„ფასიანი ქაღალდების ბაზრის შესახებ“ საქართველოს კანონში დამატებების შეტანის თაობაზე

საქართველოს კანონი

„ფასიანი ქაღალდების ბაზრის შესახებ” საქართველოს კანონში დამატებების შეტანის თაობაზე

საქართველოს პარლამენტი ადგენს:

1. „ფასიანი ქაღალდების ბაზრის შესახებ” საქართველოს კანონის (საქართველოს საკანონმდებლო მაცნე, №1(8), 1999 წელი) მე-10 მუხლის:

ა) მე-3 პუნქტს დაემატოს შემდეგი შინაარსის ტექსტი:

„კომისია უფლებამოსილია თავისი წესებით მოახდინოს „მეწარმეთა შესახებ“ საქართველოს კანონით გათვალისწინებულ აქციათა მესაკუთრეო-ბიდან გამომდინარე უფლებათა გადაცემა და მოვალეობათა დაკისრება იმ პირებზე, რომლებიც ფლობენ საჯარო ფასიან ქაღალდებს ნომინალური მფლობელობის ერთი ან მეტი საფეხურის მეშვეობით.“;

ბ) მე-7 პუნქტის შემდეგ დაემატოს შემდეგი შინაარსის მე-8_9 პუნქტები:

„8. კომისია უფლებამოსილია თავისი წესებით დაუშვას საჯარო ფასიან ქაღალდებზე საკუთრების უფლების სააღრიცხვო თარიღის დაწესება მესაკუთრეობიდან გამომდინარე უფლებების განხორციელების მიზნებისათვის.

9. კომისია უფლებამოსილია თავისი წესებით შეზღუდოს იმ საჯარო ფასიანი ქაღალდების გადაცემა, რომელთა ღირებულება ემიტენტისთვის სრულად არ არის გადახდილი, აგრეთვე ანგარიშვალდებულ საწარმოთათვის მოაწესრიგოს “მეწარმეთა შესახებ“ საქართველოს კანონის 3.3-3.7 და 53¹ მუხლებით გათვალისწინებული საკითხები.“.

2. ეს კანონი ამოქმედდეს 1999 წლის 1 სექტემბრიდან.

საქართველოს პრეზიდენტი            ედუარდ შევარდნაძე.

თბილისი,

1999 წლის 9 ივნისი

№2075-IIს