ბოლნისის მუნიციპალიტეტის 2019 წლის ადგილობრივი ბიუჯეტის დამტკიცების შესახებ

ა) განისაზღვროს მუნიციპალიტეტის ბიუჯეტის არაფინანსური აქტივების ზრდა 3,427.5 ათ. ლარის ოდენობით, თანდართული რედაქციით:

ბ) განისაზღვროს მუნიციპალიტეტის ბიუჯეტის არაფინანსური აქტივების კლება 60,0 ათ. ლარის ოდენობით, მათ შორის.:

2. განისაზღვროს ბოლნისის მუნიციპალიტეტის ბიუჯეტის ვალდებულებების კლება 360.0 ათ. ლარის  ოდენობით                                                                    

ა) „საზოგადოებრივი ჯანმრთელობის შესახებ“ საქართველოს კანონით განსაზღვრული უფლებამოსილების განხორციელებისათვის 170,00 ათასი ლარის ოდენობით;  

ა.ა) ააიპ ბოლნისის მუნიციპალიტეტის დაავადებათა აღრიცხვის კონტროლის,  საზოგადიობრივი ჯანდაცვისა და პრევენციული მედიცინის ცენტრის;-ს მიერ 2018 წელს განსახორციელებელი; სავალდებულო ღონისძიებები ადგილობრივი დელეგირებული უფლებამოსილებისათვის 114.0 ათასი ლარის ოდენობით;  

ა.ბ) შპს დეზე-ეფექტის მიერ განსახორციელებელი ბოლნისის მუნიციპალიტეტის ტერიტორიაზე დაავადებების გავრცელების პრევენციის მიზნით გასატარებელი სადერატიზაციო, სადეზინსექციო და სადეზინფექციო სამუშაოების უფლებამოსილებისათვის 56.0 ათასი ლარის ოდენობით;  

ბ) „სამხედრო ვალდებულებისა და სამხედრო სამსახურის შესახებ“ და „სამხედრო სარეზერვო სამსახურის შესახებ“ საქართველოს კანონებით განსაზღვრული უფლებამოსილების   განხორციელებისათვის 132,00 ათასი ლარის ოდენობით;   

გ) „სამშობლოს დაცვისას დაღუპულთა და ომის შემდეგ გარდაცვლილ მეომართა ხსოვნის  უკვდავყოფის  შესახებ“ საქართველოს კანონისა და „იძულებით გადაადგილებულ პირთა − დევნილთა შესახებ“ საქართველოს კანონით განსაზღვრული უფლებამოსილების განხორციელებისათვის 3,0  ათასი ლარისა ოდენობით.

თავი II

ბოლნისის  მუნიციპალიტეტის ბიუჯეტის პრიორიტეტები და პროგრამები/ქვეპროგრამები.

• წარმომადგენლობითი და აღმასრულებელი ხელისუფლება;
• ინფრასტრუქტურა;
•  კულტურა, რელიგია, ახალგაზრდობა და სპორტი;
• განათლება;
• ჯანმრთელობის დაცვა და სოციალური უზრუნველყოფა;

1. წარმომადგენლობითი და აღმასრულებელი ხელისუფლება(პროგრამული კოდი 01 00)

 პრიორიტეტის მიზანია წარმომადგენლობითი და აღმასრულებელი ორგანოების გამართული და ეფექტური მუშაობა. პრიორიტეტი მოიცავს ისეთ პროგრამებს და ქვეპროგრამებს, რომლებიც ადმინისტრაციული ხასიათისაა და ხელს უწყობს სისტემის გამართულ ფუნქციონირებას, როგორიცაა მუნიციპალიტეტის მერიის სტრუქტურული ერთეულების, მუნიციპალიტეტის საკრებულოს, საკრებულოს აპარატის შენახვის ხარჯები, მათ შორის: თანამდებობრივი სარგო, ჯილდო, დანამატი და სხვა. ასევე, მოიცავს ბიუჯეტის სარეზერვო ფონდს, წინა წლებში წარმოქმნილი დავალიანებების დაფარვისა და სასამართლო გადაწყვეტილებების აღსრულების ფონდს, ვალების დაფარვის ხარჯებს. მმართველობითი სფეროს რეფორმა ერთ-ერთი მთავრი ფაქტორია მუნიციპალიტეტის საქმიანობის ეფექტურად წარმართვისათვის. ასევე იგეგმება გარკვეული რეფორმები, რომელიც განხორციელდება რამოდენიმე მიმართულებით: 1. ახალი სტრუქტურის, დებულებებისა და სამუშაოთა აღწერილობის შექმნა; 2. მმართველობითი გუნდის მუშაობის შეფასების შიდა და გარე სისტემების შექმნა; 3. მუნიციპალიტეტის ფუნქციონირებისას მოსახლეობის ჩართულობის სისტემების შექმნა; 4. საბიუჯეტო პროცესის გაუმჯობესება; 5. ქონების მართვის სისტემის გაუმჯობესება; 6.მიმდინარე პროცესების მართვა და სხვა.

 ადგილობრივი თვითმმართველი ერთეულის ბიუჯეტი ადგილობრივი პოლიტიკის განხორციელების უმნიშვნელოვანესი მექანიზმია. ადგილობრივი ბიუჯეტით, მასში გაწერილი პროგრამებითა და ქვეპროგრამებით განისაზღვრება, თუ როგორ უნდა დახარჯოს ადგილობრივმა თვითმმართველობამ საჯარო ფინანსები იმ გადაწყვეტილებების განსახორციელებლად, რომლებიც აუცილებელია მოქალაქეთა ცხოვრებისთვის. საქართველოს მოქმედი კანონმდებლობის შესაბამისად, ბიუჯეტის შემუშავების ფუნდამენტური პრინციპია - ბიუჯეტის გამჭვირვალობა და ანგარიშვალდებულება. გამჭვირვალობა გულისხმობს ბიუჯეტების პროექტების წარმომადგენლობით ორგანოებში განხილვის პროცედურების საჯაროობას საზოგადოებისა და მასობრივი ინფორმაციის საშუალებებისათვის; დამტკიცებული ბიუჯეტებისა და მათი შესრულების შესახებ ანგარიშების გამოქვეყნებას; ბიუჯეტის შესახებ ინფორმაციის ხელმისაწვდომობას ნებისმიერი ფიზიკური და იურიდიული პირისათვის. აღნიშნული პრინციპების საფუძველზე ნებისმიერ დაინტერესებულ პირს საშუალება აქვს ჩაერთოს ბიუჯეტის შემუშავებისა და აღსრულების პროცესში. მოქალაქეებს აქვთ შესაძლებლობა, ჩაერთონ და საკუთარი მოსაზრებები მიაწოდონ ადგილობრივ ხელისუფლებას. ბიუჯეტის პროექტის შედგენის, განხილვისა და დამტკიცებისას, მოქალაქეებს უფლება აქვთ, წინადადებებით მიმართონ მუნიციპალიტეტის მერიასა და საკრებულოს, ასევე, დაესწრონ საკრებულოს სხდომებს და მიაწოდონ საკრებულოს საკუთარი წინადადებები და შენიშვნები. ბიუჯეტის შედგენისა და განხილვის ეტაპებზე მოქალაქეთა მონაწილეობის კანონმდებლობით განსაზღვრული ფორმებია: საკრებულოსა და საკრებულოს კომისიების სხდომებში მონაწილეობა; საკრებულოს რიგგარეშე სხდომის მოწვევა; საკრებულოს დადგენილების პროექტის პეტიციის წესით ინიცირება. გარდა ზემოაღნიშნულისა, ნებისმიერი მოქალაქის კანონით გარანტირებული უფლებაა მოითხოვოს შეხვედრა საკრებულოს წევრთან და მიაწოდოს საკუთარი მოსაზრება ბიუჯეტის პროექტთან დაკავშირებით. ასევე, ბოლნისის მუნიციპალიტეტის საკრებულოს რეგლამენტით საკრებულო ვალდებულია უზრუნველყოს მუნიციპალიტეტის პრიორიტეტების დოკუმენტისა და ბიუჯეტის პროექტების საჯარო განხილვა მათ დამტკიცებამდე. ასევე, საკრებულოს ვალდებულებაა სამ თვეში ერთხელ მაინც უზრუნველყოს „ღია კარის სხდომები“ მოქალაქეთა მოსაზრებებისა და რეკომენდაციების მოსასმენად. გარდა საკრებულოს რეგლამენტით დადგენილი პროცედურისა, ადგილობრივი ბიუჯეტის პრიორიტეტების, პროგრამებისა და ქვეპროგრამების შედგენის ეტაპზე, ბოლნისის მუნიციპალიტეტის მერიის შესაბამისი სამსახურების ორგანიზებით იმართება საშუალოვადიანი პრიორიტეტების დოკუმენტის პროექტისა და მომავალი წლის ბიუჯეტის პროექტის. აღნიშნულ შეხვედრებზე ნებისმიერ მოქალაქეს საშუალება აქვს განიხილოს საბიუჯეტო დოკუმენტების პროექტები, დააფიქსიროს საკუთარი მოსაზრება წარმოდგენილ პროექტებთან დაკავშირებით და მიაწოდოს რეკომენდაციები ბოლნისის მუნიციპალიტეტის მერიის ხელმძღვანელობას, მერიის შესაბამისი სამსახურებისა თუ ორგანიზაციების წარმომადგენლებს. გარდა კანონმდებლობით განსაზღვრული უფლებისა, რომელიც ნებისმიერ მოქალაქეს საშუალებას აძლევს ჩაერთოს პრიორიტეტების დოკუმენტის და ბიუჯეტის შემუშავების პროცესში. მოქალაქეთა მონიტორინგისა და კონტროლის მექანიზმები თვითმმართველობის ბიუჯეტის აღსრულების პროცესში მნიშვნელოვანია ადგილობრივი ბიუჯეტი დაიგეგმოს გამჭვირვალედ, მიზანმიმართულად და საზოგადოების ფართო ჩართულობით, ხოლო მისი ხარჯვა კი განხორციელდეს მაქსიმალურად ეფექტიანად. ბიუჯეტის ხარჯვის, ანუ აღსრულების, ეტაპზე მოქალაქეებს შეუძლიათ, განახორციელონ მონიტორინგი, თუ რამდენად წესებისა და პროცედურების დაცვით ხდება დამტკიცებული ბიუჯეტის ხარჯვა და ადგილობრივი შესყიდვების განხორციელება, ასევე, რამდენად მიზანმიმართულად და ეფექტიანად იხარჯება ადგილობრივი თვითმმართველობების მიერ საბიუჯეტო რესურსები. ბიუჯეტის შესრულების ანგარიში და აუდიტორული დასკვნა არის საჯარო ინფორმაცია და ხელმისაწვდომია საზოგადოებისათვის. გასათვალისწინებელია, რომ წლის განმავლობაში, ადგილობრივ ბიუჯეტში შედის ცვლილებები, რომელთა საფუძველზეც ბიუჯეტს ემატება ახალი ღონისძიებები, ასევე, იცვლება არსებული ღონისძიებების დაფინანსება. მოსმენილი ანგარიშების საფუძველზე, მოქალაქეს უფლება აქვს შეიმუშაოს რეკომენდაციები და წარუდგინოს ადგილობრივი თვითმმართველობის ორგანოებს, ბიუჯეტის ხარჯვის ეფექტიანობის ამაღლების მიზნით.

1. 1. ბოლნისის მუნიციპალიტეტის საკრებულო (პროგრამული კოდი 01 01)

 პროგრამის/ქვეპროგრამის აღწერა:

 ბოლნისის მუნიციპალიტეტისათვის მნიშვნელოვანია წარმომადგენლობითი ორგანოს გამართული ფუნქციონირება ქვეყნის მიერ აღიარებული დემოკრატიული ღირებულებების, დემოკრატიული ინსტიტუტების გაძლიერების, სამოქალაქო პლურალიზმის განვითარებისა და ხელშეწყობისათვის, რამდენადაც იგი წარმოადგენს მუნიციპალიტეტის პოლიტიკის ძირითადი მიმართულებების განმსაზღვრელ საკანონმდებლო და მაკონტროლებელი ფუნქციის მქონე სახელისუფლებო შტოს.

 პროგრამის/ქვეპროგრამის მიზანი :

 პროგრამის მიზანია საკანონმდებლო საქმიანობის განხორციელებისას მისი მოცულობის, ეფექტურობის და გამჭვირვალობის გაზრდა. მერიის საქმიანობის კონტროლის ფორმებისა და მეთოდების დახვეწა-სრულყოფა.

 პროგრამის/ქვეპროგრამის დაფინანსების ოდენობა: 946.0 ათასი ლარი.

1.  2. ბოლნისის მუნიციპალიტეტის მერია (პროგრამული კოდი 01 02)

 პროგრამის/ქვეპროგრამის აღწერა:

 მუნიციპალიტეტის ინსტიტუციური განვითარებისათვის მნიშვნელოვანია აღმასრულებელი ორგანოს გამართული ფუნქციონირება. ფინანსური რესურსების მართვა და საინვესტიციო გარემოს ხელშეწყობა. პროგრამის მიზანია ბოლნისის მუნიციპალიტეტის მერიის მიერ ბოლნისის მუნიციპალიტეტში აღმასრულებელი ორგანოს განხორციელების პირობების შექმნა; მუნიციპალიტეტის მიერ დაფუძნებული ააიპ-ებისა და შპს-ების საქმიანობის კოორდინაცია და კონტროლი; მერიის საქმიანობის ორგანიზაციული, სამართლებრივი და ინფორმაციულ-ანალიტიკური უზრუნველყოფა; მერიის მიერ მიღებულ გადაწყვეტილებათა შესრულების კონტროლის განხორციელება.ბიუჯეტით გათვალისწინებული ღონისძიებების შეუფერხებელი დაფინანსების უზრუნველყოფა. სოციალურ-ეკონომიკური კეთილდღეობის გაზრდის მიზნით ეკონომიკური პოლიტიკის ეფექტიანად შემუშავება და წარმართვა.

 პროგრამის/ქვეპროგრამის მიზანი :

 მერიის გამართული და ეფექტური მუშობა.

 პროგრამის/ქვეპროგრამის დაფინანსების ოდენობა: 3473.0 ათასი ლარი.

1. 3. სარეზერვო ფონდი (პროგრამული კოდი 01 03)

 პროგრამის/ქვეპროგრამის აღწერა:

 ადგილობრივი თვითმმართველი ერთეულის ბიუჯეტში გაუთვალისწინებელი გადასახდელების დასაფინანსებლად იქმნება სარეზერვო ფონდი, რომლის მოცულობა არ უნდა აღემატებოდეს წლიური ბიუჯეტით გათვალისწინებული ასიგნებების მთლიანი ოდენობის 2%-ს. სარეზერვო ფონდიდან თანხებს ქალაქის მერის გადაწყვეტილების საფუძველზე, რომელიც მოიცავს ინფორმაციას თანხის ოდენობისა და მიზნობრიობის შესახებ, გამოყოფს საფინანსო ორგანო.

 პროგრამის/ქვეპროგრამის მიზანი :

 ფონდის მიზანია,ფორსმაჟორული სიტუაციების დროს, ბიუჯეტის გეგმაში შესაბამის პროგრამაში გაუთვალისწინებელი ხარჯების დროს, რესურსის გამოყოფა და დროულად აღმოფხვრა.

 პროგრამის/ქვეპროგრამის დაფინანსების ოდენობა: 300.0 ათასი ლარი.

 1.4. წინა წლებში წარმოქმნილი დავალიანებებისა და სასამართლო გადაწყვეტილებათა აღსრულების ფონდი. (პროგრამული კოდი 01 04)

 პროგრამის/ქვეპროგრამის აღწერა:

 ადგილობრივი თვითმმართველი ერთეულის ბიუჯეტში შეიძლება შეიქმნას წინა წლებში წარმოქმნილი დავალიანებების დაფარვისა და სასამართლო გადაწყვეტილებების აღსრულების ფონდი, რომლის განკარგვა ხორციელდება საქართველოს კანონმდებლობით დადგენილი წესით და ადგილობრივი თვითმმართველობის აღმასრულებელი ორგანოს მიერ მიღებული გადაწყვეტილების შესაბამისად. წინა წლებში წარმოქმნილი დავალიანებების დაფარვისა და სასამართლო გადაწყვეტილებების აღსრულების ფონდის ოდენობა განისაზღვრება წლიური ბიუჯეტით.

 პროგრამის ფარგლებში დაგეგმილია მუნიციპალური განვითარების ფონდიდან მიღებული სესხების საპროცენტო და სესხების ძირი თანხების დაფარვა ყოველთვიურად, არაუგვიანეს ყოველი თვის ბოლო თარიღისა.

 პროგრამის/ქვეპროგრამის მიზანი :

 პროგრამის მიზანია ბოლნისის მუნიციპალიტეტის მიერ საქართველოს მუნიციპალური განვითარების ფონდის წინაშე ნაკისრი სასესხო ვალდებულების სრულად და დადგენილ ვადებში შესრულება.

 პროგრამის/ქვეპროგრამის დაფინანსების ოდენობა: 471.0 ათასი ლარი.

1.5. ბოლნისის მუნიციპალიტეტის მერიის სამხედრო სამსახური (პროგრამული კოდი 01 05)

 პროგრამის/ქვეპროგრამის აღწერა:

 ბოლნისის მუნიციპალიტეტის მერიის სამხედრო სამსახური ვალდებულია შეატყობინოს და გამოიძახოს ბოლნისის რაიონში რეგისტრირებული მოქალაქე ან/და მოქალაქე,რომელსაც არ აქვს რეგისტრაციის ადგილი, – ფაქტობრივი საცხოვრებელი ადგილის მიხედვით (18-დან 27 წლამდე ასაკის პირი, რომელიც იმყოფება ან ვალდებულია იმყოფებოდეს წვევამდელთა სამხედრო აღრიცხვაზე და რომელსაც არ აქვს სამხედრო სავალდებულო სამსახურში გაწვევისაგან განთავისუფლების ან გაწვევის გადავადების საფუძველი, ექვემდებარება სამხედრო სავალდებულო სამსახურის გავლას) სამხედრო სავალდებულო სამსახურის მოხდა.

 პროგრამის/ქვეპროგრამის მიზანი :

ქვეყნის თავდაცვისუნარიანობის გაუმჯობესა.

 პროგრამის/ქვეპროგრამის დაფინანსების ოდენობა: 238.0 ათასი ლარი.

 1.6. საჯარო მოსამსახურეთა სწავლება-გადამზადება(პროგრამული კოდი 01 06)

 პროგრამის/ქვეპროგრამის აღწერა:

 პროგრამის ფარგლებში იგეგმება საჯარო მოსამსახურის მიერ დაკავებული თანამდებობისადმი დადგენილი საკვალიფიკაციო ცოდნის სავალდებულო მინიმუმში კვალიფიკაციის ამაღლება. პროგრამის მიზანია საჯარო სამსახურის მაღალკვალიფიციური კადრებით უზრუნველყოფაა. პროგრამა საჯარო მოხელეთათვის კვალიფიკაციის ასამაღლებელი კურსების დაგეგმვა-ადმინისტრირებას და მათ პროფესიულ გადამზადებას სხვადასხვა თემატური ტრეინინგებით და მოდულებით გეგმავს.

 პროგრამის/ქვეპროგრამის მიზანი :

 პროგრამის მიზანია საკანონმდებლო ნოვაციების სწავლება და კანონმდებლობაში დაგეგმილი ცვლილებების გაცნობა; ცოდნისა და კვალიფიკაციის ზრდა, პროფესიული ჩვევების გაუმჯობესება;

 პროგრამის/ქვეპროგრამის დაფინანსების ოდენობა: 33.0 ათასი ლარი.

 2. ინფრასტრუქტურა (პროგრამული კოდი 02 00)

 მუნიციპალიტეტის მოსახლეობის კეთილდღეობის ამაღლებისა და ეკონომიკური განვითარების აუცილებელი პირობაა ინფრასტრუქტურის შემდგომი გაუმჯობესება, ამიტომ აღნიშნული მიმართულება ქალაქის ბიუჯეტის ერთ-ერთ მთავარ პრიორიტეტს წარმოადგენს. პრიორიტეტის ფარგლებში გაგრძელდება საგზაო და კომუნალური ინფრასტრუქტურის რეაბილიტაცია. ასევე ინფრასტრუქტურის რეაბილიტაციის გარდა, განხორციელდება არსებული ინფრასტრუქტურის მოვლა–შენახვა და დაფინანსდება მის ექსპლუატაციასთან დაკავშირებული ხარჯები.

 2.1. საგზაო ინფრასტრუქტურის მშენებლობა-რეაბილიტაცია და ექსპლუატაცია. (პროგრამული კოდი 02 01)

 პროგრამის/ქვეპროგრამის აღწერა:

მიუხედავად იმისა, რომ უკანსკნელი წლების მანძილზე მუნიციპალიტეტში აქტიურად ხორციელდება მასშტაბური სამუშაოები ინფრასტრუქტურის მოწესრიგების კუთხით, გრძელვადიანი საჭიროებებიდან გამომდინარე მაინც არის მნიშვნელოვანი სამუშაოების განხორციელების აუცილებლობა. ქალაქის ქუჩების ზოგიერთი ნაწილი საჭიროებს კაპიტალურ რეაბილიტაციას, ასევე მიმდინარედ შეკეთებით სამუშაოებს ითხოვს ბოლო წლების მანძილზე რეაბილიტირებული ქუჩების ნაწილი. მუნიციპალიტეტში საგზაო მოძრაობის ხარისხის გაუმჯობესების, საგზაო მოძრაობის ორგანიზებისა და უსაფრთხოების, სატრანსპორტო და ქვეითთა ნაკადის უსაფრთხოდ გადაადგილების მიზნით, საჭიროა საგზაო ინფრასტრუქტურის ეტაპობრივი მოწესრიგება. პროგრამა ითვალისწინებს მუნიციპალიტეტში გზის საფარის მიმდინარე და კაპიტალური შეკეთების და მშენებლობის სამუშაოების ჩატარებას. მათ შორის: გზების მიმდინარე (ორმოული) და ფრაგმენტული შეკეთება; გზების ქვიშა-ხრეშოვანი მასალით მოწყობა; ქუჩების ტროტურების მიმდინარე კაპიტალური შეკეთება; გზებზე ასფალტ/ბეტონის დაზიანებულ მონაკვეთებზე ბზარების დამუშავება; 

 პროგრამის/ქვეპროგრამის მიზანი :

 პროგრამის მიზანია, ქალაქში და მჭიდროდ დასახლებულ სოფლებში გამავალი გზების რეაბილიტაცია, რაც ქალაქისა და სოფლის გზებზე ავტოტრანსპორტის უფრო კომფორტულად გადაადგილებას უზრუნველყოფს და მოსახლეობის სოციალურ მდგომარეობას გააუმჯობესებს. აღნიშნული გზის მშენებლობაზე, ასობით საქართველოს მოქალაქე დასაქმდება.

 პროგრამის/ქვეპროგრამის დაფინანსების ოდენობა: 865.0 ათასი ლარი.

2.2. კომუნალური ინფრასტრუქტურის მშენებლობა-რეაბილიტაცია და ექსპლოატაცია (პროგრამული კოდი 02 02)

პროგრამის/ქვეპროგრამის აღწერა:

 პროგრამის ფარგლებში განხორციელდება მუნიციპალიტეტის ტერიტორიაზე გარე განათების ქსელის მშენებლობა-ექსპლუატაცია, სარწყავი არხების, საკანალიზაციო, სასმელი წყლის და სანიაღვრე სისტემების მშენებლობა-რეაბილიტაცია, გარემოს დაცვის ღონისძიებები: საყოფაცხოვრებო ნარჩენების შეგროვება-გატანა, მრავალბინიანი საცხოვრებელი კორპუსების სახურავების რეაბილიტაცია, სასაფლაოების მოვლა.

 პროგრამის/ქვეპროგრამის მიზანი:

 ბოლნისის მუნიციპალიტეტის კომუნალური ინფრასტრუქტურის გამართული და შეუფერხებელი ფუნქციონირების უზრუნველყოფა; ქალაქის სანიტარიული დასუფთავება, მოსახლეობისა და მისი სტუმრებისათვის ესთეტიკურად მიმზიდველი, უსაფრთხო და კომფორტული საცხოვრებელი გარემოს შექმნა; ბინათმესაკუთრეთა ამხანაგობის საერთო საკუთრების მოვლა-პატრონობის ხელშეწყობა და განვითარება.

პროგრამის/ქვეპროგრამის დაფინანსების ოდენობა: 4034.0 ათასი ლარი.

 2.2.2. სასმელი წყლით მომარაგების სამუშაოები. (პროგრამული კოდი 02 02 02)

 პროგრამის/ქვეპროგრამის აღწერა:

 ქვეპროგრამის ფარგლებში განხორციელდება მუნიციპალიტეტის არსებული წყლის რეზერვუარების გაწმენდა-შეკეთება და რეაბილიტაცია, სოფლის მოსახლეობისთვის სასმელი წყლის მიწოდება, არსებული მატერიალურ-ტექნიკური ბაზის მოვლა-პატრონობა; სასმელი წყლის ჭაბურღილების მოწყობა, მუნიციპალიტეტის სოფლებში სასმელი წყლის მაგისტრალებზე მიმდინარე სარემონტო სამუშაოების შესრულება და გამრიცხველიანება, რეზერვუარების რეცხვა-დასუფთავება, დეზინფექცია;

 პროგრამის/ქვეპროგრამის მიზანი:

 ქვეპროგრამა მიზნად ისახავს ბოლნისის მუნიციპალიტეტში წყალმომარაგების გამართვასა და შეუფერხებლად უსაფრთხო წყლის მიწოდებას მოსახლეობისთვის.

პროგრამის/ქვეპროგრამის დაფინანსების ოდენობა: 289.0 ათასი ლარი.

 2.2.3 . გარე განათების მოწყობა, რეაბილიტაცია და ექსპლოატაცია (პროგრამული კოდი 02 02 03)

 პროგრამის/ქვეპროგრამის აღწერა:

 ქვეპროგრამა ითვალისწინებს მუნიციპალიტეტში გარე განათების არსებული ქსელის განათებასა და ქალაქის ღირსშესანიშნაობათა მხატვრულ მინათებას. გარე განათების ქსელის რეკონსტრუქციას და სწორ ექსპლოატაციას. ქალაქის გარე განათების ქსელის ექსპლოატაციისა და რეაბილიტაციის ქვეპროგრამის ფარგლებში მოხდება: გარე განათების ქსელის ცენტრალიზებული მართვის სისტემების სრულყოფა; გარე განათებისა და სკვერების განათების ბოძების დიზაინის გაუმჯობესება. ელექტროუსაფრთხოების ღონისძიებების რეგულარული გატარება, ღამის პერიოდში მოსახლეობის კომფორტული და უსაფრთხო გადაადგილებისათვის, ისტორიული ძეგლებისა და ტაძრების ფასადების, სკვერებისა და ბულვარების განათებისთვის აუცილებელ პირობას წარმოადგენს მუნიციპალიტეტის ტერიტორიის გარე განათება .

 პროგრამის/ქვეპროგრამის მიზანი:

ღამის პერიოდში მოსახლეობის კომფორტული და უსაფრთხო გადაადგილება.

პროგრამის/ქვეპროგრამის დაფინანსების ოდენობა: 988.0 ათასი ლარი.

 2.2.4. დასუფთავების ღონისძიებები (პროგრამული კოდი 02 02 04)

 პროგრამის/ქვეპროგრამის აღწერა:

 მუნიციპალიტეტის ერთ-ერთ მთავარ ფუნქციას წარმოადგენს კეთილსაიმედო სანიტარიული მდგომარეობის უზრუნველყოფა, შესაბამისად ქვეპროგრამის ფარგლებში გათვალისწინებულია მუნიციპალიტეტის ყოველდღიური დაგვა-დასუფთავება და ნარჩენების გატანა. ასევე გარე ქსელის ბუნკერების საყოფაცხოვრებო ნარჩენებისგან გათავისუფლება. ზამთრის პერიოდში დიდთოვლიანობის დროს განხორციელდება ჭარბი თოვლისგან გათავისუფლება. მუნიციპალიტეტში მაწანწალა ცხოველების არსებობა სხვადასხვა ვირუსული დაავადების და ცოფის გავრცელების ძირითად საფრთხეს წარმოადგენს, რისი გათვალისწინებითაც ქვეპროგრამის ფარგლებში განხორციელდება ცხოველების დაჭერა და მათი გადაყვანა სპეციალიზირებულ თავშესაფარში, რითაც უზრუნველყოფილი იქნება მათი რაოდენობის მინიმუმამდე დაყვანა და შესაძლო საფრთხეების თავიდან აცილება. მოსახლეობის უსაფრთხოების მიზნით მუნიციპალიტეტის მიერ დაფინანსდება დასახლებულ პუნქტებში ქვეწარმავლების დაჭერა - უსაფრთხო ადგილზე გაყვანის მომსახურება.

პროგრამის/ქვეპროგრამის მიზანი :

 პროგრამის მიზანია მუნიციპალიტეტში ეკოლოგიური მდგომარეობის გაუმჯობესება და შენარჩუნება და უსაფრთხო ეპიდგარემოს უზრუნველყოფა.

პროგრამის/ქვეპროგრამის დაფინანსების ოდენობა: 1070.0 ათასი ლარი.

 2.2.5. საკანალიზაციო სისტემების მოწყობა და რეაბილიტაცია (პროგრამული კოდი 02 02 05)

პროგრამის/ქვეპროგრამის აღწერა:

ქვეპროგრამის ფარგლებში ბოლნისის მუნიციპალიტეტში განხორციელდება საკანალიზაციო სისტემის ექსპლოატაციისა და ჩამდინარე წყლების გადასამუშავებელი კოლექტორების, მილგაყვანილობის და წყალსაქაჩების დამონტაჟება - რეაბილიტაცია და გაწმენდა.

 პროგრამის/ქვეპროგრამის მიზანი :

 ქალაქის საკანალიზაციო სისტემის გამართული ფუნქციონირების უზრუნველყოფა მოსახლეობის კომფორტული გარემოსთვის.

პროგრამის/ქვეპროგრამის დაფინანსების ოდენობა: 100.0 ათასი ლარი.

2.2.6. ბინათმშენებლობა(პროგრამული კოდი 02 02 06)

პროგრამის/ქვეპროგრამის აღწერა:

 ქვეპროგრამა ითვალისწინებს საბინაო-საყოფაცხოვრებო პირობების გაუმჯობესებას. მუნიციპალიტეტში არის მრავალი ავარიული საცხოვრებელი სახლი, სხვადასხვა ფაქტორები (მ.შ. სტიქიური მოვლენები) რეალურ საფრთხეს უქმნის მობინადრეთა სიცოცხლეს. ამისათვის დაგეგმილია გადაუდებელი აუცილებლობით გამოწვეული ავარიული შენობების აღდგენა-რეაბილიტაცია, რაც მიზნად ისახავს ავარიული არასაცხოვრებელი და საცხოვრებელი სახლების შემცირებას. ავარიული შენობების ჩამოშლის საშიშროების თავიდან აცილების შედეგად მობინადრეთა უსაფრთხოების დაცვას. გასამაგრებელი შენობების პრიორიტეტულობა განისაზღვრება ტექნიკური მდგომარეობის ამსახველი დასკვნის საფუძველზე დადგენილი ავარიულობის სიმწვავის კატეგორიის მიხედვით. ქვეპროგრამის ფარგლებში დაგეგმილია მრავალბინიანი საცხოვრებელი კორპუსების სახურავების რეაბილიტაცია.

 პროგრამის/ქვეპროგრამის მიზანი :

მუნიციპალიტეტის ტერიტორიაზე შენობების რეაბილიტაცია/მშენებლობა, საექსპლუატაციო პირობების შენარჩუნება და გაუმჯობესება, მოსახლეობის უსაფრთხო და კომფორტული გარემოს შექმნისთვის.

 პროგრამის/ქვეპროგრამის დაფინანსების ოდენობა: 568.0 ათასი ლარი.

2.2.7. სარიტუალო მომსახურებისა და სასაფლაოების მოვლა-შენახვა (პროგრამული კოდი 02 02 07)

პროგრამის/ქვეპროგრამის აღწერა:

 ქვეპროგრამის ფარგლებში განხორციელდება მუნიციპალიტეტის საკუთრებაში მყოფი რიტუალური სახლების და სასაფლაოების მოვლა-პატრონობა.

პროგრამის/ქვეპროგრამის მიზანი :

 არსებული რიტუალური სახლების და სასაფლაოების საექსპლუატაციო პირობების შენარჩუნება და გაუმჯობესება; 

პროგრამის/ქვეპროგრამის დაფინანსების ოდენობა: 265.0 ათასი ლარი.

 2.2.10. კორპუსების მოვლა-პატრონობა (პროგრამული კოდი 02 02 10)

 პროგრამის/ქვეპროგრამის აღწერა:

 მუნიციპალიტეტში არსებული სოციალურ-ეკონომიკური მდგომარეობიდან გამომდინარე, ბინათმესაკუთრეთა ამხანაგობები ვერ ახორციელებენ ბინათმესაკუთრეთა ამხანაგობების საერთო ქონების დამოუკიდებელ მოვლა-პატრონობასა და განვითარებას. ქვეპროგრამა მოიცავს ააიპ ბოლნისის კორპუსის დაფინანსებას, რომლის საქმიანობაც მოიცავს შესაბამის ორგანოებთან ერთად და საინიციატივო ჯგუფების მონაწილეობით მრავალბინიანი სახლების ტექნიკური პასპორტების და ამ სახლების ტექნიკური მდგომარეობის შესახებ ინფორმაციის მომზადებას; ბინათმესაკუთრეთა ამხანაგობების აღრიცხვას; ბინათმესაკუთრეთა ამხანაგობების ხელშესაწყობად პროგრამების შემუშავებას და განხორციელებას.

პროგრამის/ქვეპროგრამის მიზანი :

 ბინათმესაკუთრეთა ამხანაგობების საერთო ქონების მოვლა-პატრონობის ხელშეწყობა. აღწერა-პასპორტიზაცია და განვითარება; ბინათმესაკუთარეთა ამხანაგობების ინსტიტუტის განვითარებაში ამხანაგობების ჩართულობა (თანამონაწილეობა) და მოქალაქეობრივი პასუხისმგებლობის ამაღლება.

 პროგრამის/ქვეპროგრამის დაფინანსების ოდენობა: 187.0 ათასი ლარი.

2.2.11.ბიზნესსაქმიანობის ეფექტური პლატფორმის ჩამოყალიბება (პროგრამული კოდი 02 02 11)

პროგრამის/ქვეპროგრამის აღწერა:

 პროექტის კონკრეტული ამოცანები: ბოლნისის რეგიონალური აგრობიზნესის კვანძად ჩამოყალიბების მიზნით ბიზნესკლასტერების ჩამოყალიბების ხელშეწყობა; მცირე და საშუალო საწარმოების და ინდივიდუალური მეწარმეების თანამშრომლობისა და კავშირების გაუმჯობესება სასოფლო-სამეურნეო კულტურების წარმოებისა და რეგიონულ ბაზრებთან უკეთესად ხელმისაწვდომობის მიზნით; ტურისტული თვალსაზრისით ბოლნისის მომხიბვლელობის ზრდა გაუმჯობესებული ტურისტული ინფრასტრუქტურის და შესაბამისი მარკეტინგის საშუალებით; 

 პროექტი მოიცავს შემდეგ ღონისძიებებს: საწარმოო შესაძლებლობების იდენტიფიცირებისა და ადგილობრივი წარმოებულ საქონელზე მოთხოვნის დასადგენად სრულყოფილი კვლევის განხორციელება, ასევე მიწოდების წყაროების იდენტიფიცირება, რეგიონული აგრობიზნეს ლოჯისტიკური კვანძის ტერიტორიაზე პერიფერიული მომხმარებლების საქმიანი ინტერესების შეფასება; საჯარო-კერძო დიალოგისთვის მდგრადი არხების შექმნა და დაინტერესებულ მხარეთა ფართო სპექტრის ჩართვა გრძელვადიანი ინფორმაციის გაზიარებისა და კომუნიკაციის მექანიზმების შესანარჩუნებლად; აგროცენტრის ჩამოსაყალიბებლად ფიზიკური ინფრასტუქტურის მოწყობა და ფერმერების, აგროწარმოებაში ჩართული მცირე და საშუალო ბიზნესების დამხმარე შესაძლებლობებით (ხილ-ბოსტნეულის, ყველისა და სხვა ნაწარმის შეფუთვის და ღვინის ჩამოსხმის სერვისის მიწოდება) უზრუნველყოფა; აგროცენტრის ბიზნესმოდელისა და მარკეტინგული სტრატეგიის შემუშავება; ქ.ბოლნისის ისტორიული უბნის „კატერინენფელდის“ ნაწილის (მ.სტეფანიას ქუჩა) ინფრასტრუქტურის მოწყობა: კანალიზაციის, გზის, ტროტუარებისა და გარე განათების ქსელის მოწყობა, ტურისტული მარკირების ნიშნების განთავსება. ქ.ბოლნისის ისტორიული უბნის „კატერინენფელდის“ მარკეტინგული სტრატეგიის შემუშავება;ფერმერებისა და ტურიზმის დარგში არსებული მეწარმეების დატრენინგება ბიზნესის მართვის უნარ-ჩვევების გასაუმჯობესებლად; ყოველწლიურად 2 ადგილობრივი ნაწარმის გამოფენა/გაყიდვის მოწყობა. ჯამში მოეწყობა 4 გამოფენა/გაყიდვა.

 პროგრამის/ქვეპროგრამის მიზანი :

 ბიზნესის განვითარებისა და ბიზნესგარემოს გაუმჯობესების სტიმულირება მყარ ინფრასტრუქტურასა და მეწარმეთა ბიზნესის ადმინისტრირებისა და მართვის უნარ-ჩვევების გაუმჯობესებაში თანხების ინვესტირებით; საჯარო-კერძო დიალოგის წახალისება ფერმერული მეწარმეობის ხელშეწყობისათვის ხელსაყრელი გარემოს შექმნის მიზნით და ქალთა და ახალგაზრდობის ჩართულობაზე განსაკუთრებული აქცენტებით.

პროგრამის/ქვეპროგრამის დაფინანსების ოდენობა: 567,0 ათასი ლარი

 2.3. მუნიციპალიტეტის კეთილმოწყობის ღონისძიებები (პროგრამული კოდი 02 03)

 პროგრამის/ქვეპროგრამის აღწერა:

 პროგრამის ფარგლებში განხორციელდება მუნიციპალიტეტში არსებული სკვერებისა და პარკების, მუნიციპალიტეტის გამწვანების, შადრევნების მოვლა-პატრონობის და ქალაქის ინფრასტრუქტურული ნაწილის რეაბილიტაციის ღონისძიებები. 

 პროგრამის/ქვეპროგრამის მიზანი :

 მოსახლეობისთვის და ტურისტებისთვის კომფორტული და მიმზიდველი, უსაფრთხო და სასიამოვნო გარემოს შექმნა.

 პროგრამის/ქვეპროგრამის დაფინანსების ოდენობა: 821.0 ათასი ლარი.

 2.3.1. ქალაქის შემოსასვლელის, ქუჩების კეთილმოწყობა და ქალაქის ნაწილის რეაბილიტაცია (პროგრამული კოდი 02 03 01)

 პროგრამის/ქვეპროგრამის აღწერა:

 ქვეპროგრამის ფარგლებში განხორციელდება ქალაქის ქუჩების ქვიშახრეშოვანი მასალით მოწყობა; ქუჩების ტროტუარების მიმდინარე კაპიტალური შეკეთება; ქალაქის ინფრასტრუქტურული ნაწილის რეაბილიტაცია.

 პროგრამის/ქვეპროგრამის მიზანი:

 პროგრამის მიზანია მოსახლეობისთვის და ტურისტებისთვის კომფორტული და მიმზიდველი გარემოს შექმნა.

 პროგრამის/ქვეპროგრამის დაფინანსების ოდენობა: 120,0 ათასი ლარი.

 2.3.2. სკვერებისა და შადრევნების კეთილმოწყობა (პროგრამული კოდი 02 03 02)

 პროგრამის/ქვეპროგრამის აღწერა:

 ქვეპროგრამის ფარგლებში ხორციელდება იერსახის გასაუმჯობესებლად და მოსახლეობისთვის კომფორტული გარემოს შესაქმნელად საჭიროა არსებული სკვერების და შადრევნების მოწყობა/რეაბილიტაცია, ელექტროენერგიისა და წლის მიწოდება .

 პროგრამის/ქვეპროგრამის დაფინანსების ოდენობა: 150,0 ათასი ლარი.

 პროგრამის/ქვეპროგრამის მიზანი:

მოსახლეობისთვის კომფორტული და ეკოლოგიური დასასვენებელი გარემოს შექმნა.

 2.3.3. ცენტრალური პარკის მოვლა (პროგრამული კოდი 02 03 03)

 პროგრამის/ქვეპროგრამის აღწერა:

 ქვეპროგრამის ფარგლებში დაფინანსდება შპს „კულტურისა და დასვენების პარკი“ , რომელიც განახორციელებს არსებული პარკის მოვლა-პატრონობას, ცენტრალური პარკის განათებასა და ფასადის რეაბილიტაციას.

 პროგრამის/ქვეპროგრამის მიზანი:

კომფორტული და დასასვენებლი ადგილის შექმნა ჯანსაღი მომავალი თაობისთვის.

 პროგრამის/ქვეპროგრამის დაფინანსების ოდენობა: 170.0 ათასი ლარი.

 2.3.4. ნარგავების მოვლა-პატრონობა, გამწვანება (პროგრამული კოდი 02 03 04)

 პროგრამის/ქვეპროგრამის აღწერა:

 ქვეპროგრამის განხორციელებით საგრძნობლად უმჯობესდება მუნიციპალიტეტის ეკოლოგიური მდგომარეობა, გარე იერსახე და ქალაქის მოსახლეობის დასვენების პირობები. მწვანე ნარგავებით ტერიტორიების შევსება და მათი შენარჩუნება საშუალებას იძლევა მნიშვნელოვნად გაიზარდოს ბოლნისის მწვანე საფარი. ასევე ხორციელდება ფერდობების, ბაღების, სკვერების მოვლა-პატრონობა; მცენარეთა შესყიდვა, (სხვადასხვა ჯიშის ყვავილები, ბუჩქები, ხემცენარეები); მწვანე თარგების მოწესრიგების მიზნით, მწვანე გაზონების მოწყობა (რულონი); სხვადასხვა ტერიტორიაზე მწვანე თარგებიდან სტრუქტურადარღვეული ნიადაგის ფენის მოშორება და მისი ნოყიერი და ყამირი ფენით შევსება; ხეების მოჭრა-გადაბელვა და კუნძების ამოღება-გატანა; ფოთლოვანი და წიწვოვანი ხე-მცენარეების მავნებელ დაავადებათა კვლევა, მონიტორინგი და მათ წინააღმდეგ ბრძოლის აგრო-ტექნიკური ღონისძიებები (გასხვლა, შეწამვლა); ზრდასრული ხემცენარეების გადარგვა და რეკულტივატორით გადარგული ხე-მცენარეების მორწყვა.

 პროგრამის/ქვეპროგრამის მიზანი:

საზოგადოებისთვის ეკოლოგიურად სუფთა, კომფორტული და უსაფრთხო გარემოს შექმნა.

პროგრამის/ქვეპროგრამის დაფინანსების ოდენობა: 381.0 ათასი ლარი.

2.4. სოფლის მხარდაჭერის პროგრამის ფარგლებში განსახორციელებელი ღონისძიებები (პროგრამული კოდი 02 04)

 პროგრამის/ქვეპროგრამის აღწერა:

 პროგრამის ფარგლებში ბოლნისის მუნიციპალიტეტის სოფლებში განხორციელდება ინფრასტრუქტურის მშენებლობა, რეაბილიტაცია და ექსპლუატაცია მოსახლეობის აზრის გათვალისწინებით.

 პროგრამის/ქვეპროგრამის მიზანი :

სოფლის მაცხოვრებელთა საყოფაცხოვრებო პირობების გაუმჯობესება.

3. კულტურა, რელიგია, ახალგაზრდობის ხელშეწყობა და სპორტი (პროგრამული კოდი 03 00)

 ინფრასტრუქტურული და ეკონომიკური განვითარების პარალელურად აუცილებელია ხელი შეეწყოს კულტურული ტრადიციების დაცვას და ღირსეულ გაგრძელებას. ამასთანავე, ერთ-ერთი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. კულტურის და ხელოვნების სფეროებში სხვადასხვა პროექტების შემუშავება, დაგეგმვა და მისი განხორციელების კოორდინაცია; ქართული ლიტერატურისა და ხელოვნების ტრადიციების დაცვა, განვითარება და პოპულარიზაცია კონკრეტული პროექტების განხორციელების გზით; ადგილობრივი მნიშვნელობის მუზეუმების და თეატრების ხელშეწყობა და სრულყოფილი ფუნქციონირებისათვის შესაბამისი პირობების შექმნა; სახელოვნებო განათლების და ხელოვნების დარგების პროგრამის ფარგლებში განსახორციელებელი პროექტების მხარდაჭერა; პრიორიტეტის ფარგლებში განსაკუთრებული ადგილი უკავია ახალგაზრდებში ცხოვრების ჯანსაღი წესის წახალისების მიზნით გასატარებელ ღონისძიებებს; სპორტის სხვადასხვა სახეობის, საქართველოს ასაკობრივი გუნდების მომზადებასა და საერთაშორისო სპორტულ ღონისძიებებში (მსოფლიოსა და ევროპის ჩემპიონატებში, სხვადასხვა საერთაშორისო ტურნირებში) მონაწილეობის ხელშეწყობას; სპორტული დაწესებულებების ბაზების თანამედროვე სტანდარტების დონეზე მოწყობას; მწვრთნელ-მასწავლებელთა და სპორტსმენთა სოციალური და მატერიალური პირობების გაუმჯობესებას; სპორტული მოედნების მშენებლობა-რეკონსტრუქცია; ახალგაზრდების სხვადასხვა ასპარეზზე მხარდაჭერას და მათი სამოქალაქო საზოგადოების აქტიურ წევრებად ჩამოყალიბების ხელშეწყობას. ასევე გაგრძელდება ბოლნისის ეპარქიის ფინანსური მხარდაჭერა ეკლესიების, მონასტრების რესტავრაცია და შემდგომი აღორძინებისათვის.

3.1. სპორტის განვითარების ხელშეწყობა (პროგრამული კოდი 03 01)

პროგრამის/ქვეპროგრამის აღწერა:

 სპორტის სხვადასხვა სახეობების განვითარება - პოპულარიზაცია, ასაკობრივი გუნდების მზადება და მონაწილეობა საერთაშორისო და ადგილობრივ სპორტულ ღონისძიებებში (მსოფლიო, ევროპის და საქართველოს ჩემპიონატები, პირველობები, თასების გათამაშებები, მასობრივი სპორტული ღონისძიებები, საერთაშორისო ტურნირები, სასწავლო საწვრთნელი შეკრებები); მწვრთნელ-მასწავლებელთა და წარმატებული სპორტსმენი ბავშვების სოციალური და მატერიალური პირობების გაუმჯობესება; სპორტული ინფრასტრუქტურის შექმნა და რეაბილიტაცია, მატერიალურ-ტექნიკური მდგომარეობის გაუმჯობესება, სპორტული დანიშნულების ობიექტების, დარბაზებისა და სტადიონების შეკეთება, აღდგენა, მშენებლობა.

 პროგრამის/ქვეპროგრამის მიზანი:

 პროგრამის მიზანია ხელი შეეწყოს სპორტულ საქმიანობაში ახალგაზრდობის მასობრივ ჩართულობას, ცხოვრების ჯანსაღი წესის პოპულარიზაციასა და დამკვიდრებას. პროგრამა ასევე მიზნად ისახავს ახალგაზრდებისათვის ისეთი გარემოს შექმნას, სადაც მათ თავისუფალი დროის ნაყოფიერად გატარების საშუალება ექნებათ.

პროგრამის/ქვეპროგრამის დაფინანსების ოდენობა: 2039.5 ათასი ლარი.

3.1.1. სპორტული ორგანიზაციების ხელშეწყობა. (პროგრამული კოდი 03 01 01)

 პროგრამის/ქვეპროგრამის აღწერა:

 ქვეპროგრამა მოიცავს ააიპ „სკოლისგარეშე სასპორტო საგანმანათლებლო დაწესებულება – ბოლნისის სპორტულ-გამაჯანსაღებელი კომპლექსის“, ააიპ „სკოლისგარეშე სასპორტო საგანმანათლებლო დაწესებულება – ბოლნისის ძიუდოს სკოლის, ააიპ „რაგბის კლუბ ბოლნისის“, ააიპ ბოლნისის მუნიციპალიტეტის საჭადრაკო სკოლა „ნონას“, სადაც ფუნქციონირებს სპორტის სხვადასხვა სახეობების წრეები და უზრუნველყოფს ამ სახეობების განვითარებას, მოზარდთა მაქსიმალური რაოდენობის ჩაბმას და მათთვის საწვრთნელი პირობების შექმნას.

პროგრამის/ქვეპროგრამის მიზანი :

 პროგრამის მიზანია ხელი შეეწყოს სპორტულ საქმიანობაში ახალგაზრდობის მასობრივ ჩართულობას, ცხოვრების ჯანსაღი წესის პოპულარიზაციასა და დამკვიდრებას.

 პროგრამის/ქვეპროგრამის დაფინანსების ოდენობა: 1540.0 ათასი ლარი

 3.1.2 სპორტული ობიექტების მოწყობა/რეაბილიტაცია (პროგრამული კოდი 03 01 02).

 პროგრამის/ქვეპროგრამის აღწერა:

 ქვეპროგრამა მოიცავს დასვენების და სპორტული დანიშნულების ობიექტების (სპორტული დარბაზები, მოედნები, სტადიონები, სარბენი ბილიკები) მშენებლობას, მოწყობას, რეაბილიტაციას,ექსპლოატაცია და მოვლა-პატრიონობას; ააიპ ბოლნისის მუნიციპალური სტადიონებისა და სპორტული მოედნების მართვის სამსახურის, რომლის მთავარი ფუნქციაც სპორტული შენობა-ნაგებობების მოვლა-შენახვაა.

 პროგრამის/ქვეპროგრამის მიზანი :

 პროგრამა მიზნად ისახავს ახალგაზრდებისათვის ისეთი გარემოს შექმნას, სადაც მათ თავისუფალი დროის ნაყოფიერად გატარების საშუალება ექნებათ.

პროგრამის/ქვეპროგრამის დაფინანსების ოდენობა: 499.5 ათასი ლარი

 3.2. კულტურის განვითარების ხელშეწყობა. (პროგრამული კოდი 03 02)

 პროგრამის/ქვეპროგრამის აღწერა:

 კულტურული ტრადიციების დაცვის მიზნით პროგრამის ფარგლებში გაგრძელდება სხვადასხვა კულტურული ობიექტების ფინანსური მხარდაჭერა, ასევე განხორციელდება სხვადასხვა კულტურული ღონისძიებები, მათ შორის სადღესასწაულო დღეებში სხვადასხვა გასართობი და სანახაობრივი ღონისძიებები. კულტურის და ხელოვნების სფეროებში სხვადასხვა პროექტების შემუშავება, დაგეგმვა და მისი განხორციელების კოორდინაცია; ბოლნისის ჩართვა რეგიონულ და საერთაშორისო ინიციატივებში. ადგილობრივი მნიშვნელობის მუზეუმების და თეატრების ხელშეწყობა და სრულყოფილი ფუნქციონირებისათვის შესაბამისი პირობების შექმნა; ხელოვნებისა და კულტურის ობიექტების ხელშეწყობა; სახელოვნებო განათლების და ხელოვნების დარგების პროგრამის ფარგლებში განსახორციელებელი პროექტების მხარდაჭერა; თეატრალური ხელოვნების პოპულარიზაცია. კულტურული და ახალგაზრდული ღონისძიებების ხელშეწყობა; პროგრამის მიზანია მუნიციპალიტეტში კულტურული ტრადიციების მხარდაჭერა, განვითერაბა და მოსახლეობის კულტურული დონის ამაღლება.

პროგრამის/ქვეპროგრამის მიზანი:

კულტურის და ხელოვნების სფეროს ხელმისაწვდომობის გაზრდა, კულტურის ღონისძიებების, ფესტივალების, კონცერტების და კულტურის სფეროს სხვა აქტივობების განხორციელების ხელშეწყობა დაპოპულარიზაცია.ხელოვნებისა და კულტურის სფეროში ინოვაციური, კრეატიული პროექტების განხორციელების ხელშეწყობა. კულტურულ-შემოქმედებით სფეროში მოღვაწეობის მოტივაცია;

პროგრამის/ქვეპროგრამის დაფინანსების ოდენობა: 1961.0 ათასი ლარი.

3.2.1. კულტურის ორაგანიზაციების ხელშეწყობა (პროგრამული კოდი 03 02 01)

პროგრამის/ქვეპროგრამის აღწერა:

 ქვეპროგრამა ითვალისწინებს ააიპ „ბოლნისის მუნიციპალიტეტის საკლუბო, საბიბლიოთეკო, სამუზეუმო გაერთიანება „კულტურის ცენტრი“-ს მიერ ორგანიზებულ ღონისძიებებს დაფინანსებას, როგორებიცაა: ხელოვნების დარგების განვითარების ხელშეწყობა, ლიტერატურული და თოჯინური თეატრების აღორძინება, ხალხური რეწვის დარგების აღორძინება და პოპულარიზაცია, ნიჭიერი ინდივიდუალური შემსრულებლებისა და შემოქმედებითი კოლექტივების საქმიანობის ხელშეწყობა, სამუსიკო და ქორეოგრაფიული ნიმუშების შესწავლისა და პოპულარიზაციისათვის სათანადო პირობების შექმნა. სამუზეუმო ნიმუშების პოპულარიზაციას, გამოფენას და მოვლა-შენახვას. ბიბილიოგრაფიული და საინფორმაციო მუშაობის ხელშეწყობას, წიგნადი ფონდების შევსება დაკომპლექტებას და სრულ აღრიცხვას.ქვეპროგრამის ფარგლებში ფინანსდება ააიპ „ბოლნისის მუნიციპალიტეტის სამუსიკო სკოლა“ სადაც სწავლობს 135-მდე მოსწავლე, რაც ხელს შეუწყობს მოზარდ თაობაში ხელოვნების განვითარებას. ააიპ „ბოლნისის მუნიციპალიტეტის თეატრის“ მიერ ორგანიზებული ღონისძიებების დაფინანსებას, როგორებიცაა: მხატვრული აღზრდის პროპაგანდა, ეროვნული თეატრალური ხელოვნების განვითარება, სასცენო ხელოვნების განმტკიცება, ტრადიციების აღორძინება და განვითარება, ზოგადსაკაცობრიო იდეალების პროპაგანდა, საზოგადოებისა და ახალგაზრდობის ზნეობრივი და სულიერი სამყაროს გამდიდრება. ქვეპროგრამის მიზანია მუნიციპალიტეტში კულტურული ტრადიციების მხარდაჭერა, განვითერაბა და მოსახლეობის კულტურული დონის ამაღლება.

პროგრამის/ქვეპროგრამის მიზანი :

 კულტურის და ხელოვნების სფეროს ხელმისაწვდომობის გაზრდა, კულტურის ღონისძიებების, ფესტივალების, კონცერტების და კულტურის სფეროს სხვა აქტივობების განხორციელების ხელშეწყობა და პოპულარიზაცია.ხელოვნებისა და კულტურის სფეროში ინოვაციური, კრეატიული პროექტების განხორციელების ხელშეწყობა. კულტურულ-შემოქმედებით სფეროში მოღვაწეობის მოტივაცია;

პროგრამის/ქვეპროგრამის დაფინანსების ოდენობა: 1904.0 ათასი ლარი

3.2.2. კულტურის სახლის სარემონტო სამუშაოები (პროგრამული კოდი 03 02 02).

 პროგრამის/ქვეპროგრამის აღწერა:

 ქვეპროგრამის ფარგლებში განხორციელდება მუნიციპალური კულტურის დაწესებულებების სარემონტო-სარეაბილიტაციო სამუშაოების ჩატარება, კულტურის სახლის რეკონსტრუქცია-რეაბილიტაცია, ტექნიკური აღჭურვა, კულტურის ინფრასტრუქტურის ხელმისაწვდომობის უზრუნველყოფა შეზღუდული შესაძლებლობის მქონე პირთათვის, რაც გულისხმობს არსებული და მშენებარე კულტურის ობიექტების ადაპტაციას მათ საჭიროებებთან.

 პროგრამის/ქვეპროგრამის მიზანი:

 კულტურის ინფრასტრუქტურის განვითარება და ეფექტური მართვა სათანადო პირობებს ქმნის მაღალი ხარისხის კულტურისმიერი პროდუქტისა და მომსახურების შექმნისა და მიწოდებისთვის, კულტურული ფასეულობების შენარჩუნებისა და საერთაშორისო სტანდარტების შესაბამისი სამუშაო გარემოს ჩამოყალიბებისთვის.

პროგრამის/ქვეპროგრამის დაფინანსების ოდენობა: 57.0 ათასი ლარი.

3.3. კულტურული ღონისძიებების დაფინანსება (პროგრამული კოდი 03 03)

 პროგრამის/ქვეპროგრამის აღწერა:

 პროგრამა ითვალისწინებს სახელმწიფო, სახალხო, რელიგიური დღესასწაულებისა და სხვა საზოგადოებრივი მნიშვნელობის ღონისძიებების აღნიშვნას, რომლის დროსაც მნიშვნელოვანია ტრადიციების მაქსიმალური შენარჩუნება, რათა სასიამოვნო და დაუვიწყარი გარემო შეიქმნას როგორც ჩვენი მოსახლეობისთვის, ასევე ტურისტებისთვისაც, ხელოვანების ღირსეულად წარმოჩენასა და მათი შემოქმედების ხელშეწყობას, ფესტივალების, კონკურსების და საიუბილეო ღონისძიებების ხელშეწყობას, დამეგობრებულ ქალაქებთან კულტურული ურთიერთობების შენარჩუნება-გაფართოების მიზნით სპეციალური გაცვლითი ღონისძიებების დაგეგმვასა და განხორციელებას, სხვადასხვა საერთაშორისო ფესტივალის ჩატარებას, თავისუფალი თეატრალური პროექტების ხელშეწყობას, საგამომცემლო საქმიანობისა და კულტურულ საგანმანათლებლო პროექტების ხელშეწყობას, სხვადასხვა სახელოვნებო მიმართულების განვითარებას, როგორიცაა: თეატრი, სახვითი ხელოვნება, სამუსიკო სფერო თუ ლიტერატურა, მიმდინარე კულტურულ-საგანმანათლებლო პროცესებში სხვადასხვა თაობის ხელოვანების ჩართულობა და სხვა.

 პროგრამის/ქვეპროგრამის მიზანი :

 კულტურულ ცხოვრებაში ფართო საზოგადოების ჩართვას; ბოლნისის მუნიციპალიტეტმა შექმნას თანაბარი პირობები რეგიონებში მცხოვრები ბავშვებისა და ახალგაზრდების შემოქმედებითი და კულტურული განვითარებისათვის, წაახალისოს, მოახდინოს მათი სტიმულირება და ხელშეწყობა, რათა მათ მიეცეთ საშუალება გამოავლინონ საკუთარი ნიჭი და შესაძლებლობები.

პროგრამის/ქვეპროგრამის დაფინანსების ოდენობა: 45.0 ათასი ლარი

3.4. ეპარქიის დაფინანსება (პროგრამული კოდი 03 04)

პროგრამის/ქვეპროგრამის აღწერა:

პროგრამის ფარგლებში განხორციელდება ბოლნისის ეპარქიის ფინანსური მხარდაჭერა, ახალი ტაძრების მშენებლობაში, ისტორიული ეკლესია-მონასტრების აღდგენაში და მათ შემდგომ აღორძინებაში.

 პროგრამის/ქვეპროგრამის მიზანი :

 მუნიციპალიტეტის ტერიტორიაზე არსებული ეკლესია-მონასტრების ფინანსური მხარდაჭერა, ასევე ზოგიერთ ტაძარსა და მის მიმდებარე ტერიტორიაზე მცირე სარეაბილიტაციო სამუშაოები.

პროგრამის/ქვეპროგრამის დაფინანსების ოდენობა: 300.0 ათასი ლარი.

 3.5. საგამომცემლო საქმიანობა (პროგრამული კოდი 03 05)

 პროგრამის/ქვეპროგრამის აღწერა:

 პროგრამა ითვალისწინებს შპს „გაზეთი ბოლნისი“-ს დაფინანსებას ფუნქციონირებისათვის , რომელიც ახორციელებს, ახალი ამბების და კულტურული და სპორტული ღონისძიებების გაშუქების.

პროგრამის/ქვეპროგრამის მიზანი :

პროგრამის მიზანია მოსახლეობის ინფორმირებულობა.

 პროგრამის/ქვეპროგრამის დაფინანსების ოდენობა: 90.0 ათასი ლარი

 3.6. განცხადება, რეკლამა და საეთერო დრო (პროგრამული კოდი 03 06)

 პროგრამის/ქვეპროგრამის აღწერა:

პროგრამის შესაბამისად, ადგილობრივი თვითმმართველობის საქმიანობის მეტი გამჭირვალობისათვის, საზოგადოების ფართო ფენების ინფორმირების მიზნით დაფინანსდება საინფორმაციო უზრუნველყოფის ხარჯები.

 პროგრამის/ქვეპროგრამის მიზანი :

 პროგრამის მიზანია მოსახლეობის ინფორმირებულობა.

 პროგრამის/ქვეპროგრამის დაფინანსების ოდენობა: 50.0 ათასი ლარი

 3.7. წარჩინებული სპორტსმენების,სტუდენტებისა და მოსწავლეების ფულადი დახმარება (პროგრამული კოდი 03 07)

 პროგრამის/ქვეპროგრამის აღწერა:

პროგრამა ითვალისწინებს, ბოლნისის მუნიციპალიტეტში რეგისტრირებული წარჩინებული სტუდენტები, რომელთა მაღალი აკადემიური მოსწრება დასტურდება საგანმანათლებლო პროგრამის ფარგლებში მიღებული შეფასებების საშუალო არითმეტიკულით ((A)ფრიადი – შეფასების 91-100 ქულა) დაფინანსდებიან ყოველთვიურად 100 (ასი) ლარის ოდენობით, წარჩინებული სტუდენტები, რომელთა მაღალი აკადემიური მოსწრება დასტურდება საგანმანათლებლო პროგრამის ფარგლებში მიღებული შეფასებების საშუალო არითმეტიკულით ((B)ფრიადი – მაქსიმალური შეფასების 81-90 ქულა) დაფინანსდებიან ყოველთვიურად 50 (ორმოცდაათი) ლარის ოდენობით ყოველთვიურად; ასევე, სპორტსმენებს, რომლებიც 2018 წელს გახდნენ ან/და მიმდინარე წელს გახდებია სპორტის სხვადასხვა სახეობებში საქართველოს ჩემპიონები/პრიზიორები,რომლებიც ირიცხებიან საქართველოს ნაკრების წევრებად, სხვადასხვა ასაკობრივ ჯგუფში საქართველოს პრიზიორები და საერთაშორისო ტურნირის გამარჯვებულები/პრიზიორები;ერთჯერადი ფულადი ჯილდო გაიცემა სპორტსმენებზე, რომლებიც 2018 წელს გახდნენ ან/და მიმდინარე წელს გახდებიან ევროპის და მსოფლიოს ჩემპიონები,ასევე მათი უშუალო მწვრთნელები 1000 ლარის ოდენობით; ერთჯერადი ფულადი ჯილდო გაიცემა სპორტსმენებზე, რომლებიც 2018 წელს გახდნენ ან/და მიმდინარე წელს გახდებიან ევროპის და მსოფლიოს პრიზიორები,ასევე მათი უშუალო მწვრთნელები 500 ლარის ოდენობით; ეროვნული ინტელექტ-ჩემპიონატის ,,ეტალონი 2019“-ის ბოლნისის ეტალონ მოსწავლეს მიეცემა სტიპენდია ყოველთვიურად 100 ლარის ოდენობით.

პროგრამის/ქვეპროგრამის მიზანი :

ნიჭიერი ახალგაზრდების აღმოჩენა და მოტივირება, მხარდაჭერა და წახალისება.; ბოლნისის მოსახლეობის ცოდნის დონის ამაღლება.

პროგრამის/ქვეპროგრამის დაფინანსების ოდენობა: 170,0 ათასი ლარი.

 4. განათლება (პროგრამული კოდი 04 00)

 პროგრამის/ქვეპროგრამის აღწერა:

 მომავალი თაობების აღზრდის მიმართულებით დაწყებითი და ზოგადი განათლების გარდა მნიშვნელოვანი როლი ენიჭება ასევე სკოლამდელ განათლებას, რაც თვითმმართველი ერთეულის საკუთარ უფლებამოსილებებს განეკუთვნება და შესაბამისად თვითმმართველობის ერთ-ერთ პრიორიტეტს წარმოადგენს, რომლის ფარგლებში მომდევნო წლებში განხორციელდება საბავშვო ბაღების ფუნქციონირებისათვის საჭირო ხარჯების დაფინანსება, მათი რეაბილიტაცია, ინვენტარით უზრუნველყოფა. ასევე, მუნიციპალიტეტის ტერიტორიაზე მცხოვრები უნარშეზღუდულ ბავშვების საზოგადოებასთან ინტეგრირებას და მათ საგამანათლებლო სარეაბილიტაციო ცენტრში სწავლას.

4.1.სკოლამდელი განათლება (პროგრამული კოდი 04 01)

 პროგრამის/ქვეპროგრამის აღწერა:

სკოლამდელი განათლების განვითარების სისტემის სტრატეგიული მიზანია, სკოლამდელი აღზრდის სისტემა გახდეს სკოლასა და შემდგომ ცხოვრებაში წარმატების მიღწევის ინსტრუმენტი. პროგრამის ფარგლებში მოხდება სკოლამდელი განათლების ხარისხის გაუმჯობესების ხელშეწყობა, ხელმისაწვდომობის უზრუნველყოფა და ხარისხის მართვის ეფექტიანი სისტემის ჩამოყალიბება. ასევე, სკოლამდელი აღზრდის დაწესებულებების ეფექტიანი ფუნქციონირების უზრუნველყოფა, რომელიც გულისხმობს: სკოლამდელი აღზრდის სფეროში მართვის პოლიტიკის განხორციელებას, სტანდარტების შესაბამისი სააღმზრდელო პროგრამა/მეთოდოლოგის დახვეწას, სტანდარტების შესაბამისი კვებით უზრუნველყოფას, აღსაზრდელთა უსაფრთხოების მიზნით ბაგა-ბაღების ინფრასტრუქტურის განვითარებას, საბავშვო ბაგა-ბაღების მაქსიმალურ გამტარუნარიანობას და სხვა.

პროგრამის/ქვეპროგრამის მიზანი:

 პროგრამის მიზანია, სკოლამდელი ასაკის ბავშვების სკოლისთვის მზაობა.

 პროგრამის/ქვეპროგრამის დაფინანსების ოდენობა: 2734.0 ათასი ლარ

4.1.1. ა(ა)იპ  ,,ბოლნისის მუნიციპალიტეტის სკოლანმდელი აღზრდისა და მეთოდური კორდინაციის დაწესებულება" (პროგრამული კოდი 04 01 01)

 პროგრამის/ქვეპროგრამის აღწერა:

 ქვეპროგრამის ფარგლებში დაფინანსდება ააიპ „ბოლნისის მუნიციპალიტეტის სკოლამდელი აღზრდისა და მეთოდური კოორდინაციის დაწესებულება“,რომელიც განახორციელებს მუნიციპალიტეტის ტერიტორიაზე არსებული საბავშვო ბაგა-ბაღების საქმიანობის ორგანიზება, კორდინაცია და მათი საქმიანობისთვის ხელშეწყობა. ფილიალების მატერიალურ-ტექნიკური უზრუნველყოფა.რაციონალური და ჯანსაღი კვების ორგანიზება.სავალდებულო მედიკამენტებითა და პირველადი დახმარების საშუალებებით, აგრეთვე, სხვა აუცილებელი საგნებითუზრუნველყოფა. ბოლნისის მუნიციპალიტეტში ფუნქციონირებს 12 საბავშვო ბაღი, სადაც დაწყებით განათლებას იღებს საშუალოდ 1300 ბავშვი. სკოლანდელი დაწესებულების დაფინანსება ხორციელდება სრულად ადგილობრივი ბიუჯეტიდან. მუნიციპალიტეტი ხელსუწყობს ბაღების მატერიალური ბაზის გაუნჯობესებას, კვებას და დასაქმებულთა სტაბილურ შრომის ანაზღაურებას.

პროგრამის/ქვეპროგრამის მიზანი :

ქვეპროგრამის მიზანია სკოლამდელი ასაკის ბავშვების სკოლისთვის მზაობა.

პროგრამის/ქვეპროგრამის დაფინანსების ოდენობა: 2110.0 ათასი ლარი

4.1.2. საბავშვო ბაღების რეაბილიტაცია (პროგრამული კოდი 04 01 02)

 პროგრამის/ქვეპროგრამის აღწერა:

 ქვეპროგრამის ფარგლებში განხორციელდება ბოლნისის მუნიციპალიტეტის ბალანსზე არსებული საბავშვო ბაღების რეაბილიტაცია/რეკონსტრუქცია და მიმდინარე რემონტი.

 პროგრამის/ქვეპროგრამის მიზანი :

 ქვეპროგრამის მიზანია სკოლამდელი აღზრდის დაწესებულებებში ბავშვის უფლებებსა და ინტერესებზე ორიენტირებული გარემოს შექმნა.

პროგრამის/ქვეპროგრამის დაფინანსების ოდენობა: 624.0 ათასი ლარი.

4.2. უნარშეზღუდული ბავშვების ხელშეწყობა. (პროგრამული კოდი 04 02)

პროგრამის/ქვეპროგრამის აღწერა:

 პროგრამა ითვალისწინებს ააიპ ბოლნისის მუნიციპალიტეტის საგანმანათლებლო, სარეაბილიტაციო ცენტრი „განთიადი“-ს დაფინანსებას, რომელიც უზრუნველყოფს მუნიციპალიტეტის ტერიტორიაზე მცხოვრები უნარშეზღუდულ ბავშვების საზოგადოებასთან ინტეგრირებას და მათ საგამანათლებლო სარეაბილიტაციო ცენტრში სწავლას.

 პროგრამის/ქვეპროგრამის მიზანი :

 განათლების საფუძველზე (სხვადასხვა თემატური ტრენინგ-სემინარების, სახელობო სწავლებების მეშვეობით) ახალგაზრდების ზოგადი განათლების დონის ამაღლება, მათში სახელმწიფოებრივი აზროვნების, ცნობიერების ამაღლება. შშმ პირთა საზოგადოებაში ინკლუზია.

პროგრამის/ქვეპროგრამის დაფინანსების ოდენობა: 130.0 ათასი ლარი.

 5. ჯანმრთელობის დაცვა და სოციალური უზრუნველყოფა (პროგრამული კოდი 05 00)

 მოსახლეობის ჯანმრთელობის დაცვის ხელშეწყობა და მათი სოციალური დაცვა ერთ-ერთ მთავარ პრიორიტეტს წარმოადგენს. თვითმმართველობა არსებული რესურსების ფარგლებში განაგრძობს სოციალურად დაუცველი მოსახლეობის სხვადასხვა დახმარებებითა და შეღავათებით უზრუნველყოფას. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს არა მხოლოდ ქალაქის, არამედ მთელი ქვეყნის მოსახლეობის ჯანმრთელობის დაცვას სხვადასხვა გადამდები და ინფექციური დაავადებებისაგან.

 5.1. ჯანდაცვის პროგრამები.(პროგრამული კოდი 05 01)

 პროგრამის/ქვეპროგრამის აღწერა:

 პროგრამა ითვალისწინებს მუნიციპალიტეტის ტერიტორიაზე მცხოვრები მოსახლეობის სხვადასხვა ფენებისათვის ჯანმრთელობის დაცვის უზრუნველყოფას. სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული საზოგადოებრივი ჯანდაცვის მომსახურების ხარჯების ანაზღაურებას, მძიმე დაავადების მქონე პირების მედიკამენტებითა და სამედიცინო დანიშნულების საგნებით დახმარებას, დაავადებული გადახდისუუნარო პირებისათვის სამედიცინო მომსახურების ხარჯების ანაზღაურებაში დახმარებას.

 პროგრამის/ქვეპროგრამის მიზანი:

 პროგრამის მიზანია, მოსახლეობის მიზნობრივი ჯგუფებისათვის შექმნას ფინანსური გარანტიები სამედიცინო მომსახურების ხელმისაწვდომობისათვის და უზრუნველყოს საზოგადოებრივი ჯანდაცვის წინაშე მდგარი ამოცანების შესრულება.

პროგრამის/ქვეპროგრამის დაფინანსების ოდენობა: 200.0 ათასი ლარი

 5.1.2. საზოგადოებრივი ჯანმრთელობის დაცვა (პროგრამული კოდი 05 01 01)

 პროგრამის/ქვეპროგრამის აღწერა:

 ქვეპროგრამა ითვალისწინებს ა(ა)იპ - „ბოლნისის მუნიციპალიტეტის დავადებათა აღრიცხვის, კონტროლის, საზოგადოებრივი ჯანდაცვისა და პრევენციული მედიცინის ცენტრის“ და შპს დეზ-ეფექტის“ დაფინანსებას, რომლის მიერ განახორციელდება: მუნიციპალიტეტის ტერიტორიაზე ეპიკეთილსაიმედო სიტუაციის შექმნა და შენარჩუნება; ეპიდსიტუაციის გამწვავების დროული გამოვლენის ხელშეწყობა და მათზე სწრაფი რეაგირება; მუნიციპალიტეტის მოსახლეობაში არაგადამდებ დავადებათა პრევენციის და ჯანმრთელობაზე მავნე ფაქტორების ზემოქმედებაზე მოსახლეობის ინფორმირების გზით ჯანმრთელობის დაცვის ხელშეწყობა; სადერატიზაციო, სადეზინსექციო და სადეზინფექციო სამუშაოების ჩატარება, ორგანიზაციებში, სკვერებში, ნაგვის შემკრებ ბუნკერებში; მუნიციპალიტეტის საგანმანათლებლო, სააღმზრდელო და საგანმანათლებლო-სამღზრდელო დაწესებულებებში სანიტარული და ჰიგიენური ნორმების დაცვის ზედამხედველობის გზით ეპიდკეთილსაიმედო სიტუაციის შექმნა.

 პროგრამის/ქვეპროგრამის მიზანი:

 პროგრამის მიზანია დაავადებათა ადრეული გამოვლენა და გავრცელების შეზღუდვა. ქვეყნის მოსახლეობის დაცვა ვაქცინაციით მართვადი ინფექციებისაგან, მოსახლეობის უზრუნველყოფა ანტირაბიული ვაქცინითა და იმუნოგლობულინით, ასევე, სპეციფიკური შრატებისა და ვაქცინების სტრატეგიული მარაგის შექმნა. მუნიციპალიტეტში გადამდები და არაგადამდები დაავადებების არსებული ეპიდემიური სიტუაციის კონტროლი, გადამდებ და არაგადამდებ დაავადებათა გამოვლენის, ადეკვატური რეაგირებისა და პრევენციის უზრუნველყოფა ეპიდზედამხედველობისა და ლაბორატორიულ სამსახურებზე დაფუძნებული სისტემის მუშაობის გზით. დასაქმებული მოსახლეობის ჯანმრთელობის დაცვა პროფესიული და პროფესიით განპირობებული დაავადებების პრევენციის გზით და უსაფრთხო სამუშაო გარემოს ხელშეწყობა.

პროგრამის/ქვეპროგრამის დაფინანსების ოდენობა: 200.0 ათასი ლარი

 5.2 . სოციალური პროგრამები (პროგრამული კოდი 05 02)

 პროგრამის/ქვეპროგრამის აღწერა:

 პროგრამა ითვალისწინებს მუნიციპალიტეტის ტერიტორიაზე მცხოვრები მოსახლეობის სხვადასხვა ფენებისათვის გარკვეული შეღავათებითა და სოციალური დახმარებებით უზრუნველყოფას. სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული სარიტუალო მომსახურების ხარჯების ანაზღაურებას, მოხუცებულთა, მიუსაფართა და სოციალურად დაუცველთა კვებით და საცხოვრებელი ფართით უზრუნველყოფას, სტუდენტთა და სპორცმენთა სოციალურ დახმარებას, იძულებულ გადაადგილებულ პირთა სოციალურ დახმარებას და სხვა სოციალურ ღონისძიებებს, რომლებიც მთლიანობაში უზრუნველყოფენ მუნიციპალიტეტის მოსახლეობის სოციალური მდგომარეობის გაუმჯობესებას.

პროგრამის/ქვეპროგრამის მიზანი:

 პროგრამის მიზანია, მოსახლეობის მიზნობრივი ჯგუფებისათვის შექმნას ფინანსური გარანტიები სამედიცინო მომსახურების ხელმისაწვდომობისათვის და უზრუნველყოს საზოგადოებრივი ჯანდაცვის წინაშე მდგარი ამოცანების შესრულება. ცხოვრების ხარისხის გაუმჯობესება.

პროგრამის/ქვეპროგრამის დაფინანსების ოდენობა: 3330.5 ათასი ლარი.

 5.2.1. ავადმყოფთა მედიკამენტებით უზრუნველყოფა (პროგრამული კოდი 05 02 01)

 პროგრამის/ქვეპროგრამის აღწერა:

 ბოლნისის მუნიციპალიტეტის ტერიტორიაზე მცხოვრები ქრონიკული დაავადებების მქონე მოსახლეობის უფასო მედიკამენტებით უზრუნველყოფა. დასაფინანსებელ ბენეფიციართა კონტიგენტია:

ა) ეპილეფსიით დაავადებული მოქალაქეები;

ბ) ბრონქიალური ასთმით დაავადებული მოქალაქეები;

გ) ონკოლოგიური დაავადებების მქონე მოქალაქეები;

დ) პარკინსონით დაავადებული მოქალაქეები

პროგრამის/ქვეპროგრამის მიზანი :

ზემოაღნიშნული შესაძლო გართულებების პრევენცია და სპეციფიკური მედიკამენტებით უზრუნველყოფა.

პროგრამის/ქვეპროგრამის დაფინანსების ოდენობა: 143.0 ათასი ლარი

5.2.2. შშმ დახმარებები (პროგრამული კოდი 05 02 02)

პროგრამის/ქვეპროგრამის აღწერა:

 ბოლნისის მუნიციპალიტეტის ტერიტორიაზე მცხოვრები შეზღუდული შესაძლებლობების მქონე ბავშვების, უსინათლო შშმ პირებისდა დიალიზით მოსარგებლე მოქალაქეების ყოველთვიური მატერიალური (ფულადი) დახმარებით უზრუნველყოფა. აღნიშნული ბენეფიციარების სახცოვრებელი პირობებისა და სოციალურ-ეკონომიკური მდგომარეობის გაუმჯობესება.

ყოველთვიური მატერიალური დახმარება გაეწევათ შემდეგ ბენეფიციარებს:

ა) მხედველობის მკვეთრად და მნიშვნელოვნად გამოხატულ შეზღუდული შესაძლებლობების მქონე პირებს – 100 (ასი) ლარის ოდენობით;

ბ) 18-წლამდე შეზღუდული შესაძლებლობის მქონე პირებს – 150 (ას ორმოცდაათი) ლარის ოდენობით;

გ) დიალიზის სახელმწიფო პროგრამით მოსარგებლე მოქალაქეებს – 50 (ორმოცდაათი) ლარის ოდენობით;

დ) ყრუ-მუნჯებს – 50 (ორმოცდაათი) ლარის ოდენობით.

 პროგრამის/ქვეპროგრამის მიზანი :

 პროგრამის მიზანია თირკმლის ტერმინალური უკმარისობით დაავადებულთა ჯანმრთელობის მდგომარეობის შენარჩუნება და გაუმჯობესება.შშმ პირთა საზოგადოებაში ინკლუზია;

პროგრამის/ქვეპროგრამის დაფინანსების ოდენობა: 200.0 ათასი ლარი

5.2.3 ა(ა)იპ  ,,ბოლნისის მუნიციპალიტეტის სათნოების სახლი“ (პროგრამული კოდი 05 02 03)

 პროგრამის/ქვეპროგრამის აღწერა:

 ქვეპროგრამის ფარგლებში გათვალისწინებულია უმწეო მდგომარეობაში მყოფი მოხუცების თავშესაფრით, კვებითა და სამედიცინო მომსახურებით უზრუნველყოფა. ასევე გათვალისწინებულია სოციალურად დაუცველი მოსახლეობისა და სხვა უმწეო მდგომარეობაში მყოფი 383-მდე ბენეფიციარის ყოველდღიურად კვებით უზრუნველყოფა. შინმოვლის პაციენტების და მათი ახლობლებების ცხოვრების ხარისხის გაუმჯობესება კვალიფიციური შინმოვლის მომსახურების მიწოდებით. შინმოვლა გულისხმობს პაციენტის ჯანმრთელობაზე ზრუნვას (პრევენცია,დიაგნოსტიკა, მკურნალობა, მონიტორინგი) მათი დამოუკიდებლობის და დაკარგული უნარ-ჩვევების შენარჩუნება/აღდგენას, რესურსების და უნარების გამოვლენას და ფსიქო-სოციალურ დახმარებას.

პროგრამის/ქვეპროგრამის მიზანი :

 უსახლკაროების აღმოფხვრა და სოციალურად დაუცველი მოქალაქეების კვებით უზრუნველყოფა, ცხოვრების პირობების გაუმჯობესების მიზნით.

 პროგრამის/ქვეპროგრამის დაფინანსების ოდენობა: 405.0 ათასი ლარი.

5.2.4. სოციალურად დაუცველი ერთ წლამდე ბავშვების ყოველთვიურად კვებით უზრუნველყოფა (პროგრამული კოდი 05 02 04)

 პროგრამის/ქვეპროგრამის აღწერა:

 ბოლნისის მუნიციპალიტეტის ტერიტორიაზე მცხოვრები სოციალურად დაუცველი ბავშვების ყოველთვიურად კვებით უზრუნველყოფა და სასიცოცხლო პარამეტრების შენარჩუნება. სოციალურად დაუცველ ოჯახებს (რომელთა სარეიტინგო ქულა არ აღემატება 100 000-ს და რომელსაც არ აფინანსებს სახელმწიფო პროგრამა), 1 წლამდე მცირეწლოვანი ბავშვების კვებით უზრუნველსაყოფად, დახმარება გაეწევათ თვეში 80 (ოთხმოცი) ლარის ოდენობით.

პროგრამის/ქვეპროგრამის მიზანი :

სოციალურად დაუცველ ოჯახებში ერთ წლამდე ბავშვების ცხოვრების ხარისხის გაუმჯობესება.

 პროგრამის/ქვეპროგრამის დაფინანსების ოდენობა: 40.0 ათასი ლარი.

5.2.5. არასრულწლოვნების ლოგოპედის მომსახურებით უზრუნველყოფა (პროგრამული კოდი 05 02 05)

 პროგრამის/ქვეპროგრამის აღწერა:

 ბოლნისის მუნიციპალიტეტის ტერიტორიაზე მცხოვრები დაუნის სინდრომით, აუტიზმით, ცერებრალური დამბლით დაავადებული და სმენადაქვეითებული (მეოთხე ხარისხის სმენაჩლუნგობა) ბავშვების ლოგოპედის მომსახურებით უზრუნველყოფა. აღნიშნული ბენეფიციარებისათვის მეტყველების შესწავლა და გაუმჯობესება.ლოგოპედის მომსახურების საფასური 1000 (ერთი ათასი) ლარის ოდენობით ბოლნისის მუნიციპალიტეტის ბიუჯეტიდან აუნაზღაურდებათ შემდეგი კატეგორიის 18 წლამდე არასწრულწლოვნებს: ა) შეზღუდული შესაძლებლობის მქონე ბავშვებს; ბ) ობოლ არასრულწლოვნებს; გ) დაუნის სინდრომით, აუტიზმით, ცერებრალური დამბლით დაავადებულ და სმენადაქვეითებულ (მეოთხე ხარისხის სმენაჩლუნგობა) ბავშვებს.

 პროგრამის/ქვეპროგრამის მიზანი :

 პროგრამის მიზანია გონებრივი განვითარების შეფერხების მქონე ბავშვების ადრეული განვითარების დარღვევების იდენტიფიცირება ბავშვის სოციალური, მოტორული, შემეცნებითი, კომუნიკაციური და თვითმოვლითი უნარების განვითარებასთან.

პროგრამის/ქვეპროგრამის დაფინანსების ოდენობა: 30.0 ათასი ლარი.

5.2.6. რეინტეგრირებული ბავშვების ყოველთვიური (ფულადი) დახმარებები (პროგრამული კოდი 05 02 06)

 პროგრამის/ქვეპროგრამის აღწერა:

 ბოლნისის მუნიციპალიტეტის ტერიტორიაზე მცხოვრები რეინტეგრირებული ბავშვების ყოველთვიური მატერიალური (ფულადი) დახმარებით უზრუნველყოფა. აღნიშნული ბენეფიციარების სოციალურ-ეკონომიური მდგომარეობის გაუმჯობესება. ოჯახში რეინტეგრირებულ თითოეულ ბავშვს – 100 (ასი) ლარის ოდენობით ყოველთვიური მატერიალური დახმარება გაეწევათ ;

 პროგრამის/ქვეპროგრამის მიზანი :

 მზრუნველობამოკლებული ბავშვების მიმღებ ოჯახებში განთავსების გზით ოჯახურ გარემოში აღზრდის უზრუნველყოფის ხელშეწყობა.

პროგრამის/ქვეპროგრამის დაფინანსების ოდენობა: 12.0 ათასი ლარი

5.2.7. სოციალურად დაუცველი ოჯახების საშეშე მერქნით უზრუნველყოფა (პროგრამული კოდი 05 02 07)

 პროგრამის/ქვეპროგრამის აღწერა:

 ბოლნისის მუნიციპალიტეტის ტერიტორიაზე მცხოვრები სოციალურად დაუცველი ოჯახების სადაც არის შშმ პირი, სოციალურად დაუცველი მარტოხელა პენსიონერების, სოციალურად დაუცველი მრავალშვილიანი ოჟახების ფულადი ფორმით უზრუნველყოფა.

 გათბობის სეზონის დასაწყისში ერთჯერადი ფულადი დახმარება 250 (ორას ორმოცდაათი) ლარის ოდენობით გაეწევათ ბოლნისის მუნიციპალიტეტის ტერიტორიაზე რეგისტრირებულ შემდეგი კატეგორიის ოჯახებს:

ა) სოციალურად დაუცველი (65000-მდე სარეიტინგო ქულა) მარტოხელა პენსიონერების ოჯახები;

ბ) სოციალურად დაუცველი (65000-მდე სარეიტინგო ქულა) შშმ პირების ოჯახები;

გ) ღატაკი მრავალშვილიანი (სამი და მეტი არასრულწლოვანი) ოჯახები.

პროგრამის/ქვეპროგრამის მიზანი :

პროგრამის მიზანია ბოლნისის მუნიციპალიტეტზე მცხოვრებთა ცხოვრების ხარისხის გაუმჯობესება.

პროგრამის/ქვეპროგრამის დაფინანსების ოდენობა: 100.0 ათასი ლარი.

5.2.8. სამედიცინო უზრუნველყოფის პროგრამა (პროგრამული კოდი 05 02 08)

 პროგრამის/ქვეპროგრამის აღწერა:

 ქვეპროგრამის ფარგლებში გათვალისწინებულია მუნიციპალიტეტში მცხოვრები ონკოლოგიური ავადმყოფობის სამედიცინო დახმარება სტაციონარული და ამბულატორიული მკურნალობისათვის, მაგრამ არაუმეტეს 1000 ლარისა; დიაგნოსტიკური კვლევებისათვის – არაუმეტეს 500 (ხუთასი) ლარისა; მედიკამენტური მკურნალობისათვის ერთჯერადად დახმარება, არაუმეტეს 200 ლარისა, გაეწევათ შემდეგი დაავადებების მქონე სიღარიბის ზღვარს მიღმა მყოფ მოქალაქეებს, რომელთა სარეიტინგო ქულა არ აღემატება 150 000-ს: ა) შაქრიანი დიაბეტის და სხვა ქრონიკული დაავადებების მქონე ბენეფიციარებს.ბ) გულ-სისხლძარღვთა დაავადებების მქონე ბენეფიციარებს; გ) პოსტოპერაციული მკურნალობის საჭიროების მქონე ბენეფიციარებს; დ) მწვავე ანთებითი პროცესებით მიმდინარე დაავადებების მქონე ბენეფიციარებს. ექიმის დანიშნულების საფუძველზე, ფსორიაზით დაავადებული სოციალურად დაუცველი პირების (რომელთა სარეიტინგო ქულა არ აღემატება 100 000-ს, მათ შორის 65 000-დან 100 000 -მდე ქულა ვისაც მინიჭებული აქვს 2017-2018წლებში) და იძულებით გადაადგილებული პირების მედიკამენტური მკურნალობით უზრუნველყოფა მოხდება ერთჯერადად, არაუმეტეს 700 (შვიდასი) ლარის ოდენობით. ლეიშმანიოზისა და ლეიშმანიოზის თანმხლები სხვა ინფექციური დაავადებების მქონე ბენეფიციარს სტაციონარული, ამბულატორიული ან/და დიაგნოსტიკური მკურნალობისათვის კალენდარული წლის განმავლობაში დახმარება გაეწვა ერთჯერადად 600 (ექვსასი) ლარის ოდენობით. მკვეთრად და მნიშვნელოვნად გამოხატულ შშმ პირებსა და შშმ ბავშვებს სტაციონარში მოთავსების შემთხვევაში დახმარება გაეწევათ ერთჯერადად: ა) სტაციონარული და ამბულატორიული მომსახურებისათვის არაუმეტეს 1000 (ერთი ათასი) ლარისა; ბ) დიაგნოსტიკური კვლევებისათვის – არაუმეტეს 500 ლარისა. 18-წლამდე შშმ ბავშვებს, ფიზიოთერაპიისა და სარეაბილიტაციო მკურნალობის დაფინანსების მიზნით, დახმარება გაეწევათ არაუმეტეს 1000 (ერთი ათასი) ლარისა. დედ-მამით ობოლ არასრულწლოვან ბენეფიციარს დახმარება გაეწევა ერთჯერადად: ა) სტაციონარული მკურნალობისათვის – არაუმეტეს 1000 (ერთი ათასი) ლარისა; ბ) დიაგნოსტიკური კვლევებისათვის – არაუმეტეს 500 (ხუთასი) ლარისა. ომისა და სამხედრო ძალების ვეტერანებს გაეწევათ შემდეგი სახის სამედიცინო დახმარება: ა) სტაციონალური და ამბულატორიული მკურნალობისათვის არაუმეტეს 1000 (ერთი ათასი) ლარისა; ბ)დიაგნოსტიკური კვლევებისათვის – არაუმეტეს 500 (ხუთასი) ლარისა. მუნიციპალიტეტის ბიუჯეტიდან ერთჯერადად ანაზღაურდება: ა) იძულებით გადაადგილებულ პირთა სამედიცინო (სტაციონალური და ამბულატორიული) მომსახურება – წარმოდგენილი თანხობრივი ოდენობის 70%-ის ოდენობით, მაგრამ არაუმეტეს 1000 (ერთი ათასი) ლარისა; ბ) დიაგნოსტიკური კვლევებისათვის არა უმეტეს – 500 (ხუთასი) ლარისა. ფარისებრი ჯირკვლისა და ვირუსული ჰეპატიტით დაავადებულ მოქალაქეებს სამედიცინო (სტაციონარული, ამბულატორიული მკურნალობები და დიაგნოსტიკური გამოკვლევები) დახმარება გაეწევათ კალენდარული წლის განმავლობაში 1000 (ერთი ათასი) ლარამდე. ფენილკეტონურიით დაავადებული ბავშვების დახმარება მოხდება უნაღდო ანგარიშსწორებით, წელიწადში არაუმეტეს 3000 (სამი ათასი) ლარისა თითოეულ დაავადებულზე.

 პროგრამის/ქვეპროგრამის მიზანი :

 ჯანმრთელობის მდგომარეობის გაუმჯობესება ფინანსური ხელმისაწვდომობის გაზრდის გზით. ცხოვრების ხარისხის გაუმჯობესება.

პროგრამის/ქვეპროგრამის დაფინანსების ოდენობა: 700.0 ათასი ლარი.

5.2.9. ბინის ქირით უზრუნველყოფა (უსახლკაროების დახმარება) (პროგრამული კოდი 05 02 09)

 პროგრამის/ქვეპროგრამის აღწერა:

 ქვეპროგრამის ფარგლებში განხორციელდება ბოლნისის მუნიციპალიტეტში მცხოვრები სოციალურ ზღვარს ქვევით მყოფი უსახლკარო ოჯახების ბინით უზრუნველყოფის საფასური. ბინის ქირა აუნაზღაურდებათ სოციალურად დაუცველ უსახლკარო – მუდმივი, განსაზღვრული საცხოვრებელი ადგილის არმქონე ოჯახებს (თითოეულ ოჯახს ყოველთვიურად, არაუმეტეს ასი ლარი), რომელთა სარეიტინგო ქულა არ აღემატება 100 000-ს და აღნიშნული ქულა მიენიჭათ 2018-2019 წწ. პერიოდში.

პროგრამის/ქვეპროგრამის მიზანი :

პროგრამის მიზანია ბოლნისის მუნიციპალიტეტზე მცხოვრებთა ცხოვრების ხარისხის გაუმჯობესება.

პროგრამის/ქვეპროგრამის დაფინანსების ოდენობა: 22.0 ათასი ლარი

5.2.10. სოციალურ საცხოვრისებში მცხოვრები ოჯახებისათვის კომუნალური გადასახადებით უზრუნველყოფა (პროგრამული კოდი 05 02 10)

 პროგრამის/ქვეპროგრამის აღწერა:

 მუნიციპალიტეტის ბიუჯეტიდან ანაზღაურდება ქ. ბოლნისში, აღმაშენებლის ქ. უ/ნ -ში და დაბა კაზრეთში მდებარე სოციალურ საცხოვრისში მცხოვრები ბენეფიციარების კომუნალური ხარჯები (თითოეულ ოჯახზე: ელ. ენერგია თვეში 250 კვ/სთ – ინდივიდუალური მრიცხველის ჩვენების მიხედვით; ბუნებრივი აირი – გათბობის სეზონზე თვეში 250 მ³, ხოლო –ზაფხულის სეზონზე თვეში 50 მ³, ინდივიდუალური მრიცხველის ჩვენების მიხედვით). მუნიციპალიტეტის ბიუჯეტიდან ანაზღაურდება ქ. ბოლნისში, სიონის ჩიხი №1-ში (ყოფილი სოფ.ქიმიის შენობაში) მდებარე სოციალურ საცხოვრისში მცხოვრები ბენეფიციარი ოჯახების კომუნალური ხარჯები (თითოეულ ოჯახზე: ელ. ენერგია თვეში 1000კვ-სთ, საერთო მრიცხველის ჩვენების მიხედვით; ელ. ენერგია თვეში 250 კვ/სთ – ინდივიდუალური მრიცხველის ჩვენების მიხედვით; ბუნებრივი აირი – გათბობის სეზონზე თვეში 250 მ3, ხოლო – ზაფხულის სეზონზე თვეში 50 მ³, ინდივიდუალური მრიცხველის ჩვენების მიხედვით).

პროგრამის/ქვეპროგრამის მიზანი:

 ჯანმრთელობის მდგომარეობის გაუმჯობესება ფინანსური ხელმისაწვდომობის გაზრდის გზით. ცხოვრების ხარისხის გაუმჯობესება.

პროგრამის/ქვეპროგრამის დაფინანსების ოდენობა: 45.0 ათასი ლარი

5.2.11. სტუდენტთა დახმარება (პროგრამული კოდი 05 02 11)

 პროგრამის/ქვეპროგრამის აღწერა:

 ქვეპროგრამა ითვალისწინებს ბოლნისის მუნიციპალიტეტში მცხოვრები სტუდენტების წახალისებას და ფულადი ფორმით დახმარებას. ყოველთვიური ფულადი დახმარება 50 (ორმოცდაათი) ლარის ოდენობით გაეწევათ (2019 წლის 1 თებერვლიდან 1 აგვისტომდე და 1 სექტემბრიდან 31 დეკემბრამდე) შემდეგი კატეგორიის სტუდენტებს, რომლებიც სწავლობენ სახელმწიფო აკრედიტებულ უმაღლეს საგანმანათლებლო დაწესებულებაში: ა) ობოლ და მარჩენალდაკარგული ოჯახებიდან სტუდენტებს, რომლებიც სწავლობენ სახელმწიფო აკრედიტებულ უმაღლეს სასწავლებლებში; ბ) სტუდენტებს, იძულებით გადაადგილებული ოჯახებიდან, რომლებიც სწავლობენ სახელმწიფო აკრეტიდებულ უმაღლეს სასწავლებლებში; გ) სტუდენტებს, სოციალურად დაუცველი (სარეიტინგო ქულა 100 000-მდე) ოჯახებიდან, რომლებიც სწავლობენ სახელმწიფო უმაღლეს სასწავლებლებში; დ) სტუდენტებს მრავალშვილიანი ოჯახებიდან (სამი ან მეტი შვილი), რომლებიც სწავლობენ სახელმწიფო აკრედიტებულ უმაღლეს სასწავლებლებში; ე) სტუდენტებს იმ ოჯახებიდან, რომელ ოჯახშიც არის ორი ან მეტი სტუდენტი. სამი ან მეტი კატეგორიის მქონე სტუდენტები დაფინანსდებიან ყოველთვიურად 70 (სამოცდაათი) ლარის ოდენობით.

 პროგრამის/ქვეპროგრამის მიზანი :

 სტუდენტების მდგომარეობისა და ცხოვრების ხარისხის გაუმჯობესება ფინანსური ხელმისაწვდომობის გაზრდის გზით.

პროგრამის/ქვეპროგრამის დაფინანსების ოდენობა: 100.0 ათასი ლარი.

5.2.12. მუნიციპალური ტრანსპორტით მგზავრობის შეღავათი (პროგრამული კოდი 05 02 12)

 პროგრამის/ქვეპროგრამის აღწერა:

 ქვეპროგრამის ფარგლებში გათვალისწინებულია შპს „ბოლნისის მუნიციპალიტეტის ტრანსპორტის სამსახურის“ დაფინანსება შიდა მუნიციპალური ტრანსპორტით მუნიციპალიტეტის მოსახლეობის შეღავათიანი ტარიფით მგზავრობას.

პროგრამის/ქვეპროგრამის მიზანი :

 ბოლნისის მუნიციპალიტეტში მცხოვრებთა ცხოვრების ხარისხის გაუმჯობესება ფინანსური ხელმისაწვდომობის გაზრდის გზით.

პროგრამის/ქვეპროგრამის დაფინანსების ოდენობა: 420.0 ათასი ლარი.

5.2.13. ომის ვეტერანთა და მათან გათანაბრებულ პირთა დახმარება (პროგრამული კოდი 05 02 013)

 პროგრამის/ქვეპროგრამის აღწერა:

საქართველოს თავისუფლებისა და ტერიტორიული მთლიანობისათვის მებრძოლთა (ვეტერანთა) ოჯახების სოციალური დახმარება სოხუმის დაცემის დღეს -27 სექტემბრისათვის ერთჯერადად 500 ლარის ოდენობით,8 აგვისტოსთვის -აგვისტოს საომარი მოქმედებების დროს დაღუპულთა ოჯახები 500 (ხუთასი) ლარის ოდენობით,9 მაისს ფაშიზმზე გამარჯვების აღსანიშნავად მეორე მსოფლიო ომის უშუალო მონაწილეებს გაეწევათ ერთჯერადი მატერიალური დახმარება 100 (ასი) ლარის ოდენობით.

 პროგრამის/ქვეპროგრამის მიზანი:

 ომის ვეტერანთა მდგომარეობისა და ცხოვრების ხარისხის გაუმჯობესება ფინანსური ხელმისაწვდომობის გაზრდის გზით.

პროგრამის/ქვეპროგრამის დაფინანსების ოდენობა: 40.0 ათასი ლარი

5.2.14. დახმარებები და ერთჯერადი განაცემები (პროგრამული კოდი 05 02 14)

 პროგრამის/ქვეპროგრამის აღწერა:

 ქვეპროგრამის ფარგლებში ერთჯერად (ფულად) დახმარებას მიიღებენ შემდეგი კატეგორიის სოციალურად დაუცველი ოჯახები, რომლებიც განიცდიან უკიდურეს ეკონომიურ გასაჭირს:ერთჯერად მატერიალურ (ფულად) დახმარებას მიიღებენ შემდეგი კატეგორიის სოციალურად დაუცველი ოჯახები: ა) მარტოხელა პენსიონერები, რომელთა სარეიტინგო ქულა არ აღემატება 65000-ს; ბ) მრავალშვილიანი (სამი ან მეტი არასრულწლოვანი შვილი) ოჯახები, რომელთა სარეიტინგო ქულა არ აღემატება 65000-ს; გ) სოციალურად დაუცველი ობოლი არასრულწლოვანი, რომლის სარეიტინგო ქულა არ აღემატება 65000-ს. მოქალაქეებს, რომელთაც განცხადებით მომართვის მომენტში არ აქვთ მინიჭებული სოციალურად დაუცველის სტატუსი და ვერ სარგებლობენ დადგენილებით განსაზღვრული შეღავათებით, შესაბამის ტერიტორიულ ერთეულში მერის წარმომადგენლისა და ბოლნისის მუნიციპალიტეტის მერიის ჯანმრთელობისა და სოციალური დაცვის სამსახურის წარმომადგენლების ადგილზე შესწავლის აქტის საფუძველზე, გაეწევათ ერთჯერადი მატერიალური დახმარება არაუმეტეს 300 (სამასი) ლარისა. სიღარიბის ზღვარს მიღმა მყოფი მოქალაქეებისათვის, რომელთა სარეიტინგო ქულა არ აღემატება 100 000-ს (მათ შორის მოქალაქეები, რომელთაც 65000-დან 100 000-მდე სარეიტინგო ქულა მიენიჭათ 2018-2019წწ. პერიოდში), ერთჯერადი სოციალური (ფულადი) დახმარების ოდენობა განისაზღვრება 300 (ორასი) ლარამდე.

პროგრამის/ქვეპროგრამის მიზანი :

 ბოლნისის მუნიციპალიტეტში მცხოვრებთა ცხოვრების ხარისხის გაუმჯობესება ფინანსური ხელმისაწვდომობის გაზრდის გზით.

პროგრამის/ქვეპროგრამის დაფინანსების ოდენობა: 450.0 ათასი ლარი

5.2.15. კანონით გათვალისწინებული სარიტუალო მომსახურება (პროგრამული კოდი 05 02 15)

 პროგრამის/ქვეპროგრამის აღწერა:

 მუნიციპალიტეტის ადგილობრივი ბიუჯეტიდან ანაზღაურდება შემდეგი ბენეფიციარების დაკრძალვის სარიტუალო მომსახურების ხარჯი: ა) მეორე მსოფლიო ომის ვეტერანების (კოდი 100, 111, 112, 113); ბ) საქართველოს ტერიტორიული მთლიანობის, თავისუფლებისა და დამოუკიდებლობისათვის საბრძოლო მოქმედების ვეტერანების (კოდი 300, 312, 313, 800); გ) სხვა სახელმწიფოთა ტერიტორიაზე საბრძოლო მოქმედების ვეტერანების (კოდი 200); დ) იძულებით გადაადგილებული პირების; ე) მემკვიდრის გარეშე დარჩენილი მარტოხელა მოქალაქეების.

პროგრამის/ქვეპროგრამის მიზანი:

 ბოლნისის მუნიციპალიტეტში მცხოვრებთა ცხოვრების ხარისხის გაუმჯობესება ფინანსური ხელმისაწვდომობის გაზრდის გზით.

პროგრამის/ქვეპროგრამის დაფინანსების ოდენობა: 5.0 ათასი ლარი

5.2.16. სტიქიის შედეგად მიყენებული ზიანის ანაზღაურება (პროგრამული კოდი 05 02 16)

 პროგრამის/ქვეპროგრამის აღწერა:

 ქვეპროგრამის ფარგლებში სტიქიის, ხანძრის, სხვა უბედური და ფორსმაჟორული შემთხვევების შედეგად საცხოვრებელი სახლის დაზიანებისას მიყენებული ზიანის აღსადგენად, დაზარალებულ ოჯახებს ერთჯერადი მატერიალური დახმარება გაეწევათ ზარალის ოდენობის შესაბამისად. 2018-2019 წლებში სტიქიის, ხანძრის, სხვა უბედური და ფორსმაჟორული შემთხვევების შედეგად საცხოვრებელი სახლის დაზიანებისას მიყენებული ზიანის აღსადგენად, დაზარელებულ ოჯახებს ერთჯერადი მატერიალური დახმარება გაეწევათ ზარალის ოდენობის შესაბამისად, აღნიშნული საკითხების შემსწავლელი სამუშაო ჯგუფის დასკვნის და მუნიციპალიტეტის მერის ბრძანების საფუძველზე. დაზარალებულ ოჯახებს დახმარება გაეწევათ მიყენებული ზიანის 70%-ის ოდენობით, მაგრამ არაუმეტეს 10 000 (ათი ათასი) ლარისა. დაზიანებული (ან დაუსრულებელი) საცხოვრებელი სახლების აღდგენა (დასრულება) მოხდება (მინიმალური საცხოვრებელი პირობების შექმნა) შემდეგი კატეგორიის ოჯახებისათვის: ა) ბოლნისის მუნიციპალიტეტის ტერიტორიაზე მცხოვრებ იძულებით გადაადგილებულ პირთა დევნილთა ოჯახებისათვის (რომელთა სარეიტინგო ქულა არ აღემატება 100 000-ს); ბ) სტიქიის შედეგად მაღალმთიანი რაიონებიდან ბოლნისის მუნიციპალიტეტის ტერიტორიაზე გადმოსახლებული, სოციალურად დაუცველი ოჯახებისათვის (სარეიტინგო ქულა არ აღემატება 100 000-ს), რომელთა სახლებიც არ არის საცხოვრებლად ვარგისი; გ) სოციალურად დაუცველი მრავალშვილიანი ოჯახებისათვის (რომელთა სარეიტინგო ქულა არ აღემატება 100 000-ს და რომლებსაც 65 000-დან 100 000-მდე ქულა მინიჭებული აქვთ 2018-2019 წლებში), რომელთაც ჰყავთ სამი ან მეტი შვილი და საცხოვრებელი სახლები არ არის საცხოვრისად ვარგისი; დ) სოციალურად დაუცველი მარტოხელა პენსიონერებისათვის (სარეიტინგო ქულა არ აღემატება 100000-ს), რომელთა საცხოვრებელი სახლებიც არ არის საცხოვრებლად ვარგისი; ე) ოჯახებისათვის, რომლებიც იმყოფებიან უკიდურეს ეკონომიკურ გასაჭირში და დახმარების გაცემის მომენტში ვერ ხვდებიან ამ მუხლით გათვალისწინებულ კატეგორიებში.

პროგრამის/ქვეპროგრამის მიზანი :

 ბოლნისის მუნიციპალიტეტში სტიქიის შედეგად დაზარალებულ მოქალაქეების ცხოვრების ხარისხის გაუმჯობესება ფინანსური ხელმისაწვდომობის გაზრდის გზით.

პროგრამის/ქვეპროგრამის დაფინანსების ოდენობა: 565.0 ათასი ლარი.

5.2.17. ხანდაზმულთა დღის სოციალური ცენტრი (პროგრამული კოდი 05 02 17)

პროგრამის/ქვეპროგრამის აღწერა:

 მოწყვლადი ჯგუფების (ხანდაზმულები,იძულებით გადაადგილებული პირები და ეთნილური უმცირესობების წარმომადგენლები) ჯანმრთელობის მდგომარეობის გაუმჯობესება და სოციალური გააქტიურება თემის მობილიზებითა და მათზე ზრუნვის გაძლიერება.

პროგრამის/ქვეპროგრამის მიზანი:

 ბოლნისის მუნიციპალიტეტში მცხოვრებთა ცხოვრების ხარისხის გაუმჯობესება ფინანსური ხელმისაწვდომობის გაზრდის გზით.

პროგრამის/ქვეპროგრამის დაფინანსების ოდენობა: 53,5 ათასი ლარი.