგილებში წარმოქმნილი სიცარიელეები შესაბამისი სისტემით უნდა დაიგმანოს, რათა შიგნით ცეცხლი არ გავრცელდეს. ასეთი სისტემები ASTM E 2307-ის შესაბამისად უნდა მოეწყოს და შემოწმდეს, რათა F ხარისხი უზრუნველყოფილი იქნეს, სულ მცირე, იატაკის ანაწყობის ცეცხლმედეგობის ხარისხის ტოლი დროის მონაკვეთისთვის. ღიობებს შორის შეკიდული კედლის სიმაღლე და ცეცხლმედეგობისადმი მოთხოვნები 705.8.5 ქვეთავს უნდა შეესაბამობოდეს.

გამონაკლისი: სიცარიელეები, წარმოქმნილი გარე შეკიდული კედლის ანაწყობებისა და იატაკის ანაწყობების გადაკვეთის ადგილებში, სადაც მინები მოპირკეთებული იატაკის დონემდე გრძელდება, დასაშვებია, დაიგმანოს აღიარებული მასალით, რომ ცეცხლი შიგნით არ გავრცელდეს. ამგვარი მასალა საიმედოდ უნდა განთავსდეს ადგილზე. ისინი არ უნდა ატარებდეს ალსა და ცხელ აირებს, რომელთაც შეუძლია ბამბის ნარჩენის აალება, ASTM E 119-ში განსაზღვრული დროისა და ტემპერატურის პირობებში მიმდინარე ხანძრის დროს, როდესაც 2,5 პა მინიმალური დადებითი წნევის დიფერენციალი 0,25 მმ-ია, სულ მცირე, იატაკის ანაწყობის ცეცხლმედეგობის ხარისხის თანაბარი დროის განმავლობაში.

715.4.1 გარე შეკიდული კედლისა და ცეცხლმედეგობის ხარისხის არმქონე იატაკის ანაწყობების გადაკვეთა. შეკიდული კედლის ანაწყობისა და ცეცხლმედეგობის ხარისხის არმქონე იატაკის ან იატაკ-ჭერის ანაწყობის გადაკვეთის ადგილებში წარმოქმნილი სიცარიელეები შესაბამისი მასალით ან სისტემით უნდა დაიგმანოს, რათა ცეცხლი და ცხელი აირები შიგნით სართულებს შორის არ გავრცელდეს.

715.5 შეკიდული კედელი. შეკიდული კედლის სიმაღლისა და ცეცხლმედეგობისადმი მოთხოვნები 705.8.5 ქვეთავს უნდა შეესაბამებოდეს. თუ 705.8.5 ქვეთავის თანახმად აუცილებელი არ არის, რომ შეკიდულ კედელს ცეცხლმედეგობის ხარისხი ჰქონდეს, შეკიდული კედლისა და იატაკის გადაკვეთის ადგილას 715.4 ქვეთავის მოთხოვნები მაინც უნდა შესრულდეს.

715.6 ნაკერების ცეცხლმედეგი სისტემები ცეცხლმედეგ ზღუდეებში. კვამლგაუმტარ ზღუდეებში ცეცხლმედეგი ნაკერების სისტემები და ნაკერები თარაზული კვამლგუმტარი ზღუდისა და შეკიდული გარე კედლის გადაკვეთის ადგილას UL 2079-ის („ჰაერის გაპარვის შემოწმება“) მოთხოვნების შესაბამისად უნდა შემოწმდეს. ნაკერის L ხარისხი ნაკერის ხაზოვან მეტრზე 7,47 პა წნევისას 0,0078 მ³/წმ-ს არ უნდა აღემატებოდეს როგორც გარემომცველი ტემპერატურის, ისე მომატებული ტემპერატურის პირობებში.

ქვეთავი 716 – ღიობის დამცავები

716.1 ზოგადი. წესების სხვა ქვეთავებში გათვალისწინებული ღიობის დამცავები უნდა შეესაბამებოდეს წარმოდგენილი ქვეთავის დებულებებს.

716.2 ცეცხლმედეგობის ხარისხიანი გამჭვირვალე მასალა. ცეცხლმედეგობის ხარისხიანი გამჭვირვალე მასალები, რომლებიც შემოწმებულია როგორც ცეცხლმედეგობის ხარისხის მქონე კედლის ანაწყობის ნაწილი ASTM E 119-ის ან UL 263-ის შესაბამისად და ეტიკეტირებულია 703.5 ქვეთავის შესაბამისად, დასაშვებია ცეცხლმედეგი კარების ანაწყობებსა და ცეცხლმედეგი ფანჯრების ანაწყობებში, თუ შემოწმებული და მოწყობილია ნუსხაში განსაზღვრული მოთხოვნების შესაბამისად და სხვაგვარად ამ ქვეთავთან შესაბამისობას არ საჭიროებს.

716.3 ცეცხლმედეგობის ხარისხიანი გამჭვირვალე მასალის ანაწყობების ნიშანდება. ცეცხლმედეგობის ხარისხიანი გამჭვირვალე მასალის ანაწყობებზე დატანილი უნდა იყოს ნიშანი 716.3, 716.5 და 716.6 ცხრილების შესაბამისად.

716.3.1 ცეცხლმედეგობის ხარისხიანი გამჭვირვალე მასალა, რომელიც აღემატება წესების მოთხოვნებს. ცეცხლმედეგობის ხარისხიანი გამჭვირვალე მასალის ანაწყობები, რომლის ნიშანიც გვამცნობს, რომ ისინი აკმაყოფილებს ნაკადის ზემოქმედებით შემოწმების მოთხოვნებს (H), დასაშვებია ისეთ ადგილებში გამოსაყენებლად, სადაც ნაკადის ზემოქმედებით შემოწმების მოთხოვნების დაკმაყოფილება საჭირო არ არის. ცეცხლმედეგობის ხარისხის  მქონე გამჭვირვალე მასალის ანაწყობები, რომელთა ნიშანიც გვამცნობს, რომ ისინი აკმაყოფილებს ტემპერატურის მატებით შემოწმების მოთხოვნებს (T), დასაშვებია ისეთ ადგილებში გამოსაყენებლად, სადაც ტემპერატურის მატებით შემოწმების მოთხოვნების დაკმაყოფილება საჭირო არ არის. დასაშვებია ისეთი ცეცხლმედეგობის ხარისხის  მქონე გამჭვირვალე მასალის ანაწყობების გამოყენება, რომელთა ნიშანზე მოცემული ხარისხები (XXX) აღემატება წესებში მოთხოვნილ ხარისხებს.

ცხრილი 716.3

ცეცხლმედეგობის ხარისხიანი გამჭვირვალე მასალის ანაწყობების ნიშანდება

სახანძრი ტესტის სტანდარტები	ნიშანდება	ნიშანდების განმარტება
ASTM E 119 ან UL 263	W	აკმაყოფილებს კედლის ანაწყობის კრიტერიუმებს.
NFPA 257 ან UL 9	OW	აკმაყოფილებს ცეცხლმედეგი ფანჯრის ანაწყობის კრიტერიუმებს და „სახელოს ნაკადის ტესტის“ კრიტერიუმებს.
NFPA 252 ან UL 10B ან UL 10C	D H   T	აკმაყოფილებს ცეცხლმედეგი კარის ანაწყობის კრიტერიუმებს. აკმაყოფილებს ცეცხლმედეგი კარის ანაწყობის „სახელოს ნაკადის ტესტის“ კრიტერიუმებს. აკმაყოფილებს 230°C ტემპერატურის მატების კრიტერიუმებს 30 წუთისთვის.
	XXX	გამჭვირვალე მასალის ანაწყობის ცეცხლმედეგობის ან ცეცხლისგან დაცვის ხარისხი (წუთებში)

716.4 ცეცხლმედეგობის ხარისხის  დადგენის ალტერნატიული მეთოდები. ამ ქვეთავში ჩამოთვლილი ნებისმიერი ალტერნატიული მეთოდის გამოყენებას საფუძვლად NFPA 252-ში, NFPA 257-ში ან UL 9-ში აღწერილი ცეცხლის ზემოქმედება და დამკვეთის მოთხოვნები უნდა დაედოს. ღიობის დამცავის საჭირო ცეცხლმედეგობა დასაშვებია, განისაზღვროს ქვემოთ ჩამოთვლილი რომელიმე მეთოდით ან პროცედურით:

1.    აღიარებულ წყაროებში მოცემული გეგმების მეშვეობით.

2.    აღიარებული გზით წარმოებული გამოთვლებით.

3.    საინჟინრო ანალიზით, რომელიც NFPA 252-ში, NFPA 257-ში ან UL 9-ში წარმოდგენილი პროცედურების მიხედვით ჩატარებული ტესტის შედეგად დადგენილი ცეცხლმედეგობის ხარისხის  მქონე ღიობის დამცავის გეგმების შედარებას ეფუძნება.

4.    ალტერნატიული დამცავი მეთოდებით, რომლებიც 104.11 ქვეთავითაა ნებადართული.

716.5 ცეცხლმედეგი კარისა და დარაბის ანაწყობები. ცეცხლმედეგი კარისა და დარაბის ანაწყობები  ნებისმიერი მასალით ან შემადგენელი მასალების ანაწყობებით უნდა აიგოს, რომლებიც 716.5.1, 716.5.2 ან 716.5.3 ქვეთავში წარმოდგენილი ტესტის მოთხოვნებსა და 716.5 ცხრილში მოცემულ ცეცხლმედეგობის ხარისხს აკმაყოფილებს. 716.5.6 ქვეთავის შესაბამისად დასაშვებია ცეცხლმედეგი კარის ჩარჩოები, მის თავზე ფრამუგით, გვერდებზე ფანჯრებით, ან ორივეთი. ცეცხლმედეგი კარების ანაწყობები და დარაბები ამ ქვეთავის დებულებებისა და NFPA 80-ის შესაბამისად უნდა მოეწყოს.

გამონაკლისი:

1.    ეტიკეტირებული დამცავი ანაწყობები, რომლებიც UL 10A, UL 14B და UL 14C-ის მოთხოვნებს აკმაყოფილებს და თუნუქის გარსაცმიან ცეცხლმედეგი კარის ანაწყობებს ეხება;

2.    იატაკის ცეცხლმედეგი კარის ანაწყობები, რომლებიც 711.8 ქვეთავს შეესაბამება.

ცხრილი 716.5

ღიობის ცეცხლისგან დამცავი ანაწყობები, ხარისხები და აღნიშვნები

ანაწყობის ტიპი	კედლის       ანაწყობის აუცილებელი ხარისხი (საათებში)	ცეცხლმედეგი კარისა და ცეცხლმედეგი დარაბის ანაწყობის მინიმალური ხარისხი (სთ)		კარის       საჭვრეტი პანელის ზომა	კარის გასაჭვრეტ პანელში ჩასმული ცეცხლმედეგობის ხარისხიანი გამჭვირვალე მასალის აღნიშვნა		კარის გვერდითი ფანჯრებისა და ფრამუგის ანაწყობის ხარისხი (საათებში)			კარის გვერდითი ფანჯრებისა და ფრამუგის პანელებად გამოყენებული გამჭვირვალე მასალების აღნიშვნები
							ცეცხლისგან დაცვა	ცეცხლმედეგობა		ცეცხლისგან დაცვა	ცეცხლ მედეგობა
ცეცხლმედეგი კედლები და ცეცხლმედეგი ზღუდეები, რომელთა ცეცხლმედეგობის ხარისხი 1 საათს უნდა აღემატებოდეს	4	3		დაუშვებელია	დაუშვებელია		დაუშვებელია	4		დაუშვებელია	W-240
	3	3ა		დაუშვებელია	დაუშვებელია		დაუშვებელია	3		დაუშვებელია	W-180
	2	1.5		0,065 მ2  გ	≤ 0,065 მ2= D-H-90 > 0,065 მ2 = D-H-W-90		დაუშვებელია	2		დაუშვებელია	W-120
	1.5	1.5		0,065 მ2  გ	≤ 0,065 მ2= D-H-90 > 0,065 მ2 = D-H-W-90		დაუშვებელია	1.5		დაუშვებელია	W-90
შახტა, გასასვლელის შემომზღუდავები და გასასვლელის გზა-დერეფნების კედლები	2	1.5		0,065 მ2 გ,დ	≤ 0,065 მ2 = D-H-90 > 0,065 მ2 = D-H-T- ან D-H-W-90		დაუშვებელია	2		დაუშვებელია	W-120
ცეცხლმედეგი ზღუდეები, რომელთა ცეცხლმედეგობის ხარისხი 1 საათია: შახტების, გასასვლელთან მისადგომი გზა-კიბეების, გასასვლელთან მისადგომის პანდუსების, შიგა გასასვლელის გზა-კიბეების, შიგა გასასვლელის პანდუსების შემომზღუდავები	1	1		0,065 მ2  გ,დ	≤ 0,065 მ2 = D-H-60 > 0,065 მ2 = D-H-T-60 ან D-H-W-60		დაუშვებელია	1		დაუშვებელია	W-60
							ცეცხლისგან დაცვა
სხვა ცეცხლმედეგი ზღუდეები	1		3/4	მაქსიმალური ტესტირებული ზომა.		D-H-NT-45	3/4			D-H-NT-45
ცეცხლმედეგი ტიხრები: დერეფნის კედლები	1   0,5		1/3ბ   1/3ბ	შემ. მაქს. ზომ.   შემ. მაქს.ზომ.		D-20   D-20	3/4ბ   1/3			D-H-NT-45   D-H-OH-20
სხვა ცეცხლმედეგი ზღუდეები	1       0,5		¾       1/3	მაქსიმალური ტესტირებული ზომა.   მაქსიმალური ტესტირებული ზომა.		D-H-45       D-H-20	¾       1/3			D-H-45       D-H-20
გარე კედლები	3		1.5	0,065 მ2გ		≤ 0,065 მ2= D-H-90 > 0,065 მ2 = D-H-W-90	დაუშვებელია		3	დაუშვე- ბელია	W-180
	2		1.5	0,065 მ2გ		≤ 0,065 მ2= D-H-90 > 0,065 მ2 = D-H-W-90	დაუშვებელია		2	დაუშვე - ბელია	W-120
							ცეცხლისგან დაცვა
	1		3/4	მაქსიმალური ტესტირებული ზომა.		D-H-45	3/4			D-H-45
კვამლგაუმტარი ზღუდეები							ცეცხლისგან დაცვა
	1		1/3ბ	მაქსიმალური ტესტირებული ზომა.		D-20	3/4			D-H-OH-45

ა.  , ცეცხლმედეგი კედლის ერთი და იმავე ღიობის საპირისპირო მხარეებზე ჩაყენებული ორი კარი, რომელთაგან თითოეულის ცეცხლისგან დაცვის ხარისხი 1,5 საათია, 3-საათიანი ცეცხლისგან დამცავი ხარისხის მქონე ცეცხლმედეგ კარად მიიჩნევა.

ბ.    ტესტირებისადმი მოთხოვნები იხილეთ 716.6.3 ქვეთავში.

გ.   716.2 ქვეთავის მიხედვით დასაშვებია, ASTM E 119-ის შესაბამისად შემოწმდეს მაქსიმალური ზომის ცეცხლმედეგი გამჭვირვალე მასალა.

დ. მთლიანად ავტოსაშხეფი სისტემით აღჭურვილი შენობების გამოკლებით ცეცხლმედეგი გამჭვირვალე მასალა 716.5.5 ქვეთავში განსაზღვრულ კრიტერიუმებს აკმაყოფილებს.

ე.    „ცეცხლმედეგობის ხარისხიანი გამჭვირვალე მასალის აღნიშვნა – კარის საჭვრეტის პანელი“-ით დასათაურებული სვეტის ქვეშ W ეხება გამჭვირვალე მასალის და არა ჩარჩოს ცეცხლემდეგობის ხარისხს.

716.5.1 ანჯამიანი ან ღერძზე მოძრავი კარები. ანჯამიანი ან ღერძზე მოძრავკარიანი ცეცხლმედეგი კარების ანაწყობი NFPA 252-ის ან UL 10C-ის შესაბამისად უნდა შემოწმდეს. NFPA 252-ის ტესტის დაწყებიდან 5 წუთის შემდეგ ქურაში წნევის საშუალო დონე ზღურბლიდან 1,0 მ ან ნაკლებ სიმაღლეზე უნდა განისაზღვროს.

716.5.2 სხვა ტიპის ანაწყობები. სხვა ტიპის კარიანი ცეცხლმედეგი კარის ანაწყობი, მათ შორის, ორმხრივ გაღებადი ლიფტის კარი, ცეცხლმედეგი  დარაბის ანაწყობები, ნარჩენების გასატანი მილების ჩასაყრელი კარები ანჯამებით ძირში ან გვერდზე, და ნარჩენების გასატანი მილების დასაცლელი კარები ანჯამებით თავთან, NFPA 252-ის ან UL 10B-ის შესაბამისად უნდა შემოწმდეს. ქურაში მაქსიმალურად უნდა შენარჩუნდეს ატმოსფერული წნევის მსგავსი წნევა. დადგენილი წნევა მთელი შემოწმების განმავლობაში უნდა შენარჩუნდეს.

716.5.3 კარის ანაწყობები დერეფნებსა და კვამლგაუმტარ ზღუდეებში. ცეცხლმედეგი კარის ანაწყობები, რომელთაც 716.5 ცხრილში მოცემული ცეცხლმედეგობის ხარისხიანი დერეფნის კედლებში ან ბოლგამუტარი ზღუდეების კედლებში მდებარეობის შემთხვევაში 20 -წუთიანი ცეცხლმედეგობის ხარისხი სჭირდება, NFPA 252-ის ან UL 10C-ის შესაბამისად უნდა შემოწმდეს ნაკადის ზემოქმედებით შემოწმების გარეშე.

გამონაკლისი:

1.    საჭვრეტებს, რომელთათვისაც კარებში არაუმეტეს 2,5 სმ დიამეტრის ნახვრეტი უნდა გამოიჭრას, სულ მცირე, 6,4 მმ მინის დისკო და ლითონის ბუდე უნდა ჰქონდეს, რომელიც 927°C ტემპერატურაზე არ დადნება;

2.    დწ-2 ჯგუფის დაკავებულობებში დერეფნის კარების ანაწყობები 407.3.1 ქვეთავს უნდა შეესაბამებოდეს;

3.    დაუცველი ღიობები დასაშვებია მრავალდარბაზიანი კომპლექსების დერეფნებში, სადაც თითოეულ კინოდარბაზს, სულ მცირე, ნახევარი აუცილებელი გასასვლელი ან გასასვლელთან მისადგომის გზა-კარი აქვს, რომლებიც პირდაპირ გარეთ ან გასასვლელის გზა-დერეფანში გადის;

4.    დწ-3 ჯგუფის დაკავებულობებში თარაზულად მოძრავი გორგოლაჭიანი კარები კვამლგაუმტარ ზღუდეებში, რომლებიც 408.3 და 408.8.4 ქვეთავებს შეესაბამება.

716.5.3.1 კვამლისა და წევის კონტროლი. ცეცხლმედეგი კარის ანაწყობები კვამლისა და წევის საკონტროლო კარის ანაწყობებისადმი არსებულ მოთხოვნებსაც უნდა აკმაყოფილებდეს, რაც UL 1784-ის მიხედვით მოწმდება. კარის ანაწყობიდან ჰაერის გაპარვის ტემპი კარის ღიობის კვადრატულ მეტრზე 0,01524 მ³-ს არ უნდა აღემატებოდეს 24,9 პა წნევისას როგორც გარემომცველი ტემპერატურის, ისე მომატებული ტემპერატურის პირობებში. ფირფიტანების (ჟალუზების) გამოყენება აკრძალულია. კვამლგაუმტარი კარები NFPA 105-ის შესაბამისად უნდა ჩაყენდეს.

716.5.3.2 გამჭვირვალე მასალა კარის ანაწყობებში. 20-წუთიანი ცეცხლმედეგობის ხარისხის  მქონე ცეცხლმედეგ კარებში ჩასმულ გამჭვირვალე მასალას, სულ მცირე, 20-წუთიანი ცეცხლმედეგობის ხარისხი უნდა ჰქონდეს. მას ნაკადის ზემოქმედებით შემოწმება არ სჭირდება. კარის ანაწყობის ნებისმიერ სხვა ნაწილში, მათ შორის, ფრამუგაში და კარის გვერდებზე ჩადგმული გამჭვირვალე მასალა NFPA 252-ის ან UL 9-ის შესაბამისად უნდა შემოწმდეს, მათ შორის, ნაკადის ზემოქმედებით შემოწმების მეთოდით, 716.6 ქვეთავის შესაბამისად.

716.5.4 კარის ანაწყობები სხვა ცეცხლმედეგ ტიხრებში. 0,5-საათიანი ცეცხლმედეგობის ხარისხის  მქონე სხვა ცეცხლმედეგ ტიხრებში ჩაყენებული ცეცხლმედეგი კარის ანაწყობები, რომელთაც 716.5 ცხრილის შესაბამისად, სულ მცირე, 20-წუთიანი ცეცხლმედეგობის ხარისხი მოეთხოვება, NFPA 252-ში, UL 10B-ში ან UL 10C-ში აღწერილი ნაკადის ზემოქმედების ტესტის გამოყენებით უნდა შემოწმდეს.

716.5.5 კარები შიგა გასასვლელის გზა-კიბეებს, პანდუსებსა და გასასვლელის გზა-დერეფნებში. შიგა გასასვლელის გზა-კიბეებში, პანდუსებსა და გასასვლელის გზა-დერეფნებში მდებარე ცეცხლმედეგი კარის ანაწყობებისთვის გადაცემული მაქსიმალური ტემპერატურა სტანდარტული ცეცხლმედეგობის ტესტის დაწყებიდან 30 წთ-ის შემდეგ გარემომცველ ტემპერატურას 250°C-ზე მეტად არ უნდა აღემატებოდეს,.

გამონაკლისი: მაქსიმალური გადაცემული ტემპერატურის მომატება საჭირო არ არის შენობებში, სადაც დაყენებულია ავტოსაშხეფი სისტემა 903.3.1.1 ან 903.3.1.2 ქვეთავის შესაბამისად.

716.5.5.1 გამჭვირვალე მასალა კარებში. 0,065 მ²-ზე მეტ ფართობზე დაუშვებელია ცეცხლისაგან დაცვის ხარისხის მქონე გამჭვირვალე მასალის გამოყენება. 0,065 მ²-ზე მეტ ფართობზე ცეცხლისაგან დაცვის ხარისხის მქონე გამჭვირვალე მასალა დასაშვებია ცეცხლმედეგი კარის ანაწყობში, თუ შემოწმებულია, როგორც კარის ანაწყობის შემადგენელი ნაწილი და არა როგორც განათებულობის უზრუნველსაყოფად გამოყენებული მინა. მაქსიმალურმა გადაცემულმა ტემპერატურამ დასაშვებია, მოიმატოს 250°C-მდე, 716.5.5 ქვეთავის შესაბამისად.

716.5.6 ცეცხლმედეგი კარის ჩარჩოები ფრამუგებითა და გვერდითი ფანჯრებით. ცეცხლმედეგი კარის ჩარჩოები ფრამუგებითა და გვერდითი ფანჯრებით, ან ორივეთი, დასაშვებია, სადაც აუცილებელია ¾ (45-წუთი) ან ნაკლებსაათიანი ცეცხლმედეგობის ხარისხი 716.4 ცხრილის შესაბამისად. ASTM E119-ის ან UL 263-ის შესაბამისად შემოწმებული ცეცხლმედეგობის ხარისხის  მქონე გამჭვირვალე მასალის გამოყენებით ფრამუგებიანი და გვერდითფანჯრებიანი, ან ორივე ელემენტიანი ცეცხლმედეგი კარის ჩარჩოს ანაწყობი დასაშვებია, თუ 716.5 ცხრილი ¾ საათზე (45 წუთზე) მეტ ცეცხლმედეგობის ხარისხს მოთხოვს.

716.5.7 ეტიკეტირებული დამცავი ანაწყობები. ცეცხლმედეგი კარის ანაწყობს უნდა ჰქონდეს ეტიკეტი. ეტიკეტები NFPA 80-ს უნდა შეესაბამებოდეს და კარს ან ჩარჩოს მუდმივად უნდა ეკრას.

716.5.7.1 ცეცხლმედეგი კარის ეტიკეტირებასთან დაკავშირებული მოთხოვნები. ცეცხლმედეგ კარებს ეტიკეტი უნდა ეკრას, რომელზეც მითითებულია მწარმოებლის სახელი ან სხვა ნიშანი, რომლითაც ადვილად შეიძლება მწარმოებლის მონახვა. შეიძლება, ასევე, კარს დატანილი ჰქონდეს სავაჭრო ნიშანი, ცეცხლმედეგობის ხარისხი და, საჭიროების შემთხვევაში, 716.5.5 ქვეთავის მიხედვით, შიგა გასასვლელის გზა-კიბეებში, პანდუსებსა და გასასვლელის გზა-დერეფნებში მდებარე ცეცხლმედეგი კარებისათვის აუცილებელი მაქსიმალური გადაცემული ტემპერატურის ზედა ზღვარი. კვამლისა და წევის საკონტროლო კარები, რომლებიც შეესაბამება UL 1784-ს, ამგვარად ეტიკეტირებული უნდა იყოს და 716.5.7.3 ქვეთავს უნდა შეესაბამებოდეს. ეტიკეტები ნებადართული უნდა იყოს და კარს მუდმივად უნდა ეკრას. ეტიკეტი უნდა ეკუთვნოდეს ფაბრიკას ან ადგილს, სადაც კარს აწარმოებენ და აწყობენ.

716.5.7.1.1 გასანათებელი აღჭურვილობა, ფირფიტანები (ჟალუზები) და კომპონენტები. გასანათებელი აღჭურვილობა და ფირფიტანები (ჟალუზები) და მათი კომპონენტები ეტიკეტირებული კარის ნაწილად მიიჩნევა. ამგვარი გამოყენებისთვის ვარგისობაზე შემოწმებისას, დასაშვებია, ცეცხლმედეგი კარები და კარის ანაწყობები შეიცავდეს ისეთ კომპონენტებს, როგორებიცაა:  გამჭვირვალე მასალები, საჭვრეტი სარკმლები და კავეული.

716.5.7.2 ზომაზე დიდი კარები. ზომაზე დიდ კარებს ზომაზე დიდი კარის ეტიკეტი უნდა ეკრას ან აღიარებული შემმოწმებელი სააგენტოს მიერ გაცემული შემოწმების სერტიფიკატი უნდა ჰქონდეს. გაცემული სერტიფიკატი უნდა ადასტურებდეს, რომ კარები აკმაყოფილებს დაგეგმარებასთან, მასალებთან და კონსტრუქციასთან დაკავშირებულ მოთხოვნებს, მაგრამ ცეცხლმედეგობის ტესტის საშუალებით არ შემოწმებულა.

716.5.7.3 კვამლისა და წევის საკონტროლო კარების ეტიკეტირებასთან დაკავშირებული მოთხოვნები. კვამლისა და წევის საკონტროლო კარები, რომლებიც UL 1784-ს შეესაბამება,  716.5.6.1 ქვეთავის შესაბამისად უნდა იყოს ეტიკეტირებული. კარების ცეცხლმედეგობის ხარისხის ეტიკეტზე ასო „S“ უნდა ეწეროს. ეს ნიშანი მიუთითებს, რომ ნუსხაში შესული და ეტიკეტირებული შუასადების განთავსებისას კარისა და ჩარჩოს ანაწყობი მოთხოვნების შესაბამისი იქნება.

716.5.7.4 ცეცხლმედეგი კარის ჩარჩოს ეტიკეტირებასთან დაკავშირებული მოთხოვნები. ცეცხლმედეგი კარის ჩარჩოების ეტიკეტი მწარმოებლისა და შემმოწმებელი სააგენტოს (რომელიც მესამე მხარეს წარმოადგენს) დასახელებებს უნდა შეიცავდეს.

716.5.8 გამჭვირვალე მასალა. ცეცხლმედეგი კარის ანაწყობში ნებადართულია ცეცხლმედეგობის ხარისხიანი გამჭვირვალე მასალის გამოყენება, რომელიც აკმაყოფილებს 716.5 ქვეთავში განსაზღვრულ მოთხოვნებს ღიობის დამცავებთან დაკავშირებით.

716.5.8.1 ზომების ზღვრები. ცეცხლმედეგ კარებში გამოყენებული გამჭვირვალე მასალა NFPA 80-სა და 716.5.8.1.1 და 716.8.1.2 ქვეთავებში მოცემულ ზომების ზღვრებს უნდა შეესაბამებოდეს.

716.5.8.1.1 ცეცხლმედეგობის ხარისხის  მქონე გამჭვირვალე მასალა ცეცხლმედეგი კედლების კარის ანაწყობებში და 1 საათზე მეტი ხარისხის მქონე ცეცხლმედეგ ზღუდეებში. ASTM E 119-ის ან UL 263-ისა და NFPA 252-ის, UL 10B-ის ან UL 10C-ის შესაბამისად შემოწმებული ცეცხლმედეგობის ხარისხიანი გამჭვირვალე მასალის გამოყენება დასაშვებია ცეცხლმედეგიკარის ანაწყობებში, რომლებიც ცეცხლმედეგ კედლებსა და ცეცხლმედეგ ზღუდეებში 716.5 ცხრილის შესაბამისადაა განთავსებული, თუ შემოწმებულია მათი მაქსიმალური ზომა და ის შეესაბამება ნუსხში მოცემულ მოთხოვნებს.

716.5.8.1.2 ცეცხლისაგან დაცვის ხარისხის  მქონე გამჭვირვალე მასალა ცეცხლმედეგი კედლების კარის ანაწყობებში და 1 საათზე მეტი ხარისხის მქონე ცეცხლმედეგ ზღუდეებში. ცეცხლისაგან დაცვის ხარისხის მქონე გამჭვირვალე მასალის გამოყენება ცეცხლმედეგ კედლებსა და ცეცხლმედეგ ზღუდეებში აკრძალულია, გარდა 716.5.8.1.2.1 და 716.5.8.1.2.2 ქვეთავებში განსაზღვრული შემთხვევებისა.

716.5.8.1.2.1 თარაზული გასასვლელები. საჭვრეტ პანელებლად ცეცხლისაგან დაცვის ხარისხის მქონე გამჭვირვალე მასალის გამოყენება დასაშვებია ორმხრივად მოძრავი ცეცხლმედეგი და თვითიკეტებადი კარის ანაწყობებში, რომლებიც ცეცხლმედეგ კედლებში თარაზული გასასვლელების ფუნქციას ასრულებს, 0,065 მ²-ზე მეტი ფართობის არ არის და მათი არცერთი ზომა არ აღემატება 30 სმ-ს.

716.5.8.1.2.2 ცეცხლმედეგი ზღუდეები. 0,065 მ²-მდე ფართობის ცეცხლისაგან დაცვის ხარისხის მქონე გამჭვირვალე მასალის განთავსება ცეცხლმედეგ კარებში დასაშვებია, თუ ცეცხლისგან დაცვის ხარისხი 1,5 საათია და კარი ცეცხლმედეგ ზღუდეებშია ჩაყენებული.

716.5.8.2 ლიფტის, გზა-კიბისა და პანდუსის დამცავები. ლიფტების, გზა-კიბეებისა და პანდუსების შემომზღუდავების ცეცხლმედეგი კარის ანაწყობში გამოყენებული ცეცხლმედეგობის ხარისხიანი გამჭვირვალე მასალა ისე უნდა განთავსდეს, რომ კარგად ჩანდეს გასასვლელი ან მოახლოებული ლიფტი, გზა-კიბე ან პანდუსი.

716.5.8.3 ეტიკეტირება. ცეცხლემდეგობის ხარისხის მქონე გამჭვირვალე მასალას ეტიკეტი ან სხვა ამოსაცნობი ნიშანი უნდა ჰქონდეს, რომელზეც მწარმოებლის სახელი, შემოწმების სტანდარტი და 716.5.8.3.1 ქვეთავში განსაზღვრული ინფორმაციაა მოცემული. ეტიკეტი აღიარებული სააგენტოს მიერ უნდა იყოს გაცემული და მუდმივად იკითხებოდეს გამჭვირვალე მასალაზე.

716.5.8.3.1 ამოცნობა. ცეცხლმედეგობის ხარისხიანი გამჭვირვალე მასალის ეტიკეტი ასეთ ოთხნაწილიან ამოსაცნობ ნიშანს უნდა შეიცავდეს: „D – H ან NH – T ან NT – XXX“. D მიუთითებს, რომ გამჭვირვალე მასალა გამოიყენება ცეცხლმედეგი კარის ანაწყობებში და რომ გამჭვირვალე მასალა აკმაყოფილებს NFPA 252-ის სტანდარტული ცეცხლმედეგობის მოთხოვნებს. H მიუთითებს, რომ გამჭვირვალე მასალა აკმაყოფილებს ნაკადის ზემოქმედებით შემოწმების NFPA 252-ის მოთხოვნებს. NH მიანიშნებს, რომ გამჭვირვალე მასალა არ აკმაყოფილებს ნაკადის ზემოქმედებით შემოწმების მოთხოვნებს. T გულისხმობს, რომ გამჭვირვალე მასალა აკმაყოფილებს 716.5.5.1 ქვეთავში წარმოდგენილ მოთხოვნებს ტემპერატურასთან დაკავშირებით. NT მიანიშნებს, რომ გამჭვირვალე მასალა არ აკმაყოფილებს 716.5.5.1 ქვეთავში წარმოდგენილ მოთხოვნებს ტემპერატურასთან დაკავშირებით. ველში „XXX“ მიენიშნება ცეცხლმედეგობის ხარისხი წუთებში.

716.5.8.4 უსაფრთხო გამჭვირვალე მასალა., საფრთხის შემცველ ადგილებში ცეცხლმედეგ კარებში ჩასმული ცეცხლისაგან დაცვის ხარისხის მქონე გამჭვირვალე მასალა, რომელზეც ადამიანები ზემოქმედებენ, 24-ე თავს უნდა შეესაბამებოდეს.

716.5.9 კარის დახურვა. ამ ქვეთავის თანახმად, ცეცხლმედეგი კარი თავისით ან ავტომატურად უნდა იკეტებოდეს. იმ შემთხვევაში, თუ კარის დამკეტი მწყობრიდან გამოვა, ნარჩენების გასატანი მილის თვითიკეტებადი ჩასაყრელი კარები „გაღებულ“ პოზიციაში არ უნდა რჩებოდეს.

გამონაკლისი:

1.    დასაშვებია, სც-1 ჯგუფში საძინებელი ერთეულების გამმიჯნავ საზიარო კედლებში მდებარე ცეცხლმედეგი კარები არ იკეტებოდეს თავისით ან ავტომატურად.

2.    ლიფტის კაბინის კარი და მასთან დაკავშირებული ლიფტის შახტის შემომზღუდავის  კარი იატაკის იმ დონეზე, რომელიც 1703.2 ქვეთავის განსაზღვრების მიხედვით, განკუთვნილია ავარიული მდგომარეობის დროს კაბინის მისაყვანად/გასაჩერებლად, დასაშვებია დარჩეს ღია მდგომარეობაში საგანგებო ვითარების დროს, როცა კაბინა ხელით ან ავტომატურად მიდის/ჩერდება წინასწარგანსაზღვრულ იატაკთან ავარიული მდგომარეობის გამო.

716.5.9.1 საკეტის აუცილებლობა. თუ განსაკუთრებულ შემთხვევებში სხვაგვარად არაა დაშვებული, ცალკეულ ცეცხლმედეგ კარებსა და ანჯამიანი ორმხრივად მოძრავი ცეცხლმედეგი კარის ფრთების ორივე წყვილს მოქმედი საკეტი უნდა ჰქონდეს.

716.5.9.1.1 ნარჩენების გასატანი მილის ჩასაყრელი კარის საკეტი. ნარჩენების გასატანი მილის ჩასაყრელ კარებს უნდა ჰქონდეს ურდული, რომელიც საკეტის ზამბარის მწობრიდან გამოსვლის შემთხვევაში ჩაკეტილ მდგომარეობაში რჩება.

716.5.9.2 ავტომატურად დახურვადი ცეცხლმედეგი კარის ანაწყობი.  ავტომატურად დაკეტვადი ცეცხლმედეგი კარის ანაწყობი NFPA 80-ის შესაბამისად უნდა იკეტებოდეს.

716.5.9.3 კვამლზე გააქტიურებადი კარები. ქვემოთ ჩამოთვლილ ადგილებში ჩაყენებული ავტომატურად დაკეტვადი კარები 907.3 ქვეთავის შესაბამისად დაყენებული კვამლაღმომჩენების გააქტიურებისთანავე ან კვამლაღმომჩენის ან კარის ღიად დამჭერი მექანიზმისათვის ელექტრომომარაგების შეწყვეტისთანავე უნდა იხურებოდეს. კვამლაღმომჩენის საშუალებით ავტომატურად დაკეტვადი კარების ავტომატურად დახურვას, კვამლაღმომჩენის გააქტიურების შემდეგ 10 წამზე მეტი არ უნდა დასჭირდეს, კერძოდ:

1.        დერეფნის პერპენდიკულარულად ჩაყენებულ კარს;

2.        კარებს, რომლებიც იცავს ღიობებს ცეცხლმედეგობის ხარისხის  მქონე კონსტრუქციის გასასვლელებში ან დერეფნებში;

3.        კარებს, რომლებიც იცავს ღიობებს კვამლის გავრცელების შემზღუდველ კედლებში 509.4 ქვეთავის შესაბამისად;

4.        კვამლგაუმტარ ზღუდეებში 709.5 ქვეთავის შესაბამისად ჩაყენებულ კარებს;

5.        ცეცხლმედეგ ტიხრებში 708.6 ქვეთავის შესაბამისად ჩაყენებულ კარებს;

6.        ცეცხლმედეგ კედელში 706.8 ქვეთავის შესაბამისად ჩაყენებულ კარებს;

7.        შახტის შემომზღუდავებში 713.7 ქვეთავის შესაბამისად ჩაყენებულ კარებს;

8.        ნარჩენების გასატან და სამრეცხაოს მილების, ასევე მისადგომ და დასაცლელ ოთახებში 713.13 ქვეთავის შესაბამისად ჩაყენებული კარები. ნარჩენების გასატან და სამრეცხაოს მილებში ჩაყენებული ავტომატურად დაკეტვადი ჩასაყრელი კარები ასევე 716.5.9 და 716.5.9.1.1 ქვეთავების მოთხოვნებს უნდა აკმაყოფილებდეს;

9.        მიწისქვეშა შენობების განყოფილებებად დამყოფ კედლებში 405.4.2 ქვეთავის შესაბამისად ჩაყენებულ კარებს;

10.    მიწისქვეშა შენობების ლიფტის ფოიეს კედლებში 405.4.3 ქვეთავის შესაბამისად ჩაყენებულ კარებს;

11.    კვამლგაუმტარ ტიხრებში 710.5.2.3 ქვეთავის შესაბამისად ჩაყენებულ კარებს.

716.5.9.4 კარები ფეხით სავალ გზებზე. შვეულად ასაგორებელი (ასაწევი) ან შვეულად ასახვევი ფოლადის ცეცხლმედეგი კარები, რომლებიც კვეთს ფეხით სავალ გზებს, სიმხურვალეზე ან კვამლაღმომჩენებით უნდა აქტიურდებოდეს.

716.5.10 ორმხრივ მოძრავი ცეცხლმედეგი დარაბები. თუ გარე ღიობებში ორმხრივ მოძრავი ცეცხლგამძლე დარაბებია ჩაყენებული, არანაკლებ, ერთი რიგი ყოველი მესამე შვეული რიგიდან ისე უნდა მოეწყოს, რომ ადვილად იღებოდეს გარეთა მხრიდან. მას, ასევე, უნდა ჰქონდეს განმასხვავებელი ნიშნები ან, არანაკლებ, 15 სმ ზომის ასოები.

716.5.11 დასახვევი ცეცხლმედეგი დარაბები. დასახვევ ცეცხლმედეგ დარაბებზე დაყენებული უნდა იყოს ავტომატურად დამკეტი მექანიზმები.

716.6 ცეცხლმედეგობის ხარისხის  მქონე გამჭვირვალე მასალა. ცეცხლმედეგი ფანჯრის ანაწყობებში გამოყენებულ გამჭვირვალე მასალას 716.6 ცხრილის შესაბამისად განსაზღვრული ცეცხლმედეგობის ხარისხი უნდა ჰქონდეს. ცეცხლმედეგი კარის ანაწყობებში გამოყენებული გამჭვირვალე მასალა 716.5.8 ქვეთავს უნდა შეესაბამებოდეს. ცეცხლმედეგი ფანჯრის ანაწყობებში გამოყენებული ცეცხლმედეგობის ხარისხიანი გამჭვირვალე მასალა უნდა შემოწმდეს და უნდა აკმაყოფილებდეს NFPA 257-ის ან UL 9-ის მისაღებობის კრიტერიუმებს. ცეცხლმედეგობის ხარისხიანი გამჭვირვალე მასალა ასევე NFPA 80-ს უნდა შეესაბამებოდეს. ცეცხლმედეგობის ხარისხის  არმქონე გარე კედლების ანაწყობებს, რომლებიც 705.3, 705.8, 705.8.5 ან 705.8.6 ქვეთავის შესაბამისად უნდა იყოს დაცული, არანაკლებ, ¾-საათიანი (45 -წუთიანი) ცეცხლმედეგობის ხარისხი უნდა ჰქონდეს. ცეცხლმედეგობის ხარისხიანი გამჭვირვალე მასალას 0,5-საათიან ცეცხლმედეგობის ხარისხის  მქონე ტიხრებში დასაშვებია, ჰქონდეს 0,33-საათიანი ცეცხლმედეგობის ხარისხი.

ცხრილი 716.6

ცეცხლმედეგი ფანჯრის ანაწყობის ცეცხლისაგან დაცვის ხარისხები

ანაწყობის ტიპი	ანაწყობებისთვის ცეცხლმედეგობის აუცილებელი ხარისხები (სთ)	ცეცხლმედეგი ფანჯრის ანაწყობის ცეცხლმედეგობის მინიმალური  ხარისხი (სთ)	ცეცხლმედეგობის ხარისხიანი გამჭვირვალე მასალის ნიშანი
შიგა კედლები: ცეცხლმედეგი კედლები ცეცხლმედეგი ზღუდეები თანმხლები გამოყენების ფართობები (707.3.6) შერეული დაკავებულობის გამმიჯნავები (707.3.8) ცეცხლმედეგი  ტიხრები კვამლგაუმტარი ზღუდეები	ყველა > 1 1 1   1 0,5 1	დაუშვებელიაა დაუშვებელიაა დაუშვებელიაა 3/4   ¾ 1/3 ¾	W-XXXb W-XXXb W-XXXb OH-45 an W-60   OH-45 an W-60 OH-45 an W-60 OH-45 an W-60
გარე კედლები	> 1 1 0,5	1,5 ¾ 1/3	OH-90 an W-XXX OH-45 an W-60 OH-45 an W-60
საზიარო კედელი	ყველა	დაუშვებელია	არ სჭირდება

ა.    დაუშვებელია, გარდა ASTM E 119-ის ან UL 263-ის მიხედვით შემოწმებული ცეცხლმედეგობის ხარისხიანი გამჭვირვალე მასალისა, როგორც განსაზღვრულია 716.2 ქვეთავში.

ბ.   XXX = ცეცხლმედეგობის ხარისხი წუთებში, რომელიც კედლის ანაწყობის ცეცხლმედეგობის ხარისხის ტოლი უნდა იყოს.

716.6.1 შემოწმება დადებითი წნევის პირობებში. NFPA 257-ში ან UL 9-ში მოცემული ტესტის საშუალებით განისაზღვრება გამჭვირვალე მასალის ცეცხლმედეგობის ხარისხი დადებითი წნევის პირობებში. ტესტის დაწყებიდან პირველი 10 წუთის განმავლობაში ქურაში წნევა ისე უნდა დარეგულირდეს, რომ საცდელი ნიმუშის, სულ მცირე, ორი მესამედი საშუალო წნევის სიბრტყის ზემოთ მოხვდეს და წონასწორობის დასაცავად საშუალო წნევის სიბრტყე ამ სიმაღლეზე შენარჩუნდეს.

716.6.2 გამჭვირვალე მასალის ასიმეტრიული (ცეცხლმედეგობის მიხედვით) სისტემები. ცეცხლმედეგობის ხარისხიანი გამჭვირვალე მასალის ასიმეტრიული სისტემები ცეცხლმედეგ ტიხრებში, ცეცხლმედეგ ზღუდეებში ან გარე კედლებში, რომელთა ხანძარსაწინააღმდეგო მანძილი 705-ე ქვეთავის შესაბამისად 1,5 მ ან ნაკლებია, ორივე მხრიდან უნდა შემოწმდეს და მინიჭებული ცეცხლმედეგობის ხარისხი NFPA 257-ის  ან UL 9-ის მიხედვით ჩატარებული ორი ტესტისას გამოვლენილ ყველაზე მცირე ხანგრძლივობას უნდა შეესაბამებოდეს.

716.6.3 უსაფრთხო გამჭვირვალე მასალა.  საფრთხის შემცველ ადგილებში ცეცხლმედეგ კარებში ჩასმული ცეცხლისაგან დაცვის ხარისხიანი გამჭვირვალე მასალა, რომელზეც ადამიანები ზემოქმედებენ, 24-ე თავს უნდა შეესაბამებოდეს.

716.6.4 მინა და გამჭვირვალე მასალები. ცეცხლმედეგი ფანჯრის ანაწყობებში გამოყენებულ გამჭვირვალე მასალებს ცეცხლმედეგობის ხარისხი უნდა ჰქონდეს. ისინი NFPA 80-ის შესაბამისად უნდა ჩაისვას სტანდარტში მოცემული ზომის შეზღუდვების გათვალისწინებით.

716.6.5 ჩასმა. ცეცხლმედეგობის ხარისხიანი მინა ჩარჩოში უნდა ჩაისვას და უძრავი ან ავტომატურად დაკეტვადი უნდა იყოს.

716.6.6 ფანჯრის შუალები. ლითონის შუალები, რომელთა ნომიმალური სიმაღლე 3,7 მ-ს აღემატება,  ისეთი მასალებით უნდა იყოს დაცული, რომელთა ცეცხლმედეგობის ხარისხი დამცავის განსათავსებელი კედლის კონსტრუქციის ხარისხს შეესაბამება.

716.6.7 შიგა ცეცხლმედეგი ფანჯრის ანაწყობები. ცეცხლმედეგ ტიხრებსა და ცეცხლმედეგ ზღუდეებში ჩაყენებული ცეცხლმედეგი ფანჯრის ანაწყობებში ცეცხლმედეგობის ხარისხიანი გამჭვირვალე მასალის გამოყენება დასაშვებია მხოლოდ ისეთ ანაწყობებში, რომელთა ცეცხლმედეგობის ხარისხი ამ ქვეთავის შესაბამისად მაქსიმუმ 1 საათია.

716.6.7.1 ¾-საათიანი (45-წუთიანი) ცეცხლმედეგობის მქონე ფანჯრის ანაწყობების ჩასაყენებლად ნებადართული ადგილები. 716.6 ცხრილის მიხედვით 45-წუთიანი ცეცხლმედეგობის ხარისხიანი ღიობის დამცავებში ჩასმული ცეცხლისაგან დაცვის ხარისხის მქონე გამჭვირვალე მასალის გამოყენება დასაშვებია მხოლოდ ცეცხლმედეგ ტიხრებში, რომლებიც 708-ე ქვეთავის შესაბამისადაა დაგეგმარებული, ასევე, ცეცხლმედეგ ზღუდეებში, რომლებიც 707.3.6 და 707.3.8 ქვეთავებში განსაზღვრულ შემთხვევებში გამოიყენება, როცა ცეცხლმედეგობის ხარისხი არ აღემატება 1 საათს. ამ ქვეთავის შეზღუდვები არ ვრცელდება ცეცხლმედეგობის ხარისხიანი გამჭვირვალე მასალის ანაწყობებზე, რომლებიც ASTM E 119-ის ან UL 263-ის მიხედვითაა შემოწმებული.

716.6.7.2 ფართობის შეზღუდვები. ცეცხლმედეგობის ხარისხიანი ფანჯრის ანაწყობებში გამოყენებული გამჭვირვალე მასალების საერთო ფართობი ჩვეულებრივი კედლის ფართობის 25%-ს არ უნდა აღემატებოდეს.

716.6.7.3 ¹/₃-საათიანი (15-წუთიანი) ცეცხლმედეგობის მქონე ფანჯრის ანაწყობების განსათავსებლად ნებადართული ადგილები. ცეცხლმედეგობის ხარისხიანი გამჭვირვალე მასალა დასაშვებია ASTM E 119-ის ან UL 263-ის მიხედვით შემოწმებული ფანჯრის ანაწყობებში, რომლებიც 716.6 ცხრილის მიხედვით ¹/₃-საათიანი (15-წუთიანი) ცეცხლმედეგობის მქონე ღიობის დამცავებიან კვამლგაუმტარ ზღუდეებსა და ცეცხლმედეგ ტიხრებშია ჩაყენებული.

716.6.8 ეტიკეტირებასთან დაკავშირებული მოთხოვნები. ცეცხლმედეგობის ხარისხიან გამჭვირვალე მასალას ეტიკეტი ან სხვა ამოსაცნობი ნიშანი უნდა ჰქონდეს, რომელიც მწარმოებლის სახელს, ტესტის სტანდარტს და 716.6 ცხრილში განსაზღვრულ ინფორმაციას შეიცავს. ასეთ ეტიკეტს შესაბამისი სააგენტო გასცემს და ის გამჭვირვალე მასალაზე მუდმივად უნდა იკითხებოდეს.

 

ქვეთავი 717 – არხები და საჰაერო ღიობები

717.1 ზოგადი. ამ ქვეთავის დებულებებით რეგულირდება არხებისა და საჰაერო ღიობების დამცავები დაცულ ანაწყობებში. ისინი ასევე, არეგულირებს ცეცხლმედეგობის ხარისხის არმქონე იატაკის ანაწყობებში გამავალ არხებს.

717.1.1 ცეცხლმედეგობის ხარისხიან ანაწყობებში გამავალი არხები ფარსაკეტების გარეშე. არხები, რომლებიც ცეცხლმედეგობის ხარისხიან ანაწყობებში გადის და ამ ქვეთავის თანახმად ფარსაკეტებს არ საჭიროებს, 714.2 – 714.3.3 ქვეთავების მოთხოვნებს უნდა აკმაყოფილებდეს. შახტით შემოზღუდული ან შემოუზღუდავი და ამ ქვეთავის თანახმად ფარსაკეტების საჭიროების არმქონე თარაზული ანაწყობების გადამკვეთი არხები 714.4 – 714.4.2.2 ქვეთავების მოთხოვნებს უნდა აკმაყოფილებდეს.

717.1.1.1 ცეცხლმედეგობის ხარისხის არმქონე ანაწყობებში გამავალი არხები. სივრცე ცეცხლმედეგობის ხარისხის არმქონე იატაკის ანაწყობებში გამავალი არხების გარშემო 717.6.3 ქვეთავს უნდა შეესაბამებოდეს.

717.2 დაყენება. ცეცხლის ფარსაკეტები, კვამლის ფარსაკეტები, კომბინირებული ცეცხლის/კვამლის ფარსაკეტები და ჭერის გამოსხივების ფარსაკეტები, რომლებიც ჰაერის გამანაწილებელ და კვამლის საკონტროლო სისტემებშია ჩაყენებული, ამ ქვეთავის მოთხოვნების, მწარმოებლის მითითებებისა და ფარსაკეტების ნუსხის შესაბამისად უნდა განთავსდეს.

717.2.1 კვამლის საკონტროლო სისტემა. თუ ცეცხლის ფარსაკეტის ჩაყენება ხელს შეუშლის კვამლის საკონტროლო აუცილებელი სისტემის ფუნქციონირებას 909-ე ქვეთავის შესაბამისად, ალტერნატიული დამცავი უნდა გამოვიყენოთ. თუ მექანიკური სისტემები, მათ შორის, შენობის გასანიავებლად გამოყენებული არხები და ფარსაკეტები, კვამლის საკონტროლო სისტემის ნაწილია, კვამლის კონტროლის რეჟიმში ამ სისტემების მოსალოდნელი მუშაობა 909.4 ქვეთავით მოთხოვნილ რაციონალურ ანალიზში უნდა იყოს განხილული.

717.3 ფარსაკეტის ტესტირება, ხარისხები და გააქტიურება.  ფარსაკეტის ტესტირება, ხარისხები და გააქტიურება 717.3.1 – 717.3.3 ქვეთავების მოთხოვნებს უნდა შეესაბამებოდეს.

717.3.1 ფარსაკეტის ტესტირება. ფარსაკეტები ამ ქვეთავში განსაზღვრული სტანდარტების შესაბამისად უნდა აღინუსხოს და ეტიკეტირდეს. ცეცხლის ფარსაკეტები UL 555-ის მოთხოვნებს უნდა აკმაყოფილებდეს. გათბობის, განიავებისა და ჰაერის კონდიცირების სისტემებში, რომლებიც ისეა დაგეგმარებული, რომ მათი ვენტილატორები ხანძრის დროსაც მუშაობს, მხოლოდ ეტიკეტზე დინამიკური სისტემებისათვის მითითებული ცეცხლის ფარსაკეტები უნდა ჩაყენდეს. კვამლის ფარსაკეტები UL 555შ-ის მოთხოვნებს უნდა აკმაყოფილებდეს. კომბინირებული ცეცხლის/კვამლის ფარსაკეტები როგორც UL 555-ის, ისე UL 555S-ის მოთხოვნებს უნდა აკმაყოფილებდეს. ჭერის გამოსხივების ფარსაკეტები UL 555C-ის მოთხოვნებს უნდა აკმაყოფილებდეს ან უნდა შემოწმდეს, როგორც ცეცხლმედეგობის ხარისხიანი იატაკ-ჭერის ან სახურავ-ჭერის ანაწყობის ნაწილი, ASTM E119-ის ან UL 263-ის შესაბამისად.

717.3.2 ფარსაკეტის ცეცხლმედეგობის ხარისხი. ფარსაკეტის ცეცხლმედეგობის ხარისხი 717.3.2.1 – 717.3.2.3 ქვეთავებს უნდა შეესაბამებოდეს.

717.3.2.1 ცეცხლის ფარსაკეტის ცეცხლმედეგობის ხარისხი. ცეცხლის ფარსაკეტებს, სულ მცირე, 717.3.2.1 ცხრილში განსაზღვრული ცეცხლისაგან დაცვის ხარისხი უნდა ჰქონდეს, რაც დამოკიდებულია გაყვანილობის ტიპზე.

ცხრილი 717.3.2.1

ცეცხლის ფარსაკეტის ცეცხლმედეგობის ხარისხი

შეღწევადობის ტიპი	ცეცხლის ფარსაკეტის მინიმალური ხარისხი (სთ)
ანაწყობები, რომელთა ცეცხლმედეგობის ხარისხი 3 სთ-ზე ნაკლებია	1,5
ანაწყობები, რომელთა ცეცხლმედეგობის ხარისხი 3 სთ ან მეტია	3

717.3.2.2 კვამლის ფარსაკეტის ცეცხლმედეგობის ხარისხი. კვამლის ფარსაკეტიდან კვამლის გაპარვის ხარისხი I ან II კლასს უნდა შეესაბამებოდეს. მომატებული ტემპერატურის ხარისხი 121°C-ზე ნაკლები არ უნდა იყოს.

717.3.2.3 ცეცხლის/კვამლის კომბინირებული ფარსაკეტის ცეცხლმედეგობის ხარისხი. ცეცხლის/კვამლის კომბინირებულ ფარსაკეტებს 717.3.2.1 ცხრილში გაყვანილობის ტიპისთვის განსაზღვრული ცეცხლმედეგობის მინიმალური ხარისხი და, ასევე, 717.3.2.2 ქვეთავში კვამლის ფარსაკეტისთვის განსაზღვრული მინიმალური ხარისხი უნდა ჰქონდეს.

717.3.3 ფარსაკეტის გააქტიურება. ფარსაკეტი 717.3.3.1 – 717.3.3.4 ქვეთავების შესაბამისად უნდა აქტიურდებოდეს.

717.3.3.1 ცეცხლის ფარსაკეტის გამააქტიურებელი მექანიზმი. ცეცხლის ფარსაკეტის გამააქტიურებელი მექანიზმი ქვემოთ ჩამოთვლილი მოთხოვნებიდან ერთ-ერთს უნდა აკმაყოფილებდეს:

1.    სამუშაო ტემპერატურა არხის სისტემაში არსებულ ნორმალურ ტემპერატურაზე დაახლოებით 10°C-ით მაღალი უნდა იყოს, მაგრამ, არანაკლებ, 71°C;

2.    სამუშაო ტემპერატურა 177°C-ს არ უნდა აღემატებოდეს, თუ ფარსაკეტის გამააქტიურებელი მექანიზმი 909-ე ქვეთავის შესაბამის კვამლის საკონტროლო სისტემაშია ჩაყენებული.

717.3.3.2 კვამლის ფარსაკეტის გააქტიურება. კვამლის ფარსაკეტი უნდა დაიხუროს 907.3 ქვეთავის შესაბამისად დაყენებული კვამლაღმომჩენით ან კვამლაღმომჩენების გააქტიურებისთანავე ქვემოთ ჩამოთვლილიდან ერთ-ერთი მეთოდით:

1.    თუ ფარსაკეტი არხშია ჩაყენებული, კვამლაღმომჩენიც არხში უნდა განთავსდეს ფარსაკეტიდან 1,5 მ-ის დაშორებით. აღმომჩენსა და ფარსაკეტს შორის ჰაერის შემწოვ-გამწოვი ხვრელები არ უნდა იყოს. დაყენების შემდეგ ფარსაკეტის მუშაობა უნდა შემოწმდეს ადგილზე არსებული ჰაერის სიჩქარის, ტემპერატურისა და ტენიანობის პირობებში. ფასაკეტები ვენტილატორის გაჩერებისთანავე უნდა იხურებოდეს, თუ ადგილობრივი კვამლაღმომჩენები მინიმალურ სიჩქარეზე მუშაობს. ეს მოთხოვნა არ ეხება კვამლის მექანიკურ საკონტროლო სისტემებს;

2.    თუ კვამლის ფარსაკეტი ჩაყენებულია კვამლგაუმტარ ზღუდეში კვამლგაუმტარი ზღუდის კარის თავზე, კვამლგაუმტარი ზღუდის კარის ღიობის ორივე მხარეს წერტილოვანი ტიპის აღმომჩენი უნდა დააყენონ, რომლის გამააქტიურებელი ფუნქცია შემოწმებულია;

3.    თუ ფარსაკეტი კედლის საჰაერო ღიობშია ჩაყენებული, წერტილოვანი ტიპის აღმომჩენი თარაზულად უნდა განთავსდეს ფარსაკეტიდან 1,5 მ-ის დაშორებით;

4.    თუ კვამლის ფარსაკეტი დერეფნის კედელში ან ჭერშია ჩაყენებული, დასაშვებია, ფარსაკეტს მართავდეს დერეფანში დაყენებული კვამლაღმომჩენი სისტემა;

5.    თუ სრული დაფარვის კვამლაღმომჩენი სისტემა მოწყობილია გათბობის, განიავებისა და ჰაერის კონდიცირების სისტემით უზრუნველყოფილ ფართობებზე, კვამლის ფარსაკეტები დასაშვებია, კვამლაღმომჩენი სისტემით იმართებოდეს.

717.3.3.3 კომბინირებული ცეცხლის/კვამლის ფარსაკეტის გააქტიურება. კომბინირებული ცეცხლის/კვამლის ფარსაკეტი 717.3.3.1 – 717.3.3.2 ქვეთავების შესაბამისად უნდა გააქტიურდეს. კვამლის საკონტროლო სისტემის შახტის გაყვანილობებში ჩაყენებული კომბინირებული ცეცხლის/კვამლის ფარსაკეტები ადგილობრივი კვამლაღმომჩენით არ უნდა აქტიურდებოდეს, თუ ის კვამლის მართვის სისტემის დამხმარე არ არის.

717.3.3.4 ჭერის გამოსხივების ფარსაკეტის გააქტიურება. ჭერის გამოსხივების ფარსაკეტის გამააქტიურებელი მექანიზმის სამუშაო ტემპერატურა არხის სისტემაში არსებულ ნორმალურ ტემპერატურას 27,8°C-ით უნდა აღემატებოდეს, მაგრამ, არანაკლებ, 71°C უნდა იყოს.

717.4 მისადგომი და ამოცნობა. ცეცხლისა და კვამლის ფარსაკეტებს საკმარისად დიდი მისადგომი უნდა ჰქონდეს, რათა ფარსაკეტისა და მისი ნაწილების დათვალიერება და შეკეთება შესაძლებელი იყოს. მისადგომი ცეცხლმედეგობის ხარისხიანი ანაწყობის მთლიანობას არ უნდა არღვევდეს. მისადგომის ღიობები ანაწყობის ცეცხლმედეგობის ხარისხს არ უნდა ამცირებდეს. მისადგომ ადგილებთან მუდმივად უნდა ეკრას ეტიკეტი, რომელსაც, არანაკლებ, 1,2 სმ სიმაღლის ასოებით ეწერება შემდეგი: ცეცხლის/კვამლის ფარსაკეტი, კვამლის ფარსაკეტი ან ცეცხლის ფარსაკეტი. არხებში მდებარე მისადგომის კარი მჭიდროდ მორგებული უნდა იყოს და არხის კონსტრუქციას შეესაბამებოდეს.

717.5 საჭიროების შემთხვევა. ცეცხლის ფარსაკეტები, კვამლის ფარსაკეტები და ცეცხლის/კვამლის კომბინირებული ფარსაკეტები 717.5.1 – 717.5.7 ქვეთავებსა და 717.6 ქვეთავში განსაზღვრულ ადგილებში უნდა განთავსდეს. თუ ანაწყობს როგორც ცეცხლის, ისე კვამლის ფარსაკეტები სჭირდება, ცეცხლის/კვამლის კომბინირებული ფარსაკეტები ან ცეცხლისა და კვამლის ფარსაკეტები უნდა დააყენონ.

717.5.1 ცეცხლმედეგი კედლები. 706.11 ქვეთავის შესაბამისად ცეცხლმედეგ კედლებში დასაშვები არხები და საჰაერო ღიობები ნუსხაში შესული ცეცხლის ფარსაკეტებით უნდა იყოს დაცული. ასეთი ფარსაკეტები ნუსხის პირობების მიხედვით უნდა დააყენონ.

717.5.1.1 თარაზული გასასვლელები. ნუსხაში შესული კვამლის ფარსაკეტი, რომელიც ისეა დაგეგმარებული, რომ კვამლის გავრცელება შეზღუდოს, თარაზული გასასვლელის ფუნქციის მქონე ცეცხლმედეგი კედლის არხით ან საჰაერო ღიობით გადაკვეთის ყველა წერტილში უნდა დააყენონ.

717.5.2 ცეცხლმედეგი ზღუდეები. ცეცხლმედეგი ზღუდეების არხები და საჰაერო ღიობები ცეცხლის ფარსაკეტებით უნდა იყოს დაცული, რომლებიც დაყენებულია მათი ნუსხის პირობების მიხედვით. არხები და საჰაერო ღიობები გზა-კიბეების, პანდუსებისა და გასასვლელის გზა-დერეფნების შემომზღუდავებში არ უნდა გადიოდეს, გარდა 1022.4 და 1023.6 ქვეთავებში განსაზღვრული შემთხვევებისა.

გამონაკლისი: ცეცხლის ფარსაკეტები ცეცხლმედეგი ზღუდეების გაყვანილობებში საჭირო არ არის, თუ ქვემოთ ჩამოთვლილთაგან ერთ-ერთი პირობა დაკმაყოფილებულია:

1.    გაყვანილობები ASTM E 119-ის შესაბამისადაა შემოწმებული, როგორც ცეცხლმედეგობის ხარისხიანი ანაწყობის ნაწილი;

2.    არხები კვამლის საკონტროლო სისტემის ნაწილადაა გამოყენებული, 909-ე ქვეთავის შესაბამისად და ცეცხლის ფარსაკეტის დაყენებით ფერხდება კვამლის საკონტროლო სისტემის მუშაობა;

3.    ასეთ კედლებში გათბობის, განიავებისა და ჰაერის კონდიცირების არხიანი სისტემები გადის, აუცილებელი ცეცხლმედეგობის ხარისხი 1 საათი ან ნაკლებია, დსშ ჯგუფისგან განსხვავებულ დაკავებულობაში და შენობებში მდებარეობს, რომლებშიც 903.3.1.1 ან 903.3.1.2 ქვეთავების შესაბამისი ავტოსაშხეფი სისტემაა დაყენებული. ამ გამონაკლისის მიხედვით გათბობის, განიავებისა და ჰაერის კონდიცირების არხიან სისტემაში, როგორც ნაგებობის გათბობის, განიავებისა და ჰაერის კონდიცირების სისტემის ნაწილში, შემოტანილი, რეცირკულაციური ან გაწოვილი ჰაერი უნდა მოძრაობდეს. ასეთი არხების სისტემა, არანაკლებ, 0,5 მმ (26 კალიბრის) სისქის ფურცლოვანი ფოლადისგან უნდა აიგოს და ჰაერგადამამუშავებელი დანადგარიდან ან მოწყობილობიდან ჰაერის შემწოვ-გამწოვ ტერმინალებამდე უწყვეტად უნდა გძელდებოდეს.

717.5.2.1 თარაზული გასასვლელები. კვამლის ფარსაკეტი, რომელიც ისეა დაგეგმარებული, რომ კვამლის გავრცელება შეზღუდოს, თარაზული გასასვლელის ფუნქციის მქონე ცეცხლმედეგი კედლის არხით ან საჰაერო ღიობით გადაკვეთის ყველა წერტილში უნდა დააყენონ.

717.5.3 შახტის შემომზღუდავები. შახტის შემომზღუდავები, რომლებშიც დასაშვებია, გადიოდეს არხები და საჰაერო ღიობები, ნუსხის პირობების მიხედვით დაყენებული ცეცხლისა და კვამლის ფარსაკეტებით უნდა იყოს დაცული.

გამონაკლისი:

1.    ცეცხლის ფარსაკეტები საჭირო არ არის შახტებში გამავალ გაყვანილობებში, თუ:

1.1.  ფოლადის გამწოვი ქვეარხები გამწოვ შახტებში შვეულად, სულ მცირე, 56 სმ-ზე გრძელდება, თუ ჰაერის ნაკადი უწყვეტად მიიწევს ზევით და გადის გარეთ;

1.2.  გაყვანილობები ASTM E 119-ის ან UL 263-ის შესაბამისადაა შემოწმებული, როგორც ცეცხლმედეგობის ხარისხიანი ანაწყობის ნაწილი;

1.3.  არხები გამოყენებულია, როგორც კვამლის საკონტროლო სისტემის ნაწილი, რომლებიც დაგეგმარებული და მოწყობილია 909-ე ქვეთავის შესაბამისად, ხოლო ცეცხლის ფარსაკეტის დაყენება შეაფერხებდა კვამლის საკონტროლო სისტემის მუშაობას;

1.4.  გაყვანილობები ავტოსადგომი გარაჟის ჰაერგამწოვ ან ჰაერშემწოვ შახტებში მდებარეობს, რომლებიც შენობის სხვა შახტებისგან გამიჯნულია, არანაკლებ, 2-საათიანი ცეცხლმედეგობის ხარისხიანი კონსტრუქციით.

2.    სქ და სც ჯგუფის დაკავებულობებში, სადაც ავტოსაშხეფი სისტემაა დაყენებული 903.3.1.1 ქვეთავის შესაბამისად, კვამლის ფარსაკეტების ჩაყენება საჭირო არ არის ისეთი შახტების ღიობებში, სადაც:

2.1.  სამზარეულოს, ტანსაცმლის საშრობის, აბაზანისა და ტუალეტის გამწოვ ღიობებთან ერთად მოწყობილია ფოლადის გამწოვი ქვეარხები, რომელთა კედლის სისქე, სულ მცირე, 0,5 მმ-ია (№26 კალიბრი);

2.2.  რომელიც გრძელდება, სულ მცირე, 56 სმ-ზე შვეულად;

2.3.  გამწოვი სანიავებელი მოწყობილია შახტის ზედა საზღვართან და უწყვეტად მიეწოდება ელექტროენერგია 909.11 ქვეთავის დებულებების შესაბამისად, რათა უზრუნველყოს ჰაერის ნაკადის უწყვეტი გადაადგილება ზემოთ და გარეთ.

3.    კვამლის ფარსაკეტები საჭირო არ არის ავტოსადგომი გარაჟების ჰაერგამწოვი ან ჰაერშემწოვი შახტების ღიობებში, რომლებიც შენობის სხვა შახტებისაგან გამიჯნულია, არანაკლებ, 2-საათიანი ცეცხლმედეგობის ხარისხიანი კონსტრუქციით;

4.    კვამლის ფარსაკეტები საჭირო არ არის შახტების ღიობებში, სადაც არხები გამოყენებულია 909-ე ქვეთავის შესაბამისად დაგეგმარებული მექანიკური კვამლის საკონტროლო სისტემის ნაწილად და კვამლის ფარსაკეტი აფერხებს კვამლის საკონტროლო სისტემის მუშაობას.

717.5.4 ცეცხლმედეგი ტიხრები. არხები და საჰაერო ღიობები ნუსხის პირობების მიხედვით დაყენებული ცეცხლის ფარსაკეტებით უნდა იყოს დაცული.

გამონაკლისი: დსშ ჯგუფისგან განსხვავებულ დაკავებულობებში ცეცხლის ფარსაკეტები საჭირო არ არის, თუ არსებობს ქვემოთ ჩამოთვლილიდან ერთ-ერთი პირობა:

1.    დერეფნის კედლები შენობებში, რომლებიც მთლიანადაა აღჭურვილი 903.3.1.1 ან 903.3.1.2 ქვეთავის შესაბამისად დაყენებული ავტოსაშხეფი სისტემით და არხი დაცულია, როგორც გამჭოლი გაყვანილობა, 714-ე ქვეთავის შესაბამისად;

2.    გადახურული მოლის შენობებში მფლობელობაში არსებული სივრცის ტიხრები, თუ წესების მიხედვით სავალდებულო არ არის, კედლები იატაკამდე ან სახურავის  ფილამდე, ფიცარფენილამდე ან ზემოთ მდებარე ფენილამდე გაგრძელდეს;

3.    კედელში გამავალი არხი ყველა ქვემოთ ჩამოთვლილ მოთხოვნას აკმაყოფილებს:

3.1    არხი 0,06 მ²-ს არ აღემატებას;

3.2    არხი, სულ მცირე, 0,5 მმ სისქის ფოლადის ფურცლითაა აგებული;

3.3    არხს არ აქვს ღიობები, რომლებიც დერეფანს მომიჯნავე სივრცეებთან ან ოთახებთან აკავშირებს;

3.4    არხი ჭერის ზემოთაა განთავსებული;

3.5    არხი არ მთავრდება კედლის ფიგურულ საფართან ცეცხლმედეგობის ხარისხიან კედელში;

3.6    სულ მცირე, 30 სმ სიგრძე × 1,5 მმ სისქეზე ფოლადის ქურო ყველა არხის ღიობში ცენტრშია განთავსებული. ქურო კედლის ორივე მხარესაა მიმაგრებული და ქუროს ოთხივე მხარეს, სულ მცირე, 3,8 სმ × 3,8 სმ × 1,5 მმ ფოლადის კუთხოვანა აქვს. ფოლადის კუთხოვანა ქუროსა და კედელზე No. 10 (M5) ხრახნებითაა მიმაგრებული. ფოლადის ქუროსა და კედლის ღიობის ირგვლივ დარჩენილი რგოლისებრი ღრეჩო ყველა მხრიდან მინერალური ბამბითაა დაგმანული;

4.    ამგვარ კედლებში გათბობის, განიავებისა და ჰაერის კონდიცირების სისტემის არხები გადის, 1- ან ნაკლებსაათიანი აუცილებელი ცეცხლმედეგობის ხარისხი აქვთ და მდებარეობენ შენობებში, რომლებიც მთლიანად 903.3.1.1 ან 903.3.1.2 ქვეთავების შესაბამისი ავტოსაშხეფი სისტემითაა აღჭურვილი. ამ გამონაკლისის მიხედვით, გათბობის, განიავებისა და ჰაერის კონდიცირების არხიანი სისტემაში, როგორც ნაგებობების გათბობის, განიავებისა და ჰაერის კონდიცირების სისტემის ნაწილში, შემოტანილი, დაბრუნებული ან გაწოვილი ჰაერი მოძრაობს. ასეთი არხების სისტემა, არანაკლებ, 0,5 მმ (26 კალიბრის) სისქის ფურცლოვანი ფოლადისგან უნდა აიგოს და ჰაერგადამამუშავებელი დანადგარიდან ან მოწყობილობიდან ჰაერის შემწოვ-გამწოვ ტერმინალებამდე უწყვეტად უნდა გაგრძელდეს.

717.5.4.1 დერეფნები. კვამლის ფასაკეტი, რომელიც ისეა დაგეგმარებული, რომ შეზღუდოს კვამლის გავრცელება, უნდა დააყენონ ყველა წერტილში, სადაც არხი ან საჰაერო ღიობი კვეთს დერეფნის შემომზღუდავს, რომელსაც აუცილებლად უნდა ჰქონდეს 716.5.3 ქვეთავის შესაბამისი კვამლისა და წევის საკონტროლო კარები.

გამონაკლისი:

1.    კვამლის ფარსაკეტები საჭირო არ არის, თუ შენობაში მოწყობილია კვამლის საკონტროლო სისტემა 909-ე ქვეთავის შესაბამისად და კვამლის ფარსაკეტები სისტემის მუშაობისა და მართვისათვის აუცილებელი არ არის.

2.    კვამლის ფარსაკეტები დერეფნებში გამავალ გაყვანილობებში საჭირო არ არის, თუ არხები, არანაკლებ, 0,5 მმ სისქის ფოლადის ფურცლისაგანაა აგებული და დერეფნებს არ აქვს ღიობები.

717.5.5 კვამლგაუმტარი ზღუდეები. კვამლის ფარსაკეტი, რომელიც ისეა დაგეგმარებული, რომ შეზღუდოს კვამლის გავრცელება, უნდა დააყენონ ყველა წერტილში, სადაც არხი ან საჰაერო ღიობი კვეთს კვამლგაუმტარ ზღუდეს. კვამლის ფარსაკეტები და კვამლის ფარსაკეტის გააქტიურების მეთოდები 717.3.3.2 ქვეთავს უნდა შეესაბამებოდეს.

გამონაკლისი: კვამლის ფარსაკეტები საჭირო არ არის, თუ არხის ღიობები ერთ კვამლისგან დაცულ განყოფილებაში მდებარეობს და არხები ფოლადითაა აგებული.

717.5.6 გარე კედლები. გარე კედლებში მდებარე არხები და საჰაერო ღიობები, რომელთაც უნდა ჰქონდეს 705.10 ქვეთავის შესაბამისად დაცული ღიობები, დაცული უნდა იყოს ნუსხაში შესული ცეცხლის ფარსაკეტებით, რომლებიც დაყენებულია მათი ნუსხის პირობების მიხედვით.

717.5.7 კვამლგაუმტარი ტიხრები. ნუსხაში შესული კვამლის ფარსაკეტები, რომლებიც ისეა დაგეგმარებული, რომ შეზღუდოს კვამლის გავრცელება, უნდა განთავსდეს ყველა წერტილში, სადაც საჰაერო ღიობი კვეთს კვამლგაუმტარ ზღუდეს. კვამლის ფარსაკეტები და კვამლის ფარსაკეტების გააქტიურების მეთოდები 717.3.3.2 ქვეთავს უნდა შეესაბამებოდეს.

გამონაკლისი: სადაც კვამლის ფარსაკეტების დაყენება ხელს შეუშლის 909-ე ქვეთავის შესაბამისი აუცილებელი კვამლის საკონტროლო სისტემის მუშაობას, ნებადართული ალტერნატიული დამცავი უნდა გამოიყენებოდეს.

717.6 თარაზული ანაწყობები. იატაკში, იატაკ-ჭერის ანაწყობში ან იატაკ-ჭერის ანაწყობების ჭერის მემბრანაში გამავალი არხები და საჰაერო ღიობები შახტის შემომზღუდავით უნდა იყოს დაცული, რომელიც 713-ე ქვეთავს ან 717.6.1 – 717.6.3 ქვეთავებს შეესაბამება.

717.6.1 გამჭოლი გაყვანილობები. დწ-2 და დწ-3 ჯგუფებისგან განსხვავებულ დაკავებულობებში, არხი, რომელიც ცეცხლმედეგობის ხარისხიანი იატაკ-ჭერის ანაწყობში გადის და, არაუმეტეს, ორზე მეტ სართულს აკავშირებს, დასაშვებია, იყოს შახტის შემომზღუდავის დამცავის გარეშე, თუ კვამლის ფარსაკეტი დაყენებულია იატაკის ხაზთან ან არხი 714.4 ქვეთავის შესაბამისადაა დაცული. საჰაერო ღიობების შესახებ იხილეთ 712.1.8 ქვეთავი.

გამონაკლისი: დასაშვებია, არხი გადიოდეს სამ ან ნაკლებ იატაკში კვამლის ფარსაკეტის გარეშე, თუ ის ყველა ქვემოთ ჩამოთვლილ მოთხოვნას აკმაყოფილებს:

1.    არხი კედლის ღრუში მდებარეობს, ფოლადითაა აგებული და მისი კედლის სისქე, სულ მცირე, 0,5 მმ-ია (26 კალიბრი);

2.    არხი მხოლოდ ერთი საცხოვრებელი ან საძინებელი ერთეულის მხარესაა გახსნილი და არხის სისტემა ერთეულიდან შენობის გარემდე უწყვეტად გრძელდება;

3.    არხის ნომინალური დიამეტრი 10 სმ-ს არ აღემატება და ასეთი არხის კვეთის საერთო ფართობი იატაკის ფართობის ყოველ 10 მ²-ზე 650 სმ²-ს არ აჭარბებს;

4.    არხის ირგვლივ არსებული რგოლისებრი ღრეჩო დაცულია ალისა და ცხელი აირების გაუმტარი მასალებით, რომელთაც შეუძლია ბამბის ნარჩენების აალება ASTM E 119-ში ან UL 263-ში განსაზღვრული დროისა და ტემპერატურის პირობებში, თუ არხის გავლის ადგილას დადებითი წნევის მინიმალური დიფერენციალი 2,49 პა-ს ტოლია იმ კონსტრუქციის ცეცხლმედეგობის ხარისხის შესაბამისი დროის განმავლობაში, რომელშიც არხი გადის;

5.    ცეცხლმედეგობის ხარისხიანი იატაკ-ჭერის ანაწყობის ან სახურავ-ჭერის ანაწყობის ცხაურიანი ღიობები ჭერის გამოსხივების ფარსაკეტით უნდა იყოს დაცული, რომელიც 717.6.2.1 ქვეთავის შესაბამისადაა დაყენებული.

717.6.2 გაყვანილობები მემბრანაში. არხები და საჰაერო ღიობები, რომლებიც ცეცხლმედეგობის ხარისხიანი იატაკ-ჭერის ან სახურავ-ჭერის ანაწყობების ჭერის მემბრანაში გადის, ქვემოთ ჩამოთვლილიდან ერთ-ერთი საშუალებით უნდა იყოს დაცული:

1.    შახტის შემომზღუდავით, 713-ე ქვეთავის შესაბამისად;

2.    ჭერის გამოსხივების ფარსაკეტით, რომელიც ჭერის ხაზთანაა დაყენებული, სადაც არხი ცეცხლმედეგობის ხარისხიანი იატაკ-ჭერის ან სახურავ-ჭერის ანაწყობის ჭერს კვეთს;

3.    ჭერის გამოსხივების ფარსაკეტით, რომელიც ჭერის ხაზთანაა დაყენებული, სადაც ცეცხლმედეგობის ხარისხიანი იატაკ-ჭერის ან სახურავ-ჭერის ანაწყობის ჭერს უარხო დიფუზორი კვეთს.

717.6.2.1 ჭერის გამოსხივების ფარსაკეტები. ჭერის გამოსხივების ფარსაკეტები 717.3.1 ქვეთავის შესაბამისად უნდა შემოწმდეს. ჭერის გამოსხივების ფარსაკეტები უნდა დააყენონ ცეცხლმედეგობის ხარისხიან ანაწყობებში მწარმოებლის მითითებებისა და ნუსხის მოთხოვნების შესაბამისად. ჭერის გამოსხივების ფარსაკეტები  საჭირო არაა ქვემოთ ჩამოთვლილთაგან ერთ-ერთ შემთხვევაში:

1.    ASTM E 119-ის ან UL 263-ის მიხედვით ჩატარებულმა ტესტირებამ აჩვენა, რომ ჭერის გამოსხივების ფარსაკეტები საჭირო არაა ანაწყობის ცეცხლმედეგობის ხარისხის შესანარჩუნებლად;

2.    თუ გამწოვი არხების ღიობები 714.4.1.2 ქვეთავის შესაბამისადაა დაცული, კედლის ღრუში მდებარეობს და სხვა საცხოვრებელ ერთეულში ან მფლობელობაში არსებულ სივრცეში არ გადის.

717.6.3 ცეცხლმედეგობის ხარისხის არმქონე იატაკის ანაწყობები. არხის სისტემები, რომლებიც ცეცხლმედეგობის ხარისხის არმქონე იატაკის ანაწყობებში გადის, ქვემოთ ჩამოთვლილთაგან ერთ-ერთი მეთოდით უნდა იყოს დაცული:

1.    შახტის შემომზღუდავით, 713-ე ქვეთავის შესაბამისად;

2.    არხი, არაუმეტეს, ორ სართულს აკავშირებს, მის გარშემო რგოლისებრი ღრეჩო სათანადო არაწვადი მასალითაა დაცული, რომელიც ალისა და წვის პროდუქტების თავისუფალ გავრცელებას ზღუდავს;

3.    არხი, არაუმეტეს, სამ სართულს აკავშირებს, გამავალი არხის გარშემო რგოლისებრი ღრეჩო სათანადო არაწვადი მასალითაა დაცული, რომელიც ალისა და წვის პროდუქტების თავისუფალ გავრცელებას ზღუდავს და ცეცხლის ფარსაკეტი იატაკის ყველა ხაზთანაა დაყენებული.

გამონაკლისი: ცეცხლის ფარსაკეტები საჭირო არაა ინდივიდუალური საცხოვრებელი ერთეულების არხებში.

717.7 დრეკადი არხები და პნევმატური მაგისტრალები. დრეკადი არხები და პნევმატური მაგისტრალები არცერთ ცეცხლმედეგობის ხარისხიან ანაწყობში არ უნდა გადიოდეს. დრეკადი პნევმატური მაგისტრალები არცერთ კედელში, იატაკში ან ჭერში არ უნდა გადიოდეს.

 

ქვეთავი 718 – დამალული სივრცეები

718.1 ზოგადი. ამ ქვეთავის შესაბამისად ცეცხლამრიდი და წევის საჩერი წვად დამალულ ადგილებში უნდა დააყენონ. ცეცხლამრიდი 718.2 ქვეთავს უნდა შეესაბამებოდეს. იატაკ-ჭერის სივრცეებსა და სხვენებში დაყენებული წევის საჩერი 718.3 და 718.4 ქვეთავებს უნდა შეესაბამებოდეს. ნებადართული წვადი მასალები I ან II ტიპის კონსტრუქციის შენობების დამალულ სივრცეებში მხოლოდ 718.5 ქვეთავში მითითებულ შემთხვევებში გამოიყენება.

718.2 ცეცხლამრიდი. წვად კონსტრუქციაში (როგორც შვეულად, ისე თარაზულად) მოწყობილი ცეცხლამრიდი კეტავს წევის დამალულ ღიობებს და იატაკებს შორის, ბოლო სართულსა და სახურავს ან სხვენის სივრცეს შორის ეფექტიან ზღუდეს ქმნის. ცეცხლამრიდი 718.2.2 – 718.2.7 ქვეთავებში განსაზღვრულ ადგილებში უნდა მოეწყოს.

718.2.1 ცეცხლამრიდის მასალები. ცეცხლამრიდი ქვემოთ ჩამოთვლილი ერთ-ერთი მასალისგან უნდა მოეწყოს:

1.    5 სმ ნომინალური სისქის მასიური ხე;

2.    ორმაგი სისქე არათანაბარი პირგადადებით გადაბმული 2,5 სმ ნომინალური სისქის მასიური ხე;

3.    ერთმაგი 1,8 სმ ნომინალური სისქის ხის სტრუქტურული პანელები, რომელთა გადაბმის უკან 1,8 სმ სისქის ხის სტრუქტურული პანელებია;

4.    ერთმაგი 1,9 სმ ნომინალური სისქის მერქანბურბუშელოვანი ფილები, რომელთა გადაბმების უკან 1,9 სმ სისქის მერქანბურბუშელოვანი ფილაა;

5.    1,25 სმ სისქის თაბაშირის ფილა;

6.    6,4 მმ სისქის სამშენებლო მუყაო ცემენტის ბაზაზე;

7.    ადგილზე მყარად დაგებული მინერალური ბამბის ან მინერალური ბოჭკოს ან სხვა ნებადართული მასალების ქეჩები ან საფარები;

8.    სპეციფიკური გამოყენებისთვის ჩატარებული შემოწმების მიხედვით განთავსებული ცელულოზის იზოლაცია.

718.2.1.1 მინერალური ბამბის ან მინერალური ბოჭკოს ქეჩები ან საფარები. მინერალური ბამბის, მინერალური ბოჭკოს ქეჩების, საფარების ან სხვა ნებადართული არაუხეში მასალების გამოყენება დასაშვებია 3 მ-იან თარაზულ ცეცხლამრიდად კედლებში, რომლებიც დგარების ან ზიგზაგისებურად/ჭადრაკულად განთავსებული დგარების პარალელური რიგებითაა აგებული.

718.2.1.2 უსახო მინის ბოჭკო. ცეცხლამრიდად გამოყენებული უსახო მინის ბოჭკოს საიზოლაციო ქეჩა კედლის ღრუს მთელ განივ კვეთს მთლიანად უნდა ავსებდეს, სულ მცირე, 40 სმ სიმაღლემდე (შვეული გაზომვისას). მილების, სადენების ან მსგავსი დაბრკოლებების შემთხვევაში, იზოლაცია შემხვედრ დაბრკოლებას მჭიდროდ უნდა შემოეხვიოს.

718.2.1.3 ფხვიერი საიზოლაციო მასალა. საიზოლაციო მასალა, ქაფის საიზოლაციო საგმანავები და გამკვრივებადი მასალები ცეცხლამრიდის მოსაწყობად არ უნდა გამოიყენებოდეს, თუ საგანგებო ფორმითა და მეთოდით შემოწმებისას არ დასტურდება, რომ ადგილზე დარჩება და შეძლებს ცეცხლისა და ცხელი აირების არიდებას.

718.2.1.4 ცეცხლამრიდის მთლიანობა. ცეცხლამრიდის მთლიანობა უნდა შენარჩუნდეს.

718.2.1.5 ორმაგ დგარებიანი კედლები. მინერალური ან მინის ბოჭკოს ქეჩების ან საფარების გამოყენება დასაშვებია ცეცხლამრიდად კედლებში, რომელთა აგების დროს დგარების ან ზიგზაგისებურად/ჭადრაკულად განთავსებული დგარების პარალელური რიგებია გამოყენებული.

718.2.2 კედლის დამალული სივრცეები. ცეცხლამრიდი უნდა მოეწყოს დგარებიანი კედლებისა და ტიხრების დამალულ სივრცეებში, მათ შორის, ქეჩით დაგმანულ სივრცეებში, ასევე, დგარების ან ზიგზაგისებურად/ჭადრაკულად განთავსებული დგარების პარალელურ რიგებში, შემდეგნაირად:

1.    ჭერისა და იატაკის დონეებთან შვეულად;

2.    არაუმეტეს 3,0 მ ინტერვალებით თარაზულად.

718.2.3 თარაზული და შვეული სივრცეების საკავშირებლები. ცეცხლამრიდი უნდა მოეწყოს შვეულდგარებიანი კედლების ან ტიხრების დამალული სივრცეებისა და დამალული თარაზული სივრცეების ერთმანეთთან შეერთების ადგილებში, რომლებიც წარმოიქმნება იატაკის გადაბმის ან წამწეებისგან, ასევე, დამალულ შვეულ და თარაზულ სივრცეებს შორის, რომლებიც გვხვდება სოფიტებთან, შეკიდულ ჭერებთან, დაკიდულ ჯიბიან ჭერებთან და მსგავს ადგილებთან.

718.2.4 გზა-კიბეები. ცეცხლამრიდი უნდა მოეწყოს გზა-კიბის თავსა და ბოლოში ჩანებს (კოსოურებს) შორის არსებულ დამალულ სივრცეებში. კიბეების ქვეშ მდებარე შემოზღუდული სივრცეები ასევე 1009.6.3 ქვეთავებს უნდა შეესაბამებოდეს.

718.2.5 ჭერისა და იატაკის ღიობები. თუ 712.1.7 ქვეთავის, 714.4.1.2 ქვეთავის პირველი გამონაკლისის ან 714.4.2 ქვეთავის მიხედვითაა მოთხოვნილი, საჰაეროების, მილების, არხების, საკვამურებისა და ბუხრების ირგვლივ არსებული რგოლისებრი ღრეჩოს ცეცხლამრიდი სპეციალურად შემოწმებული მასალებით გამოყენებისათვის საჭირო ფორმითა და წესით უნდა მოეწყოს, რათა ადგილზე დარჩეს და ალისა და წვის პროდუქტების თავისუფალი გავრცელება შეაკავოს.

718.2.5.1 ქარხანაში აგებული საკვამურები და ბუხრები. ქარხანაში აგებული საკვამურებისა და ბუხრების ცეცხლამრიდი UL 103-სა და UL 127-ს უნდა შეესაბამებოდეს.

718.2.6 გარე კედლის სამოსები. ცეცხლამრიდი უნდა მოეწყოს გარე კედლის სამოსის დამალულ ადგილებში და სხვა გარე არქიტექტურულ ელემენტებში, თუ 1406-ე ქვეთავის შესაბამისად, დასაშვებია იყოს წვადი კონსტრუქციის ან სადაც აქვს წვადი კარკასი. ცეცხლამრიდებს შორის ინტერვალები, მაქსიმუმ, 6 მ უნდა იყოს, რომ ცეცხლამრიდებს შორის არსებული დამალული არცერთი სივრცის ფართობი 10 მ²-ს არ აღემატებოდეს. ხის ლარტყების გამოყენების შემთხვევაში, ისინი ბუნებრივად გამძლე ხის ან დამცავი ნივთიერებებით გამდიდრებული ხის უნდა იყოს. წყვეტილი ელემენტების ბოლოები უნდა ჩაიკეტოს, ხოლო მონაკვეთები, სულ მცირე, 10 სმ მანძილით გაიმიჯნოს.

გამონაკლისი:

1.    ლავგარდანის (კარნიზის) ცეცხლამრიდი ერთი ოაჯხისათვის განკუთვნილ საცხოვრებელში საჭირო არ არის. ორი ოჯახისათვის განკუთვნილ საცხოვრებელში ლავგარდანების ცეცხლამრიდი მხოლოდ საცხოვრებელი ერთეულის გამმიჯნავის ხაზთანაა აუცილებელი.

2.    ცეცხლამრიდი საჭირო არ არის, როდესაც გარე კედლის სამოსი განთავსებულია არაწვად კარკასზე და გარე კედლის სამოსის დამალული სივრცისკენ მიქცეული წინაპირი ქვემოთ ჩამოთვლილი მასალებიდან ერთ-ერთითაა დაფარული:

2.1    სულ მცირე, 0,5 მმ სისქის ალუმინით;

2.2    კოროზიამედეგი ფოლადით, რომლის საბაზო ლითონის სისქე  ნებისმიერ წერტილში, არანაკლებ, 0,4 მმ-ია;

2.3    სხვა აღიარებული არაწვადი მასალებით;

3.    ცეცხლამრიდი საჭირო არ არის, სადაც გარე კედლის სამოსი შემოწმებულია და შეესაბამება NFPA 285-ის მისაღებობის კრიტერიუმებს. გარე კედლის სამოსი NFPA 285-ის შესაბამისად უნდა განთავსდეს.

718.2.7 განძელების დამალული სივრცეები. თუ ხის იატაკის დაგებისას გამოყენებულია ხის განძელები წყობით ან ბეტონით აგებულ ცეცხლმედეგობის ხარისხიან იატაკებზე, იატაკის ფილასა და ხის იატაკის ქვედაპირს შორის არსებული სივრცე სათანადო მასალით უნდა შეივსოს, რომელიც ცეცხლისა და წვის პროდუქტების გავრცელებას შეზღუდავს, ან ცეცხლამრიდი ისე უნდა მოეწყოს, რომ იატაკის ქვეშ 10 მ²-ზე დიდი ფართობის ღია სივრცეები არ დარჩეს. მუდმივი ტიხრების ქვეშ ასეთი სივრცე მჭიდროდ უნდა ამოივსოს, რომ მომიჯნავე ოთახებს შორის იატაკის ქვეშ მდებარე სივრცეები ერთმანეთს არ უკავშირდებოდეს.

გამონაკლისი:

1.    ცეცხლამრიდი საჭირო არ არის მიწაზე განთავსებული ფილის იატაკისთვის სასპორტო დარბაზებში;

2.    ცეცხლამრიდი საჭიროა მხოლოდ ბოულინგისთვის განკუთვნილ შენობებში ყოველი მეორე ზოლის გადაბმის ადგილას და ყოველი ზოლის ბოლოში.

718.3 წევის საჩერი იატაკებში. წვად კონსტრუქციაში წევის საჩერი უნდა მოეწყოს იატაკ-ჭერის ანაწყობების დასაყოფად 718.3.2 – 718.3.3 ქვეთავებში განსაზღვრულ ადგილებში.

718.3.1 წევის საჩერის მოსაწყობად გამოყენებული მასალები. წევის საჩერის მოსაწყობად, არანაკლებ, 1,25 სმ-იანი თაბაშირის ფილა, 1 სმ-იანი ხის სტრუქტურული პანელი, 1 სმ-იანი მერქანბურბუშელოვანი ფილა, 2,5 სმ ნომინალური ზომის ფიცარი, ცემენტის ბოჭკოვანი ფილა ან სხვა დაშვებული მასალა უნდა გამოიყენებოდეს. წევის საჩერის მთლიანობა უნდა შენარჩუნდეს.

718.3.2 ჯგუფები სც-1, სც-2, სც-3 და სც-4. წევის საჩერი სც-1 ჯგუფის შენობების, სამი ან სამზე მეტი საცხოვრებელი ერთეულის მქონე სც-2 ჯგუფის შენობების, ორი საცხოვრებელი ერთეულის მქონე სც-3 ჯგუფის შენობებისა და სც-4 ჯგუფის შენობების იატაკ-ჭერის სივრცეებში უნდა მოეწყოს. წევის საჩერი უნდა მოეწყოს საცხოვრებელი ერთეულისა და საძინებელი ერთეულის გამმიჯნავების თავზე მათზე სწორებით.

გამონაკლისი:

1.    წევის საჩერი საჭირო არ არის შენობებში, სადაც დაყენებულია ავტოსაშხეფი სისტემა 903.3.1.1 ქვეთავის შესაბამისად.

2.    წევის საჩერი საჭირო არ არის შენობებში, სადაც დაყენებულია ავტომსაშხეფი სისტემა 903.3.1.1 ქვეთავის შესაბამისად, თუ ავტოსაშხეფები ასევე დაყენებულია წვად დამალულ სივრცეებში, სადაც წევის საჩერი არაა.

718.3.3 სხვა ჯგუფები. სხვა ჯგუფებში წევის საჩერები ისე უნდა მოეწყოს, რომ იატაკის თარაზული ფართობები 100 მ²-ს არ აღემატებოდეს.

გამონაკლისი: წევის საჩერი საჭირო არ არის შენობებში, სადაც დაყენებულია ავტოსაშხეფი სისტემა 903.3.1.1 ქვეთავის შესაბამისად.

718.4 წევის საჩერი სხვენში. წვად კონსტრუქციაში წევის საჩერით უნდა დაიყოს სხვენის სივრცეები და სახურავის დამალული სივრცეები 718.4.2 – 718.4.3 ქვეთავებში განსაზღვრულ ადგილებში. სახურავის დამალულ სივრცეებში 1203.2 ქვეთავის შესაბამისი განიავება უნდა შენარჩუნდეს.

718.4.1 მასალები წევის საჩერისთვის. სხვენის სივრცეებში წევის საჩერის მოსაწყობად გამოყენებული მასალები 718.3.1 ქვეთავს უნდა შეესაბამებოდეს.

718.4.1.1 ღიობები. ტიხრების ღიობები ავტომატური საკეტებით აღჭურვილი თვითიკეტებადი კარებით უნდა იყოს დაცული და ტიხრებისათვის არსებული მოთხოვნების შესაბამისად უნდა მოეწყოს.

718.4.2 ჯგუფები სც-1 და სც-2. წევის საჩერი უნდა მოეწყოს სხვენებში, მანსარდებში, სახურავის ნაშვერებში ან სამ ან სამზე მეტ საცხოვრებელერთეულიანი სც-2 ჯგუფის შენობების სახურავის სხვა დამალულ სივრცეებში. წევის საჩერი უნდა მოეწყოს საძინებელი და საცხოვრებელი ერთეულის გამმიჯნავი კედლის თავზე და მასზე სწორებით და კედელი სახურავის ფენილის ზემოთ არ უნდა გაგრძელდეს.

გამონაკლისი:

1.    თუ დერეფნის კედლები საძინებელ და საცხოვრებელ ერთეულებს მიჯნავს, წევის საჩერი მხოლოდ ერთი დერეფნის კედლის თავზეა საჭირო;

2.    წევის საჩერი საჭირო არ არის შენობებში, სადაც დაყენებულია ავტოსაშხეფი სისტემა 903.3.1.1 ქვეთავის შესაბამისად;

3.    არაუმეტეს, ოთხსართულიანი სც-2 ჯგუფის დაკავებულობებში ან ყოველი მეორე საცხოვრებელი ერთეულის თავზე (რომელიც უფრო პატარა იქნება) წევის საჩერებით სხვენის სივრცე, არაუმეტეს, 280 მ² ფართობებად უნდა დაიყოს;

4.    წევის საჩერი საჭირო არ არის შენობებში, სადაც დაყენებულია ავტოსაშხეფი სისტემა 903.3.1.1 ქვეთავის შესაბამისად, თუ ავტოსაშხეფები წვად დამალულ სივრცეებშიცაა დაყენებული, სადაც წევის საჩერი არაა.

718.4.3 სხვა ჯგუფები. წევის საჩერი უნდა მოეწყოს სხვენებსა და სახურავის დამალულ სივრცეებში იმგვარად, რომ არცერთი  თარაზული ფართობი 280 მ²-ს არ აღემატებოდეს.

გამონაკლისი: წევის საჩერი საჭირო არ არის შენობებში, სადაც დაყენებულია ავტოსაშხეფი სისტემა 903.3.1.1 ქვეთავის შესაბამისად.

718.5 წვადი მასალები I ან II ტიპის კონსტრუქციების დამალულ სივრცეებში. I ან II ტიპის კონსტრუქციების შენობების დამალულ სივრცეებში დაუშვებელია წვადი მასალების გამოყენება.

გამონაკლისი:

1.    603-ე ქვეთავის შესაბამისი წვადი მასალები;

2.    შემოზღუდულ სივრცეებში მდებარე წვადი მასალები;

3.    803-ე ქვეთავის მიხედვით კლასიფიცირებული შიგა მოსაპირკეთებელი A კლასის მასალები;

4.    ტიხრებში ან შახტის შემომზღუდავებში წესების დებულებების შესაბამისად განთავსებული წვადი მილები.

5.    ჭერის დამალულ სივრცეებში განთავსებული წვადი მილები.

6.    დამალულ სივრცეებში მდებარე ბილენზე და მილებზე (გარე დიამეტრის მიხედვით) განთავსებული წვადი იზოლაცია და საფარი, 720.7 ქვეთავის შესაბამისი შემოზღუდული სივრცეების გარდა.

 

ქვეთავი 719 – ბათქაშის ცეცხლმედეგობისადმი მოთხოვნები

719.1 ბათქაშის სისქე. ცეცხლმედეგობის ხარისხიანი სისტემაში გამოყენებული თაბაშირის ბათქაშის ან პორტლანდცემენტის ბათქაშის მინიმალური სისქე სახანძრო ტესტების საშუალებით უნდა განისაზღვროს. ბათქაშის სისქე საბათქაშე ბადის ზედაპირიდან იზომება, თუ თაბაშირის ან ლითონის მასწორებელზეა გამოყენებული.

719.2 ბათქაშის ეკვივალენტები. ცეცხლმედეგობის მიზნებისათვის, 1,2 სმ უქვიშო თაბაშირის ბათქაში 1,9 სმ ერთი სამთან პროპორციით არეული ქვიშა-თაბაშირის ბათქაშის ან 2,5 სმ ქვიშა-პორტლანდცემენტის ბათქაშის ეკვივალენტად შეიძლება ჩაითვალოს.

718.3 არაწვადი თექა. I და II ტიპის კონსტრუქციის შენობებში ბათქაში პირდაპირ ბეტონზე, წყობაზე ან არაწვად საბათქაშე ფუძესა და თექაზე უნდა განთავსდეს.

718.4 ორმაგი გაძლიერება. 2,5 სმ-ზე სქელი ბათქაშის დამცავი დამატებითი საბათქაშე ბადის ფენით უნდა გაძლიერდეს, რომელიც გარე ზედაპირიდან, სულ მცირე, 1,9 სმ-ზეა მოთავსებული და ადგილზე მჭიდროდაა მიმაგრებული.

გამონაკლისი: მასიური ბათქაშის ტიხრები ან სახანძრო ტესტებით განსაზღვრული სხვა საშუალებები.

718.5 ბათქაშის ალტერნატივები ბეტონისათვის.  გაძლიერებული ბეტონის კონსტრუქციაში თაბაშირის ბათქაში ან პორტლანდცემენტის ბათქაში 1,2 სმ ჩასხმულ ბეტონს შეიძლება ჩაენაცვლოს, გარდა იმ შემთხვევისა, როდესაც გაძლიერებული ბეტონის იატაკებში ბათქაშის მოსაპირკეთებელ ფენასთან ერთად, სულ მცირე, 1 სმ სისქის ჩასხმული ბეტონის განთავსებაა აუცილებელი, ხოლო გაძლიერებული ბეტონის სვეტებში – 2,5 სმ სისქის ჩასხმული ბეტონისა.

 

ქვეთავი 720 – თერმული და ხმის საიზოლაციო მასალები

720.1 ზოგადი. საიზოლაციო მასალები, მოპირკეთების ჩათვლით, როგორებიცაა: ორთქლის შემკავებლები და ორთქლის გამტარი მემბრანები, მსგავსი საფარები და ერთ და მრავალ ფენიანი კილიტის (ფოლგის) იზოლაციის ყველა ფენა, ამ ქვეთავს უნდა აკმაყოფილებდეს. თუ ქვეთავი მოითხოვს ალის გავრცელების ან კვამლის წარმოქმნის ინდექსებს, ისინი ASTM E 84-ის ან UL 723-ის შესაბამისად უნდა განისაზღვროს. დაუშვებელია რაიმე მასალის გამოყენება, რომლის ალის გავრცელების ან კვამლის წარმოქმნის ინდექსები იმატებს და სცდება დაშვებულ ზღვარს ხანდაზმულობის, ტენის ან სხვა ატმოსფერული პირობების ზემოქმედების გამო.

710.2 დამალულ სივრცეებში განთავსება. ნებისმიერი ტიპის კონსტრუქციის შენობების დამალულ სივრცეებში განთავსებული საიზოლაციო მასალების ალის გავრცელების ინდექსი 25-ს, ხოლო კვამლის წარმოქმნის ინდექსი – 450-ს არ უნდა აღემატებოდეს.

გამონაკლისი: ცელულოზის თბოიზოლაცია, რომლის განთავსება შესხურებით არ ხდება და 720.6 ქვეთავს შეესაბამება, მხოლოდ იმ მოთხოვნას უნდა აკმაყოფილებდეს, რომ მისი კვამლის გავრცელების ინდექსი 450-ს არ უნდა აღემატებოდეს.

720.2.1 მოპირკეთება. თუ ასეთი მასალები III, IV ან V ტიპის კონსტრუქციის შენობების დამალულ სივრცეებშია განთავსებული, ალის გავრცელებასთან და კვამლის წარმოქმნასთან დაკავშირებული შეზღუდვები რეფლექტური კილიტის (ფოლგის) იზოლაციის მოპირკეთებებს, საფარებს და ფენებს არ ეხება, რომლებიც ჭერის, კედლის ან იატაკის მოპირკეთების ზემოქმედების ქვეშ არმყოფი ზედაპირის უკანაა და მას მჭიდროდ უკავშირდება.

720.3 ზემოქმედების ქვეშ მყოფი მასალების განთავსება. თუ ნებისმიერი ტიპის კონსტრუქციის შენობებში განთავსებული საიზოლაციო მასალები ზემოქმედებას განიცდის, მათი ალის გავრცელების ინდექსი 25-ს, ხოლო კვამლის წარმოქმნის ინდექსი – 450-ს არ უნდა აღემატებოდეს.

გამონაკლისი: ცელულოზის თბოიზოლაცია, რომლის განთავსება შესხურებით არ ხდება და 720.6 ქვეთავს შეესაბამება, მხოლოდ იმ მოთხოვნას უნდა აკმაყოფილებდეს, რომ მისი კვამლის გავრცელების ინდექსი 450-ს არ უნდა აღემატებოდეს.

720.3.1 სხვენის იატაკები. ASTM E 970-ის ან UL 723-ის მიხედვით შემოწმებისას, სხვენის იატაკებზე განთავსებული, ზემოქმედების ქვეშ მყოფი საიზოლაციო მასალების კრიტიკული გამოსხივების ნაკადი ერთ კვადრატულ სანტიმეტრზე, არანაკლებ, 0,12 ვატი უნდა იყოს.

720.4 ფხვიერი იზოლაცია. საიზოლაციო მასალები, რომლებიც ASTM E 84-ის ან UL 723-ის დანადგარზე ბადის ან ხელოვნური საყრდენების გარეშე ვერ მოთავსდება, 720.2 და 720.3 ქვეთავებში განსაზღვრულ ალის გავრცელებისა და კვამლის წარმოქმნის ზღვრებს უნდა შეესაბამებოდეს CAN/ULC S102.2-ის მიხედვით შემოწმებისას.

გამონაკლისი: აუცილებელი არ არის, ცელულოზის  ფხვიერი (გრანულოვანი) იზოლაცია შემოწმდეს CAN/ULC S102.2-ის შესაბამისად, თუ იზოლაცია შეესაბამება 720.2 ან 720.3 ქვეთავის მოთხოვნებს, საჭიროებისდა მიხედვით, და 720.6 ქვეთავს.

720.5 სახურავის იზოლაცია. სახურავის წვადი იზოლაციის გამოყენება, რომელიც არ შეესაბამება 720.2 და 720.3 ქვეთავებს, დასაშვებია ნებისმიერი ტიპის კონსტრუქციაში, თუ ის დაფარულია ნებადართული სახურავის ბურულებით, რომლებიც უშუალოდ მასზეა დაგებული.

720.6 ცელულოზის თბოიზოლაცია. ცელულოზის თბოიზოლაცია უნდა შეესაბამებოდეს CPSC 16 CFR-ს, ქვეთავი 1209 და CPSC 16 CFR-ს, ქვეთავი 1404. ამგვარი საიზოლაციო მასალის ყველა პაკეტს უნდა ჰქონდეს CPSC 16 CFR-ის, ქვეთავი 1209 და CPSC 16 CFR-ის მიხედვით დაკრული ეტიკეტი.

720.7 მილების  და მილების (გარე დიამეტრის მიხედვით) იზოლაცია და საფარი. მილების და მილების (გარე დიამეტრის მიხედვით) იზოლაციისა და საფარის ალის გავრცელების ინდექსი არ უნდა აღემატებოდეს 25-ს, ხოლო კვამლის წარმოქმნის ინდექსი – 450-ს.

 

ქვეთავი 721 – მოცემული ცეცხლმედეგობა

721.1 ზოგადი. ამ ქვეთავის დებულებები დეტალურად აღწერს ცეცხლმედეგობის ხარისხიანი შენობის ელემენტების, კომპონენტების ან ანაწყობების მოცემულ ცეცხლმედეგობას. 721.1(1), 721.1(2) და 721.1(3) ცხრილებში ჩამოთვლილ სამშენებლო მასალებს ცეცხლმედეგობის ხარისხები უნდა მიენიჭოს ამ ქვეთავის შესაბამისად. თუ ცეცხლმედეგობის ხარისხიან კონსტრუქციებში ისეთი მასალებია ჩართული, რომლებიც თბოგადაცემის უნარს იცვლის, მშენებლობის ნებართვის გამცემი/ზედამხედველი ორგანოს უნდა წარედგინოს სახანძრო ტესტის შედეგები ან სხვა სანდო მონაცემები, რომლებიც ადასტურებს, რომ აუცილებელი ცეცხლმედეგობის ხარისხით განსაზღვრული დრო შემცირებული არ არის.

721.1.1 დამცავი საფარების სისქე. ცეცხლმედეგი მასალების სისქე აუცილებელი სტრუქტურული ნაწილების დასაცავად 721.1(1) ცხრილში მოცემულზე ნაკლები არ უნდა იყოს, გარდა ამ ქვეთავში გათვალისწინებული შემთხვევებისა. წარმოდგენილი მნიშვნელობები დამცავი მასალების სუფთა სისქეა და დამცავის უკან არსებულ რაიმე სიცარიელეს არ გულისხმობს.

721.1.2 დამცავი წყობის ერთეული. საჭიროების შემთხვევაში, ფოლადის სვეტების დამცავი წყობის ერთეულების თარაზულ გადაბმებში ლითონის სამაგრები უნდა მოთავსდეს, ამგვარი სამაგრები და მათი ეკვივალენტები ჩამოთვლილია 721.1(1) ცხრილში.

721.1.3  სვეტის ადგილზე ფორმირებული ბეტონის  დამცავის გამაძლიერებელი. ფოლადის სვეტების ადგილზე ფორმირებული ბეტონის დამცავი ასეთი ნაწილების კიდეებთან, არანაკლებ, 4,6 მმ დიამეტრის მქონე მავთულით უნდა გაძლიერდეს, რომლებიც სპირალურად უნდა შემოეხვიოს სვეტებს, არაუმეტეს, 20 სმ ინტერვალებით. გამაძლიერებლის უზრუნველყოფა შესაძლებელია სხვა მსგავსი საშუალებითაც.

721.1.4 ბათქაშის გამოყენება. დამცავ საფარს დამცავი ბათქაშის ფენა არ სჭირდება, თუ ისინი გეგმაში გათვალისწინებული ნარევისა და სისქის მიმართ არსებულ მოთხოვნებს აკმაყოფილებს, რომლებიც 721.1(1), 721.1(2) და 721.1(3) ცხრილებშია მოცემული.

721.1.5 წინასწარდაძაბული ბეტონის კიდურა წნულები. ნაწილებისთვის უახლოესი ზედაპირიდან გაზომილი, თანაბარი სისქის ბეტონის საფარში მოწყობილი ერთი ან ერთზე მეტი გამაძლიერებელი წნულის საფარის სისქე 721.1(1) ცხრილში მოცემულზე ნაკლები არ უნდა იყოს. განსხვავებული სისქის ბეტონის საფარში მოწყობილი ბევრი გამაძლიერებელი წნულების მქონე ნაწილებისთვის, გამაძლიერებელი წნულის საფარის საშუალო სისქე 721.1(1) ცხრილში მოცემულზე ნაკლები არ უნდა იყოს, თუ:

1.    საფარის საშუალო სისქე განისაზღვრება თითოეული გამაძლიერებელი წნულიდან უახლოეს ზემოქმედების ქვეშ მყოფ ზედაპირამდე არსებული საშუალო დაფარვის განსაზღვრის მიხედვით.

2.    არავითარ შემთხვევაში გამაძლიერებელი წნულის ინდივიდუალური საფარის სუფთა სისქე 721.1(1) ცხრილში მოცემულზე ნაკლები არ უნდა იყოს. ბეტონის ნებისმიერი შემვსების გამოყენებისას, ფილებისთვის საჭიროა, სულ მცირე, 1,9 სმ-იანი საფარი, ხოლო კოჭებისათვის – სულ მცირე, 2,5 სმ-იანი საფარი.

3.    ცეცხლმედეგობის ხარისხის დასადგენად, 0,226 მ²-ზე ნაკლებფართობიან ნაწილებში გამაძლიერებელ წნულებზე, რომელთა საფარის სუფთა სისქე 721.1(1) ცხრილში განსაზღვრულზე ნაკლებია, დამანგრეველი მომენტის აუცილებელი მაქსიმალური სიმძლავრის 50%-ზე მეტი, ხოლო უფრო დიდფართობიან ნაწილებში – 65%-ზე მეტი არ უნდა მოდიოდეს. თუმცა, სტრუქტურული დაგეგმარებისთვის ეფექტიანად მიიჩნევა გამაძლიერებელი წნულებისათვის უფრო თხელი (შემცირებული სისქის) საფარი.

ცხრილი 721.1 (1)

სტრუქტურული  ნაწილების მინიმალური დამცავი დროის პერიოდების საფუძველზე სხვადასხვა არაწვადი საიზოლაციო მასალისთვის

დაცული სტრუქტურული ნაწილები	პუნქტის ნომერი	გამოყენებული საიზოლაციო მასალა	საიზოლაციო მასალის მინიმალური სისქე შემდეგი ცეცხლმედეგობის პერიოდებისთვის (სმ) (მილიმეტრები)
			4 სთ	3 სთ	2 სთ	1 სთ
1. ფოლადის სვეტები და ყველა ძირითადი წამწე	1-1.1	კარბონატი, მსუბუქი და ქვიშიანი მსუბუქი შემვსები ბეტონი, სტრუქტურული ნაწილები 15 სმ × 15 სმ ან მეტი (ქვიშაქვის, გრანიტისა და კაჟბადის ხრეშის გარეშე).ა	6,5	5	3,8	2,5
	1-1.2	კარბონატი, მსუბუქი და ქვიშიანი მსუბუქი შემვსები ბეტონი, სტრუქტურული ნაწილები 20 სმ × 20 სმ ან მეტი (ქვიშაქვის, გრანიტისა და კაჟბადის ხრეშის გარეშე).ა	5	3,8	2,5	2,5
	1-1.3	კარბონატი, მსუბუქი და ქვიშიანი მსუბუქი შემვსები ბეტონი, სტრუქტურული ნაწილები 30 სმ × 30 სმ ან მეტი (ქვიშაქვის, გრანიტისა და კაჟბადის ხრეშის გარეშე).ა	3,8	5	2,5	2,5
	1-1.4	ბეტონი კაჟბადის შემვსებით და 1-1.1 პუნქტში განსაზღვრული ბეტონი, სტრუქტურული ნაწილები 15 სმ × 15 სმ ან მეტი.ა	7,5	2,5	3,8	2,5
	1- 1.5	ბეტონი კაჟბადის შემვსებით და 1-1.1პუნქტშიგანსაზღვრულიბეტონი, სტრუქტურული ნაწილები 20 სმ × 20 სმ ან მეტი.ა	6,5	5	2,5	2,5
	1-1. 6	ბეტონი კაჟბადის შემვსებით და 1-1.1 პუნქტში განსაზღვრული ბეტონი, სტრუქტურული ნაწილები 30 სმ × 30 სმ ან მეტი.ა	5	2,5	2,5	2,5
	1-.2. 1	თიხის ან ფიქალის აგური აგურისა და დუღაბის შემავსებლით.ა	9,5	—	—	5,7
	1-3. 1	10 სმ ღრუტანიანი თიხის ფილა ორ 5 სმ ფენაში; 12,5 მმ დუღაბი ფილასა და სვეტს შორის; 9,5 მმ ლითონის ბადე 1,17 მმ დიამეტრის მავთული თარაზულ ბმულებში; ფილის შემვსები.ა	10	—	—	—
	1-3.2	50 მმ ღრუტანიანი თიხის ფილა; 19 მმ დუღაბი ფილასა და სვეტსშორის; 9,5 მმ ლითონის ბადე 1,2 მმ დიამეტრის მავთული თარაზულ ბმულებში; კირქვის ბეტონის შემავსებელი;ა დაბათქაშებული 19 მმ თაბაშირის ბათქაშით.	7,5	—	—	—
	1-3.3	5 სმ ღრუტანიანი თიხის ფილა გარედან მავთულის სამაგრით 2,0 მმ დიამეტრი ფილის თითოეულ მწკრივთან ან 9,5 მმ ლითონის ბადე 1,17 მმ დიამეტრის მავთული თარაზულ ბმულებში; კირქვის ან ვულკანური წარმოშობის ქანისგან დამზადებული ბეტონის შემავსებელია რომელიც ვრცელდება 2,5 სმ სვეტის გარეთ ყოველი მხრიდან.	—	—	7,5	—
	1-3. 4	5 სმ ღრუტანიანი თიხის ფილა გარედან მავთულის სამაგრით 2,0 მმ დიამეტერი ფილის თითოეულ მწკრივთან ან ბეტონის შემავსებელის გარეშე;  1,9 სმ დუღაბი ფილასა და მავთულს შორის.	—	—	—	5
	1-4.1	ცემენტის ბათქაში ლითონის ბადეზე, რომელიც მავთულითაა დამაგრებული 1,9 სმ ცივად დახვეულ მავთულის სამაგრებიან შვეულ არხებზე 1,24 მმ (Νο.18 Β.W. კალიბრი) მავთულის სამაგრებით ცენტრიდან 7,5 სმ დან 15 სმ-მდე დაშორებით. 1:2,5 თანაფარდობის ცემენტისა და ქვიშის ნარევის ბათქაში.	—	—	6,5ბ	2,2
	1-5.1	ვერმიკულიტის ბეტონი, 1:4 თანაფარდობის ნარევი მუყაოს ქვესადებიანი მავთულის ბადეზე, რომელიც უშუალოდ სვეტზეა შემოხვეული დამატებითი 5 სმ × 5 სმ 1.65 მმ /1.65 მმ (No. 16/16 B.W. კალიბრი) მავთულის ბადით 1,9 სმ ბეტონის გარეთა ზედაპირიდან დამაგრებული 1,24 მმ (No.18 B.W. კალიბრი) მავთულის ბადით ცენტრიდან 15 სმ დაშორებით შიგა ფენისთვის და ცენტრიდან 5 სმ გარეთა ფენისთვის	5	—	—	—
	1-6.1	პერლიტიანი ან ვერმიკულიტიანი თაბაშირის ბათქაში ლითონის ბადეზე, რომელიც შემოხვეულია სვეტზე და 3,2 სმ მოლარტყული სვეტის კიდეებიდან. ფურცლები ბოლოებში პირგადადებულია და დამაგრებულია ყოველ 15 სმ ინტერვალში 1.24 მმ(No. 18 B.W. კალიბრი) მავთულის სამაგრით.	3,8	2,5	—	—
	1-6.2	პერლიტიანი ან ვერმიკულიტიანი თაბაშირის ბათქაში ლითონის ბადეზე, რომელიც შემოხვეულია სვეტზე, პირგადადება 2,5 სმ და დამაგრება 15 სმ ინტერვალში 1,24 მმ (No. 18 B.W. კალიბრი) მავთულით.	4,4	3,5	2,5	—
	1-6.3	პერლიტიანი ან ვერმიკულიტიანი თაბაშირის ბათქაში ლითონის ბადეზე, რომელიც მოთავსებულია 1,9 სმ ცივად დახვეულ არხებზე, რომლებიც დაშორებულია 60 სმ შვეულად და ბრტყლადაა შემოხვეული სვეტებზე.	3,8	—	—	—
	1- 6.4	პერლიტიანი ან ვერმიკულიტიანი თაბაშირის ბათქაში 1,25 სმ სწორი თაბაშირიანი ბადის ორ ფენაზე, რომლებიც მჭიდროდაა მიკრული სვეტის კიდეებზე. ბადე რომელსაც შემოხვეული აქვს No.20 კალიბრის მავთულის 2,5 სმ ჰექსაგონალური ბადე და დამაგრებულია 0,9 მმ დიამეტრის (No. 18 B.W. კალიბრი) ორმაგიმავთულის სამაგრებით, რომლებიც ცენტრიდან დაშორებულია 55 სმ-ით. სამფენიანი სამუშაოსათვის, მეორე ფენისათვის განკუთვნილი ბათქაშის ნარევში უნდა იყოს არაუმეტეს 45,4 კგ თაბაშირი 0,07 მ3-ზე შემავსებელი 3-სთ სისტემისათვის.	6,5	5,0	—	—
	1-6.5	პერლიტიანი ან ვერმიკულიტიანი თაბაშირის ბათქაში 1,25 სმ სწორი თაბაშირიანი ბადის ორ ფენაზე, რომლებიც მჭიდროდაა მიკრული სვეტის კიდეებზე.ბადე დამაგრებულია ორმაგი (No. 18 B.W. კალიბრი) მავთულის სამაგრებით, რომლებიც ცენტრიდან დაშორებულია 5,5 სმ-ით და ფენაზე შემოხვეულია No.20 კალიბრის მავთულის 2,5 სმ ჰექსაგონალური ბადე. სამფენიანი სამუშაოსათვის, მეორე ფენისათვის განკუთვნილი ბათქაშის ნარევში უნდა იყოს არაუმეტეს 45,4 კგ თაბაშირი 0,07 მ3-ზე შემავსებელი 3-სთ სისტემისათვის.	—	5	—	—
	1-7.1	1,25 სმ თაბაშირის ფილისგ რამდენიმე მწკრივი, რომელიც მიწებებულიასვეტის კიდეებზე და თანმიმდევრულ ფენებზე. თარაზული გადაბმების გარეშე დაგებული კედლის ფილა. თითოეული ფენის კუთხის კიდეები ზიგზაგისებურია. კედლის ფილის ფენა სვეტზე ორმაგი 1,24 მმ (No 18 B.W. კალიბრი) ფოლადის მავთულის სამაგრით ცენტრიდან 38 სმ დაშორებით მიმაგრებული გარეთა ფენის ქვემოთ. ზემოქმედების ქვეშ მყოფ კუთხეებს დაკრული აქვს ზონარი და დამუშავებულია.	—	—	5	2,5
	1-7.2	1,6 სმ X ტიპის თაბაშირის ფილის სამი ფენაგ. პირველი და მეორე ფენები ადგილზე მაგრდება 3.2 მმ დიამტრის, 8 მმ დიამეტრის თავიანი, 35 მმ სიგრძის დახრახნულ ფეხიანი ლურსმნებით, რომელთა დაშორება კუთხეებიდან ცენტრამდე არის 60 სმ შუა ფენაც დამაგრებულია ლითონის ზოლებით შუაწელში და 45 სმ თითოეულ ბოლოში, და კუთხის დამცავი ლითონის ზესადებით ყველა კუთხეში, რომელთაც იჭერს ლითონის ზოლები. კუთხის დამცავ ზესადებზე 2,5 სმ სიგრძის თაბაშირის ფილის ხრახნებითდამაგრებული მესამე ფენა ცენტრიდან 30 სმ დაშორებით.	—	—	5	—
	1-7.3	1,6 სმ X ტიპის თაბაშირის ფილის სამი ფენა,გ თითეული ფენა 4 სმ ხრახნებით მიმაგრებული ფოლადის 0,46 მმსისქის დგარებზე (No. 25 კალიბრი ნახშირბადიანი ფურცლოვანი ფოლადი) სვეტის ყველა კუთხეში. შუა ფენაც დამაგრებული 1,24 მმ (No. 18 B.W. კალიბრი) ორმაგი ფოლადის მავთულის სამაგრით, ცენტრიდან 60 სმ ხრახნები არის No. 15 სმ× 2,5 სმ ცენტრიდან 60 სმ შიგა ფენისთვის, No 15 სმ × 4 სმ ცენტრიდან 30 სმ შუა ფენისთვის და No. 20 სმ × 5,8 სმ ცენტრიდან 30 სმ გარე ფენისთვის.	—	5	—	—
	1-8.1	მერქან-ბოჭკოვანი თაბაშირის ბათქაშის ნარევი თაბაშირი-ქვიშის შემავსებლის თანაფარდობა 1:1 გამოყენებული ლითონის ბადეზე. ბადე პირგადადებული 2,5 სმ და დამაგრებული 15 სმ ცენტრიდან ყველა ბოლოში, კიდეები და     განმბრჯენები 1,3 მმ (No. 18 B.W. კალიბრი) ფოლადის მავთულის სამაგრები. ბადე დადებული 1,25 სმ განმბრჯენებზე, რომლებიც შექმნილია 1,9 სმ ლითონის არხებით და აქვს ყოველი კუთხის გარშემო შემოხვეული 5 სმ ფეხი. განმბრჯენები,მოთავსებული 2,5 სმ სტრუქტურული ნაწილის ზედა და ქვედა ნაწილიდან და მაქსიმუმ 1 მ ცენტრიდან და დამაგრებული 1,24 მმ (No. 18 B.W. კალიბრი) ცალფა ფოლადის მავთულის სამაგრით. კუთხის დამცავი ზესადები დამაგრებული ბადეზე 15 სმ ცენტრიდან თითოეული კუთხის გასწვრივ ბათქაშის სისქის უზრუნველსაყოფად.	—	—	4	—
	1-9.1	სულ მცირე, W 20 × 89 სმ სიგანის შვერილიანი ფოლადის სვეტი (წ/დ ≥ 0,75), რომლის ძგიდის ორივე ღრუ შევსებულია ნორმალური წონის კარბონატის ან კაჟბადის შემავსებლიანი ბეტონით (20 700 კ/პა მინიმალური კუმშვისადმი სიმტკიცე, როდესაც ერთეულის წონაა 2322,9 კგ/მ3 ± 48 კგ/მ3). კედლის ორივე ღრუში ბეტონი გაძლიერებულია სულ მცირე, No. 4 დეფორმირებული წნელით, რომელიც მაგრდება შვეულად ღრუს ცენტრში და სვეტზე მიმაგრებულია სულ მცირე, No. 2 თარაზული დეფორმირებული გამაძლიერებელი ფოლადის წნელი, რომელიც ძგიდეზე მიდუღებულია ყოველ 45 სმ–ზე ცენტრიდან  შვეულად. როგორც No. 4 არმატურული პროფილის ალტერნატივა, 1,9 სმ დიამეტრისა და 7,5 სმ სიგრძის თავიანი დგარები, ცენტრიდან დაშორებული 30 სმ შვეულად, კედელს უნდა მიედუღოს ორივე მხრიდან შუა ნაწილში სვეტების შვერილებს შორის.	—	—	—	იხ. შენიშვნა (ო)
2. ფოლადის კოჭების და ძირითადი კოჭების კედლები ან თაროები	2-1.1	კარბონატიანი, მსუბუქი და ქვიშიანი მსუბუქი შემვსები ბეტონი (ქვიშაქვის, გრანიტისა და კაჟბადის ხრეშის გარეშე) 7,5 სმ ან უფრო წმინდა ლითონის ბადით, რომელიც მდებარეობს 2,5 სმ-ზე დასრულებული ზედაპირიდან, რომელიც დამაგრებულია ზედა ნაპირთან და უზრუნველყოფს არანაკლებ 16 კვადრატული მილიმეტრის ფოლადით დაფარულ ფართობს 30 სმ-ზე ყველა მიმართულებით.	5	3,8	2,5	2,5
	2-1.2	კაჟბადიანი შემვსები ბეტონი და 2-1.1 პუნქტში განსაზღვრული ბეტონი 7,5 სმ ან უფრო წმინდა ლითონის ბადით, რომელიც მდებარეობს 2,5 სმ-ზე დასრულებული ზედაპირიდან და დამაგრებულია ზედა ნაპირთან და უზრუნველყოფს არანაკლებ 16 კვადრატული მილიმეტრის ფოლადით დაფარულ ფართობს 30 სმ-ზე ყველა მიმართულებით.	6,5	5,0	3,8	2,5
	2-2.1	ცემენტის ბათქაში ლითონის ბადეზე, დამაგრებული 19 მმ ცივად დახვეული არხებით 1,0 მმ (No. 18 B.W. კალიბრი) მავთულის სამაგრებით, რომლებიც დაშორებულია ცენტრიდან 76 მმ-დან 150 მმ-მდე. 1:2,5 თანაფარდობით არეული ცემენტისა და ქვიშის ბათქაში.	—	—	6,5ბ	2,2
	2-3.1	ვერმიკულიტიანი თაბაშირის ბათქაში ლითონის ბადის ჩარჩოზე, მავთულით დამაგრებული 4,2 მმ დიამეტრის (No. 8 B.W. კალიბრი) ფოლადის მავთულის საკიდებით, რომლებიც შემოხვეულია კოჭის გარშემო და ცენტრიდან დაშორებულია 40 სმ-ით.  ჩარჩოსგვერდებთან და ძირში ლითონის ბადის სამაგრები, ცენტრიდან დაშორებული დაახლოებით 12,7 სმ-ით.	—	2,2	—	—
	2-4.1	1,6 სმ X ტიპის თაბაშირის კედლის ფილისგ ორი ფენა დამაგრებულია U-ფორმის ბრჯენებით, რომლებიც ცენტრიდან დაშორებულია 60 სმ-ით. 0,5 მმ სისქის (No. 25 ნახშირბადიანი ფურცლოვანი ფოლადი კალიბრი)  4 სმ სიღრმის 2,5 სმ გალვანიზებული ფოლადის არხები პირველად მაგრდება ზედა კოჭის შვერილის პარალელურად და მის ყველა მხარეს, რათა უზრუნველყოს 1,25 სმ თავისუფალი სივრცე შვერილამდე. არხები ფოლადის ფენილზე ან ბეტონის კონსტრუქციაზე მაგრდება შესაბამისი სამაგრებით, რომლებიც ცენტრიდან დაშორებულია 30 სმ-ით. U-ფორმის ბრჯენები ფორმირდება არხების იდენტური სტრუქტურული ნაწილებით. U-ფორმის ბრჯენების მოღუნვის ადგილას, არხის ნაპირები ისეა ამოჭრილი, რომ შესაძლებელია 4 სმ სიღრმის არხების კუთხის ჩასმა ქვედა ნაპირის ყველა მხარის პარალელურად დამაგრების გარეშე. როგორც ალტერნატივა, არხებთან ერთად შეიძლება 0,5 მმ სისქის (No. 24 ნახშირბადიანი ფურცლოვანი ფოლადი კალიბრი) 2,5 სმ × 5 სმ ღარებისა და კუთხოვნების გამოყენება არხების ნაცვლად, რა შემთხვევაშიც ძგიდის ამონაჭრები U-ფორმის ბრჯენებში საჭირო აღარ არის. თითოეული კუთხე ბრჯენზე მაგრდება 1,25 სმ სიგრძის No. 8 თვითმხვრეტელა ხრახნებით. U-ფორმის ბრჯენების შვეული ფეხები არხებზე მაგრდება ერთი 1,25 სმ სიგრძის No. 8 თვითმხვრეტელა ხრახნით. დასრულებული ფოლადის კარკასი უზრუნველყოფს 5,5 სმ და 4 სმ სივრცეს კედლის ფილის შიგა ფენასა და ფოლადის კოჭის გვერდებსა და ძირს შორის. კედლის ფილის შიგა ფენა ზედა ღარებთან და ქვედა არხის კუთხეებთან ან კუთხოვნებთან მაგრდება 3,2 სმ სიგრძის No. 6 თვითმხვრეტელა ხრახნებით, რომლებიც ცენტრიდან დაშორებულია 40 სმ კედლის ფილის გარეთა ფენა მაგრდება 4,5 სმ სიგრძის No. 6 თვითმხვრეტელა ხრახნებით, რომლებიც ცენტრიდან დაშორებულია 20 სმ ქვედა კუთხეები გაძლიერებულია ლითონის კუთხის დამცავი ზესადებებით.	—	—	3	—
	2-4.2	1,6 სმ X ტიპის თაბაშირის კედლის ფილისგ სამი ფენა, დამაგრებული ფოლადის საკიდ სისტემაზე ზემოთ აღწერილი წესით 0,46 მმ სისქის (No. 25 ნახშირბადიანი ფურცლოვანი ფოლადი კალიბრი) 2,5 სმ × 5 სმ ქვედა კუთხოვნების გამოყენებით. კარკასი თავსდება ისე, რომ კედლის ფილის ზედა ფენასა და ქვესადების გვერდებსა და ძირს შორის  დარჩეს 5,5 სმ და 5 სმ სივრცე. კედლის ფილის პირველი ორი ფენა მაგრდება ზემოთ აღწერილი წესით. 0,9 მმსისქის (No. 20 B.W. კალიბრი) 25 მმ ჰექსაგონალური გალვანიზებული მავთულის ბადის ფენა გამოიყენება შუა ფენის სოფიტის ქვეშ და გვერდებზე დაახლოებით 5 სმ სიმაღლეზე.  ბადე ადგილზე მაგრდება No. 6,5 სმ სიგრძის ხრახნებით, რომლებიც მაგრდება ქვედა კუთხოვნების შვეულ ფრთაზე. კედლის ფილის გარეთა ფენა მაგრდება No. 6,5 სმ სიგრძის ხრახნებით, რომლებიც ცენტრიდან დაშორებულია 20 სმ-ით. ერთი ხრახნი ასევე მაგრდება ყოველი ფენის ბრჯენის შუაწელში. ქვედა კუთხეების მოპირკეთება ხდება ზემოთ აღწერილი წესით.	—	5	—	—
3.  შეერთებული, წინასწარდაჭიმული გამძლიერებელი წინასწარდაძაბულ ბეტონშიე	3-1.1	კარბონატი, მსუბუქი, ქვიშიანი მსუბუქი და კაჟბადიანიე შემვსები ბეტონი კოჭები ან მთავარი კოჭები       მასიური ფილებიზ	10ვ	7,5ვ       5	6,5   3,8	3,8       2,5
4. შეერთებული ან შეუერთებელი, შემდგომ დაჭიმული, წინაწარ დაძაბული გამძლიერებელი    წინასწარდაძაბულ ბეტონშიე,ი	4-1.1	კარბონატი, მსუბუქი, ქვიშიანი მსუბუქი და კაჟბადიანიე შემვსები ბეტონი თავისუფალი სტრუქტურული ნაწილები: მასიური ფილებიზ კოჭები ან მთავარი კოჭებიი 20 სმ სიგანის 30 სმ-ზე განიერი	—     7,5	5   11,4 6,5	3,8   6,5 5	—   4,4 3,8
	4-1.2	კარბონატი, მსუბუქი, ქვიშიანი მსუბუქი და კაჟბადიანიკ შემვსები ბეტონი დამაგრებული სტრუქტურული ნაწილები:ზ მასიური ფილებიზ კოჭები ან რიგელებიი 20 სმ სიგანის 30 სმ-ზე განიერი	3,2   6,5 5	2,5   5 4,4	1,9   4,4 3,8	—   — —
5. გამაძლიერებელი ფოლადი გაძლიერებული ბეტონის სვეტებში, კოჭებში, მთავარ კოჭებსა და წამწეებში		კარბონატი, მსუბუქი, ქვიშიანი მსუბუქი და კაჟბადიანი შემვსები ბეტონი, სტრუქტურული ნაწილები 30 სმ ან უფრო დიდი, კვადრატული ან მრგვალი. (ზომის შეზღუდვა არ ეხება კედლების მონოლითურ კოჭებსა და მთავარ კოჭებს) კაჟბადიანი შემვსები ბეტონი, სტრუქტურული ნაწილები 30 სმ ან უფრო დიდი, კვადრატული ან მრგვალი. (ზომის შეზღუდვა არ ეხება კედლების მონოლითურ კოჭებსა და მთავარ კოჭებს)
	5-1.1		3,8   5	3,8   3,8	3,8   3,8	3,8   3,8
6. გამაძლიერებელი ფოლადი გაძლიერებული ბეტონის  კოჭებშიმ	6-1.1	კარბონატი, მსუბუქი და ქვიშიანი მსუბუქი შემვსები ბეტონი.	3,2	3,2	2,5	1,9
	6-1.2	კაჟბადიანი შემვსები ბეტონი.	2,9	3,8	2,5	1,9
7. გამაძლიერებელი და წნელების სამაგრი  იატაკისა და სახურავის ფილებშიმ	7-1.1	კარბონატი, მსუბუქი და ქვიშიანი მსუბუქი შემავსებელი ბეტონი.	2,5	2,5	1,9	1,9
	7-1.2	კაჟბადიანი შემვსები ბეტონი.	3,2	2,5	2,5	1,9

ა.    დაცული სტრუქტურული ნაწილების რეენტერაბელურინაწილები მთლიანად უნდა შეივსოს.

ბ.   ერთნაირი სისქის ორი ფენა, რომელთა შორის დატოვებულია 1,9 სმ თავისუფალი სივრცე.

გ.   720.1(1) ცხრილში აღწერილი თაბაშირის ფილიანი ყველა კონსტრუქციისთვის, თაბაშირის ფუძე იმავე ზომის, სისქისა და ტიპის გულიანი მოსაპირკეთებელი ბათქაშისთვის, დასაშვებია შეიცვალოს თაბშირის ფილით, თუ მიმაგრდება ფილის მიმაგრების იდენტური მეთოდით, ხოლო წინა ფენაზე კოჭები იქნება არმირებული და მთელი ზედაპირი დაიფარება სულ მცირე, 1.6 მმ მოსაპირკეთებელი თაბაშირის ბათქაშით.

დ.    ASTM E 119-ში განსაზღვრული მისაკრობი საშუალება.

დ.  თუ მსუბუქი ან ქვიშიანი მსუბუქი ბეტონის წონა გამოშრობის შემდეგ 0,0283 მ³ –ზე 49,9 კგ ან ნაკლებია, ცხრილში მოცემული მინიმალური საფარი დასაშვებია შემცირდეს 25%-მდე, თუმცა საფარი არავითარ შემთხვევაში არ უნდა იყოს 1,9 სმ-ზე ნაკლები ფილებში ან 3,8 სმ-ზე ნაკლები კოჭებზე ან მთავარ კოჭებზე.

ე.    კაჟბადიანი შემავსებელი ბეტონის მასიური ფილებისთვის, არმირების წნულების საფარი იზრდება 20 პროცენტით.

ვ.   სათანადო დებულებები უნდა შემუშავდეს არაუმეტეს სტრუქტურულინაწილისსიმაღლის ტოლი მანძილით დაშორებული, 2,5 სმ სუფთა საფარის მქონე U-ფორმის ან სალტეებიანი ცალუღის საშუალებით მტვრევის თავიდან ასაცილებლად.

ზ.  წინასწარდაჭიმული ფილების სისქე არ უნდა იყოს 720.1(3) ცხრილში განსაზღვრულზე ნაკლები შესაბამისი ცეცხლმედეგობის ხარისხის შემთხვევაში.

თ.  ცეცხლმედეგი საფარი და ბოლო დამაგრებები უნდა იყოს შემდეგნაირი: წინასწარდაჭიმული ფოლადის საფარი ანკერთან უნდა იყოს 1,25 სმ-ით მეტი, ვიდრე აუცილებელია ანკერისთვის. ფოლადდაკრული ფიცრის მინიმალური საფარი უნდა იყოს 2,5 სმ კოჭზე და 1,9 სმ ფილებზე.

ი.    20 – 30 სმ სიგანის კოჭის საფარის სისქე დასაშვებია განისაზღვროს ინტერპოლაციით.

კ.    უწყვეტი ფილების შიგა მალები, კოჭები და მთავარი კოჭები დასაშვებია იყოს დამაგრებული თავსა და ბოლოში.

ლ. შედარებითი ცეცხლმედეგობის მქონე ბეტონის ფილებთან გამოყენებისთვის, სადაც სტრუქტურულინაწილები ჩასმულია   კონსტრუქციის კარკასში იმგვარად, რომ უზრუნველყოს მონოლითული ბეტონის კონსტრუქციის ეკვივალენტური თვისებები.

მ.   GA 600-ში მოცემული გარკვეული კლასისათვის დამახასიათებელი ცეცხლმედეგობის ხარისხები (რომლებიც ნუსხაში განსაზღვრულია, როგორც პატენტიანი*)მიღებულ უნდა იქნეს, როგორც აქ მოცემული.

ნ.  დამატებითი საიზოლაციო მასალა საჭირო არაა სვეტის შვერილის ზემოქმედების ქვეშ მყოფ გარეთა პირზე 1 სთ ცეცხლმედეგობის ხარისხის მისაღწევად.

 

ცხრილი 721.1(2)

ცეცხლმედეგობის ხარისხები სხვადასხვა კედლებისა და ტიხრებისთვის^ა

მასალა	პუნქტის ნომერი	კონსტრუქცია	მინიმალური სისქებ პირიდან პირამდე (სმ)
			4 სთ	3 სთ	2 სთ	1 სთ
1.  თიხის ან ფიქალის თიხის აგური	1-1.1	თიხის ან ფიქალის მასიური აგურიგ	15	12,5	9,7	6,9
	1-1.2	ღრუტანიანი აგური, ამოუვსებელი.	12,7	11	11	5,8
	1-1.3	ღრუტანიანი აგურის კედელი, შევსებული პერლიტ-ვერმიკულიტით ან გაფუებული ფიქალის შემავსებლით.	16,8	14	11	7,6
	1-2.1	10 სმ ნომინალური სისქის ერთეულები, რომელთა სულ მცირე, 75% მასიურია და რომლებიც იდება 1,9 სმ სისქის, 0,5 მმ ფურცლოვანი ფოლადით ფორმირებული, ქუდის ფორმის ლითონის საბათქაშე არხებში, რომლებიც მიკრულია ნებადართული სამაგრებით აგურის კედელზე ცენტრიდან 60 სმ დაშორებით და 1,25 სმ X ტიპის თაბაშირის ფილით ფორმირებულ საბათქაშე არხებში, რომლებიც მიკრულია ლითონის საბათქაზე ზოლებზე 2,5 სმ სიგრძის, S ტიპის ხრახნებით ცენტრიდან 20 სმ დაშორებით.	—	—	12,7დ	—
2.  თიხის აგურისა და მზიდი ღრუტანიანი თიხის ფილის კომბინაცია	2-1.1	10 სმ მასიური აგური და 10 სმ ფილა (სულ მცირე, 40% მასიური).	—	20	—	—
	2-1.2	10 სმ მასიური აგური და 20 სმ ფილა (სულ მცირე, 40% მასიური).	30	—	—	—
3.  ბეტონის წყობის ერთეული (ბლოკი)	3-1.1ვ,ზ	აფუებული წიდა ან პემზა.	12	10	8	5,4
	3-1.2ვ,ზ	აფუებული თიხა, თიხიანი ფიქალი ან ფიქალი.	13	11	9	6,6
	3-1.3ვ	კირქვა, ნახშირი ან ჰაერით გაგრილებული წიდა.	15	12,7	10	6,9
	3-1.4ვ,ზ	კირის ან კაჟბადის ხრეში.	15,8	13,5	10,7	7
4.  მასიური ბეტონი თ, ი	4-1.1	კაჟბადიანი შემავსებელი ბეტონი.	17,8	15,8	12,7	8,9
		ნახშირბადიანი შემავსებელი ბეტონი.	16,8	145	117	8,0
		ქვიშიანი მსუბუქი ბეტონი.	13,7	11,7	9,7	6,9
		მსუბუქი ბეტონი.	13	11	9	6,4
5.  მოჭიქული ან მოუჭიქავი მოსაპირკეთებელი ფილა, არამზიდი	5-1.1	ერთი 5 სმ ერთეული მაქსიმუმ 15% გულიანი და ერთი10 სმ ერთეული მაქსიმუმ 25% გულიანი 1,9 სმ დუღაბით შევსებული შვეული ნაკერი. ერთეულის მდებარეობა შენარჩუნებულია რიგმონაცვლეობით (ყოველ მე-2 რიგში).	—	16	—	—
	5-1.2	ერთი 5 სმ ერთეულიმაქსიმუმ 15% გულიანი და ერთი10 სმ ერთეული მაქსიმუმ 40% გულიანი1,9 სმდუღაბით შევსებული შვეული ნაკერი. ერთეულის გვერდზე 1,9 სმ თაბაშირის ბათქაში. ორი ვრტიკალური რიგი ერთმანეთთან იბმება ყოველ მეოთხე თარაზულ რიგზე No. 22 კალიბრის გოფრირებული ლითონის სამაგრებით.		17	—	—
	5-1.3	ერთი სამ უჯრედიანი ერთეული კედლის სისქეში, მაქსიმუმ 29% გულით.	—	—	15	—
	5-1.4	ერთი 5 სმ ერთეული მაქსიმუმ 22% გულიანი და ერთი 10 სმ ერთეულიმაქსიმუმ 41% გულიანი6.4 მმ დუღაბით შევსებული შვეული ნაკერი. ორი შვეული რიგი ერთმანეთთან იბმება ყოველ მესამე თარაზულ რიგზე 0,76 მმ (No. 22 კალიბრის გალვანიზებული ფურცლოვანი ლითონი) გოფრირებული ლითონის სამაგრებით.	—	—	15	—
	5-1.5	ერთი 10 სმ ერთეული მაქსიმუმ 25% გულიანი 1,9 სმ თაბაშირის დუღაბით ერთ მხარეს.	—	—	12	—
	5-1.6	ერთი 10 სმ ერთეული ორი უჯრედით კედლის სისქეში, მაქსიმუმ 22% გულით.	—	—	—	10
	5-1.7	ერთი 10 სმ ერთეული მაქსიმუმ 30% გულიანი 1,9 სმ ვერმიკულიტიანი თაბაშირის დუღაბით ერთ მხარეს.	—	—	11,4	—
	5-1.8	ერთი 10 სმ ერთეული მაქსიმუმ 39% გულიანი 1,9 სმ თაბაშირის დუღაბით ერთ მხარეს.	—	—	—	11,4
6.  თაბაშირის მასიური ბათქაში	6-1.1	1,9 სმ × 1,4 მმ (No. 16 კალიბრის ნახშირბადიანი ფურცლოვანი ფოლადი) შვეული ცივად დახვეული არხები, 40 სმ დაშორებით ცენტრიდან, 1,2 კგ ბრტყელი ლითონის ბადით, რომელიც გამოიყენება ერთ მხარეს და მაგრდება 1,24 მმ (No. 18 B.W. კალიბრი) მავთულით 15 სმ დაშორებით. თაბაშირის ბათქაში თითოეულ მხარეს, თაბაშირისა და ქვიშის ნარევი 1:2 თანაფარდობით.	—	—	—	5დ
	6-1.2	1,9 სმ × 1,3 მმ (No. 16 კალიბრის ნახშირბადიანი ფურცლოვანი ფოლადი) ცივად დახვეული არხები, 40 სმ დაშორებით ცენტრიდან, 1,2 კგ ბრტყელი ლითონის ბადით, რომელიც გამოიყენება ერთ მხარეს და მაგრდება 1,24 მმ (No. 18 B.W. კალიბრი) მავთულით 150  მმ დაშორებით. პერლიტიანი ან ვერმიკულიტიანი თაბაშირის ბათქაში თითოეულ მხარეს. სამფენიანი სამუშაოს დროს, მეორე ფენისათვის განკუთვნილ ბათქაშის ნარევში თაბაშირის წილი არ უნდა აღემატებოდეს 45,4 კილოგრამს 0,07 მ3-ზე, 1 სთ სისტემისთვის.	—	—	6,4დ	5დ
	6-1.3	1,9 სმ × 1,4 მმ (No. 16 კალიბრის ნახშირბადიანი ფურცლოვანი ფოლადი) შვეული ცივად დახვეული არხები, 40 სმ დაშორებით ცენტრიდან, 9,5 მმ თაბაშირიანი ბადით, რომელიც გამოიყენება ერთ მხარეს და მაგრდება ფურცლოვანი ლითონის მომჭერებით. თაბაშირის ბათქაში თითოეულ მხარეს, თაბაშირისა და ქვიშის ნარევი 1:2 თანაფარდობით.	—	—	—	5დ
	6-2.1	დგარების გარეშე,მთელ სიგრძეზე 12,5 მმ თაბაშირის ფილითა და თაბაშირის ბათქაშით თითოეულ მხარეს. თაბაშირისა და ქვიშის ბათქაშის ნარევი 1:1 თანაფარდობით ნაფხაჭნი ფენისთვისდა 1:2 თანაფარდობით გრუნტის ფენისთვის.	—	—	—	5დ
	6- 2.2	დგარების გარეშე, 12,7 მმ თაბაშირის სწორი ბადით მთელ სიგრძეზე და პერლიტიანი ან ვერმიკულიტიანი თაბაშირის ბათქაშით თითოეულ მხარეს.	—	—	6,4დ	5დ
	6-2.3	ტიხარი დგარების გარეშე, 9,5 მმ ამობურცული ლითონის ბადით, რომელიც შვეულად მაგრდება შვერილების მომიჯნავედ და მაგრდება ცენტრიდან 15 სმ დაშორებით No. 18 კალიბრის მავთულის სამაგრებით, თითორული მხრიდან თაბაშირის ბათქაში, თაბაშირისა და ქვიშის ნარევი 1:2 თანაფარდობით.	—	—	—	5დ
7.  მაგარი პერლიტი და პორტლანდცემენტი	7-1.1	პორტლანდცემენთან არეული პერლიტი, თანაფარდობით: 0,085 მ3 პერლიტი 45,4 კგ პორტლანდცემენტთან. დატანა ხდება ხელსაწყოთი დგარების გვერდზე მოთავსებულ 3,8 სმ × 1,5 მმ ზომის ბადეზე (No. 17 B.W. კალიბრი), რომლის ქვეშაც მოთავსებულია მავთულისგან დაწნული ბადე, რომელიც დამაგრებულია მავთულით ფერმის 10 სმ სიღრმის ფოლადის დგარებზე ცენტრიდან 40 სმ დაშორებით. 1,24 მმ (No. 18 B.W. კალიბრი) გალვანიზებული ფოლადის მავთულის სამაგრები 15 სმ ცენტრიდან შვეულად.	—	—	8დ	—
8.   მასიური სუფთა მერქანბოჭკოვანი თაბაშირის ბათქაში	8-1.1	1,9 სმ × 1,4 მმ (No. 16 კალიბრის ნახშირბადიანი ფურცლოვანი ფოლადი) ცივად დახვეული არხები ცენტრიდან 300 მმ, ერთ მხარეზე 1,14 კგ ბრტყელი ლითონის ბადით, რომელიც მაგრდება1.24 მმ (No. 18 B.W. კალიბრი) მავთულით 15 სმ დაშორებით. სუფთა თაბაშირის ბათქაში ყველა მხარეს.	—	—	5დ	—
9.  მასიური კედლის ფილის ტიხარი	9-1.1	12,5 მმ X ტიპის თაბაშირის ფილისე ერთი ფენა მთელ სიგრძეზე, ლამინირებული ყველა მხარეს 2,5 სმ V-კიდიანი თაბაშირის ფილით, რომელიც შეიცავს ლამინირებისათვის საჭირო შენაერთს. გარეთა ფენის შვეული გადაბმები და ფილა ზიგზაგისებურად განლაგებული სულ მცირე, 2,5 სმ-ზე.	—	—	5დ	—
10.              ღრუტანიანი (დგარების გარეშე) თაბაშირის კედლის ფილის ტიხარი	10-1.1	1,6 სმ X ტიპის თაბაშირის კედლის ფილისე ერთი ფენა მთელ სიგრძეზე, ორივე მხარეს მიმაგრებული ზედა და ქვედა ლითონის ღარებზე, რომლებიც ყველა მხრიდან ლამინირებულია მთელ სიგრძეზე 2,5 სმ × 15 სმ ზომის ზოლებად დაჭრილი თაბაშირის გულიანი ფილებით, ცენტრიდან 5 სმ დაშორებით და შეიცავს ლამინირებისათვის საჭირო შენაერთს. ზოლები თავსდება გარეთა ფენების შვეული გადაბმების ცენტრში, ხოლო გადაბმები ზიგზაგისებურად 60 სმ დაშორებებით მოპირდაპირე მხარეებზე. ზოლების დაშორება შეიძლება 15 სმ მანძილით თავიდან და ძირიდან.	—	—	—	5,7დ
	10-1.2	2,5 სმ თაბაშირის ჩვეულებრივი V-კიდიანი ქვესადები ფილა მთელ სიგრძეზე, რომელიც ორივე მხარეს მიმაგრებულია ზედა და ქვედა ლითონის ღარებზე ლურსმნებით ან 40 მმ მშრალი კედლისთვის განკუთვნილი ხრახნებით ცენტრიდან 60 სმ. მინიმალური სიგანე 4,1 სმ. 1,25 სმ ზომის თაბაშირის ჩვეულებრივი ფილა, გამოყენებული გარეთა პირად, მთელ სიგრძეზე ლამინირდება ქვესადები ფილის გარეთა პირებზე ლამინირებისათვის საჭირო შენაერთის საშუალებით.	—	—	11,8დ	—
11.              არაწვადი დგარები -შიგა ტიხარი ყველა მხრიდან ბათქაშით	11-1.1	82 მმ × 1.2 მმ (No. 18 კალიბრის ნახშირბადიანი ფურცლოვანი ფოლადი) ფოლადის დგარები ცენტრიდან 60 სმ დაშორებით. 1,6 სმ თაბაშირის ბათქაში ლითონის ბადეზე ყველა მხრიდან. ბათქაშის შემადგენლობა: თაბაშირისა და ქვიშის ნარევი 1:2 თანაფარდობით.	—	—	—	12დ
	11- 1.2	86 მმ × 1,4 მმ (Nო. 16 კალიბრის ნახშირბადიანი ფურცლოვანი ფოლადი) დგარები, რომე    ლიც მაგრდება ლურსმნებით ცენტრიდან 60 სმ დაშორებით. 1,6 სმ სუფთა თაბაშირის მერქან-ბოჭკოვანი ბათქაში ყველა მხარეს დგარებზე 6დ ჩვეულებრივი ლურსმნებით ცენტრიდან 20 სმ დაშორებით დამაგრებული ლითონის ბადის 9,5 მმ ძელებზე. ლურსმნები შედის 32 მმ სიღრმეზე და შემდეგ იღუნება.	—	—	14	—
	11-1.3	10 სმ × 1,2 მმ (No. 18 კალიბრის ნახშირბადიანი ფურცლოვანი ფოლადი) არხის ფორმის ფოლადის დგარები 40 სმ ცენტრიდან. ყველა მხრიდან დრეკადი მომჭერები, რომლებიც მოჭერილია შვეულად დგარის შვერილზე 40 სმ დაშორებით, 6,4 მმ ზომის წვრილი ძელები, რომლებიც გაყრილია ან მავთულითაა დამაგრებული მომჭერების ყულფში, წვრილ ძელებზე მავთულით დამაგრებული ლითონის ბადე 15 სმ ინტერვალებით, 2,5 სმ პერლიტიანი თაბაშირის ბათქაში, ყველა მხარეს.	—	19დ	—	—
	11-1.4	64 მმ × 1,2 მმ (No. 18 კალიბრის ნახშირბადიანი ფურცლოვანი ფოლადი) ფოლადის დგარები ცენტრიდან 40 სმ დაშორებით. მერქან-ბოჭკოვანი თაბაშირის ბათქაში, თაბაშირისა და ქვიშის ნარევი 1:1 თანაფარდობით დადებული 0,34 კგ ლითონის ბადეზე, რომელიც მავთულითაა დამაგრებული დგარზე ყველა მხარეს. 1,9 სმ ბათქაში გამოიყენება ყველა მხარეს, მოსაპირკეთებელი ფენის ჩათვლით.	—	—	10,8დ	—
12.              ხის დგარები შიგა ტიხარი ყველა მხრიდან ბათქაშით	12-1.1მ,ნ	5 სმ × 10 სმ ხის დგარები, დაშორებული 40 სმ ცენტრიდან, 1,6 სმ თაბაშირის ბათქაშით ლითონის ბადეზე. ბადე მაგრდება 4დ ჩვეულებრივი, გადაღუნული ლურსმნებით ან No. 14 კალიბრის 32 მმ × 1,9 სმ სისქის გვირგვინის მქონე კავებით, რომლებიც ცენტრიდან დაშორებულია 15 სმ ბათქაშის ნარევი 1:11/2 ნაფხაჭნი ფენისთვის და 1:3 გრუნტის ფენისთვის, თაბაშირი ქვიშის შემვსებთან.	—	—	—	13
	12-1.2მ	5 სმ × 10 სმ ხის დგარები 40 სმცენტრიდან ლითონის ბადით და 2,2  სმ სუფთა მერქან-ბოჭკოვანი თაბაშირის ბათქაშით ყველა მხარეს. ბადე მაგრდება 6დ ჩვეულებრივი ლურსმნებით, ცენტრიდან 18 სმ. ლურსმნები ჩადის 3,2 სმ სიღრმეზე და შემდეგ იღუნება.	—	—	14დ	—
	12-1.3მ	5 სმ × 10 სმ ხის დგარები 40 სმ ცენტრიდან 9,6 მმ პერფორირებული ან სწორი თაბაშირის ბადით და 1,25 სმ თაბაშირის ბათქაშით ყველა მხარეს. ბადე მაგრდება 2,9 სმ × No. 13 კალიბრის × 7,5 მმ ზომის თავიანი მშრალი ბათქაშის/ბათქაშის ფილისთვის განკუთვნილი ცისფერი ლურსმნებით, ცენტრიდან 10 სმ დაშორებით. ბათქაში წარმოადგენს თაბაშირისა და ქვიშის შემავსებლის ნარევს 1:2 თანაფარდობით.	—	—	—	13,3
	12-1. 4მ	5 სმ × 10 სმ ხის დგარები 40 სმ ცენტრიდან 9,5 მმ X ტიპისთაბაშირის ბადით და 1,25 სმ თაბაშირის ბათქაშით ყველა მხარეს. ბადე მაგრდება 29 მმ × No. 13 კალიბრის × 7,5 მმ ზომის თავიანი მშრალი ბათქაშის/ბათქაშის ფილისთვის განკუთვნილი ცისფერი ლურსმნებით, ცენტრიდან 12,7 სმ დაშორებით. ბათქაში წარმოადგენს თაბაშირისა და ქვიშის შემავსებლის ნარევს 1:2 თანაფარდობით.	—	—	—	13,3
13.              არაწვადი დგარები -შიგა ტიხარი ყველა მხრიდან თაბაშირის კედლის ფილით	13-1.1	0,5 მმ (No. 25 კალიბრის ნახშირბადიანი ფურცლოვანი ფოლადი) არხის ფორმის დგარები 60 სმ ცენტრიდან, ერთი ფენა 15,9 მმ X ტიპის თაბაშირის ფილისაე მთელ სიგრძეზე, მიკრული შვეულად 2,5 სმ სიგრძის No. 6  მშრალი კედლისთვის განკუთვნილი ხრახნებით თითოეულ დგარზე. ხრახნები არის პერიმეტრის გარშემო  ცენტრიდან 20 სმ დაშორებით და შუალედურ დგარზე 30 სმდაშორებით. ფილა შეიძლება დაიგოს თარაზულად, თუ მაგრდება 9 სმ დგარზე და თარაზული გადაბმები განლაგებულია ზიგზაგისებურად მოპირდაპირე მხარეს მდებარე გადაბმების მიმართ. თარაზულად დასამაგრებელი ხრახნები ცენტრიდან დაშორებული უნდა იყოს 20 სმ შვეული კიდეებიდან და 30 სმშუალედური დგარიდან.	—	—	—	7,3d
	13-1.2	0,5 მმ (No. 25 კალიბრის ნახშირბადიანი ფურცლოვანი ფოლადი)არხის ფორმის დგარები 640 მმ ცენტრიდან, ერთი ფენა 12,7 მმ X ტიპის თაბაშირის კედლის ფილისაემთელ სიგრძეზე, დამაგრებული შვეულად ყველა მხრიდან. პირველი ფენა მაგრდება 2,5 სმ სიგრძის No. 6 მშრალი კედლისთვის განკუთვნილი ხრახნებით პერიმეტრის გარშემო 20 სმ დაშორებით ცენტრიდან და შუალედურ დგარზე 30 სმდაშორებით ცენტრიდან. მეორე ფენა პირველ ფენასთან იბმება ერთი დგარის ზომის შვეული გადაბმით, 40 მმ სიგრძის, Nო. 6  მშრალი კედლისთვის განკუთვნილი ხრახნების გამოყენებით, რომლებიც ცენტრიდან დაშორებულია 230 მმ-ით და განლაგებულია შვეული გადაბმების გასწვრივ, 30 სმცენტრიდან შუალედურ დგარებთან და 60 სმ ცენტრიდან ზედა და ქვედა ღარების გასწვრივ.	—	—	9დ	—
	13-1.3	1,4 მმ (No. 16 კალიბრის ნახშირბადიანი ფურცლოვანი ფოლადი) ლურსმნებით დასამაგრებელი ლითონის დგარებიე 60 სმ ცენტრიდან 1,6 სმ X ტიპის თაბაშირის ფილისაემთელ სიგრძეზე, დამაგრებული შვეულად და ლურსმნებით დამაგრებული 180 მმ ცენტრიდან 6დ ცემენტის საფარიანი ჩვეულებრივი ლურსმნებით. დგარების გასწვრივ, შვეულ შეპირიპირებულ გადაბმებთან ლურსმნებთან ერთად გამოიყენება დამჭერი გირაგები.	—	—	—	12,4
14.              ხის დგარები შიგა ტიხარი ყველა მხრიდან თაბაშირის კედლის ფილით	14-1.1თ,ნ	5 სმ × 10 სმ ხის დგარები 40 სმ ცენტრიდან 9,6 მმ თაბაშირისკედლისფილისე 2 ფენით ყველა მხარეს, 4დმოცემენტებული ან მოსაპირკეთებელი ფილის ლურსმნები 20 სმ ცენტრიდან პირველ ფენაზე, 5დ მოცემენტებულიო ან მოსაპირკეთებელი ფილისლურსმნები 20 სმ ცენტრიდან მეორე ფენაზე, ფენებს შორის შემაწებებელი ნაერთით, გადაბმები ზიგზაგისებური. პირველი ფენა იდება მთელ სიგრძეზე შვეულად, მეორე ფენა კი თარაზულად ან შვეულად.	—	—	—	12,7
	14-1.2მ,ნ	5 სმ × 10 სმ ხის დგარები 40 სმ ცენტრიდან 12,7 მმ თაბაშირის მოსაპირკეთებელი ფილისე 2 ფენით, რომლებიც დევს ყველა მხარესლ შვეულად ან თარაზულად, გადაბმები ზიგზაგისებურია. სალურსმნე ფენა 5დან მოსაპირკეთებელი ფილისოლურსმნებით 20 სმ ცენტრიდან წინა ფენა 8დმოცემენტებულიან მოსაპირკეთებელი ფილისოლურსმნებით 20 სმ ცენტრიდან.	—	—	—	14
	14-1.3მ,ნ	5 სმ × 10 სმ ხისდგარები 60 სმ ცენტრიდან 1,6 სმ X ტიპის თაბაშირის მოსაპირკეთებელი ფილითე, რომელიც დევს შვეულად ან თარაზულად დადამაგრებულია 6დ მოცემენტებულიოან მოსაპირკეთებელი ფილისო ლურსმნებით 180 მმ ცენტრიდან და კიდურა გადაბმები მოთავსებულია სალურსმნე სტრუქტურულ ნაწილებზე. ზიგზაგისებური გადაბმები ყველა მხარეს.	—	—	—	12
	14-1.4მ	5 სმ × 10 სმ ცეცხლმედეგობაზე დამუშავებული ხის მასალის დგარები, რომლებიც ცენტრიდან დაშორებულია 60 სმ და რომლის ერთი ფენა 1,6 სმ X ტიპის თაბაშირის მოსაპირკეთებელიფილისააე, რომელიც გამოყენებულია მოსაპირკეთებელ მუყაოსთან ერთად (გრძელი მხარე), დგარის პარალელურია. მოსაპირკეთებელი ფილა მაგრდება 6დ მოცემენტებულიოან მოსაპირკეთებელი ფილისნ ლურსმნებით 18 სმ დაშორებით ცენტრიდან.	—	—	—	12დ
	14-1.5მ,ნ	5 სმ × 10 სმ ხის მასალის დგარები 40 სმ ცენტრიდან 1,6 სმ X ტიპის თაბაშირის კედლის ფილითე ყველა მხარეს. საფუძვლის ფენები იდება შვეულად და დამაგრებულია 6დ მოცემენტებულიოან მოსაპირკეთებელი ფილისოლურსმნებით 230 მმ დაშორებით ცენტრიდან. წინა ფენა იდება შვეულად ან თარაზულად და მაგრდება 8 დ მოცემენტებული ან მოსაპირკეთებელი ფილისოლურსმნებით 178 მმ ცენტრიდან. ლურსმნის წებოსგამოყენების შემთხვევაში, საფუძვლის ფენები მაგრდება 15 სმ ცენტრიდან. წინა ფენებზე გამოიყენება მოსაპირკეთებელი ფილის ნებადართული საფარი, რომელიც მაგრდება ლურსმნებით ცენტრიდან 300 მმ.		—	15	—
	14-1.6	5 სმ × 7,6 სმ ცეცხლმედეგობაზე დამუშავებული ხის მასალის დგარები, რომლებიც ცენტრიდან დაშორებულია 60 სმ-ით.	—	—	—	9დ
15.              გარე ან  შიგა კედლები	15-1.1მ,ნ	გარე ზედაპირი 1,9 სმ თარაზული შეფიცვრით 12,5 მმ თაბაშირის ფენილზე 5 სმ × 10 სმ ხის დგარებზე ცენტრიდან 40 სმ, შიგა ზედაპირი მუშავდება იმგვარად, როგორც აუცილებელია 1 სთ ხარისხის მქონე გარე ან შიგა 5 სმ × 10 სმ ხის დგარი ტიხრებისთვის. თაბაშირის ფენილი მაგრდება 45,5 მმ ″ × No. 11 კალიბრის 11 მმ თავიანი გალვანიზებული ლურსმნებით ცენტრიდან 20 სმ სამოსი მაგრდება 7დ გალვანიზებული სწორი ლურსმნებით, რომელთაც ჩვეულებრივი ლურსმნების ზომის თავი აქვს, მაგრამ უფრო წვრილფეხიანია.	—	—	—	ცვალებადი
	15-1.2მ,ნ	5 სმ ×  10 სმ ხის დგარები 40 სმ ცენტრიდან ლითონის ბადით და1,9 სმ ცემენტის ბათქაშით ყველა მხარეს. ბადე მაგრდება ცენტრიდა ნ178 მმ 6დჩვეულებრივილურსმნებით, რომლებიც ჩასულია სულ მცირე, 2,5 სმ სიღრმეში და შემდეგ გადაღუნულია. ბათქაშის ნარევი ნაფხაჭნი ფენისთვის 1:4, ხოლო გრუნტის ფენისთვის 1:5. მოპირკეთება მოცულობის მიხედვით, ცემენტი-ქვიშასთან/ქვიშაცემებტი.	—	—	—	9
	15-1.3მ,ნ	5 სმ × 10 სმ ხის დგარები 40 სმცენტრიდან 2,2 სმ ცემენტის ბათქაშით (გაზომილიდგარის წინა მხრიდან) გარე ზედაპირზე, შიგა ზედაპირი კი მუშავდება იმგვარად, რომ აკმაყოფილებდეს შიგა ხის მასალის დგარიანი ტიხრების მიმართ არსებულ მოთხოვნებს, რომლებიც მოცემულია ამ ცხრილში. ბათქაშისთვის ცემენტისა და ქვიშის ნარევი 1:4 თანაფარდობით ნაფხაჭნი ფენისათვის, ხოლო გრუნტის ფენისთვის 1:5 თანაფარდობით.	—	—	—	ცვალებადი
	15-1.4	9 სმ No. 16 კალიბრის არაწვადი დგარები 40 სმ ცენტრიდან 2,2 სმ ცემენტის ბათქაშით (გაზომილი დგარების წინა მხრიდან) გარე ზედაპირზე, შიგა ზედაპირი კი მუშავდება იმგვარად, რომ აკმაყოფილებდეს შიგა, არამზიდი, არაწვადი დგარებიანი ტიხრების მიმართ არსებულ მოთხოვნებს, რომლებიც მოცემულია ამ ცხრილში. ბათქაშისთვის ცემენტისა და ქვიშის ნარევი 1:4 თანაფარდობით ნაფხაჭნის ფენისათვის, ხოლო გრუნტის ფენისთვის 1:5 თანაფარდობით.	—	—	—	ცვალებადიდ
	15-1.5ნ	5,7 სმ × 95 მმ ტიპის მოსაპირკეთებელი აგური ღრუ გულით 12,5 მმ თაბაშირის ფენილზე 5 სმ × 10 სმ ხის დგარები ცენტრიდან 40 სმ გარე ზედაპირზე და 1,6 სმ X ტიპის მოსაპირკეთებელი ფილაე შიგა ზედაპირზე. ფენილი იგება თარაზულად ან შვეულად ისე, რომ შვეული გადაბმები მოხვდეს დგარების თავზე და მაგრდება 4,45 სმ No. 11 კალიბრის 1,1 სმ (დიამეტრის) თავიანი გალვანიზებული ლურსმნებით. მოსაპირკეთებელი ფილის შიგა ფენა თავსდება თარაზულად და შვეულად და მაგრდება 20 სმ ცენტრიდან 6დ მოცემენტებულიოან მოსაპირკეთებელი ფილისო ლურსმნებით. კედლის ფილის გარეთა ფენა თავსდება ჰორიზონატალურად ან შვეულად და მაგრდება 20 სმ ცენტრიდან 8დმოცემენტებულიოან მოსაპირკეთებელი ფილისოლურსმნებით. ყველა გადაბმა ზიგზაგისებურია შვეულ გადაბმებთან დგარების თავზე. გარეთა ფენის გადაბმებზე დადებულია ზონარი და დამუშავებულია ნაერთით. ლურსმნების თავები დაფარულიაშემაერთებელი ნაერთით 8.9 მმ (No. 20 კალიბრის გალვანიზებული ფურცლოვანი) გოფრირებული გალვანიზებული ფოლადის კედლის სამაგრები 1,9 სმ × 17 სმ დამაგრებული ყველადგარზე ორი მოცემენტებულიოან მოსაპირკეთებელი ფილისო 8დლურსმნებით აგურების ყოველ მეექვსე თარაზულ რიგზე.	—	—	25,4	—
	15-1.6მ,ნ	5,7 სმ × 9,5 სმ ტიპის მოსაპირკეთებელი აგური ღრუ გულით 1,25 სმ თაბაშირის ფენილზე 5 სმ × 10 სმ ხის დგარები ცენტრიდან 40 სმ გარე ზედაპირზე და 16 სმ X ტიპის მოსაპირკეთებელი ფილაე შიგა ზედაპირზე. ფენილი იგება თარაზულად ან შვეულად ისე, რომ შვეული გადაბმები მოხვდეს დგარების თავზე და მაგრდება 4,45 სმ No. 11 კალიბრის 11 მმ (დიამეტრის) თავიანი გალვანიზებული ლურსმნებით. მოსაპირკეთებელი ფილის შიგა ფენა თავსდება თარაზულად და შვეულად და მაგრდება 20 სმ ცენტრიდან 6დმოცემენტებულიოან მოსაპირკეთებელი ფილისო ლურსმნებით. კედლის ფილის გარეთა ფენა თავსდება ჰორიზონატალურად ან შვეულად და მაგრდება 20 სმ ცენტრიდან 8დმოცემენტებულიოან მოსაპირკეთებელი ფილისოლურსმნებით. ყველა გადაბმა ზიგზაგისებურია შვეულ გადაბმებთან დგარების თავზე. გარეთა ფენის გადაბმებზე დადებულია ზონარი და დამუშავებულია ნაერთით. ლურსმნების თავები დაფარულიაშემაერთებელი ნაერთით 8,9 მმ (No. 20 კალიბრის გალვანიზებული ფურცლოვანი) გოფრირებული გალვანიზებული ფოლადის კედლის სამაგრები 1,9 სმ × 17 სმ დამაგრებული ყველადგარზე ორი მოცემენტებულიოან მოსაპირკეთებელი ფილისო 8დლურსმნებით აგურების ყოველ მეექვსე თარაზულ რიგზე.	—	—	21	—
	15-1.7მ,ნ	5 სმ × 15 სმ ხის დგარები 40 სმ ცენტრიდან. გარე მოპირკეთებას აქვს  შვეულად მოთავსებული 1,6 სმ X ტიპის თაბაშირის ფენილის ერთი ფენა, რომელიც დამაგრებულია გადაბმებთან 6დ ლურსმნებით 20 სმ დაშორებით ცენტრიდან, ხოლო ყველა სხვა ადგილას  30 სმდაშორებით ცენტრიდან 8დ 15 სმ სიგრძის ლურსმნებით, რომელთაც თავები ჩვეულებრივი ლურსმნის ზომის აქვს, ფეხები კი წვრილი. შემდეგ იდება სათანადო სამშენებლო მუყაო და მასზე 2,5 სმ × No. 18 კალიბრის გარე წიბოვანი ბადე, რომელიც მაგრდება თითოეული დგარის გასწვრივ 20 სმ × 64 მმ სიგრძის გალვანიზებული სახურავის ლურსმნებით ცენტრიდან 15 სმ  დაშორებით. შემდეგ დაიტანება ცემენტის ბათქაში, რომელიც შედგება 1,25 სმ ნაფხაჭნის, შემკვრელი ელემენტისა და 1,25 სმ  გრუნტის ფენისგან, რომელზეც ბოლოს იდება მოსაპირკეთებელი ფენა. ნაფხაჭნი ფენის ნარევი შედგება ცემენტისა და ქვიშისგან პროპორციით 1:3, რასაც თითო ცემენტის ტომარაზე ემატება 4,54 კგ დაშლილი კირი და 1.36 კგ სათანადო დანამატები ან მინარევები. გრუნტის ფენის ნარევი შედგება ცემენტისა და ქვიშისგან პროპორციით 1:4, რასაც ემატება ნაფხაჭნის ფენაში გამოყენებული რაოდენობის დანამატები ან მინარევები. ინტერიერი იფარება 9,5 მმ თაბაშირის ბადით, რომლის ჰექსაგონალური ბადე 2,5 სმ  0,89 მილიმეტრია (No. 20 B.W. კალიბრი),    8 მმ დაწნული მავთულის ბადით და 2,5 სმ პერლიტის ან ვერმიკულიტის თაბაშირის ბათქაშით. ბადე მაგრდება 2,86 სმ × No. 13 კალიბრის 7,5 მმ თავიანი ბათქაშის ფილის მიწებებული ლურსმნებით, რომლებიც ცენტრიდან დაშორებულია 12,7 სმ ბადე მაგრდება 4,4 სმ ×  No. 12 კალიბრის 9.5 მმ თავიანი ლურსმნებით 9.5 მმ, რომელთაც აქვს საცობები, ცენტრიდან 20 სმ ბათქაშის ნარევში თაბაშირის რაოდენობა არ უნდა აღემატებოდეს 45 კგ 0.07 მ3-ზე შემავსებელთან.	—	—	22,2	—
	15-1.8მ,ნ	5 სმ × 15 სმ ხის დგარები 40 სმ ცენტრიდან. გარე მოპირკეთებას აქვს შვეულად მოთავსებული 1,6 სმ X ტიპის თაბაშირის ფენილის ერთი ფენა, რომელიც დამაგრებულია გადაბმებთან 20 სმ დაშორებით ცენტრიდან, ხოლო ყველა სხვა ადგილას  30 სმდაშორებით ცენტრიდან 6დ ლურსმნებით, რომელთაც თავები ჩვეულებრივი ლურსმნის ზომის აქვს, ფეხები კი წვრილი. შემდეგ იდება სათანადო სამშენებლო მუყაო, რომელსაც ედება 12,5 მმ × No. 17 კალიბრი გარე წიბოვანი ბადე, რომელიც მაგრდება თითოეული დგარის გასწვრივ 20 სმ 64 მმ სიგრძის გალვანიზებული სახურავის ლურსმნებით ცენტრიდან 15 სმ. შემდეგ იდება ცემენტის ბათქაში, რომელიც შედგება 12,.5 მმ ნაფხაჭნისა და 12,5 მმ   გრუნტის ფენებისგან. ბათქაში შეიძლება დაიდოს ხელსაწყოს გამოყენებით. ნაფხაჭნი ფენის ნარევი შედგება პლასტიკური ცემენტისა და ქვიშისგან პროპორციით 1:4. გრუნტის ფენის ნარევი შედგება პლასტიკური ცემენტისა და ქვიშისგან პროპორციით 1:5. ინტერიერი იფასება 9,5 მმ მშრალი ბათქაშით, რომელიც იდება No. 20 კალიბრის მავთულით დაწნულ 2,5 სმ ჰექსაგონალურ ბადეზე, რომელიც გამოწეულია 8 მმ-ით  და შემდეგ იფარება 2,5 სმ პერლიტიანი ან ვერმიკულიტიანი თაბაშირის ბათქაშით. ბადე მაგრდება 29 მმ × No. 13 კალიბრის 7.5 მმ თავიანი ბათქაშის ფილის მიწებებული ლურსმნებით ცენტრიდან 127 მმ დაშორებით. ბადე მაგრდება 44 მმ × No. 12 კალიბრის 9,5 (დიამეტრის) მმ თავიანი ლურსმნებით, რომელთაც აქვთ 9,5 მმ საცობები, ცენტრიდან 20 სმ დაშორებით. ბათქაშის ნარევში თაბაშირის რაოდენობა არ უნდა აღემატებოდეს 45,4 კგ 0,07 მ3-ზე შემავსებელთან.	—	—	22,2	—
	15-1.9	10 სმ No. 18 კალიბრის, არამზიდი ლითონის დგარები, 40 სმ ცენტრიდან, 2,5 სმ პორტლანდცემენტისა და კირის ბათქაშით [გაზომილი 0,34 კგ გავრცელებული ლითონის ბადის უკანა მხრიდან] გარე ზედაპირზე. შიგა ზედაპირი უნდა დაიფაროს 2,5 სმ თაბაშირის ბათქაშით, რომელიც იდება 0,34 კგ გავრცელებულ ლითონის ბადეზე. ბათქაშში თაბაშირისა და ქვიშის პროპორცია ნაფხაჭნი ფენისთვის არის 1:2, ხოლო გრუნტის ფენისთვის 1:3. ტიხარის ერთ მხარეს ედება ბადე, რომელიც დამჭერით მაგრდება 6.4 მმ დიამეტრის მქონე წვრილ ძელებზე, რომლებიც ეყრდნობა No. 20 კალიბრის ლითონის მომჭერებს, რომლებიც შვეულადაა განლაგებული დგარის ორივე მხარეს ცენტრიდან 40 სმ  დაშორებით. დგარებს შორის უნდა მოთავსდეს 76 მმ სისქის მინერალური ბოჭკოვანი საიზოლაციო ვატინები.	—	—	16,5დ	—
	15-1.10	ფოლადის დგარები 1,5 სმ სისქის, 10 სმ სიღრმის ან 15 სმ ცენტრებიდან 40 სმ ან 60 სმ დაშორებით, გარე მხარეს 12,7 მმ მინაბოჭკოვანი არმირებული ბეტონით. მინაბოჭკოვანი არმირებული ბეტონი მაგრდება დრეკადი ანკერებით ცენტრიდან 60 სმ დაშორებით, 12,7 სმ ფეხით, რომელიც უნდა შედუღდეს დგარებზე ორი 12,7 მმ -სიგრძის შედუღების ნაკერით მომრგვალებულ და სწორ ელემენტებს შორის, და 10 სმ ფეხით, რომელიც მაგრდება მინაბოჭკოვან არმირებულ ბეტონზე 1,6 სმ სისქის შემაერთებელი ბალიშებით, რომლებიც ვრცელდება 64 მმ დრეკადი ანკერის ტერფის მიღმა ორივე მხარეს. შიგა ზედაპირს უნდა ჰქონდეს 12,7 მმ X ტიპის თაბაშირის კედლის ფილის ორი ფენა. კედლის ფილის პირველი ფენა უნდა დამაგრდეს 2,5 სმ სიგრძის შ ტიპის საყვირის ფორმის ხრახნებით, რომლებიც ცენტრიდან დაშორებულია 60 სმ, ხოლო მეორე ფენა მაგრდება 44 მმ სიგრძის S ტიპის ხრახნებით, ცენტრიდან 30 სმდაშორებით. ღრუ უნდა ამოივსოს 127 მმ-ის  64 კგ/მ3 (ნომინალურად) მინერალური ბოჭკოს ქეჩით. მინაბოჭკოთი არმირებულიბეტონს აქვს 38 მმ ღრუები, რაც ამოვსებულია მინერალური ბოჭკოთი და დაგმანულია გარე მხრიდან.	—	—	16,5	—
	15-1.11	ფოლადის დგარები 1,5 მმ სისქის, 10 სმ სიღრმის ან 15 სმ  ცენტრიდან 40 სმ  ან 60 სმ დაშორებით, შესაბამისად, 1,27 სმ     მინაბოჭკოვანი არმირებული ბეტონით გარე ზედაპირზე. მინაბოჭკოვანი არმირებული ბეტონი მაგრდება დრეკადი ანკერებით ცენტრიდან 60 სმ დაშორებით, 12,7 სმ (სიგრძის)ფეხით, რომელიც უნდა შედუღდეს დგარებზე ორი 1,27 სმ-ნაკერით მომრგვალებულ და სწორ ელემენტებს შორის, და 10 სმ ტერფით, რომელიც მაგრდება მინაბოჭკოვან არმირებულ ბეტონზე 1,6 სმ სისქის შემაერთებელი ბალიშებით, რომლებიც ვრცელდება 64 მმ დრეკადი ანკერის ტეფის მიღმა ორივე მხარეს. შიგა ზედაპირს უნდა ჰქონდეს  1,6 სმ X ტიპის თაბაშირის კედლის ფილის ერთი ფენა, რომელიც მაგრდება 3,2 სმ -სიგრძის შ ტიპის საყვირის ფორმის ხრახნებით ცენტრიდან 30 სმდაშორებით. ღრუ უნდა ამოივსოს 12,7 სმ-ის  64 კგ/მ3 (ნომინალურად) მინერალური ბოჭკოს ქეჩით. მინაბოჭკოვან არმირებულ ბეტონს აქვს 3,8 სმ ღრუები, რაც ამოვსებულია მინერალური ბოჭკოთი და დაგმანულია გარე მხრიდან.	—	—	—	15,6
	15-1.12	5 სმ × 15 სმ ხის დგარები 40 სმ–ზე ორმაგი ზედა ფირფიტებით, ერთი ქვედა ფირფიტა; შიგაა და გარე მხარეები, დაფარული 1,6 სმ  X ტიპის თაბაშირის კედლის ფილით, 10 სმ სიგანის, გამოყენებული თარაზულად ან შვეულად, შვეული ბმულებით დგარების თავზე და დამაგრებული S ტიპის უდუღაბო კედლის ხრახნებით ცენტრიდან 5,7 სმ-ზე.ღრუ უნდა ამოივსოს 14 სმ მინერალური ქეჩის იზოლაციით.	—	—	—	17
	15-1.13	5 სმ × 15 სმ ხის დგარები 40 სმ–ზე ორმაგი ზედა ფირფიტებით, ერთი ქვედა ფირფიტა; შიგაა და გარე მხარეები, დაფარული 1,6 სმ X ტიპის თაბაშირის კედლის ფილით, 10 სმ სიგანის, განთავსებული შვეულად, ყველა გადაბმით კარკასის ან ბლოკირების თავზე და დამაგრებული 5,7 სმ–ით. შ ტიპის მშრალი კედლის ხრახნები ცენტრიდან 30 სმდაშორებით. R-19  მინერალური ბოჭკოს იზოლაცია, ჩადებული დგარის ღრუში.	—	—	—	17
	15-1.14	5 სმ × 15 სმ ხის დგარები 40 სმ–ზე ორმაგი ზედა ფირფიტებით, ერთი ქვედა ფირფიტა; შიგაა და გარე მხარეები, დაფარული 1,6 სმ  X ტიპის თაბაშირის კედლის ფილით, 10 სმ სიგანის, გამოყენებული თარაზულად ან შვეულად, შვეული ბმულებით დგარის თავზე და დამაგრებული 5,7 სმ–ით. S ტიპის მშრალი კედლის ხრახნები ცენტრიდან 18 სმ დაშორებით.	—	—	—	17
	15-1.15	5 სმ × 15 სმ ხის დგარები 40 სმ–ზე ორმაგი ზედა ფირფიტებით, ერთი ქვედა ფირფიტა; შიგაა და გარე მხარეები, დაფარული 1,6 სმ X ტიპის თაბაშირის კედლის ფილით და ფიცარფენილით, შესაბამისად, 10 სმ სიგანის, გამოყენებული თარაზულად ან შვეულად, შვეული გადაბმებით დგარების თავზე და დამაგრებული 5,7 სმ-ით. S ტიპის მშრალი/უდუღაბო კედლის ხრახნები ცენტრიდან 30 სმდაშორებით. ღრმული უნდა ამოივსოს 8,9 სმ მინერალური თექის იზოლაციით.	—	—	—
	15-1.16	5 სმ × 15 სმ ხის დგარები 60 სმ–ზე ორმაგი ზედა ფირფიტებით, ერთი ქვედა ფირფიტა; შიგაა და გარე მხარეები, დაფარული 1,6 სმ X ტიპის თაბაშირის მოსაპირკეთებელი ფილით, 10 სმ სიგანის, გამოყენებული თარაზულად, შვეული გადაბმით დგარების თავზე. საფუძვლის ფენა დამაგრებული 5,7 სმ შ ტიპის მშრალი/უდუღაბო კედლის ხრახნებით ცენტრიდან 20 სმ დაშორებით და წინაპირის შრე დამაგრებული S ტიპის მშრალი/უდუღაბო კედლის ხრახნებით ცენტრიდან 20 სმ-ის დაშორებით, კედლის ფილის გადაბმები დაფარული პერფოლენტით და შემაერთებელი ნარევით, დამჭერების თავები, დაფარულიშემაერთებელი ნარევით. ღრმული უნდა ამოივსოს 14 სმ მინერალური თექის იზოლაციით.	—	—	—
	15-2.1დ	9 სმ №16 კალიბრის ფოლადის დგარები ცენტრიდან 60 სმ-ის დაშორებით ან 5 სმ × 10 სმ ხის დგარები ცენტრიდან 60 სმ-ის დაშორებით. ლითონის ბადე, მიმაგრებული დგარების გარე მხარეს უდუღაბო კედლის სულ მცირე, 2,5 სმ სიგრძის №6 ხრახნებით ცენტრიდან 15 სმ-ის დაშორებით და დაფარული სულ მცირე, 1,9 სმ სისქის პორტლანდ ცემენტის ბათქაშით. თხელი საფარი თიხის ან თიხიანი ფიქალის აგურების ერთეულები, ჩვეულებრივი წყობით დაგებული 1405.10 ქვეთავის შესაბამისად. პორტლანდცემენტის ბათქაშის, დუღაბისა და აგურის ერთეულების თხელი საფარის გაერთიანებული საერთო სისქე არ უნდა იყოს 4,4 სმ-ზე ნაკლები. შიგა მხარე დაფარული X ტიპის 1,6 სმ სისქის თაბაშირის ფილის ერთი ფენით, რომელიც დამაგრებულია დგარებზე უბათქაშო კედლის 2,5 სმ სიგრძის №6 ხრახნებით ცენტრიდან 30 სმ-ის დაშორებით.	—	—	—	15
	15-2.2დ	9 სმ №16 კალიბრის ფოლადის დგარები ცენტრიდან 60 სმ-ის დაშორებით ან 5 სმ × 10 სმ ხის დგარები ცენტრიდან 60 სმ-ის დაშორებით. ლითონის ბადე, მიმაგრებული დგარების გარე მხარეს უდუღაბო კედლის სულ მცირე, 2,5 სმ სიგრძის №6 ხრახნებით ცენტრიდან 15 სმ-ის დაშორებით და დაფარული სულ მცირე, 1,9 სმ სისქის პორტლანდ ცემენტის ბათქაშით. თხელი საფარი თიხის ან თიხიანი ფიქალის აგურების ერთეულები ჩვეულებრივი წყობით დაგებული 1405.10 ქვეთავის შესაბამისად. პორტლანდცემენტის ბათქაშის, დუღაბისა და აგურის ერთეულების თხელი საფარის გაერთიანებული საერთო სისქე არ უნდა იყოს 5 სმ-ზე ნაკლები. შიგა მხარე დაფარული X ტიპის 1,6 სმ სისქის თაბაშირის ფილის ორი ფენით. ქვედა ფენა დამაგრებული დგარებზე უბათქაშო კედლის 2,5 სმ სიგრძის №6 ხრახნებით ცენტრიდან 60 სმ-ის დაშორებით. ზედა ფენა დამაგრებული დგარებზე უბათქაშო კედლის 4 სმ სიგრძის №6 ხრახნებით ცენტრიდან 30 სმ-ის დაშორებით.	—	—	17,5	—
	15-2.3დ	9 სმ №16 კალიბრის ფოლადის დგარები ცენტრიდან 40 სმ-ის დაშორებით ან 5 სმ × 10 სმ ხის დგარები ცენტრიდან 40 სმ-ის დაშორებით. ლითონის ბადის გამოყენების შემთხვევაში, ის მაგრდება დგარების გარე მხარეს უბათქაშო კედლის სულ მცირე, 2,5 სმ სიგრძის №6 ხრახნებით ცენტრიდან 15 სმ-ის დაშორებით. თიხის ან თიხიანი ფიქალის აგურის ერთეულები არანაკლებ 6,7 სმ სისქისა, რომლებიც აგებულია 1405.6 ქვეთავის შესაბამისად სულ მცირე, 2,5 სმ ჰაერის სივრცით. შიგა მხარე, დაფარული X ტიპის 1,6 სმ სისქის თაბაშირის ფილის ერთი ფენით, რომელიც დამაგრებულია დგარებზე უბათქაშო კედლის 2,5 სმ სიგრძის №6 ხრახნებით ცენტრიდან 30 სმ-ის დაშორებით.	—	—	—	20
	15-2.4დ	9 სმ №16 კალიბრის ფოლადის დგარები ცენტრიდან 40 სმ-ის დაშორებით ან 5 სმ × 10 სმ ხის დგარები ცენტრიდან 40 სმ-ის დაშორებით. ლითონის ბადის გამოყენების შემთხვევაში, ის მაგრდება დგარების გარე მხარეს უბათქაშო კედლის სულ მცირე, 2,5 სმ სიგრძის №6 ხრახნებით ცენტრიდან 15 სმ-ის დაშორებით. თიხის ან თიხიანი ფიქალის აგურის ერთეულები არანაკლებ 6,7 სმ სისქისა, რომლებიც აგებულია 1405.6 ქვეთავის შესაბამისად სულ მცირე, 1,25 სმ ჰაერის სივრცით. შიგამხარე დაფარული X ტიპის 1,6 სმ სისქის თაბაშირის ფილის ორი ფენით. ქვედა ფენა დამაგრებული დგარებზე უბათქაშო კედლის 1,25 მმ სიგრძის №6 ხრახნებით ცენტრიდან 60 სმ-ის დაშორებით. ზედა ფენა დამაგრებული დგარებზე უბათქაშო კედლის 4 სმ სიგრძის №6 ხრახნებით ცენტრიდან 30 სმ-ის დაშორებით.	—	—	21,6	—
		5 სმ × 15 სმ ხის დგარები 40 სმ-ზე ორმაგი ზედა ფირფიტებით, ერთი ქვედა ფირფიტა; შიგაა და გარე მხარეები, დაფარული 1,6 სმ X ტიპის თაბაშირის მოსაპირკეთებელი ფილით, 10 სმ სიგანის, გამოყენებული თარაზულად დაუბლოკველი და დამაგრებული 5,7 სმ შ ტიპის მშრალი/უდუღაბო კედლის ხრახნები ცენტრიდან 30 სმ დაშორებით, მოსაპირკეთებელი ფილის გადაბმები დაფარული პერფოლენტით და შემაერთებელი ნარევით, დამჭერების თავები, დაფარული შემაერთებელი ნარევით.  ექსტერიერი იფარება 1,0 სმ ხის სტრუქტურული პანელებით, რომლებიც იდება შვეულად, თარაზული გადაბმები ბლოკირებულია და მაგრდება 15 სმ  ჩვეულებრივი ლურსმნებით 30 სმცენტრიდან, და 15 სმ ცენტრიდან პანელის კიდეებზე. ღრმული უნდა ამოივსოს 8,9 სმ მინერალური თექის იზოლაციით. ხარისხი ენიჭება მხოლოდ შიგა მხრიდან ზემოქმედების მიხედვით.
	16-1.1ზ		—	—	—	11,4
16.              გარე კედლები, რომელთაც ხარისხი მინიჭებული აქვს 704.5 ქვეთავის მიხედვით, მხოლოდ შიგა მხრიდან.		5 სმ × 15 სმ ხის დგარები 40 სმ–ზე ორმაგი ზედა ფირფიტებით, ერთი ქვედა ფირფიტა; შიგა მხარე, იფარება 1,6 სმ X ტიპის თაბაშირის კედლის ფილით, 10 სმ  სიგანის, გამოყენებული თარაზულად ან შვეულად, შვეული გადაბმებით დგარის თავზე. საფუძვლის ფენა მაგრდება 5,7 სმ–ით. S ტიპის კედლის მხვრეტელი ხრახნები ცენტრიდან 30 სმ დაშორებით, კედლის ფილის ბმულები იფარება პერფოლენტით და შემაერთებელი ნაერთით, დამჭერების თავები, იფარება შემაერთებელი ნაერთით.  ღრმული უნდა ამოივსოს 14  სმ  მინერალური თექის იზოლაციით, გარე მხარე იფარება 1.0 სმ ხის სტრუქტურული პანელებით, რომლებიც მაგრდება 15  სმ  ჩვეულებრივი ლურსმნებით ცენტრიდან 30 სმ დაშორებით და 15 სმ ცენტრიდან პანელის კიდეების გასწვრივ. ღრმული უნდა ამოივსოს 14 სმ  მინერალური თექის იზოლაციით. ხარისხი ენიჭება მხოლოდ თაბაშირით დაფარული მხარის მიხედვით.
	16-1.2ზ		—	—	—	16,7
		5 სმ × 15 სმ ხის დგარები 40 სმ–ზე ორმაგი ზედა ფირფიტებით, ერთი ქვედა ფირფიტა; შიგა მხარე იფარება 1,6 სმ X ტიპის თაბაშირის კედლის ფილით, 10 სმ  სიგანის, გამოყენებული შვეულად, ყველა გადაბმის კარკასის ან ბლოკირების თავზე და დამაგრებული 5,7 სმ–ით. S ტიპის მშრალი/უბათქაშო კედლის ხრახნები ცენტრიდან 18 სმ დაშორებით. ბმულები უნდა დაიფაროს ლენტითა და შემაერთებელი ნაერთით. გარე მხარე იფარება 1,0 სმ ხის სტრუქტურული პანელებით(ორიენტირებული ბურბუშელოვანი ფილა), რომლებიც იდება შვეულად ისე, რომ კიდეები მოხვდეს კარკასის ან ბლოკირების თავზე და მაგრდება 6დ ჩვეულებრივი ლურსმნებით ცენტრიდან 30 სმ დაშორებით და 15 სმ ცენტრიდან პანელის კიდეებზე. R-19 მინაბოჭკოვანი იზოლაცია, მოწყობილი დგარის ღრუში.
	16-1.3		—	—	—	16,5

ა.  სათანადო დამჭერი ძალისა და შეღწევის უნარის მქონე სამაგრების გამოყენება დასაშვებია, როგორც ლურსმნების ალტერნატიული დამჭერები ხის კარკასის დასამაგრებლად.

ბ.    აგურისა და თიხის ფილის მოცემული სისქე წარმოადგენს ნომინალურ სისქეებს, თუ მობათქაშებული არ არის, რა შემთხვევაშიც სისქეები წარმოადგენს სუფთა სისქეებს. ბეტონისა და ქვის ბლოკებისათვის მოცემული სისქეები წარმოადგენს 721.4.1.1 ქვეთავში თიხის ბლოკისათვის განსაზღვრული სისქის ეკვივალენტურ სისქეს. თუ ყველა უჯრედი მთლიანად ამოვსებულია ან შევსებულია სილიკონით გამდიდრებული პერლიტის ფხვიერი იზოლაციით; ვერმიკულიტის ფხვიერი იზოლაციით; ან გაფუებული თიხით, თიხიანი ფიქალით ან ასპიდური ფიქალის მსუბუქი შემავსებლით, ეკვივალენტური სისქე უნდა იყოს ბლოკის ან აგურის სისქე. ეკვივალენტური სისქეში ასევე შეიძლება შედიოდეს გამოყენებული ბათქაშისა და ბადის ან თაბაშირის კედლის ფილის სისქე.

გ.  ერთეულებისთვის, რომლებშიც ღრუტანიანიგულიანი აგურის განივი კვეთის სუფთა ფართობი გულების შემცველი ზედაპირის პარალელურ ნებისმიერ სიბრტყეში სულ მცირე, 75%-ია განივი კვეთის საერთო ფართობიდან, გაზომილი იმავე სიბრტყეში.

დ.   გამოყენებულ უნდა იქნეს მხოლოდ არამზიდი დანიშნულებით.

ე.  ყველა თაბაშირის ფილიანი კონსტრუქციისათვის, რომლებიც აღწერილია ამ ცხრილში, თაბაშირის საფუძველი იმავე ზომის მოსაპირკეთებელი ბათქაშისთვის, სისქე და გულის ტიპი დასაშვებია შეიცვალოს თაბაშირის კედლის ფილით, თუ დამაგრება იდენტურია კედლის ფილის დამაგრებისა, ხოლო ბმულები წინა ფენაზე არმირებულია და მთლიანი ზედაპირი დაფარულია სულ მცირე, 1,6 მმ თაბაშირის მოსაპირკეთებელი ბათქაშით.

ვ. ცეცხლმედეგობის ხარისხი ბეტონის წყობის ერთეულებისათვის (ბლოკებისთვის), რომლებიც აკმაყოფილებენ მე-3 პუნქტში განსაზღვრული 2 სთ ცეცხლმედეგობის ხარისხისათვის აუცილებელი ეკვივალენტური სისქეების მოთხოვნებს, და მისი სისქე არანაკლებ 19,5 სმ-ია, არის 4 სთ, თუ გულები, რომლებიც არ არის შევსებული სილიკონით გამდიდრებული პერლიტისფხვიერი იზოლაციით; ვერმიკულიტის ფხვიერი იზოლაციით; ან გაფუებული თიხით, ფიქალიანი თიხით ან ასპიდური ფიქალის მსუბუქი შემავსებლით, ქვიშით ან წიდით, რომელთა მარცვლის მაქსიმალური ზომა 9,5 მმ-ია.

ზ.   შემავსებლების ტიპების კომბინაციისგან შედგენილი ბეტონის წყობის ერთეულის (ბლოკის) ცეცხლმედეგობის ხარისხი ან სადაც ბათქაში გამოყენებულია პირდაპირ ბეტონის წყობის ერთეულზე (ბლოკზე), უნდა განისაზღვროს ACI 216.1/TMS 0216-ის შესაბამისად. მსუბუქი შემავსებლების ერთიანი მაქსიმალური სიმკვრივეა 29,48 კგ  0,0283 მ³-ზე.

თ. ასევე, იხ. შენიშვნა ბ. ეკვივალენტური სისქე დასაშვებია შეიცავდეს ცემენტის ბათქაშის სისქეს ან თაბაშირის ბათქაშის სისქე გამრავლებული 1,5-ზე.

ი. ბეტონის კედლების გაძლიერება უნდა მოხდეს თარაზული და შვეული გამაძლიერებლებით, ტემპერატურული ფაქტორის გათვალისწინებით.

კ.  დგარები მიდუღებულია წამწის მავთულის დგარებთან 4.6 მმ (No. 7 B.W. კალიბრი) შვერილის მავთულებითა და 4,6 მმ  (No. 7 B.W. კალიბრი) წამწის მავთულებით.

ლ.  ლითონის დგარები, რომლებშიც შეიძლება ლურსმნების ჩარჭობა, შედგება ორი არხის ფორმის დგარისგან, რომლებიც ერთ წერტილში მიერთებულია ერთმანეთთან ზურგის მხარეებით ტალღოვანი კედლით, რომელიც ქმნის ლურსმნების ჩასარჭობ არხს.

მ.   ხის სტრუქტურული პანელების მოწყობა დასაშვებია ცეცხლდამცავსა და ხის დგარებსს შორის ამ ცხრილში მოცემული ხის კარკასის კონტრუქციის შიგა ან გარე მხარეს, თუ ცეცხლდამცავის დასამაგრებლად გამოყენებული დამჭერების სიგრძე გაზრდილია ხის სტრუქტურული პანელის სისქის ტოლი მანძილით.

ნ.  დაგეგმარებისას გათვალისწინებული დგარის დატვრთვა უნდა შემცირდეს დასაშვები F-ის 78%-მდე, რომლის მაქსიმუმი არ უნდა აღემატებოდეს გამოთვლილი დატვირთვის 78%-ს დგარებთან, რომელთა დრეკადობაა 33-ის l_e/d.

ო.   მოცემენტებულიან მოსაპირკეთებელი ფილის ლურსმნების მახასიათებლების შესახებ იხ. ASTM C 514, ASTM C 547 ან ASTM F 1667.

პ.    ცეცხლმედეგობის სპეციფიკური ხარისხები (რომლებიც ნუსხაში არაა შეტანილი, როგორც პატენტიანი*) GA 600-ში, მიღებულ უნდა იქნეს როგორც ამ ნუსხაში შეტანილი.

ჟ.    NCMA TEK 5-8A დასაშვებია ცეცხლმედეგი კედლების დაგეგმარების შესასრულებლად.

რ.   დაგეგმარებისას გათვალისწინებული დგარის დატვრთვა ტოლი უნდა იყოს დასაშვები F-ის მაქსიმუმ 100%.

ცხრილი 721.1(3)

მინიმალური დამცავი იატაკისა და სახურავის სისტემებისათვის^ა

იატაკის ან სახურავის კონსტრუქცია	პუნქტის ნომერი	ჭერის კონსტრუქცია	იატაკის ან სახურავის ფილის სისქე (სმ)					ჭერის მინიმალური სისქე (სმ)
			4 სთ		3 სთ	2 სთ	1 სთ	4 სთ		3 სთ			2 სთ	1 სთ
1. კაჟბადის შემავსებლიანი ბეტონი	1-1.1	ფილა (ჭერი საჭირო არაა). წინასწარდაუჭიმავი გამაძლიერებლის მინიმალური გარე საფარი არ უნდა იყოს 1,9 სმბ-ზე ნაკლები.	17,8		15,8	12,7	8,9	—		—			—	—
2. კარბონატის შემავსებლიანი ბეტონი	2-1.1		16,8		14,5	11,9	8,2	—		—			—	—
3. ქვიშიანი მსუბუქი ბეტონი	3-1.1		13,7		11,7	9,7	6,9	—		—			—	—
4. მსუბუქი ბეტონი	4-1.1		13		11	9	5	—		—			—	—
5. გაძლიერებული ბეტონი	5-1.1	ფილა ვერმიკულიტიანი თაბაშირის ბათქაშის შეკიდული ჭერით ლითონის ბადეზე, რომელიც დამაგრებულია 1,9 სმ ცივად დახვეულ არხებზე ცენტრიდან 30 სმდაშორებით. ჭერი თავსდება სულ მცირე, 15 სმ კოჭებს ქვემოთ.	7,6		5	—	—	2,5		1,9			—	—
	5-2.1	9,5 მმ X ტიპის თაბაშირის კედლის ფილაც მაგრდება 0,.5 მმ (Nო. 25 კალიბრი) × 23 მმ სიღრმე × 67 მმ ქუდის ფორმის გალვანიზებულ ფოლადის არხებზე 2,5 სმ სიგრძის No. 6 ხრახნებით. არხები ცენტრიდან დაშორებულია 60 სმ  მანძილით, მალი 89 სმ და ეყრდნობა მთელ სიგრძეზე 89 სმ ინტერვალით 0,84 მმ (No. 21 გალვანიზებული ფურცლის კალიბრი) გალვანიზებულ ფოლადის ბრტყელ თასმიან საკიდებს, რომელთაც აქვთ ფორმირებული კიდეები, რომლებიც ქმნიან არხის პირებს. თასმიანი საკიდები მაგრდება ბეტონის კოჭების ერთ მხარეს 4 მმ × 32 მმ სიგრძის მექანიკური დამჭერებით. კედლის ფილა მოწყობილი ისე, რომ გრძელი მხარე არხების პერპენდიკულარული იყოს. ყველა ბოლო კოჭი არხებზე და დამატებითი არხები ეწყობა მთავარი არხების პარალელურად, 30 სმყოველ მხარეს, ბოლო კოჭთან. დასრულებული ჭერი თავსდება დაახლოებით იატაკის ფილის სოფიტის 30 სმ ქვემოთ.	—		—	6,4	—	—		—			1,6	—
6. ფოლადის შეერთებები, აგებული ჩამოსხმულ გაძლიერებულ ბეტონის ფილებში, რომელიც განთავსებულია ლითონის ლარტყების ფორმებზე ან ფოლადის ფორმების ერთეულებზედ, ე	6-1.1	თაბაშირის ბათქაში ლითონის ბადეზე, რომელიც მიმაგრებულია ქვედა სიმზე ერთი No. 16 კალიბრის ან ორმაგი No. 18 კალიბრის მავთულის სამაგრებით ცენტრიდან 15 სმ დაშორებით. ბათქაშის ნარევი 1:2 ნაფხაჭნი ფენისთვის, 1:3 გრუნტის ფენისთვის, თაბაშირი-ქვიშის შემავსებელი 2 სთ სისტემისთვის. 3 სთ სისტემისთვის ბათქაში არის სუფთა.	—		—	6,4	5,7	—		—			1,9	1,6
	6-2.1	ვერმიკულიტიანი თაბაშირის ბათქაში ლითონის ბადეზე, რომელიც დამაგრებულია ქვედა სიმზე No.16 კალიბრის ან ორმაგი 1.24 მილიმეტრი (No. 18 B.W. კალიბრი) მავთულის სამაგრებით ცენტრიდან 15 სმ დაშორებით.	—		5	—	—	—		1,6			—	—
	6-3.1	ცემენტის ბათქაში ლითონის ბადეზე, რაც მაგრდება კოჭის ქვედა სიმზე ერთი Nო. 16 კალიბრის ან ორმაგი 1.24 მმ (No. 18 B.W. კალიბრი) მავთულის სამაგრებით ცენტრიდან 15 სმ დაშორებით. ბათქაშის ნარევი შედგება ცემენტისა და ქვიშისაგან შემდეგი პროპორციით: 1:2 ნასხურის ფენისთვის, 1:3 გრუნტის ფენისთვის 1 სთ სისტემის შემთხვევაში და 1:1 ნაფხაჭნი ფენისთვის,  1:11/2 გრუნტის ფენისთვის 2 სთ სისტემის შემთხვევაში.	—		—	—	5	—		—			—	1,6ვ
	6-4.1	1,6 სმ X ტიპის მოსაპირკეთებელი ფილისც ჭერი მაგრდება 22 მმ სიღრმის 67 მმ × 0,5 მმ (No. 25 კალიბრის ნახშირბადიანი ფურცლოვანი ფოლადის) ქუდის ფორმის საბათქაშე არხებზე ცენტრიდან 30 სმ დაშორებით 2,5 სმ სიგრძის No. 6 კედლის ფილის ხრახნებით ცენტრიდან 20 სმ დაშორებით. არხები მავთულით დამაგრებულია კოჭების ქვედა სიმზე ორმაგი 1,.24 მმ-ის (No. 18 B.W. კალიბრი) მავთულით ან დაკიდებულია კოჭების ქვემოთ მავთულის საკიდებზე.ზ	—		—	6,4	—	—		—			1,6	—
	6-5.1	მერქანბოჭკოვანი თაბაშირის ბათქაში წარმოადგენს თაბაშირისა და ქვიშის შემავსებლის ნარევს 1:1 თანაფარდობით და გამოიყენება ლითონის ბადეზე. ბადე ცენტრიდან დამაგრებულია 15 სმ დაშორებით 1,9 სმ არხებამდე ცენტრიდან 34,3 სმ დაშორებით. არხები კოჭებზე მაგრდება ყველა გადაკვეთასთან ორი  1,24 მილიმეტრის (No. 18B.W. კალიბრი) გალვანიზებული მავთულით.	—		—	6,4	—	—		—			1,9	—
7. გაძლიერებული ბეტონის ფილები და კოჭები ღრუტანიანი თიხის ფილების შემვსებებით, დაწყობილი რიგებად 6,4 სმ ან მეტი დაშორებით ერთმანეთისგან; არმირება თავსდება რიგებსა და ბეტონს შორის ფილის გარშემო და მის თავზე.	7-1.1	1,6 სმ თაბაშირის ბათქაში იატაკის ან სახურავის კონსტრუქციის ქვედა ნაწილში/ძირზე.	—		—	20თ	—	—		—			1,6	—
	7-1.2	არცერთი	—		—	—	14მ	—		—			—	—
8. ფოლადის შეერთებები, აგებული გაძლიერებულ ბეტონის ფილაში, რომელიც განთავსებულია 1,25 სმ სიმაღლის ფოლადის ფენილზე.ე	8-1.1	ვერმიკულიტიანი თაბაშირის ბათქაში ლითონის ბადეზე, რომელიც დამაგრებულია   1,9 სმ ცივად დახვეულ არხებზე 1,24 მმ (No. 18B.W. კალიბრი) მავთულის სამაგრებით ცენტრიდან 15 სმ დაშორებით.	6,4ი		—	—	—	1,9		—			—	—
9. 7,6 სმ სიმაღლის უჯრედული ფოლადის ფენილი ბეტონის ფილით ზედა ნაწილში. ფილის სისქე გაზომილი ზედა ნაწილში.	9-1.1	ვერმიკულიტიანი თაბაშირის ბათქაში საფუძვლის ფენის შეკიდული ჭერი ლითონის ბადეზე მაგრდება 15 სმ ინტერვალებით 1,9 სმ ცივად დახვეულ არხებზე ცენტრიდან 30 სმდაშორებით და 3,8 სმ ცივად დახვეულ არხებზე ცენტრიდან 90 სმ დაშორებით 1.65 მმ (No. 16 B.W. კალიბრი) მავთულით. 1,25 სმ არხები დაკიდებულია No. 8 კალიბრიან მავთულის საკიდებზე ცენტრიდან 90 სმ დაშორებით. კონვერტის საზღვრებში მოქცეულ კოჭებსა და 6,4 სმ სიცარიელეებს კოჭის სოფიტსა და ბადეს შორის აქვს 4 სთ ცეცხლმედეგობის ხარისხი.	6,4		—	—	—	2,9მ		—			—	—
10.       3,8 სმ სიღრმის ფოლადის სახურავის ფენილი ფოლადის კარკასზე. საიზოლაციო ფილა, 460,6 კგ/მ3 სიმკვრივის, რომელიც შედგება მერქანბოჭკოებისგან და ცემენტის შემკვრელებისგან, რომელთა სისქე მოცემულია და აერთებს ფენილს ასფალტის წებოთი. დაფარულია A ან  B კლასის სახურავის ბურულით.	10-1.1	თაბაშირის ბათქაშის ჭერი ლითონის ბადეზე. ბადე მაგრდება 1,9 სმ სააბთქაშე არხებზე 1,24 მმ (No. 18 B.W. კალიბრი) მავთულის სამაგრებით ცენტრიდან 15 სმ დაშორებით. 1,9 სმ არხის ცალუღი ებმება 5 სმ არხს ორმაგი 1,65 მმ (No. 16 B.W. კალიბრი) მავთულის სამაგრებით. 5 სმ არხები დაკიდებულია ცენტრიდან 900 მმ დაშორებით ფოლადის კარკასის ქვემოთ 5 სმ დაშორებით და დამაგრებულია 4 მმ (No. 8 B.W. კალიბრი) მავთულით. ბათქაში შედგება თაბაშირისა და ქვიშის შემავსებლის ნარევი თანაფარდობით 1:2.	—		—	4,8	2,5	—		—			1,9მ	1,9მ
11.       3,8 სმ სიმაღლის ფოლადის სახურავის ფენილი ფოლადის კარკასიან მერქანბოჭკოვან საიზოლაციო ფილაზე, 280.4 კგ/მ3 სიმკვრივის ზედა ნაწილზე, გამოყენებული 6.8 კგ ასფალტით გაჟღენთილი თექის თავზე. A ან B კლასის სახურავის ბურული.	11-1.1	თაბაშირის ბათქაშის ჭერი ლითონის ბადეზე. ბადე მაგრდება 1,9 სმ საბათქაშე არხებზე 1,24 მმ (No. 18 B.W. კალიბრი) მავთულის სამაგრებით ცენტრიდან 15 სმ დაშორებით. 1,9 სმ  არხის ცალუღი ებმება 5 სმ არხს ორმაგი 1,65 მმ  (No. 16 B.W. კალიბრი) მავთულის სამაგრებით. 5 სმ არხები დაკიდებულია ცენტრიდან 90 სმ დაშორებით ფოლადის კარკასის ქვემოთ5 სმ და დამაგრებულია 0,65 მმ (No. 8 B.W. კალიბრი) მავთულით. ბათქაში შედგება თაბაშირისა და ქვიშის შემავსებლის ნარევისგან შემდეგი თანაფარდობით: 1:2 ნასხურის ფენისთვის და 1:3 გრუნტის ფენისთვის 1 სთ სისტემის შემთხვევაში. 2 სთ სისტემის შემთხვევაში ბათქაშში თაბაშირისა და ქვიშის შემავსებლის თანაფარდობაა 1:2.	—		—	3,8	2,5	—		—			2,2ზ	1,9მ
12.       3,8 სმ სიმაღლის ფოლადის სახურავის ფენილი ფოლადის კარკასიან ხისტ საიზოლაციო ფილაზე, რომელიც შეიცავს აფუებულ პერლიტსა და ბოჭკოებს გამდიდრებულს წყალგაუმტარი ასფალტით; სიმკვრივე  144,2 კგ/მ3-დან 192,2 კგ/მ3-მდე, მაგრდება ლითონის სახურავი ფენილზე 1,25 სმ სიგანის წყალგაუმტარი ზონრებით, ცივად დამუშავებული თხევადი წებოები 15 სმ დაშორებით ერთმანეთისგან. ფოლადის კოჭი ან ფოლადის მსუბუქი კონსტრუქცია ლითონის სახურავის ფენილით, იზოლაციითა და A ან B კლასის რულოვანი გადასახური მასალით.ე	12-1.1	თაბაშირ-ვერმიკულიტიანი ბათქაში ლითონის ბადეზე, დამაგრებული მავთულის სამაგრით  15 სმ ინტერვალებით 1,9 სმ   საბათქაშე არხებზე ცენტრიდან 30 სმ დაშორებით და დამაგრებული მავთულის სამაგრებით 5 სმ ღარიან არხებზე ცენტრიდან 80 სმ დაშორებით. ღარები მაგრდება ფოლადის კოჭების ქვედა სიმზე.	—		—	2,5	—	—		—			2,2	—
13.       ხის ორმაგი იატაკი ხის კოჭების თავზე, რომლებიც ცენტრიდან დაშორებულია 40 სმ.ნ,ო	13-1.1	თაბაშირის ბათქაში 9,5 მმ X ტიპის თაბაშირის ბადეზე. თავიდან ბადე მაგრდება არანაკლებ ოთხი 28,6 მმ ×  No. 13 კალიბრის 7,5 მმ თავიანი ბათქაშის ფილის ცისფერი ლურსმნებით თითო მზიდზე. ბადეზე კოჭების ყველა ხაზის გასწვრივ უზრუნველყოფილია უწყვეტიზოლები. ზოლებიშედგება 7,6 სმ სიგანის ლითონის ბადის ზოლებისგან, რომლებიც მაგრდება 3,8 სმ × No. 11 კალიბრის 1,25 სმ თავიანისახურავის ლურსმნებით ცენტრიდან 15 სმ დაშორებით. ალტერნატიული ზოლები შედგება 76 მმ სიგანის 1,24 მმ დიამეტრის მქონე მავთულის ზოლებისგან, რომელიც იწონის 0,45 კგ-ს 0,84 მ2-ზე და მაგრდება No.16 კალიბრი 3,8 სმ × 1,9 სმსიგანის მქონე გვირგვინიანი მომჭერებით, ცენტრიდან 10 სმდაშორებით. ალტერნატიულიზოლების გამოყენებისას, ბადის დასამაგრებლად შეიძლება ყველა ბოლოში გამოვიყენოთ ორ-ორი ლურსმანი და თითო ლურსმანი ყოველ მეორე მზიდთან. ბათქაში შედგება თაბაშირისა და ქვიშის შემავსებლისგან თანაფარდობით 1:2.	—		—	—	—	—		—			—	2,2
	13-1.2	ცემენტის ან თაბაშირის ბათქაში ლითონის ბადეზე. ბაზე მაგრდება სახურავის 3,8 სმ × No. 11 კალიბრის 11 მმ ზომის თავიანი, ფხიანი/ეკლიანი ლურსმნებით ცენტრიდან 127 მმ დაშორებით. ბათქაში წარმოადგენს ცემენტისა და ქვიშის ნარევს შემდეგი თანაფარდობით: 1:2 ნასხურის ფენისთვის და 1:3 დაგრუნტვის ფენისთვის.	—		—	—	—	—		—			—	1,6
	13-1.3	პერლიტიანი ან ვერმიკულიტიანი თაბაშირის ბათქაში ლითონის ბადეზე, რომელიც მაგრდება კოჭებზე სახურავის 3,8 სმ × No. 11 კალიბრის 1,1 სმ ზომის თავიანი, ფხიანი/ეკლიანი ლურსმნებით ცენტრიდან 12,7 სმ დაშორებით.	—		—	—	—	—		—			—	1,6
	13-1.4	12,5 მმ X ტიპის თაბაშირის კედლის ფილაგ მაგრდება კოჭებზე 5დ მოცემენტებულიან მოსაპირკეთებელი ფილის ლურსმნებით ცენტრიდან 15 სმ დაშორებით. მოსაპირკეთებელი ფილის ბოლო გადაბმები ცენტრირებული კოჭებზე.	—		—	—	—	—		—			—	1,2
14.ფირფიცრის დაძაბული მოსაპირკეთებელი პანელები, რომლებიც შედგება 16 სმ სისქის შიგა C-D (გარე წებო) ზედა დაძაბული აპკისგან 5 სმ × 15 სმ ნომინალურ (მინიმალურ) კოსოურებზე/ჩანებზე. პანელის მომიჯნავე კიდეები გადაბმული 20 სმ ჩვეულებრივი მავთულის ლურსმნებით ცენტრიდან 15 სმ დაშორებით. კოსოურები/ჩანები ცენტრიდან დაშორებულია მაქსიმუმ 30 სმ	14-1.1	12,5 მმ სისქის მერქან-ბოჭკოვანი ფილა, რომელიც იწონის 6,8 კგ-დან 8,2 კგ-მდე  0,0283 მ3-ზე და აწყობენ  გრძელი მხრით  კოსოურის/ჩანის პარალელურად ან      9,5 მმ C-D (გარე წებო) ფირფიცარი ეწებება და/ან მაგრდება ლურსმნებით კოსოურზე/ჩანაზე. დასამაგრებლად გამოიყენება 127 მმ მოცემენტებული ან კედლის ფილის ლურსმნები ცენტრიდან 30 სმ დაშორებით. 12,5 მმ X ტიპის თაბაშირის კედლის ფილის მეორე ფენაგ რომლის გრძელი მხარე კოჭების პერპენდიკულარულია და მაგრდება 20 სმ მოცემენტებულიან მოსაპირკეთებელი ფილისლურსმნებით ცენტრიდან 15 სმ   დაშორებით ბოლო გადაბმებთან და 20 სმ დაშორებით ცენტრიდან ყველგან. მოსაპირკეთებელი ფილა ზიგზაგისებურდ ებმის ბოჭკოვან ფილას.	—		—	—	—	—		—			—	2,5
15.       ვერმიკულიტიანი ბეტონის ფილა პროპორციით 1:4 (პორტლანდცემენტისა და ვერმიკულიტის ნარევი)  3,8 სმ სიღრმის ფოლადის ფენილზე, რომელიც ემყარება ინდივიდუალურად დაცულ ფოლადის კარკასს. ფენილისმაქსიმალური მალია 150-25 სმ სადაც ფენილი ნაკლებია ან მეტია 0,5 მმ  (No. 26 კალიბრის ნახშირბადიანი ფურცლოვანი ფოლადი).ფილა არმირებულია 10 სმ × 20 სმ 2,176/2,1 მმ (No.2,5 სმ B.W. კალიბრი) შედუღებული მავთულის მარყუჟი.	15-1.1	არცერთი	—		—	—	7,6კ	—		—			—	—
16.       პერლიტიანი ბეტონის ფილა პროპორციით 1: 6 (პორტლანდცემენტისა და პერლიტის ნარევი) ,32 სმ-სიღრმის ფოლადის ფენილზე, რომელიც ემყარება ინდივიდუალურად დაცულ ფოლადის კარკასს. ფილა არმირებული 10 სმ × 20 სმ 2,176/2,1 მმ (No.2,5 სმ B.W. კალიბრი) შედუღებული მავთულის მარყუჟი.	16-1.1	არცერთი	—		—	—	8,9კ	—		—			—	—
17.       პერლიტიანი ბეტონის ფილა პროპორციით 1:6 (პორტლანდცემენტისა და პერლიტის ნარევი) 14 მმ-სიმაღლის ფოლადის ფენილზე, რომელიც ეყრდნობა ფოლადის კოჭებს ცენტრიდან 10 სმ დაშორებით. A ან B კლასის სახურავის ბურული ზედა ნაწილზე.	17-1.1	პერლიტიანი თაბაშირის ბათქაში ლითონის ბადეზე, მავთულით დამაგრებული 1,9 სმ საბათქაშე არხებზე, რომლებიც დამაგრებულია ძელების ქვედა მხარეს 1,65 მმ (No. 16 B.W.კალიბრის) მავთულით.	—		5პ	5პ	—	—		2,2			1,9	—
18.       პერლიტიანი ბეტონის ფილა პროპორციით 1:6 (პორტლანდცემენტისა და პერლიტის ნარევი) 3,2 სმ სიმაღლის ფოლადის ფენილზე, რომელიც ემყარება ინდივიდუალურად დაცულ ფოლადის კარკასს. ფენილის მაქსიმალური მალია 15 სმ – 25 სმ სადაც ფენილი ნაკლებია 0,05 მილიმეტრზე (No. 26 კალიბრის ნახშირბადიანი ფურცლოვანი ფოლადი) და 20 სმ, სადაც ფენილი 0,05 მმ ან მეტია. ფილა არმირებულია 1,1 მმ (No. 19B.W. კალიბრი) ჰექსაგონალური მავთულის მარყუჟით. A ან B კლასის სახურავის ბურული ზედა ნაწილზე.	18-1.1	არცერთი	—		57p	—	5,7ჟ	—		—			—	—
19.       იატაკისა და კოჭის კონსტრუქცია, რომელიც შედგება 7,6 სმ-სიმაღლის უჯრედული ფოლადის იატაკის ნაწილისგან, რომელიც დგას ფოლადის ნაწილებზე და თავზე ადევს პერლიტ-ბეტონის  იატაკის ფილა, რომელიც შედგება პორტლანდცემენტისა და პერლიტის შემავსებლის ნარევისაგან თანაფარდობით 1 : 4.	19-1.1	პერლიტიანი თაბაშირის ბათქაშის შეკიდული კონვერტის ტიპის ჭერი ლითონის ბადეზე, რომელიც მაგრდება 1,9 სმ ცივად დახვეულ არხებზე, ან 3,8 სმ ცივად დახვეულ არხებზე ცენტრიდან 1 მ დაშორებით, რომელთა საყრდენს წარმოადგენს 5,2 მმ (No. 6 B.W. კალიბრი) მავთული ცენტრიდან 90 სმ დაშორებით. ცეცხლმედეგობის ხარისხი კონვერტის საზღვრებში მდებარე კოჭისა, სადაც კოჭის სოფიტსა და ბადეს შორის თავისუფალი სივრცე სულ მცირე, 7,6 სმ -ია, 4 საათია.	5პ		—	—	—	2,5მ		—		—		—
20.       პერლიტიანი ბეტონი პროპორციით 1: 6 (პორტლანდცემენტი პერლიტის შემავსებელთან) დასხმული 3,2 მმ სისქეზე  33,4 მმ-სიღრმის გალვანიზებული ფოლადის ფენილის გოფრეს თავზე მაქსიმალური მალი 20 სმ 0,6 მმ -თვის(No. 24 კალიბრის გალვანიზებული ფოლადი) ან 15 სმ 0.5 მმ-თვის(No. 26 კალიბრის გალვანიზებული ფოლადი), ფენილი ეყრდნობა ინდივიდუალურად დაცულ ფოლადის კარკასს. პოლისტერინის ქაფპლასტის საიზოლაციო ფენის ალის გავრცელების სიჩქარე არ აჭარბებს 75 (2,5 სმ-დან 10 სმ სისქემდე), აქვს ხვრელები, რომლებიც შეადგენს პერლიტის ნარევის თავზე მოთავსებული ფენის ზედაპირის ფართობის დაახლოებით 3%-ს.  5 სმ × 10 სმ საიზოლაციო ფილა შედგება ექვსი 7 სმ დიამეტრის ხვრელებისგან. ფილა დაფარულია სულ მცირე, 6,4 მმ პერლიტიანი ბეტონის ფილით.	20-1.1	არცერთი	—		—	განსხვავებულია	—	—		—		—		—
ფილა არმირებულია ბადით, რომელიც წარმოადგენს 1.0 მმ (No. 19 B.W. კალიბრი) გალვანიზებული ფოლადის მავთულის წნულს, 5 სმ ექვსკუთხედებით, რომლებიც ფორმირებულია სწორი 1,65 მმ (No. 16 B.W. კალიბრი) გალვანიზებული ფოლადის მავთულით და დაშორებულია 76 მმ. ალტერნატიული არმირება დასაშვებია შეიცავდეს 10 სმ × 20 სმ, 2.8/6.0 მმ (No. 12/4B.W. კალიბრი), ან 5 სმ × 5 სმ 2.1/2.1 მმ (No. 14/14 B.W. კალიბრი) შედუღებულ მავთულის ქსოვილს. A ან B კლასის სახურავის ბურული ზედა ნაწილზე.	20-1.1	არცერთი	—		—	განსხვავ ებუ ლია	—	—		—		—		—
21.       ხის კოჭები, ხის I-კოჭები, იატაკის წამწეები და ბრტყელი ან დაქანებული სახურავის წამწეები ცენტრიდან მაქსიმუმ 60 სმ დაშორებით, 1,25 სმ ხის სტრუქტურული პანელებით, რომელთა მარჯვენა კუთხეებთან კოჭის თავამდე და წამწის ქორდას თავამდე გამოყენებულია გარე წებო 8დ ლურსმნებთან ერთად. ხის სტრუქტურული პანელის სისქე არ უნდა იყოს ნომინალურ 1,25 სმ  ნაკლები.	21- 1.1	1,6 სმ X ტიპის თაბაშირის კედლის ფილის საფუძვლის ფენა გამოიყენება კოჭების ან ფერმების მარჯვენა კუთხეებთან ცენტრიდან 60 სმ დაშორებით და მაგრდება 5,7 სმ S ან W ტიპის კედლის მხვრეტელა ხრახნებით ცენტრიდან 60 სმ დაშორებით. 1,6 სმ X ტიპის თაბაშირის კედლის ფილის ან მოსაპირკეთებელი საფარის საფუძვლის წინა ფენა გამოიყენება კოჭების ან ფერმების მარჯვენა კუთხეებთან და კვეთს საფუძვლის ფენას 48 მმ კედლის მხვრეტელა S ან W ტიპის ხრახნებით, რომლებიც მაგრდება კოჭებსა და შუალედურ კოჭებზე ან ფერმებზე ცენტრიდან 30 სმდაშორებით. წინა ფენის G ტიპის კედლის მხვრეტელა ხრახნები თავსდება 5 სმ უკან წინა ფენის ბოლო კოჭების ორივე მხარეს, ცენტრიდან 30 სმდაშორებით.	—		—	—	განსხვავ ებულია	—		—		—		3,2
22.       ფოლადის კოჭები, იატაკის წამწეები და ბრტყელი ან დახრილი სახურავის წამწეები ცენტრიდან 60 სმ დაშორებით, 1,25 სმ ხის სტრუქტურული პანელებით, რომელთა მარჯვენა კუთხეებთან კოჭის თავანდე და წამწის სიმის თავამდე გამოყენებულია გარე წებო No. 8 ხრახნებთან ლურსმნებთან ერთად. ხის სტრუქტურული პანელის სისქე არ უნდა იყოს ნომინალურ 1,25 სმ ნაკლები.	22-1.1	1,6 სმ X ტიპის თაბაშირის კედლის ფილის საფუძვლის ფენა გამოიყენება ფოლადის კარკასის მარჯვენა კუთხეებთან ცენტრიდან 60 სმ დაშორებით და მაგრდება 2,5 სმ S ან W ტიპის კედლის მხვრეტელა ხრახნებით ცენტრიდან 60 სმ დაშორებით. 1,6 სმ X ტიპის თაბაშირის ფილის წინა ფენა გამოიყენება ფოლადის კარკასის მარჯვენა კუთხეებთან და კვეთს საფუძვლის ფენას 4 სმ კედლის მხვრეტელა S ან W ტიპის ხრახნებით, რომლებიც მაგრდება კოჭებსა და შუალედურ კოჭებზე ცენტრიდან 30 სმდაშორებით, ხოლო 3,8 სმ G ტიპის მშრალი/უბათქაშო კედლის ხრახნები თავსდება 5 სმ უკან წინა ფენის ბოლო კოჭების ორივე მხარეს, ცენტრიდან 30 სმ დუიმის  დაშორებით. წინა ფენის კოჭები გამოშვერილია საფუძვლის ფენის კოჭებთან შედარებით 60 სმ-ით.	—		—	—	განსხვავ ებულია	—		—		—		3,2
23.       ხის I-კოჭები (კოჭის მინიმალური სიმაღლე 23,5 სმ სულ მცირე, 33,4 მმ სიღრმის თაროთი და სულ მცირე, 0,00148 მ2 განივი კვეთის ფართობის მქონე თაროთი) ცენტრიდან 60 სმ დაშორებით, 25 × 10 სმ (ნომინალური) ხის საბათქაშე ძელების გამმიჯნავები, რომლებიც იდება თითოეული სტრუქტურული ნაწილის ქვედა ნაპირის პარალელურად და ფარავს მათ ძირს და ადგილზე დამაგრებულია ლურსმნებით. 5 სმ მინერალური თექის იზოლაცია, 56 კგ/მ3 (ნომინალურად), რომელიც მოწყობილია I-კოჭის ქვედა ნაპირის მომიჯნავედ და ეყრდნობა 25 × 10 სმ საბათქაშე ძელის გამმიჯნავს.	23- 1.1	1,25 სმ სიღრმის ერთ ფეხიანი ელასტიური არხი ცენტრიდან 40 სმ დაშორებით (ორმაგი არხები კედლის ფილის ბოლო კოჭებთან), თავსდება საბათქაშე ძელისა და კოჭის პერპენდიკულარულად და მაგრდება თითოეულ კოჭზე 4,8 სმ S ტიპის კედლის მხვრეტელი ხრახნებით. 1,6 სმ C ტიპის თაბაშირის კედლის ფილა იდება არხის პერპენდიკულარულად ისე, რომ ბოლო კოჭები არის ზიგზაგისებური სულ მცირე, 10 სმ და მაგრდება 2,9 სმკედლის მხვრეტელი S ტიპის ხრახნებით ცენტრიდან 17,8 სმ დაშორებით. მოსაპირკეთებელი ფილის კოჭებს უნდა შემოეხვიოს ლენტა და დაიფაროს შემაერთებელი შენაერთით.	—		—	—	განსხვავ ებულია	—		—		—		1,6
24.       ხის I ფორმის კოჭი (I კოჭის მინიმალური სიმაღლე 22,9 სმ, თაროს მინიმალური სიღრმე 3,8 სმ და თაროს განივი კვეთის მინიმალური ფართობი 0,49 მ2; კედლის მინიმალური სისქე 9,5 მმ ცენტრიდან 60 სმ დაშორებით, 2,5 სმ მინერალური ქეჩის იზოლაცია (0,07 მ3-ზე ნომინალური), რომელიც იდება ქუდის ფორმის ძელების არხებში.	24- 1.1	სულ მცირე, 1.5 მმ სისქის ქუდის ფორმის არხები ცენტრიდან 40 სმ-ის დაშორებით (კედლის ფილის ბოლო კოჭებთან არხები ორმაგია), განთავსებული კოჭის პერპენდიკულარულად და თითოეული კოჭი მიმაგრებული 40 მმ უბათქაშო კედლის S ტიპის ხრახნებით. 15,6 მმ C ტიპის თაბაშირის ფილა გამოყენებული არხის პერპენდიკულარულად, ბოლო კოჭები ზიგზაგისებურად გადაბმული და მიმაგრებულიშტიპის მშრალი კედლის ხრახნებით ცენტრიდან 30 სმ-ის დაშორებით კედლის ფილის შუაში და 20 სმ-ის დაშორებით კედლის ფილის კიდეებთან. კედლის ფილის გადაბმებზეიდება ზონარი და იფარება შემაერთებელი შენაერთით.	—		—	—	განსხვავ ებულია	—		—		—		1,6
25.       ხის I-კოჭი (I-კოჭის/ორტესებრი მინიმალური სიმაღლე 23,5 სმ სულ მცირე, 3,8 სმ სიღრმის თაროთი და სულ მცირე, 0,00339 მ2 განივი კვეთის ფართობის მქონე თაროთი); კედლის მინიმალური სისქე 9,5 მმ) 60 სმ-ზე ცენტრიდან, 3,8 სმ მინერალური ქეჩის იზოლაცია (56 კგ/მ3 – ნომინალურად), რომელიც დევს ქუდის ფორმის არხებზე.	25-1.1	სულ მცირე, 0,5 მმ სისქის ქუდის ფორმის არხი ცენტრიდან 40 სმ დაშორებით (კედლის ფილის ბოლო კოჭებთან ორმაგი არხები), თავსდება კოჭის პერპენდილულარულად და მაგრდება თითოეულ კოჭზე 2,5 სმ შ ტიპის კედლის მხვრეტელა ხრახნებით. 15,9 სმ C ტიპის თაბაშირის კედლის ფილა იდება არხის პერპენდილულარულად ისე, რომ ბოლო კოჭები არის ზიგზაგისებური და მაგრდება 2,9 სმკედლის მხვრეტელა S ტიპის ხრახნებით ცენტრიდან 30 სმდაშორებით შუა ნაწილში და  20 სმ დაშორებით კედლის ფილის ბოლოებთან. კედლის ფილის კოჭებს უნდა შემოეხვიოს ლენტი და დაიფაროს შემაერთებელი შენაერთით.	—		—	—	განსხვავ ებულია	—		—		—		1,6
26.       ხის I-კოჭი (I-კოჭის/ორტესებრი კოჭის მინიმალური სიმაღლე 235 მმ სულ მცირე, 3,8 სმ  სიღრმის თაროთი და სულ მცირე, 0,00145 მ2 განივი კვეთის ფართობის მქონე თაროთი); კედლის მინიმალური სისქე  9,5 მმ) 60 სმ-ზე ცენტრიდან.	26-1.1	1,25 სმ X ტიპის თაბაშირის კედლის ფილის ორი ფენა იდება გრძელი მხრით I-კოჭის პერპენდიკულარულად, ბოლო კოჭები არის ზიგზაგისებური. საფუძვლის ფენა მაგრდება 40 მმ შ ტიპის კედლის მხვრეტელა ხრახნებით ცენტრიდან 30 სმ  დაშორებით, ხოლო წინა ფენა მაგრდება 5 სმ შ ტიპის მშრალი/უბათქაშო კედლის ხრახნებით ცენტრიდან 30 სმ  დაშორებით შუა ნაწილში და  20 სმ დაშორებით კიდეებზე. წინა ფენის ბოლო გადაბმები არ უნდა მოხვდნენ ერთსა და იმავე I-კოჭზე, რადგან საფუძვლის ფენის ბოლო გადაბმები და კიდურა გადაბმები საფუძვლის ფენის ბმულებიდან დაშორებული უნდა იყოს 60 სმ–ით. წინა ფენა ასევე უნდა დამაგრდეს საფუძვლის ფენაზე 3,8 სმ G ტიპის  კედლის მხვრეტელა ხრახნებით ცენტრიდან 20 სმ დაშორებით, წინა ფენის ბოლო გადაბმებიდან 15 სმ დაშორებით. წინა ფენის კედლის ფილის გადაბმებს უნდა დაედოს ლენტა და  დაიფაროს შემაერთებელი შენაერთით.	—		—	—	განსხვავ ებულია	—		—		—		2,5
27.       ხის I-კოჭი (I-კოჭის მინიმალური სიმაღლე 24 სმ სულ მცირე, 33,4 მმ სიღრმის თაროთი და სულ მცირე,  0,00126 მ2 განივი კვეთის ფართობის მქონე თაროთი); კედლის მინიმალური სისქე  9,5 მმ) 60 სმ-ზე ცენტრიდან.	27-1.1	სულ მცირე, 0,5 მმ სისქის ელასტიური არხი ცენტრიდან 40 სმ დაშორებით (კედლის ფილის ბოლო კოჭებთან ორმაგი არხები), თავსდება კოჭის პერპენდილულარულად და მაგრდება თითოეულ კოჭზე 40 მმ შ ტიპის კედლის მხვრეტელა ხრახნებით. 1,25 სმ X ტიპის თაბაშირის ფილის ორი ფენა იდება გრძელი მხრით I-კოჭების პერპენდიკულარულად, ბოლო გადაბმები ზიგზაგისებურია. საფუძვლის ფენა მაგრდება 32 მმ შ ტიპის კედლის მხვრეტელა ხრახნებით ცენტრიდან 30 სმ  დაშორებით. წინა ფენის ბოლო ბმულები არ უნდა მოხვდნენ ერთსა და იმავე I-კოჭზე, რადგან საფუძვლის ფენის ბოლო ბმულები და კიდურა ბმულები საფუძვლის ფენის ბმულებიდან დაშორებული უნდა იყოს 60 სმ–ით. წინა ფენა ასევე უნდა დამაგრდეს საფუძვლის ფენაზე 3,8 სმ G ტიპის  კედლის მხვრეტელა ხრახნებით ცენტრიდან 20 სმ დაშორებით, წინა ფენის ბოლო ბმულებიდან 15 სმ დაშორებით. წინა ფენის კედლის ფილის ბმულებს უნდა დაედოს ლენტი და  დაიფაროსშემაერთებელი შენაერთით.	—		—	—	განსხვავ ებულია	—		—		—		2,5
28.       ხის I-კოჭი/ორტესებრი კოჭი (I-კოჭის მინიმალური სიმაღლე 24 სმ სულ მცირე, 3,8 სმ სიღრმის თაროთი და სულ მცირე,  0,00145 მ2 განივი კვეთის ფართობის მქონე თაროთი); კედლის მინიმალური სისქე  9,5 მმ) 60 სმ-ზე ცენტრიდან. უსახო მინაბოჭკოს იზოლაცია მაგრდება I-კოჭებს შორის თაროს ზედა ზედაპირზე ცენტრიდან 30 სმ   დაშორებით გაჭიმული მავთულის საშუალებით.	28-1.1	1,6 სმ C ტიპის თაბაშირის კედლის ფილის საფუძვლის ფენა მაგრდება უშუალოდ I-კოჭებზე 40 მმ კედლის მხვრეტელა S ტიპის ხრახნებით ცენტრიდან 30 სმ  დაშორებით და ბოლოები არის ზიგზაგისებური. თაბაშირის კედლის ფილის საფუძვლის ფენის შემდეგ გამოიყენება სულ მცირე, 0,5 მმ სისქის ელასტიური არხი ცენტრიდან 40 სმ  დაშორებით (კედლის ფილის ბოლო კოჭებთან ორმაგი არხები), თავსდება კოჭის პერპენდილულარულად და მაგრდება თითოეულ კოჭზე 4 სმ S ტიპის კედლის მხვრეტელა ხრახნებით. 1,6 სმ C ტიპის თაბაშირის კედლის ფილის შუა და წინა ფენები იდება არხის პერპენდიკულარულად, ბოლო გადაბმები ზიგზაგისბურია. შუა ფენა მაგრდება 2,5 სმ კედლის მხვრეტელა S ტიპის ხრახნებით ცენტრიდან 30 სმ   დაშორებით. წინა ფენა იდება შუა ფენის პარალელურად, მაგრამ კიდურა გადაბმები შუა ფენის კიდურა გადაბმებთან შედარებით გამოშვერილია 60 სმ-ით და მაგრდება 4 სმ S ტიპის მშრალი/უბათქაშო კედლის ხრახნებით ცენტრიდან 20 სმ დაშორებით. გადაბმები უნდა დაიფაროს ლენტითა და გადაბმის შემაერთებელი შენაერთით.	—		—	—	განსხვავ ებულია	—	—		7			_
29.       არხის ფორმის 18 კალიბრიანი ფოლადის კოჭები (მინიმალური სიმაღლე 20 სმ) მაქსიმუმ 60 სმ  დაშორებული ცენტრიდან, რომლებიც იჭერს ნარანდიან ხის სტრუქტურულ პანელებს (მინიმალური ნომინალური სისქე 1,9 სმ), რომლებიც დევს კარკასის ნაწილების პერპენდიკულარულად. სტრუქტურული პანელები მაგრდება 1,6 სმ S-12 ტიპის  ხრახნებით ცენტრიდან 30 სმ დაშორებით.	29-1.1	1,6 სმ X ტიპის თაბაშირის ფილის საფუძვლის ფენა იდება კარკასის ნაწილების ძირის პერპენდიკულარულად და მაგრდება 2,9 სმ S-12 ტიპის  ხრახნებით ცენტრიდან 30 სმ დაშორებით.  1,6 სმ X ტიპის თაბაშირის ფილის მეორე ფენა მაგრდება კარკასის ნაწილების პერპენდიკულარულად 40 მმ S-12 ტიპის  ხრახნებით ცენტრიდან 30 სმ   დაშორებით. მეორე ფენის გადაბმები გამოშვერილია  საფუძვლის ფენიდან 60 სმ-ით. 1,6 სმ X ტიპის თაბაშირის ფილის მესამე ფენა მაგრდება კარკასის ნაწილების პერპენდიკულარულად 6 სმ S-12 ტიპის  ხრახნებით ცენტრიდან 30 სმ   დაშორებით. მესამე ფენის ბმულები გამოშვერილია  საფუძვლის ფენიდან 30 სმ-ით. ქუდის ფორმის მაგარი საბათქაშე არხები მაგრდება კარკასის ნაწილების მარჯვენა კუთხეებში მესამე ფენის თავზე ორი 60 მმ S-12 ტიპის  ხრახნით ყოველ კარკასის ნაწილზე. 1,6 სმ X ტიპის თაბაშირის ფილის წინა ფენა მაგრდება საბათქაშე არხების მარჯვენა კუთხეებში 2,9 სმ S-12 ტიპის  ხრახნებით ცენტრიდან 30 სმ დაშორებით.	—	—		განსხვავ ებუ ლია	—	—	—		8,5			—

ა.  ეკვივალენტური დამჭერი ძალისა და შეღწევის უნარის მქონე მომჭერები დასაშვებია გამოყენებულ იქნეს, როგორც ლურსმნების ალტერნატიული სამაგრები ხის კარკასის დასამაგრებლად.

ბ.  თუ ფილა თავისუფალ მდგომარეობაშია, არმირების მინიმალური საფარი არ უნდა იყოს 40 მმ-ზე ნაკლები 4 სთ ხარისხის მქონე კონსტრუქციისთვის  (მხოლოდ კაჟბადის შემავსებელი); 3,2 სმ-ზე ნაკლები 4 სთ და 3 სთ ხარისხის მქონე კონსტრუქციისთვის;  2,5 სმ-ზე ნაკლები 2 სთ ხარისხის მქონე კონსტრუქციისთვის (მხოლოდ კაჟბადის შემავსებელი); და 1,9 სმ ყველა სხვა დამაგრებული და თავისუფალი მდგომარეობისთვის.

გ.  ამ ცხრილში აღწერილი თაბაშირის კედლის ფილიანი ყველა კონსტრუქციისთვის, თაბაშირის საფუძველი იმავე ზომის, სისქისა და ისეთივე ტიპის გულის მქონე მოსაპირკეთებელი ბათქაშის შემთხვევაში დასაშვები უნდა იყოს, ჩაენაცვლოს თაბაშირის მოსაპირკეთებელ ფილას, თუ მაგრდება ისევე, როგორც მოსაპირკეთებელი ფილა და გადაბმა წინა ფენაზე გაძლიერებულია და მთელი ზედაპირი დაფარულია სულ მცირე, 1,6 მმ თაბაშირის მოსაპირკეთებელი ბათქაშით.

დ.  ფოლადის კოჭების თავზე მოთავსებული ფილის სისქე, რაც იზომება ლითონის ბადისთვის განკუთვნილ ძელებთან ფოლადის ფორმების ერთეულებისთვის განკუთვნილი ფორმის ზედა ნაწილთან.

ე.    (ა) მაქსიმალურად დასაშვები დატვირთვის დონე H-სერიის კოჭების შემთხვევაში არ აღემატება 151 690 კპა-ს.

(ბ)  მაქსიმალურად დასაშვები დატვირთვის დონე K-სერიის კოჭების შემთხვევაში არ აღემატება 179 270 კპა-ს, ასეთი კოჭის ნომინალური სიღრმე არ უნდა იყოს 25 სმ-ზე ნაკლები, ხოლო კოჭის ნომინალური წონა 2,27 კგ-ზე ნაკლები ერთ ხაზოვან 30 სმ-ზე.

ვ.   ცემენტის ბათქაში, რომელსაც ერთ ტომარა ცემენტზე დამატებული აქვს 6,81 კგ დაშლილი კირი და 1,36 კგ სათანადო დანამატები ან მინარევები.

ზ.  დასაშვები უნდა იყოს, რომ ფოლადის კარკასზე დამაგრებული თაბაშირის კედლის ფილის ჭერი დაიკიდოს 3,8 სმ ცივად ფორმირებული სამმხრიანი არხებით, რომლებიც ცენტრიდან დაშორებულია 120 სმ-ით, რომლებიც შეკიდულია No.8 SWG გალვანიზებული მავთულის საკიდებით ცენტრიდან 120 სმ მოშორებით. განივი საბათქაშე არხები სამ მხრიან არხებზე დამაგრებულია Nო. 18 SWG გალვანიზებული მავთულით (ორწვერა) და დაშორებულია ისეთი მანძილით, რაც აუცილებელია კარკასთან პირდაპირი მიმაგრების დროს. ამ ალტერნატივას ასევე იყენებენ ისეთ ფოლადის კარკასიან კონსტრუქციებთან, როგორებიც ნაგულისხმებია „რ“ შენიშვნაში.

თ.   15 სმ-იანი ღრუიანი თიხის ფილა 5 სმ სისქის ბეტონის ფილით თავზე.

ი.    15 სმ-იანი ღრუიანი თიხის ფილა 3,8 სმ სისქის ბეტონის ფილით თავზე.

კ.     სისქე იზომება ფოლადის ფორმირებული ნაწილების ძირამდე.

ლ.   1,6 სმ ვერმიკულიტიან თაბაშირის ბათქაშს დამატებული 1,25 სმ შესაბამისი ვერტმიკულიტის აკუსტიკური ბათქაში.

მ.    საბათქაშე არხები ცენტრიდან 30 სმმოშორებით.

ნ.    ორმაგი ხის იატაკები დასაშვებია დაიგოს ქვემოთ ჩამოთვლილიდან რომელიმე მეთოდით:

(ა) ნომინალურად 2,5 სმ შავი იატაკის ფენილი, ასბესტის ქაღალდის ფენა, რომელიც იწონის არანაკლებ 6,37 კგ-ს 2,83 მ³-ზე და ნომინალურად 2,5 სმ ნარანდიანი საბოლოო იატაკის ფენა; ან

(ბ)  ნომინალურად 2,5 სმ ნარანდიანი შავი იატაკის ფენილიან 1,2 სმ ხის სტრუქტურული პანელები გარე წებოთი და ნომინალურად 2,5 სმ ნარანდიანი საბოლოო იატაკის ფენაან 1,5 ,მ ხის სტრუქტურული პანელის საბოლოო იატაკი ამ I ტიპის M-1 ხარისხის მერქანბურბუშელოვანი ფილის ფენა არანაკლებ 1,6 სმ სისქისა.

ო.  დასაშვებია, ჭერი არ გაკეთდეს გამოუყენებელი სივრცის თავზე, ხოლო იატაკი არ გაკეთდეს იმ ადგილას, რომლის ზემოთაც ხვდება გამოუყენებელი სივრცე.

პ.    მოცემენტებულიან მოსაპირკეთებელი ფილის ლურსმნების მახასიათებლებისთვის იხ. ASTM C 514, ASTM C 547 ან ASTM F 1667.

ჟ.     სისქე იზომება ფოლადის ფენილის ერთეულის თავამდე.

რ.   სპეციფიკური ცეცხლმედეგობის ხარისხები (რომლებიც ნუსხაში არ არის განსაზღვრული, როგოც პატენტის მქონე*) GA 600-ში მიღებული უნდა იქნეს, როგორც იქ ჩამოთვლილი.

ქვეთავი 722 ცეცხლმედეგობის ანგარიში

722.1 ზოგადი. ამ ქვეთავის დებულებები მოიცავს პროცედურებს, რომელთა საშუალებითაც გამოთვლების საფუძველზე განისაზღვრება სპეციფიკური მასალების ან მასალათა კომბინაციების ცეცხლმედეგობა. ეს პროცედურები გამოიყენება მხოლოდ იმ ინფორმაციასთან, რომელიც ამ ქვეთავშია შესული და სხვაგვარად არ უნდა გამოიყენებოდეს. ბეტონის, ბეტონის წყობის და თიხის წყობის ცეცხლმედეგობა უნდა გამოითვლოს ACI 216.1/TMS 0216-ის შესაბამისად. ფოლადის ანაწყობის ცეცხლმედეგობის გამოთვლა დასაშვებია ASCE 29-ის მე-5 თავის შესაბამისად. ზემოქმედების ქვეშ მყოფი ხის ელემენტებისა და ხის ფენილის ცეცხლმედეგობის გამოთვლა დასაშვებია ANSI/AF&PA-ის მე-16 თავის (ეროვნული ტექნიკური პირობები ხის კონსტრუქციის დაგეგმარებისათვის (დიზაინისთვის)) შესაბამისად.

722.1.1 განმარტებები. ქვემოთ წარმოდგენილი ტერმინები განმარტებულია მე-2 თავში:

კერამიკულ-ბოჭკოვანი ფენა.

ბეტონი, კარბონატული შემვსები.

ბეტონი, უჯრედული.

ბეტონი, მსუბუქწონიანი შემვსები.

ბეტონი, პერლიტი.

ბეტონი, მსუბუქწონიანი ქვიშით.

ბეტონი, კაჟოვანი შემვსები.

ბეტონი, ვერმიკულიტი.

მინის ბოჭკოს ფილა.

მინერალური ფილა.

722.2 ბეტონის ანაწყობები. ამ ქვეთავის დებულებები მოიცავს პროცედურებს, რომელთა საშუალებითაც გამოთვლების საფუძველზე განისაზღვრება ბეტონის ანაწყობების ცეცხლმედეგობის ხარისხი.

722.2.1 ბეტონის კედლები. ადგილზე ჩამოსხმული და წინასწარფორმირებული ბეტონის კედლები უნდა შეესაბამებოდეს 722.2.1.1 ქვეთავს. რამდენიმე შვეულ რიგიანი ბეტონის კედლები უნდა შეესაბამებოდეს 722.2.1.2 ქვეთავს. წინასწარფორმირებულ პანელებს შორის არსებული გადაბმები უნდა შეესაბამებოდეს 722.2.1.3 ქვეთავს. თაბაშირის ფილიანი ან ბათქაშიანი ბეტონის კედლები უნდა შეესაბამებოდეს 722.2.1.4 ქვეთავს.

722.2.1.1 ადგილზე ფორმირებული და წინასწარფორმირებული კედლები. 1-დან 4 საათამდე ცეცხლმედეგობის ხარისხის მქონე, ადგილზე ფორმირებული და წინასწარფორმირებული ბეტონის კედლების მინიმალური ეკვივალენტური სისქეები ნაჩვენებია ცხრილში 722.2.1.1. ბრტყელი შვეულ ზედაპირებიანი მასიური კედლებისთვის ეკვივალენტური და რეალური სისქეები ერთნაირია. 722.2.1.1. ცხრილში წარმოდგენილი სიდიდეები ეხება სუფთა, გაძლიერებული ან წინასწარდაძაბული ბეტონის კედლებს.

ცხრილი 722.2.1.1

ადგილზე ფორმირებული ან ქარხანაში ფორმირებული ბეტონის კედლების მინიმალური სისქე, მზიდი ან არამზიდი

ბეტონის ტიპი	ფილის მინიმალური სისქე (სმ-ში)
	1-სთ	1.5-სთ	2-სთ	3-სთ	4-სთ
კაჟბადი/კრემნიუმი	8.9	11.0	12.7	15.8	17.8
კარბონატი	8.2	10.0	11.7	14.5	16.8
მსუბუქი ქვიშა	6.9	8.4	9.7	11.7	13.7
მსუბუქი	6.4	7.9	9.2	11.2	13.0

722.2.1.1.1 ღრუტანიანი წინასწარ ფორმირებული კედლის პანელები. ღრუტანიანი წინასწარ ფორმირებული ბეტონის კედლის პანელების შემთხვევაში, რომელთა ღრუები განივი კვეთის სიგანით გადის მთელ სიგრძეზე, დასაშვებია ეკვივალენტური სისქის გამოანგარიშება პანელის განივი კვეთის სუფთა ფართობის (განივი კვეთის მთლიან ფართობს გამოკლებული ღრუების ფართობი) გაყოფით მისსავე სიგანეზე.

722.2.1.1.2 ღრუების ამოვსება. თუ ღრუტანიანი კედლის პანელების ყველა ღრუ ამოვსებულია თბოსაიზოლაციო მასალით, მაგ., აფუებული ფიქალის თიხით, თიხით ან წიდით, ვერმიკულიტით ან პერლიტით, კედლის ცეცხლმედეგობის ხარისხი ტოლია ისეთივე ტიპისა და ისეთივე საერთო სისქის ბეტონის მასიური კედლის ცეცხლმედეგობის ხარისხისა.

722.2.1.1.3 კონუსისებრი განივი კვეთები. კონუსისებრი განივი კვეთების მქონე პანელების სისქე უნდა იყოს ისეთი, როგორც განსაზღვრულია 2t დაშორებისთვის ან 15 სმ-იანი დაშორებისთვის, რომელიც ნაკლებია, იმ წერტილიდან, რომელთანაც სისქე ყველაზე მცირეა და t არის მინიმალური სისქე.

722.2.1.1.4 დაღარული ან ტალღოვანი ზედაპირები. დაღარული ან ტალღოვანი ზედაპირების მქონე პანელების ეკვივალეტური სისქე უნდა განისაზღვროს ქვემოთ წარმოდგენილი ერთ-ერთი მეთოდით:

 

(განტოლება 7-3)

სადაც:

s  = დაშორება ტალღებს ან ღარებს შორის

t  = მინიმალური სისქე

t_e = პანელის ეკვივალენტური სისქე, გამოთვლილი პანელის განივი კვეთის სუფთა ფართობის გაყოფით სიგანეზე, სადაც გამოთვლაში გამოყენებული მაქსიმალური სისქე არ უნდა აღემატებოდეს 2t-ს.

722.2.1.2 რამდენიმე შვეულ რიგიანი კედლები. კედლებისთვის, რომლებიც შედგება ორი სხვადასხვა ტიპის ბეტონის შვეული რიგისგან, ცეცხლმედეგობის ხარისხი დასაშვებია განისაზღვროს 722.2.1.2 სურათის მიხედვით.

სურათი 722.2.1.2

ორ შვეულ რიგიანი ბეტონის კედლების ცეცხლმედეგობის ხარისხები

722.2.1.2.1 ორი ან მეტი შვეული რიგი. ორი ან მეტი შვეული რიგისგან შემდგარი კედლის პანელების ცეცხლმედეგობის ხარისხი დასაშვებია განისაზღვროს შემდეგი განტოლების საშუალებით:

R = (R₁^0,59 + R₂^0,59 +.+R_n^0,59)^1,7                                                                                                              (განტოლება 7-4)

სადაც:

R = ანაწყობის ცეცხლმედეგობა წუთებში.

R₁, R₂ და R_n = ინდივიდუალური შვეული რიგების ცეცხლმედეგობა წუთებში. 7-4 განტოლებაში გამოსაყენებელი R_n^0.59-ის სიდიდეები მოცემულია ცხრილში 722.2.1.2(1). გამოანგარიშებული ცეცხლმედეგობის ხარისხები მოცემულია ცხრილში 722.2.1.2(2).

ცხრილი 722.2.1.2(1)

R ^0,59 სიდიდეები 7-4 განტოლებაში გამოსაყენებლად

მასალის ტიპი	მასალის სისქე (სმ-ში)
	3.8	5.0	6.4	7.6	8.9	10	11.4	12.7	14	15	16.5	17.8
კაჟბადის შემვსები ბეტონი	5.3	6.5	8.1	9.5	11.3	13.0	14.9	16.9	18.8	20.7	22.8	25.1
კარბონატის შემვსები ბეტონი	5.5	7.1	8.9	10.4	12.0	14.0	16.2	18.1	20.3	21.9	24.7	27,2გ
მსუბუქი ქვიშა ბეტონი	6.5	8.2	10.5	12.8	15.5	18.1	20.7	23.3	26,0გ	შენიშვნაგ	შენიშვნაგ	შენიშვნაგ
მსუბუქი ბეტონი	6.6	8.8	11.2	13.7	16.5	19.1	21.9	24.7	27,8გ	შენიშვნაგ	შენიშვნაგ	შენიშვნაგ
საიზოლაციო ბეტონია	9.3	13.3	16.6	18.3	23.1	26,5გ	შენიშვნაგ	შენიშვნაბ	შენიშვნაგ	შენიშვნაგ	შენიშვნაბ	შენიშვნაგ
სიცარიელეებიბ	-	-	-	-	-	-	-	-	-	-	-	-

ა.    მშრალი საგნის წონა 35 პცფ ან ნაკლები, რომელიც შეიცავს უჯრედულ, პერლიტის ან ვერმიკულიტის ბეტონს.

ბ.   R_n^0,59 სიდიდე ერთი 1.3 მმ-დან 8.9 სმ-მდე სიცარიელისთვის არის 3,3. R_n^0,59  სიდიდე ორი 1.3 მმ-დან 8.9 სმ-მდე სიცარიელისთვის არის 6,7.

გ.  ამ სისქისთვის ცეცხლმედეგობის ხარისხი აჭარბებს 4 სთ-ს.

ცხრილი 722.2.1.2(2)

ცეცხლმედეგობის ხარისხი R^0.59-ის საფუძველზე

R ა, წთ	R0.59
60	11.20
120	16.85
180	21.41
240	25.37

ა.  7-4 განტოლების საფუძველზე.

722.2.1.2.2 ქაფპლასტის იზოლაცია. ბეტონის ორ რიგს შორის მოთავსებული ქაფპლასტის ფენის შემცველი ფორმირებული ბეტონის კედლის პანელების ცეცხლმედეგობის ხარისხი დასაშვებია გამოითვალოს 7-4 განტოლების მიხედვით. 2.5 სმ საერთო სისქის მქონე ქაფპლასტის იზოლაცია არ უნდა გამოიყენებოდეს. გამოსათვლელად საჭირო R_n სიდიდე 2.5 სმ სისქის ან უფრო სქელი ქაფპლასტის იზოლაციისათვის არის 5 წუთი; ამდენად, R_n^0,59=2,5.

722.2.1.3 გადაბმები წინასწარფორმირებული კედლის პანელებს შორის. გადაბმები წინასწარფორმირებული ბეტონის კედლის პანელებს შორის, რომლებიც არ არის იზოლირებული ამ ქვეთავის შესაბამისად, უნდა ჩაითვალოს კედელში დატანებულ ღიობებად. არაიზოლირებული გადაბმები გათვალისწინებული უნდა იყოს 705.8 ცხრილით დასაშვები ღიობების პროცენტის განსაზღვრის დროს. თუ ღიობების დატანება დაუშვებელია ან ამ კოდექსის შესაბამისად ისინი დაცული უნდა იყოს, გადაბმის აუცილებელი იზოლაციის მოცულობის განსაზღვრისას გამოიყენება ამ ნაწილის დებულებები. იზოლირებული გადაბმები არ უნდა ჩაითვალოს ღიობებად 705.8 ცხრილში გათვალისწინებული ღიობების დასაშვებ პროცენტთან შესაბამისობის განსაზღვრისას.

722.2.1.3.1 გადაბმის დაცვა კერამიკ-ბოჭკოს დამცავით. 722.2.1.3.1 სურათი გვიჩვენებს წინასწარფორმირებული ბეტონის კედლის პანელებს შორის არსებული გადაბმების იზოლირებისათვის გამოსაყენებელი კერამიკული ბოჭკოს ფენების სისქეებს სხვადასხვა სისქის პანელებისათვის და 1,0 სმ და 2.5 სმ სიგანის გადაბმებისთვის, რომელთა ცეცხლმედეგობის ხარისხი 1 საათიდან 4 საათამდეა. 1,0 სმ – 2.5 სმ სიგანის გადაბმებისთვის, კერამიკული ბოჭკოს ფენის სისქე შეიძლება განისაზღვროს პირდაპირი ინტერპოლაციით. ასევე მისაღებია, რომ კერამიკული ბოჭკოს ფენების ნაცვლად გამოიყენებოდეს სხვა შემოწმებული და ეტიკეტირებული მასალები.

 

სურ. 722.2.1.3.1

კერამიკ-ბოჭკოს ბმულის დამცავი

722.2.1.4 კედლები თაბაშირის ფილით ან ბათქაშის ფენით. ცეცხლმედეგობის ხარისხი ადგილზე ფორმირებული ან წინასწარფორმირებული ბეტონის კედლებისა, რომლებიც ერთ ან ორივე მხარეს თაბაშირის ფილით ან ბათქაშის ფენითაა დაფარული, დასაშვებია გამოითვალოს ამ ნაწილის დებულებების შესაბამისად.

722.2.1.4.1 ცეცხლის ზემოქმედების ქვეშ არმყოფი მხარე. თუ თაბაშირის ფილა ან ბათქაშის ფენა გამოყენებულია მოსაპირკეთებელ ფენად კედლის იმ მხარეს, რომელიც არ განიცდის ცეცხლის ზემოქმედებას, მოსაპირკეთებელი ფენის წილი საერთო ცეცხლმედეგობის ხარისხში უნდა განისაზღვროს შემდეგნაირად: თავდაპირველად უნდა განისაზღვროს მოსაპირკეთებელი ფენის სისქე, რისთვისაც მისი რეალური სისქე უნდა გამრავლდეს 722.2.1.4(1) ცხრილში მოცემულ შესაბამის ხარისხზე, რომელიც გამომდინარეობს ბეტონში გამოყენებული შემვსების ტიპიდან. მოსაპირკეთებელი ფენის გასწორებული სისქე შემდეგ ემატება ბეტონის რეალურ და ეკვივალენტურ სისქეებს და ბეტონისა და ბათქაშის ფენის ცეცხლმედეგობის ხარისხებს, რომელიც განისაზღვრება 722.2.1.1 ცხრილის, 722.2.1.2 სურათის ან 722.2.1.2(1) ცხრილის შესაბამისად.

722.2.1.4.2 ცეცხლის ზემოქმედების ქვეშ მყოფი მხარე. თუ თაბაშირის ფილა ან ბათქაშის ფენა გამოყენებულია მოსაპირკეთებელ ფენად კედლის იმ მხარეს, რომელიც განიცდის ცეცხლის ზემოქმედებას, მოსაპირკეთებელი ფენის წილი საერთო ცეცხლმედეგობის ხარისხში უნდა განისაზღვროს შემდეგნაირად: 722.2.1.2(2) ცხრილის მიხედვით. მოსაპირკეთებელი ფენისთვის მიკუთვნებული დრო უნდა დაემატოს 722.2.1.1 ცხრილში, 722.2.1.2 სურათზე ან 722.2.1.2(1) ცხრილში მხოლოდ ბეტონისათვის განსაზღვრულ ცეცხლმედეგობის ხარისხს, ან 722.2.1.4.1 ქვეთავში ბეტონისა და ცეცხლის ზემოქმედების ქვეშ არმყოფი მხარის მოსაპირკეთებელი ფენისთვის განსაზღვრულ ხარისხს.

ცხრილი 722.2.1.4(1)

გადიდების ფაქტორი (კოეფიციენტი) კედლის იმ მხარის მოპირკეთებისათვის, რომელიც არ იმყოფება ცეცხლის ზემოქმედების ქვეშ

ბეტონის ან ბეტონის წყობის კედელზე გამოყენებული მოპირკეთების ტიპი	ბეტონში ან ბეტონის წყობაში გამოყენებული შემვსების ტიპი
	ბეტონი: კრემნიუმიანი ან კარბონატიანი ბეტონის წყობა: კრემნიუმის ან კარბონატის; თიხის მასიური აგური	ბეტონი: ქვიშა მსუბუქი ბეტონი წყობა: თიხის ფილა; ღურტანიანი თიხის აგური; გაფუებადი თიხიანი ფიქალის ბეტონის წყობის ერთეულები და <20% ქვიშა	ბეტონი: მსუბუქი ბეტონის წყობა: თიხიანი ფიქალის ბეტონის წყობის ერთეულები, გაფუებული თიხა, გაფუებული წიდა ან პემზა <20% ქვიშა	ბეტონის წყობა:  თიხიანი ფიქალის ბეტონის წყობის ერთეულები, გაფუებული თიხა ან პემზა
პორტლანდცემენტ-ქვიშის ბათქაში	1,00	0,75ა	0,75ა	0,50ა
თაბაშირ-ქვიშის ბათქაში	1,25	1,00	1,00	1,00
თაბაშირ-ვერმიკულიტის ან პერლიტის ბათქაში	1,75	1,50	1,25	1,25
თაბაშირის კედლის ფილა	3,00	2,25	2,25	2,25

ა.    პორტლანდცემენტ-ქვიშის ბათქაშისთვის 1.6 სმ ან ნაკლები სისქის და გამოყენებული პირდაპირ ქვის მასალაზე კედლის იმ მხარეს, რომელიც არ იმყოფება ცეცხლის ზემოქმედების ქვეშ, გადიდების ფაქტორი (კოეფიციენტი) უნდა იყოს 1,00.

ცხრილი 722.2.1.4(2)

დროის განსაზღვრა მოსაპირკეთებელი მასალებისათვის კედლის იმ მხარეს, რომელიც იმყოფება ცეცხლის ზემოქმედების ქვეშ

მოსაპირკეთებელი მასალის აღწერა	დრო (წთ)
თაბაშირის კედლის ფილა
1.0 სმ	10
1.3 სმ	15
1.6 სმ	20
1.0 სმ მმ 2 ფენა	25
1.0 სმ-ის 1 ფენა, 1 ფენა 1.3 სმ	35
2 ფენა 1.3 სმ	40
X ტიპის თაბაშირის კედლის ფილა 1.3 სმ	25
1.6 სმ	40
პორტლანდცემენტ-ქვიშის ბათქაში, რომელიც უშუალოდ ბეტონის ბლოკზეა გამოყენებული	იხ. შენიშვნა „ა“
პორტლანდცემენტ-ქვიშის ბათქაში ლითონის ბადეზე 1.9 სმ	20
2.2 სმ	25
2.5 სმ	30
თაბაშირ-ქვიშის ბათქაში 9,5 მმ ზომის სათაბაშირე ბადეზე 1.3 სმ 1.6 სმ 1.9 სმ	35
	40
	50
თაბაშირ-ქვიშის ბათქაში ლითონის ბადეზე 1.9 სმ 2.2 სმ 2.5 სმ	50
	60
	80

ა.   პორტლანდცემენტ-ქვიშის ბათქაშის რეალური სისქე, თუ მისი სისქე არის 1.6 სმ ან ნაკლები, დასაშვებია ჩაერთოს 722.3.2 ცხრილში წყობისათვის გამოყენებული ეკვივალენტური სისქეების განსაზღვრაში.

722.2.1.4.3 ცეცხლმედეგობის მიხედვით ასიმეტრიული ანაწყობები. ისეთი კედლის შემთხვევაში, რომელიც ერთ მხარეს არ არის მოპირკეთებული, ან ორივე მხარეს სხვადასხვა ტიპის ან სისქის მოპირკეთება აქვს, 722.2.1.4.1 და 722.2.1.4.2 ქვეთავში განსაზღვრული გამოთვლის პროცედურები ორჯერ უნდა ჩატარდეს, კედლის ორივე მხარისთვის ცალ-ცალკე. კედლის ცეცხლმედეგობის ხარისხი არ უნდა აღემატებოდეს ორი სიდიდიდან უფრო დაბალს.

გამონაკლისი: გარე კედლისთვის, რომლის ხანძარსაწინააღმდეგო მანძილი აღემატება 1.5 მ-ს, ცეცხლის ზემოქმედება მოსალოდნელია მხოლოდ შიგა მხარეს.

722.2.1.4.4 ბეტონის ცეცხლმედეგობის მინიმალური ხარისხი. თუ ბეტონის კედლის ერთი ან ორივე მხარის მოპირკეთება მოქმედებს ცეცხლმედეგობის ხარისხზე, მარტო ბეტონის წილი საერთო ცეცხლმედეგობის საერთო ხარისხში უნდა წარმოადგენდეს არანაკლებ ნახევარს. ამასთან, მზიდი კედლის ცეცხლის ზემოქმედების ქვეშ არმყოფ მხარეს გამოყენებული მოპირკეთების წილი ცეცხლმედეგობის ხარისხში არ უნდა აღემატებოდეს ბეტონის წილს.

722.2.1.4.5 ბეტონის მოპირკეთება. ბეტონის კედლებზე გამოყენებული მოპირკეთება, რომელიც მოქმედებს კედლის ცეცხლმედეგობის საერთო ხარისხზე, უნდა აკმაყოფილებდეს 722.3.2.5 ქვეთავში განსაზღვრულ მოთხოვნებს მოწყობასთან დაკავშირებით.

722.2.2 ბეტონის იატაკი და სახურავის ფილები. გაძლიერებული და წინასწარდაძაბული იატაკები და სახურავები უნდა შეესაბამებოდეს 722.2.2.1 ქვეთავს. მრავალშრიანი იატაკები და სახურავები უნდა აკმაყოფილებდეს 722.2.2.2 ქვეთავისა და 722.2.2.3 ქვეთავის მოთხოვნებს.

722.2.2.1 გაძლიერებული და წინასწარ დაძაბული იატაკები და სახურავები. გაძლიერებული და წინასწარდაძაბული ბეტონის იატაკებისა და სახურავის ფილების მინიმალური სისქეები, 1-დან 4 საათამდე ცეცხლმედეგობის ხარისხის შემთხვევაში, მოცემულია 722.2.2.1 ცხრილში.

ცხრილი 722.2.2.1

ფილის მინიმალური სისქე (სმ-ში)

ბეტონის ტიპი	ცეცხლმედეგობის ხარისხი (სთ)
	1	1.5	2	3	4
კრემნიუმი	8.9	11.0	12.7	15.8	17.8
კარბონატი	8.1	10.0	11.7	14.5	16.8
მსუბუქი ქვიშის	6.9	8.4	9.7	11.7	13.7
მსუბუქი	6.5	7.9	9.0	11.2	13.0

722.2.2.1.1 ღრუტანიანი წინასწარ დაძაბული ფილები. ღრუტანიანი წინასწარ დაძაბული ფილების შემთხვევაში, თუ ღრუებს მთელ სიგრძეზე აქვს უწყვეტი განივი კვეთი, ეკვივალენტური სისქე დასაშვებია მიღებულ იქნეს ფილის (გადაბმის დუღაბის ჩათვლით) განივი კვეთის სუფთა ფართობის გაყოფით მისსავე სიგანეზე.

722.2.2.1.2 ფილები დახრილი სოფიტებით. დახრილ სოფიტებიანი ფილების სისქე (იხ. სურ. 722.2.2.1.2) უნდა განისაზღვროს იმ წერტილიდან, სადაც სისქე მინიმალურია, 2t ან 15 სმ დაშორებით, რომელიც ნაკლებია, სადაც t წარმოადგენს მინიმალურ სისქეს.

 

722.2.2.3 მრავალშრიანი სახურავები. იმ იატაკების ცეცხლმედეგობის ხარისხი, რომლებიც შედგება ბეტონის ფუძე-ფილისგან, რომლის ზედა ნაწილი საიზოლაციო ბეტონის ან საიზოლაციო ფილისა და მრავალშრიანი გადასახური მასალისაა, უნდა შეესაბამებოდეს სურათებს 722.2.2.3(1) და 722.2.2.3(2).

722.2.2.3.1 თბოგადაცემა. თბოგადაცემისათვის, სამ შრიანი გადასახური მასალის წილი ცეცხლმედეგობის ხარისხში 10 წუთია. ცეცხლმედეგობის ხარისხი ბეტონის კონსტრუქციებისთვის, მაგ., ისეთებისთვის, როგორებიც ნაჩვენებია სურათზე 722.2.2.3(1), უნდა გაიზარდოს 10 წუთით. ეს მატება არ ეხება 722.2.2.3(2) სურათზე წარმოდგენილ ანაწყობებს.

722.2.2.4 გადაბმები წინასწარფორმირებულ ფილებში. გადაბმები მომიჯნავე წინასწარფორმირებულ ბეტონის ფილებს შორის არ უნდა იქნეს გათვალისწინებული ფილის სისქის გამოთვლის დროს, თუ ბეტონსზედა ნაწილი მინიმუმ 2.5 სმ სისქისაა. თუ ბეტონს არ აქვს ბეტონსზედა ნაწილი, გადაბმასთან გამოიყენება თხელი დუღაბი, რომლის სისქე ფილის მინიმუმ ნახევარია, მაგრამ არაუმცირეს 2.5 სმ, ან გადაბმის ცეცხლმედეგობა მიიღწევა სხვა ნებადართული მეთოდებით.

722.2.3 გამაძლიერებელის ბეტონის საფარი. ბეტონის ფილებში, გაძლიერებულ კოჭებსა და წინასწარ დაძაბულ კოჭებში, გამაძლიერებელის ბეტონის საფარის მინიმალური სისქე უნდა შეესაბამებოდეს ამ ქვეთავს.

722.2.3.1 ფილის საფარი. დადებითი მომენტის მიმღები ბეტონის გამაძლიერებლის საფარის მინიმალური სისქე უნდა შეესაბამებოდეს 722.2.3(1) ცხრილს, რომელიც ეხება გაძლიერებულ ბეტონს და 722.2.3(2) ცხრილს, რომელიც ეხება წინასწარდაძაბულ ბეტონს. ეს ცხრილები გამოიყენება მასიური ან ღრუტანიანი, ერთი მიმართულებით ან ორი მიმართულებით  ფილებისათვის, რომელთაც ქვედა მხრიდან ბრტყელი ზედაპირები აქვს. ეს ცხრილები ეხება ფილებს, რომლებიც ფორმირებულია ადგილზე ან წინასწარ. წინასწარფორმირებული, წინასწარდაძაბული ბეტონისათვის, რომელიც ყველგან არ არის დაფარული, გამოიყენება პროცედურები, რომლებიც მოცემულია PCI MNL 124-ში.

722.2.3.2  გაძლიერებული კოჭის საფარი. დადებითი მომენტის გაძლიერებული ბეტონის (ძირში ფოლადის) საფარის მინიმალური სისქე გაძლიერებული ბეტონის კოჭისთვის ნაჩვენებია ცხრილში 721.2.3(3), 1 საათიდან 4 საათამდე ცეცხლმედეგობის ხარისხის შემთხვევაში.

722.2.3.3 წინასწარდაძაბული კოჭის საფარი. დადებითი მომენტის წინასწარდაძაბული ფოლადის წნულების (ძირში ფოლადის) ბეტონის საფარის მინიმალური სისქე დაძაბული და დაუძაბავი ბეტონის კოჭებისა და ზედა ნაწილში ნაშვერებიანი კოჭის ერთეულებისთვის უნდა შეესაბამებოდეს 722.2.3(4) და 722.2.3(5) ცხრილებში მოცემულ სიდიდეებს, 1-დან 4 საათამდე ცეცხლმედეგობის ხარისხის შემთხვევაში. 722.2.3(4) ცხრილში მოცემული სიდიდეები ეხება 20 სმ ან მეტი სიგანის კოჭებს. 722.2.3(5) ცხრილში მოცემული სიდიდეები ეხება ნებისმიერი სიგანის კოჭებსა და ზედა ნაწილში ნაშვერებიანი კოჭის ერთეულებს, თუ განივი კვეთის ფართობი არ არის 258 სმ²-ზე ნაკლები. 722.2.3(4) და 722.2.3(5) ცხრილების მიხედვით განსაზღვრულ სიდიდეებს შორის განსხვავებების შემთხვევაში, დასაშვებია უფრო ნაკლები სიდიდის გამოყენება. ბეტონის საფარი უნდა გამოანგარიშდეს 722.2.3.3.1 ქვეთავის შესაბამისად. წინასწარ დაუძაბავი  გამაძლიერებლის მინიმალური ბეტონის საფარი წინასწარდაძაბულ ბეტონის კოჭში უნდა შეესაბამებოდეს 722.2.3.2 ქვეთავს.

722.2.3.3.1 ბეტონის საფარის გამოთვლა. ინდივიდუალური წნულისთვის, ლითონის წნელის ზედაპირსა და კოჭის ცეცხლის ზემოქმედების ქვეშ მყოფ ზედაპირს შორის არსებული ბეტონის საფარი უნდა იყოს მინიმალური სისქის, მაგრამ არა დაუჯგუფებელი არხების შემთხვევაში, როცა საფარის მინიმალურ სისქედ უნდა ჩაითვალოს არხის ზედაპირსა და კოჭის ცეცხლის ზემოქმედების ქვეშ მყოფ ზედაპირს შორის არსებული ბეტონის საფარის მინიმალური სისქე. ისეთი კოჭის შემთხვევაში, რომელთანაც ორი ან მეტი წნული გამოიყენება, საფარი უნდა იყოს ინდივიდუალური წნულების მინიმალური საფარის საშუალო. კუთხის წნულებისთვის (ძირიდან და გვერდიდან ერთნაირი მანძილით დაშორებული წნულები), გამოთვლაში გამოყენებული მინიმალური საფარი უნდა იყოს რეალური სიდიდის ნახევარი. ზედა ნაწილში ნაშვერებიანი კოჭის ნაწილებისთვის, რომელთაც ტანის ცენტრის გასწვრივ შვეულად მდებარე ორი ან მეტი წინასწარდაძაბული წნული აქვს, საშუალო საფარის სისქე უნდა იყოს ნაწილის ძირიდან ლითონის წნულის ცენტრამდე მანძილის ტოლი. ნებისმიერი ინდივიდუალური წნულის რეალური საფარი არ უნდა იყოს 722.2.3(4) და 722.2.3(5) ცხრილებში მოცემული სიდიდის ნახევარზე ან 2.5 სმ-ზე ნაკლები, რომელიც მეტი იქნება.

ცხრილი 722.2.3(1)

საფარის სისქე გაძლიერებული ბეტონის იატაკის ან სახურავის ფილებისთვის (სმ-ში)

ბეტონის შემავსებლის ტიპი	ცეცხლმედეგობის ხარისხი (სთ)
	დაძაბული					დაუძაბავი
	1 სთ	1.5 სთ	2 სთ	3 სთ	4 სთ	1 სთ	1.5 სთ	2 სთ	3 სთ	4 სთ
კრემნიუმი	1.9	1.9	1.9	1.9	1.9	1.9	1.9	2.5	3.2	4.1
კარბონატი	1.9	1.9	1.9	1.9	1.9	1.9	1.9	1.9	3.2	3.2
ქვიშა-მსუბუქწონიანი ან მსუბუქწონიანი	1.9	1.9	1.9	1.9	1.9	1.9	1.9	1.9	3.2	3.2

 

ცხრილი 721.2.3(2)

წინასწარდაძაბული ბეტონის იატაკის ან სახურავის ფილების საფარის სისქე (სმ-ში)

ბეტონის შემვსების ტიპი	ცეცხლმედეგობის ხარისხი (სთ)
	დაძაბული					დაუძაბავი
	1 სთ	1.5 სთ	2 სთ	3 სთ	4 სთ	1 სთ	1.5 სთ	2 სთ	3 სთ	4 სთ
კრემნიუმი	1.9	1.9	1.9	1.9	1.9	2.9	3.8	4.5	6.0	7.0
კარბონატი	1.9	1.9	1.9	1.9	1.9	2.5	3.5	4.1	5.4	5.7
ქვიშა-მსუბუქწონიანი ან მსუბუქწონიანი	1.9	1.9	1.9	1.9	1.9	2.5	34,9	2.9	5.0	5.7

ცხრილი 722.2.3(3)

მინიმალური საფარი გაძლიერებული ბეტონის კოჭების მთავარი გამაძლიერებელი ღეროებისათვის^გ

(გამოიყენება ყველა ტიპის სტრუქტურული ბეტონისთვის) (სმ-ში)

დაძაბული ან დაუძაბავია	კოჭის სიგანებ (სმ)	ცეცხლმედეგობის ხარისხი (სთ)
		1 სთ	1.5 სთ	2 სთ	3 სთ	4 სთ
	13	1.9	1.9	1.9	2.5ა	3.2ა
დაძაბული	18	1.9	1.9	1.9	1.9	1.9
	≥25	1.9	1.9	1.9	1.9	1.9
	13	1.9	2.5	3.2	—	—
დაუძაბავი	18	1.9	1.9	1.9	4.5	7.6
	≥25	1.9	1.9	1.9	2.5	4.5

ა.    დაძაბული ანაწყობებისთვის ცხრილში მოცემული სიდიდეები ეხება კოჭებს, რომლებიც ცენტრიდან დაშორებულია 1.2 მ ან ნაკლები მანძილით. ცენტრიდან  1.2 მ ან ნაკლები მანძილით დაშორებული კოჭებისათვის  საფარის მინიმალური სისქე 1.9 სმ ადეკვატურია 4 ან ნაკლებ-საათიანი ხარისხისა.

ბ.   ცხრილში მოცემულ სიდიდეებს შორის კოჭის სიგანეებისთვის მინიმალური საფარის სისქე შეიძლება განისაზღვროს პირდაპირი ინტერპოლაციით.

გ.   გამაძლიერებელი ფოლადის წნელის ინდივიდუალურ საფარს წარმოადგენს მინიმალური სისქის ბეტონი ფოლადის წნელის ზედაპირსა და კოჭის ცეცხლის ზემოქმედების ქვეშ მყოფ ზედაპირს შორის. კოჭისთვის, რომელშიც რამდენიმე ფოლადის წნელია გამოყენებული, კუთხის ფოლადის წნელის საფარი გამოთვლისას უნდა შემცირდეს რეალური სიდიდის ნახევრამდე. ფოლადის წნელის ინდივიდუალური საფარი არ უნდა იყოს 722.2.3(3) ცხრილში მოცემულ სიდიდის ნახევარზე ნაკლები ან 1.9 სმ-ზე ნაკლები.

ცხრილი 722.2.3(4)

მინიმალური საფარი წინასწარ დაძაბული 20 სმ ან მეტი სიგანის ბეტონის კოჭისთვის

დაძაბული ან დაუძაბავია	ბეტონის შემვსების ტიპი	კოჭის სიგანებ (სმ)	ცეცხლმედეგობის ხარისხი (სთ)
			1	1.5	2	3	4
	კარბონატი ან კრემნიუმი	20	3.8	3.8	3.8	4.5ა	6.4ა
	კარბონატი ან კრემნიუმი	≥ 30	3.8	3.8	3.8	3.8	4.8ა
დაძაბული	ქვიშა, მსუბუქწონიანი	20	3.8	3.8	3.8	3.8	5.0ა
	ქვიშა, მსუბუქწონიანი	≥ 30	3.8	3.8	3.8	3.8	4.2ა
	კარბონატი ან კრემნიუმი	20	3.8	4.5	6.4	12.7გ	—
დაუძაბავი	კარბონატი ან კრემნიუმი	≥ 30	3.8	3.8	4.8ა	6.4	7.6
	ქვიშა, მსუბუქწონიანი	20	3.8	3.8	5.0	8.3	—
	ქვიშა, მსუბუქწონიანი ა	≥ 30	3.8	3.8	4.1	5.0	6.4

ა.    დაძაბული კონსტრუქციებისათვის ცხრილში მოცემული სიდიდეები ეხება კოჭებს, რომლებიც ცენტრიდან დაშორებულია 1.2 მ ან ნაკლები მანძილით. ცენტრიდან 1.2 მ ან ნაკლები მანძილით დაშორებული დაძაბული კოჭებისთვის 1.9 სმ-ის მინიმალური საფარი ადექვატურია 4 სთ ან ნაკლები ხარისხისა.

ბ.   20 სმ – 30 სმ-ის სიგანის კოჭისათვის საფარის მინიმალური სისქე შეიძლება განისაზღვროს პირდაპირი ინტერპოლაციით.

გ.    გამოუსადეგარი 20 სმ სიგანის კოჭისათვის, მაგრამ ნაჩვენები ინტერპოლაციისთვის.

ცხრილი 722.2.3(5)

მინიმალური საფარი ყველანაირი სიგანის წინასწარდაძაბული ბეტონის კოჭისთვის

დაძაბული ან დაუძაბავია	ბეტონის შემვსების ტიპი	კოჭის ფართობიბ A (სმ2)	ცეცხლმედეგობის ხარისხი (სთ)
			1	1.5	2	3	4
დაძაბული	ყველა	258≤ A ≤968	3.8	3.8	5.0	6.4	—
	კარბონატი ან კრემნიუმი	968< A ≤ 1936	3.8	3.8	3.8	4.5	6.4
		1936< A	3.8	3.8	3.8	3.8	5.0
	მსუბუქი ქვიშა	968< A	3.8	3.8	3.8	3.8	5.0
დაუძაბავი	ყველა	258≤ A ≤968	5.0	6.4	—	—	—
	კარბონატი ან კრემნიუმი	968< A ≤1936	3.8	4.5	6.4	—	—
		1936< A	3.8	3.8	5.0	7.6g	10.0g
	მსუბუქი ქვიშა	968< A	3.8	3.8	5.0	7.6g	10.0g

ა.    დაძაბული კონსტრუქციებისათვის ცხრილში მოცემული სიდიდეები ეხება კოჭებს, რომლებიც ცენტრიდან დაშორებულია 1.2 მ ან ნაკლები მანძილით. ცენტრიდან 1.2 მ ან ნაკლები მანძილით დაშორებული დაძაბული კოჭებისთვის 1.9 სმ-ის მინიმალური საფარი ადექვატურია 4 სთ ან ნაკლები ხარისხისა.

ბ.   ზედა ნაწილში ნაშვერებიანი კოჭის ტანის განივი კვეთის ფართობი დასაშვებია მოიცავდეს შვერილის ფართობის ნაწილს, თუ გამოთვლისას გამოყენებული შვერილის სიგანე სამჯერ აღემატება ტანის საერთო სიგანეს.

გ.  უნდა მოეწყოს U-ფორმის ან ფოლადის რკალები, რომლებიც მოთავსებულია ისე, რომ არ აღემატება ერთეულის სიგანეს და რომელთა საფარის მინიმალური სისქეა 2.5 სმ-ი.

722.2.4 ბეტონის სვეტები. ბეტონის სვეტები უნდა შეესაბამებოდეს ამ ქვეთავს.

ცხრილი 722.2.4

ბეტონის სვეტების მინიმალური ზომები (სმ-ში)

ბეტონის ტიპები	ცეცხლმედეგობის ხარისხი (სთ)
	1	1.5	2ა	3ა	4ბ
კრემნიუმი	20	23	25	30	35
კარბონატი	20	23	25	28	30
მსუბუქი ქვიშა	20	22	23	27	30

ა.    მინიმალური ზომა დასაშვებია შემცირდეს 20 სმ-მდე მართკუთხა სვეტების შემთხვევაში, რომელთაც აქვთ 90 სმ სიგრძის ორი პარალელური გვერდი.

ბ.   მინიმალური ზომა დასაშვებია შემცირდეს 25 სმ-მდე მართკუთხა სვეტების შემთხვევაში, რომელთაც აქვთ 90 სმ სიგრძის ორი პარალელური გვერდი.

722.2.4.1 მინიმალური ზომა. გაძლიერებული ბეტონის სვეტების მინიმალური საერთო ზომები, 1-დან 4 საათამდე ცეცხლმედეგობის ხარისხების შემთხვევაში, როცა ცეცხლი ზემოქმედებს ყველა მხრიდან, უნდა შეესაბამებოდეს ამ ქვეთავს.

722.2.4.1.1 82,7 მპა ან ნაკლები სიმტკიცის ბეტონი. სვეტებისთვის, რომლებიც აგებულია ბეტონით, რომლის განსაზღვრული კუმშვისადმი სიმტკიცე, f´c, ნაკლებია ან ტოლია 82,7 მეგაპასკალის, მინიმალური ზომა უნდა შეესაბამებოდეს 722.2.4 ცხრილს.

722.2.4.1.2 82,7 მპა-ზე მეტი სიმტკიცის ბეტონი. სვეტებისთვის, რომლებიც აგებულია ბეტონით, რომლის განსაზღვრული კუმშვისადმი სიმტკიცე, f´c, 82,7 მეგაპასკალზე მეტია, 1-დან 4 საათამდე ცეცხლმედეგობის ხარისხების შემთხვევაში, მინიმალური ზომა უნდა იყოს 60 სმ.

722.2.4.2 მინიმალური საფარი R/C სვეტებისთვის. სვეტებში მთავარი გრძივი გამაძლიერებლის ბეტონის საფარის მინიმალური სისქე, მიუხედავად ბეტონში გამოყენებული შემვსების ტიპისა და ბეტონის განსაზღვრული კუმშვისადმი სიმტკიცისა, f´c, არ უნდა იყოს ნაკლები 2.5 სმ-ზე,  ნაკლები აუცილებელ ცეცხლმედეგობის ხარისხზე ან 5 სმ-ზე, რომელიც ნაკლებია.

722.2.4.3 სამაგრი და სპირალური გამაძლიერებელი. სვეტებისთვის, რომლებიც აგებულია ბეტონით, რომლის განსაზღვრული კუმშვისადმი სიმტკიცე, f´c, 82,7 მეგაპასკალზე მეტია, სამაგრი და სპირალური გამაძლიერებელი უნდა შეესაბამებოდეს შემდეგს:

1.    მართკუთხა სამაგრების თავისუფალი ბოლოები უნდა მთავრდებოდეს 135°-იანი სტანდარტული სამაგრი კაუჭით.

2.    წრიული სამაგრების თავისუფალი ბოლოები უნდა მთავრდებოდეს 90°-იანი სტანდარტული სამაგრი კაუჭით.

3.    სპირალების, მათ შორის, პირგადადებული გადაბმების, თავისუფალი ბოლოები უნდა მთავრდებოდეს 90°-იანი სტანდარტული სამაგრი კაუჭით.

სამაგრებისა და სპირალების თავისუფალ ბოლოებთან კაუჭი უნდა გრძელდებოდეს ექვსი ფოლადის წნელის დიამეტრზე მეტად და ACI 318-ის 7.1.3 ქვეთავში მოთხოვნილის შესაბამისად. კაუჭები უნდა შედიოდეს სვეტის გულში.

722.2.4.4 კედლებში ჩაშენებული სვეტები. 722.2.4 ცხრილში მოცემული მინიმალური ზომები არ ეხება გაძლიერებული ბეტონის სვეტს, რომელიც ჩაშენებულია ბეტონის ან წყობით ნაგებ კედელში, თუ დაკმაყოფილებულია ქვემოთ ჩამოთვლილი ყველა პირობა:

1.    კედლის ცეცხლმედეგობის ხარისხი ტოლია ან მეტია სვეტისათვის აუცილებელ ხარისხზე;

2.    სვეტის მთავარი გრძივი გამაძლიერებლის ბეტონის საფარი არ არის ნაკლები 722.2.4.2 ქვეთავში გათვალისწინებულზე;

3.    კედელში დატანებული ღიობები დაცულია 716.5 ცხრილის შესაბამისად.

სადაც კედლის ღიობები არ არის დაცული 716.5 ქვეთავის შესაბამისად, ისეთი სვეტების მინიმალური ზომა, რომელთაც მოეთხოვება 3 ან ნაკლები-საათიანი ცეცხლმედეგობის ხარისხი, უნდა იყოს 20 სმ, ხოლო სვეტების, რომელთაც მოეთხოვება 4-საათიანი ცეცხლმედეგობის ხარისხი – 26 სმ, მიუხედავად იმისა, რა ტიპის შემვსებია გამოყენებული ბეტონში.

722.2.4.5 წინასწარფორმირებული საფარის ნაწილები ფოლადის სვეტებისთვის. იხილეთ ქვეთავი 722.5.1.4.

722.3 ბეტონის წყობა. ამ ქვეთავის დებულებები შეიცავს პროცედურებს, რომელთა საშუალებითაც გამოითვლება ბეტონის წყობის ცეცხლმედეგობის ხარისხი.

722.3.1 ეკვივალენტური სისქე. ბეტონის წყობის კონსტრუქციის ეკვივალენტური სისქე უნდა განისაზღვროს ამ ქვეთავის დებულებების შესაბამისად.

722.3.1.1 ბეტონის წყობას დამატებული მოპირკეთება. ბეტონის წყობის ანაწყობების ეკვივალენტურ სისქეს, T_ea, წარმოადგენს 722.3.1.2, 722.3.1.3 ან 722.3.1.4 ქვეთავებში განსაზღვრული ბეტონის წყობის ეკვივალენტური სისქისა, T_e, და 722.3.2 ქვეთავის შესაბამისად განსაზღვრული მოპირკეთების ეკვივალენტური სისქის, T_ef, ჯამი.

T_ea = T_e + T_ef                                                                     (განტოლება 7-6)

722.3.1.2 კონსტრუქცია წვრილ შემავსებლიანი ბეტონის გარეშე ან ნაწილობრივ წვრილ შემავსებლიანი ბეტონით. T_e უნდა იყოს სიდიდე, რომელიც გამოითვლება ბეტონის წყობისთვის ASTM C 140-ის შესაბამისად.

722.3.1.3 წვრილ შემავსებლიანი ბეტონით მთლიანად შევსებული კონსტრუქცია. მთლიანად წვრილ შემავსებლიანი ბეტონით შევსებული ბეტონის წყობის ერთეულის, T_e,  ეკვივალენტური სისქე არის ერთეულის რეალური სისქე.

722.3.1.4 თბოსაიზოლაციო მასალით ამოვსებული სიცარიელეები და უჯრედები. მთლიანად ამოვსებული ბეტონის წყობის ეკვივალენტური სისქე წარმოადგენს ერთეულის რეალურ სისქეს, თუ თბოსაიზოლაციო მასალად გამოყენებულია: ქვიშა, მარცვლოვანი ხრეში, დამსხვრეული ქვა ან წიდა, რომელიც აკმაყოფილებს ASTM C 33-ის მოთხოვნებს; პემზა, ხენჯი, აფუებული თიხიანი ფიქალი, აფუებული თიხა, აფუებული ასპიდური ფიქალი, აფუებული წიდა, აფუებული ნახშირის მტვერი ან ნაცარი, რომლებიც შეესაბამება ASTM C 331-ს; ან პერლიტი ან ვერმიკულიტი, რომელიც აკმაყოფილებს ASTM C 549-ისა და ASTM C 516-ის მოთხოვნებს.

722.3.2 ბეტონის წყობის კედლები. ბეტონის წყობის კედლებისა და ტიხრების ცეცხლმედეგობის ხარისხი უნდა განისაზღვროს 722.3.2 ცხრილის მიხედვით. ხარისხი გამომდინარეობს წყობის სისქიდან და გამოყენებული შემვსების ტიპიდან.

ცხრილი 722.3.2

ბეტონის წყობის მზიდი ან არამზიდი კედლების მინიმალური ეკვივალენტური სისქე (სმ-ში)^{ა,ბ,გ,დ}

შემვსების ტიპი	ცეცხლმედეგობის ხარისხი (სთ)
	0.5	3/4	1	11/4	1.5	13/4	2	21/4	2.5	23/4	3	31/4	31/2	33/4	4
პემზის წიდა ან აფუებული წიდა	3.8	4.8	5.3	6.4	6.9	7.6	8.2	8.6	9.1	9.6	10.0	10.7	11.2	11.4	11.9
აფუებული თიხიანი ფიქალი, თიხა ან ასპიდური ფიქალი	4.6	5.6	6.6	7.4	8.4	8.6	9.0	9.7	10.2	10.7	11.2	11.7	12.2	12.5	12.9
კირქვა, ნაცარი ან აფუებული წიდა	4.8	5.8	6.8	7.9	8.6	9.4	10.0	10.9	11.4	12.2	12.7	13.2	14.0	14.5	15.0
კარბონატის ან კრემნიუმის ხრეში	5.0	6.1	7.1	8.1	9.1	9.9	10.7	11.4	12.2	12.7	13.5	14.0	14.7	15.2	15.8

ა.    ცხრილში ნაჩვენებ სიდიდეებს შორის სიდიდის განსაზღვრა შესაძლებელია პირდაპირი ინტერპოლაციით.

ბ.   თუ წვადი ერთეულები კედელშია ჩაშენებული, მთლიანი მასალის სისქე თითოეული ერთეულის ბოლოსა და კედლის მოპირდაპირე მხარეს შორის, ან მოპირდაპირე მხარეებში ჩამჯდარ ერთეულებს შორის ან უნდა იყოს ცხრილში მოცემული სისქის 93%-ზე ნაკლები.

გ.    გამოიყენება ASTM C 55, ASTM C 73 ან ASTM C 90 მოთხოვნები.

დ. მინიმალური აუცილებელი ეკვივალენტური სისქე, რომელიც საათობრივად შეესაბამება  კომბინირებული შემავსებლის მქონე ნაწილების ცეცხლმედეგობის ხარისხს, უნდა განისაზღვროს ხაზობრივი ინტერპოლაციით წარმოებაში გამოყენებული თითოეული შემავსებლის მოცულობის პროცენტული წილის საფუძველზე.

722.3.2.1 ცეცხლის ზემოქმედების ქვეშ არმყოფი მხარის მოპირკეთება. თუ ბათქაში ან თაბაშირის ფილა გამოყენებულია კედლის იმ მხარეს, რომელიც არ განიცდის ცეცხლის ზემოქმედებას, მოპირკეთების წილი ცეცხლმედეგობის ხარისხში უნდა გამოითვალოს შემდეგნაირად: თაბაშირის ფილის ან ბათქაშის სისქე უნდა გასწორდეს მოპირკეთების რეალური სისქის გამრავლებით 722.2.1.4(1) ცხრილში მოცემულ ხარისხზე. მოპირკეთების ასეთი გასწორებული სისქე უნდა დაემატოს წყობისა და მოპირკეთების ცეცხლმედეგობის ხარისხს, რომელიც განსაზღვრულია 722.3.2 ცხრილის მიხედვით.

722.3.2.2 ცეცხლის ზემოქმედების ქვეშ მყოფი მხარის მოპირკეთება. თუ ბათქაში ან თაბაშირის ფილა გამოყენებულია კედლის იმ მხარეს, რომელიც განიცდის ცეცხლის ზემოქმედებას, მოპირკეთების წილი ცეცხლმედეგობის ხარისხში უნდა გამოითვალოს შემდეგნაირად: 722.2.1.4(2) ცხრილის მიხედვით მოპირკეთებისათვის განსაზღვრული ცეცხლმედეგობის დრო უნდა დაემატოს 722.3.2 ქვეთავში მხოლოდ წყობისათვის განსაზღვრულ ცეცხლმედეგობის ხარისხს, ან 722.3.2.1 ქვეთავში ცეცხლის ზემოქმედების ქვეშ მყოფ მხარეს მდებარე წყობისა და მოპირკეთებისათვის განსაზღვრულ ცეცხლმედეგობის ხარისხს.

722.3.2.3 ცეცხლმედეგობის მიხედვით ასიმეტრიული კონსტრუქციები. ისეთი კედლის შემთხვევაში, რომელსაც მხოლოდ ერთ მხარეს აქვს მოპირკეთება ან სხვადასხვა ტიპის ან განსხვავებული სისქის მოპირკეთება აქვს ყველა მხარეს, ამ ქვეთავში განსაზღვრული პროცედურები ორჯერ უნდა ჩატარდეს და კედლის ორივე მხარე ცეცხლის ზემოქმედების ქვეშ მყოფად უნდა ჩაითვალოს. კედლის ცეცხლმედეგობის ხარისხი არ უნდა აღემატებოდეს ამ ორი სიდიდიდან უფრო დაბალს.

გამონაკლისი: გარე კედლებისთვის, რომელთა ხანძარსაწინააღმდეგო მანძილი აღემატება 1.5 მ-ს, ცეცხლის ზემოქმედება მოსალოდნელია მხოლოდ შიგა მხარეს.

722.3.2.4 ბეტონის წყობის ცეცხლმედეგობის მინიმალური ხარისხი. თუ ბეტონის წყობის მოპირკეთება მოქმედებს ცეცხლმედეგობის ხარისხზე, მარტო წყობის წილი უნდა იყოს საერთო ცეცხლმედეგობის ხარისხის არაუმცირეს ნახევარი.

722.3.2.5 მოპირკეთების დამაგრება. მოპირკეთება შემდეგნაირად მოწყობა:

1.    ბეტონის წყობაზე ან ბეტონის კედელზე გამოყენებული თაბაშირის ფილა ან თაბაშირის ყავარი უნდა დამაგრდეს ხით ან ფოლადით მოლარტყულ ნაწილებზე, რომლებიც ცენტრიდან დაშორებულია არაუმეტეს 40 სმ-ით.

2.    თაბაშირის ფილა გრძელი მხრიდან დასაშვებია მოეწყოს ფოლადით მოლარტყული ერთეულების პარალელურად და მისი ყველა გადაბმა მოპირკეთებული უნდა იყოს.

3.    მოპირკეთების მოწყობის სხვა ასპექტები  უნდა აკმაყოფილებდეს მე-7 და 25-ე თავების შესაბამის დებულებებს.

722.3.3 რამდენიმე შვეულ რიგიანი წყობის კედლები. ისეთი კედლების ანაწყობების ცეცხლმედეგობის ხარისხი, რომლებიც შედგება წყობის რამოდენიმე შვეული რიგისგან, დასაშვებია ეფუძვნებოდეს თითოეული შვეული რიგისა და თითოეულ შვეულ რიგს შორის არსებული უწყვეტი საჰაერო სივრცის ცეცხლმედეგობის ხარისხის პერიოდს, შემდეგი განტოლების შესაბამისად:

R_A = (R₁^0,59 +R₂^0,59 + R_n^0,59 +  A₁ + A₂ + . + A_n )^1,7  (განტოლება 7-7)

სადაც:

R_A= კონსქტრუქციის ცეცხლმედეგობის ხარისხი (სთ).

R₁, R₂, .. R_n= შვეული რიგების ცეცხლმედეგობის ხარისხი 1,2,n-თვის (სთ).

A₁, A₂, .. A_n= 0,30, ხარისხი თითოეული უწყვეტი საჰაერო სივრცისთვის 1,2, .. n-თვის, შესაბამისად, რომლის სიღრმე შვეულ რიგებს შორის 1.3 სმ ან მეტია.

722.3.4 ბეტონის წყობის ზღუდარები. ბეტონის წყობის ზღუდარების ცეცხლმედეგობის ხარისხი უნდა განისაზღვროს ზღუდარის ნომინალური სისქისა და მთავარი გამაძლიერებელი ფოლადის წნელების დასაფარად გამოყენებული ბეტონის წყობის ან ბეტონის, ან მათი კომბინაციის მინიმალური სისქის საფუძველზე, როგორც განსაზღვრულია 722.3.4 ცხრილში, ან სხვა ნებადართული ალტერნატიული მეთოდით.

ცხრილი 722.3.4

გრძივი გამაძლიერებლის მინიმალური საფარი ცეცხლმედეგობის ხარისხის მქონე გაძლიერებული ბეტონის წყობის ზღუდარებისთვის (სმ-ში)

ზღუდარის ნომინალური სიგანე (სმ-ში)	ცეცხლმედეგობის ხარისხი (სთ)
	1 სთ	2 სთ	3 სთ	4 სთ
15.0	3.8	5.0	—	—
20.0	3.8	3.8	4.5	7.6
25.0-ზე მეტი	3.8	3.8	3.8	4.5

722.3.5 ბეტონის წყობის სვეტები. ბეტონის წყობის სვეტების ცეცხლმედეგობის ხარისხი უნდა განისაზღვროს სვეტისთვის გეგმაში გათვალისწინებული ყველაზე მცირე ზომის საფუძველზე 722.3.5 ცხრილის შესაბამისად, ან სხვა ნებადართული ალტერნატიული მეთოდით.

ცხრილი 722.3.5

ბეტონის წყობის სვეტების მინიმალური ზომა (სმ-ში)

ცეცხლმედეგობის ხარისხი (სთ)
1 სთ	2 სთ	3 სთ	4 სთ
20 სმ	25 სმ	30 სმ	35 სმ

722.4 თიხის აგურის და ფილის წყობა. ამ ქვეთავის დებულებები მოიცავს პროცედურებს, რომლებიც გამოიყენება თიხის აგურისა და ფილის წყობის ცეცხლმედეგობის ხარისხის გამოსათვლელად.

722.4.1 წყობით აგებული კედლები. წყობით აგებული კედლების ცეცხლმედეგობის ხარისხი უნდა გამომდინარეობდეს ეკვივალენტური სისქიდან, რომელიც გამოთვლილია ამ ნაწილის შესაბამისად. გამოთვლაში გათვალისწინებულია კედლის მოპირკეთება და რამდენიმე შვეულ რიგიანი კონსტრუქციის შვეულ რიგებს შორის არსებული ცარიელი სივრცეები.

722.4.1.1 ეკვივალენტური სისქე. მასიური ან ღრუტანიანი თიხის წყობის ერთეულებით აგებული კედლების ან ტიხრების ცეცხლმედეგობის ხარისხები უნდა გამოითვალოს 722.4.1(1) ან 722.4.1(2) ცხრილის მიხედვით. თიხის წყობის ერთეულების ეკვივალენტური სისქე უნდა გამოითვალოს 7-8 განტოლების მიხედვით, 722.4.1(1) ცხრილის გამოყენების შემთხვევაში. 722.4.1(1) ცხრილის მიხედვით დადგენილი ცეცხლმედეგობის ხარისხის გამოყენება დასაშვებია 722.4.2 ქვეთავში განსაზღვრული ცეცხლმედეგობის ხარისხის გამოთვლის პროცედურებში.

T_e = V_n/LH                                                      (განტოლება 7-8)

სადაც:

T_e  = თიხის წყობის ერთეულების ეკვივალენტური სისქე (სმ).

V_n  = თიხის წყობის ერთეულების სუფთა მოცულობა (სმ³).

L   = თიხის წყობის ერთეულების განსაზღვრული სიგრძე (სმ).

H  = თიხის წყობის ერთეულების განსაზღვრული სიმაღლე (სმ).

722.4.1.1.1 ღრუტანიანი თიხის ერთეულები. ეკვივალენტური სისქე, T_e, უნდა იყოს სიდიდე, რომელიც გამოთვლილია ღრუტანიანი თიხის ერთეულებისათვის 7-8 განტოლების მიხედვით. ერთეულების სუფთა მოცულობა, V_n, უნდა განისაზღვროს მთლიანი მოცულობისა და  ASTM C 67-ის შესაბამისად განსაზღვრული ღრუს ფართობების პროცენტული მაჩვენებლის გამოყენებით.

722.4.1.1.2 წვრილშემავსებლიანი ბეტონით მთლიანად ამოვსებული თიხის ერთეულები. წვრილშემავსებლიანი ბეტონით მთლიანად ამოვსებული თიხის ერთეულების ეკვივალენტური სისქე დასაშვებია ჩაითვალოს ერთეულის (ბლოკის) რეალურ სისქედ.

722.4.1.1.3 ერთეულები ამოვსებული გულებით. ღრუტანიანი თიხის წყობის ერთეულების ეკვივალენტური სისქე არის ერთეულის რეალური სისქე, თუ ის ამოვსებულია შემდეგი თბოსაიზოლაციო მასალებით: ქვიშა, მარცვლოვანი ხრეში, დამსხვრეული ქვა ან წიდა, რომელიც აკმაყოფილებს ASTM C 33-ის მოთხოვნებს; პემზა, ხენჯი, აფუებული თიხიანი ფიქალი, აფუებული თიხა, აფუებული ასპიდური ფიქალი, აფუებული წიდა, აფუებული ნახშირის მტვერი ან ნაცარი, რომლებიც შეესაბამება ASTM C 331-ს; ან პერლიტი ან ვერმიკულიტი, რომელიც აკმაყოფილებს ASTM C 549-ისა და ASTM C 516-ის მოთხოვნებს.

722.4.1.2 ბათქაშით მოპირკეთება. თუ კედელზე გამოყენებულია ბათქაში, ცეცხლმედეგობის ხარისხი უნდა განისაზღვროს შემდეგი განტოლებით:

R= (R_n^0,59 +  pl)^1,7                                                                         (განტოლება 7-9)

სადაც:

R  = ანაწყობის ცეცხლმედეგობის ხარისხი (სთ).

R_n= ცალკეული კედლის ცეცხლმედეგობის ხარისხი (სთ).

pl = კოეფიციენტი ბათქაშის სისქეებისათვის.

7-9 განტოლებაში გამოყენებული სიდიდეები R_n 0,59-თვის მოცემულია ცხრილში 722.4.1(3). ბათქაშის სისქის ხარისხები უნდა შეირჩეს ცხრილიდან 722.4.1(4) კედელზე ან ტიხარზე გამოყენებული ბათქაშის რეალური სისქის საფუძველზე და იმისდა მიხედვით, კედლის რამდენი მხარეა მობათქაშებული – ერთი თუ ორივე.

722.4.1.3 რამდენიმე შვეულ რიგიანი კედლები ცარიელი სივრცეებით. თუ კედლის ან ტიხარის შვეული რიგები გამიჯნულია უწყვეტი ცარიელი სივრცით, საერთო ცეცხლმედეგობის ხარისხი გამოითვლება შემდეგი განტოლებით:

R = (R₁^0,59 +R₂^0,59 +   . + R_n^0,59 + as )^1,7                                     (განტოლება 7-10)

სადაც:

R  =  ანაწყობის ცეცხლმედეგობის ხარისხი (სთ).

R_1,  R₂ დაR_n = ცალკეული შვეული რიგების ცეცხლმედეგობის ხარისხი (სთ).

as =  კოეფიციენტი უწყვეტი ცარიელი სივრცისათვის.

7-10 განტოლებაში გამოყენებული სიდიდეები R_n 0,59-თვის მოცემულია ცხრილში 722.4.1(3). კოეფიციენტი ცალკეული შვეული რიგების გამმიჯნავი თითოეული 1.3 – 8.9 სმ ზომის უწყვეტი საჰაერო სივრცისათვის, უნდა იყოს 0,3.

ცხრილი 722.4.1(1)

თიხის წყობის კედლების ცეცხლმედეგობის პერიოდი

მასალის ტიპი	ცეცხლმედეგობისთვის აუცილებელი მინიმალური ეკვივალენტური სისქეა,ბ,გ (სმ-ში)
	1 საათი	2 საათი	3 საათი	4 საათი
თიხის ან თიხიანი ფიქალის მთლიანი აგურიდ	6.9	9.6	12.4	15.2
ღრუტანიანი აგური ან თიხის ან თიხიანი ფიქალის ფილა, შეუვსებელი	5.8	8.6	10.9	12.7
ღრუტაიანი აგური ან თიხის ან თიხიანი ფიქალის ფილა, ამოვსებული 722.4.1.1.3 ქვეთავში განსაზღვრული მასალებით	7.6	11.2	14.0	16.8

ა. 722.4.1.1 ქვეთავში განსაზღვრული ეკვივალენტური სისქე.

ბ. გამოთვლილი ცეცხლმედეგობა საათობრივ ზრდებს შორის, უნდა განისაზღვროს ხაზოვანი ინტერპოლაციით.

გ. თუ წვადი ნაწილები კედელშის კარკასშია ჩაშენებული, თითოეული ნაწილის ბოლოსა და კედლის მოპირდაპირე მხარეს შორის მდებარე  მასალის მთლიანი სისქე არ უნდა იყოს ნაჩვენები სისქის 93%-ზე ნაკლები.

დ. ნაწილებისთვის, რომელშიც ღრუტანიანი აგურის განივი კევთის სუფთა ფართობი ზედაპირის პარალელურ ნებისმიერ სიბრტყეში, რომელიც შეიცავს ღრუტანს, არის იმავე სიბრტყეში გაზომილი განივი კვეთის საერთო ფართობის მინიმუმ 75%.

 

ცხრილი 722.4.1(2)

ცეცხლმედეგობის ხარისხი მზიდი ფოლადის ჩარჩოიანი აგურის კედლების ან ტიხრებისთვის

კედლის ან ტიხრის კონსტრუქცია	ცეცხლის ზემოქმედების ქვეშ მყოფი ბათქაშიანი მხარე (სთ)	ცეცხლის ზემოქმედების ქვეშ მყოფი აგურის სახიანი მხარე (სთ)
ფოლადის დგარის გარეთა პირი: 1.25 სმ ხის მერქანბოჭკოვანი ფენილი დგარის გვერდით, 1.9   მმ თავისუფალი სივრცე, რომელიც წარმოიქმნება 1.9 სმ × 4.1 სმ ხის თამასებით, რომლებიც მდებარეობს მერქანბოჭკოვანი ფილის თავზე და დამაგრებულია დგარზე; ასეთ ზოლებზე ლურსმნებით დამაგრებული ლითონის ან მავთულის ბადე, 9.5 სმ აგურის საფარი, აგურსა და ბადეს შორის არსებული სიცარიელის შევსება 1.9 სმ დუღაბით. დგარის შიგა პირი: 1.9 სმ უქვიშო თაბაშირის ბათქაში ლითონის ან მავთულის ბადეზე, რომელიც მიმაგრებულია 7,94 სმ დგარის კიდეებზე დამაგრებულ ხის თამასებზე.	1,5	4
ფოლადის დგარის გარეთა პირი: 2.5 სმ დგარზე მიმაგრებული საიზოლაციო რფენილი, 2.5 სმ თავისუფალი სივრცე და 9.5 სმ აგურის საფარი, რომელიც მიმაგრებულია ფოლადის კარკასზე ლითონის სამაგრებით ყოველ მე-5 ფენაში.  დგარის შიგა პირი: 2.2 სმ ქვიშიანი თაბაშირის ბათქაში (1:2 შერევით), რომელიც გამოიყენება პირდაპირ დგარზე მიმაგრებულ ლითონის ან მავთულის ბადეზე.	1,5	4
იგივე, რაც ზემოთ, გარდა 2.2  სმ ვერმიკულიტი-თაბაშირის ბათქაშის ან 2.5 სმ ქვიშიანი თაბაშირის ბათქაშის გამოყენებისას (1:2 შერევით) ლითონზე ან მავთულზე.	2	4
ფოლადის დგარის გარეთა პირი: 1.25 სმ თაბაშირის ფენილი, მიმაგრებული დგარზე და 9.5 სმ აგურის  საფარი, რომელიც მიმაგრებულია ფოლადის კარკასზე ლითონის სამაგრებით ყოველ მე-5 ფენაში დგარის შიგა პირი: 1.3 სმ ქვიშიანი თაბაშირის ბათქაში (1:2 შერევით), რომელიც გამოიყენება1.3 სმ პერფორირებულ თაბაშირის ბადეზე, რომელიც კარგადაა დამაგრებული დგარზე და რომელსაც აქვს 7.6 სმ-ის სიგანის ზოლები და გამოიყენება თაბაშირის  ბადის ყველა თარაზულ ბმულთან.	2	4

ცხრილი 722.4.1(3)
R_n^0,59-ის სიდიდეები

Rn 0,59	R (სთ)
1	1.0
2	1.5
3	1.91
4	2.27

ცხრილი 722.4.1(4)
კოეფიციენტები ბათქაშისათვის, pl^ა

ბათქაშის სისქე (სმ)	ერთი მხარე	ორი მხარე
1.3	0.3	0.6
1.6	0.37	0.75
1.9	0.45	0.9

ა. ცხრილში ჩამოთვლილი სიდიდეები არის 1:3 ქვიშიანი თაბაშირის ბათქაშისთვის.

ცხრილი 722.4.1(5)

გაძლიერებული წყობის ზღუდარები

ზღუდარის ნომინალური სიგანე (სმ)	გრძივი გამაძლიერებლის მინიმალური საფარი ცეცხლმედეგობის უზრუნველსაყოფად (მმ)
	1 სთ	2 სთ	3 სთ	4 სთ
15	3.8	5.0	დაუშვებელია	დაუშვებელია
20	3.8	3.8	4.5	7.6
25 ან მეტი	3.8	3.8	3.8	4.5

ცხრილი 722.4.1 (6)
გაძლიერებილი თიხის ბლოკებით ნაგები სვეტები

სვეტის ზომა	ცეცხლმედეგობის ხარისხი (სთ)
	1 სთ	2 სთ	3 სთ	4 სთ
სვეტის მინიმალური ზომა (სმ)	20	25	30	35

722.4.1.4 ცეცხლმედეგობის მიხედვით ასიმეტრიული ანაწყობები. ისეთი კედლის შემთხვევაში, რომელსაც მხოლოდ ერთ მხარეს აქვს მოპირკეთება ან სხვადასხვა ტიპის ან განსხვავებული სისქის მოპირკეთება აქვს ყველა მხარეს, ამ ქვეთავის პროცედურები ორჯერ უნდა ჩატარდეს და კედლის ორივე მხარე ცეცხლის ზემოქმედების ქვეშ მყოფად უნდა ჩაითვალოს. კედლის ცეცხლმედეგობის ხარისხი არ უნდა აღემატებოდეს ამ ორი სიდიდიდან უფრო დაბალს.

გამონაკლისი: გარე კედლებისთვის, რომელთა ხანძარსაწინააღმდეგო მანძილი აღემატება 1.5 მ-ს, ცეცხლის ზემოქმედება მოსალოდნელია მხოლოდ შიგა მხარეს.

722.4.2 რამდენიმე შვეულ რიგიანი კედლები. ორი ან მეტი განსხვავებული შვეული რიგის მქონე კედლების ან ტიხრებისათვის ცეცხლმედეგობის ხარისხი უნდა გამოითვალოს შემდეგი განტოლებით:

R = (R₁^0,59 +R₂^0,59 +   . + R_n^0,59 )^1,7                                               (განტოლება 7-11)

სადაც:

R             = ანაწყობის ცეცხლმედეგობის ხარისხი (სთ).

R_1,  R₂daR_n  =  ცალკეული შვეული რიგების ცეცხლმედეგობის ხარისხი (სთ).

7-11 განტოლებაში გამოყენებული სიდიდეები R_n^0,59-თვის მოცემულია ცხრილში 722.4.1(3).

722.4.2.1 სხვდასხვა მასალით აგებული რამდენიმე შვეულ რიგიანი კედლები. კედლებისთვის, რომლებიც შეიცავს სხვადასხვა მასალისა (ბეტონით ან ბეტონის წყობის ერთეულებით) და თიხის წყობის ერთეულების კომბინაციით აგებულ ორ ან მეტ შვეულ რიგს, სხვადასხვა მასალების ცეცხლმედეგობის ხარისხი შეიძლება გამოითვალოს 722.2.1.1 ცხრილის (ბეტონისთვის), 722.3.2 ცხრილის (ბეტონის წყობის ერთეულებისთვის) ან 722.4.1(1) ან 722.4.1(2) ცხრილის (თიხისა და ფილის წყობის ერთეულებისათვის) მიხედვით.

722.4.3 გაძლიერებული თიხის წყობის ზღუდარები. თიხის წყობის ზღუდარების ცეცხლმედეგობის ხარისხი უნდა განისაზღვროს ზღუდარის ნომინალური სიგანისა და გრძივი გამაძლიერებლის მინიმალური საფარის საფუძველზე 722.4.1(5) ცხრილის შესაბამისად.

722.4.4 გაძლიერებული თიხის წყობის სვეტები. ცეცხლმედეგობის ხარისხები განისაზღვრება ბოლო გეგმაში გათვალისწინებული სვეტის ზომის საფუძველზე 722.4.1(6) ცხრილის შესაბამისად. გრძივი გამაძლიერებლის საფარის მინიმალური სისქე უნდა იყოს 5 სმ.

722.5 ფოლადის ანაწყობები. ამ ქვეთავის დებულებები მოიცავს პროცედურებს, რომელთა მიხედვითაც, გამოთვლების საფუძველზე, განისაზღვრება ფოლადის ანაწყობების ცეცხლმედეგობის ხარისხი.

722.5.1 სტრუქტურული ფოლადის სვეტები. ფოლადის სვეტების ცეცხლმედეგობის ხარისხები დამოკიდებულია დამცავი ელემენტის ზომასა და ტიპზე და განისაზღვრება ამ ნაწილის შესაბამისად.

722.5.1.1 ზოგადი. ეს პროცედურები ქმნის საფუძველს სვეტის ანაწყობის ცეცხლმედეგობის დასადგენად, რაც გამომდინარეობს ფოლადის სვეტების ცეცხლმედეგი მასალის სისქიდან, წონიდან, W, და გაცხელებული პერიმეტრიდან, D. ამ ნაწილებში W წარმოადგენს სტრუქტურული ფოლადის სვეტების საშუალო წონას კგ-ში ერთ მეტრზე. გაცხელებული პერიმეტრი, D, არის ცეცხლმედეგი მასალის შიგა მხარის პერიმეტრი მილიმეტრებში, როგორც ნაჩვენებია სურათზე 722.5.1(1).

722.5.1.1.1 არამზიდი დამცავი. ამ პროცედურების გამოყენება დასაშვებია მხოლოდ ისეთი სვეტების კონსტრუციებთან, სადაც ცეცხლმედეგი მასალის დაგეგმარება (დიზაინი) არ არის შესრულებული იმგვარად, რომ დაიჭიროს სვეტებზე მოქმედი რაიმენაირი დატვირთვა.

 

       სურათი. 722.5.1(1)

სტრუქტურული ფოლადის სვეტების გაცხელებადი პერიმეტრის განსაზღვრა

722.5.1.1.2 ჩასმა. თუ ცეცხლმედეგობის ტესტი სათანადო შედეგებს არ გვაძლევს, არხები, გაყვანილობა, მილები და მსგავსი მექანიკური, ელექტრო და წყალგაყვანილობის სისტემები არ უნდა ჩაისვას არანაირ ცეცხლმედეგ მასალაში.

722.5.1.1.3 წონა-პერიმეტრის თანაფარდობა. 722.5.1(1) ცხრილი შეიცავს წონა-გაცხელებული პერიმეტრის თანაფარდობებს (W/D), როგორც კონტურული, ისე კოლოფის ტიპის ცეცხლმედეგი პროფილებისათვის, ფართოშვერილებიანი ფორმებისათვის, რაც ყველაზე ხშირად გამოიყენება სვეტებში. სხვადასხვა ცეცხლმედეგი დამცავი პროფილების ან სვეტის განივი კვეთებისათვის, წონა-გაცხელებული პერიმეტრის თანაფარდობები (W/D) უნდა განისაზღვროს ამ ნაწილში მოცემული განმარტებების შესაბამისად.

722.5.1.2 თაბაშირის ფილის დამცავი. ცეცხლმედეგობა სტრუქტურული ფოლადის სვეტებისა, რომელთა წონა-გაცხელებული პერიმეტრის თანაფარდობები (W/D) ტოლია ან ნაკლებია 3,65-ზე, და რომლებიც დაცულია X ტიპის თაბაშირის ფილით, დასაშვებია გამოითვალოს შემდეგი განტოლებით:

                                         (განტოლება 7-12)

სადაც:

R    =  ცეცხლმედეგობა (წთ)

h     =  თაბაშირის ფილის საერთო სისქე (სმ)

D    =  ნაგებობის ფოლადის სვეტის გაცხელებული პერიმეტრი (სმ)

W’  =  ნაგებობის ფოლადის სვეტის საერთო წონა და თაბაშირის ფილის დამცავი (კგ/მ)

W’  = W+50hD/144

722.5.1.2.1 დამაგრება. თაბაშირის ფილას უნდა ჰქონდეს ისეთი საყრდენი, როგორიც ნაჩვენებია სურათზე 722.5.1(2) 4 ან ნაკლებ-საათიანი ცეცხლმედეგობის ხარისხის შემთხვევაში, ან სურათზე 722.5.1(3) 3 ან ნაკლებ-საათიანი ცეცხლმედეგობის ხარისხის შემთხვევაში.

722.5.1.2.2 ბეტონის ეკვივალენტური თაბაშირის ფილა. 722.5.1(4) სურათზე გამოსახული სტრუქტურული ფოლადის სვეტების ცეცხლმედეგობის დადგენა დასაშვებია სხვადასხვა სისქის თაბაშირის ფილებისათვის, სვეტის წონა-გაცხელებული პერიმეტრის (W/D) თანაფარდობიდან გამომდინარე. 3,65-ზე მეტი წონა-გაცხელებული პერიმეტრის თანაფარდობის (W/D) მქონე სტრუქტურული ფოლადის სვეტებისთვის, სპეციფიკური ცეცხლმედეგობის ხარისხების დროს საჭირო თაბაშირის ფილა უნდა იყოს ისეთივე სისქის, როგორიც განსაზღვრულია W14×233 ფართოშვერილებიანი ფორმებისათვის.

2.  ASTM C 36-ის შესაბამისი X ტიპის თაბაშირის კედლის ფილა. ერთ ფენაში გამოყენებისას, კედლის ფილა უნდა დაიგოს შვეულად თარაზული ბმულების გარეშე. რამდენიმე ფენაში გამოყენებისას, თარაზული ბმულები დასაშვებია მინიმუმ 2.4 სმ-ის დაშორებით ერთმანეთისგან, თუ ბმულები მოთავსებულია ერთმანეთის მომდევნო ფენებში ზიგზაგიზებურად მინიმუმ 30 სმ-ის დაშორებით. კედლის ფილის აუცილებელი საერთო სისქე უნდა განისაზღვროს სვეტის სპეციფიკური ცეცხლმედეგობის ხარისხის საფუძველზე და წონა-გაცხელებადი პერიმეტრის თანაფარდობის საფუძველზე. 2 სთ ან ნაკლები ცეცხლმედეგობის ხარისხის შემთხვევაში, თაბაშირის კედლის ფილის ერთ-ერთი აუცილებელი ფენა შეიძლება გამოყენებულ იქნეს სვეტის 2.5 სმ სიგრძის ფურცლოვანი ფოლადის საფარზე. S ტიპის ხრახნები უნდა განლაგდეს კედლის ფილის კიდიდან 2.5 სმ-ის დაშორებით, ხოლო ცენტრიდან 20 სმ-ის დაშორებით. ასეთი მოწყობის დროს, 0,38 მმ მინიმალური სისქის გალვანიზებული კუთხის დამცავი ფოლადის ზესადები 3.8 სმ ფეხებით უნდა მიმაგრდეს კედლის ფილაზე  S ტიპის ხრახნებით ცენტრიდან 30 სმ-ის დაშორებით.

3. 3 სთ ან ნაკლები ცეცხლმედეგობის ხარისხის შემთხვევაში, სვეტის საფარები უნდა დამზადდეს 0,6 მმ მინიმალური სისქის გალვანიზებული ან უჟანგავი ფოლადისგან. 4 სთ ცეცხლმედეგობის ხარისხის შემთხვევაში, სვეტის საფარები უნდა დამზადდეს 0,6 მმ მინიმალური სისქის გალვანიზებული ან უჟანგავი ფოლადისგან. სვეტის საფარები უნდა მოეწყოს SNAP LOCK ან PITTSBURG შემაერთებელი დეტალებით.

3     სთ ან ნაკლები ცეცხლმედეგობის ხარისხის შემთხვევაში, 0,68 მმ მინიმალური სისქის გალვანიზებული ან უჟანგავი ფოლადისგან დამზადებული სვეტის საფარების მოწყობა დაშვებულია პირგადადებით შეერთებით. დასაშვებია, პირგადადებით შეერთება შესაძლებელია ნებისმიერ ადგილზე სვეტის საფარის პერიმეტრის გარშემო. პირგადადებული გადაბმის ადგილები კარგად უნდა დამაგრდეს 1.3 სმ სიგრძის No.8 ფურცლოვანი ლითონის ხრახნებით, რომლებიც ცენტრიდან დაშორებული იქნება 30 სმ-ით.

სვეტის საფარები უზრუნველყოფილი უნდა იყოს ხაზოვან 30 სმ-ზე მინიმუმ 3,2 მმ ტემპერატურული ღრეჩოთი, რომელიც დატოვებულია საფარის ბოლოებს შორის და ნებისმიერ საყრდენ კონსტრუქციასთან.

722.5.1.3 შესასხურებელი ცეცხლმედეგი მასალები. ცეცხლმედეგობის ხარისხი ფართოშვერილებიანი სტრუქტურული ფოლადის სვეტების დამცავებისა, რომლებზეც გამოყენებულია შესასხურებელი ცეცხლმედეგი მასალები, როგორც ნაჩვენებია 722.5.1(5) სურათზე, დასაშვებია გამოითვალოს შემდეგი განტოლებით:

R=[C₁(W / D) +C₂]h                                                           (განტოლება 7-13)

სადაც:

R             =   ცეცხლმედეგობა (წთ)

h              =   შესასხურებელი ცეცხლმედეგი მასალის სისქე

D             =   აგებულების/სტრუქტურული ფოლადის სვეტის გაცხელებული პერიმეტრი (მმ)

C₁ და C₂    =   მასალაზე დამოკიდებული უცვლელი სიდიდეები

W            =   აგებულების/სტრუქტურული ფოლადის სვეტების წონა (კგ/მ)

მასტიკის ან ამობერვადი/გაბერვადი ცეცხლმედეგი საფარებით დაცული სტრუქტურული ფოლადის სვეტების ცეცხლმედეგობა უნდა განისაზღვროს ცეცხლგამედეგობის ტესტების საფუძველზე 703.2 ქვეთავის შესაბამისად.

722.5.1.3.1 მასალაზე დამოკიდებული უცვლელი სიდიდეები. სპეციფიკური ცეცხლმედეგი მასალებისთვის, მასალაზე დამოკიდებული უცვლელი სიდიდეები, C1 და C2, განისაზღვრება ცეცხლმედეგობის სტანდარტული ტესტების საფუძველზე, 703.2 ქვეთავის შესაბამისად. თუ შენობა-ნაგებობის უსაფრთხოების დეპარტამენტის მოხელეს არ წარედგინება სათანადო დასაბუთება უფრო ფართო გამოყენების აუცილებლობაზე, ეს განტოლება გამოიყენება მხოლოდ იმ სტრუქტურული ფოლადის სვეტების ცეცხლმედეგობის დასადგენად, რომელთა წონა-გაცხელებული პერიმეტრის თანაფარდობები (W/D) ყველაზე დიდ და ყველაზე პატარა სვეტებს შორისაა და რომელთათვისაც ხელმისაწვდომია ცეცხლმედეგობის სტანდარტული ტესტის შედეგები.

722.5.1.3.2 ამოცნობა. შესასხურებელი ცეცხლმედეგი მასალების ამოიცნობა მოცემული ცეცხლმედეგობის ხარისხისთვის აუცილებელი სიმჭიდროვისა და სისქის მიხედვით.

 

              1. სტრუქტურული ფოლადის სვეტი, ან ფართო კიდეიანი ან მილისებრი ფორმის.

2. 4.1 სმ სიღრმის დგარები, წარმოებული 0,45 მმ მინიმალური სისქის მქონე გალვანიზებული ფოლადით 3.3 სმ ან  3.7 სმ ზომის ფეხებით. ფოლადის დგარების სიგრძე უნდა იყოს კონსტრუქციის სიმაღლეზე 1.3 სმ ნაკლები.

3.  ASTM C 36-ის შესაბამისი X ტიპის თაბაშირის ფილა. ერთშრიანი ფილა მოწყობა ხდება შვეულად თარაზული ბმულების გარეშე. მრავალშრიანი ფილების მოწყობისას დასაშვებია თარაზული გადაბმები მინიმუმ 2.4 მ ინტერვალებით, თუ თანმიმდევრულ შრეებში ბმულები ზიგზაგისებურია მინიმუმ 30 სმ-ზე. ფილის აუცილებელი საერთო სისქე უნდა განისაზღვროს დადგენილი ცეცხლმედეგობის ხარისხისა და სვეტის წონა/გაცხელების პერიმეტრის თანაფარდობის საფუძველზე.

4.  გალვანიზებული 0,38 მმ მინიმალური სისქის კუთხის დამცავი ფოლადის ზესადებები 3.8 სმ ზომის ფეხებით, რომლებიც ფილაზე მიმაგრებულია 2.5 სმ სიგრძის S ტიპის ხრახნით ცენტრიდან 30 სმ დაშორებით.

5. No.18 SWG ფოლადის შესაკრავი მავთული ცენტრიდან 60 სმ დაშორებით.

6.  ფურცლოვანი ლითონის კუთხეები 5 სმ ზომის ფეხებით, რომელიც დამზადებულია 0,56 მმ მინიმალური სისქის გალვანიზებული ფოლადისგან.

7. S ტიპის ხრახნები, 2.5 სმ სიგრძის, გამოიყენება ფილის პირველი შრის დასამაგრებლად ფოლადისდგარებთან და მესამე შრისა ფურცლოვან ლითონის კუთხეებთან ცენტრიდან 60 სმ დაშორებით. S ტიპის ხრახნები, 4.5 სმ სიგრძის, გამოიყენება ფილის მეორე შრის დასამაგრებლად ფოლადისდგარებთან და მეოთხე შრისა ფურცლოვან ლითონის კუთხეებთან ცენტრიდან 30 სმ დაშორებით. 5.7 სმ სიგრძის S ტიპის ხრახნები გამოიყენება ფილის მესამე შრის დასამაგრებლად ფოლადის დგარებთან ცენტრიდან 30 სმ დაშორებით.

722.5.1.4 ბეტონით დაცული სვეტები. ბეტონით დაცული აგებულების/სტრუქტურული ფოლადის სვეტების ცეცხლმედეგობა, როგორც ნაჩვენებია სურათზე 722.5.1(6) (ა) და (ბ), შეიძლება გამოითვალოს შემდეგნაირად:

R=R_o(1 + 0.03_m)                                                                 (განტოლება 7-14)

სადაც:

R_o=10(W/D) ^0.7+17(h^1.6/k_c^0.2)×(1+26 {H/p_cc_ch(L+h)}^0.8)

როგორც ფორმულირებულია ქვემოთ:

R   = ცეცხლმედეგობა წონასწორული ტენიანობის პირობებში (წთ)

R_o = ცეცხლმედეგობა ნულოვანი ტენშემცველობისას (წთ)

m  = ბეტონის წონასწორული ტენიანობა მოცულობის მიხედვით (%)

W = ფოლადის სვეტის საშუალო წონა (კგ/მ/მმ-ზე)

D  = ფოლადის სვეტის გაცხელებული პერიმეტრი (სმ)

h = ბეტონის საფარის სისქე (სმ)

k_c = ბეტონის გარემომცველი ტემპერატურის თბოგამტარობა (0,11W)

H = ფოლადის სვეტის გარემომცველი ტემპერატურის თბოტევადობა = 0,11W

P_c = ბეტონის სიკვრივე (კგ/მ/მმ-ზე)

C_c = ბეტონის გარემომცველი ტემპერატურის სპეციფიკური თბოტევადობა (0,11W)

L = ბეტონის კვადრატული ყუთის დამცავის ერთი მხარის შიგა ზომა (სმ).

722.5.1.4.1 რეენტერაბელური (შემავალი კუთხის) სივრცის შევსება. ფართოშვერილებიანი ფოლადის სვეტებისათვის, რომლებიც მთლიანად ბეტონშია ჩასმული და ყველა რეენტერაბელური (შემავალი კუთხის) სივრცე შევსებული აქვს [სურ. 722.5.1(6)(g)], რეენტერაბელურ (შემავალი კუთხის) სივრცეებს შორის ბეტონის თბოტევადობა შეიძლება დაემატოს ფოლადის სვეტის თბოტევადობას, შემდეგნაირად:

H= 0.11W+ (p_cc_c/144) (b_f d -A_s)                                      (განტოლება 7-15)

სადაც:

b_f  = ფოლადის სვეტის შვერილის სიგანე (სმ)

d  = ფოლადის სვეტის სიღრმე (სმ)

A_s = ფოლადის სვეტის განივი კვეთის ფართობი (სმ²)

722.5.1.4.2 ბეტონის უცნობი თვისებები. თუ ბეტონის სპეციფიკური თვისებების შესახებ მონაცემები არ არსებობს, დასაშვებია 722.5.1(2) ცხრილში მოცემული სიდიდეების გამოყენება.

722.5.1.4.3 ბეტონის მინიმალური საფარი. ბეტონში ჩასმული სტრუქტურული ფოლადის სვეტისთვის, რომელსაც შევსებული აქვს ყველა რეენტერაბელური სივრცე, სურათზე 722.5.1(6)(c) და ცხრილებში 722.5.1(7) და 722.5.1(8) ნაჩვენებია ბეტონის საფარის სისქე სხვადასხვა ცეცხლმედეგობის ხარისხების შემთხვევაში ტიპიური ფართოშვერილიანი მონაკვეთებისათვის. ამ ცხრილებში მითითებული ბეტონის სისქეები ასევე ეხება იმ სტრუქტურული ფოლადის სვეტებს, რომლებიც ნუსხაში შეტანილზე დიდი ზომისაა.

722.5.1.4.4 წინასწარფორმირებული ბეტონის მინიმალური საფარი. წინასწარფორმირებული ბეტონის მინიმალური საფარით დაცული სტრუქტურული ფოლადის სვეტებისათვის სურათზე 722.5.1(6)(a) და ცხრილებში 722.5.1(9) და 722.5.1(10) ნაჩვენებია სვეტის საფარების სისქე, რომელიც აუცილებელია სხვადასხვა ცეცხლმედეგობის ხარისხის შემთხვევაში ფართოშვერილიანი ფორმებისათვის. ამ ცხრილებში მოცემული ბეტონის სისქეები ასევე ეხება იმ სტრუქტურული ფოლადის სვეტებს, რომლებიც ნუსხაში შეტანილზე დიდი ზომისაა.

722.5.1.4.5 წყობით დაცვა. 722.5.1(7) სურათზე ნაჩვენები ბეტონის ან თიხის წყობით დაცული სტრუქტურული ფოლადის სვეტების ცეცხლმედეგობა შეიძლება განისაზღვროს შემდეგი განტოლებით:

R = 0.17 (W/D)^0.7 + [0.285 (T_e^1.6/K^0.2)]

[1.0 + 42.7 {(A_s/d_m T_e)/(0.25_p+ T_e)}^0.8]                                              (განტოლება 7-16)

სადაც:

R    = სვეტის ანაწყობის ცეცხლმედეგობის ხარისხი (სთ)

W = ფოლადის სვეტის საშუალო წონა (კგ/მ)

D    = ფოლადის სვეტის გაცხელებული პერიმეტრი (მმ) [იხ. სურ. 722.5.1(7)]

T_e = ბეტონის ან თიხის წყობის ერთეულის ეკვივალენტური სისქე (sმ) (იხ. ცხრილი 722.3.2 შენიშვნა „ა“ ან ქვეთავი 722.4.1)

K = ბეტონის ან თიხის წყობის ერთეულის თბოგამტარობა (W/(m·K)) [იხ. ცხრილი 722.5.1(3)]

A_s  = ფოლადის სვეტის განივი კვეთის ფართობი (მ²)

d_m  = ბეტონის ან თიხის წყობის ერთეულის სიმკვრივე (კგ/მ³)

p    = ბეტონის ან თიხის წყობის დამცავის შიგა პერიმეტრი (სმ) [იხ. სურ. 722.5.1(7)].

722.5.1.4.6 ბეტონის წყობის ეკვივალენტური სისქე. ბეტონის წყობით დაცული სტრუქტურული ფოლადის სვეტებისათვის 722.5.1(5) ცხრილში მოცემულია სხვადასხვა ცეცხლმედეგობის ხარისხის შემთხვევაში საჭირო ბეტონის წყობის სისქეები ტიპიური ფორმის სვეტებისათვის. თიხის წყობით დაცული სტრუქტურული ფოლადის სვეტებისათვის, 722.5.1(6) ცხრილში მოცემულია ცეცხლმედეგობის სხვადასხვა ხარისხის შემთხვევაში საჭირო ბეტონის წყობის სისქეები ტიპიური ფორმის სვეტებისათვის.

ცხრილი 722.5.1(1)

სიგრძე/სიგანის თანაფარდობა ფოლადის სვეტებისთვის

სტრუქტურული ფორმა (სმ×კგ/მ)	კონტურული პროფილი	კოლოფის ფორმის პროფილი	სტრუქტურული ფორმა (სმ×კგ/მ)	კონტურული პროფილი	კოლოფის ფორმის პროფილი
W 36 × 347	2,55	3,65	W 25  × 167	1,81	2,57
× 314	2,32	3,35	× 149	1,64	2,33
× 287	2,14	3,09	× 131 1	1,45	2,08
× 262	1,96	2,85	× 115	1,28	1,85
× 237	1,78	2,60	× 101	1,15	1,66
× 216	1,64	2,39	× 89	1,01	1,48
× 196	1,56	2,25	× 80	0,922	1,34
× 179	1,42	2,06	×73	0,84	1,23
× 162	1,29	1,88	× 67	0,888	1,24
× 147	1,18	1,72	× 58	0,78	1,09
× 134	1,08	1,58	× 49	0,661	0,93
× 122	1,23	1,68
×110	1,12	1,53	W 20 ×100	1,37	1,94
× 101	1,04	1,41	× 86	1,20	1,71
× 91	0,928	1,28	× 71	1,00	1,44
× 79	0,915	1,21	× 59	0,849	1,23
× 72	0,835	1,10	× 52	0,749	1,08
× 64	0,752	0,99	× 46	0,665	0,97
			× 42	0,688	0,96
W 31 × 283	2,50	3,51	× 36	0,591	0,83
× 253	2,26	3,20	× 31	0,577	0,77
× 152	2,04	2,90	× 27	0,499	0,67
× 226	1,86	2,63
× 179	1,66	2,36	W 15 × 37	0,696	1,00
× 158	1,47	2,11	× 30	0,563	0,82
× 143	1,34	1,93	× 24	0,584	0,78
× 129	1,22	1,76	× 22	0,431	0,63
× 118	1,11	1,61	× 18	0,448	0,60
× 107	1,02	1,48	× 14	0,338	0,46
× 97	0,925	1,35
× 86	0,925	1,31	W 13 × 28	0,644	0,93
× 79	0,855	1,20	× 24	0,55	0,80
× 74	0,909	1,23
× 67	0,829	1,12	W10 × 19	0,556	0,79
× 60	0,734	1,00

ცხრილი 722.5.1(2)
ბეტონის თვისებები

თვისება	ნორმალური წონის ბეტონი	სტრუქტურული მსუბუქი ბეტონი
თბოგამტარობა (kc)	1,64445 W/(m⋅Κ).	0,60585 W/(m⋅Κ).
სპეციფიკური თბოტევადობა (cc)	0,3462 W/(m⋅Κ).	0,3462 W/(m⋅Κ).
სიმკვრივე (Pc)	2322,7 კგ/მ3	1762 კგ/მ3
თანაბარტენიანობა მოცულობის მიხედვით	4%	5%

 

ცხრილი 722.5.1(3)

ბეტონის ან თიხის წყობის ერთეულების თბოგამტარობა

ერთეულების სიმკვრივე (dm) -  კგ/მ3	ერთეულების თბოგამტარობა (K)  -   W/(m⋅ K).
ბეტონის წყობის ერთეულები
1281,5	0,358
1361,6	0,395
1441,7	0,436
1521,8	0,481
1601,9	0,533
1681,9	0,589
1762	0,651
1842,1	0,720
1922,2	0,795
125	0,879
2082,4	0,971
2162,5	1,073
2242,6	1,186
2322,7	1,312
2402,8	1,449
თიხის წყობის ერთეულები
1922,2	2,16
2082,4	3,89