„საქართველოს ელექტრონული საკომუნიკაციო ქსელების ნუმერაციის ეროვნული სისტემის დებულების დამტკიცების შესახებ“ საქართველოს მთავრობის 2010 წლის 18 ნოემბრის №355 დადგენილებაში ცვლილების შეტანის თაობაზე

საქართველოს მთავრობის

დადგენილება №1 94

2012 წლის 24 მაისი

ქ. თბილისი

 „ საქართველოს ელექტრონული საკომუნიკაციო ქსელების ნუმერაციის ეროვნული სისტემის დებულების დამტკიცების შესახებ“ საქართველოს მთავრობის 2010 წლის 18 ნოემბრის №355 დადგენილებაში ცვლილების შეტანის თაობაზე

 მუხლი 1. „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „საქართველოს ელექტრონული საკომუნიკაციო ქსელების ნუმერაციის ეროვნული სისტემის დებულების დამტკიცების შესახებ“ საქართველოს მთავრობის 2010 წლის 18 ნოემბრის №355 დადგენილებაში (სსმ, 25.11.2010 წ.) შეტანილ იქნეს ცვლილება და ამ დადგენილებით დამტკიცებული საქართველოს ელექტრონული საკომუნიკაციო ქსელების ნუმერაციის ეროვნული სისტემის დებულების:

1. მე-2 მუხლის:

ა) მე-2 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) გამოყოფა – კონკრეტული სამსახურებისათვის ამ დებულებით დადგენილი ნუმერაციის რესურსის განსაზღვრა;“;

ბ) მე-2 პუნქტის „წ“ ქვეპუნქტი ჩამოყალიბდეს შემდეგი რედაქციით:

„წ) ნუმერაციის რესურსით სარგებლობის რეგულირება – კომისიის მიერ ნუმერაციის გეგმით განსაზღვრული კონკრეტული რესურსების დაგეგმარება, რეზერვირება, მსურველი პირებისათვის ამ რესურსებით სარგებლობის უფლების პირველადი მინიჭება და სარგებლობის უფლების გაუქმება საქართველოს კანონმდებლობით დადგენილი წესით, შესაბამისი რეესტრის წარმოება, ნუმერაციის რესურსით სარგებლობის უფლების თანმდევი ვალდებულებებისა და პირობების დადგენა საქართველოს კანონმდებლობით დადგენილი წესით, მათი მოდიფიცირება, მათი გამოყენების პირობების დაცვის ზედამხედველობა და კონტროლი, მათი დარღვევისას კანონით გათვალისწინებული ღონისძიებების გატარება, ნუმერაციის რესურსების გამოყენებით ელექტრონული საკომუნიკაციო მომსახურების მიმწოდებელ პირებს შორის, ასევე მათსა და მომხმარებლებს შორის წარმოშობილი დავების გადაწყვეტა კანონმდებლობით განსაზღვრულ უფლებამოსილებათა ფარგლებში;“;

გ) მე-2 პუნქტის „ჰ²“ ქვეპუნქტი ჩამოყალიბდეს შემდეგი რედაქციით:

 „ჰ²) ნუმერაციის რესურსი – ნუმერაციის სისტემის საფუძველზე არსებული სიმბოლოების სისტემა, რომელიც გამოიყენება ნუმერაციის მინიჭებისას ან/და ნუმერაციის რესურსით სარგებლობის ნებართვის გაცემისას;“;

 დ) მე-2 პუნქტს დაემატოს შემდეგი შინაარსის „ჰ²³“ ქვეპუნქტი:

„ჰ²³) მოკლეტექსტური/მულტიმედიური შეტყობინებების ნომრები – ციფრების კომბინაცია, რომელზეც ხდება მომხმარებლის მიერ ტექსტური/მულტიმედიური შეტყობინების გაგზავნა სხვადასხვა სახის მომსახურებების მიღების მიზნით.“.

2. მე-4 მუხლის მე-4 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) ნუმერაციის რესურსებით სარგებლობის უფლების პირველადი მინიჭებისას ან მეორადი მიმოქცევისას, ავტორიზებული პირების შერწყმის ან შეძენისას, ერთი ან რამდენიმე ურთიერთდამოკიდებული ავტორიზებული პირის ხელში ნუმერაციის რესურსის კონცენტრაციისა და კონკურენციის შეზღუდვის მიზნით საბაზრო უპირატესობის ბოროტად გამოყენების თავიდან აცილება;“.

 3. მე-6 მუხლი ჩამოყალიბდეს შემდეგი რედაქციით:

„მუხლი 6. ნუმერაციის რესურსით სარგებლობის პირობები

 1. ნუმერაციის რესურსით სარგებლობის უფლების მფლობელმა პირმა უნდა:

ა) უზრუნველყოს კომისიის გადაწყვეტილებით პირველადი მინიჭების საფუძველზე განსაზღვრული ნუმერაციის რესურსებით სარგებლობის პირობების დაცვა, გამოყოფილი ნუმერაციის რესურსების შეუზღუდავი ხელმისაწვდომობა და მათი სარგებლობა საკუთარი აბონენტებისათვის (მეორადი მინიჭება);

ბ) საკუთარი აბონენტისათვის უფასოდ ხელმისაწვდომი გახადოს საგანგებო (ექსტრემალური) სამსახურების და საკუთარი კომპანიის საინფორმაციო-საცნობარო და დაზიანებების აღმოფხვრის სამსახურების სატელეფონო ნომრები;

გ) უზრუნველყოს ელექტრონული საკომუნიკაციო ქსელებითა და საშუალებებით სარგებლობისას მომხმარებლის უფლებების დაცვა და მომხმარებლის არადისკრიმინაციული არჩევანის შესაბამისად არჩეული მომსახურების მიმწოდებელი ავტორიზებული პირის მომსახურების მიღება, ყოველ გამოძახებაზე მომსახურების მიმწოდებელი ოპერატორის არჩევის მოკლე კოდის გამოყენებით ან წინასწარ გაფორმებული ხელშეკრულებით განსაზღვრული მომსახურების მიმწოდებელი ოპერატორის წინასწარი არჩევით;

დ) ურთიერთჩართვის ხელშეკრულებით განსაზღვრული პირობების შესაბამისად გაააქტიუროს და საკუთარი აბონენტებისათვის ხელმისაწვდომი გახადოს: ურთიერთჩართული ოპერატორების სააბონენტო ნომრები ან ოპერატორების არჩევის, აგრეთვე მომსახურების სახეებთან დაშვების მოკლე ნომრები (კოდები); უფასო, განაწილებული ხარჯებით დამატებული ღირებულებისა და მომსახურების სხვადასხვა ფართო სახეობების მიმწოდებელი პირების ან მათი ტერმინალური მოწყობილობების საიდენტიფიკაციო (სააბონენტო) ნომრები;

ე) მისთვის პირველადი მინიჭების საფუძველზე გამოყოფილი ნუმერაციის რესურსი აითვისოს პირველადი მინიჭებით განსაზღვრული პირობებით და ვადაში;

ვ)„ელექტრონული კომუნიკაციების შესახებ“ საქართველოს კანონის შესაბამისად, საკუთარი ხარჯებით განახორციელოს ამ დებულებით განსაზღვრული ნუმერაციის სისტემაზე გადასვლის სამუშაოები.

 2. მობილური საკომუნიკაციო ქსელის ოპერატორმა უნდა უზრუნველყოს სიმბარათის გარეშე მობილური სატელეფონო აპარატიდან თავის ქსელში შესულ საგანგებო (ექსტრემალურ) ნომრებზე ზარის განხორციელება.“.

4. მე-7 მუხლის მე-4 პუნქტს დაემატოს შემდეგი შინაარსის „ე“ და „ვ“ ქვეპუნქტები:

„ე) სააბონენტო ნომრების პორტაბელურობის დამისამართების პრეფიქსებს;

 ვ) მოკლეტექსტური/მულტიმედიური შეტყობინებების ნომრებს.“.

5. მე-9 მუხლის „ე“ ქვეპუნქტის შემდეგ დაემატოს შემდეგი შინაარსის „ე¹“ ქვეპუნქტი:

„ე¹) კომისია ახორციელებს საჯარო სამართლის იურიდიული პირის – სახელისუფლებო სპეციალური კავშირების სააგენტოსათვის ნუმერაციის რესურსის მინიჭებას საქართველოს კანონმდებლობით დადგენილი წესითა და ვადით.“.

6. მე-10 მუხლის „დ“ ქვეპუნქტს დაემატოს შემდეგი შინაარსის „დ.ე“ ქვეპუნქტი:

„დ.ე) VOIP – ინტერნეტპროტოკოლით ხმოვანი სატელეფონო კავშირით მომსახურებისთვის;“.

7. მე-11 მუხლის:

ა) „ბ“ ქვეპუნქტს დაემატოს შემდეგი შინაარსის „ბ.ე“ და „ბ.ვ“ ქვეპუნქტები:

„ბ.ე) არასატელეკომუნიკაციო სერვისების მისაწოდებლად;

 ბ.ვ) სატელეკომუნიკაციო სერვისების მისაწოდებლად.“.

ბ) „გ“ ქვეპუნქტი ჩამოყალიბდეს შემდეგი რედაქციით:

„გ) 1XX (XXX) ფორმატის ნუმერაციის ზონაში მომსახურების მიმწოდებელი ოპერატორის არჩევის კოდის კონკრეტული პირველადი მინიჭება ხორციელდება „კოდის ერთი კომბინაცია ერთი ოპერატორისათვის ან ერთგვაროვანი მომსახურების სახისათვის“ პრინციპის შესაბამისად. მომსახურების მიმწოდებელი ოპერატორისათვის არჩევის კოდით სარგებლობის უფლების, ასევე ერთგვაროვანი მომსახურების სახეების მოკლე ნომრების (გარდა ამ დებულებით გამოყოფილი ნომრებისა) პირველადი მინიჭება ხორციელდება კომისიის მიერ, საქართველოს კანონმდებლობით დადგენილი წესით. ამ დებულებით გამოყოფილი კონკრეტული სამსახურების მოკლე ნომრებით სარგებლობა ხორციელდება უვადოდ;“;

გ) „ვ.დ“ ქვეპუნქტი ჩამოყალიბდეს შემდეგი რედაქციით:

„ვ.დ) 1XX (XXX) ფორმატის მოკლე ნომრები (კოდები) გამოიყენება ამ ნუმერაციის რესურსის მფლობელ სამსახურებთან მხოლოდ შემავალი კავშირის დასამყარებლად, გარდა საგანგებო (ექსტრემალური) და კომუნალური მეურნეობის საავარიო სამსახურებისა, რომლებსაც უფლება აქვთ წარმოქმნილი აუცილებლობის შემთხვევაში განახორციელონ სამსახურის გამომძახებელი აბონენტის სატელეფონო ნომერზე უკუკავშირი ან/და გამავალი კავშირი საგანგებო (ექსტრემალურ) სამსახურებთან;“;

დ) „ვ.დ“ ქვეპუნქტის შემდეგ დაემატოს შემდეგი შინაარსის „ვ.ე“ ქვეპუნქტი:

„ვ.ე) ფიქსირებული და მობილური ელექტრონული საკომუნიკაციო ქსელების აბონენტების მიერ საგანგებო (ექსტრემალური) სამსახურების ნომრების აკრეფა ხორციელდება ყოველგვარი პრეფიქსის გარეშე.“;

ე) „ზ“ ქვეპუნქტის შემდეგ დაემატოს „თ“ ქვეპუნქტი:

„თ) ელექტრონული საკომუნიკაციო ქსელის მფლობელი ოპერატორები, რომლებიც სააბონენტო ნუმერაციის რესურსის გამოყენებით ახორციელებენ აბონენტების მომსახურებას, ვალდებული არიან:

თ.ა) უფასოდ უზრუნველყონ ზარის წამოწყება, დასრულება ან ტრანზიტი შემდეგ შემთხვევაში:

თ.ა.ა) აბონენტის მიერ საგანგებო (ექსტრემალური) სამსახურების გამოძახების ტელეფონების 1XX ფორმატის მოკლე ნომრებზე განხორციელებულ ზარებზე;

თ.ა.ბ) საგანგებო (ექსტრემალური) სამსახურების ტელეფონების 1XX ფორმატის მოკლე ნომრებიდან, ამ სამსახურების გამომძახებელი აბონენტის მიმართულებით უკან განხორციელებულ ზარებზე;

თ.ა.გ) საქართველოს შინაგან საქმეთა სამინისტროს საჯარო სამართლის იურიდიული პირის – „112“-ის მოთხოვნის შემთხვევაში, მის მიერ მითითებულ, შესაბამისი საგანგებო (ექსტრემალური) მომსახურების მიმწოდებელი სამსახურების კონკრეტულ სააბონენტო ნომრებზე განხორციელებულ ზარებზე;

თ.ბ) უფასოდ გაააქტიურონ საგანგებო (ექსტრემალური) სამსახურების 1XX ფორმატის მოკლე ნომრები, აგრეთვე ელექტრონული საკომუნიკაციო მომსახურების მიმწოდებელი ოპერატორების არჩევის კოდები, მათი საინფორმაციო-საცნობარო და საავარიო სამსახურების 1XX (XXX) ფორმატის მოკლე ნომრები;

თ.გ) უფასოდ გაააქტიურონ სახელმწიფო და ადგილობრივი თვითმმართველობის ორგანოების ცხელი ხაზების, კომუნალური მეურნეობის საავარიო სამსახურების, რკინიგზის, აეროპორტებისა და საზღვაო პორტების საინფორმაციო-საცნობარო სამსახურების 1XX (XXX) ფორმატის მოკლე ნომრები იმ შემთხვევაში, თუ ზემოაღნიშნული მოკლე ნომრები გადამისამართებულია ამ ორგანოებში არსებულ სატელეფონო ნომრებზე.“.

8. მე-12 მუხლის მე-3 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) საერთაშორისო სასიგნალო წერტილის კოდი – (ISPC) შედგება 14 ბინარული თანრიგისაგან და მისი სტრუქტურა და ფორმატი განსაზღვრულია „ტელეკომუნიკაციების საერთაშორისო კავშირის“ „ITU“-ის მიერ დამტკიცებული „საერთაშორისო სიგნალიზაციის წერტილების კოდების მინიჭების თაობაზე“ Q.708 რეკომენდაციის შესაბამისად, შემდეგნაირად:

სადაც: საქართველოს საერთაშორისო სასიგნალო ქსელების ზონალური კოდები (SANC) გამოყოფილია „ტელეკომუნიკაციების საერთაშორისო კავშირის“ „ITU“-ის მიერ;“.

9. მე-12 მუხლის მე-4 პუნქტის „ა“ ქვეპუნქტი ჩამოყალიბდეს შემდეგი რედაქციით:

 „ა) ეროვნული სასიგნალო წერტილის კოდი – (NSPC) შედგება 14 ბინარული თანრიგისაგან და მისი სტრუქტურა და ფორმატი განსაზღვრულია „ტელეკომუნიკაციების საერთაშორისო კავშირის“ „ITU“-ის მიერ დამტკიცებული „საერთაშორისო სიგნალიზაციის წერტილების კოდების მინიჭების თაობაზე“ Q.708 რეკომენდაციის შესაბამისად, შემდეგნაირად:

სადაც: სასიგნალო ქსელების ზონალური კოდი (SANC) გამოიყოფა კომისიის მიერ;“.

10. მე-12 მუხლის შემდეგ დაემატოს შემდეგი შინაარსის 12¹ მუხლი:

     „მუხლი 12¹. საკომუნიკაციო ქსელების სააბონენტო ნომრების პორტაბელურობის დამისამართების პრეფიქსები

1. საკომუნიკაციო ქსელების სააბონენტო ნომრების პორტაბელურობის დამისამართების პრეფიქსები გამოიყენება ფიქსირებულ და მობილურ ქსელებში.

2. სააბონენტო ნომრების პორტაბელურობის დამისამართების პრეფიქსები მობილურ ქსელებში 3‑ციფრიანია, ხოლო ფიქსირებულ ქსელებში განისაზღვრება 4 ციფრით.

3. სააბონენტო ნომრების პორტაბელურობის დამისამართების პრეფიქსების მინიჭება ხდება სატელეკომუნიკაციო ქსელის ოპერატორებზე კომისიის მიერ, კანონმდებლობით დადგენილი წესით.“.

11. მე-14 მუხლს დაემატოს შემდეგი შინაარსის მე-5 პუნქტი:

„5. კომისია დარგობრივი საერთაშორისო ორგანიზაციების შესაბამისი რეკომენდაციების გათვალისწინებით უზრუნველყოფს მოკლეტექსტური/ მულტიმედიური შეტყობინებების ნომრების გაცემისა და გამოყენების წესის შემოღებას;“.

12. №2 დანართი – „ელექტრონული საკომუნიკაციო ქსელების არაგეოგრაფიული ნუმერაციის ზონების კოდები, აბონენტის ნომრის სიგრძე და ნუმერაციის რესურსი“ ჩამოყალიბდეს თანდართული რედაქციით.

13. №3 დანართი – „1 XX (XXX) ფორმატის მოკლე ნომრები (კოდები)“ ჩამოყალიბდეს თანდართული რედაქციით.

14. №4 დანართი – „საქართველოს ელექტრონული საკომუნიკაციო ქსელების ნუმერაციის ეროვნულ სისტემაზე გადასვლის ძირითად ორგანიზაციულ-ტექნიკურ ღონისძიებათა გეგმა“ ჩამოყალიბდეს თანდართული რედაქციით.

მუხლი 2. დადგენილება ამოქმედდეს გამოქვეყნებისთანავე.

პრემიერ-მინისტრი       ნ . გილაური

 „დანართი №2

ელექტრონული საკომუნიკაციო ქსელების არაგეოგრაფიული ნუმერაციის ზონების კოდები, აბონენტის ნომრის სიგრძე და ნუმერაციის რესურსი

დანართი №3

1 XX (XXX) ფორმატის მოკლე ნომრები (კოდები)

2. ნუმერაციის ახალი სისტემა ითვალისწინებს საგანგებო (ექსტრემალური) სამსახურების შემდეგ უნიფიცირებულ ერთიან სამნიშნა სპეციალურ მოკლე ნომრებს: სახანძრო-სამაშველო სამსახურის ერთიანი სამნიშნა ნომერი – 111, საგანგებო სიტუაციებში გადაუდებელი დახმარების გამოძახების ერთიანი სამნიშნა ევრონომერი – 112, სასწრაფო სამედიცინო დახმარების ერთიანი სამნიშნა ნომერი – 113, გაზის საავარიო სამსახურის ერთიანი სამნიშნა ნომერი – 114, საპატრულო პოლიციის ერთიანი სამნიშნა ნომერი – 122, შინაგან საქმეთა სამინისტროს დაცვის პოლიციის ერთიანი სამნიშნა ნომერი – 125 და გარემოს დაცვის სამინისტროს გარემოს ეროვნული სააგენტოს ერთიანი სამნიშნა ნომერი – 153.

3. სახანძრო -სამაშველო სამსახურის ერთიანი სამნიშნა ნომერი – 111, სასწრაფო სამედიცინო დახმარების ერთიანი სამნიშნა ნომერი – 113 და საპატრულო პოლიციის ერთიანი სამნიშნა ნომერი – 122 მოქმედებენ საგანგებო სიტუაციებში გადაუდებელი დახმარების ერთიანი სამნიშნა ევრონომერი – 112‑ის სრულად ამოქმედებამდე, ხოლო 112 -ის სრულად ამოქმედების შემდეგ, მოკლე ნომრები – 111 და 122 შეიტანება საქართველოს შინაგან საქმეთა სამინისტროს რეზერვში, ხოლო მოკლე ნომერი – 113 შეიტანება საქართველოს მთავრობის რეზერვში.

4. საქალაქთაშორისო და საერთაშორისო ავტომატური სატელეფონო კავშირების უზრუნველმყოფი საოპერატორო კომპანიების არჩევის კოდი – 10 XX, სადაც XX საოპერატორო კომპანიების განმსაზღვრელია.

 5. ელექტრონული კომუნიკაციებისა და საფოსტო კავშირის საოპერატორო კომპანიების სპეციალური სამსახურების ნუმერაცია:

სადაც XX და XXX – საოპერატორო კომპანიების განმსაზღვრელია.

6. საკანონმდებლო და აღმასრულებელი ხელისუფლების ორგანოების ცხელი ხაზების ნუმერაცია:

7. ადგილობრივი თვითმმართველობის ორგანოების ცხელი ხაზების ნუმერაცია:

8. კომუნალური მეურნეობის საავარიო სამსახურების ნუმერაცია:

9. ტრანსპორტის მოძრაობის საინფორმაციო-საცნობარო და ტრანსპორტით მომსახურების განმახორციელებელი სამსახურების ნუმერაცია:

10. საზოგადოებრივი მომსახურების სამსახურების ნუმერაცია – 116 XXX (ევრონომერი).

11. გაერთიანებული საინფორმაციო საცნობარო სამსახური – 118 XX (ევრონომერი).

12. არაგეოგრაფიული მოკლე ნომრები არაავტორიზებადი საქმიანობის განსახორციელებლად – 16 XXX.

13. არაგეოგრაფიული მოკლე ნომრები ავტორიზებადი საქმიანობის განსახორციელებლად – 17 XXX.

14. მოკლეტექსტური/მულტიმედიური შეტყობინებების ნომრები – 9 XXXX.

15. №3 დანართში კონკრეტული ნომრები გამოყოფილია კონკრეტული სამსახურებისათვის, ხოლო ნუმერაციის რესურსი, რომელიც გრძელდება X-ით, გაიცემა კომისიის მიერ, საქართველოს კანონმდებლობით დადგენილი წესით.

 დანართი №4

საქართველოს ელექტრონული საკომუნიკაციო ქსელების ნუმერაციის ეროვნულ სისტემაზე გადასვლის ძირითად ორგანიზაციულ-ტექნიკურ ღონისძიება თა გეგმა