დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „მაუწყებლობის შესახებ“ საქართველოს კანონში დამატებისა და ცვლილების შეტანის თაობაზე | |
|---|---|
| დოკუმენტის ნომერი | 6011 |
| დოკუმენტის მიმღები | საქართველოს პარლამენტი |
| მიღების თარიღი | 21/03/2008 |
| დოკუმენტის ტიპი | საქართველოს კანონი |
| გამოქვეყნების წყარო, თარიღი | სსმ, 9, 04/04/2008 |
| სარეგისტრაციო კოდი | 320.110.000.05.001.003.197 |
საქართველოს კანონი
„მაუწყებლობის შესახებ“ საქართველოს კანონში დამატებისა და ცვლილების შეტანის თაობაზე
მუხლი 1.
„მაუწყებლობის შესახებ“ საქართველოს კანონში (საქართველოს საკანონმდებლო მაცნე, №5, 18.01.2005, მუხ. 19) შეტანილ იქნეს შემდეგი დამატება და ცვლილება:
1. 33-ე მუხლს დაემატოს შემდეგი შინაარსის 11 პუნქტი:
„11. საზოგადოებრივი მაუწყებლის პროგრამული ბიუჯეტის არანაკლებ 25%-ისა უნდა მოხმარდეს ყოფილ სამხრეთ ოსეთის ავტონომიურ ოლქთან და აფხაზეთის ავტონომიურ რესპუბლიკასთან დაკავშირებული მოვლენების გაშუქებას, აგრეთვე უმცირესობების ენებზე მომზადებული პროგრამების გადაცემას.“.
2. 76-ე მუხლის 21-ე პუნქტი ჩამოყალიბდეს შემდეგი რედაქციით:
„21. 2006 წლის 1 იანვრიდან ამ კანონის 33-ე მუხლის მე-2–მე-4 პუნქტების ამოქმედებამდე საზოგადოებრივი მაუწყებლობის დაფინანსების ძირითადი წყაროა სახელმწიფო ბიუჯეტი.“.
მუხლი 2.
ეს კანონი ამოქმედდეს გამოქვეყნებიდან მე-15 დღეს.
საქართველოს პრეზიდენტი მ. სააკაშვილი
თბილისი,
2008 წლის 21 მარტი.
№6011–რს
დოკუმენტის კომენტარები