დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
"ტყითსარგებლობის წესის დამტკიცების შესახებ" საქართველოს მთავრობის 2010 წლის 20 აგვისტოს №242 დადგენილებაში ცვლილებებისა და დამატების შეტანის თაობაზე | |
---|---|
დოკუმენტის ნომერი | 319 |
დოკუმენტის მიმღები | საქართველოს მთავრობა |
მიღების თარიღი | 13/10/2010 |
დოკუმენტის ტიპი | საქართველოს მთავრობის დადგენილება |
გამოქვეყნების წყარო, თარიღი | სსმ, 134, 19/10/2010 |
სარეგისტრაციო კოდი | 390050010.10.003.016050 |
საქართველოს მთავრობის
დადგენილება №319
2010 წლის 13 ოქტომბერი
ქ. თბილისი
„ტყითსარგებლობის წესის დამტკიცების შესახებ“ საქართველოს მთავრობის 2010 წლის 20 აგვისტოს №242 დადგენილებაში ცვლილებებისა და დამატების შეტანის თაობაზე
მუხლი 1. „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „ტყითსარგებლობის წესის დამტკიცების შესახებ“ საქართველოს მთავრობის 2010 წლის 20 აგვისტოს №242 დადგენილებაში (სსმ III, 2010 წელი, №103, მუხლი 1533) შეტანილ იქნეს ცვლილებები და დამატება და ამ დადგენილებით დამტკიცებულ წესში:
1. მე-2 მუხლის მე-17, მე-18 და მე-19 პუნქტები ამოღებულ იქნეს.
2. მე-2 მუხლის 24-ე პუნქტი ამოღებულ იქნეს.
3. მე-4 მუხლის პირველი პუნქტის ,,ვ“ ქვეპუნქტი ჩამოყალიბდეს შემდეგი რედაქციით:
,,ვ) ტყის ფონდში მიწის ნაკვეთის შესახებ ინფორმაციის მომზადება:
ვ.ა) მიწის ნაკვეთის საკადასტრო აზომვითი ნახაზის მომზადება;
ვ.ბ) მიწის ნაკვეთის სატაქსაციო დახასიათება;
ვ.გ) სიტუაციური გეგმის მომზადება;“.
4. მე-4 მუხლის პირველი პუნქტის ,,თ.ა“ ქვეპუნქტი ჩამოყალიბდეს შემდეგი რედაქციით:
,,თ.ა) ხაზობრივი ნაგებობისათვის კუთვნილი მიწის ნაკვეთის საკადასტრო აზომვითი ნახაზის მომზადება;“.
5. მე-8 მუხლის პირველი პუნქტი ჩამოყალიბდეს შემდეგი რედაქციით:
,,1. ტყეკაფი მოინიშნება დასამზადებელი ხე-ტყის აღრიცხვისათვის. ტყეკაფის მონიშვნისას სხვა ხეებთან ერთად აუცილებელია მოინიშნოს ფუტურო (ფაუტი), ზეხმელი და მავნებლებით დაზიანებული ხეები.“.
6. მე-8 მუხლის მე-8 პუნქტი ჩამოყალიბდეს შემდეგი რედაქციით:
,,8. ტყეკაფის მონიშვნისას კეთდება ადგილმდებარეობის ნახაზი (აბრისი) მასშტაბით 1:10000 ან 1:25000, რომელზეც დაიტანება:
ა) კვარტალის ტერიტორიაზე ტყეკაფის კონფიგურაცია და ტყეკაფის საწყისი წერტილის კოორდინატები;
ბ) ტყეკაფამდე მისასვლელი არსებული გზები.“.
7. მე-8 მუხლის მე-17 პუნქტი ჩამოყალიბდეს შემდეგი რედაქციით:
,,17. მართვის ორგანოების მიერ ტყეკაფებზე მოსაჭრელი ხე-ტყის აღრიცხვის სამუშაოების შეთანხმება ხდება მას შემდეგ, რაც აღრიცხვის სამუშაოების დამთავრების შემდეგ ნატურაში შერჩევით შემოწმებული იქნება მონიშნული ტყეკაფების რაოდენობის 20%. შემოწმებით დგინდება:
ა) დაქანება, სიხშირე (თვალზომით), ჭრაში დანიშნული ხე-ტყის სიმაღლის საშუალო თანრიგი, აღმონაცენ-მოზარდის რაოდენობა (განისაზღვრება ვიზუალურად);
ბ) ჭრაში დანიშნული ხეების ტაქსაციური დიამეტრის შესაბამისობა ტყეკაფის აღრიცხვის უწყისში ასახულ მონაცემებთან, რისთვისაც ტაქსაციური დიამეტრი აეზომება შერჩევით ჭრაში დანიშნული ხეების რაოდენობის არანაკლებ 20%-ს და აღნიშნული ხეებიდან სამ ხეზე ზუსტდება სიმაღლის თანრიგი. სხვაობის გამოვლენის შემთხვევაში ტყეკაფი მოინიშნება ხელახლა.“.
8. მე-8 მუხლს დაემატოს შემდეგი შინაარსის 22-ე პუნქტი:
„22. მონიშნული ტყეკაფის სისწორისათვის პასუხისმგებელია ტყეკაფის მომნიშნავი, ხოლო შემოწმებული ტყეკაფის სისწორისათვის – მართვის ორგანო.“.
9. მე-9 მუხლის მე-2 პუნქტის „ა“ ქვეპუნქტი ჩამოყალიბდეს შემდეგი რედაქციით:
„ა) საქართველოს ტყის კოდექსის მე-15 მუხლით განსაზღვრული ორგანოს მართვას დაქვემდებარებულ ტერიტორიებზე, გარდა:
ა.ა) ეროვნული პარკის ტრადიციული გამოყენების ზონის თხმელნარი კორომებით დაფარული ტერიტორიებისა;
ა.ბ) აუცილებლობის შემთხვევაში, ადგილობრივი მოსახლეობის საშეშე მერქნით უზრუნველყოფის მიზნით აკაციის პლანტაციებში ჩასატარებელი ჭრებისა;“.
10. მე-10 მუხლის პირველი და მე-2 პუნქტები ჩამოყალიბდეს შემდეგი რედაქციით:
,,1. სოციალური ჭრებისათვის ტყეკაფის მონიშვნა ხორციელდება მთავარი სარგებლობის პირწმინდა (ფერდობის დაქანება 0-5º), ნებით ამორჩევითი (6º და მეტი) და მოვლითი ჭრების ნორმებით დადგენილი წესით საბიუჯეტო ორგანიზაციებსა და საჯარო სამართლის იურიდიულ პირებზე (მათ შორის, საქართველოს კონსტიტუციური შეთანხმებით აღიარებულ საჯარო სამართლის იურიდიულ პირზე) საშეშე მერქნის გასაცემად.
2. სოციალური ჭრებისათვის ტყეკაფის მონიშვნა ასევე ხორციელდება მთავარი სარგებლობის პირწმინდა (ფერდობის დაქანება 0-5º), ნებით ამორჩევითი (6º და მეტი) და მოვლითი ჭრების ნორმებით დადგენილი წესით ადგილობრივ მოსახლეობაზე საშეშე და/ან სამასალე მერქნის გასაცემად.“.
11. მე-11 მუხლის მე-12 პუნქტი ჩამოყალიბდეს შემდეგი რედაქციით:
,,12. თანდათანობითი და ჯგუფურ-ამორჩევითი ჭრისათვის გამოყოფილი ტყეკაფის ფართობი არ აღემატება 25 ჰექტარს. ნებით ამორჩევითი ჭრის დროს ტყეკაფის სიდიდე არ იზღუდება და განისაზღვრება ჭრისათვის დანიშნული ლიტერის ფართობის ფარგლებში.~.
12. 35-ე მუხლი ჩამოყალიბდეს შემდეგი რედაქციით:
„მუხლი 35. ტყის რესურსით სარგებლობის ბილეთი
1. ტყის რესურსით სარგებლობის ბილეთი გაიცემა მხოლოდ მიწის ნაყოფიერი ფენის მოხსნისათვის.
2. მიწის ნაყოფიერი ფენის მოხსნისათვის ტყითმოსარგებლე ვალდებულია აიღოს ტყის რესურსით სარგებლობის ბილეთი.“.
13. 37-ე მუხლი ჩამოყალიბდეს შემდეგი რედაქციით:
„მუხლი 37. განცხადება ტყის რესურსით სარგებლობის ბილეთის მისაღებად
1. დაინტერესებული პირი ტყის ფონდში მიწის ნაყოფიერი ფენის მოხსნისათვის ტყის რესურსით სარგებლობის ბილეთის მისაღებად სააგენტოს წარუდგენს წერილობით განცხადებას.
2. წერილობითი განცხადება, გარდა საქართველოს ზოგადი ადმინისტრაციული კოდექსის 78-ე მუხლით გათვალისწინებული მოთხოვნებისა, უნდა შეიცავდეს შემდეგ ინფორმაციას:
ა) მოპოვების ვადა;
ბ) მოსაპოვებელი რესურსის ოდენობა;
გ) მოპოვების საშუალება;
დ) მოპოვების ადგილი.
3. განცხადებას თან უნდა ერთოდეს:
ა) სარგებლობას დაქვემდებარებული ფართობის დაზუსტებული საკადასტრო აზომვითი ნახაზი UTM კოორდინატთა სისტემაში, ფართობის ადგილმდებარეობის სრული დასახელება და სატაქსაციო დახასიათება, ამონახაზი ტყის კორომთა გეგმიდან (აბრისი) მასშტაბით 1:500-დან 1:25000-ის ჩათვლით, სარგებლობის განხორციელებაზე საინჟინრო-გეოლოგიური დასკვნა;
ბ) სააგენტოს მიერ გაწეული მომსახურების საფასურის გადახდის დამადასტურებელი დოკუმენტი;
გ) კერძო სამართლის იურიდიული პირისა და ინდივიდუალური მეწარმისათვის – მეწარმეთა და არასამეწარმეო (არაკომერციული) იურიდიული პირების რეესტრიდან ამონაწერი, ხოლო ფიზიკური პირისათვის – საქართველოს მოქალაქის პირადობის დამადასტურებელი მოწმობის ან პასპორტის ასლები.“.
14. 38-ე მუხლი ჩამოყალიბდეს შემდეგი რედაქციით:
„მუხლი 38. ტყის რესურსით სარგებლობის ბილეთის გაცემის ვადა
ტყის ფონდში მიწის ნაყოფიერი ფენის მოხსნისათვის ტყის რესურსით სარგებლობის ბილეთი ტყის ფონდის ტერიტორიაზე განხორციელებული შესაბამისი გამოკვლევის საფუძველზე გაიცემა განცხადების რეგისტრაციიდან 30 დღის ვადაში.“.
15. 39-ე მუხლი ჩამოყალიბდეს შემდეგი რედაქციით:
„მუხლი 39. ტყის რესურსით სარგებლობის ბილეთის გამცემი ორგანო
ტყის ფონდში მიწის ნაყოფიერი ფენის მოხსნისათვის ტყის რესურსით სარგებლობის ბილეთის გაცემის უფლება აქვს სააგენტოს.“.
16. მე-40 მუხლი ჩამოყალიბდეს შემდეგი რედაქციით:
„მუხლი 40. ტყის რესურსით სარგებლობის ბილეთის მოქმედების ვადა
ტყის ფონდში მიწის ნაყოფიერი ფენის მოხსნისათვის ტყის რესურსით სარგებლობის ბილეთის მოქმედების ვადაა 1 წელი მისი გაცემის დღიდან.“.
17. 41-ე მუხლი ჩამოყალიბდეს შემდეგი რედაქციით:
„მუხლი 41. ტყის რესურსით სარგებლობის ბილეთის რეკვიზიტები
ტყის ფონდში მიწის ნაყოფიერი ფენის მოხსნისათვის გაცემულ ტყის რესურსით სარგებლობის ბილეთში უნდა მიეთითოს:
ა) ტყის რესურსით სარგებლობის ბილეთის ნომერი;
ბ) ტყის რესურსით სარგებლობის ბილეთის გაცემის ადგილი, თარიღი და დრო (რიცხვი, თვე, წელი);
გ) ტყის რესურსით სარგებლობის ბილეთის გამცემი ორგანო;
დ) ტყის რესურსის მოპოვების ადგილი (სატყეო უბანი);
ე) ტყის რესურსით სარგებლობის ბილეთის მიმღების სახელი, გვარი და პირადი ნომერი ან იურიდიული პირის შემთხვევაში – მისი სახელწოდება და საიდენტიფიკაციო ნომერი;
ვ) მოსაპოვებელი რესურსის მოცულობა;
ზ) ტყის რესურსით სარგებლობის ბილეთის მოქმედების ვადა;
თ) ტყის რესურსით სარგებლობის ბილეთის გაცემაზე უფლებამოსილი პირის ხელმოწერა.“.
18. 42-ე მუხლის პირველი პუნქტის „ზ“ ქვეპუნქტი ამოღებულ იქნეს.
19. 42-ე მუხლის მე-2 პუნქტი ამოღებულ იქნეს.
20. დანართი №1 ჩამოყალიბდეს შემდეგი რედაქციით:
,,დანართი №1
ტყეკაფის აღრიცხვის უწყისი | ||||||||||
მართვის ორგანო: ----------------------------------------------------- | ||||||||||
სატყეო უბანი: -------, სატყეო: -------, სამცველო (სარეინჯერო):-----------, კვარტალი №---, ლიტერი №---, | ||||||||||
ფართობი: --------ჰა, სიმაღლის თანრიგი: --------, ჭრის სახე: -----------------, | ||||||||||
აღრიცხვის მეთოდი: ძირობრივი, ტყეკაფის კოორდინატები: X-------, -------------. | ||||||||||
№ | ჯიში | ხის დიამეტრი | ხის კატეგორია „ა“, „ბ“, „გ“ | ხის მოცულობა კუბ.მ | შენიშვნა | |||||
სულ | მათ შორის, ლიკვიდური მერქანი | |||||||||
ლიკვიდი | მასალა | შეშა | ||||||||
1 | 2 | 3 | 4 | 5 | 6 | 7 | 8 | 9 | ||
|
|
|
|
|
|
|
|
| ||
|
|
|
|
|
|
|
|
| ||
|
|
|
|
|
|
|
|
| ||
|
|
|
|
|
|
|
|
| ||
სულ |
|
|
|
|
| |||||
სულ მოცულობა | ლიკვიდი | მასალა | შეშა | |||||||
|
|
|
|
|
|
|
|
| ||
შენიშვნა: „შეშა ვარჯიდან“ შედის უწყისის მე-8 გრაფაში მოყვანილ „შეშის“ მოცულობაში და იანგარიშება მხოლოდ წიფლის და რცხილის სახეობებისათვის 36 სმ და მეტი ტაქსაციური დიამეტრის მქონე ხეებისათვის ქერქით ღეროს მოცულობის 10%-ის ოდენობით. | ||||||||||
|
|
|
|
|
|
|
|
| ||
| ტყეკაფის მომნიშნავი:----------------------------------------------------- |
| ||||||||
|
|
|
|
|
|
|
|
| ||
|
|
|
|
|
|
|
|
| ||
| უწყისის შედგენის თარიღი:-------------------------------------------- .“. |
| ||||||||
|
21. დანართი №2 ჩამოყალიბდეს შემდეგი რედაქციით:
,,დანართი №2
კორომებში მთავარი სარგებლობის ჭრებით მოსაჭრელი ბუნებრივი წარმოშობის მერქნიანი მცენარეების სახეობების (ჯიშების) დიამეტრები
სახეობა | მკერდის სიმაღლის დიამეტრი (სმ) |
1 | 2 |
სოჭი | 40 და მეტი |
ნაძვი | 40 და მეტი |
ფიჭვი | 32 და მეტი |
წიფელი | 40 და მეტი |
რცხილა | 36 და მეტი |
თხმელა (თესლითი) | 20 და მეტი |
თხმელა (ამონაყრითი) | 12 და მეტი |
აკაცია | 8 და მეტი |
შენიშვნა: დანართში მოყვანილი დიამეტრების მიხედვით დგინდება კორომში მოსაჭრელი ხეების დიამეტრები, რომლებიც არ უნდა იყოს დანართში მოყვანილ დიამეტრზე ნაკლები. აღნიშნული არ ვრცელდება კორომში არსებულ ფუტურო (ფაუტი), ზეხმელ და მავნებლებით დაზიანებულ ხეებზე, რომლებიც ჭრაში ინიშნება პირველ რიგში.“. |
22. დანართი №4 ჩამოყალიბდეს შემდეგი რედაქციით:
,,დანართი №4
სააგენტოს მიერ გაწეული მომსახურების საფასური
| |||||||
მომსახურების დასახელება | მომსახურების საფასური (დღგ-ის ჩათვლით) ლარებში | ||||||
1 კუბ.მ |
|
|
|
|
| ||
1 | 2 | 3 | 4 | 5 | 6 | 7 | |
ტყის რესურსით სარგებლობის ბილეთის გაცემა: |
|
|
|
|
|
| |
მიწის ნაყოფიერი ფენის მოხსნისათვის | 100 |
|
|
|
|
| |
მიწის ნაკვეთის შესახებ ინფორმაციის მომზადება: | მომსახურების საფასური (დღგ-ის ჩათვლით) ლარებში | ||||||
0,1 ჰა-მდე | 0,1-დან 1,0 ჰა-მდე | 1-დან 10 ჰა-მდე | 10-დან 100 ჰა-მდე | 100-დან 1000 ჰა-მდე | 1000-დან 5000 ჰა-მდე | ||
მიწის ნაკვეთის საკადასტრო აზომვითი ნახაზის მომზადება | 150 | 500 | 1000 | 2500 | 3500 | 5000 | |
მიწის ნაკვეთის სატაქსაციო დახასიათება | 100 | 500 | 1000 | 2500 | 4000 | 10000 | |
სიტუაციური გეგმის მომზადება | 100 | 200 | 500 | 1000 | 1500 | 2500 | |
შენიშვნა: მე-7 სვეტში მითითებულ ფართობზე მეტი ფართობის შემთხვევაში მე-7 სვეტში მითითებულ მომსახურების საფასურს ემატება შესაბამისად მე-2 _ მე-7 სვეტში მითითებული მომსახურების საფასური ფართობის მიხედვით. | |||||||
საექსპლუატაციო უბნის კონტურების დადგენა და სატაქსაციო დახასიათება | მომსახურების საფასური (დღგ-ის ჩათვლით) ლარებში | ||||||
ერთი სანიმუშო ფართობის საფასური (5 სანიმუშო ფართო-ბამდე) | ერთი სანიმუშო ფართობის საფასური (10 სანიმუშო ფართო-ბამდე) | ერთი სანიმუშო ფართობის საფასური (100 სანიმუშო ფართობამდე) | ერთი სანიმუშო ფართობის საფასური (100 სანიმუშო ფართობი და მეტი) |
|
| ||
საექსპლუატაციო უბნის კონტურების დადგენა და უბნის სატაქსაციო დახასიათება ერთი სანიმუშო ფართობისათვის | 250 | 200 | 100 | 70 | _ | _ | |
ხაზობრივი ნაგებობისათვის კუთვნილი მიწის ნაკვეთის შესახებ ინფორმაციის მომზადება | მომსახურების საფასური (დღგ-ის ჩათვლით) ლარებში | ||||||
1კმ-მდე | 1კმ–5კმ-მდე | 5კმ–10კმ-მდე | 10კმ–100კმ-მდე | 100კმ–500კმ-მდე | 500კმ და მეტი | ||
ხაზობრივი ნაგებობისათვის კუთვნილი მიწის ნაკვეთის საკადასტრო აზომვითი ნახაზის მომზადება | 100 | 250 | 500 | 5000 | 15000 | 30000 | |
| მომსახურების საფასური (დღგ-ის ჩათვლით) ლარებში | ||||||
1კმ-მდე | კილომეტრის საფასური 1კმ–10კმ-მდე | კილომეტრის საფასური 10,0კმ–100კმ-მდე | კილომეტ- რის საფასური 100კმ–500კმ-მდე | კილო- მეტრის საფასური 500კმ და მეტი | |||
ხაზობრივი ნაგებობისათვის კუთვნილი მიწის ნაკვეთის სატაქსაციო დახასიათება | 500 | 500 | 450 | 400 | 350.“. | ||
მუხლი 2. დადგენილება ამოქმედდეს გამოქვეყნებისთანავე.
პრემიერ-მინისტრი ნ. გილაური
დოკუმენტის კომენტარები