დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ბაღდათის მუნიციპალიტეტის სიმბოლოების (გერბი, დროშა) ესკიზის დამტკიცების შესახებ | |
|---|---|
| დოკუმენტის ნომერი | 84 |
| დოკუმენტის მიმღები | ბაღდათის მუნიციპალიტეტი |
| მიღების თარიღი | 26/10/2012 |
| დოკუმენტის ტიპი | მუნიციპალიტეტისა და თვითმმართველი ქალაქის საკრებულოს დადგენილება |
| გამოქვეყნების წყარო, თარიღი | ვებგვერდი, 30/10/2012 |
| სარეგისტრაციო კოდი | 010250020.35.124.016059 |
|
„ადგილობრივი თვითმმართველობის შესახებ“ საქართველოს ორგანული კანონის მე-8 მუხლის 43-ე მუხლის მეორე პუნქტისა და ბაღდათის მუნიციპალიტეტის სიმბოლოების ესკიზების შესარჩევი კონკურსის განმხორციელებელი დროებითი კომისიის 2012 წლის 20 ივლისის №7 ოქმის შესაბამისად,
ბაღდათის მუნიციპალიტეტის საკრებულომ დ ა ა დ გ ი ნ ა: |
| მუხლი 1 |
დამტკიცდეს ბაღდათის მუნიციპალიტეტის სიმბოლოების (გერბი, დროშა) ესკიზი (კონკურსში წარმოდგენილი კოდით 17024003 -ავტორი დავით გრიგოლია).
დანართი №1, დანართი №2, დანართი №3. |
| მუხლი 2 |
დაევალოს მუნიციპალიტეტის გამგეობას: |
1.
უზრუნველყოს კონკურსში გამარჯვებული პიროვნების დავით გრიგოლიასათვის ბიუჯეტით გათვალისწინებული საპრიზო თანხის ანაზღაურება. |
2.
წარმოადგინოს წინადადებები ბაღდათის მუნიციპალიტეტის გერბისა და დროშის დამზადებასთან დაკავშირებით დამტკიცებული ესკიზის შესაბამისად. |
| მუხლი 3 |
დადგენილება ამოქმედდეს გამოქვეყნებისთანავე. |
|
დანართი №1 |
ბაღდათის მუნიციპალიტეტის გერბი
|
.
დანართი №2 |
ბაღდათის მუნიციპალიტეტის დროშა
|
.
დანართი №3 |
ბაღდათის მუნიციპალიტეტის გერბისა და დროშის სიმბოლოების აღწერილობა |
ბაღდათის მუნიციპალიტეტის გერბი - გერბის ფარი შუაზეა გადაკვეთილი, ხოლო ზედა ნაწილი გადაკვეთილია და იყოფა ორ ველად. პირველი ნაწილი-ზურმუხტოვან ველზე ოქროს ირმის თავი მასზე აღმართული ოქროს ჯვრით. მეორე ნაწილი - ლაჟვარდის ველზე ვერცხლის წყარო. მესამე ნაწილი - მეწამულ ველზე ქვედა ნაწილში ოქროს ორკოშკიანი ციხე-სიმაგრის გამოსახულება კვეთს ველის კიდეებს. ციხე-სიმაგრის თავზე ზედა ნაწილში გამოსახულია სამი ჰერალდიკური ოქროს ვარდი ორი ერთზე.
გერბის ფარს ზემოთ მოთავსებულია საქალაქო ვერცხლის გვირგვინი -სამკოშკიანი ქონგურებიანი გალავანი (ციხე-სიმაგრის ფორმის) ნახევრადღია კატარაქტიანი კარიბჭით. ფარს ქვემოთ მოთავსებულია გერბის დევიზის ვერცხლ-ზურმუხტოვანი ბაფთა, რომლის ვერცხლის ველზე შავად ჩაწერილია დევიზი „ბაღდათი“.
ბაღდათის მუნიციპალიტეტის დროშა - დროშის ქსოვილი გაყოფილია ვერტიკალურად ორ თანაბარ ნაწილად: პირველ ნაწილში მეწამულ ველზე გამოსახულია სამი ჰერალდიკური ოქროს ვარდი ორი ერთზე; მეორე ნაწილი გაყოფილია ჰორიზონტალურად ორ თანაბარ ნაწილად. ზედა ნაწილზე არის ზურმუხტოვანი ველი, ქვედა ნაწილი არის ლაჟვარდოვანი ველი. დროშის პროპორციაა: 2:3. |
დოკუმენტის კომენტარები