ზუგდიდის მუნიციპალიტეტის ტერიტორიაზე გარე ვაჭრობის, გამოფენების, ბაზრებისა და ბაზრობების რეგულირების წესის დამტკიცების შესახებ

ა) საქონლის რეალიზაცია/მომსახურების გაწევა საზოგადოებრივ სივრცეებში განთავსებული ისეთი ობიექტებიდან, რომლებიც მიწასთან მყარად არ არის დაკავშირებული და არ ქმნის მიწის არსებით შემადგენელ ნაწილს (ჯიხური, მაცივარი, სატრანსპორტო საშუალება ან მისი მისაბმელი, საქონლის რეალიზაციის სხვა სპეციალური დანადგარი, დახლი, სერვისის ავტომატური მომსახურების აპარატები და სხვა);

ბ) საქონლის რეალიზაცია/მომსახურების გაწევა ფიზიკური თუ იურიდიული პირის ან/და კერძო სამართლის სხვა სუბიექტის საკუთრებაში ან/და სარგებლობაში არსებული მიწის ნაკვეთიდან ან მასზე განთავსებული ნებისმიერი სახის შენობა-ნაგებობიდან, თუ აღნიშნული მიწის ნაკვეთი ან შენობა-ნაგებობა უშუალოდ ემიჯნება საზოგადოებრივ სივრცეს და ხდება საქონლის რეალიზაციის/მომსახურების გაწევის მიზნით გამოყენებული ობიექტის (ჯიხური, მაცივარი, სატრანსპორტო საშუალება ან მისი მისაბმელი, საქონლის რეალიზაციის სხვა სპეციალური დანადგარი, დახლი და სხვა) მთლიანად ან ნაწილობრივ საზოგადოებრივ სივრცეში განთავსება;

გ) რესტორნის, კაფე-ბარის და სხვა ობიექტის მიმდებარე საზოგადოებრივ სივრცეში მაგიდის და სხვა ნივთის განლაგება, რომელზეც მომსახურების გაწევა ხდება არსებული რესტორნებიდან, კაფე-ბარიდან და სხვა ობიექტიდან;

დ) საქონლის რეალიზაცია/მომსახურების გაწევა საზოგადოებრივი ტრანსპორტის გაჩერებისათვის განკუთვნილი ადგილიდან ან/და მასზე განთავსებული ნაგებობიდან.

ა) ზუგდიდის მუნიციპალიტეტის იერსახის დაცვა;

ბ) საგზაო მოძრაობის უსაფრთხოების უზრუნველყოფა;

გ) ზუგდიდის მუნიციპალიტეტის მოსახლეობის ინტერესების დაცვა.

2. გარე ვაჭრობისათვის განკუთვნილი ადგილების განსაზღვრა შეიძლება მოხდეს განსაზღვრული ვადით ან სეზონურად, მათ შორის კვირის კონკრეტული დღეებისათვის, სადღესასწაულო და წინასადღესასწაულო დღეებში, ასევე სხვა ფართომასშტაბიანი ღონისძიებებისა და აქციების მოწყობისას.

3. გარე ვაჭრობისათვის ადგილებს, საკრებულოს მიერ დამტკიცებული წინამდებარე წესის შესაბამისად,

გამოყოფს ზუგდიდის მუნიციპალიტეტის მერი შემდეგი პირობებით:

ა) განმცხადებლის მიერ გარე ვაჭრობისათვის მოთხოვნილი შესაბამისი ფართის სასყიდლიანი სარგებლობის უფლებით, აღნაგობის ფორმით გადაცემა ხორციელდება ზუგდიდის მუნიციპალიტეტის მერიის ზედამხედველობისა და არქიტექტურის სამსახურის მიერ სავაჭრო ობიექტის პროექტის შეთანხმების შემდგომ, პირდაპირი განკარგვის წესით, საკრებულოსთან შეთანხმებით იმ შემთხვევაში, თუ განმცხადებელი იმ ფართის ან/და ობიექტის მესაკუთრეა, რომლის წინაც ითხოვს გარე ვაჭრობას;

ბ) სხვა შემთხვევებში ადგილების განკარგვა მოხდეს პირდაპირი განკარგვის ან აუქციონის წესით.

გ) აუქციონის წესი, აუქციონში მონაწილეობის პირობები და  აუქციონთან დაკავშირებული სხვა საკითხები განისაზღვრება საქართველოს მთავრობის 2014 წლის 8 დეკემბრის №669  დადგენილებით ,,მუნიციპალიტეტის ქონების პრივატიზების, სარგებლობის და მართვის უფლებებით გადაცემის, საწყისი საპრივატიზებო საფასურის, ქირის საფასურის, ქირის საწყისი საფასურის განსაზღვრის და ანგარიშსწორების წესების დამტკიცების შესახებ“.

4. გარე ვაჭრობა (გარდა პრესის, სუვენირების, ლოტოს ჯიხურებისა და სერვისის ავტომატური მომსახურების აპარატებისა) აკრძალულია  ზუგდიდის მუნიციპალიტეტის ქალაქის ადმინისტრაციული ერთეულის შემდეგ ქუჩებზე:

 ა) ზვიად გამსახურდიას გამზირი სრულად;

ბ) ცენტრალური ბულვარის ტერიტორია;

გ) მუზეუმის ცენტრალური შესასვლელი;

დ) ნარმანიას ქუჩა;

ე) შოთა რუსთაველის ქუჩა;

ვ) კედიას ქუჩის დასაწყისიდან ბოლომდე, ყველა ჩიხის ჩათვლით;

ზ) თეატრის ქუჩა;

თ) მეუნარგიას ქუჩა;

ი) ცოტნე დადიანის ქუჩა;

კ) სოხუმის ქუჩა მდინარე „ჩხოუშის“ ხიდამდე;

ლ) ლაღიძის ქუჩა;

მ) მერაბ კოსტავას ქუჩა ნიკოლაძის ქუჩის კვეთამდე;

ნ) გამარჯვების ქუჩა;

ო) მარცხენა სანაპიროს ქუჩა;

პ) ვახტანგ VI -ს ქუჩა;

ჟ) ნ.ნიკოლაძის ქუჩა კოსტავას ქუჩის კვეთამდე;

რ) შ. კიტიას ქუჩა;

ს) აღმაშენებლის ქუჩა;

ტ) თაბუკაშვილის ქუჩა თავისუფლების ქუჩის კვეთამდე;

2. გარე ვაჭრობა უნდა განხორციელდეს მოქმედი სანიტარიულ-ჰიგიენურ მოთხოვნებისა და

უსაფრთხოების წესების დაცვით.

3. გარე ვაჭრობა ნებადართულია შემდეგი საქონლით:

ა) ჟურნალ-გაზეთები, წიგნები;

ბ) ნახატები, სუვენირები და სხვა ხელნაკეთი ნივთები;

გ) ყვავილები;

დ) ხილ-ბოსტნეული მხოლოდ მაღაზიის წინ, ვერტიკალურ სტელაჟზე (თუ ხილ-ბოსტნეული არის მაღაზიის საკუთარი პროდუქცია და მისი განსათავსებელი მატერიალურ-ტექნიკური აღჭურვილობა აკმაყოფილებს სანიტარიულ-ჰიგიენურ ნორმებს და უზრუნველყოფს პროდუქციის ხარისხის შენარჩუნებას მიღების, შენახვისა და რეალიზაციის პროცესში);

ე) სპეცდანიშნულების საფირმო მანქანებიდან კვების პროდუქტები (სანიტარიული პირობებით და რეალიზაციის პროცესში);

ვ) გაზიანი გამაგრილებელი სასმელები და წყლები;

ზ) ნაყინი (სპეციალური მაცივრის მეშვეობით).

4. საოჯახო მეურნეობაში ნაწარმოები საკვები პროდუქტებით (ხორცი; ხორც-პროდუქტები; რძე; რძის პროდუქტები და თევზეული მხოლოდ მაცივრებში); საკონდიტრო ნაწარმი და პურ-ფუნთუშეული (შეფუთული სახით); მარცვლეულით და ხილ-ბოსტნეულით გარე ვაჭრობა დასაშვებია მცირე ბაზრობების (სავაჭრო რიგები) გამოყოფილ ტერიტორიაზე.

5. მცირე ბაზრობების (სავაჭრო რიგების) ტერიტორიის გამოყოფა ხდება დაინტერესებული პირის განცხადების საფუძველზე ან/და ზუგდიდის მუნიციპალიტეტის მერის მიერ მითითებულ ლოკაციაზე, რომელსაც მისივე წარდგინებით ამტკიცებს ზუგდიდის მუნიციპალიტეტის საკრებულო.

 6. „სუნელებისა და სანელებლების წარმოებასთან, გადამუშავებასა და ბაზარზე განთავსებასთან დაკავშირებით რისკის მართვის დროებითი ზომების მიღების შესახებ“ საქართველოს მთავრობის 2018 წლის 7 თებერვლის N73 დადგენილების თანახმად მუნიციპალიტეტმა არ დაუშვას სუნელებისა და სანელებლებით გარე ვაჭრობა.

7. გარე ვაჭრობასთან დაკავშირებული საკითხები, რომლებიც მოწესრიგებული არ არის წინამდებარე დადგენილებით, წესრიგდება საქართველოს მოქმედი კანონმდებლობით.

2. წინამდებარე წესის ძალაში შესვლის შემდეგ განხორციელებული ნებისმიერი საქმიანობა, რომელიც წესის შესაბამისად ითვლება გარე ვაჭრობად, მაგრამ ვერ აკმაყოფილებს საიჯარო ხელშეკრულებისა და წინამდებარე წესის მოთხოვნებს, ჩაითვლება ხელშეკრულების დარღვევად, რა დროსაც მეიჯარე იტოვებს უფლებამოსილებას, ცალმხრივად შეწყვიტოს ხელშეკრულება.

2. გარე ვაჭრობისთვის გამოყოფილ ადგილებში დაშვებული პროდუქციის რეალიზება უნდა განხორციელდეს ისე, რომ არ შეიზღუდოს და არ შეუქმნას დაბრკოლება ტროტუარზე ქვეითთა გადაადგილებას და ველობილიკზე ველოსიპედით მოსარგებლეთა გადაადგილებას. განსათავსებელი კონსტრუქცია საფრთხეს არ უნდა უქმნიდეს მოსახლეობას.

3.აღნიშნული აკრძალვები არ ვრცელდება სადღესასწაულო და წინასადღესასწაულო დღეებში, ასევე სხვა ფართომასშტაბიანი ღონისძიებებისა და აქციების მოწყობისას.