სამედიცინო სოციალურ ექსპერტიზაზე კონტროლის 2012 წლის სახელმწიფო პროგრამის დამტკიცების შესახებ

საქართველოს მთავრობის

დადგენილება №504

2011 წლის 29 დეკემბერი

ქ. თბილისი

სამედიცინო‑სოციალურ ექსპერტიზაზე კონტროლის 2012 წლის სახელმწიფო პროგრამის დამტკიცების შესახებ

 მუხლი 1. „საქართველოს 2012 წლის სახელმწიფო ბიუჯეტის შესა­ხებ“ საქართველოს კანონის მე-14 მუხლის შესაბამისად, დამტკიცდეს სა­მედიცინო-სოციალურ ექსპერტიზაზე კონტროლის 2012 წლის სახელმწი­ფო პროგრამა.

 მუხლი 2. დადგენილება ამოქმედდეს 2012 წლის 1 იანვრიდან.

პრემიერ-მინისტრი      ნ. გილაური

სამედიცინო-სოციალურ ექსპერტიზაზე კონტროლის 2012 წლის სახელმწიფო პროგრამა

    მუხლი 1. სამედიცინო-სოციალურ ექსპერტიზაზე კონტროლის სა­ხელმწიფო პროგრამის მიზანი და ამოცანები

1. სამედიცინო-სოციალურ ექსპერტიზაზე კონტროლის სახელმწიფო პროგრამის (შემდგომში – პროგრამა) მიზანია საქართველოს კანონმდებ­ლო­ბის მოთხოვნათა დაცვით სამედიცინო-სოციალური ექსპერტიზის სრულ­ყო­ფილად წარმართვის ხელშეწყობა, რაც განაპირობებს სამედიცინო-სო­ციალური ექსპერტიზის ორგანიზაციული საკითხების გაუმჯობესებისა და სამედიცინო დაწესებულებების მიერ საექსპერტო დასკვნების გაცემის სის­წორეს.

2. პროგრამის ამოცანებია:

ა) შესაძლებლობის შეზღუდვის სტატუსის განსაზღვრისა და სამე­დიცინო-სოციალური ექსპერტიზის ორგანიზაციული საკითხების სრულ­ყოფა;

ბ) სამედიცინო-სოციალური ექსპერტიზის მიმდინარეობის სახელ­მწიფო კონტროლის გაუმჯობესება და ამ სფეროში კანონიერების განმტკი­ცება.

    მუხლი 2. პროგრამით განსახორციელებელი ღონისძიებები

1. პროგრამის ფარგლებში განხორციელდება სამედიცინო-სოციალური ექსპერტიზის ჩატარებაზე უფლებამოსილი დაწესებულების მიერ არასწო­რად გაცემული დასკვნის გამოსავლენად სამედიცინო გადა­მოწმების მიზ­ნით შეზღუდული შესაძლებლობის მქონე პირის გამოკვლევა პროგრამის მე-4 მუხლის „ბ“ ქვეპუნქტით განსაზღვრული მიმწოდებლის მიერ.

2. არასწორად გაცემული დასკვნის გამოსავლენად სამედიცინო საქ­მიანობის სახელმწიფო რეგულირების სააგენტო უფლებამოსილია:

ა) საჭიროებისამებრ შეამოწმოს სამართალდამცავი, სსიპ – სოციალური მომსახურების სააგენტოსა და სხვა მაკონტროლებელი ორგანოების მოთ­ხოვ­ნის საფუძველზე;

ბ) შერჩევით შეამოწმოს სამედიცინო დაწესებულების მიერ ბოლო შე­მოწმებიდან გასულ პერიოდში გაცემული დასკვნების არა უმეტეს 30%-ისა, მათ შორის უპირატესად:

ბ.ა) იმ სამედიცინო დაწესებულების მიერ გაცემული დასკვნები, სადაც ბოლო შემოწმებისას დაფიქსირებულია სამართალდარღვევა;

ბ.ბ) შეზღუდული შესაძლებლობის სტატუსის მქონე პირის დადგენილ ვადაში გადამოწმებისას არსებული სტატუსის სიმძიმის ხარისხის ცვლი­ლება (მნიშვნელოვნიდან – მკვეთრად გამოხატულზე, ზომიერიდან – მნიშვ­­ნელოვანზე და/ან მკვეთრად გამოხატულზე);

ბ.გ) პირველად დადგენილი სტატუსი.

3. სამედიცინო დაწესებულება, რომელმაც პირს მიანიჭა შეზღუდული შესაძლებლობის მქონე პირის სტატუსი და სამედიცინო დაწესებულება, სადაც დიაგნოზის გადამოწმების მიზნით აღნიშნულმა პირმა უნდა ჩაიტა­როს გამოკვლევა, დაუშვებელია:

ა) იყოს ერთი და იგივე სამედიცინო დაწესებულება;

ბ) ჰყავდეთ მართვის განმახორციელებელი ერთი პირი;

გ) ორივე დაწესებულებაში დამფუძნებლები (მონაწილეები) წარმოად­გენდ­ნენ ერთი და იმავე პირებს, რომელთა ჯამური წილი თითოეულ დაწე­სე­ბულებაში შეადგენს არანაკლებ 20%-ს.

4. პროგრამა ასევე მოიცავს „სამედიცინო-სოციალურ ექსპერტიზაზე 2011 წლის სახელმწიფო პროგრამის“ ფარგლებში პროგრამით გათვალის­წინე­ბული მომსახურების მიმწოდებლებისათვის 2011 წლის დეკემბრის განმავლობაში შესრულებული სამუშაოს აუნაზღაურებელი ნაწილის გა­დახ­დას.

    მუხლი 3. პროგრამის ბიუჯეტი

პროგრამის დაფინანსების წყაროა საქართველოს 2012 წლის სახელმწი­ფო ბიუჯეტი (პროგრამული კოდი – 35 01 02). პროგრამის ბიუჯეტის ოდე­ნობა შეადგენს 300 000 ლარს.

    მუხლი 4. პროგრამის განხორციელებაში მონაწილე დაწესებულებები

პროგრამის განხორციელებაში მონაწილე დაწესებულებებია:

ა) შემსყიდველი ორგანიზაცია – საქართველოს შრომის, ჯანმრთელო­ბისა და სოციალური დაცვის სამინისტროს სამედიცინო საქმიანობის სა­ხელმწიფო რეგულირების სააგენტო;

ბ) მიმწოდებელი – სამედიცინო დაწესებულება, რომელთანაც კანონ­მდებ­ლო­ბით დადგენილი წესით გაფორმებულია „სახელმწიფო შესყიდვე­ბის შესახებ“ ხელშეკრულება.

    მუხლი 5. მომსახურების შესყიდვა და განხორციელების მექანიზმები

1. შემსყიდველი ორგანიზაცია კანონმდებლობით დადგენილი წესით შეარჩევს მიმწოდებელს და დებს მასთან სახელმწიფო შესყიდვის შესახებ ხელშეკრულებას „სახელმწიფო შესყიდვების შესახებ“ საქართველოს კანო­ნის მოთხოვნათა დაცვით.

2. შემსყიდველი ორგანიზაცია შესყიდვებისათვის საჭირო პროცედუ­რების დაწყებას უზრუნველყოფს 2012 წლის 1 თებერვლამდე.