საქართველოს მთავრობის 2022 წლის 29 მარტის N159 დადგენილებით დამტკიცდა თანდართული ,,ბათუმი ავარიული სახლების გარეშე - სახელმწიფო მიზნობრივი პროგრამა’’, რომლის მიზანია ავარიული შენობების ლიკვიდაციის ხელშეწყობა, ავარიული შენობების თანამედროვე ტიპის საცხოვრებელი კომპლექსებით ჩანაცვლება, მოსახლეობის საცხოვრებელი პირობების გაუმჯობესება და უსაფრთხო საცხოვრისი გარემოს შექმნა.
საქართველოს მთავრობის 2021 წლის 7 დეკემბრის N575 დადგენილებით დამტკიცდა „ხორცში ტრიქინელას სახელმწიფო კონტროლის სპეციალური წესი“, რომლითაც განისაზღვრა მოთხოვნები, რომელსაც უნდა აკმაყოფილებდეს ბიზნესოპერატორი, რათა სადგომი ოფიციალურად მიჩნეულ იქნეს კონტროლირებადი შენახვის პირობების გამომყენებლად. (დადგენილების ამოქმედების ვადად განსაზღვრულია 2025 წლის პირველი იანვარი)
საქართველოს მთავრობის 2021 წლის 28 სექტემბრის №480 დადგენილებით დამტკიცდა ტექნიკური რეგლამენტი ,,სურსათში ან სურსათზე გამოყენებული ან გამოყენებისთვის განკუთვნილი შესაბოლი არომატიზატორების შესახებ“, რომლის თანახმად სურსათი, რომელიც განთავსებულია ბაზარზე აღნიშნული დადგენილების ამოქმედებამდე და არ შეესაბამება ამავე დადგენილებით განსაზღვრულ მოთხოვნებს, დასაშვებია ბაზარზე განთავსებულ იქნეს „ვარგისიანობის მინიმალური ვადის“ ან „გამოყენებამდე ვადის“ გასვლამდე. დადგენილება ამოქმედდება 2024 წლის პირველი იანვრიდან.
საქართველოს მთავრობის 2021 წლის 23 ივნისის N297 დადგენილებით დამტკიცდა ,,საგარეო ვალის მომსახურებისა და დაფარვისათვის გათვალისწინებული ასიგნებებიდან საქართველოს იურიდიული პირების ან მათი გაერთიანების მიერ კრედიტორი ქვეყნისათვის საგარეო ვალის მომსახურებისა და დაფარვის ანგარიშში პროდუქციის რეალიზაციისა და მომსახურების გაწევისათვის თანხების ანაზღაურების წესი’’.
ინფორმაციული უსაფრთხოების შესახებ საქართველოს კანონში 2021 წლის 10 ივნისის ცვლილების თანახმად, 2021 წლის 30 დეკემბრიდან ინფორმაციული უსაფრთხოების აუდიტი ან/და პენეტრაციის ტესტი შეიძლება ჩაატაროს პირმა, რომელსაც საქართველოს სახელმწიფო უსაფრთხოების სამსახურის უფროსის ნორმატიული აქტით დადგენილი წესის შესაბამისად გავლილი ექნება უსაფრთხოებაზე შემოწმება.
საქართველოს პარლამენტმა 2021 წლის 2 მარტს მიიღო კანონი გარემოსდაცვითი პასუხისმგებლობის შესახებ, რომელიც არეგულირებს გარემოსთვის მნიშვნელოვანი ზიანის მიყენების პრევენციასთან, აღნიშნული ზიანის შერბილებასთან და გარემოსთვის ზიანის მიყენების შემთხვევაში განსახორციელებელ ღონისძიებებთან დაკავშირებულ სამართლებრივ ურთიერთობებს.
საქართველოს შინაგან საქმეთა მინისტრის 2021 წლის 23 თებერვლის N9 ბრძანებით განისაზღვრა სამინისტროს უფლებამოსილებები სქესობრივი თავისუფლებისა და ხელშეუხებლობის წინააღმდეგ მიმართული დანაშაულის პრენვენციისა და გამოვლენისას და აღნიშნული დანაშაულის ჩადენისათვის მსჯავრდებულ/უფლებაჩამორთმეულ პირთა რეესტრის, მათ შორის პირადი საქმის წარმოების წესი.
რომელიც მოიცავს COVID-19-ის კანდიდატი და ავტორიზებული ვაქცინების ჩამონათვალსა და პრიორიტეტული ჯგუფებისა და ვაქცინაციის სტრატეგიების აღწერას.
საქართველოს მთავრობის 2021 წლის 21 იანვრის N20 დადგენილებით ეკონომიკური საქმიანობის პროცესის შეჩერებისა და საგანმანათლებლო დაწესებულებების/პროფესიული საგანმანათლებლო დაწესებულებების და სპეციალური პროფესიული საგანმანათლებლო დაწესებულებების შემოწმების უფლება შრომის პირობების ინსპექტირების დეპარტამენტის ნაცვლად სსიპ შრომის ინსპექციის სამსახურს მიენიჭა.
საქართველოს სისხლის სამართლის საპროცესო კოდექსის 2021 წლის 11 იანვრის ცვლილების თანახმად, სასამართლო უფლებამოსილია სასჯელის შემდგომი მოხდისაგან პირობით გაათავისუფლოს მსჯავრდებული, რომელსაც სასჯელის სახით დანიშნული აქვს უვადო თავისუფლების აღკვეთა და რომელმაც ფაქტობრივად მოიხადა თავისუფლების აღკვეთის ოცი წელი და წარმატებით გაიარა საქართველოს იუსტიციის მინისტრის მიერ დამტკიცებული უვადო თავისუფლების აღკვეთით მსჯავრდებული პირის გათავისუფლებისათვის მომზადების პროგრამა.
საქართველოს სისხლის სამართლის კოდექსის 2021 წლის 11 იანვრის ცვლილების თანახმად, სასჯელის სახით დანიშნული უვადო თავისუფლების აღკვეთის გადასინჯვისა და სასჯელის მოუხდელი ნაწილის უფრო მსუბუქი სახის სასჯელით შეცვლის პირობებს დაემატა საქართველოს იუსტიციის მინისტრის მიერ დამტკიცებული უვადო თავისუფლების აღკვეთით მსჯავრდებული პირის გათავისუფლებისათვის მომზადების პროგრამის წარმატებით გავლის პირობა.
2021 წლის 11 იანვარს მიღებული ამნისტიის შესახებ საქართველოს კანონის თანახმად, ზოგიერთი დანაშაულის ჩადენისათვის ბრალდებული და მსჯავრდებული პირები თავისუფლდებიან სისხლისსამართლებრივი პასუხისმგებლობისა და სასჯელისაგან, ასევე ცალკეული დანაშაულის ჩადენისათვის მსჯავრდებულ პირებს დანიშნული სასჯელი უმცირდებათ ან ეცვლებათ უფრო მსუბუქი სასჯელით.
ხოლო სავაჭრო ცენტრებში განთავსებული კვების ობიექტების/რესტორნების/ბარების/კაფეების ფუნქციონირება განხორციელდება მხოლოდ მიტანის მომსახურებით. ასევე, დადგენილებით, 21:00 საათამდე განისაზღვრა სასტუმროებში განთავსებული რესტორნების/კაფეების/ბარების, სპორტული დარბაზებისა და საცურაო აუზების ფუნქციონირების დრო, აღნიშნული დროიდან დასაშვებია მხოლოდ ნომერში მომსახურების სერვისი.
საქართველოს მთავრობის 2020 წლის 12 დეკემბრის N770 დადგენილების თანახმად, პირები, რომლებსაც აქვთ უკანასკნელი 14 დღის განმავლობაში დიდი ბრიტანეთისა და ჩრდილოეთ ირლანდიის გაერთიანებულ სამეფოში მოგზაურობის ისტორია, 12 დღით ექვემდებარებიან საკარანტინე სივრცეში გადასვლას.
საქართველოს მთავრობის 2020 წლის 21 დეკემბრის N762 დადგენილებით 160 დღემდე გაიზარდა საომარი მდგომარეობის, საერთაშორისო მშვიდობისა და უსაფრთხოების შენარჩუნებისა და აღდგენის ან სხვა სახის სამშვიდობო ოპერაციებში, აგრეთვე 1998 წლის მაისისა და 2004 წლის აგვისტოს მოვლენებში მონაწილეობის დროს დაჭრილ ან დასახიჩრებულ სამხედრო მოსამსახურეთა ავადმყოფობით გამოწვეული შვებულების ხანგრძლივობის ვადა.
საქართველოს მთავრობის 2020 წლის 18 დეკემბრის N761 დადგენილების თანახმად, 2020 წლის ნოემბრის, დეკემბრისა და 2021 წლის იანვრის თვეების კომუნალური გადასახადის სუბსიდიის დაფინანსება განხორციელდება 2020 წლის, ხოლო 2021 წლის თებერვლის თვის კომუნალური გადასახადის სუბსიდიის დაფინანსება განხორციელდება 2021 წლის სახელმწიფო ბიუჯეტით.
საქართველოს მთავრობის 2020 წლის 18 დეკემბრის N760 დადგენილებით იურიდიული პირებისათვის 2020 წლის 28 დეკემბრამდე გახანგრძლივდა კომუნალური გადასახადების სუბსიდირებას დაქვემდებარებული საყოფაცხოვრებო მომხმარებლების სიების კორექტირების, სამინისტროში წარდგენისა და შესაბამის ხელშეკრულებაში ცვლილების გაფორმების ვადა.
საქართველოს მთავრობის 2020 წლის 10 დეკემბრის N741 დადგენილებით დაზუსტდა იმ მოსარგებლეთა წრე, რომელთაც ახალი კორონავირუსული დაავადების COVID 19-ის მართვის პროგრამის ფარგლებში გაეწევათ ამავე პროგრამით გათვალისწინებული მომსახურება -ახალი კორონავირუსით (SARS-CoV-2) გამოწვეული ინფექციის (COVID 19) დიაგნოსტირება.
საქართველოს კომუნიკაციების ეროვნული კომისიის 2020 წლის 28 თებერვლის N1 დადგენილებით დამტკიცდა ბავშვისთვის საფრთხის შემცველი ინფორმაციის ინტერნეტში განთავსების მოწესრიგების შესახებ დებულება, რომელიც განსაზღვრავს ბავშვისთვის საფრთხის შემცველი ინფორმაციის ინტერნეტში განთავსების წესებსა და ინტერნეტში ინფორმაციის განმთავსებლების და ინტერნეტმომსახურების მიმწოდებლების ვალდებულებებს.
საქართველოს მთავრობის 2018 წლის 05 ივნისის N317-ე დადგენილებაში გახორციელებული ცვლილების საფუძველზე, 2020 წლის 21 თებერვლიდან ბიზნესოპერატორი ვალდებულია სურსათთან შეხებაში მყოფი მასალებისა და საგნების წარმოება განახორციელოს კარგი წარმოების პრაქტიკის (GMP) ზოგადი წესებითა და კარგი წარმოების პრაქტიკის შესახებ დეტალური წესებით დადგენილი მოთხოვნების გათვალისწინებით.
,,საქართველოს მთავრობის 2020 წლის 6 თებერვლის N82 დადგენილებით დამტკიცდა ტექნიკური რეგლამენტი ინდივიდუალური დაცვის საშუალებების შესახებ. სსიპ ,,ბაზარზე ზედამხედველობის სააგენტოს'' მიენიჭა საქართველოს ბაზარზე განთავსებული ინდივიდუალური დაცვის საშუალებების ტექნიკური რეგლამენტის მოთხოვნებთან შესაბამისობის შემოწმებისა და შესაბამისი რეკომენდაციების გაცემის უფლებამოსილება.
2019 წლის 18 სექტემბერს საქართველოს პარლამენტმა მიიღო ახალი კანონი „მედიაციის შესახებ“, რომელიც ძალაში შედის 2020 წლის 1 იანვრიდან. კანონი დავის ალტერნატიული გზით გადაწყვეტის წესს და მედიაციის პროცესთან დაკავშირებულ სხვა საკითხებს განსაზღვრავს.
2019 წლის 27 სექტემბერს გამოქვეყნდა „ბავშის უფლებათა კოდექსი“, რომელიც ძალაში შედის 2020 წლის 1 ივნისს. კოდექსის მიზანია ბავშვის კეთილდღეობის უზრუნველყოფა, მისი უფლებებისა და თავისუფლებების დაცვის და რეალიზების ხელშეწყობა.
2019 წლის 2 ივლისიდან ძალაში შევიდა ახალი ორგანული კანონი „სასოფლო-სამეურნეო დანიშნულების მიწის საკუთრების შესახებ“, რომლის მიხედვითაც, სასოფლო-სამეურნეო დანიშნულების მიწაზე საკუთრების უფლება უცხოელ ფიზიკურ პირს წარმოეშვება მხოლოდ იმ შემთხვევაში, თუკი მან ეს მიწა მემკვიდრეობით მიიღო.
2019 წლის 31 მაისიდან თამბაქოს ნაწარმის მწარმოებლი ან/და იმპორტიორი ვალდებულია თამბაქოს ნაწარმის საქართველოს ბაზარზე განთავსებამდე არაუგვიანეს 3 თვისა თამბაქოს ნაწარმის ინგრედიენტების თაობაზე ინფორმაცია წარუდგინოს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, საქართველოს „ადმინისტრაციულ სამართალდართვევათა კოდექსის“ 1557 მუხლის მიხედვით.
2019 წლის 1 აპრილიდან საქართველოს სისხლის სამართლის კოდექსის 276-ე მუხლის მიხედვით, ავტომობილის ან სხვა მექანიკური სატრანსპორტო საშუალების ნარკოტიკული, ფსიქოტროპული ან ახალი ფსიქოაქტიური ნივთიერების ზემოქმედების ქვეშ მართვა ისჯება ჯარიმით ანდა თავისუფლების აღკვეთით ვადით ერთ წლამდე.
2019 წლის პირველი იანვრიდან ამოქმედდა „შრომის უსაფრთხოების შესახებ“ 2018 წლის 7 მარტის საქართველოს კანონის მე-5 მუხლის მე-8 პუნქტი, რომლის თანახმადაც, დამსაქმებელი ვალდებულია საკუთარი ხარჯებით მუშაობის პერიოდში დასაქმებული უზრუნველყოს უბედური შემთხვევის დაზღვევით.
2019 წლის 23 იანვრიდან ამოქმედდა საქართველოს ეროვნული ბანკის პრეზიდენტის 2019 წლის 18 იანვრის ბრძანება №7/04, რომლის თანახმადაც, კომერციული ბანკები უფლებამოსილნი არიან 200 000 (ორასი ათასი) ლარამდე სესხები/საბანკო კრედიტები გასცენ უცხოური ვალუტით, თუ სესხის/საბანკო კრედიტის გაცემა ხორციელდება საქართველოს მოქალაქეობის არმქონე პირზე ან/და საქართველოში არარეგისტრირებულ იურიდიულ პირზე.
სსიპ - საქართველოს საკანონმდებლო მაცნეს დოკუმენტის საძიებო სისტემას დაემატა ახალი ველი - "დოკუმენტის თემა", რომლის მეშვეობითაც შეგიძლიათ იხილოთ თემატურად დალაგებული სამართლებრივი აქტების ჩამონათვალი. აღნიშნული ველი კიდევ უფრო გაამარტივებს ძებნის ფუნქციას.
საქართველოს საკანონმდებლო მაცნეს ვებგვერდს დაემატა ახალი ფუნქციონალები, რომლებიც კიდევ უფრო მოსახერხებელს ხდის ვებგვერდზე მუშაობას. საქართველოს საკანონმდებლო მაცნე, მუდმივი განვითარების პროცესში!
საკანონმდებლო მაცნე დაარსებიდან 20 წლის იუბილეს აღნიშნავს. უწყების თანამშრომლებს იუბილე იუსტიციის მინისტრმა მიულოცა და მოწვეულ სტუმრებს ბოლო ხუთი წლის განმავლობაში განახლებული მაცნეს საქმიანობის შესახებ ისაუბრა.
სსიპ - საქართველოს საკანონმდებლო მაცნესა და სსიპ - საერთო სასამართლოების დეპარტამენტს შორის მიმდინარე წლის აპრილში გაფორმდა ურთიერთთანამშრომლობის მემორანდუმი, რომლის ფარგლებშიც თბილისის საქალაქო სასამართლოსა და თბილისის სააპელაციო სასამართლოებში განთავსდა საკანონმდებლო მაცნეს წ
იუსტიციის სამინისტროს „საქართველოს საკანონმდებლო მაცნემ“ წლიური ანგარიში წარადგინა. ღონისძიებას ესწრებოდნენ იუსტიციის მინისტრის მოადგილეები ალექსანდრე ბარამიძე, გიორგი პატარიძე და მიხეილ სარჯველაძე.
