ბაღდათის მუნიციპალიტეტის 2024 წლის ბიუჯეტის დამტკიცების შესახებ

ა) განისაზღვროს ბაღდათის მუნიციპალიტეტის ბიუჯეტის არაფინანსური აქტივების ზრდა 903.0 ათასი ლარის ოდენობით.

ბ) განისაზღვროს ბაღდათის მუნიციპალიტეტის ბიუჯეტის არაფინანსური აქტივების კლება 186.0  ათასი ლარის ოდენობით, მათ შორის:

2. განისაზღვროს ბაღდათის მუნიციპალიტეტის ბიუჯეტის 2024 წლის ვალის მოცულობა 100.0 ათასი ლარის ოდენობით:

ბაღდათის მუნიციპალიტეტს „მუნიციპალური განვითარების ფონდი“-დან აღებული სესხით შეძენილი აქვს თანამედროვე ნაგავმზიდები და ნაგვის ურნები. აღნიშნული სესხის ჯამური მოცულობა შეადგენს 584.1 ათას ლარს. გადახდა დაიწყო 2018 წელს და უნდა დასრულდეს 2026 წელს. სესხის დაფარვის გრაფიკის მიხედვით ყოველწლიურად გადასახდელი თანხის მოცულობა პირობითია და ის ზუსტდება გადახდის მომენტში, რომელიც წლის მანძილზე ხორციელდება ორ ეტაპად: 28 აპრილს და 28 ოქტომბერს. 2023 წელს  შემცირება იგეგმება 100.0 ათასი ლარით.

1. მმართველობა და საერთო დანიშნულების ხარჯები;

2. ინფრასტრუქტურის მშენებლობა, რეაბილიტაცია და ექსპლოატაცია

3. დასუფთავება და გარემოს დაცვა;

4. განათლება;

5. კულტურა, რელიგია, ახალგაზრდობის ხელშეწყობა და სპორტი;

6. მოსახლეობის ჯანმრთელობის დაცვა და სოციალური უზრუნველყოფა;

7. ეკონომიკის განვითარების ხელშწყობა.

2. განისაზღვროს ბაღდათის მუნიციპალიტეტის ბიუჯეტის პროგრამების და ქვეპროგრამების აღწერა და მიზანი შემდეგი რედაქციით:

ა) მმართველობა და საერთო დანიშნულების ხარჯები (კოდი 01 00)

პრიორიტეტის მოკლე აღწერა- პრიორიტეტი მოიცავს საკანომმდებლო და აღმასრულებებლი ორგანოების საქმიანობის უზრუნველყოფის ხარჯებს, ასევე საერთო დანიშნულების ხარჯებს, მათ შორის თანამშრომელთა პროფესიული უზრუნველყოფის მიმართულებით.

ბ) ინფრასტრუქტურის მშენებლობა, რეაბილიტაცია და ექსპლოატაცია (კოდი 02 00)

პრიორიტეტის მოკლე აღწერა-მუნიციპალიტეტის ინფრასტრუქტურის განვითარება და გაუმჯობესება პირდაპირ კავშირშია მუნიციპალიეტეტის მოსახლეობის კეთილდრეობასთან. ინფრასტრუქტურის მოწესრიგება (როგორიცაა გზების, გარე განათების, წყლის სისტემების და სხვა.) ხელს უწყობს მუნიციპალიტეტში ინვესტიციების მოზიდვას,რაც წინა პირობაა ტურიზმის მრეწველობის, სოფლის მეურნეობის და სხვა დარგების განვითარების. აღნიშნული მიმართულება ბიუჯეტის ერთ-ერთ მთავარ პრიორიტეტს წარმოადგენს. პრიორიტეტის ფარგლებში გაგრძელდება საგზაო ინფრასტრუქტურის მშენებლობა-რეაბილიტაცია, წყლის სისტემების, გარე განათების ქსელის მოწყობა-რეაბილიტაცია და სხვა. დაფინანსდება როგორც ახალი ობიექტების მშენებლობა ასევე არსებულის რეაბილიტაცია და მოვლა-შენახვის ხარჯები.

ბ.ა) საგზაო  ინფრასტრუქტურის მშენებლობა-რეაბილიტაცია და მოვლა-შენახვა (კოდი 02 01)

პროგრამა გულისხმობს გზების ტექნიკური მდგომარეობის გაუმჯობესებას,ახალი გზების მშენებლობას და არსებული საგზაო ინფრასტრუქტურის განვითარებას, სატრანსპორტო კვანძების რეაბილიტაციას. პროგრამის ფარგლებში ხორციელდება მუნიციპალიტეტში არსებული დაზიანებული და ამორტიზებული გზების და ტროტუარების კაპიტალური შეკეთება, შიდასასოფლო და შიდასაუბნე გზების ბეტონის საფარის მოწყობა, გრუნტის საფარის მოსწორება და მოხრეშვა.  პროექტების ძირითადი ნაწილი ხორციელდება რეგიონალური განვითარების ფონდიდან გამოყოფილი თანხებით.

პროგრამის მიზანია მოწესრიგებული საგზაო ინფრასტრუქტურა და მოსახლეობის გადაადგილებისათვის უსაფრთხო გარემოს შექმნა. მ.შ. საბავშვო ეტლით მოსარგებლეებისათვის და შშმპ პირებისათვის ადაპტირებული, ქალების, ბავშვების, ხანდაზმულთა კომფორტული, უსაფრთხო და შეუფერხებელი გადაადგილება, მგზავრობის დროის და სატრანსპორტო დანახარჯების დაზოგვა, ქალაქში მაცხოვრებელთათვის, ადგილობრივი ბიზნეს ობიექტებისთვის და ტურისტებისათვის ტრანსპორტით და ფეხით გადაადგილებისას მაღალი კომფორტის შექმნა, ხმაურისა და გარემოს დაბინძურების შემცირება, ქალაქის ქუჩებში სატრანსპორტო საშუალებების მოძრაობის განტვირთვა, მუნიციპალური სატრანსპორტო სერვისის განვითარება, ტურისტიული ინფრასტრუქტურის განვითარება

ბ.ბ) ადგილობრივი მნიშვნელობის გზების რეაბილიტაცია ( კოდი 02 01 02 )

ქვეპროგრამის ფარგლებში ხორციელდება მუნიციპალიტეტში არსებული დაზიანებული და ამორტიზებული გზების და ტროტუარების კაპიტალური შეკეთება, შიდა სასოფლო და შიდასაუბნე გზების ბეტონის საფარის მოწყობა, გრუნტის საფარის მოსწორება და მოხრეშვა.გზების პერიოდული შეკეთება, ქუჩების სავალ ნაწილსა და ტროტუარებზე დაზიანებული გრანიტის ძელაკებისა და ფილების შეკეთება, გზის სავალ ნაწილისა და ტროტუარებზე დაზიანებული დაწნეხილი და დეკორატიული ფილების შეკეთების სამუშაოები.ქვეპროგრამის ფარგლებში გათვალისწინებულია: დაზიანებული ქუჩების, ტროტუარების მოწესრიგება, არსებულ ქუჩებში ასფალტ-ბეტონის საფარის და ტროტუარის ფილების დაგება, ბორდიურების მოწყობა, ბეტონის საფარის დაგება, დეკორატიული ბოძკინტებისა და ღობურების მონტაჟი, საფეხმავლო ხიდის მშენებლობა, გზებისა და ტროტუარების საბავშვო ეტლით მოსარგებლეთათვის, შშმპ პირებისთვის ადაპტირება, უსინათლოთა ბილიკებისა და პანდუსების მოწყობა,

ქვეპროგრამის მიზანია საავტომობილო გზებზე მგზავრთა შეუფერხებელი და უსაფრთხო გადაადგილების უზერუნველყოფა. გზების და ტროტუარების საფარის დამაკმაყოფილებელ მდგომარეობაში შენარჩუნება-გაუმჯობესება;

ბ.გ) წყლის სისტემების განვითარება ( კოდი 02 02 )

წყლის სისტემების განვითარების პროგრამა ითვალისწინებს მუნიციპალიტეტის ტერიტორიაზე არსებული წყლის სისტემების როგორც სრულ ასევე ნაწილობრივ რეაბილიტაციას და ახლის მოწყობას. მათ შორის პრიორიტეტულია მოსახლეობის 24 საათიანი სასმელი წყლის უზრუნველყოფა წლის ნებისმიერ პერიოდში. წყლის სისტემების ექსპლოატაცია მიმდინარეობს უწყვეტ რეჟიმში რათა წარმოქმნილი გაუმართაობები აღმოფხვრილი იქნას დროულად. პროგრამა ასევე მოიცავს სანიაღვრე სისტემების ექსპლოატაცია / რეაბილიტაციასა და შადრევნების წყლის ხარჯის დაფინანსებას. წყლის სისტემის განვითარების პროგრამა შინაარსის მიხედვით არის როგორც კაპიტალური / ინფრასტრუქტურული (წყლის სისტემების რეაბილიტაცია, ახლის მოწყობა) ასევე მომსახურების (წყლის სისტემის ექსპლოატაცია). რაც შეეხება მის ხანგრძლივობას იგი ინფრასტრუქტურულ ნაწილში წარმოადგენს მრავალწლიან, ხოლო მომსახურების ნაწილში მუდმივმოქმედ პროგრამას.

პროგრამის მიზანია წყლის სისტემების და სანიაღვრე არხების გამართული ფუნქციონირება, სადრენაჟე ქსელის მოწესრიგება.მოსახლეობის წყალმომარაგების მომსახურების  გაუმჯობესება წყლის მოხმარების დონის ამაღლება ოჯახებში. წყლის სისტემების გამართული მუშაობის უზრუნველყოფა. უწყვეტი და მოთხოვნის შესაბამისი წყალმომარაგების უზრუნველყოფა.

ბ.დ) სანიაღვრე არხების რეაბილიტაცია,ექსპლოატაცია (კოდი 02 02 01 )

ქვეპროგრამა ითვალისწინებს მუნიციპალიტეტის ქუჩების სანიაღვრე ქსელების მოვლა-პატრონობას (ექსპლოატაცია), მიმდინარე შეკეთებას, სანიაღვრე კოლექტორების, წვიმმიმღებების, საკონტროლო ჭების, გვერდმიმღებების მოწყობას, კიუვეტების გაწმენდას. პროგრამის მიზანია სანიაღვრე ქსელების ნორმალური ფუნქციონირება, სანიაღვრე და სადრენაჟე ქსელების სათავე ნაგებობების წესრიგში მოყვანა.სანიაღვრე ქსელების მიმდინარე მოვლა-ექსპლუატაციისა და სანიაღვრე არხების მშენებლობა-რეკონსტრუქციის ღონისძიებები.

მუნიციპალიტეტის სანიაღვრე სისტემის გაფართოება და გამტარუნარიანობის გაუმჯობესება მოსახლეობისა და ინფრასტრუქტურის დაცვა შესაძლო წყალმოვარდნებისაგან, სანიაღვრე ქსელის გამართული ფუნქციონირება ქალაქის კომუნალური მეურნეობის მოწესრიგება, ეკოლოგიურად სუფთა გარემოს შექმნა. ქალაქში დატბორილი ადგილების აღმოფხვრა, ტრანსპორტის ფუნქციონირების ხელშეწყობა

ბ.ე) წყლის სისტემების რეაბილიტაცია და ექსპლოატაცია (კოდი 02 02 02)

ქვეპროგრამის ფარგლებში დაგეგმილია არსებული წყლის სისტემის რეაზერვუარების დაქლორვა, სოფლებში შიდასაუბნო წყალმომარაგების სისტემების მშენებლობა-რეაბილიტაცია.მომსახურების ხარისხის მატება,სისტემაში შენახვის მოცულობის ზრდა.

ქვეპროგრამის მიზანია დაქლორვითი სამუშაოების შედეგად სასმელი წყლის ხარისხის გაუმჯობესება. მოსახლეობის წყალმომარაგების მომსახურების  გაუმჯობესება წყლის მოხმარების დონის ამაღლება ოჯახებში. წყლის სისტემების გამართული მუშაობის უზრუნველყოფა.

ბ.ვ) გარე განათების ქსელის მოწყობა,რეაბილიტაცია და ექსპლოატაცია (კოდი 02 03)

პროგრამა ითვალისწინებს ქუჩების, მოედნების, სკვერების განათებას, გარე განათების ქსელის რეკონსტრუქციას და ექსპლოატაციას.  პროგრამის ფარგლებში განხორციელდება გარე განათების ქსელის  მოდერნიზაცია-განვითარება, არსებული ნათურების დაბალ ემისიური  ნათურებით ჩანაცვლება. ელექტროენერგიის ხარჯის შემცირების მიზნით. მოხმარებული ელექტროენერგიის საფასურის გადახდა, განათების ახალი წერტილების მოწყობა.

პროგრამის მიზანია გარე განათების ქსელმა ეტაპობრივად სრულად მოიცვას დასახლებული ადგილები.ღამის პერიოდში მუნიციპალიტეტში უსაფრთხო გადაადგილებისა და კომფორტული გარემოს შექმნა, განათებულ ქუჩებში მოსახლეობის, განსაკუთრებით კი ქალებისა და ბავშვების უსაფრთხო გადაადგილება, სატრანსპორტო საშუალებების უსაფრთხო გადაადგილება. კრიმინოგენული ფაქტორების შემცირება

ბ.ზ) მუნიციპალიტეტის კეთილმოწყობის ღონისძიებები (კოდი 02 04 )

მუნიციპალიტეტის კეთილმოწყობის ღონისძიებებში იგულისხმება მუნიციპალიტეტში არსებული მრავალბინიანი სახლების სახურავებისა და ფასადების რეაბილიტაცია, არსებული შადრევნების ექსპლოატაციისთვის საჭირო მცირე სარეაბილიტაციო სამუშაოების ჩატარება,  მუნიციპალიტეტის საკუთრებაში არსებული სხვადასხვა შენობების აღრიცხვა–შეფასების და პრივატიზაციის მიზნით საკადასტრო აზომვითი ნახაზების დამზადება.

პროგრამის მიზანია მოწესრიგდეს ქალაქის იერსახე, შეიქმნას მიმზიდველი გარემო ქალაქის მაცხოვრებლებისა და სტუმრებისთვის.

ბ.თ) მრავალბინიანი სახლების სახურავების და ფასადების რეაბილიტაცია კოდი (02 04 01)

ქვეპროგრამის ფარგლებში მუნიციპალიტეტში არსებული მრავალბინიანი სახლების სახურავებისა და ფასადების რეაბილიტაცია ენერგოეფექტური მიდგომების გათვალისწინებით. აღნიშნული სამუშაოს განხორციელება იგეგმება მუნიციპალიტეტის ადგილობრივი შემოსავლებით, ბინათმესაკუთრეთა ამხანაგობების თანადაფინანსებით.

პროგრამის მიზანია მრავალბინიანი კორპუსების რეაბილიტირებული სახურავები და ფასადები.მოქალაქეებისთვის შექმნილი უსაფრთხო გარემო.

ბ.ი) საკადასტრო რუქის დამზადება (კოდი 02 04 02)

მუნიციპალიტეტის საკუთრებაში არსებული სხვადასხვა შენობების აღრიცხა-შეფასების და პრივატიზაციის მიზნით საკადასტრო აზომვითი ნახაზების დამზადება.

მუნიციპალიტეტის საკუთრებაში არსებული სხვადასხვა შენობების აღრიცხა-შეფასების და პრივატიზაციის მიზნით საკადასტრო აზომვითი ნახაზების დამზადება.

ბ.კ) შადრევნების ექსპლოატაცია ( 02 04 03 )

ქვეპროგრამის ფარგლებში განხორციელდება შადრევნების ექსპლოატაციისთვის საჭირო მცირე სარეაბილიტაციო სამუშაოების ჩატარება.

პროგრამის მიზანია შადრევნების გამართულად ფუნქციონირების უზრუნველყოფა.

ბ.ლ) სოფლის მხარდაჭერის პროგრამის ფარგლებში განსახორციელებელი პროექტები (კოდი 02 05)

სოფლის მხარდაჭერის პროგრამის ფარგლებში განსახორციელებელი ღონისძიებები ფინანსდება საქართველოს მთავრობის განკარგულებით გამოყოფილი თანხით, რომელიც სპეციალური ფორმულით ნაწილდება მუნიციპალიტეტში არსებულ სოფლებზე. შესასრულებელი პროექტების განსაზღვრა ხდება სოფლის კრებების შესაბამისად და ხორციელდება მერიის და მოსახლეობის მიერ.

პროგრამის მიზანია სოფლის კრების ოქმით განსაზღვრული პროექტების შესრულება.სოფლის საჭიროებების დაკმაყოფილება.

ბ.მ) საპროექტო-სახარჯთაღრიცხვო მომსახურების შესყიდვა (კოდი 02 06 )

პროგრამის ფარგლებში მოხდება შენობა-ნაგებობების, ნაპირსამაგრი ჯებირების და საყრდენი კედლების, შიდასაუბნო და შიდასასოფლო გზების და სხვა ობიექტების მშენებლობისა და შეკეთების სამუშაოების საპროექტო-სახარჯთაღრიცხვო დოკუმენტაციის შესყიდვა.სამშენებლო ნორმებისა და წესების შესაბამისად, სამშენებლო-სამონტაჟო და აღდგენა-რეკონსტრუქციის სამუშაოების ჩასატარებლად აუცილებელია შესაბამისი საპროექტო დოკუმენტაციის დამუშავება, სადაც გათვალისწინებული უნდა იყოს სხვადასხვა ტექნიკური პირობების მოთხოვნები, მათ შორის კლიმატგონივრული მიდგომები. პროგრამა ითვალისწინებს მუნიციპალიტეტში სამშენებლო სამუშაოებისათვის საჭირო საპროექტო–საძიებო სამუშაოების ჩატარებას, პროექტების ექსპერტიზას და მშენებლობისათვის საჭირო დოკუმენტაციის მომზადებას.საინჟინრო ნაგებობების პროექტირება გზების კაპიტალური მშენებლობის საპროექტო მომსახურება ავარიული სახლების პროექტირება სანიაღვრე სისტემების პროექტირება საექსპერტო მომსახურების შესყიდვა

საჭირო ინფრასტრუქტურული ღონისძიებების განსახორციელებლად კანონმდებლობით მოქმედ სტანდარტებთან შესაბამისი საპროექტო-სახარჯთაღრიცხვო დოკუმენტაციის შეძენა,სამუშაოების უზრუნველყოფა საპროექტო დოკუმენტაციით.

ბ.ნ) მშენებლობა- რეაბილიტაცია (კოდი 02 07)

პროგრამის ფარგლებში განხორციელდება მუნიციპალურ საკუთრებაში არსებული და ახალი ობიექტების მშენებლობა და რეაბილიტაცია კლიმატგონივრული მიდგომების გათვალისწინებით, როგორებიცაა: არასაცხოვრებელი და ადმინისტრაციული შენობები, საყრდენი კედლები და ნაპირსამაგრი ნაგებობები, სხვადასხვა დანიშნულების მქონე ობიექტები მშენებლობა, მოწყობა, შეკეთება.

პროგრამის მიზანია არსებული შენობა-ნაგებობების შეკეთება/რემონტი და სხვადასხვა დანიშნულების ახალი ობიექტების მშენებლობა.

ბ.ო)მუნიციპალურ საკუთრებაში არსებული ობიექტების მშენებლობა, რეაბილიტაცია-ექსპლოატაცია (კოდი 02 07 01)

პროგრამა ითვალისწინებს საინჟინრო ინფრასტრუქტურის ობიექტების (კომუნიკაციები, საყრდენი კედლები, ხიდები და გვირაბები) მოწესრიგება.მუნიციპალიტეტში  არის მეწყერსაშიში ფერდობები და უბნები, დაზიანებული ნაგებობები, ამორტიზებული საინჟინრო კომუნიკაციები. დაგეგმილია  საინჟინრო ნაგებობების და ინფრასტრუქტურის ობიექტების მშენებლობა, აღდგენა – რეკონსტრუქცია და გაუმჯობესება,მათ შორის შენობების ენერგოეფექტური განახლება. მეწყერსაწინააღმდეგო ღონისძიებების ჩატარება. ქალაქის ინფრასტრუქტურის გაუმჯობესება და გაჯანსაღება; სტიქიური მოვლენებისაგან დაცული ქალაქის ქუჩები; საინჟინრო ინფრასტრუქტურის გაუმჯობესება და მოსახლეობისათვის სრულყოფილი და უსაფრთხო საცხოვრებელი გარემოს შექმნა; საკანალიზაციო და სანიაღვრე ქსელების გამიჯვნით ეკოლოგიური გარემოს გაუმჯობესება; ამორტიზირებული და დაზიანებული საინჟინრო ინფრასტრუქტურის ობიექტების მინიმუმამდე დაყვანა, მუნიციპალიტეტის საკუთრებაში არსებული ობიექტების ადაპტაცია დეფიციტური სერვისების მიწოდების მიზნით (ღვინის ლაბორატორიის სივრცის მოწყობა). ახალი ობიექტების მშენებლობა ენერგო ეფექტური მიდგომების გათვალისწინებით, გარემო პირობების გაუმჯობესება.რაც უზრუნველყოფს მოსახლეობისათვის უსაფრთხო საცხოვრებელი გარემოს შექმნას.

 ქვეპროგრამის მიზანია გამართულად ფუნქციონირებადი შენობა-ნაგებობები.

ბ.პ) საყრდენი კედლების და ნაპირსამაგრი ნაგებობების მშენებლობა,მოწყობა,რეაბილიტაცია (კოდი 02 07 02)

ქვეპროგრამის ფარგლებში ხორციელდება მუნიციპალიტეტის ტერიტორიაზე არსებული გზების გამაგრებითი სამუშაოები საყრდენი კედლების მოწყობის გზით და მდინარეების ნაპირსამაგრი ნაგებობების მშენებლობა, რეაბილიტაცია, მოწყობა.

ქვეპროგრამის მიზანია გზების გვერდულების გამაგრებითი სამუშაოების წარმოება, ნაპირსამაგრი ნაგებობების/ჯებირების მოწყობა-რეაბილიტაცია სტიქიის ლიკვიდაცია.

ბ.ჟ) მაღალმთიანი დასახლებების განვითარების პროგრამა (კოდი 02 08)

მაღალმთიანი დასახლებების განვითარების პროგრამის ფარგლებში განსახორციელებელი ღონისძიებები ფინანსდება საქართველოს მთავრობის განკარგულებით გამოყოფილი თანხით. ნაწილდება მუნიციპალიტეტში არსებულ მაღალმთიანი სტატუსის მქონე დასახლებაზე. შესასრულებელი პროექტების განსაზღვრა და განხორციელება ხდება მერიის და მოსახლეობის მიერ.

პროგრამის მიზანია მაღალმთიანი დასახლებების საჭიროებების დაკმაოფილება.

ბ.რ) საზედამხედველო მომსახურების შესყიდვა (კოდი 02 09)

პროგრამის ფარგლებში განხორციელდება ტენდერით გამოვლენილი კომპანიის მიერ მუნიციპალიტეტში მიმდინარე ინფრასტრუქტურული სამუშაოების ინსპექტირება-ექსპერტიზა.

პროგრამის მიზანია სტანდარტებთან შესაბამისი და ხარისხიანი სამუშაოების მიღების უზრუნველყოფა.

გ) დასუფთავება და გარემოს დაცვა (კოდი 03 00)

 პრიორიტეტის მოკლე აღწერა-მუნიციპალიტეტში ეკოლოგიური მდგომარეობის შენარჩუნება-გაუმჯობესების და ეპიდემიური დაავადებებისგან თავის დაცვის მიზნით პრიორიტეტის ფარგლებში განხორციელდება მუნიციპალიტეტში ტერიტორიის დაგვა-დასუფთავება, სასყოფაცხოვრებო ნარჩენების, ქუჩების მონახვეტის შეგროვება და ნაგავსაყრელ პოლიგონამდე ტრანსპორტირება, ტერიტორიის თოვლის საფარის გაწმენდა, მოყინვის საწინაღდეგო სამუშაოების განხორციელება. მსხვილფეხა რქოსანი პირუტყვის ქალაქში მოძრაობის აღკვეთა. დამატებითი ურნების დადგმა, არსებული მწვანე საფარის მოვლა-შენარჩუნება და ზრდა, ერთწლიანი და მრავალწლიანი ნარგავების დარგვა,სკვერებში და ქალაქის ტერიტორიაზე ბალახის გათიბვა.

გ.ა) დასუფთავება და ნარჩენების გატანა (კოდი 03 01)

პროგრამის ფარგლებში განხორციელდება მუნიციპალიტეტში ტერიტორიის დაგვა-დასუფთავება, საყოფაცხოვრებო ნარჩენების, ქუჩების მონახვეტის შეგროვება და ნაგავსაყრელ პოლიგონამდე ტრანსპორტირება, ტერიტორიის თოვლის საფარისაგან გაწმენდა, მოყინვის საწინააღმდეგო სამუშაოების განხორციელება, დამატებითი ურნებისა დადგმა.

პროგრამის მიზანი  წამოადგენს  ტერიტორიის დასუფთავებას, ქალაქში პირუტყვის მოძრაობის აღკვეთას და ზამთრის სეზონზე უსაფრთხო გადაადგილების უზრუნველყოფას.

გ.ბ) ქალაქის გამწვანება (კოდი 03 02)

ქალაქის იერსახის მოწესრიგებისა და ეკოლოგიაზე ზრუნვის ფარგლებში განხორციელდება არსებული მწვანე საფარის მოვლა-შენარჩუნება და ზრდა, ერთწლიანი და მრავალწლიანი ნარგავების დარგვა, სკვერებში და ქალაქის ტერიტორიაზე ბალახის გათიბვა, ხეების შეთეთრება და მოჭრა-გადაბელვა.

პროგრამის განხორციელების მიზანს და შედეგს წარმოადგენს ქალაქის იერსახი შენარჩუნება-გაუმჯობესება  და საზოგადოებრივი თავშეყრის ადგილების მოწესრიგება.

დ)  განათლება (კოდი 04 00)

 პრიორიტეტის მოკლე აღწერა- პრიორიტეტი განათლება ხორციელდება სამი მიმართულებით:

         - სკოლამდელი განათლება;

         - სკოლის გარეშე განათლება;

         - საკოლო განათლების ხელშეწყობა.

სკოლამდელი განათლების მიზანია აღსაზრდელების სკოლისათვის მომზადება,ინკლუზიური სკოლამდელი აღზღდის და განათლების მიწოდება.ამ მიზნით მუნიციპალიტეტი უზრუნველყოფს განათლების თანაბარ ხელმისაწვდომობას,უსაფრთხო სასწავლო გარემოს შქმნას,შესაბამისი ინფრასტრუქტურის მოწყობას, თანამედროვე სასწავლო სტანდარტის დანერგვას და განხორციელებას.

სკოლის გარეშე განათლების მიწოდება ხდება მუნიციპალიტეტში არსებული შემდეგი დაწესებულებების მეშვეობით:

• მოსწავლე-ახალგაზრდობის სახლი.

სადაც განხორციელდება სხვადასხვა სახის აქტივობები,დაიწყება ამ კუთხით მიზანმიმართული ღონისძიებების პრაქტიკის დანერგვა, მოსწავლეტა აქტიური ჩართვა მიმდინარე სასწავლო-სააღმზრდელო და კულტურულ პროცესებში, მათი ინტელექტუალური და შემოქმედებითი უნარების სტიმულირება.

სასკოლო განათლების ხელშეწყობის პროგრამის განხორციელება ბაღდათის მუნიციპალიტეტში დაიწყო 2019 წელს, მთავრობის განკარგულების შესაბამისად დელიგირებული უფლებამოსილების ფარგლებში. მიმდინარე წელს ჩატარდება რამდენიმე საჯარო სკოლის მცირე სარეაბილიტაციო სამუშაოები და განხორციელდება მოსწავლეთა ტრანსპორტირება.

პრიორიტეტის ფარგლებში განხორციელდება სასწავლო დაწესებულებების განვითარების ხელშეწყობა,რაც გულისხმობს: სკოლადელი და სკოლის გარეშე აღზრდის სფეროში მოქმედი სტანდარტების შესაბამის სააღმზრდელო პროგრამა/მეთოდოლოგიის დანერგვას და განხორციელებას, კვებითი უზრუნველოფას, ინფრასტრუქტურის მოწესრიგებას და განვითარებას, თანამშრომელთათვის შესაბამისი სამუსაო პირობების შექმნას და სხვა.

დ.ა) სკოლამდელი აღზრდა ( კოდი 04 01)

ბაღდათის მუნიციპალიტეტის მერიის განათლების, კულტურის და სპორტის სამსახური წლის განმავლობაში დაქვემდებარებულ ა.(ა).ი.პ-თან ერთად ახორციელებს სხვადასხვა ტიპის ღონისძიებებს:

სკოლამდელი აღზრდის დაწესებულებებში განათლების თანაბარ ხელმისაწვდომობა, უსაფრთხო სასწავლო გარემოს შექმნა, განათლების, მეცნიერების, კულტურისა და სპორტის სამინისტროს მიერ შემუშავებული თანამედროვე სასწავლო სტანდარტის დანერგვა ასევე ამ სტანდარტის შეაბამისად სასწავლო სააღმზდელო დაწესებულებების ინფრასტუქტურის მოწყობა  და შეასაბამისი კვებითი უზრუნველყოფა, პროგრამის ფარგლებში ა.(ა).ი.პ-ში შემავალ დაწესებულებებთან ერთად მოხდება სკოლამდელი განათლების ხარისხის გაუჯობესების ხელშეწყობა, ბაგა-ბაღებში დასაქმებული პერსონალის შრომითი პირობების გაუმჯობესება, ხელმისაწვდომობის გაზრდა და ეფექტური მართვის სისტემის ჩამოყალიბება.სკოლამდელი აღზრდისა და განათლების ფარგლებში  ბავშვებისათვის  იმ აუცილებელი ცოდნისა და ქცევის ნორმების შეძენა, რაც უზრუნველყოფს მის მზადყოფნას სკოლაში წასვლისა და ყოველდღიური ცხოვრებისათვის. გაერთიანებისა და ოჯახის ურთიერთობის  ოპტიმალური ფორმების დანერგვა და პარტნიორული ურთიერთობის დამყარება. ინკლუზიური განათლების ხელშეწყობა.აღსაზრდელის  გონებრივ, ფიზიკურ, ზნეობრივ, ესთეტიკურ და სოციალურ-ემოციური განვითარებაზე ზრუნვა. აღსაზრდელთათვის საზოგადოებაში ადაპტაციისათვის საჭირო უნარ-ჩვევების შეძენა. აღსაზრდელთა ასაკისა და ინდივიდუალური შესაძლებლობის შესაბამისად ცოდნით უზრუნველყოფა.განსაკუთრებული ნიჭით დაჯილდოებული მოზარდების შემოქმედებითი პოტენციალის გამოვლენისათვის ხელშეწყობა. მასობრივი ახალგაზრდული ღონისძიებების ორგანიზება და მონაწილეობის მიღება.

პროგრამის მიზანია პროგრამის მიზანია სკოლამდელი დაწესებულებების თანაბარი ხელმისაწვდომობა, სკოლამდელი აღზრდისა და განათლების მიწოდება, უსაფრთხო და მიმზიდველი გარემოს შექმნა. სწავლების ხარისხის გაუმჯობესება.

დ.ბ) სასკოლო და სკოლის  გარეშე განათლების  ხელშეწყობის პროგრამა ( კოდი 04 02)

პროგრამა გულისხმობს საჯარო სკოლების ინფრასტრუქტურის გაუმჯობესების მიზნით, საქონლის, მომსახურებისა და სამუშაოების შეყიდვის და მოსწავლეთა ტრანსპორტით უზრუნველყოფის დელეგირებული უფლებამოსილებების განხორციელების მიზნით საქართველოს მთავრობის განკარგულებებით განსაზღვრული ვალდებულებების შესრულებას.

რაც შეეხება არაფორმალურ განათლებას, განხორციელდება სხვადასხვა  სახის აქტივობები, დაიწყება ამ კუთხით მიზანმიმართული ღონისძიებების პრაქტიკის დანერგვა, მოსწავლეთა აქტიური ჩართვა მიმდინარე სასწავლო-სააღმზრდელო და კულტურულ პროცესებში. პროგრამის ფარგლებში განხორციელდება სასწავლო დაწესებულებების განვითარების ხელშეწყობა. თანამშრომელთათვის შესაბამისი სამუშაო პირობების შექმნა. ეს დაწესებულებებია:

• მოსწავლე- ახალგაზრდობის სახლი.

მოსწავლე-ახალგაზრდობის სახლი  არის  მრავალპროფილიანი სასწავლო, კულტურულ, სკოლისგარეშე საგანმანათლებლო დაწესებულება, რომელიც  დამოუკიდებლად  ახორციელებს  საგანმანათლებლო, აღმზრდელობით ზნეობრივ საქმიანობა, ხელს უწყობს მოსწავლის პიროვნებად ჩამოყალიბებას, ჰარმონიულ, ინტელექტუალურ, ფიზიკურ განვითარებას, შემეცნებითი და შემოქმედებითი უნარების ფორმირებას.მათი შემოქმედებითი შესაძლებლობებისა და ინტერესის განვითარების მიზნით სააღმზრდელო-საგანმანათლებლო საქმიანობის ფარგლებში შესაბამისი სასწავლო-შემოქმედებითი პროცესის და ღონისძიებების ორგანიზება.მოზარდთათვის  გონებრივ, ფიზიკურ, ზნეობრივ, ესთეტიკურ და სოციალურ-ემოციურ განვითარებაზე ზრუნვა, სხვადასხვა კატეგორიის სოციალურად დაუცველი ბავშვების ხელშეწყობა, შშმ პირთათვის სხვადასხვა პროგრამების შემუშავება და საზოგადოებაში ინტეგრირების ხელშეწყობა.მოსწავლეთათვის თავისუფალი დროის ორგანიზება და ჯანსაღი ცხოვრების წესის პროპაგანდის ხელშეწყობა, საზოგადოებაში ადაპტაციის უნარ-ჩვევების შეძენა

პროგრამის მიზანია საჯარო სკოლის მოსწავლეთა ტრანსპორტირების უზრუნველყოფა და საჯარო სკოლების მცირე სარეაბილიტაციო სამუშაოების და მასთან დაკავშირებული ღონისძიებების განხორციელება.

სახელმწიფო ახალგაზრდული პოლიტიკის ძირითად მიმართულებათა შესაბამისად, მუნიციპალიტეტის მოზარდთათვის ინტელექტუალური, შემოქმედებითი, სულიერი და ფიზიკური პოტენციალის გამოვლენის, ფორმირებისა და სრულყოფისათვის შესაბამისი პირობების შექმნა. 

ე) კულტურა, რელიგია, ახალგაზრდობის ხელშეწყობა და სპორტი (კოდი 05 00)

პრიორიტეტის მოკლე აღწერა-ბაღდათის მუნიციპალიტეტი საკუთარი უფლებამოსილების ფარგლებში აგრძელებს კულტურული, ახალგაზრდული, სპორტული ღონისძიებების და ეკლესიის ხელშეწყობას. პრიორიტეტი გულისხმობს კულტურულ-საგანმანათლებლო სფეროს პოპულარიზაცია-განვითარებას, კულტურის სფეროში მოღვაწე ადამიანების, წარმატებული შემოქმედებითი ჯგუფების და ახალგაზრდების ხელშეწყობას, კულტურული მემკვიდრეობის დაცვასა და შენარჩუნებას. კულტურულ, სახელოვნებო და საგანმანათლებლო დაწესებულებებში მომავალი თაობის შემეცნებით-საგანმანათლებლო დონის ამაღლებას,  კულტურული ცხოვრების  მუნიციპალიტეტის  კულტურული ტრადიციების შენარჩუნებას და პოპულარიზაციას, სპორტის განვითარების ხელშეწყობას და პოპულარიზაციას, სპორტული ღონისძიებების დაფინანსებას და მათ მრავალფეროვნებას. ამ მიზნით ფუნქციონირებს:

• რევაზ ლაღიძის სახელობის  კულტურის ცენტრი, სადაც ფუნქციონირებს სახალხო თეატრი, თოჯინების თეატრი, ცეკვისა და სიმღერის ანსამბლები, საბავშვო მუსიკალური თეატრი;
• ჯანსუღ ღვინჯილიას სახელობის ცენტრალური და 6 სასოფლო ბიბლიოთეკა ინოვაციების ცენტრი, ბაღდათის საინფორმაციაო ცენტრი, სამოლაშქრო ტურიზმი „გაიცანი ბაღდათი“ ;
• ვ.ვ. მაიაკოვსისა და მხარეთმცოდნეობის მუზეუმი;
• საფეხბურთო კლუბი „საირმე“;
• სპორტისა და მოზარდთა აქტივობის ცენტრი.
•  სოფელ წითელხევის ,,კოტე ფოცხვერაშვილის სახ. ხელოვნების სკოლა“
• „ვალერიან ქაშაკაშვილის სახ. მუსიკალური სკოლა“
• „სალოტბარო სკოლა“

ე.ა) სპორტის განვითარების ხელშეწყობა ( კოდი 05 01)

პროგრამის ფარგლებში განხორციელდება სხვადასხვა სახის სპორტული ღონისძიებების და აქტივობების ორგანიზება, მასში მონაწილე სპორტსმენებისა და ახალგაზრდების დაჯილდოება, სპორტის სხვადასხვა სახეობების ხელშეწყობა; წარმატებული და ნიჭიერი სპორტსმენების წახალისება; სპორტული ინვენტარის შეძენა და თანამედროვე სტანდარტებთან მიახლოება; მატერიალურ-ტექნიკური ბაზის გაუმჯობესება;  შეკრებებისა და  საწვრთნელი პროცესის ორგანიზება; სახელობითი ტურნირების ჩატარება; შშმ პირებისათვის შესაბამისი სპორტული ინვენტარის შეძენა და შესაბამისი გარემოს შექმნა,  ა.(ა).ი.პ სპორტისა და მოზარდთა აქტივობის ცენტრში ბაზირებული სპორტის 11 სახეობის (ფეხბურთი, კალათბურთი, რაგბი, თავ. ჭიდაობა, ბერძნულ რომაული ჭიდაობა, ჭადრაკი, აკრობატიკა, ფრნბურთი კუნგ-ფუ სანდა, კრივი, ბოჩა;) ხელშეწყობა და პოპულარიზაცია; ქალთა სპორტის  ხელშეწყობა, ფიტნეს სექტორის განვითარება.

საქართველოს ჩემპიონატის რეგიონ ლიგაში მონაწილე ფეხბურთის გუნდისათვის შესაბამისი პირობების შექმნა. სათანადო ეკიპირებითა და საჭირო  საფეხბურთო ინვენტარით აღჭურვა, გასვლით მატჩებზე გუნდის ტრანსპორტითა და   კვებით უზრუნველყოფა, პირევლ ეტაპზე ფეხბურთელების მოგებული მატჩებისაათვის  პრემირების სისტემის დანერგვა.

პროგრამის მიზანია ცხოვრების ჯანსაღი წესის დამკვიდრების ხელშეწყობა, ნიჭიერი სპორტსმენი ახალგაზრდების გამოვლენა. სპორტის სხვადასხვა სახეობების პოპულარიზაცია და მასობრიობის ზრდა, ა.(ა).ი.პ. ბაღდათის  სპორტისა და მოზარდთა აქტივობის ცენტრის  გამართული ფუნქციონირება, ეროვნულ ჩემპიონატებში, რესპუბლიკურ და საერთაშორისო ტურნირებში წარმატებით მონაწილეობა.

ე.ბ) სპორტული ღონისძიბების დაფინანსება (კოდი 05 01 01)

ქვეპროგრამის ფარგლებში ხორციელდება სხვადასხვა სახის სპორტული ღონისძიებების და აქტივობების ორგანიზება, მასში მონაწილე სპორტსმენებისა და ახალგაზრდების დაჯილდოება, წახალისება ფულადი  და ფასიანი საჩუქრებით; სპორტის სხვადასხვა სახეობების ხელშეწყობა; წარმატებული და ნიჭიერი სპორტსმენების წახალისება და ხელშეწყობა; ღვაწლმოსილი და ვეტერანი სპორტის დამსახურებული სპორტსმენების დასაჩუქრება.

პროგრამის მიზანია ცხოვრების ჯანსაღი წესის დამკვიდრების ხელშეწყობა, ნიჭიერი სპორტსმენი ახალგაზრდების გამოვლენა, სპორტის სხვადასხვა სახეობების პოპულარიზაცია და მასობრიობის ზრდა.

ე.გ) ჭადრაკის განვითარების ხელშეწყობა (კოდი 05 01 04)

ქვეპროგრამა ახალია და პირველად განხორციელდა 2020 წელს. აღნიშნული ქვეპროგრამის ფარგლებში მოხდება ა.(ა).ი.პ „საჭადრაკო კლუბი ბაღდათის“ დაფინანსება სუბსიდირების გზით. ა.(ა).ი.პ არ არის მუნიციპალიტეტის მიერ დაარსებული.

ქვეპროგრამა მიზნად ისახავს მუნიციპალიტეტში ჭადრაკის განვითარების ხელშეწყობას. პირველ ეტაპზე გაცემული სუბსიდია მოხმარდება საჭადრაკო ტურნირებში მონაწილეობასთან დაკავშირებულ ხარჯებს.

ე.დ) კულტურის განვითარების ხელშეწყობა ( კოდი 05 02 )

პროგრამა გულისხმობს  კულტურულ-საგანმანათლებლო სფეროს პოპულარიზაცია-განვითარებას, კულტურის სფეროში მოღვაწე ადამიანების, წარმატებული შემოქმედებითი ჯგუფების და ახალგაზრდების ხელშეწყობას, კულტურული მემკვიდრეობის დაცვასა და შენარჩუნებას. კულტურულ, სახელოვნებო და საგანმანათლებლო  დაწესებულებებში მომავალი თაობის შემეცნებით-საგანმანათლებლო დონის ამაღლებას, კულტურული ცხოვრების გამრავალფეროვნებას, მიმზიდველი და საინტერესო საზოგადოებრივი თავშეყრის ადგილების შექმნას, სადაც მოსახლეობა იღებს განათლებას და ინფორმაციას, რაც ხელს უწყობს განათლებული სამოქალაქო  საზოგადოების ჩამოყალიბებას. ინფრასტრუქტურის განვითარებას.

მუნიციპალიტეტის კულტურული ტრადიციების შენარჩუნების და პოპულარიზაციის მიზნით ფუნქციონირებს ა.(ა).ი.პ. ხელოვნებისა და კულტურის განვითარების ცენტრი, რომელშიც თავის მხრივ გაერთიანებულია:

1. რევაზ ლაღიძის სახელობის  კულტურის ცენტრი, სადაც ფუნქციონირებს სახალხო თეატრი, თოჯინების თეატრი, ცეკვისა და სიმღერის ანსამბლები.

2. ჯანსუღ ღვინჯილიას სახელობის ცენტრალური და 4 სასოფლო ბიბლიოთეკა.

3. ვ.ვ. მაიაკოვსისა და მხარეთმცოდნეობის მუზეუმი.

ა(ა)იპ „სამუსიკო და სახელოვნებო დაწესებულებათა გაერთიანება“

ბაღდათის მუნიციპალიტეტის „სამუსიკო და სახელოვნებო დაწესებულებათა გაერთიანება“ არის ადგილობრივი თვითმმართველობის ორგანოს მიერ დაფუძნებული საგანმანათლებლო დაწესებულება, რომელიც ახორციელებს მხოლოდ სამუსიკო-სახელოვნებო საგანმანათლებლო პროგრამებს დაწყებით და საბაზო საორიენტაციო საფეხურებზე. უზრუნველყოფს სამუსიკო საგანმანათლებლო  პროგრამების მომზადებას.ქართული ტრადიციული გალობის და ხალხური სიმღერის შენარჩუნება და ახალგაზრდებისათვის უფასოდ შესწავლას.მოსწავლეთა კონკურსებში, ფესტივალებში და ღონისძიებებში მონაწილეობის უზრუნველყოფას. ზრუნვა მოსწავლეთა ესთეტიკური გემოვნების ჩამოყალიბებაზე.

 გაერთიანება მოიცავს:

1. სოფელ წითელხევის ,,კოტე ფოცხვერაშვილის სახ. ხელოვნების სკოლას“

2. „ვალერიან ქაშაკაშვილის სახ. მუსიკალური სკოლას“

3. „სალოტბარო სკოლას“

პროგრამის მიზანია ქართული კულტურის პოპულარიზაცია, ბიბლიოთეკების, მუზეუმების და თეატრისადმი მოსახლეობის დაინტერესებისა და ჩართულობის გაზრდა, შემოქმედებითი ნიჭით დაჯილდოებული ახალგაზრდების ხელშეწყობა, მიმზიდველი  საზოგადოებრივი თავშეყრის ადგილების შექმნა, კულტურის დაწესებულებების გამართულად ფუნქციონირება. მოსწავლეთათვის შესაბამისი დაწყებითი სამუსიკო-სახელოვნებო განათლების მიცემა.

ე.ე) კუტურული ღონისძიებების დაფინანსება (კოდი 05 02 02)

ქვეპროგრამა ითვალისწინებს კულტურულ-საგანმანათლებლო ღონისძიებების, ფესტივალებისა და საქველმოქმედო ღონისძიებების ორგანიზებას.

კულტურის სფეროში მოღვაწე ადამიანების, წარმატებული შემოქმედებითი ჯგუფების და ახალგაზრდების ხელშეწყობას, კულტურული მემკვიდრეობის დაცვასა და შენარჩუნებას,

სხვადასხვა კულტურულ ღონისძიებებზე შემოქმედებითი ჯგუფების ტრანსპორტით უზრუნველყოფას, ყვავილების თაიგულების შეძენას საერო, საეკლესიო და კულტურული ღონისძიებების აღსანიშნავად.

ქვეპროგრამის მიზანი არის მუნიციპალიტეტში კულტურული ცხოვრების გამრავალფეროვნება. ქვეპროგრამის განხორციელების შედეგად შესაძლებელი იქნება მასობრივი ღონისძიებების ორგანიზება, მუნიციპალიტეტის ტურისტული დანიშნულების ადგილად ქცევის ხელშეწყობა, ადგილობრივი შემოქმედებითი ჯგუფების პოპულარიზაცია და მოსახლეობის კეთილდღეობის ზრდა  კულტურულ ცხოვრებაში ჩართულობის გზით. კულტურული მემკვიდრეობის შენარჩუნება და პოპულარიზაცია. კულტურის სფეროში მოღვაწე ადამიანების შემოქმედების წარმოჩენა მათი მოტივაციის გაზრდა.

ე.ვ) ახლგაზრდული პროგრამების დაფინანსება (კოდი 05 03)

ახალგაზრდობა მუნიციპალიტეტის განსაკუთრებული საზრუნავია. მისი შემოქმედებითი და შრომითი პოტენციალის,ახალ სამყაროში თავისუფალი ხედვის, ინიციატივიანი და პასუხისმგებლობითი აქტიურობის უნარის ჩანერგვა, საკუთარ მისწრაფებათა რეალიზაციის ახალი სიმძლავრეების შექმნა პრიორიტეტული საკითხია. არსებულ ვითარებაში მუნიციპალიტეტის სტრატეგია გულისხმობს იმას, რომ ახალგაზრდობის განვითარებისათვის შეიქმნას მაქსიმალურად ხელშემწყობი პირობები. ახალგაზრდების ჩართულობა სხვადასხვა ტიპის აქტივობასა და გადაწყვეტილების მიღების პროცესში.

პროგრამის მიზანია უპასუხოს ახალგაზრდობის გამოწვევებს, მოისმინოს ახალგაზრდების ხმა მათი ინიციატივების სახით და ხელი შეუწყოს ახალგაზრდული სამოქალაქო აქტივობის ზრდას.

ე.ზ) ახლგაზრდული ღონისძიებების დაფინანსება (კოდი 05 03 01)

პროგრამა გულისხმობს:

1) ახალგაზრდული პლატფორმების(საბჭო, ცენტრი, კლუბი) გაძლიერებას და ხელშეწყობას ახალგაზრდული სტრატეგიის მიხედვით გათვალისწინებული სამოქმედო გეგმის ეფექტურად განხორციელების მიზნით.

2) მოქალაქეობრივი კომპეტენციების განვითარების ხელშეწყობას ტრენინგების ორგანიზების თვალსაზრისით, რაც უზრუნველყოფს მათ ჩართულობას მუნიციპალური პროგრამების შემუშავების პროცესში.

3) ახალგაზრდების ინფორმირებას მოქმედი ადგილობრივი და საერთაშორისო კონკურსების შესახებ და მათ კვალიფიციური მხარდაჭერას.

4) სოციალურ-ეკონომიკური მდგომარეობის გაუმჯობესების მიზნით დასაქმების ფორუმის ორგანიზებას.

5) რეკრეაციული, შემეცნებითი და კულტურული  ახალგაზრდული საქმიანობის მხარდაჭერას. (ლაშქრობები, ექსკურსიები, ინტელექტუალური თამაშები)

6)  ახალგაზრდებისათვის პოტენციურად ხელმისაწვდომი შეკრების სივრცეებისა და მასში კეთილგანწყობილი გარემოს შექმნის უზრუნველყოფას.

7) ახალგაზრდული და მოხალისეობრივი მოძრაობის განვითარებას, რომელიც მიზნად ისახავს მოხალისეობრივი ინსტიტუტის პოპულარიზებასა და გაძლიერებას, მოსახლეობის ჩართვას სხვადასხვა მოხალისეობრივ აქტივობებში, რაც თავის მხრივ ხელს უწყობს თითოეული ინდივიდის პიროვნულ ზრდას (ტრენინგების/სემინარების/სასწავლო სესიების/პრაქტიკული სავარჯიშოების და ა.შ. საშუალებით) სხვადასხვა მიმართულებით, რომელიც განხორციელდება საქართველოს წითელი ჯვარის საზოგადოების მხარდაჭერითა და ჩართულობით

ახალგაზრდული პროგრამების განხორციელება მიზნად ისახავს მუნიციპალიტეტში მცხოვრები ახალგაზრდებისათვის ისეთი გარემოს შექმნას, სადაც ახალგაზრდებს აქვთ თვითრეალიზაციის და თვითგამოხატვის შესაძლებლობა, იზიარებენ ურთიერთთანამშრომლობის და ტოლერანტობის პრინციპებს. უზრუნველყოფილია მათი მონაწილეობა ახალგაზრდული საქმიანობის კუთხით,  საზოგადოებრივი ცხოვრების ყველა სფეროში.

ე.თ) ახალგაზრდული ინიციატივების მხარდაჭერა (კოდი 05 03 02)

ადგილობრივი თვითთმმართველობის განხორციელების პროცესში ახალგაზრდების მონაწილეობის გაზრდის მიზნით მნიშვნელოვანია მუნიციპალიტეტში მცხოვრებ ახალგაზედებს ჰქონდეთ შესაძლებლობა იმისა, რომ ადგილობრივი ხელისუფლების წინაშე დააყენონ მათთვის საჭირო ინიციატივები. პროგრამის ფარგლებში ჩატარდება კონკურსი საუკეთესო ინიციატივების, პროექტების გამოსავლენად და მოხდება გამარჯვებული პროექტების დაფინანსება.

პროგრამის მიზანია ხელი შეუწყოს ბაღდათის მუნიციპალიტეტში

ახალგაზრდების უნარების და კომპეტენციების გაუმჯობესებას მათ შორის სამეწარმეო უნარების, მათ განვითარებას და   კეთილდღეობას, რათა

მოახდინონ საკუთარი პოტენციალის სრულად რეალიზება და აქტიურად იყვნენ ჩართულები საზოგადოებრივ  ცხოვრებაში.

ე.ი) ეკლესიის ხელშეწყობის პროგრამა (კოდი 05 04)

პროგრამის ფარგლებში განხორციელდება მუნიციპალიტეტის ტერიტორიაზე არსებული ეკლესია-მონასტრების ფინანსური მხარდაჭერა რომელიც ხორციელდება ბაღდათის მუნიციპალიტეტსა და ვანი-ბაღდათის ეპარქიას შორის გაფორმებული სუბსიდირების ხელშეკრულების  ფარგლებში.

პროგრამის მიზანს წარმოადგენს ეკლესიის ფინანსური ხელშეწყობა.

ვ) მოსახლეობის ჯანმრთელობის დაცვა და სოციალური უზრუნველყოფა (კოდი 06 00 )

პრიორიტეტის მოკლე აღწერა - ბაღდათის მუნიციპალიტეტის განაგრძობს მუნიციპალიტეტის მოსახლეობის სოციალური დახმარებებით უზრუნველყოფას რა მიზნითაც პრიორიტეტით გათვალისწინებულია 24 პროგრამა. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს მუნიციპალიტეტის მოსახლეობის ჯანმრთელობის დაცვას სხვადასხვა გადამდები და ინფექციური დაავადებებისაგან.

ვ.ა) საზოგადოებრივი ჯანდაცვის მომსახურება ( კოდი 06 01)

პროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში „საზოგადოებრივი ჯანმრთელობის შესახებ“ საქართველოს კანონით განსაზღვრული ფუნქციების დაფინანსებას, კერძოდ:

• გადამდებ დაავადებათა ეპიდზედამხედველობა და კონტროლი. ინფექციურ დაავადებათა ელექტრონულ ინტეგრირებულ სისტემაში მონაცემთა (72 დაავადება და მდგომარეობა) შეყვანა.
• იმუნოპროფილაქტიკის დაგეგმვა სამედიცინო დაწესებულებებთან (პირველადი ჯანდაცვის (პჯდ)-ს და ჰოსპიტალურ სექტორთან ერთად, განხორციელების ლოგისტიკური ხელშეწყობა, პროფილაქტიკური აცრების ეროვნული კალენდრით განსაზღვრული იმუნოპროფილაქტიკისათვის სამინისტროს მიერ მიწოდებული მასალების მიღების, შენახვისა და განაწილების უზრუნველყოფა სამედიცინო მომსახურების მიმწოდებლებისათვის სახით;   
• იმუნიზაციის საინფორმაციო სისტემის ფუნქციონირების უზრუნველყოფა - იმუნიზაციისა და მარაგების მართვის ელექტრონული მოდულის გამართული მუშაობის კოორდინაცია, იმუნიზაციის სახელმწიფო პროგრამის მიმდინარეობის დამხმარე ზედამხედველობა.
• სამედიცინო სტატისტიკური მასალის მოპოვება და წარდგენა სსიპ. ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის (დკსჯდ) ეროვნულ ცენტრში დადგენილი წესით; მუნიციპალიტეტის ტერიტორიაზე განლაგებულ  ჯანდაცვის დაწესებულებებში (სამედიცინო მომსახურების მიმწოდებელი ფიზიკური და იურიდიული პირები)  დაავადებათა რეგისტრაცის, შეტყობინებინების სისტემის ფუნქციონირების, ანგარიშგების მოწესრიგების ხელშეწყობა, მონიტორინგი, მონიტორინგის შედეგების შეფასება და მეთოდური დახმარების გაწევა კომპეტენციის ფარგლებში;
• ადრეული და სკოლამდელი აღზრდისა და განათლების დაწესებულებში ასევე საზოგადოებრივი მნიშვნელობის ობიექტებში სანიტარიულ-ჰიგიენური ნორმების დაცვის ზედამხედველობა, პრევენციული ღონისძიებების განხორციელების ხელშეწყობა;
• მუნიციპალიტეტის ტერიტორიაზე პირველადი ეპიდკვლევის განხორციელება, დაავადებათა ადრეული გამოვლენა და პროფილაქტიკა. პრევენციული ღონისძიებების გატარება ეპიდსაშიშროებისას (აღრიცხვა-რეგისტრაციას დაქვემდებარებული გადამდები დაავადებების გამოვლენა, მათზე ეჭვის მიტანა ან ეპიდაფეთქება);
• აივინფექცია/შიდსის ტუბერკულოზის ინტეგრირებული სკრინინგის დაგეგმვა, ხელსეწყობა და განხორციელება.
• ჯანმრთელობისათვის საზიანო რისკ-ფაქტორების იდენტიფიცირების, ავადობის გრძელ და მოკლე ვადიანი პროგნოზირების მიზნით მოსახლეობის ჯანმრთელობის მდგომარეობის შესახებ ინფორმაციის მოპოვება, ანალიზი, რეკომენდაციების შემუშავება დკსჯდ ეროვნულ ცენტრის მონაწილეობით მოსახლეობისათვის  და ადგილობრივი თვითმმართველობისთვის.
• ჯანსაღი ცხოვრების წესის და უნარების დამკვიდრების, მავნე ჩვევათა კორექციის და მოსახლეობის ჯანმრთელობის ხელშეწყობის მიზნით საინფორმაციო საშუალებებით და სპეციფიკური ღონისძიებებით საკომუნიკაციო კამპანიების, სოციალური მობილიზაციის ორგანიზება და წარმართვა;
• ჯანმრთელობისათვის საზიანო რისკ-ფაქტორების იდენტიფიცირება, ადამიანის ჯანმრთელობისათვის უსაფრთხო გარემოს შექმნის ხელშეწყობა;
• გადამდებ/არაგადამდებ დაავადებათა ეპიდზედამხედველობა, მოსახლეობის ჯანმრთელობის მდგომარეობის შეფასება;
• ჯანმრთელობის რისკ-ფაქტორებზე მონიტორინგი და  მყისიერი რეაგირება საგანგებო სიტუაციების დროს, გადაწყვეტილებათა და დასახულ ქმედებათა კოორდინაცია პროფილურ ცენტრალურ სტრუქტურებთან;
• პროფესიული ადამიანური რესურსების განვითარება, მოტივირება და შენარჩუნება, ზრუნვა პროფესიული რეზერვის შექმნაზე;
• მუნიციპალიტეტის ტერიტორიაზე  მალარიის გადამტანი ფაუნის გავრცელების შესწავლა/დადგენა. პრევენციული  ღონისძიებების გატარება.გამრავლების ადგილების პასპორტიზაცია.

პარაზიტული დაავადებების პირველადი ეპიდკვლევა. პარაზიტული დაავადებების დიაგნოსტიკა, რეკომენდაციების მიცემა. გამრავლების ადგილების პასპორტიზაცია,

ვ.ბ) სამედიცინო დახმარების ხარჯები (კოდი 06 02 01)

ბაღდათის  მუნიციცპალიტეტში რეგისტრირებულ და ამავდროულად ფაქტობრივად მცხოვრებ მოქალაქეებს, რომელთა სარეიტინგო ქულა 0-დან 65 000-მდეა ან წარმოადგენენ მერის წარმომადგენლის შუამდგომლობას რომელშიც დადასტურებული იქნება მოქალაქის დახმარების საჭიროება ნაწილობრივ აუნაზღაურდებათ სამედიცინო მომსახურების (კვლევა, ოპერაცია, მკურნალობა, ქიმიოთერაპია) ხარჯები. ასანაზღაურებელი თანხის რაოდენობა განისაზღვრება მუნიციცპალიტეტის საკრებულოს დადგენილებით დამტკიცებული „სოციალური დახმარების გაცემის წესის“ შესაბამისად.  თანხა ჩაირიცხება მომსახურების მომწოდებელი სამედიცინო დაწესებულების ანგარიშზე, წარმოდგენილი ანგარიშ-ფაქტურის  საფუძველზე.   ონკოლოგიური პაციენტები თავისუფლდებიან სარეიტინგო ქულისა და მერის წარმომადგენლის შუამდგომლობის წარმოდგენისაგან.

პროგრამის მიზანია პროგრამით მოსარგებლე ბენეფიციარების თანადგომა და მათზე ზრუნვა, მკურნალობის ხარჯების თანადაფინასება. დაავადებათა გართულების პრევენცია. სამედიცინო მომსახურებაზე ბენეფიციართა ხელმისაწვდომობა.

ვ.გ) ვეტერანთა დაკრძალვის ხარჯები (კოდი 06 02 02)

ბაღდათის მუნიციპალიტეტში რეგისტრირებული ომის მონაწილე ვეტერანების გარდაცვალების შემთხვევაში, შესაბამისი დოკუმენტაციის წარმოდგენის საფუძველზე, მათ ოჯახებს გაეწევათ ერთჯერადი ფინასური დახმარება 250 ლარის ოდენობით. ქვეპროგრამა ხორციელდება დელეგირებული უფლებამოსილების ფარგლებში.

ქვეპროგრამის მიზანია ვეტერანთა დაკრძალვის ხარჯების თანადაფინანსება. ვეტერანთა ოჯახების მხარდაჭერა.

ვ.დ) საქართველოს ტერტორიული მთლიანობისთვის დაღუპული მებრძოლთა ოჯახების დახმარების ხარჯები  (კოდი 06 02 03)

საქართველოს ტერტორიული მთლიანობისათვის ბრძოლაში დაღუპულ მებრძოლთა ოჯახის წევრები (მშობელი, მეუღლე ან შვილი), რომლებიც რეგისტრირებულნი არიან ბაღდათის მუნიციპალიტეტში, წელიწადში ერთჯერადად მიიღებენ ფულად დახმარებას 300 ლარის ოდენობით (8 აგვისტოს ან  27 სექტემბრის თარიღებთან დაკავშირებით).

ქვეპროგრამის მიზანია საქართველოს ტერტორიული მთლიანობისათვის ბრძოლაში დაღუპულ მებრძოლთა ოჯახების სოციალური დახმარება,მხარდაჭრა და თანადგომა.

ვ.ე) ოფასო სასადილოების დაფინანსება (კოდი 06 02 04)

ბაღდათის მუნიციპალიტეტში მცხოვრები უმწეო და სოციალურად  შეჭირვებული მოქალაქეები  ყოველდღიურად  მიიღებენ უფასო სადილს. ბენეფიციარი შეირჩევა ბაღდათის მუნიციპალიტეტის მერიის „სოციალური ღონისძიებების დაფინანსების განმსაზღვრელი კომისიის“ მიერ.

მიზანია პროგრამით მოსარგებლე ბენეფიციარების სასიცოცხლოდ აუცილებელი საკვებით უზრუნველყოფა.

ვ.ვ) ოჯახებისა და ბავშვების სოციალური დაცვა ( კოდი 06 02 05)

ბაღდათის მუნიციცპალიტეტში რეგისტრირებული მოქალაქეები, რომელთაც 2023- 2024 წლებში შეეძინათ მეორე ან შემდეგი შვილი, საჩუქრად მიეცემათ: მეორე შვილის შეძენის შემთხვევაში 200 ლარი, მესამე შვილის შეძენისას 300 ლარი, მეოთხე და შემდეგი შვილის შეძენისას 500 ლარი, ტყუპების შეძენისას 800 ლარი.

ქვეპროგრამის მიზანია მრავალშვილიანი ოჯახების ერთჯერადი ფინანსური დახმარება.

ვ.ზ) სტიქიური უბედურებების შედეგად მიყენებული ზიანის ხარჯი  (კოდი 06 02 06)

ქვეპროგრამა განკუთვნილია მუნიციპალიტეტის ტერიტორიაზე სტიქიის შედეგად დაზიანებული ინფრასტრუქტურილი ობიექტების აღსადგენად და/ან მოსახლეობის დასახმარებლად, როგორებიცაა: წყალდიდობა, მიწისძვრა, მეწყერი და ა.შ. ქვეპროგრამის დაფინანსების წყაროს წარმოადგენს ცენტრალური ბიუჯეტიდან სტიქიის შედეგების ლიკვიდაციისთვის გამოყოფილი სპეციალური ტრანსფერი.

ქვეპროგრამის მიზანია სტიქიის შედეგების ლიკვიდაცია.

ვ.თ) თანადგომის საჭიროების მქონე ოჯახთა დახმარება (კოდი 06 02 07)

ბაღდათის მუნიციპალიტეტში რეგისტრირებული და ამავდროულად ფაქტობრივად მცხოვრები ოჯახები, რომლებიც იმყოფებიან ეკონომიკურ სიდუხჭირეში და/ან მოულოდნელ კრიზისულ ვითარებაში, მიიღებენ ერთჯერად ფინანსურ დამარებას არაუმეტეს 200 ლარის ფარგლებში. დახმარების მისაღებად, ოჯახმა, ჩამოთვლილი კრიტერიუმებიდან უნდა დააკმაყოფილოს ერთ-ერთი მაინც: ა) ოჯახი რეგისტრირებულია სოციალურად დაუცველი ოჯახების მონაცემთა ერთიან ბაზაში და მისი სარეიტინგო ქულა არ აღემატება 150 000-ს. ბ) ოჯახში არის ონკოლოგიური, გადაადგილებაშეზღუდული, ფსიქიკური აშლილობის ან სხვა მძიმე დაავადების მქონე პირი. გ)ოჯახში არის მარტოხელა მოხუცი, შშმ პირი ან ორი და მეტი 18 წლის ასაკს მიუღწეველი პირი. დ)ოჯახმა დაკარგა მარჩენალი. ე) ოჯახის შემოსავალი საარსებო მინიმუმზე ნაკლებია. ვ) ოჯახში არის ძალადობის მსხვერპლი (აღნიშნული პირის  მომართვის შემთხვევაში). გასაცემი თანხის  ოდენობას განსაზღვრავს „სოციალური ღონისძიებების დაფინანსების განმსაზღვრელი კომისია“.

ქვეპროგრამის მიზანია კრიზისულ ვითარებაში მყოფი ოჯახების ფინანსური დახმარება. კრიზისული მდგომარეობის შემსუბუქება.

ვ.ი) ვეტერანთა დახმარება (კოდი 06 02 08)

აღნიშნული პროგრამით ერთჯერადი ფულადი დახმარებით ისარგებლებენ ბაღდათის მუნიციცპალიტეტში რეგისტრირებული ვეტერანები. კერძოდ: 9 მაისს, ფაშიზმზე გამარჯვების დღესთან დაკავშირებით დასაჩუქრდებიან მეორე სოფლიო ომის მონაწილეები თითოეული 300 ლარით და  მეორე მსოფლიო ომში მარჩენალდაკარგულები 200 ლარით; 26 მაისს, საქართველოს დამოუკიდებლობის დღესთან დაკავშირებით,  საქართველოს ტერიტორიული მთლიანობის, თავისუფლებისა და დამოუკიდებლობისათვის საბრძოლო მოქმედებების შედეგად შეზღუდული შესაძლებლობის მქონე თითოეული ვეტერანი მიიღებს 200 ლარს; სხვა სახელმწიფოთა ტერიტორიაზე საბრძოლო მოქმედებების მონაწილე ვეტერანები მიიღებენ თითოეული 100 ლარს; 17 ოქტომბერს, ვეტერანის დღესთან დაკავშირებით, ეკონომიკურად შეჭირვებული ვეტერანებს დახმარება გაეწევათ თითოეულს 100 ლარის ოდენობით.

ქვეპროგრამის მიზანია ვეტერანებისათვის ფინანსური დახმარების გაწევა. მათი თანადგომა.

ვ.კ) შშმ პირთა დახმარება (კოდი 06 02 09)

ქვეპროგრამით ისარგებლებენ ბაღდათის მუნიციპალიტეტში რეგისტრირებული და ამავდროულად მცხოვრები შშმ პირები:  18 წლამდე ასაკის შშმ პირებს გაეწევათ ერთჯერადი ფინანსური დახმარება 150 ლარის ოდენობით; შშმ პირებს თანადაფინასება გაეწევათ მათთვის საჭირო სპეციალური მოწყობლების შეძენისას.  აგრეთვე, პროგრამის ფარგლებში დაფინანსდება შშმ პირთა სამკურნალო-სარეაბილიტაციო ღონისძიებები და დახმარება გაეწევათ შშმ პირებს საზღვარგარეთ ჩასატერებელი მკურნალობის თანადაფინანსებაში. ეტლით მოსარგებლე შშმ პირთათვის გათვალისწინებულია  ჰიგიენური საშუალებების  შეძენა (პამპერსი, სველი ხელსახოცი და სხვა). ქვეპროგრამის მიზანია შშმ პირების ჯანმრთელობაზე ზრუნვა, მათი ცნობიერების ამაღლება და საზოგადოებაში ინტეგრაციის ხელშეწყობა.

ვ.ლ) ჩერნობილის ატომური ელექტრისადგურის აღდგენით სამუშაობის მონაწილეთა დახმარება (კოდი 06 02 10)

ბაღდათის მუნიციპალიტეტში რეგისტრირებული ჩერნობილის ატომური ელექტრისადგურის აღდგენით სამუშაობზე მონაწილე პირები, ერთჯერადად, დახმარების სახით მიიღებენ 200 ლარს.

ქვეპროგრამის მიზანია ჩერნობილის ატომური ელექტრისადგურის აღდგენით სამუშაობზე მონაწილე პირებისა და მათი ოჯახების მხარდაჭერა და თანადგომა.

ვ.მ) დღეგრძელ ( 100 და მეტი წლის ასაკის) მოქალაქეთა დახმარება. (კოდი 06 02 11)

ბაღდათის მუნიციპალიტეტში რეგისტრირებული 100 წლის და მეტი ასაკის მქონე პირებს წელიწადში ერთჯერადად გაეწევათ დახმარება 500 ლარის ოდენობით.

ქვეპროგრამის მიზანს შეადგენს ხანდაზმულებზე ზრუნვისა და თანდგომის გამოხატვა.

ვ.ნ) დიალიზით მოსარგებლე მოქალაქეთა დახმარება (კოდი 06 02 12)

ქვეპროგრამის ფარგლებში, ბაღდათის მუნიციპალიტეტში რაგისტრირებული და ამავდროულად მცხოვრები დიალიზის სახელმწიფო პროგრამით მოსარგებლე პაციენტები ტრანსპორტირების ხარჯების უზრუნველსაყოფად ყოფელთვიურად მიიღებენ ფულად დახმარებას 250 ლარის ოდენობით.

ქვეპროგრამის მიზანია,დიალიზით მოსარგებლე ბენეფიციართა სატრანსპორტო ხარჯების უზრუნველყოფა.  მათი ჯანმრთელობის სტაბილურობს ხელშეწყობა.

ვ.ო) 18 წლამდე ასაკის ობოლი ბავშვიანი ოჯახებისა და მარტოხელა მშობლების დახმარება.  (კოდი 06 02 13)

ქვეპროგრამით ისარგებლებენ ,ბაღდათის მუნიციპალიტეტში რეგისტრირებული 0-დან 18 წლამდე ასაკის ობოლი ბავშვები (და რომელთაც 2024 წელს უსრულდებათ 18 წელი) და მარტოხელა მშობლები. დახმარება გაიცემა წელიწადში ერთჯერადად, თითოეულ ბავშვზე - 250 ლარის ოდენობით.

ქვეპროგრამის მიზანია ობოლი ბავშვების და მარტოხელა მშობლები მხარდაჭერისა და თანადგომის გამოხატვა.

ვ.პ) სასკოლო ასაკის ბაღის აღსაზრელთა პროფილაქტიკური გამოკვლევა.  (კოდი 06 02 14)

პროგრამა ითვალისწინებს ბაღდათის მუნიციპალიტეტის საბავშვო ბაღის სასკოლო ასაკის აღსაზრდელების პროფილაქტიკურ გამოკვლევას, თვალის პათოლოგიისა და სქოლიოზის დროული გამოვლენისა და მათთან დაკავშირებული სხვა დაავადებების აღმოცენების პრევენციის მიზნით.

ქვეპროგრამის მიზანია: სასკოლო ასაკის მოზარდებში შესაძლო პათოლოგიების დროული გამოვლენა.

ვ.ჟ) მრავალშვილიანი ოჯახების ერთჯერადი ფინანსური დახმარება. (კოდი 06 02 15)

ბაღდათის მუნიციცპალიტეტში რეგისტრირებული და ამავდროულად მცხოვრები მრავალშვილიანი ოჯახები, რომელთაც  ოთხი და მეტი 18 წლამდე ასაკის შვილი,  მიიღებენ ერთჯერად ფულად დახმარებას თითოეულ ბავშვზე 50 ლარის ოდენობით.

ქვეპროგრამის მიზანია მრავალშვილიანი ოჯახების მხარდაჭერისა და თანადგომის გამოხატვა.

ვ.რ) უპატრონო მიცვალებულთა დაკრძალვის ხარჯები (კოდი 06 02 16)

ქვეპროგრამის ფარგლებში,უპატრონო მიცვალებულის სარიტუალო მომსახურების დაფინანსების მიზნით, გაიცემა ფულადი დახმარება 250 ლარის ოდენობით. სარიტუალო მომსახურებისათვის თანხის გაცემა მოხდება მერის წარმომადგენლის მომართვისა და შესაბამისი დოკუმენტაციის წარმოდგენის საფუძველზე.

ქვეპროგრამის მიზანია უპატრონო მიცვალებულთა  სარიტუალო მომსახურების უზრუნველყოფა.

ვ.ს) მედიკამენტების დაფინანსება (კოდი 06 02 17)

ბაღდათის  მუნიციცპალიტეტში რეგისტრირებულ და ამავდროულად ფაქტობრივად მცხოვრებ მოქალაქეებს,  რომელთა სარეიტინგო ქულა 0-დან 100 000 -მდეა ან წარმოადგენენ მერის წარმომადგენლის შუამდგომლობას   გაეწევათ ფინანსური დახმარება  მედიკამენტების შესაძენად. დაფინანსება შეეხება შემდეგი დაავადებების მქონე პაციენტებს: ონკოლოგიური და ონკოჰემატოლოგიური,  თირკმლის უკმარისობა,ინსულტის შემდგომი პერიოდი, შაქრიანი დიაბეტი, პარკინსონის დაავადება, ეპილეფსია, ბრონქული ასთმა, ქრონიკული ობსტრუქციული ბრონქიტი, მიასთენია, ფენილკეტონურია და ცელიაკია, ცერებრალური დამბლა, ფსორიაზი, გულ-სისხლძარღვთა დაავადებები, პნევმონია, წითელი მგლურა, გლაუკომა, კატარაქტა, კერატიტი, კერატონუსი, ტრამვის შედეგად მიყენებული ზიანის შემდგომი მკურნალობა, ოჯახური ხმელთშუაზღვის ცხელება, წითელი ქარი,სეფსისი, პრეიტონიტი, ანემია, ფარისებრი ჯირკვლის დაავადება, გაფანტული სკლეროზი,კოვიდის შემდგომი გართულება,ღვიძლის დაავადება (ციროზი), პრადერ-ვილის სინდრომი.  სოციალურად დაუცველი 0-დან  18 წლამდე ასაკის ბავშვები მედიკამენტების თანხით დაფინანსდებიან მიუხედავად დიაგნოზისა.

ფენილკეტონურიითა და ცელიაკიით დაავადებული პაციენტებისთვის სამკურნალო კვების უზრუნველსაყოფად  დახმარება გაიცემა ერთჯერადად საბიუჯეტო წლის განმავლობაში 1500 ლარის ოდენობით; პრადე-ვილის სინდრომით დაავადებული პაციენტები და სოციალური მუშაკის შუამდგომლობის მქონე 18 წლამდე მოზარდები დაფინანსდებიან სრულად, მაგრამ არაუმეტეს 500 ლარისა წლის განმავლობაში. ონკოლოგიური პაციენტები მედიკამენტების დაფინანსებით ისარგებლებენ წელიწადში ორჯერ, არანაკლებ ერთთვიანი ინტერვალისა, თითოეული მომართვისას 150 ლარის ოდენობით ხოლო სხვა ზემოთჩამოთვლილი დაავადების მქონე პაციენტები დაფინანსდებიან 100 ლარით, წელიწადში ერთჯერადად.

ონკოლოგიური სენით, ფენილკეტონურიითა და ცელიაკიით დაავადებული პაციენტები თავისუფლდებიან სარეიტინგო ქულისა და მერის წარმომადგენლის შუამდგომლობის წარმოდგენისაგან.

ქვეპროგრამის მიზანია მოსარგებლე ბენეფიციარებისათვის მედიკამენტებზე ხელმისაწვდომობის უზრუნველყოფა. 

ვ.ტ) აუტიზმის სპექტრის მქონე ბავშვთა დიაგნოსტირების და რეაბილიტაციის პროგრამა. (კოდი 06 02 18)

აღნიშნული პროგრამის სამიზნე ჯგუფს წარმოადგენს ბაღდათის მუნიციპალიტეტში რეგისტრირებული და ამავდროულად  მცხოვრები 2-15 წლამდე ასაკის ბავშვები,  რომლებსაც კვალიფიციური სპეციალისტის მიერ განესაზღვრათ აუტიზმის სპექტრის  დიაგნოსტიკის, განვითარებისა და ადაპტური ფუნქციონირების შეფასებისა და/ან აბილიტაციის საჭიროება.  პროგრამა მოიცავს ერთი მხრივ, საჭიროების მქონე ბავშვების დიაგნოსტირებას, მათი განვითარებისა და ადაპტური ფუნქციონირების დონის შეფასებას და  მეორე მხრივ, შესაბამისი  მომსახურების თანადაფინანსებას. თითოეული  ბენეფიციარისათვის მომსახურების დაფინანსება განისაზღვრება: ა) დიაგნოსტირების მიზნით - არაუმეტეს 250 ლარის ოდენობით (ერთჯერადად); ბ) განვითარებისა და ადაპტური ფუნქციონირების შეფასების მიზნით - 150 ლარის ოდენობით (6 თვეში ერთხელ); გ) აუტიზმის სპექტრის  მქონე მოზარდების ქცევითი თერაპიის სეანსების დაფინანსება - წლის განმავლობაში  1000 ლარის ოდენობით .

ქვეპროგრამის მიზანია მუნიციპალიტეტში მცხოვრები აუტიზმის სპექტრის დიაგნოსტირების, შეფასებისა და ქცევითი თერაპიის საჭიროების მქონე 2-15 წლამდე მოზარდების იდენტიფიცირება; მათი სოციალური ფუნქციონირების გაუმჯობესება  ადრეული დიაგნოსტიკისა და რეაბილიტაციის პროცესის მხარდაჭერის გზით.

ვ.უ) სასურსათო პაკეტების შეძენა (კოდი 06 02 19)

პროგრამა ითვალისწინებს მუნიციპალიტეტში მცხოვრები კრიზისულ ვითარებაში მყოფი ოჯახების სურსათით დახმარებას. დახმარების მიმღები ოჯახების იდენტიფიცირება მოხდება მუნიციპალიტეტის ტერიტორიულ ერთეულებში მერის წარმომადგენლების მეშვეობით.

ქვეპროგრამის მიზანია ბაღდათის მუნიციპალიტეტში შეჭირვებული მოსახლეობის საკვებით დახმარება.

ვ.ფ) საცხოვრებლით უზრუნველყოფა (კოდი 06 02 20)

ბაღდათის მუნიციპალიტეტში მცხოვრები ძალადობის მსხვერპლი პირები და  მოქალაქეები, რომელთაც სტიქიური მოვლენების ან სხვა ობიექტური გარემოებების შედეგად დაუზიანდათ ან დაკარგეს საცხოვრისი, უზუნველყოფილნი იქნებიან დროებითი საცხოვრებლის ქირით ან/და დაზიანებული სახლების სამშენებლო-სარემონტო სამუშაოებისა და მასალის დაფინანსებით..  გასაცემი თანხის ზუსტი ოდენობა განისაზღვრება  ,,მოქალაქეთა კერძო საკუთრებაზე სხვადასხვა ობიექტური გარემოების შედეგად მიყენებული ზარალის შემსწავლელი კომისიის" მიერ.

ქვეპროგრამის ფარგლებში მოხდება უსახლკაროდ დარჩენილი მოქალაქეების დროებითი საცხოვრებლის ქირით უზრუნველყოფა ან/და  დაზიანებული სახლების სამშენებლო-სარემონტო სამუშაოების და მასალების დაფინანსება.

ქვეპროგრამის მიზანია, უსახლკაროდ დარჩენილი მოქალაქეების თანადგომა.

ვ.ქ) ხანძრის შედეგად მიყენებული ზიანის ხარჯის თანადაფინანსება (კოდი 06 02 21)

ბაღდათის მუნიციპალიტეტის ტერიტორიაზე რეგისტრირებული მოქალაქეების კუთვნილ საცხოვრებელ სახლზე/ბინაზე ხანძრის შედეგად გამოწვეული ზარალის ნაწილობრივ ანაზღაურების მიზნით, ბენეფიციარს გაეწევა ერთჯერადი ფულადი დახმარება არაუმეტეს 2500 ლარისა. გასაცემი თანხის ზუსტი ოდენობა განისაზღვრება  ,,მოქალაქეთა კერძო საკუთრებაზე სხვადასხვა ობიექტური გარემოების შედეგად მიყენებული ზარალის შემსწავლელი კომისიის" მიერ.

ქვეპროგრამის მიზანია ხანძრისგან დაზარალებული ოჯახების დახმარება.

ვ.ღ) ბავშვიანი ოჯახების გაძლიერება (კოდი 06 02 22)

ქვეპროგრამით ისარგებლებენ ბაღდათის მუნიციპალიტეტში მცხოვრები ბავშვიანი ოჯახები, რომლებიც იმყოფებიან კრიზისულ ვითარებაში და/ან საჭიროებენ დახმარებას. პროგრამაში ოჯახის ჩართვა შეიძლება განხორციელდეს მოქალაქის, მერის წარმომადგენლის, სოციალური მუშაკის ან სხვა უწყების  მომართვის საფუძველზე. ოჯახის შეფასებას და საჭიროებების დადგენას უზრუნველყოფს ბავშვისა და ოჯახის სოციალური მუშაკი. სოციალური მუშაკის შეფასება და დასკვნა/რეკომენდაცია განიხილება მერიის სოციალური ღონისძიებების დაფინანსების განმსაზღვრელი კომისიის მიერ და მიიღება გადაწყვეტილება ბავშვიანი ოჯახისათვის საჭირო დახმარების თაობაზე.

აღნიშნული ქვეპროგრამიდან თითოეულ ოჯახზე გასაცემი თანხის ოდენობა არ აღემატება 2500 ლარს. გასაცემი თანხის ზუსტ ოდენობას განსაზღვრავს „სოციალური ღონისძიებების დაფინანსების განმსაზღვრელი კომისია“.

ქვეპროგრამის მიზანია ბავშვიანი ოჯახების გაძლიერების ხელშეწყობა. ბავშვებისათვის უკეთესი საცხოვრებელი პირობების შექმნა.

ვ.ყ) ტრანსპორტით უზრუნველყოფა (კოდი 06 02 23)

ბაღდათის მუნიციპალიტეტის სოფლები ზეგანი და საკრაულა მუნიციპალური ცენტრიდან დაშორებულია 21 კილომეტრით. სოფლების მოსახლეობა მუნიციპალურ ცენტრთან დასაკავშირებლად სარგებლობს კომერციული სამარშრუტო ტაქსით, რომელიც კვირაში მოძრაობს 3 დღე. მოსახლეობამ მერიას მომართა ერთობლივი წერილით  და ითხოვა დახმარება, რომ მუნიციპალიტეტმა უშუამდგომლოს აღნიშნულ შპს-სთან რეისების რაოდენობის გაზრდისთვის. მოსახლეობის თხოვნის გათვალისწინებით მუნიციპალიტეტი დამატებითი დააფინანსებს შპს-სთან სუბსიდირების ხელშეკრულების ფარგლებში თვიურად 200 ლიტრი დიზელის საწვავის ღირებულების ფარგლებში, რომ მოხდეს რეისების გაზრდა კვირაში 3-დღიდან  6-დღემდე.

ქვეპროგრამის მიზანია საქალაქო ტრანსპორტის შუფერხებლად მუშაობა, მოსახლეობის  მუნიციპალურ ცენტრთან წვდომის გამარტივება რასაც  სოციალური დატვირთვაც გააჩნია.

ვ.შ) გენდერული თანასწორობის ხელშწყობა (კოდი 06 03)

გენდერული თანასწორობის ხელშეწყობის პროგრამის განმახორციელებელია გენდერული თანასწორობის საბჭო,პროგრამით მოხდება მუნიციპალიტეტში მცხოვრები ყველა გენდერულად სენსიტიური ჯგუფის - ძალადობის მსხვერპლი და/ან რისკ-ჯგუფის ქალების, მარტოხელა და/ან ქვრივი მშბოლების (როგორც ქალის ისე კაცის), განსაკუთრებული საჭიროებების მქონე ახალგაზრდების, სოციალურად დაუცველი მრავალშვილიანი ოჯახების, შშმ პირების, მარტოხელა და ზრუნვის პოლიტიკის საჭიროების მქონე ხანდაზმულების, პირების საჭიროებების შესწავლა და ამ საჭიროებებზე მორგებული საბიუჯეტო წინადადებების შემუშავება და დანერგვა. პროგრამა ითვალისწინებს გენდერული ცნობიერების ჩამოყალიბებას ინფორმირებას გენდერულ კანონმდებლობაზე, გენდერული ძალადობის წინააღმდეგ არსებულ მექანიზმებზე, სოციალური პარტნიორობის სისტემაზე.იმის გათვალისწინებით, რომ ხელმძღვანელი სტრუქტურების მხრიდან მკაცრდება მოთხოვნები თანასწორობის პოლიტიკაში არსებული გამოწვევების საპასუხოდ, სასიცოცხლოდ მნიშვნელოვანია, გენდერული საჭიროებების შესწავლა და ყველა გენდერულად სენსიტიური ჯგუფის ინტერესების გათვალისწინება საბიუჯეტო პროცესის ყველა ეტაპზე: დაგეგმვის, განხორციელების, შეფასების. სადღეისოდ უწყებათაშორისი კომისია მუშაობს ადგილობრივ თვითმმართველობასთან თანამშრომლობის პლატფორმაზე,რასაც საპასუხო ნაბიჯები უნდა მოყვეს ადგილობრივი მუნიციპალიტეტების მხრიდან. მოხდეს ყველა გენდერული ჯგუფის მხარდაჭერა ადგილობრივი რესურსებით. 

პროგრამის მიზანია გენდერული თანასწორობის შესახებ ცნობირების ამაღლება.

ზ) პრიორიტეტი - ეკონომიკის განვითარების ხელშეწყობა ( კოდი 07 00 )

პრიორიტეტის ფარგლებში მოხდება მუნიციპალიტეტის ეკონომიკურ განვითარებასთან დაკავშირებული სტრატეგიული დოკუმენტების შესრულების ხელშეწყობა, ადგილობრივი ბიზნესის სტიმულირება და პოპულარიზაცია, მუნიციპალიტეტის როგორც ტურისტული, ისე საინვესტიციო თვალსაზრისით მიმზიდველობის  ზრდისთვის საჭირო ღონისძიებების განხორციელება, მუნიციპალიტეტის ეკონომიკის ძირითადი სფეროების, სოფლის მეურნეობისა და ტურიზმის განვითარების ხელშეწყობა.

 ზ.ა) სოფლის მეურნეობის  მხარდაჭერა (კოდი 07 01)

პროგრამა ითვალისწინებს იმ ღონისძიებების გატარებას, რომლებიც ხელს შეუწყობს მუნიციპალიტეტში სოფლის მეურნეობის განვითარებას და დაეხმარება აგრო ტურიზმში ჩართულ ბიზნესს, სოფლის მეურნეობის დარგში მოქმედ მეწარმეებს შორის თანამშრომლობის განვითარების ხელშეწყობას, ტრენინგებისა და სემინარების ორგანიზებას/თანაორგანიზებას.

პროგრამის მიზანია მუნიციპალიტეტის მასშტაბით სოფლის მეურნეობის განვითარება და აგროტურიზმის ხელშეწყობა.

ზ.ბ) ტურიზმის განვითარების მხარდაჭერა (კოდი 07 02)

პროგრამა ითვალისწინებს იმ ღონისძიებების გატარებას, რომლებიც ხელს შეუწყობს მუნიციპალიტეტში ტურიზმის განვითარებას, მუნიციპალიტეტის ცნობადობის ამაღლებას  როგორც ქვეყნის შიგნით, ისე მის ფარგლებს გარეთ, განვითარებაში დაეხმარება ტურიზმში ჩართულ ბიზნესს.

პროგრამის მიზანია მუნიციპალიტეტში ტურიზმის განვითარების ხელშეწყობა, რაც თავის მხრივ, ხელს შეუწყობს მუნიციპალიტეტის ეკონომიკურ განვითარებას.