დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ადგილობრივი თვითმმართველობის წარმომადგენლობითი და აღმასრულებელი ორგანოების რიგგარეშე/შუალედურ არჩევნებში პარტიის/საარჩევნო ბლოკის/ამომრჩეველთა საინიციატივო ჯგუფის მიერ საარჩევნო კომისიებში წარმომადგენლების დანიშვნის ზოგიერთი საარჩევნო პროცედურის განსაზღვრის შესახებ | |
|---|---|
| დოკუმენტის ნომერი | 75/2015 |
| დოკუმენტის მიმღები | საქართველოს ცენტრალური საარჩევნო კომისია |
| მიღების თარიღი | 28/12/2015 |
| დოკუმენტის ტიპი | საქართველოს ცენტრალური საარჩევნო კომისიის დადგენილება |
| გამოქვეყნების წყარო, თარიღი | ვებგვერდი, 29/12/2015 |
| სარეგისტრაციო კოდი | 010240060.15.008.016239 |
|
ადგილობრივი თვითმმართველობის წარმომადგენლობითი და აღმასრულებელი ორგანოების რიგგარეშე/შუალედურ არჩევნებში პარტიის/საარჩევნო ბლოკის/ამომრჩეველთა საინიციატივო ჯგუფის მიერ საარჩევნო კომისიებში წარმომადგენლების დანიშვნის ზოგიერთი საარჩევნო პროცედურის განსაზღვრის შესახებ
|
საქართველოს ორგანული კანონის „საქართველოს საარჩევნო კოდექსი” მე-14 მუხლის მე-3 პუნქტისა და 77-ე მუხლის მე-5 პუნქტის საფუძველზე, საქართველოს ცენტრალური საარჩევნო კომისია ადგენს:
|
| მუხლი 1 |
რეგისტრირებული პარტია/საარჩევნო ბლოკი/ამომრჩეველთა საინიციატივო ჯგუფი (შემდეგში –
„საარჩევნო სუბიექტი“) ადგილობრივი თვითმმართველობის წარმომადგენლობითი და აღმასრულებელი ორგანოების რიგგარეშე/შუალედურ არჩევნებში მონაწილეობისა და შესაბამის საარჩევნო კომისიებში წარმომადგენლების დანიშვნის უფლებას კარგავს, თუ იმ საარჩევნო ოლქში/ოლქებში სადაც რიგგარეშე/შუალედური არჩევნები იმართება:
1. საარჩევნო სუბიექტმა არ წარადგინა საკრებულოს წევრობის მაჟორიტარული წესით ასარჩევი კანდიდატი ან თვითმმართველი ქალაქის/თემის მერობის/გამგებლობის კანდიდატი; 2. შესაბამისმა საარჩევნო კომისიის თავმჯდომარემ რეგისტრაციაში არ გაატარა საარჩევნო სუბიექტის მიერ წარდგენილი საკრებულოს წევრობის მაჟორიტარული წესით ასარჩევი კანდიდატი ან თვითმმართველი ქალაქის/თემის მერობის/გამგებლობის კანდიდატი; 3. გაუქმდა შესაბამისი საარჩევნო სუბიექტის მიერ წარდგენილი და რეგისტრირებული საკრებულოს წევრობის მაჟორიტარული წესით ასარჩევი კანდიდატის ან თვითმმართველი ქალაქის/თემის მერობის/გამგებლობის კანდიდატის საარჩევნო რეგისტრაცია. |
| მუხლი 2 |
ამ დადგენილების პირველი მუხლით განსაზღვრულ შემთხვევებში, საქართველოს ორგანული კანონით „საქართველოს საარჩევნო კოდექსი” დადგენილი პროცედურების შესაბამისად, უფლებამოსილება უწყდებათ ამავე მუხლით განსაზღვრული საარჩევნო სუბიექტების წარმომადგენლებს შესაბამის საოლქო და საუბნო საარჩევნო კომისიებში.
|
| მუხლი 3 |
ეს დადგენილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კილომეტრი, №6) მისი მიღებიდან 2 კალენდარული დღის ვადაში. |
| მუხლი 4 |
ეს დადგენილება ამოქმედდეს გამოქვეყნებისთანავე.
|
|
დოკუმენტის კომენტარები