დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
საქართველოს სახელმწიფო საზღვრის „წითელი ხიდის მონაკვეთში განლაგებული სამსახურების მუშაობის გაუმჯობესების შესახებ | |
---|---|
დოკუმენტის ნომერი | 408 |
დოკუმენტის მიმღები | საქართველოს პრეზიდენტი. |
მიღების თარიღი | 07/08/1997 |
დოკუმენტის ტიპი | საქართველოს პრეზიდენტის ბრძანებულება |
გამოქვეყნების წყარო, თარიღი | საქართველოს პრეზიდენტის ბრძანებულებების და განკარგულებების კრებული, 15, 15/08/1997 |
სარეგისტრაციო კოდი | 010.040.000.05.002.000. |
საქართველოს პრეზიდენტის
ბრაძნებულება №408
1997 წლის 7 აგვისტო
ქ. თბილისი
საქართველოს სახელმწიფო საზღვრის „წითელი ხიდის“ მონაკვეთში განლაგებული სამსახურების მუშაობის გაუმჯობესების შესახებ
საქართველოს სახელმწიფო საზღვრის „წითელი ხიდის“ მონაკვეთში განლაგებულ სამსახურებს შორის ფუნქციებისა და მოვალეობების გამიჯვნისა და მათი მუშაობის ეფექტიანობის ამაღლების, აგრეთვე ნავთობსადენის მაგისტრალისა და „ტრასეკას“ პროგრამის ამოქმედებისათვის ხელსაყრელი პირობების შექმნის მიზნით:
1. მიღებულ იქნეს ცნობად ქვემო ქართლის მხარეში საქართველოს პრეზიდენტის სახელმწიფო რწმუნებულის ლ. მამალაძის ინფორმაცია.
2. საქართველოს ტრანსპორტის სამინისტრომ (მ. ადეიშვილი), ჯანმრთელობის დაცვის სამინისტრომ (ა. ჯორბენაძე), ფინანსთა სამინისტრომ (მ. ჭკუასელი), სოფლის მეურნეობისა და სურსათის სამინისტრომ (ბ. გულუა), სახელმწიფო საზღვრის დაცვის სახელმწიფო დეპარტამენტმა (ვ. ჩხეიძე), საბაჟო დეპარტამენტმა (თ. აბულაძე), საავტომობილო გზების სახელმწიფო დეპარტამენტმა (ბ. სარალიძე) საკონტროლო-გამტარ პუნქტზე „წითელი ხიდი“ ერთ თვეში უზრუნველყონ „საქართველოს სახელმწიფო საზღვარზე მგზავრთა, ავტოტრანსპორტის, ტვირთების რეგისტრაციისა და კონტროლის განხორციელების წესის შესახებ“ 1997 წლის 1 მაისის №224 ბრძანებულებით დამტკიცებული დებულების მოთხოვნათა შესრულება.
3. საქართველოს საგარეო საქმეთა სამინისტრომ (ი. მენაღარიშვილი) განახორციელოს ღონისძიებები საქართველოსა და აზერბაიჯანის რესპუბლიკის სახელმწიფო საზღვრის დამდგენი ორმხრივი სადელიმიტაციო კომისიის მუშაობის დასაჩქარებლად.
4. საქართველოს სახელმწიფო საზღვრის დაცვის სახელმწიფო დეპარტამენტმა და საბაჟო დეპარტამენტმა, კანონით განსაზღვრულ სხვა სახელმწიფო მაკონტროლებელ სამსახურებთან ერთად დროებით, საზღვრის დელიმიტაციის დამთავრებამდე, შეიმუშაონ საქართველოდან ექსპორტის, რეექსპორტისა და ტრანზიტის რეჟიმით გაფორმებული ტვირთების გადაადგილების გაკონტროლების მექანიზმი საბაჟო საგუშაგო „წითელი ხიდიდან“ სახელმწიფო საზღვრის საკონტროლო-გამტარ პუნქტამდე, რათა თავიდან იქნეს აცილებული ფიქტიური ექსპორტი და რეექსპორტი.
5. საავტომობილო გზების სახელმწიფო დეპარტამენტმა დააჩქაროს ახალი ხიდის მშენებლობა მდინარე ხრამზე, „წითელი ხიდის“ მიმდებარე ტერიტორიაზე.
6. საქართველოს სახელმწიფო საზღვრის დაცვის სახელმწიფო დეპარტამენტმა და საბაჟო დეპარტამენტმა განახორციელონ სათანადო ღონისძიებები „წითელი ხიდის“ მონაკვეთზე სასაზღვრო და საბაჟო გამტარი პუნქტების შემოვლითი გზების კონტროლის გასაძლიერებლად.
ე. შევარდნაძე
დოკუმენტის კომენტარები