„კულტურის შესახებ” საქართველოს კანონში ცვლილებებისა და დამატებების შეტანის თაობაზე

საქართველოს კანონი

„კულტურის შესახებ“ საქართველოს კანონში ცვლილებებისა და დამატებების შეტანის თაობაზე

საქართველოს პარლამენტი ადგენს:

„კულტურის შესახებ“ საქართველოს კანონში (პარლამენტის უწყებანი, N33, 31 ივლისი, 1997) შეტანილ იქნეს შემდეგი ცვლილებები და დამატებები:

1. კანონის პრეამბულის მეორე აბზაცში სიტყვების „ამკვიდრებს კულტურის,“ შემდეგ დაემატოს სიტყვები „კულტურული მემკვიდრეობის“, ხოლო სიტყვა „თვითრეალიზაციაში“ შეიცვალოს სიტყვით „თვითგამოხატვაში“.

2. მე-5 მუხლის „ზ“ ქვეპუნქტში სიტყვების „სახელოვნებო განათლება“ შემდეგ დაემატოს სიტყვები „და მასთან დაკავშირებული“, სიტყვები „მასობრივი ინფორმაციის საშუალებების მიერ“ ამოღებულ იქნეს, ხოლო სიტყვების „კულტურულ-გასართობი“ შემდეგ დაემატოს სიტყვა „შემეცნებითი“.

3. III თავის სათაური ჩამოყალიბდეს შემდეგი რედაქციით:

„თავი III. სახელმწიფო ხელისუფლების ორგანოთა უფლებამოსილება კულტურის სფეროში“.

4. მე-19 მუხლის:

ა) სათაური ჩამოყალიბდეს შემდეგი რედაქციით:

„მუხლი 19. ადგილობრივი თვითმმართველობისა და მმართველობის ორგანოთა კომპეტენცია კულტურის სფეროში“;

ბ) პირველი აბზაცი ჩამოყალიბდეს შემდეგი რედაქციით:

„კულტურის სფეროში ადგილობრივი თვითმმართველობისა და მმართველობის ორგანოთა კომპეტენციას განეკუთვნება:“;

გ) „ზ“ ქვეპუნქტის შემდეგ დაემატოს შემდეგი შინაარსის „თ“ ქვეპუნქტი:

„თ) განახორციელოს საქართველოს კანონმდებლობით დადგენილი სხვა უფლება-მოვალეობანი.“

5. 21-ე მუხლის პირველი – მე-2 პუნქტები ჩაითვალოს მე-2–3 პუნქტებად, ხოლო მუხლს დაემატოს შემდეგი შინაარსის პირველი პუნქტი:

„1. საქართველოს ხელისუფლება აღიარებს კულტურული მემკვიდრეობის სახელმწიფო პრიორიტეტს.“

6. 23-ე მუხლის:

ა) სათაური ჩამოყალიბდეს შემდეგი რედაქციით:

„მუხლი 23. სახელმწიფოს ვალდებულება შემოქმედებითი საქმიანობის ხელშესაწყობად“;

ბ) პირველი პუნქტი ჩამოყალიბდეს შემდეგი რედაქციით:

„1. შემოქმედებითი მოღვაწეობის ხელშეწყობის მიზნით სახელმწიფო:“.

7. 25-ე მუხლის პირველი აბზაცი ჩაითვალოს პირველ პუნქტად, ხოლო მუხლს დაემატოს შემდეგი შინაარსის მე-2 პუნქტი:

„2. კულტურის სფეროში ერთიანი სახელმწიფო პოლიტიკის გატარების მიზნით საქართველოს კანონმდებლობით დადგენილი საქმიანობის კოორდინაციას და ამ საქმიანობით დაკავებულ იურიდიულ პირთა სახელმწიფო აღრიცხვას აწარმოებს საქართველოს კულტურის სამინისტრო“.

8. 28-ე მუხლი ამოღებულ იქნეს.

9. 35-ე მუხლის სათაურსა და პირველ პუნქტში სიტყვის „გაცვლის“ შემდეგ დაემატოს სიტყვა „სახელმწიფო“.

10. 37-ე მუხლის მე-3 პუნქტს დასაწყისში დაემატოს სიტყვები „საერთაშორისო ხელშეკრულებებისა და შეთანხმებების საფუძველზე“.

11. მე-40 მუხლის პირველი პუნქტიდან ამოღებულ იქნეს „ნ“ და „ო“ ქვეპუნქტები, ხოლო „პ“ ქვეპუნქტი ჩაითვალოს „ნ“ ქვეპუნქტად.

II. ეს კანონი ამოქმედდეს გამოქვეყნებისთანავე.

საქართველოს პრეზიდენტი   ედუარდ შევარდნაძე

თბილისი,

2000 წლის 28 ივნისი.

№417-IIს