,,ზესტაფონის მუნიციპალიტეტის დაქვემდებარებულ ტერიტორიაზე ადგილობრივი მოსაკრებლების დაწესების შესახებ’’ ზესტაფონის მუნიციპალიტეტის საკრებულოს 2012 წლის 27 იანვრის №2 დადგენილებაში ცვლილების შეტანის თაობაზე

ზესტაფონის მუნიციპალიტეტის საკრებულოს

დადგენილება №5

2012 წლის 28 თებერვალი

ქ. ზესტაფონი

,,ზესტაფონის მუნიციპალიტეტის დაქვემდებარებულ ტერიტორიაზე ადგილობრივი მოსაკრებლების დაწესების შესახებ ’’ ზესტაფონის მუნიციპალიტეტის საკრებულოს 2012 წლის 27 იანვრის № 2 დადგენილებაში ცვლილების შეტანის თაობაზე

მუხლი 1.

„ ნორმატიული აქტების შესახებ“ საქართველოს კანონის მე- 20 მუხლის შესაბამისად, შეტანილ იქნე ს ცვლილება „ ზესტაფონის მუნიციპალიტეტის დაქვემდებარებულ ტერიტორიაზე ადგილობრივი მოსაკრებლების დაწესების შესახებ“ ზესტაფონის მუნიციპალიტეტის საკრებულოს 2012 წლის 27 იანვრის №2 დადგენილებაში (სსმ, ვებგვერდი, 02/02/2012 წ.) შეტანილ იქნე ს შემდეგი ცვლილებები:

1. 1-ლი მუხლის მე-3 პუნქტი ჩამოყალიბდეს თანდართული რედაქციით:

„3. სათამაშო ბიზნესის მოსაკრებელი:

ა) სამორინეს თითოეულ სათამაშო მაგიდაზე – კვარტალში 25 000 (ოცდახუთი ათასი) ლარი;

ბ) თითოეულ სათამაშო აპარატზე – კვარტალში 2 000 ( ორი ათასი) ლარი;

გ) თითოეულ წამახალისებელ გათამაშებაზე – საპრიზო ფონდის 10%;

დ) სისტემურ-ელექტრონული ფორმით მოწყობილ თამაშობაზე – კვარტალში 45 000 (ორმოცდახუთი ათასი) ლარი;

ე) ლატარიების მოწყობაზე – ლატარიის ბილეთების რეალიზაციიდან მიღებული ამონაგების 15%;

ვ) აზარტული ან/და მომგებიანი თამაშობის მოწყობის ნებართვით ორგანიზებული ობიექტის გარეთ განთავსებული, სისტემურ-ელექტრონული ფორმით მოწყობილი აზარტული ან/და მომგებიანი თამაშობის თითოეულ სალაროზე – კვარტალში 8 000 (რვა ათასი) ლარი;

ზ) სათამაშო ბიზნესის მოსაკრებლის გამოანგარიშებისა და გადახდის წესი განისაზღვრება ,,სათამაშო ბიზნესის მოსაკრებლის შესახებ“ საქართველოს კანონის შესაბამისად დადგენილი წესის თანახმად.“.

2. მე-3 მუხლი ჩამოყალიბდეს თანდართული რედაქციით:

,,მუხლი 3.

ამ დადგენილების 1-ლი მუხლის მე-3 პუნქტის ,,დ’’ და ,,ვ’’ ქვეპუნქტების მოქმედება გავრცელდეს 2012 წლის 3 იანვრიდან წარმოშობილ სამართლებრივ ურთიერთობებზე.“.

მუხლი 2.

კონტროლი დადგენილების შესრულებაზე დაევალოს ზესტაფონის მუნიციპალიტეტის გამგებელს.

მუხლი 3.

დადგენილება ამოქმედდეს გამოქვეყნებისთანავე.

საკრებულოს თავმჯდომარე მ. მასხარაშვილი